My Blog

Blog

  • Chandrapur Shiv Sena woman leader । उद्धव ठाकरेंचा विश्वास! वर्षा ठाकरे यांच्या खांद्यावर चंद्रपूर महिला आघाडीची जबाबदारी!

    Chandrapur Shiv Sena woman leader

    Chandrapur Shiv Sena woman leader : भद्रावती – शिवसेना पक्षप्रमुख उद्धव ठाकरे यांच्या आदेशाने चंद्रपूर जिल्ह्यातील वरोरा, चिमुर, राजुरा या विधानसभेकरिता जिल्हा महिला संघटकपदी वर्षा राजेश ठाकरे यांची नियुक्ती जाहीर करण्यात आली आहे. Shiv Sena women’s wing Chandrapur

    बालकांचे हृदय वाचविण्यासाठी आमदार जोरगेवार यांचा पुढाकार

    शिवसेना पक्षप्रमुख उद्धव ठाकरे, युवा नेते आमदार आदित्य ठाकरे, शिवसेना नेते संजय राऊत, आमदार भास्कर जाधव, माजी खासदार विनायक राऊत, चंद्रपूर-आर्णी लोकसभा क्षेत्राचे संपर्क प्रमुख आमदार संजय देरकर, माजी महापौर किशोरीताई पेडणेकर, जिल्हा संपर्क प्रमुख प्रशांत कदम, रंजनाताई नेवाळकर, जिल्हा संपर्क प्रमुख महिला आघाडी सुषमाताई साबळे, युवासेना हर्षल काकडे यांच्या मार्गदर्शनात सदर नियुक्ती करण्यात आलेली आहे. Varsha Thackeray appointment

    शिवसेना (उध्दव बाळासाहेब ठाकरे) पक्षाचे वरोरा, राजुरा व चिमूर विधानसभा क्षेत्राचे जिल्हाप्रमुख रवींद्र शिंदे यांच्या कार्याने दिवसेंदिवस पक्षाचे संघटन मजबूत होत असून पक्षाचे जनहितार्थ कार्य वाढीस लागले आहे. पक्षात इनकमिंग वाढली असुन अनेक प्रस्थापित व नवीन चेहरे पक्षात प्रवेश घेत आहे. सोबतच पक्षातील सक्रीय पदाधिकारी व कार्यकर्ते यांना पदांच्या स्वरूपात बहुमान मिळत आहे. Women leaders Shiv Sena

    वर्षा ठाकरे या गेल्या अनेक वर्षांपासून सामाजिक व राजकीय क्षेत्रात सक्रिय आहेत. त्यांनी राजकारणात विविध पदे भूषविली आहेत. वर्षाताई ठाकरे यांनी शिवसेना महिला आघाडीच्या भद्रावती तालुका अध्यक्ष, कुचना ग्राम पंचायत सरपंच, संजय गांधी निराधार योजना समिती सदस्य, भद्रावती तालुका नागरी सह. पत संस्थेच्या संचालक, आदी पदे भूषविली आहेत. त्यांनी पाटाळा पुलाकरीता आंदोलन केले आहे. त्यावेळी पोलीस प्रशासनाने विविध कलमा अंतर्गत गुन्हा नोंद केला होता. मात्र प्रशासनाने आंदोलनाची दखल घेत पुलाची दुरुस्ती करुन नागरीकांकरीता सुरक्षा व्यवस्था बहाल केली. त्यांच्या कार्याची दखल घेऊन त्यांची नियुक्ती झालेली आहे.

    वर्षा राजेश ठाकरे यांच्या जिल्हा महिला संघटकपदाच्या नियुक्ती साठी सर्वत्र त्यांचे अभिनंदन होत आहे. जिल्हाप्रमुख रवींद्र शिंदे, पूर्व विदर्भ सचिव नीलेश बेलखेडे, संदीप रियाल (पटेल) युवासेना महाराष्ट्र राज्य विस्तारक,मनीष जेठानी युवासेना विस्तारक, मायाताई नारळे उपजिल्हा संघटीका वरोरा विधानसभा,वरोरा तालुका महिला आघाडी प्रमुख सरला मालोकर, आशाताई ताजने, तालुकाप्रमुख नंदू पढाल,कृषी उत्पन्न बाजार समितीचे सभापती भास्कर ताजने, खेमराज कुरेकर, रोहन कुटेमाटे, ज्ञानेश्वर डुकरे माजी नगराध्यक्ष, नितीन पिपरे,

    आश्लेषा जीवतोडे उपसभापती बाजार समिती भद्रावती , प्रमोद वाघ,, राजुरा तालुका प्रमुख संदीप वैरागडे,कोरपणा तालुका प्रमुख डॉ प्रकाश खनके, गोडपिपरी तालुका प्रमुख सुरज माडूरवार, जिवती तालुका प्रमुख रमेश जाधव, भद्रावती शहर प्रमुख घनश्याम आस्वले, माया टेकाम भद्रावती शहर संघटीका , शीला आगलावे उपतालुका महिला आघाडी , भावना खोब्रागडे भद्रावती महिला आघाडी समन्वयक,माजी नगरसेवक पंकज नाशिककर, नंदू टेमुर्डे, अभिजीत पावडे, शिवसेना ( उद्धव बाळासाहेब ठाकरे) पक्षाचे सर्व विंगचे पदाधिकारी आदींनी अभिनंदन केले आहे.

  • Geological survey Chandrapur । ब्रेकिंग न्यूज: चंद्रपूरच्या मातीत मौल्यवान धातूंचा खजिना!

