My Blog

Blog

  • SNDT Ballarpur Campus Progress । बल्लारपूरमध्ये महिलांसाठी शिक्षणाचा नवा अध्याय – SNDT विद्यापीठाची वाटचाल वेगात!

    SNDT Ballarpur Campus Progress

    SNDT Ballarpur Campus Progress : मुंबई – चंद्रपूर जिल्ह्यातील विसापूर येथे उभारण्यात येत असलेल्या एसएनडीटी महिला विद्यापीठाच्या बांधकाम प्रगतीचा आढावा राज्याचे माजी वने व सांस्कृतिक कार्य मंत्री आमदार सुधीर मुनगंटीवार यांनी घेतला. यासाठी मुंबईतील एसएनडीटी महिला विद्यापीठाच्या मुख्य परिसरात कुलगुरू मा. डॉ. उज्ज्वला चक्रदेव यांच्या उपस्थितीत आढावा बैठक आयोजित करण्यात आली होती.

    १ जून रोजी चिचडोह बॅरेजचे ३८ दरवाजे उघडणार

    या बैठकीत विद्यापीठासाठी आवश्यक निधी, मूलभूत सुविधा, अध्यापन व शिक्षकेतर कर्मचाऱ्यांची आवश्यकता तसेच शैक्षणिक विस्ताराच्या दृष्टीने सविस्तर चर्चा झाली. यावेळी विद्यार्थिनींनी स्वहस्ते तयार केलेल्या कलात्मक चित्रफ्रेमद्वारे आमदार सुधीर मुनगंटीवार (sudhir mungantiwar) यांचे स्वागत केले.

    एसएनडीटी विद्यापीठाला ११० वर्षे पूर्ण

    भारतरत्न धोंडो केशव कर्वे यांनी 1905 साली महिला आश्रमाच्या स्वरूपात लावलेल्या महिला सक्षमीकरणाच्या रोपटे 1916 साली एसएनडीटी नावाने उदयास आले आणि आज एसएनडीटी विद्यापीठाच्या रूपात एक मोठे वटवृक्ष तयार झाले आहे. येत्या 5 जुलै 2025 रोजी एसएनडीटी विद्यापीठाला 110 वर्ष पूर्ण होत असल्याने त्या संदर्भात आयोजित कार्यक्रमाच्या नियोजनाबद्दल देखील यावेळी चर्चा झाली.

    sndt university

    बैठकीत आमदार मुनगंटीवार म्हणाले,महिला शिक्षण, आत्मनिर्भरता आणि रोजगारनिर्मितीच्या दृष्टीने बल्लारपूर येथे उभारण्यात आलेले ‘महर्षी कर्वे महिला सक्षमीकरण ज्ञानसंकुल’ हे महिलांना केवळ नोकरी शोधणाऱ्या नव्हे, तर नोकरी निर्माण करणाऱ्या म्हणून घडवण्याचे कार्य करत आहे. या ज्ञानसंकुलाच्या माध्यमातून महिलांचे सक्षमीकरण घडवून आणले जात असून, एसएनडीटी विद्यापीठ या प्रक्रियेला अधिक व्यापक व प्रेरणादायी दिशा देईल.

  • Balubhau Dhanorkar Memorial Event Chandrapur । चंद्रपूरने पुन्हा आठवला आपला लोकनेता – बाळुभाऊ पुण्यस्मरण सोहळा

    Balubhau Dhanorkar Memorial Event Chandrapur

    बाळुभाऊ यांच्या जाण्याने निर्भीड युवा नेतृत्व हरपल्याचे दुःख – आ. किशोर जोरगेवार

    Balubhau Dhanorkar Memorial Event Chandrapur : वरोरा – आठवणीतले बाळुभाऊ… द्वितीय पुण्यस्मरण सोहळा हा कार्यक्रम म्हणजे त्यांच्या आठवणींना उजाळा देण्याची संधी आहे. बाळु धानोरकर हे एक निस्वार्थ, प्रामाणिक आणि धडाडीचे नेते होते. त्यांच्या जाण्याने चंद्रपूर जिल्ह्याने एक सक्षम युवा नेतृत्व गमावले असल्याची भावना आमदार किशोर जोरगेवार यांनी व्यक्त केली.

    ताडोबा टायगर सफारीचा आराखडा तयार


    बाळुभाऊ धानोरकर मित्र परिवाराच्या वतीने वरोरा येथे “आठवणीतले बाळुभाऊ” द्वितीय पुण्यस्मरण सोहळ्याचे आयोजन करण्यात आले होते. यावेळी खासदार प्रतिभा धानोरकर, माजी आमदार सुभाष धोटे, विनोद दत्तात्रय यांची उपस्थिती होती. Tribute to a Visionary Leader

    प्रेरणादायी शैली


    शिवसेनेत सोबत काम करण्याची संधी लाभली. त्यांच्या जिद्दीने, काम करण्याच्या पद्धतीने नेहमीच ते कार्यकर्त्यांसाठी एक आदर्श नेता राहिले. त्यांचे स्पष्ट विचार, कुठल्याही गोष्टीत सडेतोड भूमिका घेण्याची त्यांची शैली कायमच प्रेरणादायी राहिली. त्यांच्या स्वप्नांचा सन्मान करण्यासाठी सर्वांनी मिळून काम करायला हवे. त्यांनी कधीही कुठल्याही संकटापुढे हार मानली नाही. बाळु धानोरकर यांच्या जाण्याने निर्माण झालेली पोकळी भरून निघणे कठीण असल्याची भावना यावेळी आमदार किशोर जोरगेवार यांनी व्यक्त केली.

