My Blog

Blog

  • जिजाऊ ब्रिगेड अधिवेशनाचा समारोप; महिलांनी निर्भीडपणे राजकारणात सहभागी व्हावे – खासदार प्रतिभा धानोरकर

    Jijau Brigade annual convention updates : चंद्रपूर २४ नोव्हेम्बर (News३४) – जिजाऊ ब्रिगेड हा एक अत्यंत सकारात्मक विचार असून येणाऱ्या काळामध्ये देशात सामाजिक परिवर्तन करण्याची ताकद जिजाऊ ब्रिगेडच्या विचारांमध्येच आहे असे प्रतिपादन खासदार प्रतिभाताई धानोरकर यांनी केले. महिलांनी राजकारणात सकारात्मक वृत्ती ठेवून सामील होण्याचा कालखंड आहे त्यामुळे निर्भीडपणे राजकारणात देखील जिजाऊ ब्रिगेडच्या पदाधिकाऱ्यांनी यावे असे आवाहनही त्यांनी केले.

    Read Also : ब्रह्मपुरी शहरात माजी नगरसेवकाने सुरु केला देहव्यापाराचा धंदा, पोलिसांची धाड

    जिजाऊ ब्रिगेडच्या तीन दिवसीय राज्यस्तरीय महाधिवेशनाचा समारोप स्थानिक प्रियदर्शनी इंदिरा गांधी सांस्कृतिक सभागृहामध्ये झाला. या समारोपीय सत्राच्या अध्यक्षस्थानी मराठा सेवा संघाचे संस्थापक अध्यक्ष पुरुषोत्तम खेडेकर हे होते, तर यावेळी स्वागताध्यक्ष खासदार प्रतिभा धानोरकर प्रमुख अतिथी आमदार सुधाकर अडवाले, मराठा सेवा संघाचे राष्ट्रीय अध्यक्ष कामाजी पवार, प्रदेश कार्याध्यक्ष नवनाथ गाडगे, संभाजी ब्रिगेडचे प्रदेशाध्यक्ष मनोज दादा आखरे, संभाजी ब्रिगेडचे प्रदेश महासचिव सौरभ खेडेकर, जिजाऊ ब्रिगेडच्या प्रदेशाध्यक्ष सीमा बोके, महासचिव डॉ. स्नेहा खेडेकर, कानबाई बिर्जे, पत्रकार परिषदेचे प्रदेश राष्ट्रीय अध्यक्ष विलास पाटील, मराठा सेवा संघाचे प्रदेश उपाध्यक्ष दीपक जेऊरकर, मराठा सेवा संघाचे जिल्हा सचिव सुरेश माळवे, सत्यभामा पाटील हे प्रामुख्याने उपस्थित होते. Jijau Brigade annual convention updates

    जिजाऊ ब्रिगेडने आता जागतिक पातळीवर आपली ओळख निर्माण करण्यासाठी येथून पुढे वाटचाल करावी, महिलांनी परग्रहावर देखील पाऊल ठेवलेले आहे, याचाआदर्श घेत जिजाऊ ब्रिगेडनी परग्रहावर राज्य निर्माण करणारी स्त्री निर्माण करावी अशी अपेक्षा मराठा सेवा संघाचे संस्थापक अध्यक्ष पुरुषोत्तम खेडेकर यांनी व्यक्त केली.

    आमदार सुधाकर अडवाले यांनी जिजाऊ ब्रिगेडच्या या अधिवेशनामध्ये झालेल्या वैचारिक मंतनाचे कौतुक करत देशांमध्ये जाणीवपूर्वक महिलांना विकृत विचारांच्या आहारी नेण्याचे काम काही संघटना व लोक करीत आहेत अशा चुकीच्या मार्गाने लागलेल्या महिलांचं वैचारिक प्रबोधन करण्याचे काम जिजाऊ ब्रिगेडने करण्याची गरज आहे असे मत व्यक्त केले.

    जिजाऊ ब्रिगेड ने स्वीकारलेला सामाजिक परिवर्तनाचा वैचारिक लढा अधिक विस्तारत येणाऱ्या काळात महिलांच्या आर्थिक राजकीय व धार्मिक क्षेत्रातील विविध प्रश्नांना घेऊन लढा अधिक तीव्र केल्या जाईल जिजाऊ ब्रिगेडला आंतरराष्ट्रीय स्तरावर पोहोचवण्यासाठी अधिवेशनात जिजाऊ ब्रिगेडच्या वेबसाईटचे लॉन्चिंग करण्यात आले गतवर्षीचा आंतरराष्ट्रीय अधिवेशन दुबई येथे झालेले असून जगभर जिजाऊ ब्रिगेड पोचवण्याचं काम केले जाईल असे मत व्यक्त केले. Jijau Brigade annual convention updates

    जिजाऊ ब्रिगेडचे पुढील वर्षाचे अधिवेशन राजधानी मुंबई येथे होणार.-

    जिजाऊ ब्रिगेडचे दहावे राज्यस्तरीय अधिवेशन २०२६ मध्ये मुंबई येथे आयोजित करण्याबद्दलचा ठराव एक मताने पास करण्यात आला.