    Geological survey Chandrapur

    चंद्रपूरमध्ये खजिन्याचा डोंगर! प्लॅटिनम, क्रोमियम आणि सोनं प्रथमच आढळले!

    Geological survey Chandrapur : चंद्रपूर जिल्हा हा अनेक व्यावसायिक खानिजानी समृध्द असल्याचे आपल्याला माहित असतानाच आता मौल्यवान खनिजे आणि धातू सुद्धा चंद्रपूर जिल्ह्यात आढळल्याने जिल्ह्याचे नाव देशात उंचावले आहे.जिल्ह्यातील सावली तालुक्यात क्ऱोमियम, प्लाटीनम आणि अल्प प्रमाणात सोने ह्या मौल्यवान धातुसाहित अनेक महत्वाचे धातू केवळ चंद्रपूर जिल्ह्यात आढळले असल्याची माहिती भूशास्त्र विभागाच्या सर्वेक्षणाच्या आधारे भूशास्त्र अभ्यासक प्रा सुरेश चोपणे ह्यांनी दिली आहे. Gold found in Chandrapur

    पहलगाम मध्ये अडकलेले चंद्रपूरचे पर्यटक, आमदार जोरगेवार मदतीसाठी सरसावले


    सावली-पाथरी नावाने ओळखला जाणारा ह्या ब्लॉकला ( CL-MH-04) सर्वेक्षण करण्यासाठी मिनिस्ट्री ऑफ माईन तर्फे मान्यता देण्यात आली आणि डिसेंबर २०१६ ते मार्च २०१७ पर्यंत ह्याचे सर्वेक्षण करण्यात आले होते.ह्यां अंतर्गत १६० वर्ग किमी येवढ्या भूभागाचे G-4 पद्धतीचे टोपोग्राफीकल सर्वेक्षण करायचे होते. हे सर्वेक्षण MECL ला देण्यात आले..ह्यात केवळ जमिनीवरील खडक आणि मातीचे नमुने गोळा केल्या गेले असून ते नागपूर आणि कानपूर येथील प्रयोगशाळेत तपासणी करण्यात आली. Chandrapur chromium reserves

    Chandrapur chromium reserves

    दुर्दैवाची बाब अशी की ह्या परिसरात जंगल आणि वन्यजीव असल्याने सर्वेक्षण चमूला पूर्ण भागाचे नमुने गोळा करता आले नसून व्यावसाईक खाणी सुरु करायच्या असतील तर पुढे भूगर्भात बोअरहोल पद्धतीने सर्व भागात सर्वेक्षण केल्या जाणे महत्वाचे असल्याचे चमूने सांगितले. कारण धातूंचे मोठे साठे भूगर्भात जास्त असण्याची शक्यता त्यांनी वर्तविली. मिनरल एस्कप्लोरेशन कोर्पोरेशन लिमिटेड तर्फे एक प्राथमिक सविस्तर अहवाल प्रसिद्ध करून शासनाला २०१८ मध्ये सादर करण्यात आला.प्रा सुरेश चोपणे ह्यानि सुद्धा २१/४/२०२५ रोजी सावली तालुक्यातील धातू आढळनाऱ्या गावांना भेटी देवून पाहणी केली. Archean rocks Maharashtra


    भौगोलिक दृष्ट्या सावली-पाथरी भूभाग हा बस्तर क्रेटोन चा भूभाग असून इथे ३०० कोटी वर्षादरम्यानाचे आर्कीयन काळातील आणि १५० कोटी वर्शापुर्विच्या प्रोटेरोझोईक काळातील खडक आहेत आणि ह्यांच खडकात मौल्यवान असे प्लाटीनम ,क्रोमियम,सोने आणि इतर अनेक धातू आढळले आहेत, ज्यामध्ये पल्लाडीयम,इरीडीयम,रोडियम, रुथेनियम, ओस्मियम,सोने ह्या धातूंचे अंश मिळाले आहेत.सर्वाधिक ( ९५० ppb )प्रमाण प्लाटीनम आणि क्रोमियम चे आढळले तर उर्वरित सोने आणि इतर धातूंचे प्रमाण कमी आढळले. चंद्रपूर साठी महत्वाची बाब म्हणजे प्लाटीनम आणि क्रोमियम चे साठे देशात चंद्रपूर वगळता कुठेच सापडले नाहीत,परंतु पुढील सविस्तर सर्वेक्षणात चंद्रपूर जिल्ह्यात आढळण्याची शक्यता भूशास्त्र विभागाने व्यक्त केली आहे.

    Proterozoic rocks Chandrapur


    देशात महत्वाचे मानले जाणारे मौल्यवान धातू केवळ चंद्रपूर जिल्ह्यात आढळल्याने आणि जिल्ह्याच्या विकासाठी शासन आंनी प्रशासनाने प्रयत्न करावे.भविष्यात लवकरात लवकर भूगर्भीय सर्वेक्षण होण्यासाठी लोकांनी, लोकप्रतिनिधी आणि मंत्री महोदयांनी पुढाकार घ्यावा अशी विनंती प्रा सुरेश चोपणे ह्यांनी केली आहे.

