Social worker Umesh Gupta public support : घुग्घुस १३ नोव्हेम्बर (News३४) : राज्यातील नगरपरिषद व नगरपंचायतीच्या निवडणूका जाहीर झाल्यावर राजकीय पक्षांनी मोर्चेबांधणी सुरु केली आहे, सोबतच राखीबं जागेवर उमेदवारांचा शोध राजकीय पक्ष घेत आहे. चंद्रपूर तालुक्यातील घुग्गुस नगरपरिषदेची हि पहिली निवडणूक आहे. घुग्गुस नगरपरिषदेत एकूण ११ प्रभाग असून २२ सदस्य व नगराध्यक्ष अनुसूचित जातीच्या महिलेसाठी राखीव करण्यात आले आहे. घुग्गुस शहरातील प्रभाग क्रमांक ६ मधून प्रस्थापित पक्षासमोर सामाजिक कार्यकर्ते उमेश गुप्ता पूर्ण तयारीनिशी उतरले आहे.
प्रभाग क्रमांक ६ मधून उमेश गुप्ता यांनी आपली उमेदवारी जाहीर केली असून सध्यातरी गुप्ता कोणत्या पक्षाकडून निवडणूक लढणार याबाबत सध्यातरी माहिती नाही.
घुग्घुस शहरात उमेश गुप्ता हे दीर्घकाळापासून एक सक्रिय समाजसेवक आणि जनहितैषी व्यक्ती म्हणून ओळखले जातात. त्यांनी अनेक वर्षांपासून प्रभाग क्रमांक 6 च्या विकास, नागरिकांच्या समस्या आणि प्रशासकीय सुधारणांबाबत सातत्याने आवाज उठवला आहे. काही दिवसांपूर्वीच त्यांनी अनेक वर्षांपासून प्रलंबित असलेला लोखंडी पूल (लोहा पूल) लवकर सुरू करण्याची, अन्यथा तीव्र आंदोलन छेडण्याचा इशारा दिला होता. याच कारणामुळे ते आज सामान्य नागरिकांमध्ये एक विश्वासार्ह आणि प्रामाणिक चेहरा म्हणून ओळखले जातात. Social worker Umesh Gupta public support
स्थानिक स्तरावर होत असलेले राजकीय बदल आणि उमेदवारांमध्ये वाढत असलेल्या चढाओढीमुळे, जनता आता विकास आणि स्वच्छ प्रतिमेच्या नेतृत्वाच्या शोधात आहे, आणि हीच बाब उमेश गुप्ता यांची उमेदवारी अधिक बळकट करत आहे.
शहरातील अनेक सामाजिक संघटना, व्यापारी वर्ग आणि तरुणांनी त्यांच्या समर्थनात आपले मत उघडपणे व्यक्त केले आहे. त्यांचे म्हणणे आहे की, “घुग्घुसला आता अशा नेत्याची गरज आहे जो केवळ आश्वासने देणार नाही, तर स्थानिक स्तरावर काम करून दाखवेल.”
राजकीय विश्लेषकांचे म्हणणे आहे की, सध्याच्या परिस्थितीत नगरसेवक पदाच्या शर्यतीत उमेश गुप्ता यांची स्थिती पूर्वीपेक्षा अधिक मजबूत झाली आहे. त्यांच्याकडे जनतेशी असलेले मजबूत जोडणी, स्वच्छ प्रतिमा आणि विकासाची स्पष्ट दृष्टी आहेत. Social worker Umesh Gupta public support
आगामी निवडणुकांमध्ये जर हेच वातावरण कायम राहिले, तर घुग्घुस नगरसेवक पदासाठी उमेश गुप्ता यांचा दावा खूपच मजबूत ठरू शकतो. आता हे पाहणे महत्त्वाचे आहे की, उमेश गुप्ता यांना कोणत्या पक्षाकडून उमेदवारी मिळते.
ceir portal usage by chandrapur police : चंद्रपूर: चंद्रपूर जिल्ह्यातील ब्रह्मपुरी (Bramhapuri Police Station) आणि घुग्गुस (Ghugus Police Station) पोलिसांनी सायबर तंत्रज्ञानाचा प्रभावी वापर करत, गहाण (Missing) किंवा चोरीला गेलेल्या मोबाईलचा यशस्वी शोध लावून ते मूळ मालकांना परत केले आहेत. या कारवाईमुळे नागरिकांना मोठा दिलासा मिळाला असून, पोलिसांनी CEIR (Central Equipment Identity Register) पोर्टलचा उपयोग करण्यात मोठे यश मिळवले आहे.
ब्रह्मपुरी पोलिसांची मोठी कारवाई
पोलीस स्टेशन ब्रह्मपुरीच्या हद्दीत गहाळ झालेल्या मोबाईलचा शोध घेण्यासाठी विशेष मोहीम राबवण्यात आली. सायबर सेलच्या माध्यमातून CEIR पोर्टलवर तक्रारींचा आधार घेत पोलिसांनी तांत्रिक तपासणी केली. या तपासणीत एकूण २४ मोबाईल हँडसेटचा शोध लागला.
पोलीस निरीक्षक प्रमोद बानवले साहेब यांच्या हस्ते हे सर्व मोबाईल त्यांच्या मूळ मालकांना सन्मानपूर्वक परत करण्यात आले. यामुळे अनेक तक्रारदारांच्या चेहऱ्यावर आनंद झळकला.
या शोध मोहिमेत डीबी (DB) पथकातील सहायक पोलीस निरीक्षक मनोज खडसे, पोलीस हवालदार मुकेश गजबे, पोलीस अंमलदार निलेश तुमसरे, स्वप्नील पळसपगार, चंदू कुरसंगे, इरशाद खान आणि वशिष्ठ रंगारी यांनी मोलाची कामगिरी बजावली. ceir portal usage by chandrapur police
घुग्गुस पोलिसांचेही यश
दुसऱ्या एका महत्त्वपूर्ण कारवाईत, घुग्गुस पोलिसांनी देखील गहाण गेलेल्या ७ मोबाईलचा शोध लावला. पोलीस निरीक्षक प्रकाश राऊत यांनी ११ नोव्हेंबर रोजी सदर मोबाईल त्यांच्या तक्रारदार मालकांना कायदेशीर प्रक्रियेनंतर परत केले.