  • राजमाता जिजाऊंच्या प्रेरणेने सशक्त नेतृत्वाचा महामार्ग – आ. सुधीर मुनगंटीवार यांचे प्रतिपादन

    Jijau Brigade women leadership event Chandrapur : चंद्रपूर : जिजाऊ ब्रिगेड महाराष्ट्र आयोजित महाअधिवेशनाला उपस्थित राहून राज्याचे माजी वने व सांस्कृतिक कार्य मंत्री आमदार आ. सुधीर मुनगंटीवार यांनी राजमाता जिजाऊंच्या लेकींना आत्मविश्वास, पराक्रम आणि नेतृत्वाची दिशा देणारे प्रेरणादायी मार्गदर्शन केले.राजमाता जिजाऊंच्या प्रेरणेने या महाअधिवेशनातील उपस्थित प्रत्येक भगिनींचे नेतृत्व, स्वाभिमान आणि कर्तृत्वाची नवी व्याख्या लिहिणार आहे,असा ठाम विश्वास यावेळी आ.मुनगंटीवार यांनी व्यक्त केला.

    Read Also : चंद्रपूर विधानसभेत २० कोटी रुपयांच्या निधीतून १०० पाणंद रस्ते, आमदार जोरगेवार यांचा पाठपुरावा

    चंद्रपूर येथील प्रियदर्शिनी सभागृहात पार पडलेल्या या महाअधिवेशनाला मराठा सेवा संघाचे राष्ट्रीय अध्यक्ष कामाजी पवार, जिजाऊ ब्रिगेड प्रदेशाध्यक्ष सीमाताई बोके, तसेच घोडकेजी, वनविकास महामंडळाचे माजी अध्यक्ष चंदनसिंग चंदेल,अरविंद गावंडे, दीपक जेऊरकर, सौरभ खेडेकर, डॉ. मंगेश गुलवाडे, प्रज्वलंत कडू, आनंद जवंजाळे, संगीताताई टोंगे, सारिकाताई कुंभारे, आशाताई ठाकरे, रजनीताई जेऊरकर, लताताई होरे आणि वनिताताई आसुटकर आदी मान्यवर यावेळी उपस्थित होते. Jijau Brigade women leadership event Chandrapur

    jijau brigade program

    या महाअधिवेशनात महिला नेतृत्व, सामाजिक परिवर्तन, संघटन उभारणी, जनआंदोलन आणि राष्ट्राभिमान याविषयांवर मंथन पार पडले. यावेळी आ.सुधीर मुनगंटीवार यांचा सत्कार करण्यात आला. यावेळी बोलताना आ. मुनगंटीवार म्हणाले,जसा ‘सी फॉर चंद्रपूर’ या भावनेने आपण आज येथे एकत्र आलो आहोत, तसाच या अधिवेशनानंतर प्रत्येक भगिनी ‘सी फॉर चॅम्पियन’ बनून प्रत्येक क्षेत्रात विजय मिळवेल, असा विश्वास त्यांनी यावेळी व्यक्त केला.

    आ.मुनगंटीवार यांनी आपल्या कार्यकाळातील ऐतिहासिक विकासकार्याचा उल्लेख केला. सांस्कृतिक कार्यमंत्री असताना राजमाता जिजाऊंच्या जन्मभूमी सिंदखेडराजा विकासासाठी ५० कोटी रुपयांचा निधी मंजूर केला असल्याचे त्यांनी सांगितले. तसेच अर्थमंत्री असताना छत्रपती शिवाजी महाराजांच्या तपश्चर्यास्थळ श्रीशैलम येथे ध्यानमंदिर उभारणीसाठी ३ कोटी २५ लाख रुपये निधी दिल्याचा अभिमान त्यांनी व्यक्त केला.या ध्यानमंदिराला नुकतीच देशगौरव पंतप्रधान नरेंद्रजी मोदी यांनी भेट दिल्याचा उल्लेख करताना त्यांच्या आवाजात समाधान आणि प्रबळ राष्ट्रभक्तीची भावना होती. Jijau Brigade women leadership event Chandrapur

    आ. मुनगंटीवार म्हणाले, चंद्रपूरची आराध्य दैवत माता महाकाली आणि राजमाता जिजाऊंच्या प्रेरणेने आजची स्त्री निर्भय, आत्मविश्वासू आणि सक्षम झाली पाहिजे. समाजपरिवर्तनाची दिशा तुमच्या नेतृत्वातूनच घडेल.स्त्रीशक्तीच्या या उभारणीचा प्रवास अधिक सामर्थ्यवान, परिणामकारक आणि परिवर्तन घडविणारा ठरो, अशा शुभेच्छा यावेळी त्यांनी दिल्या.

