BJP ticket demand for civic polls chandrapur : चंद्रपूर १६ नोव्हेम्बर (News३४) – आगामी चंद्रपूर महानगर पालिकेच्या निवडणुकांसंदर्भात इच्छुक उमेदवारांनी निवडणूक प्रमुख आमदार किशोर जोरगेवार यांच्या कार्यालयात आज (रविवार) पासून आवेदनपत्रे दाखल करण्यास सुरुवात झाली. पहिल्याच दिवशी तब्बल १४२ उमेदवारांनी भारतीय जनता पक्षाच्या तिकिटावर निवडणूक लढविण्याची इच्छा व्यक्त करत आपली आवेदनपत्रे दाखल केली.
चंद्रपूर महानगर पालिकेच्या निवडणुकीचे वारे वेगाने वाहू लागले असून, आजवर प्रभागांमध्ये सातत्याने जनसंपर्क ठेवत नगरसेवक होण्याची तयारी दर्शविणारे अनेक इच्छुक आता पक्षाचा पाठिंबा मिळविण्यासाठी सक्रिय झाले आहेत. केंद्र आणि राज्यात सत्तेत असलेल्या भारतीय जनता पक्षाकडे इच्छुकांची अधिक पसंती दिसून येत आहे.
चंद्रपूर महानगर निवडणूक प्रमुख आमदार किशोर जोरगेवार यांच्या जनसंपर्क कार्यालयात आजपासून निशुल्क आवेदनपत्र स्वीकृतीची प्रक्रिया सुरू झाली असून, २१ नोव्हेंबरपर्यंत आवेदनपत्रे स्वीकारली जाणार आहेत. पहिल्याच दिवशी मोठ्या प्रमाणात इच्छुक उमेदवारांनी कार्यालयात गर्दी केली होती. आज रविवारी १४२ इच्छुक उमेदवारांनी आवेदन पत्र दाखल करत भारतीय जनता पक्षाच्या टिकिटावर निवडणुक लढविण्याची इच्छा व्यक्त केली आहे.
financial fraud of retired teacher by sister : चंद्रपूर १६ नोव्हेम्बर (News३४) : मला किडनी व तत्सम आजार असून माझी प्रकृती गंभीर असते. माझ्या आजारपणात घरचे कुणी असावे म्हणून लहान बहिणीला मी जवळ केले. परंतू तीने माझी देखभाल करण्याऐवजी माझ्या आजारपणाचा फायदा घेत घर विक्री केले. तसेच मला मिळणार्‍या पेंशनमधील रक्कमही परस्पर काढून माझ्या असाहयतेचा फायदा घेतला. आता माझ्याकडे उपचार करण्यासाठीही पैसे उरले नसून माझे पैसे मला परत मिळवून देण्यात यावे अशी विनंती पिडीत बहिण शालिनी इंदूरकर यांनी पत्रपरिषदेत केली.
शालिनी इंदूरकर ह्या व्याहाड येथील नवभारत विद्यालयातून मुख्याध्यापिका म्हणून सेवानिवृत्त झाल्या. त्या अविवाहित आहेत. तुकूम येथे त्यांनी दुमजली घर बांधले. त्यानंतर त्यांना किडनीसारख्या दुर्धर आजाराने ग्रासले. त्यासाठी त्यांना वारंवार येथील खाजगी रुग्णालयात उपचारासाठी दाखल व्हावे लागते. त्यामुळे घर विकून काही पैसे आपल्या उपचारासाठी खर्च करावे व काही रक्कमेत फ्लॅट घ्यावा असा विचार केला. त्यासाठी पेपरमध्ये घर विकण्याबाबत जाहिरात दिली. परंतू जुलै महिन्यात आजारपणामुळे रुग्णालयात आयसीयुमध्ये दाखल व्हावे लागल्याने घरासंबंधी व्यवहार करण्यास असमर्थ होते. त्याचवेळी माझ्यासोबत असलेली लहान बहिण निरुपमा विक्रम पाटील जी त्याच रुग्णालयात काम करीत होती. financial fraud of retired teacher by sister
तिने मला घराचे व्यवहार स्वतः करुन रक्कम तुझ्या स्वाधिन करीन असे आश्वासन दिले. त्याच दरम्यान सारा शहर बानो नामक महिलेने घर घेण्याचे कबूल केल्यानंतर लहान बहिणीने तिच्याशी परस्पर व्यवहार केला. ६५ लाख रुपये किंमत असलेल्या घराची टोकन रक्कम म्हणून ३५ लाख देण्याचे नक्की करण्यात आले. त्यासाठी त्यांनी जबरदस्तीने कागदपत्रावर माझी स्वाक्षरी घेतली. तसेच ३५ लाखांपैकी २९ लाख ७५ हजारांचा चेक सारा बानो यांनी मला दिला. ती रक्कम काही दिवसांनी माझ्या खात्यात जमा देखील करण्यात आली. परंतू घराच्या रजिस्ट्रीचे कागद मात्र शेवटपर्यंत मला दाखविण्यात आले नाही. financial fraud of retired teacher by sister
माझ्या दवाखाण्याचा खर्च भागविण्यासाठी काही धनादेशवर मी स्वाक्षरी करुन ठेवली. त्याच संधीचा फायदा घेत माझ्या बहिणेने सदर २९.७५ लाखांची रक्कम स्वतःच्या खात्यात वळती केली. ही बाब मला माहिती झाल्यानंतर विचारणा केली असता तीने उडवाउडवीची उत्तरे दिली. तसेच या धनादेशाच्या माध्यमातून तीने माझी पेंशनची रक्कमही परस्पर काढली. उपचार करुन घरी आल्यानंतर मी आर्थिक व्यवहार तपासले असता तीने २९ लाखांच्या रकमतेतून तीने फ्लॅट घेतल्याचे निदर्शनास आले. त्यामुळे ना माझ्याकडे आता घर उरले ना पैसा, आता उपचार कसा करावा असा यक्ष प्रश्न माझ्यासमोर राहिला असून सध्या भाड्याच्या घरात राहण्याची पाळी माझ्या बहिणीमुळे माझ्यावर आली आहे. त्यामुळे उपचारासाठी मला माझी हडपलेली रक्कम मला परत मिळवून द्या हो अशी कैफियत शालिनी इंदूरकर यांनी पत्रपरिषदेच्या मांडली आहे.