  • Pahalgam tourist rescue operation​ । पहलगाममध्ये अडकलेले चंद्रपूरचे पर्यटक; आमदार जोरगेवारांची तातडीने मदत

    Pahalgam tourist rescue operation​

    पहलगाम हल्ल्यानंतर चंद्रपूरच्या नागरिकांची सुरक्षितता सुनिश्चित करण्यासाठी आमदारांचा पुढाकार​

    Pahalgam tourist rescue operation​ : जम्मू-काश्मीरमधील पहलगाम येथे नुकत्याच झालेल्या दहशतवादी हल्ल्यानंतर निर्माण झालेल्या तणावपूर्ण परिस्थितीमुळे अनेक पर्यटक तिथे अडकले आहेत. अशा संकटात चंद्रपूर शहरातील तीन कुटुंबांतील सात नागरिक देखील पहलगाम येथे अडकले असून, त्यांना चंद्रपूरला परत आणण्यासाठी आमदार किशोर जोरगेवार यांच्या तत्पर प्रयत्नांमुळे हालचालींना वेग आला आहे.

    चंद्रपुरातील त्या ७ नागरिकांनी सांगितला पहलगाम मधील थरार

    दरवर्षी लाखो पर्यटक काश्मीर पर्यटनासाठी जात असतात. यंदाही काश्मीर खोऱ्यात पर्यटकांची गर्दी असताना पहलगाम येथे दहशतवादी हल्ला करण्यात आला. त्यामुळे अनेक पर्यटक तिथे अडकले आहेत. यामध्ये चंद्रपूर शहरातील तीन कुटुंबांतील सात सदस्य अडकले असल्याची माहिती मिळताच, आमदार किशोर जोरगेवार यांनी तात्काळ व्हिडिओ कॉलद्वारे संबंधित कुटुंबांशी संपर्क साधून त्यांच्या सुरक्षिततेची चौकशी केली. यावेळी आम्ही हल्ल्याच्या ठिकाणाजवळच थांबलेलो होतो. आम्हाला चंद्रपूरला परत यायचे आहे, मात्र सध्याचे वातावरण पाहता ते शक्य नाही. आम्ही घाबरलो आहोत असे त्यांनी आमदार जोरगेवार यांना सांगितले. MLA Kishor Jorgewar news

    ही बाब गांभीर्याने घेत आमदार जोरगेवार यांनी तात्काळ हालचाली सुरू केल्या. त्यांनी मदत व पुनर्वसन विभागाचे संचालक सतीशकुमार खडके आणि तसेच जम्मू-काश्मीर येथील प्रशासनाशी थेट दूरध्वनीद्वारे संपर्क साधून या  कुटुंबाच्या सुटकेसाठी आवश्यक ती सर्व मदत करण्याची विनंती केली. सदर कुटुंब थांबलेले स्थान आणि त्यांची सर्व माहिती आमदार जोरगेवार यांनी जम्मू-काश्मीर प्रशासनाला दिली. त्यानंतर स्थानिक प्रशासनाने संबंधित कुटुंबीयांशी संपर्क साधल्याची माहितीही समोर आली आहे. MLA Kishor Jorgewar news

    आमदार जोरगेवार यांच्या तत्परतेमुळे या कुटुंबांच्या सुरक्षित चंद्रपूरकडे परतीच्या हालचालींना गती मिळाली आहे. अंकीत नगराळे, शिल्पा नळे, स्पर्श नळे, प्रितेश नळे, अजय गाडीवान, वर्षा गाडीवान,  तेजस्विनी गाडीवान असे या कुटुंबियांची नावे असून ते नागीनाबग येथील रहिवासी आहेत. हे कुटुंब सुरक्षितपणे घरी परतेपर्यंत मी सातत्याने प्रशासनाशी संपर्कात राहणार असून, त्यांना आवश्यक ती प्रत्येक मदत दिली जाईल.असे आमदार किशोर जोरगेवार यांनी म्हटले आहे. 

  • Free medical camp Chandrapur 2025 । बालकांचे हृदय वाचवण्यासाठी पुढे सरसावले आमदार, मोफत शिबिरात डॉक्टरांचे मोलाचे योगदान

    Free medical camp Chandrapur 2025

    हृदय’ जिंकणारा उपक्रम! आमदार किशोर जोरगेवार यांची आरोग्यसेवेची अनोखी मोहीम

    Free medical camp Chandrapur 2025 : गरजू रुग्णांपर्यंत आरोग्य सेवा पोहोचविण्याच्या उद्देशाने आमदार किशोर जोरगेवार यांच्या पुढाकारातून आणि भारतीय जनता पक्ष, चंद्रपूर विधानसभा मतदारसंघ व मुंबई येथील ज्युपिटर हॉस्पिटल यांच्या संयुक्त विद्यमाने दोन दिवसीय मोफत हृदयविकार व श्रवण तपासणी शिबिराचे आयोजन करण्यात आले. हे शिबिर २२ व २३ एप्रिल २०२५ रोजी जिल्हा सामान्य रुग्णालय, चंद्रपूर येथे पार पडले. Free hearing screening camp Chandrapur

    पहलगाम मध्ये अडकले चंद्रपुरातील पर्यटक

    आज (बुधवार) समारोपीय कार्यक्रमात आमदार किशोर जोरगेवार यांच्या हस्ते शिबिरात सेवा देणाऱ्या मुंबई येथील ज्युपिटर हॉस्पिटल व जिल्हा सामान्य रुग्णालयातील डॉक्टरांचा सत्कार करण्यात आला.
    यावेळी जिल्हा शल्य चिकित्सक डॉ. चिंचोळे, ज्युपिटर रुग्णालयाचे डॉ. परमानंद आंदनकर, डॉ. एल. श्रीनिवास, डॉ. सोनारकर, डॉ. सोनिया कारापूरकर,  डॉ. खुशबू मेहता, रेशमा पवार, अजय जयस्वाल, तुषार सोम, भाजपचे माजी शहराध्यक्ष दशरथसिंह ठाकूर, माजी नगरसेवक सुभाष कासनगोट्टूवार, चंदू वासाडे, माजी नगरसेवक बलराम डोडाणी, नामदेव डाहुले, राहुल घोटेकर, माजी नगरसेवक प्रदीप किरमे, माजी नगरसेविका छबू वैरागडे, वंदना हातगावकर, मंजुश्री कासनगोट्टूवार, प्रज्ञा, अमोल शेंडे, राशिद हुसेन, नकुल वासमवार, करणसिंह बैस, कार्तिक बुरेवार आदी मान्यवर उपस्थित होते.