  • Chichdoh barrage water release schedule । चिचडोह बॅरेज उघडण्याची तयारी – सावली तालुक्यातील गावांना सतर्कतेचा इशारा

    Chichdoh barrage water release schedule

    Chichdoh barrage water release schedule :  चंद्रपूर : वैनगंगा नदीवर गडचिरोली जिल्हयातील चामोर्शी तालुक्यात चिचडोह बरेजचे बांधकाम जून 2018 मध्ये पूर्ण झाले आहे. सदर बॅरेजची एकूण लांबी 691 मी. असून 15 मीटर लांब आणि 9 मी. उंचीचे 38 लोखंडी उभे उचल दरवाजे बसविण्यात आले आहेत. 15 ऑक्टोबर 2024 पासून सर्व दरवाजे बंद करण्यात आले होते. पावसाळ्यातील पूर नियंत्रणाच्या दृष्टीने बॅरेज मध्ये साठविलेला पाणीसाठा कमी करून सर्व 38 दरवाजे 1 जुन 2025ला उघडण्याचे नियोजित आहे.

    चंद्रपूर जिल्ह्यात तोतया पोलिसांचा धोका वाढला

    सद्यस्थितीत पाणी पातळी 183 मी. व जिवंत साठा 53.52 द.ल.घ.मी. इतका आहे. त्या अनुषंगाने 1 जून 2025 रोजी सकाळी 8 वाजता प्रकल्पाचे उभ्या उचल द्वारातून / River Sluice मधून 472.84 क्यूमेक्स विसर्ग नदीपात्रात सोडण्यात येणार असून टप्याटप्याने सदर विसर्ग वाढविण्यात येणार आहे. त्यामुळे नदीतील निम्न भागातील पाण्याची पातळी वाढणार आहे. 

    वाढीव पाणी पातळीमुळे जिवित व वित्त हानी होवू नये म्हणून नदी लगतचे सर्व गावांना / ग्रामपंचायतीना सूचना देण्यात येते की, सदर कालावधीत नदीकाठावर जाणे टाळावे तसेच नदीकाठावरील शेतामध्ये कामे करताना सतर्क राहावे. मार्कंडा देवस्थान येथील यात्रेकरू नदीवर आंघोळ करणारे, मासेमारी करणारे, नदीघाटातुन रेती काढणारे, पशुपालक, नदीतून ये-जा करणा-या नागरिकांनी आवश्यक खबरदारी घेवून प्रशासनास सहकार्य करावे, असे आवाहन गडचिरोली पाटबंधारे विभागाचे कार्यकारी अभियंता रा.ल. मोरघडे यांनी केले आहे.

    चिचडोह बॅरेजचे बुडीत क्षेत्रामुळे खाजगी जमीन बाधीत होणा-या व नदी काठावरील गावांची यादी

    सावली तालुक्यातील हरांबा कढोली,उमरी काजळवाही, डोनाळा माल, डोनाळा चक, वढोली  गाडंली, वढोली चक, पेडगांव, सोनापूर, सामदा, वाघोली बुटी, व्याहाड (बु.), लोंढोली, उसेगांव, कापसी, उपरी. impact of Chichdoh barrage on local villages

  • Chandrapur tourism tiger safari । चंद्रपूरच्या जंगलात वन्यजीवनाचं अद्वितीय दर्शन – टायगर सफारीचा आराखडा तयार

    Chandrapur tourism tiger safari

    टायगर सफारीने चंद्रपूरच्या पर्यटनाला नवी दिशा मिळणार – आ. किशोर जोरगेवार

    Chandrapur tourism tiger safari : चंद्रपूर – चंद्रपूर येथे १७१ हेक्टर जागेत टायगर सफारीसाठी २८६ कोटी रुपयांच्या प्रस्तावाला मान्यता देण्यात आली आहे. त्यानुसार महाराष्ट्र वन विकास महामंडळाच्या अधिनस्त एफडीसीएम गोरवाडा झू लिमिटेडकडे आराखडा तयार करण्याचे काम सोपविण्यात आले असून, आमदार किशोर जोरगेवार यांनी नागपूर येथील वन विभागाच्या विश्रामगृहात एफडीसीएम गोरवाडा झू लिमिटेडच्या अधिकाऱ्यांसह बैठक घेऊन कामाचा आढावा घेतला आहे. या बैठकीला एफडीसीएम गोरवाडा झू लिमिटेडचे प्रभारी मुख्य कार्यकारी अधिकारी शतनीक भागवत यांच्यासह संबंधित अधिकाऱ्यांची उपस्थिती होती. upcoming tiger safari projects