  • नागभीड पोलिसांची कोंबडा बाजारावर धाड, ५ आरोपींविरुद्ध कारवाई

    cock fight gambling in Nagbhid taluka : नागभीड २३ नोव्हेम्बर (News३४) – २३ नोव्हेम्बर रोजी नागभीड पोलिसांनी पेंढरी शेतशिवारात सुरु असलेल्या कोंबडा बाजार अड्ड्यावर धाड मारीत कारवाई केली, यामध्ये ५ आरोपीविरुद्ध कारवाई करीत एकूण २ लक्ष ७५ हजार ५०० रुपयांचा मुद्देमाल जप्त करण्यात आला.

    Read Also : स्पा सेंटरच्या नावाखाली ब्रह्मपुरीमध्ये सुरु होता देहव्यापार

    दोन कोंबड्याना आपसात भांडवीत त्यांच्यावर पैशाची बाजी लावण्याचे काम नागभीड तालुक्यातील पेंढरी शेतशिवारात सुरु असल्याची माहिती पोलिसांना मिळाली होती, माहितीच्या आधारे पोलिसांनी शेतशिवरातील नाल्याजवळ सुरु असलेल्या कोंबडा बाजार अड्ड्यावर धाड टाकली.

    यावेळी जुगार बहाद्दूर ३३ वर्षीय जाबीर हयादखान पठाण, ३६ वर्षीय रोशन यादव देव्हारे, ३० वर्षीय खुशाल उर्फ सचिन गणेश नान्हे, ४४ वर्षीय संजय रामदास माथनकर व २५ वर्षीय निखिल रवींद्र समर्थ यांना ताब्यात घेत तीन जखमी कोंबडे, दोन लोखंडी धारदार कात्या, दोरी व रोख रक्कम सह ७ दुचाकी वाहन असा एकूण २ लक्ष ७५ हजार ५०० रुपयांचा मुद्देमाल जप्त करण्यात आला. cock fight gambling in Nagbhid taluka

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी राकेश जाधव, पोलीस निरीक्षक रमाकांत कोकाटे यांच्या मार्गदर्शनाखाली पोउपनि अजिंक्य गोविंदलवार, पोलीस कर्मचारी नरेश वाढाई, दिलीप चौधरी, भरत घोळवे व प्रफुल रोहणकर यांनी केली.

  • Chandrapur police bust spa prostitution । कांग्रेसच्या माजी नगरसेवकाचा प्रताप, ब्रह्मपुरीत सुरु केला देहव्यापार

    Chandrapur police bust spa prostitution

    Chandrapur police bust spa prostitution : चंद्रपूर २३ नोव्हेम्बर २५ (News३४) – चंद्रपूर जिल्ह्यात नगरपरिषद निवडणुकीची रणधुमाळी सुरु असताना कांग्रेस पक्षाच्या माजी नगरसेवकाच्या देहव्यापार चालविणाऱ्या स्पा सेंटर वर स्थानिक गुन्हे शाखेने धाड मारीत ३ महिलांची सुटका करण्यात आली आहे.

    Read Also : चोरीच्या भीतीने महिलेने तब्बल १४५ ग्राम सोन ठेवलं वाहनात आणि झाली चोरी

    ब्रह्मपुरी शहरात मागील अनेक दिवसापासून शेषनगर मध्ये माय हेल्थ प्रो स्पा अँड वेलनेस सेंटर कांग्रेसचे माजी नगरसेवक प्रितीश बुर्ले यांनी सुरु केले होते, मात्र या स्पा सेंटर मध्ये मसाज च्या नावाखाली वेश्याव्यवसाय सुरु होता. व्यवसायाला उभारी यावी याकरिता बुर्ले यांनी थेट मिझोरम व नागालँड मधून ३ महिला आणल्या होत्या. Chandrapur police bust spa prostitution

    या अवैध व्यवसायाची चाहूल स्थानिक गुन्हे शाखेला लागली, २२ नोव्हेम्बरला स्थानिक गुन्हे शाखेचे पोलीस निरीक्षक अमोल काचोरे यांनी पथकासह धाड मारली, तत्पूर्वी पोलिसांनी स्पा सेंटरमध्ये बनावट गिर्हाईक पाठविले होते. इशारा मिळताच पोलिसांनी तात्काळ धाड मारली. यावेळी पोलीस निरीक्षक दर्जाचे दोन अधिकारी, समाजसेविका व पंच उपस्थित होते.