    या शिबिरात विशेषतः दुर्बळ व गरजू कुटुंबांतील १८ वर्षांखालील हजारो बालकांची अत्याधुनिक वैद्यकीय उपकरणांच्या साहाय्याने सखोल तपासणी करण्यात आली. जन्मतः हृदयरोग, गुंतागुंतीचे आजार तसेच श्रवण क्षमतेशी संबंधित अडचणी असलेल्या बालकांची तपासणी मुंबईतील ज्युपिटर डॉक्टरांनी केली. Jupiter Hospital free heart checkup

    या शिबिरादरम्यान सुमारे ४० हून अधिक बालकांमध्ये शस्त्रक्रियेची आवश्यकता असल्याचे निदान झाले असून, त्यांच्यावर लवकरच मुंबई येथील ज्युपिटर हॉस्पिटलमध्ये निशुल्क शस्त्रक्रिया करण्यात येणार आहे. तपासणी झालेल्या इतर बालकांनाही पुढील उपचारासाठी सल्ला व मार्गदर्शन देण्यात आले आहे. Free child health checkup camp India

    यावेळी बोलताना आमदार किशोर जोरगेवार म्हणाले की, भारतामध्ये अनेक गरीब व दुर्बल घटकांतील मुलांना वेळेवर निदान व उपचार न मिळाल्यामुळे गंभीर आरोग्य समस्यांचा सामना करावा लागतो. अशा शिबिरांच्या माध्यमातून तज्ज्ञ डॉक्टरांचे मार्गदर्शन, अत्याधुनिक तपासणी आणि मोफत उपचार मिळाल्याने अनेक बालकांचे जीवन वाचू शकते. विशेषतः बालहृदयरोग योग्य वेळी निदान केल्यास बरा होऊ शकतो. तसेच, ५ वर्षांच्या आत श्रवण अडचणी असलेल्या बालकांवर उपचार केल्यास ते ऐकू आणि बोलू शकतात. मात्र, या उपचारांचा खर्च जास्त असल्यामुळे अनेक गरीब कुटुंबातील नागरिक हे उपचार करू शकत नाहीत. म्हणूनच अशा उपक्रमांचे महत्त्व मोठे आहे. Free hearing screening camp Chandrapur

    Free hearing screening camp Chandrapur

    या शिबिरात वैद्यकीय तपासणीसाठी अत्याधुनिक यंत्रसामग्री, अनुभवी डॉक्टरांची टीम आणि समर्पित आरोग्य कर्मचारी कार्यरत होते. तपासणीसाठी आलेल्या प्रत्येक मुलावर अत्यंत संवेदनशीलतेने उपचार करण्यात आले. चंद्रपूर जिल्ह्यातील कोणताही गरीब बालक केवळ आर्थिक अडचणीमुळे उपचारांपासून वंचित राहू नये, हीच आमची भावना आहे, पुढेही असे शिबीर आपण आयोजित करणार असल्याचे ते यावेळी म्हणाले.

    ४० हून अधिक बालकांवर होणार शस्त्रक्रिया

    सदर आरोग्य शिबिरात ४० हून अधिक बालकांना गंभीर स्वरूपाचे आजार असल्याचे निदान झाले असून, या सर्व बालकांवर पुढील तीन महिन्यांच्या आत मुंबई येथील ज्युपिटर रुग्णालयात निशुल्क शस्त्रक्रिया करण्यात येणार आहे. पहिल्या टप्प्यात ७ बालकांवर शस्त्रक्रिया केली जाणार असून, येत्या सोमवारी हे सर्व बालक मुंबईत रवाना होणार आहेत. त्यांना  उपचारांसाठी आवश्यक असलेल्या प्रवास, राहणी, भोजन व इतर सर्व खर्च आयोजकांच्या वतीने करण्यात येणार आहे.  

    १४ तासांच्या चिमुकलीवर तीन महिन्यांची होताच शस्त्रक्रिया

    हृदयात छिद्र असलेल्या अवघ्या १४ तासांच्या एका चिमुकलीची तपासणी मुंबई येथील ज्युपिटर हॉस्पिटलचे सुप्रसिद्ध हृदयतज्ज्ञ डॉ. श्रीनिवास एल. आणि डॉ. सोनिया कारापूरकर यांनी केली. ही चिमुकली तीन महिन्यांची झाल्यावर तिच्यावर मुंबईत निशुल्क शस्त्रक्रिया करण्यात येणार आहे. तोपर्यंत तिच्यावर आवश्यक उपचार व नियमित वैद्यकीय सल्लाही दिला जाणार आहे.

  • Chandrapur tourists stuck in pahalgam । पहलगाममध्ये अडकले चंद्रपूरचे पर्यटक; कर्फ्यू, भीती आणि मदतीची प्रतीक्षा!