    चंद्रपूर पोलिसांचे आवाहन – या पोलिसांपासून सावध रहा


    चंद्रपूरमध्ये टायगर सफारी सुरू व्हावी, यासाठी आमदार किशोर जोरगेवार यांनी विशेष प्रयत्न केले आहेत. अनेक अधिवेशनांमध्ये आमदार जोरगेवार यांनी सदर मागणीवर सभागृहाचे लक्ष वेधले होते. परिणामी, या प्रकल्पाला मंजुरी मिळाली आहे. यासाठी २८६ कोटी रुपयांचा प्रस्ताव तयार करण्यात आला असून, महाराष्ट्र वन विकास महामंडळाने सदर कामाचा आराखडा तयार करण्याचे काम गोरवाडा झू लिमिटेड कडे दिले आहे. त्यांनी उत्कृष्ट आराखडा तयार केला आहे. tiger safari in Chandrapur

    चंद्रपूरच्या पर्यटनात मोठी वाढ होणार


    सदर बैठकीत या आराखड्याबाबत सविस्तर माहिती देण्यात आली. चंद्रपूरच्या टायगर सफारीत प्रत्येकी पाच हेक्टरमध्ये तीन झोन तयार करण्यात येणार असून, यात ‘ऑस्ट्रेलियन ट्रेल’, ‘साउथ अमेरिकन ट्रेल’ आणि ‘इंडियन ट्रेल’ असणार आहेत. पर्यटकांना पायवाटांवरून चालत प्राण्यांना पाहण्याचा अनुभव घेता येणार आहे. तर ४४ हेक्टरमध्ये पर्यटकांना वाहनातून सफारीचा अनुभव घेता येईल. २० एकरमध्ये चिल्ड्रन पार्क आणि पर्यटकांसाठी विविध सुविधा उपलब्ध करून देण्यात येणार आहेत. हे एक भव्य पर्यटन क्षेत्र ठरेल आणि चंद्रपूरच्या पर्यटनात मोठी वाढ होईल, असा विश्वास आमदार किशोर जोरगेवार यांनी व्यक्त केला आहे.

    upcoming tiger safari projects


    या टायगर सफारी प्रकल्पामुळे रोजगाराच्या संधीही मोठ्या प्रमाणात निर्माण होणार आहेत. स्थानिक युवकांना मार्गदर्शक, संरक्षण कर्मचारी, सफारी वाहनचालक, प्राणी संग्रहालय अशा विविध भूमिका मिळतील. शिवाय, स्थानिक व्यवसायांना – हॉटेल, होम-स्टे, स्मृतिचिन्ह, खाद्यपदार्थ विक्री व्यवसायाला देखील चालना मिळेल. यामुळे चंद्रपूरच्या अर्थव्यवस्थेला आणि विकासाला गती मिळेल, असे आमदार जोरगेवार यांनी सांगितले.

    विदेशी प्राणी ठरणार आकर्षण..

    ऑस्ट्रेलियन ट्रेनमध्ये कांगारू, कॅसोवरी, वाला, लाफिंग कूकाबुरा आणि विविध रंगीबेरंगी पक्षी पर्यटकांना पाहता येणार आहेत. साऊथ अमेरिकन ट्रेलमध्ये जग्वार, कॅपुचिन माकड, स्पायडर माकड, कॅपीबारा, निळे व लाल मकाव असे विदेशी प्राणी पर्यटकांचे विशेष आकर्षण ठरणार आहेत.

  • safety tips against fake police fraud । चंद्रपुरात तोतया पोलिस? चंद्रपूर पोलिसांचे आवाहन

    safety tips against fake police fraud

    safety tips against fake police fraud : चंद्रपूर जिल्ह्यात गुन्हेगार आता नवीन युक्त्या काढत गुन्हे करीत आहे, काही महिन्यापूर्वी तोतया पोलिसांनी मूल तालुक्यात वाळू तस्करांकडून पैसे घेतले होते, त्यांनतर वाळू तस्कराने याबाबत पोलिसांना सूचना देत त्या तोतया पोलिसांना जेलवारी करायला लावली, मात्र त्या वाळू तस्करावर काही कारवाई झाली नाही, हे विशेष.

    चंद्रपूर जिल्हा पोलीस दलाने नागरिकांना महत्वाचे आवाहन केले आहे कि सध्या जिल्ह्यात काहीजण पोलीस असल्याचे सांगत एकट्या दुकट्या नागरिकांना लक्ष करीत त्यांना लुटत आहे.

    परप्रांतीय कामगाराना आता पोलीस पडताळणी आवश्यक, आमदार अडबाले यांच्या पाठपुराव्याला यश

    मोटार सायकलवर सध्या वेशातील तोतया पोलीस रस्त्यावर कामानिमित्त घराबाहेर पडलेल्या नागरिकांना पोलीस असल्याचे सांगत सध्या दागिन्यांसाठी हत्येसारखे गंभीर गुन्हे घडत आहे त्यामुळे आपण आपले दागिने काढून रुमालात किंवा कागदात गुंडाळून ठेवण्याचा सल्ला देत हात चलाखीने दागिने लुटून पळ काढत आहे. fake police officer scam