new civil court building in Ballarpur : चंद्रपूर, दि. 16 (News३४) : संविधानाने आपल्याला मुलभूत अधिकार दिले आहेत. हे अधिकार शेवटच्या घटकापर्यंत पोहचविण्याची जबाबदारी न्यायिक अधिका-यांची आहे. नवीन होणारी इमारत सोयीसुविधा युक्त आणि सुसज्ज असली तरी शेवटच्या घटकाचा विचार करून न्यायदान करणे, हेच आपले कर्तव्य आहे, असे विचार मुंबई उच्च न्यायालय, नागपूर खंडपीठाचे न्यायमूर्ती अनिल किलोर यांनी व्यक्त केले.
बल्लारपूर येथे दिवाणी न्यायालय (कनिष्ठ स्तर) नूतन इमारतीच्या बांधकामाचे भूमिपूजन आणि कोनशिला समारंभात ते प्रमुख अतिथी म्हणून बोलत होते. यावेळी मंचावर उच्च न्यायालयाचे न्यायमूर्ती तथा चंद्रपूर जिल्ह्याचे पालक न्यायमूर्ती अनिल पानसरे, न्यायमूर्ती महेंद्र नेर्लीकर, चंद्रपूरच्या प्रमुख जिल्हा व सत्र न्यायाधीश समृध्दि भिष्म, बल्लारपूर तालुका बार असोसिएशनचे अध्यक्ष ॲङ ईनायत सय्यद, बल्लारपूरच्या दिवाणी न्यायाधीश (कनिष्ठ स्तर) सोनिया सावळेश्वरकर उपस्थित होते. new civil court building in Ballarpur
बल्लारपूर येथील ऐतिहासिक कार्यक्रमाला उपस्थित असणे, हा माझ्यासाठी आनंदाचा क्षण आहे, असे सांगून न्यायमूर्ती किलोर म्हणाले, पैसा नाही म्हणून गरिबाची केस नाकारू नका. अशा लोकांना न्याय मिळवून देणे, ही आपली जबाबदारी आहे. भारतरत्न डॉ. बाबासाहेब आंबेडकर यांचे स्वप्न पूर्ण करण्यासाठी शेवटच्या घटकाला केंद्रबिंदू मानून न्यायदान करा. ‘तारीख पे तारीख’ मागणारे वकील आज खुप आहेत. मात्र लवकरात लवकर न्याय देण्यासाठी चांगले वकील आणि न्यायाधीशांची व्यवस्थेला गरज आहे. सर्वसामान्य लोकांचा न्यायव्यवस्थेवर विश्वास आहे, म्हणूनच आपल्याला मान सन्मान मिळतो. हा विश्वास कायम टिकविण्यासाठी सर्वांनी सामूहिक प्रयत्न करावे.
पुढे न्यायमूर्ती किलोर म्हणाले, न्यायालयाची अतिशय चांगली इमारत बल्लारपूर येथे उभी राहणार आहे. महाराष्ट्रात तालुक्याच्या ठिकाणी असलेल्या न्यायालयाच्या इमारतीमध्ये बल्लारपूर हे सर्वोत्कृष्ट राहील. चित्रफिती मध्ये दाखवल्याप्रमाणेच इमारत व्हायला पाहिजे. त्यासाठी सार्वजनिक बांधकाम विभागावर जास्त जबाबदारी आहे. न्यायालयाच्या इमारतीकरिता शासनाने जमीन आणि पैसा उपलब्ध करून दिला. भारताचे सरन्यायाधीश न्यायमूर्ती भूषण गवई यांनी राज्यातील न्यायालयीन इमारतींना सोयीसुविधा युक्त आणि सुसज्ज करण्याचा चंग बांधला. त्याचीच ही फलश्रुती आहे. न्यायमूर्ती गवई यांच्या प्रयत्नातून अतिशय चांगल्या पायाभूत सुविधा उपलब्ध होत आहे, असेही न्यायमूर्ती अनिल किलोर यांनी सांगितले. new civil court building in Ballarpur
प्रमुख जिल्हा व सत्र न्यायाधीश श्रीमती भिष्म म्हणाल्या, न्यायालयाची ऐतिहासिक वास्तू बल्लारपूर मध्ये उभी राहत आहे. बल्लारपूरला सांस्कृतिक आणि सामाजिक वारसा आहे. न्यायालयाच्या इमारतीची कमतरता होती ती आज पूर्ण होत आहे. प्रास्ताविकात ॲङ ईनायत सय्यद म्हणाले, आजचा हा दिवस सुवर्ण अक्षरात लिहून ठेवावा, असा आहे. हे केवळ भूमिपूजन नाही तर न्यायाच्या मंदिराची पायाभरणी आहे.