    Chandrapur tourists stuck in pahalgam

    “घरी परतायचंय… पण कर्फ्यूने अडवलं” – पहलगाममध्ये अडकलेल्या चंद्रपूरकरांची व्यथा

    Chandrapur tourists stuck in pahalgam : २२ एप्रिल रोजी जम्मू-काश्मीर मध्ये झालेल्या दहशतवाद्यांच्या हल्ल्यात २६ नागरिकांचा मृत्यू झाला असून त्यामध्ये महाराष्ट्र राज्यातील ६ पर्यटकांचा समावेश आहे, राज्यासह चंद्रपूर शहरातील ७ पर्यटक आजही पहलगाम मध्ये अडकले असून सध्या ते दहशतीच्या सावटात असून अजूनही त्यांना प्रशासनातर्फे कसलीही मदत मिळालेली नाही. Pahalgam attack Maharashtra tourists

    राज्यातील पर्यटकांना विशेष विमानाने परत आणा – खासदार धानोरकर

    देशातील नंदनवन समजल्या जाणाऱ्या काश्मीर मधील पहलगाम मध्ये पर्यटकांवर दहशतवाद्यांचा भ्याड हल्ला झाला होता, या घटनेने संपूर्ण देश हादरून गेला, घटनेनंतर पहलगाम मध्ये कर्फ्यू लावण्यात आला आहे. विविध राज्यातील प्रशासन आहे. Pahalgam shooting incident 2025

    चंद्रपूर शहरातील ७ नागरिक सध्या पहलगाम मध्ये अडकलेले आहे, यामध्ये तेजस्विनी गाडीवान, अजय गाडीवान, वर्षा गाडीवान, अंकित नगराळे, रितेश नळे, शिल्पा नळे, स्पर्श नळे यांचा समावेश आहे. १६ एप्रिल रोजी सदर नागरिक काश्मीरच्या मार्गे रवाना झाले होते, तिथे पोहचल्यावर त्यांनी आधी वैष्णोदेवीचे दर्शन केले. त्यानंतर काश्मीर मधील निसर्गाचा आनंद घेण्यासाठी ते पहलगाम मध्ये पोहचले. पहलगाम मधील शबाना पॅलेस मध्ये गेले, २२ एप्रिल रोजी ज्याठिकाणी दहशतवादी हल्ला झाला तिथे चंद्रपुरातील नागरिक फिरायला गेले होते, यावेळी त्यांनी घडलेला प्रसंग कथन केला. Pahalgam attack Maharashtra tourists

    काय घडलं?

    आम्ही सर्व हॉर्स रायडींग करीत असताना अचानकपणे लोक सैरावैरा पळू लागले, तितक्यात गोळीबाराचा आवाज आला, आम्ही तात्काळ कार पार्किंगकडे धाव घेतली, त्यावेळी आम्हाला माहिती मिळाली कि हा दहशतवादी हल्ला होता. आम्ही तात्काळ हॉटेलकडे जाण्याचा प्रयत्न केला मात्र वाहन न मिळाल्याने आम्ही सर्व ५ किलोमीटर पायदळ चालून हॉटेलमध्ये पोहचलो. त्याचदिवशी आम्हाला या हल्ल्यात अनेकांचा मृत्यू झाल्याची माहिती मिळाली. आम्ही सर्व घाबरून आहो. याबाबत आम्ही चंद्रपूरच्या खासदार प्रतिभा धानोरकर व आमदार किशोर जोरगेवार यांच्याशी संपर्क साधला असून त्यांनी प्रशासनाला याबाबत कळविले आहे.

    चंद्रपुरातील प्रशासनाने आमच्याशी संपर्क साधला असून अद्यापही आम्हाला काही मदत मिळाली नसल्याची त्यांनी खंत व्यक्त केली आहे. २३ एप्रिलला त्यांच्या परतीची ट्रेन होती मात्र पहलगाम मध्ये सध्या कर्फ्यू लागल्याने आम्ही हॉटेलमध्ये थांबलेलो आहोत.

    याबाबत न्यूज ३४ तर्फे प्रशासनाला चंद्रपुरातील पर्यटकांच्या परतीबाबत विचारणा करण्यासंदर्भात संपर्क साधला असता कुठलाही प्रतिसाद मिळाला नाही. चंद्रपुरातील नागरिक दहशतीखाली असून प्रशासनाने तात्काळ त्यांना पहलगाम मधून सुखरूप बाहेर काढत चंद्रपुरात परत येण्यासंदर्भात लवकर प्रयत्न करावे अशी भावना पर्यटकांनी व्यक्त केली आहे.

  • Pratibha Dhanorkar on Pahalgam attack । “आपल्या लोकांना परत आणा!” – पहलगाम घटनेनंतर धानोरकरांचा भावनिक आग्रह

    Pratibha Dhanorkar on Pahalgam attack

    Pratibha Dhanorkar on Pahalgam attack : 22 एप्रिल 2025 रोजी जम्मू आणि काश्मीरमधील पहलगाम येथे झालेल्या दहशतवादी हल्ल्यात महाराष्ट्रातील काही पर्यटकांचा मृत्यू झाल्याच्या आणि काही नागरिक जखमी झाल्याच्या दुर्दैवी घटनेमुळे महाराष्ट्रात शोक आणि भीतीचे वातावरण पसरले आहे. या हल्ल्यात डोंबिवली येथील तीन पर्यटकांचा मृत्यू झाला असून पुण्यातील एक पर्यटक जखमी असल्याची प्राथमिक माहिती मिळाली आहे. MP demands rescue flight

    बाबुपेठ मधील भंगार दुकान पेटले

    याव्यतिरिक्त, आणखी काही मराठी पर्यटक पहलगाम आणि आसपासच्या परिसरात अडकले असण्याची शक्यता आहे. त्यांना सुखरूप महाराष्ट्रात परत आणण्याकरिता विशेष विमान उपलब्ध करून देण्याची मागणी खासदार प्रतिभाताई धानोरकर यांनी मुख्यमंत्री देवेंद्र फडणवीस, नागरी विमान राज्यमंत्री मुरलीधर मोहोड यांच्याकडे केली आहे. 