CEIR पोर्टलचे महत्त्व
CEIR पोर्टल हे दूरसंचार विभागाने (DoT) सुरू केलेले एक तंत्रज्ञान आहे, जे मोबाईल गहाण किंवा चोरी झाल्यास त्याला ब्लॉक (Block) करण्यास मदत करते. या ब्लॉकमुळे मोबाईलचा गैरवापर थांबतो आणि तो ट्रॅक (Track) करणे पोलिसांना सोपे होते. चंद्रपूर पोलिसांनी या तंत्रज्ञानाचा प्रभावी वापर केल्यामुळे हरवलेले मोबाईल परत मिळवण्याचे प्रमाण वाढले आहे. ceir portal usage by chandrapur police
एकंदरीत, ब्रह्मपुरी आणि घुग्गुस पोलिसांनी मिळून एकूण ३१ मोबाईल शोधून काढले आणि ते त्यांच्या मालकांना परत केले आहेत. या यशस्वी कामगिरीमुळे नागरिकांचा पोलिसांवरील विश्वास अधिक दृढ झाला आहे.
chandrapur municipal corporation apman patra : चंद्रपूर, दि. 12 नोव्हेंबर (News३४) — बागला चौक ते राजीव गांधी अभियांत्रिकी महाविद्यालय या रस्ता दुभाजकाच्या कामातील प्रचंड गैरव्यवहार आणि भ्रष्टाचाराच्या निषेधार्थ आज जनविकास सेनेने चंद्रपूर महानगरपालिकेच्या आयुक्त डॉ. विद्या गायकवाड यांना “अप-मानपत्र” देऊन मनपातील महाभ्रष्ट अधिकाऱ्यांचा “जाहीर धुत्कार” केला.
जनविकास सेनेचे संस्थापक अध्यक्ष व माजी नगरसेवक पप्पू देशमुख यांच्या नेतृत्वात एका शिष्टमंडळाने दुपारी 4 वाजता आयुक्त विद्या गायकवाड यांची त्यांच्या कार्यालयात भेट घेऊन त्यांना ‘अप-मानपत्र’ दिले. मनपातील महाभ्रष्ट अधिकाऱ्यांचा जाहीर धुत्कार करत असल्याचे यावेळी त्यांनी आयुक्तांसमोर नमूद केले. देशमुख यांनी मनपाचे सहायक अभियंता आशिष भारती यांच्यासोबत केलेल्या संयुक्त पाहणीचा अहवाल आयुक्त गायकवाड यांना दिला. आयुक्तांना अपमानपत्र देत, दुभाजकाच्या कामात त्वरित चौकशी करून संबंधित भ्रष्ट अधिकाऱ्यांवर कारवाई न झाल्यास तीव्र आंदोलन छेडण्याचा इशारा जनविकास सेनेच्या कार्यकर्त्यांनी दिला आहे. यावेळी अक्षय येरगुडे, मनीषा बोबडे देवरा हटवार इत्यादी कार्यकर्ते यावेळी उपस्थित होते. chandrapur municipal corporation apman patra
माजी नगरसेवक पप्पू देशमुख यांनी काल, दिनांक 12 नोव्हेंबर रोजी मनपाचे सहाय्यक अभियंता आशिष भारती यांच्या उपस्थितीत बागला चौकातील दुभाजकाच्या कामाचे प्रत्यक्ष मोजमाप केले. तांत्रिक उपकरण, वजन काटा,टेप इत्यादी साहित्य घेऊन कामाच्या अंदाजपत्रकांनुसार स्पॉट पंचनामा केला. यावेळी साहित्याच्या प्रमाणात मोठ्या तफावती आढळल्या. अंदाजपत्रकात दाखवलेले स्टील, सिमेंट, व वृक्षलागवडीचे प्रमाण वास्तवापेक्षा तीनपट वाढवून दाखवले असल्याचे स्पष्ट झाले. तसेच दुभाजकाची लांबी आणि खर्च कृत्रिमरीत्या वाढवून 3.56 कोटी रुपयांचा घोटाळा केल्याचे पुरावे सादर करण्यात आले. या सर्व घोटाळ्याचा सारांश ‘अप-मानपत्रा’मध्ये दिला आहे. chandrapur municipal corporation apman patra
देशमुख यांनी या गैरव्यवहाराचे पुरावे मनपाच्या अधिकाऱ्यांसमोर सादर करून देखील कारवाई न झाल्याचा आरोप केला. उलट मनपा प्रशासन तकलादू कारणे देऊन भ्रष्ट अधिकारी व कंत्राटदाराचे संरक्षण करीत असल्याचा आरोप त्यांनी केला. त्यामुळे संतप्त झालेल्या जनविकास सेनेच्या कार्यकर्त्यांनी भ्रष्ट अधिकाऱ्यांचा ‘अपमानपत्र देऊन जाहीर धुत्कार’ करत निषेध नोंदवला.
या आंदोलनामुळे चंद्रपूर महानगरपालिकेतील वाढत्या भ्रष्टाचारावर पुन्हा एकदा लक्ष वेधले गेले असून शहरभर या घटनेची जोरदार चर्चा सुरू आहे.
असे कसे अंदाजपत्रक ?