कार्यक्रमाचे संचालन दिवाणी न्यायाधीश (कनिष्ठ स्तर) नेहा गोरले आणि रमा कपील यांनी तर आभार दिवाणी न्यायाधीश (कनिष्ठ स्तर) सोनिया सावळेश्वरकर यांनी मानले.
वेळेत आणि गुणवत्तापुर्वक काम करा : न्यायमूर्ती अनिल पानसरे
बल्लारपूर येथे सन 2008 मध्ये फौजदारी आणि दिवाणी न्यायालयाची स्थापना झाली. तेव्हा भाड्याच्या इमारतीमध्ये हे न्यायालय होते. सन 2010 पासून न्यायालयासाठी जागेचा शोध सुरू झाला, आज ती पूर्णत्वास येत आहे. या इमारतीचे बांधकाम 2027 मध्ये पूर्ण होईल, असे नियोजन आहे. त्यामुळे सार्वजनिक बांधकाम विभागाने वेळेत आणि गुणवत्तापूर्वक काम करावे, अशा सुचना न्यायमूर्ती अनिल पानसरे यांनी दिल्या. new civil court building in Ballarpur
जलद गतीने न्याय मिळण्यास मदत होईल : न्यायमूर्ती महेंद्र नेर्लीकर
‘न्याय आपल्या दारी’ या संकल्पनेनुसार प्रत्येक तालुक्यात आणि दुर्गम भागात न्यायालयीन इमारती उभ्या राहत आहे. बल्लारपूरमध्येही उत्तम दर्जाची इमारत उभी होईल. शेवटच्या घटकाला न्याय देऊ, तेव्हाच खरे न्यायदान होईल. या इमारतीमधून वकील आणि न्यायाधीशांच्या सहभागाने जलद गतीने न्याय देण्यास मदत होईल, अशी अपेक्षा न्यायमूर्ती महेंद्र नेर्लीकर यांनी व्यक्त केली.
अशी राहील न्यायालयाची इमारत : 36 कोटी 73 लक्ष रुपये खर्च करून बांधण्यात येणारी ही इमारत तळमजला अधिक तीन मजले अशी साकारण्यात येणार आहे. तळमजल्यावर साक्षदार केंद्र, समुपदेशन कक्ष, लोक अदालत कक्ष, चौकीदार कक्ष. पहिल्या माळ्यावर 2 कोर्ट हॉल, 2 न्यायाधीश कक्ष, प्रशासकीय कामाकरीता कार्यालयीन कक्ष. दुस-या माळ्यावर दोन कोर्ट हॉल, दोन न्यायाधीश कक्ष, दोन अधिवक्ता कक्ष, ग्रंथालय, मध्यस्थी कक्ष, सहायक सरकारी अभियोक्ता कक्ष आणि तिस-या माळ्यावर व्ही.सी. रूम, सभा कक्ष, न्यायाधीश ग्रंथालय, अभिलेखागार कक्ष राहणार आहे. new civil court building in Ballarpur
chimur taluka crime news today : चिमूर १६ नोव्हेम्बर (News३४): स्थानिक पोलीस स्टेशन चिमूर हद्दीतील मालेवाडा आणि पिपर्डा या दोन गावांमध्ये सुरू असलेल्या अवैध हातभट्टी मोहादारू निर्मितीवर चिमूर पोलिसांनी मोठी आणि यशस्वी कारवाई केली आहे. या धडक कारवाईत सुमारे रु. २,१२,५००/- किमतीचा दारूसाठा आणि रसायनं जप्त करून घटनास्थळी नष्ट करण्यात आली.
🎯 गोपनीय माहितीच्या आधारावर छापा
दिनांक १३ नोव्हेम्बर रोजी पोलिसांना मिळालेल्या गोपनीय माहितीच्या आधारावर चिमूर पोलिसांनी तत्काळ प्रोहिबिशन (दारूबंदी) रेडच केली. मौजा मालेवाडा आणि पिपर्डा येथील दोन ठिकाणी अवैध दारू निर्मिती सुरू असल्याची माहिती पोलिसांना मिळाली होती.
या कारवाईत पोलिसांनी मोठ्या प्रमाणात अवैध दारू आणि दारू तयार करण्यासाठी वापरला जाणारा सडवा (मोहफुले भिजवलेले मिश्रण) जप्त केला, ज्यात खालील साहित्याचा समावेश आहे: chimur taluka crime news today
मोहा सडवा (Moha Sadvva): 15 मोठ्या प्लास्टिक ड्रममध्ये सुमारे 750 किलो मोहासडवा.