    ३ महिलांची सुटका, मालक फरार

    या कारवाईत पोलिसांनी ३ महिलांची सुटका करीत स्पा सेंटरचा मॅनेजर २४ वर्षीय करण गंगाधर मोहजनकर राहणार पांजरेपार नागभीड याला ताब्यात घेत रोख रक्कम, मोबाईल, रजिस्टर, पावती बुक स्कॅनर व कंडोम पॉकेट असा एकूण १८ हजार ६० रुपयांचा मुद्देमाल जप्त करण्यात आला. या प्रकरणी स्पा सेंटरचा मालक कांग्रेसचे माजी नगरसेवक प्रितीश बुर्ले फरार झाला असून पोलीस त्याचा शोध घेत आहे. आरोपीविरुद्ध स्त्रिया व मुली अनैतिक व्यापार प्रतिबंध अधिनियम १९५६ कलम ३,४,५,७ अन्व्ये गुन्हा दाखल करण्यात आला आहे. Chandrapur police bust spa prostitution

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनात स्थानिक गुन्हे शाखा पोलीस निरीक्षक अमोल काचोरे, पोलीस निरीक्षक ब्रह्मपुरी प्रमोद बानबले, सपोनि शीतल खोब्रागडे, पोउपनि संतोष निंभोरकर, पोउपनि सर्व्हेश बेलसरे, पोलीस कर्मचारी जयंत चुनारकर, नितेश महात्मे, छाया निकोडे, निराशा तितरे, अपर्णा मानकर, प्रफुल पारघाटे, प्रदीप मडावी, अजित शेंडे, सुमित बर्डे, दिनेश आराडे, समाजसेविका सरिता मालू, माया सुनील मेश्राम, हर्षा बानोडे सह ब्रह्मपुरी पोलीस यांनी केली.

  • grassland restoration in Tadoba Andhari reserve । ताडोबा-अंधारी व्याघ्र प्रकल्पात जैवविविधता टिकवण्यासाठी महत्त्वाचे पाऊल

    grassland restoration in Tadoba Andhari reserve

    grassland restoration in Tadoba Andhari reserve : चंद्रपूर २३ नोव्हेम्बर (News 34) – विदर्भातील विविध विकास कामांबरोबरच तेथील जंगल संपदा राखण्यासाठी व त्याच्या वाढीसाठी मुख्यमंत्री देवेंद्र फडणवीस हे नेहमीच आग्रही आहेत.मुख्यमंत्री देवेंद्र फडणवीस यांच्या संकल्पनेतून ताडोबा अंधारी व्याघ्र प्रकल्प परिसरातील ८०० एकर जागेचा पर्यावरणीय पुनरुज्जीवन प्रकल्प हाती घेण्यात आला आहे.या प्रकल्पाला झिरोधा कंपनी व रेन मॅटर फाऊंडेशन सामाजिक उत्तरदायित्वातून सहकार्य करणार आहेत.

    Read Also : ताडोबातील १० चितळ्यांचे स्थानांतरण

    रिवाईल्डिंग म्हणजे जंगल,गवताळ प्रदेश किंवा जलक्षेत्रात मानवी हस्तक्षेप कमीत कमी ठेवून तेथील नैसर्गिक भूभाग,वन्यजीव आणि जैवविविधतेचे पर्यावरणीय पुनरुज्जीवन करणे होय.या संकल्पनेनुसार ताडोबा-अंधारी व्याघ्र प्रकल्पाच्या परिसरातील ८०० एकर क्षेत्राचे पर्यावरणीय पुनरुज्जीवन करण्याचा प्रकल्प हाती घेण्यात आला आहे.

    महाराष्ट्रातील हा पहिलाच प्रकल्प ताडोबामध्ये राबविण्यात येणार असून यासाठी महाराष्ट्र शासनाच्या वन विभागाबरोबरच फार्मर्स फॉर फॉरेस्ट यांच्या सहकार्याने झिरोधा व रेनमॅटर फाऊंडेशन ही संस्था काम करणार आहे.यासाठी सुमारे १०० कोटी रुपयांच्या झिरोधा रिवाइल्डिंग फंड हा विशेष निधी तयार करण्यात आला आहे.या प्रकल्पासंदर्भातील औपचारिक घोषणा लवकरच होणार आहे. grassland restoration in Tadoba Andhari reserve

    झिरोधा आणि ‘रेनमॅटर फाउंडेशन’ या संस्थांच्या माध्यमातून पर्यावरणीय व सामाजिक उपक्रम राबवले जात आहेत.रेनमॅटर फाउंडेशनमार्फत हवामान बदल व पर्यावरणीय ऱ्हास या समस्यांवर कामे करण्यात येतात. यासाठी झिरोधा ही कंपनी आपल्या नफ्यातील १० टक्के निधी सामाजिक उत्तरदायित्व व पर्यावरणीय कामांसाठी राखीव ठेवते.या राखीव निधीतून झिरोझाने संस्थेच्या १५ व्या वर्धापन दिनानिमित्त १०० कोटी रुपये गुंतवणुकीचा ‘झिरोधा रीवाइल्डिंग फंड’ जाहीर केला आहे.

    या उपक्रमांतर्गत देशातील पर्यावरणीय दृष्टिकोनातून महत्त्वाच्या परिसरातील निसर्गाचे पुनरुज्जीवन करण्यात येणार आहे.त्यामध्ये देशात विविध ठिकाणी मोनोकल्चर वृक्षलागवडी ऐवजी जैवविविधता टिकवणाऱ्या पद्धतीने निसर्गाचा समतोल राखण्याचे उद्दिष्ट आहे.यामध्ये विदर्भातील ताडोबा-अंधारी व्याघ्र प्रकल्पाच्या परिसरातील ८०० एकरच्या प्रकल्पाचा समावेश आहे.