बागला चौक व सावरकर चौक व सावरकर चौकातील दुभाजक तोडून एकूण 1800 मीटरचे अंदाजपत्रक मनपाचे अधिकाऱ्यांनी नवीन दुभाजकासाठी तयार केले. त्यामध्ये बागला चौकातील दुभाजकाची लांबी 1000 मीटर दाखवण्यात आली. मनपा अभियंत्यांच्या उपस्थितीत प्रत्यक्ष मोजल्यानंतर नंतर ही लांबी 510 मीटर निघाली. अंदाजपत्रकामध्ये काही प्रमाणात अधिकची क्वांटिटी घेतल्या जाते. त्यामुळे 600 मीटर पेक्षा जास्त ही लांबी असायला नको. अंदाजपत्रक बनवताना 400 मीटरची तफावत दिसते.
या ठिकाणी वापरलेल्या लोखंडी सळाखींचे देशमुख यांनी वजन काटा व टेप घेऊन मोजमाप केले. सर्व हिशेब काढल्यानंतर संपूर्ण दुभाजकासाठी 100 ते 125 क्विंटल पेक्षा जास्त स्टील लागायला नको. अंदाजपत्रकामध्ये 390 क्विंटल स्टीलची देण्यात आली. सावरकर चौकातील दुभाजकाची लांबी विचारात घेतल्यास एकूण कामाची 1300-1400 मीटर लांबी होते. या दुभाजकावर दोन फूटच्या रुंदीचे(बॅग साईज) चे 660 पामच्या झाडांचा तसेच एक फूट बॅग साइज असलेल्या 7500 चाफ्याच्या झाडाचा समावेश आहे. दोन्ही मिळून या साईजचे 2000 पेक्षा जास्त झाडे लावणे शक्य नाही.असे अव्वाच्या सव्वा प्रमाण वाढवून अंदाजपत्रका तयार करण्यात आले. chandrapur municipal corporation apman patra
दुभाजकाच्या देखभालीसाठी 57 लक्ष रुपये वार्षिक खर्च
या दुभाजकाच्या देखभालीसाठी वर्षाला 57 लक्ष रूपये खर्च अंदाजपत्रकामध्ये नमूद आहे. एकीकडे शहरातील 88 बगीचे,8 डिवाइडर व 13 सौंदर्यकरणाचे स्थळ यांची देखभाल करण्यासाठी मनपा एका कंत्राटदाराला वर्षाला केवळ एक कोटी म्हणजे महिन्याला आठ लाख रुपये देते. तर बागला चौकातील एका दुभाजकाच्या देखभालीसाठी मनपा वर्षाला 57 लाख रुपये म्हणजे महिन्याला जवळपास पाच लाख रुपये मे. सूर्यवंशी एंटरप्राइजेस या कंत्राटदाराला देणार आहे.
she box portal registration rules and penalties : चंद्रपूर, दि. 12 (News३४) : केंद्र शासनाच्या महिला व बाल विकास मंत्रालयाने कामाच्या ठिकाणी महिलांचे लैंगिक छळापासून संरक्षण (प्रतिबंध, मनाई आणी निवारण) अधिनियम, 2013 ची प्रभावी अंमलबजावणी करीता ‘शी बॉक्स पोर्टल’ तयार केले आहे. त्यात महिलांना ऑनलाईन तक्रार नोंदविण्याचे सुविधेसोबत शासकीय व खाजगी आस्थापनांना अधिनियमांतर्गत स्थापन समितीची व इतर माहिती अपलोड करण्याची सुविधा देखिल उपलब्ध करून दिली आहे.
खाजगी आस्थापना, कार्यालये, कंपनी, एम. आय.डी.सी, मॉल, शैक्षणिक संस्था दुकाने, बँक, शासकीय संस्था, ट्रस्ट, सोसायटी, उत्पादक, पुरवठा, वितरण व विक्री, करमणुक क्रीडा संकुले, प्रेक्षागृहे, आरोग्य सेवा देणारे इत्यादी मध्ये 10 किंवा त्यापेक्षा अधिक कर्मचारी असल्यास अंतर्गत तक्रार समितीची स्थापना करून त्याप्रमाणे माहिती https://shebox.wcd.gov.in या वेबसाईटवरील होम स्क्रीनवर दाखविल्याप्रमाणे Private Head Office Registration मध्ये आवश्यक तपशील भरून नोंदणी करावी. याबाबत काही तांत्रिक अडचण असल्यास दूरध्वनी क्रमांक 011-23388074 यावर किंवा ई मेल- tech support-shebox@gov.in येथे संपर्क करावा.
अधिनियमातील कलम 26 मधील तरतुदीचे पालन न केल्यास मालकास 50 हजार रुपयांपर्यंत दंड होईल. तसेच हाच प्रकार पुन्हा घडल्यास आस्थापनेचा परवाना रद्द व दुप्पट दंड अशी तरतुद आहे, असे जिल्हा महिला व बाल विकास अधिकारी मिनाक्षी भस्मे यांनी कळविले आहे.
district collector vinay gauda inspection : चंद्रपूर, दि. 12 (News३४) : नगर परिषद निवडणुकीच्या पार्श्वभुमीवर जिल्हाधिकारी विनय गौडा जी.सी. यांनी आज (दि. 12) बल्लारपूर नगर परिषद क्षेत्रातील मतदान केंद्र आणि स्ट्राँग रुमची पाहणी करून सूचना दिल्या. यावेळी उपविभागीय अधिकारी अजय चरडे, तहसीलदार रेणूका कोकाटे, न.प. मुख्याधिकारी विशाल वाघ आदी उपस्थित होते.
नगर परिषद बल्लारपूर निवडणूक संबंधाने जिल्हाधिका-यांनी मतदान केंद्र क्रमांक 1 ते 5/5 ची पाहणी केली. पाहणी दरम्यान सर्व मतदान केंद्रावर लाईटची व्यवस्था करण्याच्या सुचना दिल्या. यावेळी त्यांनी स्ट्राँग रुम, मतमोजणी कक्ष तसेच बल्लारपूर तालुक्यात आगामी जिल्हा परिषद व पंचायत समिती निवडणूक संबंधाने मतदान केंद्राचीचीसुध्दा पाहणी केली.