इतर साहित्य: हातभट्टीसाठी वापरले जाणारे ७ हजार रुपये किमतीचे साहित्य.
जप्त केलेल्या संपूर्ण साहित्याची एकूण किंमत २ लक्ष १२ हजार ५०० रुपये इतकी आहे. सर्व अवैध सडवा आणि दारू घटनास्थळीच नष्ट करण्यात आली.
⚖️ दारूबंदीसह जुगार प्रकरणी गुन्हे दाखल
या कारवाईदरम्यान अवैध दारू निर्मितीसोबतच अवैधरित्या चालणाऱ्या सट्टा-पट्टी जुगारवरही पोलिसांनी कारवाई केली. संबंधित आरोपींविरुद्ध पोलीस स्टेशन चिमूर येथे दारूबंदी कायदा आणि जुगार कलमान्वये गुन्हे दाखल करण्यात आले आहेत. या गुन्ह्यांचा पुढील तपास पोलीस निरीक्षक दिनेश लबडे यांच्या मार्गदर्शनाखाली गुन्हे शोध पथक (Crime Detection Squad) करत आहे. chimur taluka crime news today
👮♂️ यशस्वी कारवाईत सहभागी पथक
जिल्हा पोलीस अधीक्षक श्री. मुम्मका सुदर्शन, अपर पोलीस अधीक्षक श्री. ईश्वर कातकडे, आणि उपविभागीय पोलिस अधिकारी चिमूर श्री. दिनकर ठोसरे यांच्या मार्गदर्शनाखाली ही कारवाई यशस्वी करण्यात आली.
पोलीस निरीक्षक श्री. दिनेश लबडे यांच्या नेतृत्वाखालील पथकात खालील अधिकारी आणि कर्मचाऱ्यांचा समावेश होता:
पोहवा. सचिन साठे
पोअं. सचिन खामनकर
पो.अं. रुपेश शामकुळे
सौरभ महाजन
चिमूर पोलिसांनी केलेल्या या धडक कारवाईमुळे परिसरातील अवैध दारू निर्मिती आणि जुगार अड्ड्यांना मोठा धक्का बसला असून, यामुळे कायदा आणि सुव्यवस्थेचे पालन अधिक मजबूत झाले आहे.
rajura nagar parishad nomination : राजुरा १६ नोव्हेम्बर (News३४) :– राजुरा नगरपरिषदेसाठी भारतीय राष्ट्रीय काँग्रेस, शेतकरी संघटना व आरपीआय समर्थित नगरविकास आघाडीच्या वतीने नगराध्यक्ष पदाचे अधिकृत उमेदवार अरूण धोटे यांनी आज दुपारी २ वाजता तहसील कार्यालय, राजुरा येथे आपला उमेदवारी अर्ज विधिवत दाखल केला.
त्यांच्यासह नगरविकास आघाडीच्या नगरसेवक पदाचे उमेदवार प्रभाग क्र. १ मधून स्वप्नील मोहुर्ले (नामाप्र) व सौ. मंगला विरुटकर (सर्व साधारण महिला) , प्रभाग क्र. २ मध्ये सिद्धार्थ पथाडे (अनुसूचित जाती) आणि मंगलाताई मोकळे (सर्व साधारण महिला), प्रभाग क्र. ३ मध्ये ईश्वर ऊर्फ गोलू ठाकरे (सर्वसाधारण) व पोर्णिमा सोयाम ऊर्फ पोर्णिमा विजय खनके, (अनुसूचित जमाती महिला) प्रभाग क्र. ४ मधून सय्यद जहीर सय्यद नसीम (सर्वसाधारण) आणि सौ. नीता किशोर बानकर (नामाप्र महिला) , प्रभाग क्र. ५ मध्ये भाऊजी कन्नाके (अनुसूचित जमाती) व सय्यद फरिना शाकिर सय्यद(सर्वसाधारण महिला) , rajura nagar parishad nomination
प्रभाग क्र. ६ मध्ये रमेश नडे (सर्वसाधारण) व इंदुबाई निकोडे( नामाप्र महिला) , प्रभाग क्र. ७ मधून घनश्याम हिंगणे (सर्वसाधारण) आणि पुणम गिरसावळे(सर्वसाधारण महिला) , प्रभाग क्र. ८ मधून दिलीप देरकर (सर्वसाधारण) व वज्रमाला बतकमवार (नामाप्र महिला) , प्रभाग क्र. ९ संध्या चंद्रशेखर चांदेकर (अनुसूचित जाती महिला) , अनंता ताजने (नामाप्र) आणि अन्नु हरजीतसिंग संधू (सर्वसाधारण महिला) , प्रभाग क्र. १० मधून भारत रोहणे (सर्वसाधारण) व गीता पथाडे (अनुसूचित जाती महिला) या उमेदवारांनीही नामांकन पत्र भरून निवडणूक रणशिंग फुंकले. rajura nagar parishad nomination
नामांकन दाखल करण्यापूर्वी अरूणभाऊ धोटे यांनी साईनगर वार्ड येथील जगन्नाथ बाबा देवस्थान आणि राजुराचे आराध्य दैवत भवानी माता मंदिर येथे दर्शन घेऊन आशीर्वाद घेतला. त्यानंतर नगर परिषद जवळील हनुमान मंदिर येथे सर्व नगरसेवक पदाचे उमेदवार आणि मोठ्या समर्थकांच्या उपस्थितीत संकट मोचन हनुमानजीचे दर्शन घेतले. धार्मिक स्थळांवरील भाविक वातावरणात उमेदवारी अर्ज दाखल कार्यक्रमाची सुरुवात झाली.