  • sand smuggling arrest Gondpipri । गोंडपिंपरी पोलिसांची धडक कारवाई! अवैधरित्या रेती वाहतूक करणारा ट्रॅक्टर जप्त

    sand smuggling arrest Gondpipri

    sand smuggling arrest Gondpipri : गोंडपिंपरी २२ नोव्हेम्बर (News 34) – गोंडपिंपरी पोलीस स्टेशन हद्दीतील मौजा राळापेठ येथे दिनांक २१ नोव्हेंबर २०२५ रोजी गोपनीय माहितीच्या आधारे पोलिसांनी अवैधरित्या रेतीची वाहतूक करणाऱ्या ट्रॅक्टरवर कारवाई केली. या कारवाईत ट्रॅक्टर आणि रेतीसह एकूण ₹ ५ लाख १० हजार रुपयांचा मुद्देमाल जप्त करण्यात आला असून, एका आरोपीला ताब्यात घेण्यात आले आहे.

    Read Also : भंगार चोरणारी टोळीला स्थानिक गुन्हे शाखेची कारवाई

    नाकाबंदीत ट्रॅक्टर पकडला

    पोलीस स्टेशन गोंडपिंपरी येथील पथकाला गुप्त बातमीदाराकडून माहिती मिळाली की, मौजा राळापेठ परिसरातून ट्रॅक्टरद्वारे अवैध रेतीची वाहतूक केली जात आहे. मिळालेल्या माहितीनुसार, पोलिसांनी तातडीने राळापेठ येथे नाकाबंदी केली. या नाकाबंदी दरम्यान, MH 34 CR 3382 क्रमांकाचा महिंद्रा कंपनीचा ट्रॅक्टर अवैधरित्या, कोणत्याही प्रकारच्या आवश्यक परवान्याशिवाय रेतीची वाहतूक करताना आढळून आला.

    चालक-मालकावर गुन्हा दाखल

    पोलिसांनी तात्काळ ट्रॅक्टर चालक तथा मालक सुनील भैयाजी ताजने (वय ५०, रा. राळापेठ, तालुका गोंडपिंपरी) यास ताब्यात घेतले आहे. या कारवाईत पोलिसांनी एकूण ₹ ५ लाख १० हजार रुपयांचा मुद्देमाल जप्त केला आहे, ज्यात खालील वस्तूंचा समावेश आहे.

    • महिंद्रा कंपनीचा ट्रॅक्टर व ट्रॉली: अंदाजे किंमत ₹ ५,००,०००/-
    • १ ब्रास रेती: अंदाजे किंमत ₹ १०,०००/-
    • एकूण जप्त किंमत: ₹ ५,१०,०००/-

    अवैध रेती वाहतुकीप्रकरणी आरोपीविरुद्ध गोंडपिंपरी पोलीस स्टेशनमध्ये गुन्हा नोंद करण्यात आला असून, पोलीस पुढील तपास करत आहेत.

  • lcb chandrapur arrests illegal scrap gang । चंद्रपूर LCB ची धडक कारवाई! लोखंडी भंगार चोरी प्रकरणात पाच जण अटक; 7.82 लाखांचा मुद्देमाल जप्त

    lcb chandrapur arrests illegal scrap gang

    lcb chandrapur arrests illegal scrap gang : चंद्रपूर २२ नोव्हेम्बर (News 34) – दिनांक २१ नोव्हेंबर २०२५ रोजी चंद्रपूरच्या स्थानिक गुन्हे शाखेने (LCB) मोठी कारवाई करत अवैधरित्या लोखंडी भंगाराची चोरी आणि वाहतूक करणाऱ्या पाच आरोपींना अटक केली आहे. बल्लारपूर-चंद्रपूर महामार्गावर ही कारवाई करण्यात आली असून, यामध्ये पिकअप वाहनासह सुमारे ७ लाख ८२ हजार रुपयांचा मुद्देमाल जप्त करण्यात आला आहे.

    Read Also : चोरीच्या भीतीने दागिने ठेवले वाहनात, १७ लाखांचे दागिने लंपास

    स्थानिक गुन्हे शाखेच्या पथकाला गोपनीय माहिती मिळाली होती की, बल्लारपूर-चंद्रपूर महामार्गावरून अवैधरित्या लोखंडी भंगार चोरीची वाहतूक सुरू आहे. या माहितीच्या आधारे पथकाने सापळा रचून पिकअप वाहन क्रमांक MH 34 BZ 8653 ला ताब्यात घेतले.