विसापूर येथील पीएचसीला भेट
जिल्हाधिकारी विनय गौडा जी.सी. यांनी विसापूर येथील प्राथमिक आरोग्य केंद्राला भेट दिली. यावेळी जिल्हा आरोग्य अधिकारी डॉ. अशोक कटारे, तालुका वैद्यकीय अधिकारी आदी उपस्थित होते. स्मार्ट पीएचसी अंतर्गत हे काम त्वरीत पूर्ण करावे. यासंदर्भात मुख्य कार्यकारी अधिकारी, जिल्हा आरोग्य अधिकारी, जि.प. कार्यकारी अभियंता, उपअभियंता आणि संबंधित कंत्राटदार यांची बैठक आयोजित करण्याच्या सुचना दिल्या.
mangesh khawale farewell chandrapur : चंद्रपूर १२ नोव्हेंबर (News३४) – चंद्रपूर महानगरपालिकेतील उपायुक्त मंगेश खवले यांची बदली होऊन ते नागपूर महानगरपालिका उपायुक्तपदी रुजू झाले आहेत. त्यांच्या बदलीनिमित्त चंद्रपूर महानगरपालिकेतर्फे दिनांक ११ नोव्हेंबर २०२५ रोजी भावपूर्ण निरोप समारंभ आयोजित करण्यात आला.
मंगेश खवले यांनी जुलै २०२३ मध्ये चंद्रपूर महानगरपालिकेत उपायुक्त म्हणून कार्यभार स्वीकारला. त्यांच्या कार्यकाळात त्यांना देण्यात आलेल्या एकूण १४ विभागांची जबाबदारी अत्यंत नियोजनबद्ध पद्धतीने पार पाडली. प्रशासकीय कामकाजात कार्यकुशलता, वेळेचे भान आणि निर्णयक्षमता यामुळे त्यांनी अधिकारी आणि कर्मचाऱ्यांमध्ये विश्वास व प्रेरणा निर्माण केली. त्यांच्या कार्यकाळात स्वच्छता अभियान, नागरी सुविधा, कर वसुली, पायाभूत सुविधा सुधारणा, तसेच जनसंपर्क विभागातील सुधारणा अशा विविध उपक्रमांना गती मिळाली.
निरोप समारंभात आयुक्त डॉ. विद्या गायकवाड यांच्या हस्ते शाल, श्रीफळ व भेटवस्तू देऊन त्यांचा सत्कार करण्यात आला. कार्यक्रमात अतिरिक्त आयुक्त चंदन पाटील, उपायुक्त संदीप चिद्रवार, मुख्य लेखा परीक्षक मनोज गोस्वामी, शहर अभियंता रवींद्र हजारे, सहायक आयुक्त शुभांगी सूर्यवंशी, नगर सचिव नरेंद्र बोबाटे, सहायक आयुक्त संतोष गर्गेलवार, सहायक आयुक्त अनिलकुमार घुले यांच्यासह मनपाचे सर्व अधिकारी आणि कर्मचारी उपस्थित होते. अधिकारी आणि कर्मचाऱ्यांनी आपल्या मनोगतातून खवले यांच्या नेतृत्वशैलीचे आणि सौजन्यपूर्ण वर्तनाचे विशेष कौतुक केले. सर्वांना सोबत घेऊन काम करणारे आणि नेहमी प्रामाणिकपणे काम करणारे अधिकारी म्हणून त्यांची ओळख कायम राहील, असे मनोगत अनेकांनी व्यक्त केले. mangesh khawale farewell chandrapur
उपायुक्त मंगेश खवले यांनी आपल्या भाषणात चंद्रपूर महानगरपालिकेत काम करताना आले अनुभव हा उत्तम होता व येथे मिळालेलं सहकार्य, टीमवर्क आणि नागरिकाभिमुख दृष्टिकोन नागपूर मनपातही घेऊन जाणार असल्याचे सांगितले तसेच सर्व सहकारी अधिकारी, कर्मचारी आणि आयुक्तांचे आभार मानले.
mahanagarpalika reservation reshuffle effects : चंद्रपूर १२ नोव्हेम्बर (News३४) – चंद्रपूर महानगरपालिकेच्या प्रभाग आरक्षणाची सोडत ११ नोव्हेम्बर रोजी काढण्यात आली. शहरातील १७ प्रभागातून ६६ नगरसेवक नागरिकांना निवडून द्यायचे आहे. चंद्रपूर मनपाची शेवटची निवडणूक हि वर्ष २०१७ मध्ये झाली होती. कार्यकाळ संपल्यावर मनपामध्ये प्रशासकाची नियुक्ती करण्यात आली होती. mahanagarpalika reservation reshuffle effects
कार्यकाळ संपल्यावर ३ वर्षांनी मनपाची निवडणूक लागत असली तर घोषित झालेल्या आरक्षणामुळे अनेक दिग्गजांना फटका बसलेला आहे, चंद्रपूर मनपा निवडणूक लढण्यासाठी मागील अनेक वर्षांपासून तयारी करणाऱ्या भावी नेत्यांची संधी आरक्षणामुळे हुकली. पण काहींना आरक्षणामुळे लॉटरी लागल्याचे चित्र आहे.