    संपर्क साधा, डायल ११२

    त्यामुळे असा प्रसंग ओढवू नये याबाबत नागरिकांनी काळजी घ्यावी, जर कुणी असे सांगितले तर त्याला त्याचे ओळखपत्र मागावे व जवळील पोलीस स्टेशन किंवा नियंत्रण कक्ष येथील टोल फ्री क्रमांक ११२ वर संपर्क करून माहिती द्यावी. fake police robbing people

    चंद्रपूर पोलीस हे गणवेशातच पेट्रोलिंग करतात, व नागरिकांना दागिने काढून रुमालात ठेवा असे कुणाला सांगत नाही, त्यामुळे नागरिकांनी सावधानता बाळगावी व अश्या तोतया पोलिसांबाबत माहिती मिळाल्यास तात्काळ पोलिसांना माहिती देत सहकार्य करावे असे आवाहन चंद्रपूर पोलिसांनी केले आहे.

  • mandatory police verification for workers । गुन्हेगारीवर लगाम घालणारा निर्णय, कामगारांची पार्श्वभूमी पडताळा

    mandatory police verification for workers

    आमदार सुधाकर अडबाले यांच्या मागणीला यश; गृह विभागाचा महत्त्वपूर्ण निर्णय

    mandatory police verification for workers : चंद्रपूर : जिल्ह्यातील उद्योगांमध्ये मोठ्या प्रमाणावर परप्रांतीय कामगार कार्यरत आहेत. मात्र, त्यांची पोलीस पडताळणी न करता थेट कामावर घेण्यात येत असल्याने गंभीर गुन्हेगारीला चालना मिळत असल्याचा धोका निर्माण झाला आहे. याच पार्श्वभूमीवर नागपूर विभाग शिक्षक मतदार संघाचे आमदार सुधाकर अडबाले यांनी ही गंभीर बाब गृहमंत्र्यांना निदर्शनास आणून दिली होती. या मागणीची दखल घेत गृह विभागाच्या उपसचिवांनी महाराष्ट्र पोलीस महासंचालक आणि चंद्रपूर जिल्ह्याचे पोलीस अधीक्षक यांना आवश्यक ती पावले उचलण्याचे निर्देश दिले आहेत.

    चंद्रपूर भूमीगत कोळसा खाणं पर्यटन होणार सुरु

    औद्योगिक दृष्टिकोनातून चंद्रपूर हा महत्त्वाचा जिल्हा असून येथे बाहेरून येणाऱ्या मजुरांची संख्या मोठ्या प्रमाणात आहे. या वर्षाच्या सुरुवातीला अमृतसर येथील पोलीस चौकीवर हल्ला करणाऱ्या खलिस्तानी दहशतवाद्याला चंद्रपूर येथून अटक करण्यात आली होती. या घटनेनंतर परप्रांतीय कामगारांच्या पार्श्वभूमीची शहानिशा करणे किती आवश्यक असल्‍याचे आमदार सुधाकर अडबाले यांनी मुख्यमंत्री तथा गृहमंत्र्यांना निवेदनाद्वारे निदर्शनास आणून दिले होते.

    गृह विभागाने दिले निर्देश

    आमदार अडबाले यांच्या मागणीची दखल घेत औद्योगिक क्षेत्रात कायदा व सुव्‍यवस्‍था सुरळीत ठेवण्यासाठी तसेच गुन्‍हेगारीला आळा घालण्याकरिता औद्योगिक क्षेत्रात परप्रांतीय कामगारांची नियुक्‍ती करताना पोलिस पडताळणी अनिवार्य करण्यात यावी व याबाबत सर्व पोलिस घटकांना सुचित करण्यात यावे, असे निर्देश महाराष्ट्र पोलीस महासंचालक आणि चंद्रपूर जिल्‍हा पोलीस अधीक्षक यांना गृह विभागाचे उपसचिव चेतन निकम यांनी दिले आहे. industrial worker police verification process

    पडताळणी बंधनकारक

    आता जिल्ह्यातील सर्व उद्योगांनी परप्रांतीय कामगारांची पोलीस पडताळणी करणे बंधनकारक असेल. त्यांच्या ओळखीची सर्व कागदपत्रे तपासल्यानंतरच त्यांना कामावर घेता येणार आहे. कंपन्यांनी अशा कामगारांची माहिती स्थानिक पोलीस विभागास सादर करणे अनिवार्य राहील.

    या निर्णयामुळे औद्योगिक क्षेत्रात कायदा-सुव्यवस्था टिकवून ठेवणे सुलभ होणार असून, गुन्हेगारी प्रवृत्तींवर नियंत्रण ठेवता येणार आहे. आमदार सुधाकर अडबाले यांच्या प्रयत्नामुळे जिल्ह्यातील सुरक्षेच्या दृष्टीने महत्त्वपूर्ण पाऊल उचलण्यात आले आहे.

  • Illegal Cockfighting Gambling Raid । तिरवंजा जंगलात कोंबड्यांची झुंज आणि जुगार, पोलिसांकडून लाखोंचा मुद्देमाल जप्त

    Illegal Cockfighting Gambling Raid

    Illegal Cockfighting Gambling Raid : भद्रावती – चंद्रपूर जिल्हा हा वाघाच्या सतत होणाऱ्या हल्ल्यामुळे हादरून गेला आहे, असं असले तरी गुन्हेगार वृत्ती आजही झुडपी जंगलात अवैध काम करीत आहे, विशेष म्हणजे वाघाच्या दहशतीला झुगारून अवैध धंदे सरार्सपणे होत आहे.