    या कारवाईत एकूण पाच आरोपींना ताब्यात घेण्यात आले असून, एका आरोपीचा शोध सुरू आहे. सर्व आरोपी चंद्रपूर येथील रहिवासी आहेत: दुर्गेश तुळशीराम भागडे (वय २१), रोशन उमेश भोयर (वय २१), कृष्णा संजय गदईकर (वय १९), अशोक बनेश झाडे (वय ४१), दिवाकर तुळशीराम भागडे. याशिवाय, साबिर शेख नामक एक आरोपी अद्याप फरार असून, पोलीस त्याचा शोध घेत आहेत. lcb chandrapur arrests illegal scrap gang

    जप्त करण्यात आलेला मुद्देमाल

    पोलिसांनी आरोपींकडून खालीलप्रमाणे एकूण ₹ ७,८२,०००/- किंमतीचा मुद्देमाल जप्त केला आहे: पिकअप वाहन (क्र. MH 34 BZ 8653) ५,००,०००/-, लोखंडी भंगार (२५०० किलो) २,५०,०००/-, गॅस कटर सिलेंडर (०३ नग) ३०,०००/-, घरगुती सिलेंडर २,०००/-.

    याप्रकरणी आरोपींवर चंद्रपूर शहर पोलीस स्टेशन येथे कलम १२४ महाराष्ट्र पोलीस अधिनियम अन्वये गुन्हा नोंद करण्यात आला आहे. पोलीस पुढील तपास करत आहेत. सदरची यशस्वी कारवाई स्थानिक गुन्हे शाखा, चंद्रपूर च्या पथकाने केली. कारवाई पथकात PSI संतोष निंभोरकर, PSI सुनील गौरकर, ASI धनराज करकाडे, HC गणेश भोयर, संतोष येलपुलवार, PC सुमित बरडे, आणि प्रफुल गारघाटे यांचा समावेश होता.

  • Matoshri Gram samruddhi rural road scheme । शेतकऱ्यांना दिलासा! 100+ पाणंद रस्त्यांना मोठी मंजुरी; जोरगेवार यांच्या पाठपुराव्याला यश

    Matoshri Gram samruddhi rural road scheme

    Matoshri Gram samruddhi rural road scheme : चंद्रपूर २२ नोव्हेम्बर (News 34) – आमदार किशोर जोरगेवार यांच्या सातत्यपूर्ण पाठपुराव्याला यश आले असून मातोश्री ग्रामसमृद्धी शेत पाणंद रस्ते योजनेंतर्गत चंद्रपूर विधानसभा मतदारसंघातील 100 पेक्षा अधिक पाणंद रस्त्यांना मंजुरी देण्यात आली आहे. या निर्णयामुळे शेतकऱ्यांना शेतात जाण्यासाठीची सोय मोठ्या प्रमाणात सुधारेल तसेच शेतीमाल वाहतूक आणि बाजारपेठेपर्यंत पोहोचण्याचा मार्ग अधिक सुलभ होणार आहे.

    Read Also : चारचाकी वाहनात दागिने ठेवणे पडले महागात, चोराने डाव साधला

    आतापर्यंत ग्रामीण भागांतील शेतकऱ्यांना पावसाळ्यात चिखल, पाणथळ आणि वाहतुकीच्या अडचणींमुळे शेतात जाणे कठीण व्हायचे. त्यामुळे शेती उत्पादन खर्च वाढत होता आणि वेळेवर शेतीकामे करण्यास अडथळे येत होते. मंजूर झालेल्या पाणंद रस्त्यांमुळे आता शेतकरी बांधवांचा श्रम व वेळ दोन्ही वाचणार असून पीक उत्पादन बाजारात नेण्याचे मार्गही सुकर होणार आहेत. या मंजुरीने ग्रामीण जनतेत मोठा आनंद व्यक्त करण्यात येत आहे. Matoshri Gram samruddhi rural road scheme

    या निर्णयाबद्दल राज्याचे मुख्यमंत्री देवेंद्रजी फडणवीस, रोजगार हमी मंत्री भरतशेठ गोगावले यांचे आमदार किशोर जोरगेवार यांनी आभार व्यक्त केले आहेत. चंद्रपूर विधानसभा मतदारसंघातील गावोगाव रस्ताविकासाचा प्रश्न जलद गतीने मार्गी लागत असून ग्रामीण भागात सर्वांगीण प्रगतीचा नवा अध्याय सुरू झाला आहे.

    या मंजूर पाणंद रस्त्यांच्या कामाला लवकरच सुरुवात होणार असून प्रत्येक गावापर्यंत विकास पोहोचवण्याचा दृढ संकल्प यामधून दिसून येतो. चंद्रपूर विधानसभा मतदारसंघातील ग्रामीण भागातील शेतकऱ्यांना दिलासा देणारा, विकासाचे नवे दालन उघडणारा हा निर्णय कृषी आणि ग्रामविकासाच्या दिशेने महत्त्वाचे पाऊल म्हणून पाहिले जात आहे.