मागील निवडणुकीतील भाजपचे ३६ उमेदवार निवडून आल्याने एकहाती सत्ता भाजपने उपभोगली मात्र त्यांच्या कार्यकाळात अनेक भ्रष्टाचाराची प्रकरणे पुढे आली होती, यंदा भाजपने चंद्रपूर मनपा निवडणुकीची जबाबदारी आमदार किशोर जोरगेवार यांच्याकडे सोपविली आहे. जोरगेवार यांच्या नेतृत्वातील मनपाची हि पहिली निवडणूक आहे. मात्र त्यांच्या पूर्वीची संघटना यंग चांदा ब्रिगेड चे कार्यकर्ते किंवा भाजपचे कार्यकर्ते आणि विशेष म्हणजे मुनगंटीवार समर्थकांना तिकीट वाटप करताना नाकीनऊ येणार हे निश्चित. mahanagarpalika reservation reshuffle effects
प्रभाग क्रमांक १ दे.गो. तुकूम (ST – महिला, OBC- पुरुष, सर्वसाधारण – महिला, सर्वसाधारण)
प्रभाग क्रमांक २ शास्त्रीनगर (SC – पुरुष, OBC – महिला, सर्वसाधारण – महिला, सर्वसाधारण)
प्रभाग क्रमांक ३ एम.ई.एल (SC – पुरुष, ST – पुरुष, OBC – महिला, सर्वसाधारण महिला)
प्रभाग क्रमांक ४ बंगाली कॅम्प (SC महिला, OBC पुरुष, सर्वसाधारण महिला, सर्वसाधारण)
प्रभाग क्रमांक ५ विवेक नगर (SC पुरुष, OBC महिला, सर्वसाधारण महिला, सर्वसाधारण)
प्रभाग क्रमांक ६ इंड्रस्टीयल इस्टेट (SC महिला, Obc महिला, सर्वसाधारण, सर्वसाधारण)
प्रभाग क्रमांक ७ जटपुरा गेट (SC महिला, OBC पुरुष, सर्वसाधारण महिला, सर्वसाधारण)
प्रभाग क्रमांक ८ वडगाव (OBC महिला, OBC पुरुष, सर्वसाधारण महिला, सर्वसाधारण)
प्रभाग क्रमांक ९ नगिनाबाग (SC महिला, Obc पुरुष, सर्वसाधारण महिला, सर्वसाधारण)
प्रभाग क्रमांक १० एकोरी (SC पुरुष, Obc महिला, सर्वसाधारण महिला, सर्वसाधारण)
प्रभाग क्रमांक ११ भानापेठ (ST महिला, Obc पुरुष, सर्वसाधारण महिला, सर्वसाधारण)
प्रभाग क्रमांक १२ महाकाली (SC महिला, Obc महिला, सर्वसाधारण, सर्वसाधारण)
प्रभाग क्रमांक १३ बाबुपेठ (SC पुरुष, Obc महिला, सर्वसाधारण महिला, सर्वसाधारण)
प्रभाग क्रमांक १४ पठाणपुरा (भिवापूर) (SC महिला, Obc पुरुष, सर्वसाधारण महिला, सर्वसाधारण)
प्रभाग क्रमांक १५ विठ्ठल मंदिर (Obc महिला, Obc पुरुष, सर्वसाधारण महिला, सर्वसाधारण)
प्रभाग क्रमांक १६ हिंदुस्थान लालपेठ कॉलरी (Sc महिला, ST महिला, सर्वसाधारण)
प्रभाग क्रमांक १७ डॉ . बाबासाहेब आंबेडकर (Sc पुरुष, St पुरुष, सर्वसाधारण महिला)
आरक्षण सोडत काढताना काही प्रभागाचे आरक्षण तसेच ठेवण्यात आले असून उर्वरित प्रभाग आरक्षणात बदल करण्यात आला आहे. मात्र या बदलाचा अनेकांना फटका बसला आहे. प्रभाग क्रमांक १७ डॉ. बाबासाहेब आंबेडकर मधून मागील ५ वर्षांपासून तयारी करीत असलेले आपचे युवा जिल्हाध्यक्ष राजू कुडे यांना आरक्षणामुळे मोठा फटका बसला आहे.
कुठे आनंद तर कुठे दुःख
प्रभाग क्रमांक ३ एमईएल चे माजी नगरसेवक सचिन भोयर यांना आरक्षणामुळे फटका बसला असून ते आता निवडणूक दुसऱ्या प्रभागातून लढणार कि नाही? यावर सध्यातरी प्रश्नचिन्ह उपस्थित झाले आहे. प्रभाग क्रमांक २ शास्त्रीनगर सर्वसाधारण गटातून यावेळी पुरुष उमेदवारांमध्ये चांगलीच स्पर्धा रंगणार आहे. chandrapur mahanagarpalika leaders reaction to reservation
प्रभाग क्रमांक ४ बंगाली कॅम्प मधून महिला उमेदवारांसाठी संधी चालून आली आहे मात्र मागच्या आरक्षण प्रवर्गातून निवडून आलेले नगरसेवक यंदा दुसऱ्या सर्वसाधारण गटातून लढणार काय? कारण मागील आरक्षण ओबीसी महिला मात्र यंदा त्याठिकाणी ओबीसी पुरुष आल्याने ओबीसी प्रवर्गातील महिला उमेदवारांमध्ये आरक्षणामुळे नाराजी पसरली आहे. mahanagarpalika reservation reshuffle effects
प्रभाग क्रमांक ५ विवेकनगर मधून आरक्षणात बदल झाल्याने सर्वसाधारण गटातून चांगलीच चुरस बघायला मिळणार आहे, मागील आरक्षणात विवेकनगर ओबीसी प्रवर्गातून दिग्गज नेते संदीप आवारी हे ओबीसी पुरुष प्रवर्गातून निवडून आले होते मात्र यंदा ओबीसी महिला आरक्षण निघाले यासह सर्वसाधारण प्रवर्गात चुरस होत असली तरी आवारी यांना फटका बसेल असे म्हणता येणार नाही कारण संदीप आवारी हे सातत्याने प्रभागातील नागरिकांच्या संपर्कात असल्याने हि निवडणूक त्यांना जड जाणार नाही तसेच प्रभाग क्रमांक ६ मधून मागील निवडणुकीत ४ जागेवर बहुजन समाज पक्षाने निवडणुकीत विजय मिळविला होता, यंदा आरक्षण मुळे या प्रभागात नवीन चेहरे पुढे येणार असल्याची माहिती आहे. बसपा पुन्हा या प्रभागात परत येईलच असे चित्र सध्या नाही. मात्र उमेदवार चांगले असतील तर चमत्कार घडू शकतो. mahanagarpalika reservation reshuffle effects
प्रभाग क्रमांक ११ मध्ये मागील निवडणुकीत पराभवाची चव चाखलेले हर्षद कानमपल्लीवार यंदा भाजपतर्फे निवडणूक लढणार असून मागच्या निवडणुकीत शिवसेना पक्षातून निवडणूक लढले आणि थेट तिसऱ्या क्रमांकावर राहिलेले कानमपल्लीवार आता भाजप पक्षातून पहिल्या क्रमांकावर येण्याची तयारी करीत आहे. याच प्रभागातून युवा नेते सूरज पेद्दुलवार भाजप पक्षातर्फे इच्छुक आहे मात्र आरक्षणात सर्वसाधारण प्रवर्ग निघाल्याने संजय कंचर्लावार भाजपतर्फे निवडणूक लढणार हे निश्चित झाले आहे. mahanagarpalika reservation reshuffle effects
चंद्रपूर महानगरपालिका प्रभाग आरक्षणात अनेक भावी उमेद्वारांना फटका बसला आहे, अनेकांनी ५ वर्षे तयारी केली मात्र ऐनवेळी त्यांच्या हाती निराशा आली आहे.