    दारू दुकानाविरोधात जनता रस्त्यावर

    २८ मे रोजी पोलीस स्टेशन भद्रावती हद्दीत मौजा तिरवंजा येथे गावातील शेतालगत असलेल्या झुडपी जंगलात काही इसम कोंबड्याची झुंज लावीत जुगार खेळत असल्याची माहिती पोलिसांना मिळाली.

    माहितीच्या आधारे पोलिसांनी त्या झुडपी जंगलात धाड मारली असता त्याठिकाणी ७ आरोपी सहित १ मृत व २ जखमी कोंबडे, दोन कात्या, ७ मोटारसायकल असा एकूण ४ लक्ष ५९ हजार ३३० रुपयांचा मुद्देमाल जप्त करण्यात आला. police raid on illegal gambling

    सदरची कामगिरी पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू, उपविभागीय पोलीस अधिकारी नयोमी साटम यांच्या मार्गदर्शनात पोलीस निरीक्षक लता वाडीवे यांच्या नेतृत्वात पोलीस कर्मचारी महेंद्र बेसरकर, अशोक मंजुळकर, अनुप आष्टुनकर, जगदीश झाडे, विश्वनाथ चुधरी, गजानन नागरे, खुशाल कावळे, शैलेश दुर्गेमवार व रोहित चिटगिरे यांनी केली.

    कोण आहे आरोपी?

    • ६३ वर्षीय महादेव गोपाळा गौरकार, खैरगाव, चंद्रपूर
    • ६६ वर्षीय विजय बाबुराव काटकर, तुकूम एसटी वर्कशॉप जवळ चंद्रपूर
    • ३८ वर्षीय विनोद मारोती मुनघाटे, सिनाळा, चंद्रपूर
    • ४० वर्षीय अनिल किसन सोनटक्के, घुटकाला तलाव, चंद्रपूर
    • ३४ वर्षीय हर्षल सुधाकर बैरम, जगन्नाथ बाबा नगर, चंद्रपूर
    • ४३ वर्षीय सुरेंद्र पांडुरंग निनावे, भानापेठ, चंद्रपूर
    • ३५ वर्षीय शेख राजू शेख मुमताज, घुटकाला वार्ड, चंद्रपूर
    • २९ वर्षीय सौरभ मनोज वानखेडे, गोकुळ गल्ली, बाजार वॉर्ड, चंद्रपूर
    • पाहिजे आरोपी प्रशांत ढवस, तिरवंजा, भद्रावती

  • forest officer training academy । चंद्रपूर वन अकॅडमीतील प्रशिक्षणार्थी झाले सज्ज ‘वन अधिकारी’ म्हणून!

    forest officer training academy

    छत्तीसगडच्या 39 प्रशिक्षणार्थी वन अधिकाऱ्यांचा चंद्रपूर वन प्रबोधिनी येथे दीक्षांत समारंभ

    forest officer training academy : चंद्रपूर – येथील वन प्रशासन, विकास व व्यवस्थापन प्रबोधिनी (वन अकॅडमी) या  प्रशिक्षण संस्थेत छत्तीसगड राज्यातील वनपरिक्षेत्र अधिकारी प्रशिक्षणार्थी बॅच-2 (2023-25) यांचा प्रमाणपत्र वितरण समारंभ उत्साहात पार पडला. या समारंभात 39 प्रशिक्षणार्थींनी 18 महिन्यांचे कठोर प्रारंभिक प्रशिक्षण यशस्वीरीत्या पूर्ण करत ‘वन अधिकारी’ म्हणून पुढील सेवेसाठी सज्ज झाल्याची घोषणा करण्यात आली.

    चंद्रपुरातील रात्र वाळू माफियांची

    या प्रशिक्षणार्थ्यांमध्ये 26 पुरुष व 13 महिला अधिकाऱ्यांचा समावेश होता. प्रमुख पाहुण्या म्हणून प्रधान मुख्य वनसंरक्षक (वनबल प्रमुख)  शोमिता बिस्वास उपस्थित होत्या. कार्यक्रमाच्या अध्यक्षस्थानी अपर प्रधान मुख्य वनसंरक्षक (संशोधन, शिक्षण व प्रशिक्षण)  एम. श्रीनिवास रेड्डी तर विशेष अतिथी म्हणून छत्तीसगडचे अपर प्रधान मुख्य वनसंरक्षक नाविद शुजाउद्दीन आणि इतर वरिष्ठ अधिकारी उपस्थित होते. forest officer training program

    forest officer training program

    प्रशिक्षणक्रमात 19 शैक्षणिक विषय आणि 7 प्रात्यक्षिक सत्रांचा समावेश होता, तर 5 मोठ्या अभ्यास दौऱ्यांमधून संपूर्ण भारतातील जैवविविधता व वनसंवर्धनाच्या क्षेत्रातील अनुभव प्रशिक्षणार्थ्यांना मिळाले. अभ्यास दौऱ्यामध्ये हिमालयीन देवदार जंगलांपासून ते सुंदरबनच्या मॅंग्रोव्ह्स, ओडिशातील कासव संवर्धन, दक्षिणेतील व्याघ्र प्रकल्प, वाळवंटी जंगल व्यवस्थापनापर्यंतचा व्यापक अभ्यास करण्यात आला.