    शेतकरी हा आपल्या देशाच्या अर्थव्यवस्थेचा कणा आहे. त्यांच्या दैनंदिन श्रमांना मदत होणे आणि त्यांच्या उत्पादनाला योग्य बाजारपेठेपर्यंत पोहोचण्यासाठी सुविधा मिळणे ही सरकारची जबाबदारी आहे. या पाणंद रस्त्यांच्या मंजुरीमुळे ग्रामीण भागातील विकासाला मोठी चालना मिळणार असून शेतकऱ्यांना वास्तविक दिलासा मिळेल. Matoshri Gram samruddhi rural road scheme

    माझ्या मतदारसंघातील प्रत्येक गावापर्यंत विकास पोहोचवण्याचा दृढ संकल्प आम्ही केला आहे आणि त्यासाठी सातत्याने प्रयत्न सुरू राहतील. ही मंजुरी ही फक्त सुरुवात आहे. पुढील काळातही ग्रामीण भागातील रस्ते, पाणी, वीज, आरोग्य आणि शिक्षण या क्षेत्रात अधिकाधिक विकासकामे होत राहतील,” अशी प्रतिक्रिया आमदार किशोर जोरगेवार यांनी दिली.

  • boma enclosures for deer relocation । ताडोबातून 10 चितळांचे यशस्वी स्थानांतर! नवेगाव–नागझिरा प्रकल्पात सुरक्षित पोहोच

    boma enclosures for deer relocation

    boma enclosures for deer relocation : चंद्रपूर २२ नोव्हेम्बर (News 34) – दि. 21 नोव्हेंबर 2025 रोजी ताडोबा–अंधारी व्याघ्र प्रकल्प येथून चितळांचे स्थानांतर करण्याच्या उपक्रमाची यशस्वी सुरुवात झाली. मोहिमेच्या पहिल्याच दिवशी 10 चितळांचे नवेगाव–नागझिरा व्याघ्र प्रकल्पात सुरक्षितपणे स्थानांतर करण्यात आले.

    ताडोबामध्ये चितळांना पकडून आफ्रिकन पद्धतीच्या ‘बोमा’ संरचनेत ठेवण्यात आले. ही बोमा संरचना कोलारा वनपरिक्षेत्रातील जामणीच्या विस्तीर्ण माळरानात उभारण्यात आली आहे. जामणी परिसरातील समृद्ध चितळसंख्या आणि अनुकूल भौगोलिक परिस्थितीमुळे तो बोमा उभारण्यासाठी सर्वात योग्य परिसर ठरला. या उपक्रमाची तयारी मागील चार महिन्यांपासून सुरू होती. boma enclosures for deer relocation

    Read Also : जनता कॅरिअर लॉन्चर वसतिगृह आत्महत्या प्रकरणात एकाला अटक

    बोमातून चितळांना विशेष तयार केलेल्या स्थानांतर वाहनांद्वारे हलविण्यात आले. या वाहनांमध्ये सीसीटीव्ही कॅमेरे, फॉगर, तसेच जखम टाळण्यासाठी आवश्यक कुशनिंगची सोय आहे. तसेच नर–मादी चितळांना वेगळे ठेवता येईल, अशी यात रचना करण्यात आहे. या उपक्रमासाठी अशी दोन वाहने विशेष खरेदी करून सुधारित करण्यात आली. चितळांना नवेगाव–नागझिरा व्याघ्र प्रकल्पातील सॉफ्ट-रिलीज एनक्लोजर्समध्ये सुरक्षित पोहोचविण्यात आले.

    श्री आनंद रेड्डी, उपसंचालक (कोर), यांच्या नेतृत्वाखालील संघाच्या काटेकोर नियोजनामुळे हे काम शक्य झाले. त्यांना श्री विवेक नातू, एसीएफ यांचे मोलाचे सहकार्य लाभलं. श्री अनिरुद्ध धागे, एसीएफ, श्री भाविक चिवंडे, आरएफओ आणि श्री विशाल वैद्य, आरएफओ यांनीही यात महत्वपूर्ण जबाबदारी पार पाडली. या स्थानांतर प्रक्रियेसाठी मध्य प्रदेशातील तज्ज्ञ पथकातील आरएफओ डॉ. बलवंत केशवाल, डेप्युटी आरओ श्री चौधरी, डेप्युटी आरओ श्री उईके आणि डेप्युटी आरओ श्री भायस यांना विशेष आमंत्रित करण्यात आले. तसेच नवेगाव–नागझिरा व्याघ्र प्रकल्पाचे आरएफओ श्री तेजस सूर्यवंशी यांच्या नेतृत्वाखालील पथकाने वाहतूक आणि पायलटिंगदरम्यान आवश्यक सहकार्य केले. boma enclosures for deer relocation

    boma enclosures

    “या संपूर्ण प्रक्रियेत एकाही चितळाचा मृत्यू न होणे हे सर्वात मोठे यश आहे”, असे श्री आनंद रेड्डी यांनी सांगितले. हा उपक्रम ताडोबा-अंधारी आणि नवेगाव–नागझिरा या दोन्हा व्याघ्र प्रकल्पाच्या प्रभावी समन्वयातून यशस्वीरीत्या राबविण्यात आला.