                     या पार्श्वभूमीवर, खासदार प्रतिभाताई धानोरकर यांनी महाराष्ट्राचे मुख्यमंत्री देवेंद्र फडणवीस तसेच नागरी विमान राज्यमंत्री मुरलीधर मोहोड यांना पत्र लिहून पहलगाम येथे अडकलेल्या महाराष्ट्रातील सर्व पर्यटकांची तातडीने माहिती घेण्याची आणि त्यांना विशेष विमानाने महाराष्ट्रात परत आणण्याची व्यवस्था करण्याची मागणी केली आहे.

                    खासदार प्रतिभाताई धानोरकर आपल्या पत्रात म्हटले आहे की, या दुःखद घटनेमुळे महाराष्ट्रातील नागरिक चिंतेत आहेत. त्यामुळे, राज्य शासनाने तातडीने कार्यवाही करून पहलगाम मध्ये अडकलेल्या आपल्या बांधवांना सुरक्षितपणे परत आणणे आवश्यक आहे. राज्य सरकार या मागणीची दखल घेऊन लवकरात लवकर योग्य उपाययोजना करेल, अशी अपेक्षा त्यांनी व्यक्त केली आहे. Special flight for stranded tourists

    प्रधानमंत्री नरेंद्र मोदी आणि केंद्रीय गृहमंत्री अमित शहा यांना पत्र 

    पहलगाम येथे झालेल्या दहशतवादी हल्ल्याच्या पार्श्वभूमीवर खासदार प्रतिभाताई धानोरकर यांनी दुःख व्यक्त केले आहे. या हल्ल्यात निष्पाप पर्यटकांना जीव गमवावा लागला, ज्यात महाराष्ट्रातील काही नागरिकांचाही समावेश आहे. या घटनेमुळे संपूर्ण महाराष्ट्र दुःखात आहे.  “या हल्ल्यातील पीडित कुटुंबीयांना केंद्र आणि राज्य सरकारने तातडीने आर्थिक मदत करण्याची मागणी प्रधानमंत्री नरेंद्र मोदी आणि केंद्रीय गृहमंत्री अमित शहा यांना पत्र लिहून खासदार प्रतिभाताई धानोरकर यांनी केली आहे. Pahalgam tourist safety

                         खासदार धानोरकर यांनी या अमानुष हल्ल्याचा तीव्र निषेध केला असून, केंद्र सरकारकडे तातडीने कठोर कारवाई करण्याची मागणी केली आहे. त्यांनी म्हटले आहे की, “दहशतवाद्यांनी केलेल्या या भ्याड हल्ल्यामुळे देशातील नागरिकांमध्ये असुरक्षिततेची भावना निर्माण झाली आहे. केंद्र सरकारने या घटनेची गांभीर्याने दखल घेऊन या हल्ल्यामागे असलेल्या दोषींना शोधून काढले पाहिजे आणि त्यांच्यावर कठोर कारवाई केली पाहिजे.”

                         त्यांनी पुढे सांगितले की, “या हल्ल्यातील पीडित कुटुंबीयांना केंद्र आणि राज्य सरकारने तातडीने आर्थिक मदत आणि आवश्यक ती सर्व मदत पुरवावी. तसेच, भविष्यात अशा घटना घडू नयेत यासाठी ठोस उपाययोजना करण्याची गरज आहे.”

                   खासदार प्रतिभाताई धानोरकर यांनी या संदर्भात केंद्र सरकारला पत्रव्यवहार करणार असल्याचेही सांगितले. त्यांनी या दुःखाच्या प्रसंगी पीडित कुटुंबाच्या दुःखात सहभागी असल्याचे म्हटले आहे.

  • fire in Chandrapur | चंद्रपूरमध्ये पुन्हा भीषण आग! बाबूपेठ उड्डाणपुलाखालील भंगार दुकान पेटले

    fire in Chandrapur

    fire in Chandrapur : काही दिवसांपूर्वी चंद्रपुरातील नागपूर मार्गावर असलेल्या भंगाराच्या दुकानाला भीषण आग लागली होती, आता पुन्हा तशीच घटना शहरात घडली आहे. विश्वरत्न डॉ बाबासाहेब आंबेडकर बाबूपेठ उड्डाणपूलाच्या खाली असलेल्या भंगाराच्या दुकानाला पहाटे 5 वाजता अचानकपणे आग लागली. local fire incident news

    चंद्रपुरात उष्णतेचा कहर, 5 दिवस शाळांना सुट्टी जाहीर करा

    विशेष बाब म्हणजे सदर भंगाराचे दुकान हे रेल्वेच्या जागी स्थित असून त्या बाजूला मोठी लोकवस्ती आहे. आगीने रौद्ररूप धारण केले होते, मात्र सजग नागरिकांनी तात्काळ अग्निशमन दलाला पाचारण करीत आगीवर नियंत्रण मिळविल्याने मोठा अनर्थ ठरला.