    दिनेशकुमार साहू प्रथम

    या बॅचमधील 30 प्रशिक्षणार्थींनी 75 % पेक्षा अधिक गुण मिळवून ‘ऑनर्स’ प्राप्त केले. यात दिनेश कुमार साहू यांनी 87.30 % गुण मिळवून प्रथम क्रमांकासह ऑनर्स पदक आणि तीन विभागांतील रौप्यपदके पटकावली.  अंतरंग पांडे  यांनी परिस्थितिकी विषयात विशेष प्राविण्य मिळवले.

    आपल्या भाषणात संचालक श्री. रेड्डी यांनी सांगितले की, ही तुमच्या सेवापथाची सुरुवात आहे. ज्ञान, संवेदनशीलता आणि नेतृत्वगुण हेच खरे वनअधिकाऱ्याचे ओळखचिन्ह आहेत. त्यांनी विज्ञानाधिष्ठित धोरणे आणि समुदाय-संवर्धनाभिमुख दृष्टिकोन अंगीकारण्याचे आवाहन केले.

    समारोपाच्या भाषणात त्यांनी पुढे सांगितले, छत्तीसगडची जंगले पवित्र आहेत. ही सेवा केवळ नोकरी नसून वन्यजीव, पर्यावरण व समुदायांप्रती असलेली जबाबदारी आहे. तुम्हीच हरित प्रशासनाचे भविष्य आहात.

  • Western Coalfields Limited tourism । खाणीतून उजळणार चंद्रपूर – Western Coalfields चं नवं पर्यटन मॉडेल!

    Western Coalfields Limited tourism

    सावनेरच्या धर्तीवर चंद्रपुरात भूमिगत खान पर्यटन सुरु करणार – आ. किशोर जोरगेवार

    Western Coalfields Limited tourism : सावनेर नागपूर येथील भूमिगत कोळसा खाण पर्यटकांसाठी खुली करण्यात आली आहे. याच धर्तीवर चंद्रपूर येथील बंद पडलेली महाकाली कॉलरी भूमिगत खाण देखील पर्यटनासाठी खुली व्हावी, यासाठी आमदार किशोर जोरगेवार यांनी महत्त्वपूर्ण बैठक घेऊन पुढाकार घेतला आहे. नागपूरच्या सावनेर विश्रामगृह येथे वेकोलि प्रशासनातील वरिष्ठ अधिकाऱ्यांसोबत ही बैठक पार पडली. underground coal mine tourism India

    चंद्रपुरात मध्यरात्री वाळू माफियांचा नाईट प्लॅन


     यावेळी चंद्रपूर वेकोलि क्षेत्राचे मुख्य महाप्रबंधक दातार, चंद्रपूर वेकोलिचे  प्रबंधक विनोद शेंडे, संजय रेड्डी, सावनेर चे उपक्षेत्रीय प्रबंधक सोहन डेहरिया, सावनेर चे उपक्षेत्रीय कार्मिक प्रबंधक पी. सुभाष, एकोपार्क चे चिप मॅनेजर रुपराव महाजन, अभियंता तपास बनर्जी, राकेश निखारिया यांच्या सह भारतीय जनता पार्टीचे माझी शहर अध्यक्ष दशरथ सिंह ठाकूर, भाजप नेते प्रकाश देवतळे, अजय जयस्वाल, तुषार सोम, नामदेव डाहुले, माजी नगर सेवक सुभाष कासनगोट्टूवार, प्रदीप किरमे, रवी गुरुनुले, अमोल शेंडे, राकेश पिंपळकर, संजय तिवारी, नकुल वासमावर, करण नायर, कार्तिक बोरेवार आदींची उपस्थिती होती.


    या बैठकीत आमदार किशोर जोरगेवार यांनी नागपूर सावनेर येथील भूमिगत खाण पर्यटन प्रकल्पाची सविस्तर माहिती घेतली. पर्यटकांना खाणीत प्रवेश देताना कोणत्या सुविधा उपलब्ध केल्या जातात, सुरक्षिततेच्या दृष्टीने कोणती उपाययोजना करण्यात आली आहे, आणि या उपक्रमाचा स्थानिक स्तरावर कसा सकारात्मक परिणाम होत आहे, याचा सखोल आढावा या बैठकीत घेण्यात आला. Western Coalfields Limited tourism