Ballarpur PHC smart health center : बल्लारपूर ११ नोव्हेम्बर (News३४) -राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांच्या प्रयत्नांमुळे आणि विशेष पुढाकारातून बल्लारपूर तालुक्यातील कळमना येथे जिल्हा खनिज प्रतिष्ठान अंतर्गत ₹२ कोटी ६८ लाख २९ हजार ८५० रुपये किंमतीचे स्मार्ट प्राथमिक आरोग्य केंद्र उभारण्यात आले आहे. या केंद्राचे उद्घाटन सोमवार, दि. १० नोव्हेंबर २०२५ रोजी आमदार श्री. सुधीर मुनगंटीवार यांच्या हस्ते संपन्न झाले. या प्रसंगी गोरगरीब जनतेला सर्वोत्तम आरोग्यसेवा देण्यासाठी आपण कटिबद्ध असल्याचा विश्वास त्यांनी व्यक्त केला. Ballarpur PHC smart health center
यावेळी जिल्हा आरोग्य अधिकारी डॉ. अशोक कटारे, कार्यकारी अभियंता दिनदयाल मटाले, गटविकास अधिकारी धनंजय साळवे, वैद्यकीय अधिकारी डॉ. आशा साळवे, डॉ. शिवम बाहेती, जिल्हा महामंत्री डॉ. मंगेश गुलवाडे, तालुकाध्यक्ष डॉ. चंद्रकांत देऊळकर, उपसरपंच रुपेश पोडे, राजू बुद्धलवार, वैशाली बुद्धलवार, सुनिल फरकडे, किशोर पंदीलवार, रमेश पिपरे, हरीश गेडाम, स्नेहाताई टिंबडिया आदींची प्रमुख उपस्थिती होती.
आ. श्री. मुनगंटीवार म्हणाले, जनतेची उत्तम आरोग्यसेवा व्हावी, यासाठी या प्रकल्पाचे काम मी हाती घेतले. या देशाच्या प्रगतीचा खरा आधार कष्टकरी आहे. दुर्दैवाने कष्ट करणाऱ्यासाठी उत्तम आरोग्यसेवांचा अभाव होता. गरिबांच्या सेवेचे खरे केंद्र प्राथमिक आरोग्य केंद्र आहे. चंद्रपूर जिल्ह्यात ६५ प्राथमिक आरोग्य केंद्र आहेत. पहिल्या टप्प्यात १४ नवीन प्राथमिक आरोग्य केंद्राचे बांधकाम केले. दुसऱ्या टप्प्यात ३१ प्राथमिक आरोग्य केंद्राचे स्मार्ट प्राथमिक केंद्रामध्ये रूपांतर करण्यात आले. आरोग्याच्या संदर्भात पाहिजे तशी जागरुकता अद्याप नाही. ती निर्माण होण्याची गरज असल्याचेही ते म्हणाले. smart primary health center inauguration Ballarpur
२८० कोटींच्या १४० खाटांचे टाटा कॅन्सर हॉस्पिटल होत आहे. २२ डिसेंबरला त्याचे उद्घाटन होणार आहे. देशातील पहिले हेलियमविरहित मशीन चंद्रपूरच्या टाटा कॅन्सर हॉस्पिटलमध्ये असणार आहे. जानेवारीमध्ये चंद्रपूरच्या मेडिकल कॉलेजचे उद्घाटन देशाचे गृहमंत्री श्री. अमितजी शहा यांच्या हस्ते होणार आहे, अशी माहिती त्यांनी दिली. आपल्या जिल्ह्यातील आरोग्यसेवा इतर जिल्ह्यांपेक्षा वेगळी असावी, यासाठी प्रयत्न आहे, असे ते म्हणाले.
प्राथमिक आरोग्य केंद्रांमध्ये खासगी दवाखान्यांपेक्षा उत्तम सोयीसुविधा आहेत. जनतेच्या आशीर्वादामुळेच नवनवीन कल्पना मांडणे शक्य होत असते. पण त्यासाठी चांगले अधिकारी देखील आवश्यक असतात. जिल्हा आरोग्य अधिकाऱ्यांनी जीव ओतून काम करण्यासाठी लक्ष दिले, त्यांचे विशेष कौतुक आ. मुनगंटीवार यांनी केले. त्यामुळे अव्वल दर्जाची इमारत आणि सोयीसुविधा निर्माण झाल्या आहेत. या विभागाची सेवा करण्याची संधी मिळाली, यासाठी स्वतःला भाग्यवान समजतो, अश्या भावना आ. श्री. मुनगंटीवार यांनी व्यक्त केल्या. best healthcare services for rural areas Chandrapur
मानोरा प्राथमिक आरोग्य केंद्र विशेषबाब म्हणून मंजूर..