तहसील कार्यालयात नामांकन दाखल करताना परिसरात कार्यकर्त्यांचा उत्साह ओसंडून वाहत होता. (arun dhote congress candidate rajura) या वेळी शेतकरी संघटनेचे नेते माजी आमदार अॅड. वामनराव चटप, काँग्रेसचे जिल्हाध्यक्ष माजी आमदार सुभाषभाऊ धोटे, तालुकाध्यक्ष रंजन लांडे, माजी उपनगराध्यक्ष सुनील देशपांडे, सभापती विकास देवाळकर, शे. संघटना युवा आघाडी प्रदेशाध्यक्ष अॅड. दीपक चटप, युवक काँग्रेसचे जिल्हाध्यक्ष शंतनू धोटे, महिला काँग्रेस जिल्हाध्यक्षा कुंदाताई जेनेकर,
जिल्हा महासचिव एजाज अहमद, धनराज चिंचोलकर, अँड. रामभाऊ देवईकर, दिलीप देठे, कपिल इददे, मधुकर चिंचोलकर, गजानन पहानपटे, किशोर हिंगणे, किशोर ताजने, वैभव अडवे, मंगेश कोंडेकर, सय्यद जाकीर यांच्यासह काँग्रेस, शेतकरी संघटना, आरपीआय व नगरविकास आघाडीचे मान्यवर नेते, पदाधिकारी, कार्यकर्ते आणि नागरिक मोठ्या संख्येने उपस्थित होते. नगरविकास आघाडीने दाखल केलेले हे नामांकन आगामी नगरपरिषद निवडणुकीत आघाडीची भक्कम एकजूट आणि जनसमर्थनाचे द्योतक ठरल्याचे निरीक्षण व्यक्त केले जात आहे.
cotton farmers facing loss in Chandrapur : चंद्रपूर १५ नोव्हेम्बर (News३४) – राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी पुन्हा एकदा कापूस उत्पादक शेतकऱ्यांचे नुकसान वाचविण्यासाठी पुढाकार घेतला आहे. सीसीआयने (कॉटन कॉर्पोरेशन ऑफ इंडिया) जाहीर केलेली कापूस खरेदीची मर्यादा चंद्रपूर व यवतमाळ जिल्ह्यातील शेतकऱ्यांसाठी नुकसानदायक असून ही मर्यादा मागच्या वर्षीप्रमाणे कायम ठेवावी, अशी आग्रही मागणी आ. श्री. मुनगंटीवार यांनी मुख्यमंत्री श्री. देवेंद्रजी फडणवीस यांच्याकडे पत्राद्वारे केली आहे. यासंदर्भात त्यांनी सीसीआयच्या संचालकांसोबतही दूरध्वनीवर चर्चा केली असून त्यांनी सकारात्मक प्रतिसाद दिला आहे.
मुख्यमंत्री श्री. फडणवीस यांना पाठविलेल्या पत्रात आ. श्री. मुनगंटीवार म्हणतात, ‘महाराष्ट्र कृषी विभागाने चालु हंगाम सन 2025-26 मध्ये कापसाची उत्पादकता ही प्रती हेक्टरी 12.80 क्विंटल ग्राह्य धरून पणन मंत्रालयामार्फत केंद्रीय वस्त्रोद्योग मंत्रालयाला पाठवली आहे. त्यानुसार सीसीआयने चालु हंगामातील प्रती हेक्टरी 13.57 क्विंटल ग्राह्य धरून कापुस खरेदीची मर्यादा जाहीर केली. परंतु, प्रत्यक्षात चंद्रपूर व यवतमाळ जिल्ह्यातील शेतकरी हा प्रती हेक्टरी सरासरी 25 ते 40 क्विंटल कापसाचे उत्पन्न घेत असल्यामुळे शेतकऱ्यांपुढे सीसीआयमार्फत कापूस विक्री करीता मोठी अडचण निर्माण झाली आहे.’ cotton farmers facing loss in Chandrapur
सन 2024-25 या वर्षात या दोन्ही जिल्ह्यांसाठी सीसीआयने प्रती हेक्टरी 30 क्विंटल ही मर्यादा जाहीर केली होती. त्याप्रमाणे शेतकरी बांधवांनी कापूस विक्रीची प्रक्रिया देखील पूर्ण केली होती. चालू हंगामातील प्रती हेक्टरी क्विंटल मर्यादा फारच कमी असल्यामुळे शेतकऱ्यांचे फार मोठे आर्थिक नुकसान होण्याची शक्यता नाकारता येत नाही. त्यामुळे चालू वर्षात देखील प्रती हेक्टरी 30 ते 40 क्विंटल ग्राह्य धरून कापूस खरेदीची मर्यादा जाहीर करावी, अशी विनंती त्यांनी मुख्यमंत्र्यांकडे केली आहे.