    महाकाली कॉलरी भूमिगत खाण पर्यटनासाठी खुली करावी


       बैठकीनंतर आमदार जोरगेवार यांनी प्रत्यक्ष खाणीत जाऊन खाण पर्यटनाचा अनुभव घेतला. त्यांनी खाणीत तयार करण्यात आलेल्या मार्गदर्शन सुविधा, पर्यटकांसाठी लावण्यात आलेले माहिती फलक, प्रकाशयोजना आणि गाईड सेवा यांची बारकाईने पाहणी केली. महाकाली कॉलरी भूमिगत खाण पर्यटनासाठी खुली करावी (Mahakali Colliery tourism project) यासाठी प्रस्ताव तयार करून लवकरात लवकर सादर करावा, असे निर्देश त्यांनी अधिकाऱ्यांना दिले. पर्यटकांच्या सुरक्षिततेला सर्वाधिक महत्त्व देत प्रकल्पाची अंमलबजावणीचा प्रस्ताव तयार करण्याच्या सूचना यावेळी त्यांनी दिल्या.

    underground coal mine tourism india


       यावेळी आमदार जोरगेवार यांनी सांगितले की, “आपण चंद्रपूर जिल्ह्यातील पर्यटन वाढीसाठी सातत्याने प्रयत्नशील आहोत. महाकाली कॉलरीसारख्या प्रकल्पामुळे केवळ चंद्रपूरच्या पर्यटनाला चालना मिळणार नाही, तर येथील नागरिकांना रोजगाराची नवी दारेही उघडतील. लवकरच आपण महाराष्ट्र आणि केंद्रीय पर्यटन मंत्री यांच्याकडे या प्रकल्पाचा प्रस्ताव मांडून या उपक्रमाला मंजुरी मिळवण्यासाठी प्रयत्न करणार असल्याचे ते म्हणाले.

     इको पार्क ची पाहणी

    आमदार जोरगेवार यांनी यावेळी सावनेर इको पार्कचीही पाहणी केली. त्यांनी इको पार्कमध्ये उपलब्ध असलेल्या सुविधांचा आढावा घेतला आणि पर्यटकांना आकर्षित करण्यासाठी करण्यात आलेल्या कामांची माहिती घेतली. इको पार्कमधील हरित परिसर, सायकल ट्रॅक, निसर्गसंपन्नता यांचे कौतुक करत त्यांनी असे उपक्रम चंद्रपूर जिल्ह्यातील पर्यटन स्थळांवरही राबवण्याची गरज व्यक्त केली. इको पार्कमधील व्यवस्थापन, देखभाल आणि स्वच्छतेच्या बाबींचेही निरीक्षण यावेळी त्यांनी केले.

  • protest against new liquor store opening । ‘दारू दुकान नकोच!’ – कोरपना गावात जनआंदोलन उफाळले

    protest against new liquor store opening

    protest against new liquor store opening : कोरपना – जिल्ह्यातील बहुचर्चित देशी दारू दुकान ना हरकतीचा खेळ एक हाती सत्ता असलेल्या सत्ताधाऱ्यांनी यापूर्वी ग्रामपंचायत असताना ग्रामपंचायतीमध्ये राजकीय स्वार्थासाठी स्थानिक देशी दारूची दुकान ग्रामसभेच्या बहुमताने पारित करून आडवी शिशी करण्याचं काम यांनीच केलं मात्र त्यानंतर पुन्हा खोब्रागडे नामक व्यक्तीला एनओसी देण्याचं कट यांनीच रचला त्यावेळी मोठ्या प्रमाणात विरोध झाल्याने सदर दुकान त्या ठिकाणी थाटली नाही. citizens demand liquor store closure

    चंद्रपुरात वाळू तस्करीचा नाईट प्लॅन

    2015 मध्ये ग्रामपंचायतीचा दर्जा वाढ होऊन या ठिकाणी नगरपंचायत झाली सन 21-22 मध्ये नगरपंचायतीची सत्ता येतात पहिल्या सभेत नंदा पोळ यांना ना हरकत देण्याचा पाप याच सत्ताधाऱ्यांनी केलं, दारूच्या विरोधात असलेला परिवार दारू दुकान गावात सुरू करण्यासाठी उठाठेव करत सत्तेचा वापर केल्याने गावात अनेक महिला पुरुषानी विरोध केला त्यामुळे २०२१ – २२ मध्ये प्रयत्न निरर्थक ठरला. political influence in liquor license approval

    मात्र नव्याने आलेले मुख्यधिकारी धुमाळ यांना हाताशी धरूण जनतेच्या भावने विरोधात प्रेम लिकर्स प्रा ली यांना कोरपना येथिल वार्ड क्र २ मध्ये सि एल – ३ देशी दारू दुकान सुरू करण्यासाठी आर्थीक लाभेच्या आहारी जाऊन अर्ज ७ /४ / २०२५ ला मुख्याधिकारी यांना दिला तत्परता दाखवित मुख्यधिकारी यांनी सर्वसाधारण सभेच्या सदस्य नगरसेवकाना विश्वासात न घेता नगरध्यक्ष व मुख्याधिकारी यांनी संगणमत करुण धुमाळ यांनी तत्परतेने नाहरकत पत्र दिला. याची कुजबुज गावात होताच वातावरण तापले भाजप व मित्र पक्षाच्या नगरसेवकानी जाब विचारताच २६ / ५ / २०२५ ना हरकत प्रमाणपत्र रद्द करण्याची नामुष्की मुख्याधिकाऱ्यावर आल्याने याबाबत त्यांनी पत्र काढले. protest against new liquor store opening