मानोरा प्राथमिक आरोग्य केंद्र आपल्या आकृतीबंधात नव्हते. या केंद्राच्या कामासाठी अडचणी येत होत्या पण २०१७ च्या जिल्हा परिषद निवडणुकीच्या वेळी लोकांनी आग्रह केला. त्यानंतर मुख्यमंत्री श्री. देवेंद्रजी फडणवीस यांना विशेष बाब म्हणून मंजुरी देण्याचा आग्रह केला, त्याला मंत्रिमंडळात मंजुरी मिळाली याचा विशेषत्वाने आ.मुनगंटीवार यांनी याचा उल्लेख केला.
उमरी पोतदार येथील सुसज्ज आरोग्य केंद्र
पोंभुर्णा तालुक्यातील उमरी पोतदार येथे प्राथमिक आरोग्य केंद्र संकुलासाठी ८ कोटी ७५ लाख २५ हजार रुपये आणि स्मार्ट आरोग्य केंद्रासाठी १ कोटी ३२ लाख ७७ हजार ४९० इतका रुपयांचा निधी मंजूर करून आरोग्य मंदिर उभारलेले आहे. नुकतेच उमरी पोतदार येथील प्राथमिक आरोग्य केंद्राचे उद्घाटन झाले, अतिशय उत्तम सुसज्ज असे प्राथमिक आरोग्य केंद्र झाले आहे, असे आ. श्री. मुनगंटीवार म्हणाले.
महिलांच्या आरोग्याची काळजी
आ. श्री. मुनगंटीवार म्हणाले, ‘महिलांमध्ये मोठ्या प्रमाणात योग्यवेळी निदान न झाल्यामुळे कर्करोगाचे प्रमाण वाढत आहे. सर्वायकल कॅन्सरच्या संदर्भात लसीकरण करण्याची गरज आहे, हा मुद्दा मी विधानसभेत मांडला. त्यावर चर्चा झाली. आरोग्यमंत्र्यांनी १४ वर्षांच्या मुलींपासून सुरुवात करण्याचा शब्द दिला. योग्य क्षणी निदान झाले तर महिलांचे प्राण वाचू शकतात. महिला कुटुंबाची काळजी करण्यात स्वतःची काळजी घेणे विसरते. पण महिलांचे आरोग्य उत्तम राहिले तर कुटुंबाचे राहील आणि कुटुंबाचे राहिले तर समाजाचे आणि पर्यायाने देशाचे आरोग्य उत्तम राहील.’ Sudhir Mungantiwar health infrastructure development
लाडक्या बहिणींसाठी ‘पिंक ओपीडी’
पिंक ओपीडी ही व्यवस्था आपण निर्माण करतोय. यामध्ये महिलांच्या आरोग्याची सर्वांत पहिले काळजी घेतली जाईल. लाडक्या बहिणीच्या तब्येतीची काळजी घ्यावीच लागेल. याचा प्रस्ताव सरकारला पाठवला आहे. त्याला मंजुरी मिळाली तर ही सेवा असलेला कोल्हापूरनंतर चंद्रपूर हा एकमेव जिल्हा असेल, अशी माहिती आ. श्री. मुनगंटीवार यांनी दिली. Ballarpur PHC smart health center
कोठारी येथील पीएचसी आदर्श ठरावे
कोठारी येथील प्राथमिक आरोग्य केंद्र उत्तम करा. येथील केंद्रात डॉक्टर व कर्मचाऱ्यांची निवासव्यवस्था उत्तम करा. डॉक्टर सहज उपलब्ध होईल, याचा विचार करा. हे एक मॉडेल पीएचसी करा, अशा सूचना आ. श्री. मुनगंटीवार यांनी अधिकाऱ्यांना दिल्या. पुण्य कमावण्यासाठी दानच द्यावे लागते असे नाही. सोने, चांदी दिल्यावर जेवढे पुण्य लागत नाही, त्यापेक्षा जास्त गरिबांची सेवा केल्याने लागत असते. त्यामुळे गरिबांच्या आरोग्यसेवेसाठी डॉक्टरांसह सर्व कर्मचाऱ्यांनी तत्पर राहावे, असा माझा आग्रह आहे, असेही आ. श्री. मुनगंटीवार म्हणाले. Ballarpur PHC smart health center
चंद्रपूर शासकीय वैद्यकीय महाविद्यालय येथे हेलिपॅडची सुविधा
महाराष्ट्रातील कोणत्याही शासकीय वैद्यकीय महाविद्यालयात हेलिकॉप्टर ॲम्बुलन्ससाठी हेलिपॅडची व्यवस्था नाही. मात्र, चंद्रपूरचे शासकीय वैद्यकीय महाविद्यालय हे राज्यातील एकमेव महाविद्यालय आहे, जिथे हेलिपॅडची सुविधा उपलब्ध करून देण्यात आली आहे. तसेच, 140 खाटांचे कॅन्सर हॉस्पिटलचे उद्घाटन लवकरच करण्यात येणार आहे. या कॅन्सर हॉस्पिटलमध्ये हेलियम न वापरणारी देशातील पहिली एमआरआय मशीन उपलब्ध करून देण्यात आली आहे. १.५ कोटी रुपयांची कॅन्सर निदान वॅन लोकांसाठी उपलब्ध करून देण्यात आली आहे तसेच जिल्ह्यात कॅन्सर तपासणी शिबिरे देखील आयोजित करण्यात येत आहेत.