सन 2025-26 या चालू हंगामात ठरवून दिलेल्या मर्यादेपेक्षा अधिक उत्पादन घेणाऱ्या कापूस उत्पादक शेतकऱ्यांना उर्वरीत कापूस एमएसपी पेक्षा कमी दरात व्यापाऱ्यांना विकण्याची वेळ येणार नाही. याकरीता सीसीआयमार्फत कापूस खरेदीची मर्यादा मागील वर्षीची कायम ठेवून चंद्रपूर व यवतमाळ जिल्ह्यातील कापूस उत्पादक शेतकऱ्यांवर अन्याय होणार नाही यादृष्टीने प्रशासनाला आदेश द्यावे, असे आ. श्री. मुनगंटीवार यांनी मुख्यमंत्र्यांना लिहिलेल्या पत्रात म्हटले आहे. cotton farmers facing loss in Chandrapur
त्याचवेळी सीसीआयचे संचालक श्री. ललितकुमार गुप्ता यांच्याशीदेखील आ. श्री. मुनगंटीवार यांनी दूरध्वनीवरून चर्चा केली. शेतकऱ्यांचे संभाव्य नुकसान त्यांच्या लक्षात आणून दिले. त्यावर श्री. गुप्ता यांनी सकारात्मक प्रतिसाद दिला आहे. शेतकऱ्यांच्या कल्यासाठी सदैव तत्पर असलेले आ. श्री. मुनगंटीवार यांनी पुन्हा एकदा एका महत्त्वाच्या विषयावर पुढाकार घेतला आहे. यासंदर्भात मारेगांव जि. यवतमाळ येथील कृषी उत्पन्न बाजार समितीचे संचालक श्री. रमन शाम डोये यांच्याकडून आ. श्री. मुनगंटीवार यांना निवेदन प्राप्त झाले होते.
lost android phone recovery by rajura police : राजुरा १५ नोव्हेम्बर (News३४) – राजुरा पोलीस स्टेशन अंतर्गत हरवलेले १९ अँड्रॉइड मोबाईल फोन परत मिळवून नागरिकांच्या चेहऱ्यावर हसू आणण्यात राजुरा पोलीस पथकाला मोठे यश मिळाले आहे. सन २०२४ आणि २०२५ मध्ये गहाळ झालेल्या या मोबाईल फोन्सचा पोलीस पथकाने अत्यंत कौशल्याने शोध घेतला आणि ते मूळ तक्रारदारांना परत केले.
🌟 उपविभागीय पोलीस अधिकाऱ्यांच्या हस्ते फोन परत
मिळून आलेले हे सर्व १९ मोबाईल फोन एका विशेष कार्यक्रमात तक्रारदार नागरिकांना परत करण्यात आले. उपविभागीय पोलीस अधिकारी श्री. सुधीर नंदनवार यांच्या हस्ते हे मोलाचे फोन त्यांच्या मालकांना सुपूर्द करण्यात आले. यामुळे पोलीस आणि नागरिक यांच्यातील विश्वास अधिक दृढ झाला आहे.
संपूर्ण कार्यवाही श्री. सुधीर नंदनवार, उपविभागीय पोलीस अधिकारी, राजुरा यांच्या मार्गदर्शनाखाली पार पडली.
या कार्यवाहीत पोलीस निरीक्षक सुमित परतेकी आणि त्यांच्या अधिनस्त पोलीस अंमलदार शरद राठोड/९२ यांनी महत्त्वाची भूमिका बजावली. त्यांच्या सतर्कतेमुळे आणि तांत्रिक कौशल्यामुळे नागरिकांचे हरवलेले फोन सुरक्षित परत मिळू शकले.
👍 नागरिकांसाठी दिलासा
मोबाईल फोन गहाळ झाल्यावर होणारी गैरसोय आणि त्यातील महत्त्वाचा डेटा गमावण्याची भीती यामुळे नागरिक त्रस्त होतात. राजुरा पोलिसांच्या या तत्पर कारवाईमुळे केवळ १९ नागरिकांचे लाखो रुपयांचे फोनच परत मिळाले नाहीत, तर त्यांच्यासाठी हा एक मोठा दिलासा ठरला आहे.
या ‘मिशन स्माईल’च्या यशामुळे राजुरा पोलिसांची कार्यतत्परता आणि नागरिकांप्रति असलेली बांधिलकी पुन्हा एकदा सिद्ध झाली आहे.
nodal officer duties in municipal elections : चंद्रपूर, दि. 15 (News३४) : चंद्रपूर जिल्ह्यातील 10 नगर परिषद आणि एका नगर पंचायतीची सार्वत्रिक निवडणूक 2 डिसेंबर 2025 रोजी होणार आहे. या निवडणुकीसाठी जिल्हा प्रशासन सज्ज असून विविध कामांसाठी नोडल अधिका-यांची नियुक्ती करण्यात आली आहे. सर्व यंत्रणांनी निवडणुकीची कामे जबाबदारीने पार पाडावीत, अशा सुचना जिल्हाधिकारी विनय गौडा जी.सी. यांनी दिल्या.