    अवैध दारूबाबत तक्रार करा टोल फ्री क्रमांकावर

    मात्र सत्ताधारी कॉग्रेस पक्षाच्या पदाधिकारी यांनी शकल लढवित, नगरध्यक्ष नंदा बावने यांनी विषेश सभेचे नोटीस काढून तातडीने दि २८ / ५ / २०२५ ला १२ वाजता नाहरकत प्रमाण पत्र मंजूरीसाठी सभेचे आयोजन केले मात्र विषेश सभा अति महत्वाच्या किवा संकटसमयी घेण्यात येते, सभेचे नोटीस २६ / ५ / २०२५ ला रात्रौ ९ वाजता देण्यात आले नियमाप्रमाणे पूर्ण ३ दिवस वेळ असावा असे असताना नियम बाहय सभा सत्ताधाऱ्यानी घेऊन ठराव पारीत केला मात्र भाजप मित्र पक्षाने सभेत आक्षेप घेत नियमबाह्य बेशिस्त सभा रद्द करा अशी भुमीका गटनेत्या गिता डोहे यानी केली. citizens demand liquor store closure

    काहीकाळ तणाव

    सभागृहा बाहेर महिला पुरुषांनी आक्रोश करूण घोषणा देत निदर्शने केली, नगर पंचायत पुढे घोषणाबाजी करत मुख्यधिकारी यांच्या कारस्थानाचा तिव्र निषेध व महिलांनी येमाजी धुमाळ यांच्या पुतळ्याला जोडे मारून तिव्र निषेध केला यामुळे काहीकाळ तणाव निर्माण झाला पोलीसानी हस्तक्षेप करून आंदोलन कर्त्यांना शांत केले. भाजप नेते किशोर बावने, राष्ट्रवादी कॉग्रेसचे आबिद अली, शेतकरी संघटनेचे सुनिल बावने, गट नेता गिता बाई डोहे, सविता तुमराम, आशा झाडे, वर्षा लांडगे, सुभाष हरबडे, भाजप शहर अध्यक्ष अमोल आसेकर, राष्ट्रवादी शहर अध्यक्ष संभा भुसारी, मोहब्बत खान पठान, अभय डोहे, पवन बुरेवार, सुहेल अली, सुनिल देरकर, अबरार अली, पदमाकर दगडी, शहबाज अली, इंदिरा ताई कोल्हे यांचे सह शेकडो महिला पुरुष सहभागी होऊन निषेध नोंदविला. women protest against local liquor shop

    मुख्यधिकारी धुमाळ यांना निलंबित करा, कोरपना येथे दारू दुकान सुरू करू नका, एक हाती सत्ता घरात ठेवून अमुत वर्षात सुद्धा गावाला नळयोजना व पाणी न देता घराघरात दारू ना हरकत देणाऱ्या पदाधिकाऱ्याचा निषेध असो या गावात दारू दुकान सुरू होऊ देणार नाही एकदा आडवी झालेली बाटल ग्राम सभेतून पुन्हा उभी होऊ देणार नाही असे घोषणा देऊन आंदोलन कर्त्यांनी तहसिलदार पल्लवी आकरे, मुख्यधिकारी येमाजी धुमाळ यांना निवेदन देऊन नागरीकाच्या भावना शासनाला कळवा अशी मागणी निवेदनातून केली आहे.

    📌 दारू दुकानाविरोधातील आंदोलनावर आधारित FAQ (मराठीत):

    प्र. 1: कोरपना गावात दारू दुकानाविरोधात का आंदोलन झाले?

    उ. स्थानिक नागरिकांनी, विशेषतः महिलांनी, गावात नवीन देशी दारू दुकान उघडण्याच्या निर्णयाला विरोध केला कारण त्यामुळे सामाजिक व कुटुंबिक हानी होण्याची भीती आहे.

    प्र. 2: दारू दुकानाला ना-हरकत प्रमाणपत्र कोणी दिलं?

    उ. नगरपंचायतीचे मुख्याधिकारी यांनी नगरसेवकांची पूर्वसंमती न घेता ना-हरकत प्रमाणपत्र दिलं, त्यामुळे वाद निर्माण झाला.

    प्र. 3: या आंदोलनात कोणते पक्ष किंवा नेते सहभागी होते?

    उ. भाजप, राष्ट्रवादी, शेतकरी संघटना व अन्य स्थानिक नेते तसेच शेकडो महिला-पुरुषांनी एकत्र येऊन या निर्णयाचा विरोध केला.

    प्र. 4: या प्रकरणात प्रशासनाने कोणती पावले उचलली?

    उ. नागरिकांच्या दबावामुळे मुख्याधिकाऱ्यांनी ना-हरकत प्रमाणपत्र रद्द केले, परंतु त्यानंतरही सत्ताधाऱ्यांनी विशेष सभा घेऊन मंजुरी दिली, ज्यावरही आक्षेप घेतला गेला.

    प्र. 6: दारू दुकान सुरू झाल्यास गावावर काय परिणाम होऊ शकतो?

    उ. दारूपासून संबंधित व्यसनाधीनता, घरगुती हिंसाचार, महिलांवरील अत्याचार व सामाजिक अस्थिरता वाढू शकते असा नागरिकांचा दावा आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by