    “या स्थानांतर उपक्रमामुळे ताडोबाचा शाकाहारी प्राण्यांच्या स्थानांतराचा अनुभव अधिक समृद्ध झाला आहे. यापूर्वी वाघांचे नवेगाव–नागझिरा, सिमलीपाल आणि सह्याद्री व्याघ्र प्रकल्पांमध्ये स्थानांतर करण्यात आले आहे. आता चितळांचे यशस्वी स्थानांतर हा ताडोबाच्या संवर्धन कार्यातील एक महत्त्वपूर्ण टप्पा आहे.” – श्री प्रभू नाथ शुक्ला, भावसे, क्षेत्र संचालक, ताडोबा-अंधारी व्याघ्र प्रकल्प

    “संवर्धनातील विद्मान आव्हाने आणि मानव–वन्यजीव संघर्षाच्या पार्श्वभूमीवर अशा सक्रिय व्यवस्थापन उपाययोजना अत्यावश्यक आहेत. महाराष्ट्र वन विभाग भविष्यातही अशा प्रगतिशील उपक्रमांची अंमलबजावणी करत राहील.” – श्री एम. एस. रेड्डी, भावसे, प्रधान मुख्य वनसंरक्षक (वन्यजीव), महाराष्ट्र

  • gold and silver jewellery theft from car । चोरीच्या भीतीने वाहनात ठेवले दागिने…त्याने साधला डाव, गुन्हे शाखेने आवळल्या मुसक्या

    gold and silver jewellery theft from car

    gold and silver jewellery theft from car : चंद्रपूर २२ नोव्हेम्बर (News ३४) – चारचाकी वाहनात ठेवलेले सोन्याचे व चांदीचे दागिने ओळखीमधील एका तरुणाने चोरी केल्याची घटना चंद्रपुरातील पडली पोलीस स्टेशनच्या हद्दीत घडली. चोरी प्रकरणातील आरोपीला स्थानिक गुन्हे शाखेने अटक केली असून चोरी गेलेला १७ लक्ष ६८ हजारांचा मुद्देमाल जप्त करण्यात आला आहे.

    १६ नोव्हेम्बर रोजी विदर्भ टाऊनशिप देवाळा मध्ये राहणाऱ्या ४३ वर्षीय विना वीरेंद्र कुंभरे या मुलीसोबत पांढरकवडा मध्ये जाण्यासाठी निघाले होते, चोरीच्या भीतीने विना ने सोन्या-चांदीचे दागिने घरातील गेटच्या आतमध्ये असलेल्या चारचाकी वाहनात ठेवत गावी गेल्या.

    Read Also : जनता कॅरिअर लॉन्चर वसतिगृह आत्महत्या प्रकरणी वॉर्डनला अटक, ३ फरार

    २० नोव्हेम्बर रोजी विना आपल्या मुलीसह घरी परतल्या असत्या त्यांनी वाहनात ठेवलेले दागिने बघितले मात्र त्यांना ते कुठेही आढळून आले नाही, वाहनातील दागिने चोरी झाले असे समजताच विना कुंभरे यांनी पडोली पोलीस स्टेशनमध्ये तक्रार दिली. तक्रार दाखल होताच सदर गुन्ह्यातील आरोपीचा शोध घेण्यासाठी स्थानिक गुन्हे शाखेचे पथक कामाला लागले. gold and silver jewellery theft from car

    स्थानिक गुन्हे शाखेच्या पथकाने घटनास्थळ परिसरातील सीसीटीव्ही फुटेजची तपासणी केली, गोपनीय माहिती मिळवली, पोलिसांनी फिर्यादी तर्फे माहिती घेतली कि वाहनात दागिने ठेवण्याची बाब इतर कुणाला माहिती आहे का किंवा कुणाच्या समोर वाच्यता केली का? मग काय पोलिसांना यावर फिर्यादी यांनी माहिती दिली आणि पोलिसांनी थेट आरोपीला अटक केली.

    गुन्हे शाखेच्या पथकाने स्वावलंबीनगर, नगिनाबाग मध्ये राहणाऱ्या २१ वर्षीय समीर अशोकराव सातपुते ला ताब्यात घेत विचारपूस केली असता त्याने सदर गुन्हा कबूल केला. विना कुंभरे या वाहनात दागिने ठेवत होता, हि बाब आरोपी समीर ला माहिती होती. आरोपी समीर हा फिर्यादी यांच्या ओळखीचा होता अशी माहिती आहे. gold and silver jewellery theft from car

    स्थानिक गुन्हे शाखेच्या पथकाने आरोपी समीर सातपुते कडून सोन १४५ ग्राम-चांदी ८० ग्राम एकूण किंमत १७ लक्ष ६८ हजार रुपयांचा मुद्देमाल जप्त केला.

    सदरची यशस्वी कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखा पोलीस निरीक्षक अमोल काचोरे यांच्या नेतृत्वात, पोउपनि विनोद भुरले, सुनील गौरकार, पोलीस कर्मचारी सुभाष गोहोकार, सतीश अवथरे, रजनीकांत पुठ्ठावार, दीपक डोंगरे, इम्रान खान, हिरालाल गुप्ता, किशोर वाकाटे व शशांक बदामवार यांनी केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by