जिल्हाधिकारी कार्यालयात आयोजित नोडल अधिका-यांच्या बैठकीत ते बोलत होते. पुढे जिल्हाधिकारी श्री. गौडा म्हणाले, निवडणूक यंत्रणेशी संबंधित सर्व अधिकारी कर्मचा-यांनी योग्य रितीने आपले कर्तव्य बजावावे. यासाठी सुक्ष्म नियोजन करा. निवडणुकीच्या कामांमध्ये कोणताही निष्काळजीपणा होऊ देऊ नका. त्यासाठी पुर्वतयारी करून ठेवा, अशा सुचना त्यांनी दिल्या. nodal officer duties in municipal elections
यावेळी मतदान कर्मचारी / मनुष्यबळ व्यवस्थापन कक्ष, साहित्य मागणी व वितरण, मतपत्रिका, मतदार यादी, वाहन व्यवस्थापन, संगणक सुरक्षा आयटी ॲप्लीकेशन, मतदार जनजागृती, कायदा-सुव्यवस्था व सुरक्षा नियोजन, ईव्हीएम मशीन व्यवस्थापन, आचारसंहिता / ऑनलाईन तक्रार निवारण, खर्च नियंत्रण, टपाली मतपत्रिका छपाई, माध्यम व सनियंत्रण, समन्वय जिल्हा निवडणूक संपर्क कक्ष, तक्रार निवारण व मतदार मदत कक्ष व नियंत्रण कक्ष, निवडणूक निरीक्षक, दिव्यांग मतदार मदत व सनियंत्रण कक्ष आदी विषयांवर चर्चा करण्यात आली.
बैठकीला मुख्य कार्यकारी अधिकारी पुलकित सिंह, अतिरिक्त जिल्हाधिकारी डॉ. नितीन व्यवहारे, अपर पोलिस अधिक्षक ईश्वर कातकाडे, निवासी उपजिल्हाधिकारी दगडू कुंभार, प्रभारी मनपा आयुक्त डॉ. विद्या गायकवाड, उपजिल्हाधिकारी (निवडणूक) शुभम दांडेकर, उपजिल्हाधिकारी संजय पवार, कार्यकारी अभियंता अक्षय पगारे, जिल्हा पुरवठा अधिकारी राहुल बहादुरकर, उपमुख्य कार्यकारी अधिकारी गिरीश धायगुडे, मिना साळूंके, प्रादेशिक परिवहन अधिकारी किरण मोरे, मुख्य लेखा व वित्त अधिकारी अतुल गायकवाड आदी उपस्थित होते. nodal officer duties in municipal elections
या नगर परिषद / पंचायतमध्ये होणार निवडणूक
चंद्रपूर जिल्ह्यातील बल्लारपूर, भद्रावती, वरोरा, ब्रम्हपुरी, घुग्घुस, राजुरा, गडचांदूर, चिमूर, मूल, नागभीड येथील नगर परिषद तर भिसी येथील नगर पंचायतीसाठी 2 डिसेंबर 2025 रोजी निवडणूक होणार आहे. वरील नगर परिषद आणि नगर पंचायतीमध्ये एकूण प्रभागांची संख्या 133 असून निवडून द्यावयाच्या सदस्यांची संख्या 253 आहे. या निवडणुकीसाठी एकूण मतदार लोकसंख्या 3 लक्ष 71 हजार 537 असून यात पुरुष मतदार 1 लक्ष 87 हजार 139 तर स्त्री मतदार 1 लक्ष 84 हजार 387 आहे. अन्य मतदारांची संख्या 11 आहे.
village leaders joining BJP in Chandrapur : चंद्रपूर १५ नोव्हेम्बर (News३४) – आमदार किशोर जोरगेवार यांच्या जनसंपर्क कार्यालयात झालेल्या पक्ष प्रवेश कार्यक्रमात आमदार किशोर जोरगेवार यांच्या नेतृत्वात शेनगाव येथील सरपंच पुष्पाताई मालेकर, संभाजी ब्रिगेड आणि कॉंग्रसच्या कार्यकर्त्यांसह अनेक महिला व युवकांनी शुक्रवारी भारतीय जनता पक्षात जाहीर प्रवेश केला. यावेळी आमदार किशोर जोरगेवार यांनी सर्व नवनियुक्त सदस्यांच्या गळ्यात पक्षाचा दुपट्टा घालून त्यांचे स्वागत केले.
यावेळी विधानसभा अध्यक्ष वंदना हातगावकर, जिल्हा महामंत्री नामदेव डाहुले, महामंत्री श्याम कनकम, सविता दंढारे, तालुका अध्यक्ष विनोद खेवले, युवा मोर्चा अध्यक्ष आशिष वाढई, मंडळ अध्यक्ष प्रदीप किरमे, गौरव गोहणे, गौरव ठावरी, मनोज जाधव यांची उपस्थिती होती.