    शहरातील भंगाराचे दुकान आता धोकादायक असल्याचे ठरत असून पालिकेने यावर लवकरच तोडगा काढायला हवा अन्यथा उष्ण लाटेत जळत असलेल्या चंद्रपुरात मोठी दुर्घटना होणार ही शक्यता नाकारता येत नाही.

  • government construction sand price । “शासन वाळू किंमत २०२५ – सरकारी बांधकामांसाठी वाळूचे नवीन दर आणि शुल्क!”

    government construction sand price

    government construction sand price : चंद्रपूर २२ एप्रिल (News३४) : इरई नदीच्या पूर परिस्थितीवर प्रतिबंधात्मक उपाययोजना करण्यासाठी नदीतील गाळ काढणे व नदीचे खोलीकरण हा प्रकल्प हाती घेण्यात येत आहे.  त्या अनुषंगाने  इरई नदीच्या खोलीकरणातून निघालेल्या वाळूचे दर शासकीय बांधकामाकरिता निश्चित करण्यात आले आहे. तर शेतकरी, घरकुल लाभार्थी यांना सदर वाळू निःशुल्क उपलब्ध करून देण्यात येईल, मात्र त्यासाठी वाहनाची सोय संबंधित लाभार्थ्यांनी करायची आहे. river dredging flood prevention

    जुगार खेळायचं तर चला गडचांदूर

    जिल्हास्तरीय वाळु सनियंत्रण समिती, चंद्रपूर यांचे 8 एप्रिल 2025 रोजीचे शासनाचे वाळू निर्गती धोरण व  3 एप्रिल 2025 रोजीच्या नदी नाले यामध्ये येणारे पुराचे नियोजन संबंधी शासन निर्णयामधील प्राप्त निर्देर्श तसेच 12 एप्रिल 2025 रोजी पालकमंत्री यांनी इरई नदीतील पूर परिस्थिती संदर्भात घेतलेल्या बैठकीतील चर्चा व सुचनेच्या अनुषंगाने, खोलीकरणाद्वारे निघालेला गाळ, माती, माती मिश्रीत वाळू , वाळूचे विनियोग करण्याबाबत पुढील प्रमाणे नियोजन  करण्यात येत आहे. sand for housing project Maharashtra

    शेतकरी, घरकूल लाभार्थी/ प्रधानमंत्री आवास योजना लाभार्थी यांनी घरकूलासाठी पात्र असल्याचा पुरावा गट विकास अधिकारी मार्फत तहसीलदार कार्यालयाकडे सादर करुन स्व-खर्चाने वाहनाची सोय करून नि:शुल्क घेऊन जावा.  तर  शासकीय बांधकामा करीता पुरविण्यात येणाऱ्या वाळू करीता खालील प्रमाणे शुल्क भरणे आवश्यक राहील.

    • अ)   स्वामीत्वधन शुल्क – रुपये 600/- प्रती ब्रास (GRAS प्रणालीव्दारे)
    • आ)  जिल्हा खनिज प्रतिष्ठान शुल्क 10 % – रुपये 60/- प्रती ब्रास
    • इ)   TCS रक्कम 2 %  – रुपये 12 /- प्रती ब्रास
    • एकुण खर्च – रुपये 672 प्रती ब्रास एवढे रक्कम भरणे आवश्यक राहील, असे खनिकर्म विभागाने कळविले आहे.

    Contents

  • Chandrapur RTO office timing । चंद्रपूर RTO ऑफिसचा वेळ बदलला! उष्माघात टाळण्यासाठी बदललेले तास जाणून घ्या!

    Chandrapur RTO office timing

    Chandrapur RTO office timing : चंद्रपूर, दि. 22 एप्रिल :  चंद्रपूर जिल्ह्यातील वाढते तापमान लक्षात घेता जनतेला उष्माघाताचा त्रास होऊ नये, याकरिता प्रादेशिक परिवहन कार्यालयातर्फे देण्यात येणाऱ्या खालील सेवांच्या वेळेत पुढीलप्रमाणे बदल करण्यात येत आहे. Chandrapur transport department news

    चंद्रपूर मनपाचा राज्यात गौरव

    योग्यता प्रमाणपत्र देण्याकरिता बाबूपेठ – बल्लारपूर बायपास रोड येथील ब्रेक टेस्ट ट्रॅकवर होणारी वाहन तपासणी (पासिंग) तसेच कार्यालयात होणारी पक्की अनुज्ञप्ती चाचणी (Driving Test) 23 एप्रिल पासून सकाळी 7 ते दुपारी 12 वाजेपर्यंत व दुपारी 4 ते 6.30 वाजेपर्यंत करण्यात येत आहे. ज्या अर्जदारांनी वाहन 4.0 या वाहनप्रणालीवर यापुर्वी वेळा घेतल्या असल्यास त्यांनी देखील सदर वेळेत उपस्थित राहून कामे करून घ्यावी. इतर कामकाज पुर्वीप्रमाणेच होईल.

    तरी सर्व वाहन मालकांनी व चालकांनी याची नोंद घ्यावी,  असे प्रादेशिक परिवहन अधिकारी किरण मोरे यांनी कळविले आहे.