MSEDCL online name change process : चंद्रपूर ११ नोव्हेंबर (News34) :- घर, मालमत्ता खरेदी किंवा वारसा हक्कामुळे वीजबिलाच्या ग्राहक नावातील बदल आता अवघ्या तीन ते सात दिवसात होणार आहे. दर्जेदार व तत्पर ग्राहक सेवेसाठी महावितरणाने महत्त्वपूर्ण पाऊल उचलले असून वीजबिलावरील ग्राहक नाव बदलाच्या ऑनलाईन अर्जांना आता स्वयंचलित मंजुरी देण्यास सुरुवात केली आहे. यामुळे ग्राहकांना मोठा दिलासा मिळाला असून डिजिटल ग्राहक सेवेत महावितरणाने मोठे आघाडी घेतली आहे.
अर्जाला स्वयंचलित मंजुरी:- मुख्यमंत्री व ऊर्जा मंत्राच्या निर्देशानुसार महावितरणचे अध्यक्ष व व्यवस्थापकीय संचालक लोकेश चंद्र यांनी हा महत्त्वाचा निर्णय घेतला. नवीन विकसित व कार्यान्वित करण्यात आलेल्या ऑनलाइन प्रणालीद्वारे अर्जांना स्वयंचलित मंजुरी मिळत आहे. यात कोणतीही मानवी प्रक्रिया नसेल ज्यामुळे वेळ वाचेल आणि काम जलद होईल. how to change electricity bill name online MSEDCL
ऑनलाईन करा नावात बदल
बिलाच्या नावात ऑनलाईन बदल करता येणार:- महावितरणने ग्राहकांना घरबसल्या सेवा देण्यासाठी डिजिटल सेवेत हा ग्राहकाभिमुख बदल केला आहे. वीज बिलावरील ग्राहक नावात बदल करण्यासाठीची संपूर्ण प्रक्रिया आता ऑनलाइन उपलब्ध आहे. यामुळे घरगुती ग्राहकांसह इतर ग्राहकांना जलद सेवेचा लाभ होणार आहे.
कसा व कुठे करायचा ऑनलाईन अर्ज?:- महावितरणचे मोबाईल ॲप किंवा www.mahadiscom.in या संकेतस्थळावर अर्ज करण्याची सोय उपलब्ध आहे. ग्राहकांना ‘लॉग-इन’ द्वारे ऑनलाइन अर्ज सादर करावा लागेल. आवश्यक कागदपत्रे अपलोड करणे आणि प्रक्रिया शुल्क (processing Fee) भरण्याची सुविधाही ऑनलाईन उपलब्ध आहे.
महिनाभर नव्हे आठवड्याच्या आत काम:- पूर्वी ग्राहक नावात बदलण्याच्या प्रक्रियेस कृती मानकानुसार एक महिन्याचा कालावधी लागत होता. आता अर्ज छाननी आणि मंजुरीची प्रक्रिया स्वयंचलित झाल्यामुळे ही कार्यवाही केवळ तीन ते सात दिवसांमध्ये पूर्ण होईल. वीज ग्राहकांना तत्पर आणि पारदर्शक सेवा देणे हे आमचे उद्दिष्ट आहे. ग्राहक नावातील बदलांना स्वयंचलित मंजुरी देण्याचा निर्णय याच दिशेने टाकलेले एक मोठे पाऊल आहे. यामुळे ग्राहकांना अनावश्यक प्रतीक्षा करावी लागणार नाही आणि त्यांची कामे वेळेत पूर्ण होतील.
how to report child labor in Chandrapur : चंद्रपूर, दि. 11 (News34) : भारतीय राज्यघटनेनुसार शिक्षण आणि आरोग्य बालकांचे मुलभूत अधिकार आहेत. बालकाचे हे अधिकार अबाधित ठेवण्यासाठी बालमजुरी प्रथा कायमस्वरुपी नष्ट होणे आवश्यक आहे. सर्वोच्च न्यायालयाने 14 वर्षाखालील मुलांना बालमजुरी करण्यास प्रवृत्त करणाऱ्याविरुध्द जबर शिक्षेची तरतुद केली आहे.
त्याच अनुषंगाने केंद्र शासनाने बाल व किशोरवयीन कामगार (प्रतिबंध व नियमन) अधिनियम, 1986 पारित केलेला आहे. अधिनियमानुसार 14 वर्षाखालील बालकांना कोणत्याही व्यवसाय/प्रक्रियेत कामावर ठेवणे तसेच 14 वर्ष पुर्ण परंतू 18 वर्ष पूर्ण न झालेल्या किशोरवयीन मुलांना धोकादायक उद्योग व प्रक्रियेमध्ये कामावर ठेवणे गुन्हा आहे. जर मालकाने / नियोक्त्याने बाल अथवा किशोरवयीन मुलांना कामावर ठेवल्यास त्यांस 6 महिने ते 2 वर्षापर्यंत कारावास किंवा 20 हजार ते 50 हजार पर्यंत दंड किंवा दोन्हीही शिक्षा होऊ शकते, अशी तरतूद आहे.
बालमजुरी ही एक अनिष्ठ प्रथा असून ती सामाजिक, सांस्कृतिक व आर्थिक समस्यांशी निगडीत असल्यामुळे या प्रथेविरुध्द विस्तृत प्रमाणात जनजागृती होणे आवश्यक आहे. दरवर्षी 14 नोव्हेंबर हा दिवस बाल दिन म्हणून देशभर पाळला जातो. करिता चंद्रपूर जिल्ह्यातील सर्व दुकाने / हॉटेल/ गॅरेज/ आस्थापना धारकांना / उद्योजकांना/बांधकाम नियोक्ते / विटभट्टी व इतर आस्थापना मालकांनी बाल/किशोरवयीन कामगारांना कामावर ठेवू नये. बाल कामगार आढळून आल्यास कामगार विभाग, प्रशासकीय इमारत या कार्यालयाशी संपर्क साधवा, असे आवाहन सहायक कामगार आयुक्त यांनी केले आहे.