मोठ्या संख्येने झालेल्या या प्रवेशामुळे तालुक्यातील भाजपाची संघटनशक्ती आणखी बळकट झाल्याचे चित्र दिसून आले. शेनगाव येथील सरपंच पुष्पाताई मालेकर यांच्यासह सुवर्णा बोबडे, शिवानी मडावी, लता मालेकर, कमलाबाई ताजने, मीरा मासिरकर, सुनीता बादूरकर, मनिषा मासिरकर, कल्पना मेसेकर यांचा पक्षप्रवेश झाला. सोनेगाव येथील स्वप्नील बादुरकर, सोनाली वराट्रे, शुभांगी गोहणे, वैशाली बोबडे, रेखा चटकी, साधना गावडी, नमित गोहणे, स्वप्नील कोराशे, नामेश येरगुडे, गणेश काकडे, विकास गोहणे, गणेश बोबडे, अतुल पिंगे, स्वप्नील जोगी यांचा तसेच महाकुर्ला येथील रोशन भोयर, कुणाल भोयर, मनोज बोधे, हितेश वाटेकर, ओम भोयर व रजित बोबडे यांचा भाजपात प्रवेश झाला. village leaders joining BJP in Chandrapur
यावेळी आमदार किशोर जोरगेवार म्हणाले की, आज शेनगाव, सोनेगाव आणि महाकुर्ला येथील मोठ्या संख्येने महिला, युवक आणि सरपंचांनी भारतीय जनता पक्षावर ठेवलेला विश्वास हा आमच्यासाठी अतिशय अभिमानाचा क्षण आहे. भाजपा हा केवळ राजकीय पक्ष नसून विकास, पारदर्शकता आणि सामान्य नागरिकांच्या प्रगतीसाठी लढणारी सशक्त लोकशाही चळवळ आहे.
ते पुढे म्हणाले, आपल्या प्रत्येक गावाच्या प्रगतीसाठी आम्ही कटिबद्ध आहोत. चंद्रपूर तालुक्यातील रस्ते, पाणी, वीज, आरोग्य, शिक्षण आणि रोजगाराच्या संधी वाढवण्यासाठी गेल्या काही वर्षांत आम्ही प्रामाणिक प्रयत्न केले आणि पुढेही त्यात वाढ करत राहू. महिलांच्या सक्षमीकरणासाठी आणि युवा वर्गाला संधी देण्यासाठी भाजपा योग्य ते निर्णय घेत आहे, असेही ते म्हणाले.
पक्षाच्या विकासाभिमुख कामावर, तसेच चंद्रपूरचे आमदार किशोर जोरगेवार यांच्या नेतृत्वावर ठेवलेल्या विश्वासातून हा प्रवेश झाल्याचे जिल्हा महामंत्री नामदेव डाहुले यांनी सांगितले. यावेळी भारतीय जनता पक्षाच्या पदाधिकाऱ्यांची मोठ्या संख्येने उपस्थिती होती.
Chandrapur Congress candidate nomination : चंद्रपूर १५ नोव्हेम्बर (News३४) : चंद्रपूर शहर महानगरपालिकेची निवडणूक आता तोंडावर आली असून, राजकीय पक्षांनी तयारी सुरू केली आहे. या पार्श्वभूमीवर सत्ताधारी पक्षाला आव्हान देण्यासाठी इंडियन नॅशनल काँग्रेस (काँग्रेस) पक्षानेही जोरदार मोर्चेबांधणीला सुरुवात केली आहे. प्रदेश काँग्रेस कमिटीच्या आदेशानुसार, चंद्रपूर शहर जिल्हा काँग्रेस कमिटीने आगामी महानगरपालिका निवडणुकीसाठी इच्छुक उमेदवारांकडून अर्ज मागवण्याची प्रक्रिया जाहीर केली आहे.
चंद्रपूर शहर (जिल्हा) काँग्रेस कमिटीचे अध्यक्ष संतोष लहामगे यांनी दिलेल्या माहितीनुसार, काँग्रेस पक्षाच्या वतीने निवडणूक लढवण्यास इच्छुक असलेल्या सर्व कार्यकर्त्यांनी आपले अर्ज दिनांक १५ नोव्हेंबर २०२५ पासून ते २० नोव्हेंबर २०२५ पर्यंत भरून द्यायचे आहेत. अर्ज स्वीकारण्याची प्रक्रिया दररोज सकाळी ११:०० ते सायंकाळी ४:०० वाजेपर्यंत चालणार आहे. उमेदवारी अर्ज मिळवण्याचे व ते भरून स्वीकारण्याचे ठिकाण युनिक फर्निचर, महात्मा गांधी पुतळ्यासमोर, गांधी चौक, चंद्रपूर हे निश्चित करण्यात आले आहे. Chandrapur Congress candidate nomination
अर्ज सादर करताना उमेदवारांनी निश्चित केलेले शुल्क जमा करणे अनिवार्य आहे. अनुसूचित जाती, अनुसूचित जमाती प्रवर्गातील उमेदवारांसाठी आणि सर्व प्रवर्गातील महिला उमेदवारांसाठी हे शुल्क ₹ २,५००/- (अडीच हजार रुपये) असून, इतर सर्व प्रवर्गातील उमेदवारांसाठी ₹ ५,०००/- (पाच हजार रुपये) निश्चित करण्यात आले आहे.
इच्छुक आणि पात्र असलेल्या सर्व काँग्रेस कार्यकर्त्यांनी पक्षाच्या नियमांनुसार वेळेत अर्ज सादर करून पक्षश्रेष्ठींना सहकार्य करावे आणि पक्षाला बळ द्यावे, असे आवाहन चंद्रपूर शहर जिल्हा काँग्रेस कमिटीने केले आहे.