  • Maharashtra municipal administration awards । राज्यभरातून चंद्रपूरचा गौरव! मनपाला मिळाले प्रतिष्ठेचे ‘राजीव गांधी पुरस्कार’

    Maharashtra municipal administration awards

    Maharashtra municipal administration awards : चंद्रपूर 22 एप्रिल  :- चंद्रपूर महानगरपालिकेमध्ये राबवलेल्या नागरी उपक्रमांसाठी आयुक्त तथा प्रशासक विपीन पालीवाल यांना राजीव गांधी गतिमान प्रशासन पुरस्कार 2023-24 आणि 2024-25 या वर्षातील दोन पुरस्कारांद्वारे मुंबई येथे माननीय मुख्यमंत्री देवेंद्रजी फडणवीस यांच्या हस्ते नागरी सेवा दिनानिमित्त सन्मानित करण्यात आले. Chandrapur Municipal Corporation news

    चंद्रपुरात उष्णतेचा कहर, शाळांना ५ दिवसांची सुट्टी जाहीर करा

       2023-24 वर्षाकरीता मालमत्ता कराची नॅच प्रणाली यशस्वीरित्या राबविल्याबद्दल व 2024-25 ला सौंदर्यीकरण अभियान, जलाशय व पाणीसाठे यांची स्वच्छता, शाळा इमारत नूतनीकरण, सुंदर माझे उद्यान व सुंदर माझी ओपन स्पेस स्पर्धा, रस्त्यांचे सुशोभिकरण, विविध शिल्प उभारणी इत्यादी विविध कार्ये यशस्वीरीत्या राबविल्याबद्दल महानगरपालिका गटात तिसरा पुरस्कार चंद्रपूर मनपाला मिळाला आहे. ही सर्व कार्ये आयुक्त विपीन पालीवाल यांच्या कार्यकाळात झाली असल्याने त्यांना राजीव गांधी गतिमान प्रशासन पुरस्काराने सन्मानित करण्यात आले आहे. Rajiv Gandhi Administrative Awards 2024


      महानगरपालिका स्तरावरून थेट प्राप्त होणाऱ्या प्रस्तावांच्या गटामध्ये ही निवड करण्यात आली आहे. प्रशासन लोकाभिमुख करणे, त्यात निर्णयक्षमता आणणे आणि सर्वांच्या सहकार्यातून उत्तम प्रशासन कार्यान्वित करण्यासाठी वर्ष 2023-24 आणि वर्ष 2024-25 यां दोन वर्षांत राज्यस्तरावर तसेच तालुका, जिल्हा, विभागीय स्तरावर व महानगरपालिका स्तरावर “राजीव गांधी प्रशासकीय गतिमानता (प्रगती) अभियान राबविण्यात आले. या स्पर्धेत सहभागी सर्व कार्यालय व अधिकाऱ्यांचे विविध निकषांवर परीक्षक मंडळाकडून परीक्षण करून सदर पुरस्कार प्रदान करण्यात आले आहेत.


        अतिरिक्त आयुक्त चंदन पाटील, उपायुक्त मंगेश खवले,उपायुक्त संदीप चिंद्रवार,विधी अधिकारी अनिलकुमार घुले शहर अभियंता विजय बोरीकर,उपअभियंता रवींद्र हजारे,संगणक अभियंता अमुल भुते या चंद्रपूर मनपाचे सर्व अधिकारी-कर्मचारी यांचे व शहरातील नागरिकांचे अभियानात सहकार्य मिळाल्याबद्दल आयुक्तांनी आभार मानले आहेत.  


     2023-24 चा पुरस्कार – प्रशासनाच्या कार्यात गतिमानता आणण्यास नवनवीन बदल करणे आवश्यक ठरते आणि ते करण्यास नवीन तंत्रज्ञानाची मदत होते.आयुक्त विपीन पालीवाल यांनी मनपाच्या कर विभागासाठी मालमत्ता कराची नॅच प्रणाली सन 2023-24 मध्ये सुरु करण्याचे ठरविले व अतिरिक्त आयुक्त चंदन पाटील, उपायुक्त मंगेश खवले,कर विभाग प्रमुख अनिलकुमार घुले यांनी ती यशस्वीरित्या राबविली. यामुळे प्रशासकीय कामकाजात सुलभता आली.नागरीकांना कराचा भरणा करण्यास प्रत्यक्ष कार्यालयात जाण्याची आवश्यकता राहिली नाही तसेच दर महिना,तीन महिन्यांनी,सहा महिन्यांनी व पूर्ण वर्षाचा मालमत्ता कर भरण्याची सुविधा प्राप्त झाली.


    2024-25 चा पुरस्कार – मनपाने राबविलेल्या सुंदर माझे उद्यान ” व ” सुंदर माझी ओपन स्पेस स्पर्धेत लोकसहभागाने मोठ्या प्रमाणात उद्याने व विविध भागांचे सौंदर्यीकरण व सुशोभीकरण करण्यात आले होते. जवळपास 3400 नागरिक यात प्रत्यक्ष -अप्रत्यक्षरीत्या सहभागी झाले होते. विविध शिल्प व कारंजे चौक सौंदर्यीकरण अंतर्गत उभारण्यात आले. मनपाच्या 15 शाळा या भौतिक सोयी सुविधांनी सुसज्ज करण्यात येऊन या शाळांना आयएसओ मानांकन सुद्धा मिळाले. विद्यार्थी नागरिक,स्वयंसेवी संस्था यांच्याशी जुळुन प्रशासन आणि नागरिक यांच्या समन्वयाने विविध उपक्रम राबविण्यात आल्याने या वर्षीचा पुरस्कार सुद्धा मनपास प्राप्त झाला.  Rajiv Gandhi Administrative Awards 2024

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by