Category: ताज्या बातम्या

honey hub initiative by Sudhir Mungantiwar

honey hub initiative by Sudhir Mungantiwar : चंद्रपूर – चंद्रपूर जिल्ह्याला मध उत्पादनाच्या माध्यमातून ‘हनी हब’ बनविण्याच्या दिशेने एक ठोस पाऊल उचलण्यात आले आहे. राज्याचे वने, सांस्कृतीक कार्य व मत्स्यव्यवसाय मंत्री आमदार श्री. सुधीर मुनगंटीवार यांच्या पुढाकारातून मधमक्षिका पालनासाठी मामला व पिरली या गावांची ३ जानेवारी २०२४ रोजी ‘मधाचे गाव’ म्हणून घोषणा करण्यात आली होती. या घोषणेनंतर सुरू झालेल्या उपक्रमांतून आता प्रत्यक्ष प्रशिक्षण व प्रात्यक्षिक टप्पा राबवण्यात येत आहे. आ. श्री. मुनगंटीवार यांचे प्रयत्न या क्षेत्रासाठी गेम चेंजर ठरणार आहेत. Chandrapur honey hub beekeeping training

जिल्हा मध्यवर्ती बँकेच्या संचालकपदी डॉ. अनिल वाढई निर्विरोध

४० प्रशिक्षणार्थी पोहचले मधाच्या गावात

जिल्ह्यातील ४० प्रशिक्षणार्थींनी नुकतीच देशातील पहिले ‘मधाचे गाव’ म्हणून प्रसिद्ध असलेल्या मांघर (ता. महाबळेश्वर, जि. सातारा) येथे भेट दिली. या दौऱ्यात त्यांनी स्थानिक व्यवस्थापन व ग्रामस्थांकडून वर्षभरात ७ ते ८ हजार किलोपर्यंत होणाऱ्या मध उत्पादनाच्या यशस्वी कार्यपद्धतीची सविस्तर माहिती घेतली. मधसंचय, प्रक्रियेची शिस्तबद्ध पद्धत, बाजारपेठेचा अभ्यास आणि ग्रामसंघटनात्मक एकात्मतेची उदाहरणे यांचा थेट अनुभव घेत प्रशिक्षणार्थींनी आपल्या ज्ञानात मोलाची भर घातली.

यावेळी प्रशिक्षणार्थ्यांना CBRTI पुणे आणि मधसंचनालय महाबळेश्वर येथे विशेष प्रशिक्षणही देण्यात आले. यामध्ये मधमक्षिका पालन, पेटी व्यवस्थापन, किटकनाशकांचा प्रभाव, वनीकरणाशी समन्वय इत्यादी बाबींवर सखोल मार्गदर्शन करण्यात आले.

या उपक्रमांमुळे चंद्रपूर जिल्ह्यातील शेतकरी मध उत्पादनाच्या क्षेत्रात नव्या संधींचा लाभ घेण्यासाठी सज्ज होत आहेत. आर्थिक उत्पन्नवाढीचा पूरक मार्ग तयार होत असल्याचे समाधान व्यक्त करत प्रशिक्षणार्थींनी आमदार श्री. सुधीर मुनगंटीवार यांचे आभार मानले. त्यांच्यामुळेच जिल्ह्यातील शेतकऱ्यांना एक नवे स्थिर आणि शाश्वत पर्याय उपलब्ध होईल, अशी भावना व्यक्त केली.

unopposed cooperative bank director election

unopposed cooperative bank director election : बल्लारपूर :- चंद्रपूर जिल्हा मध्यवर्ती सहकारी बँकेच्या होऊ घातलेल्या संचालक मंडळाच्या निवडणुकीत तालुका अ गटातून बँकेचे विद्यमान सदस्य डॉ अनिल वाढई यांची अविरोध निवड झाली आहे.

एअर इंडियाचे प्रवासी विमान कोसळले

एकमेव अर्ज

चंद्रपूर जिल्हा मध्यवर्ती सहकारी बँकेची निवडणुक २१ संचालक पदासाठी येणाऱ्या १० जुलै ला होणार आहे. त्यात ११ जून रोजी फॉर्म भरण्याची शेवटची मुदत होती. बल्लारपूर तालुक्यातील सेवा सहकारी अ गट मध्ये एकूण ७ सदस्य होते. डॉ अनिल वाढई यांचे एकमेव फॉर्म असल्याने ते अविरोध निवडून आले. डॉ.अनिल वाढई हे दुसऱ्यांदा बँकेत निवडून आले. Chandrapur district cooperative bank director win

डॉ अनिल वाढई यांनी निवडणुकीत अविरोध निवडून आल्या बद्दल राजुरा चे माजी आमदार सुभाष धोटे, खासदार प्रतिभा धानोरकर, माजी विरोधी पक्षनेता आमदार विजय वडेट्टीवार, शिक्षक आमदार सुधाकर अडबाले, जिल्हा बँकेचे अध्यक्ष संतोष रावत, माजी अध्यक्ष शेखर धोटे यांचे आभार मानले.

त्यांच्या अविरोध निवडून आल्याबद्दल कृषी उत्पन्न बाजार समिती ची संचालिका अलका अनिल वाढई, रामभाऊ टोंगे, मुरलीधर पाटील गौरकर, घनश्याम मुलचंदानी, नरेश मुंदडा, काँग्रेस पक्षाचे अध्यक्ष अब्दुल करीम, माजी गट नेते देवेंद्र आर्य, चंद्रकांत गुरु, डॉ सुनील कुलदीवार , डॉ अशोक घुंगुरुडकर, रमेश राजुरकर, घनश्याम उरकुडे, इस्माईल ढाकवाला, युवराज भासरकर यांनी अभिनंदन केले.

Illegal school in Chandrapur

Illegal school in Chandrapur : चंद्रपूर – शासकीय सैनिक शाळेच्या जवळच “SSCN सैनिक स्कूल चंद्रपूर” नावाने बेकायदेशीरपणे सुरू असलेल्या खासगी शाळेविरोधात आम आदमी पार्टी, चंद्रपूर यांच्यावतीने शिक्षण विभागाला निवेदन देत कठोर कारवाईची मागणी करण्यात आली आहे. सदर शाळेस कोणतीही शासकीय मान्यता, परवाना अथवा UDISE क्रमांक नसतानाही ती निर्बंध न पाळता खुलेआम प्रवेश प्रक्रिया राबवते आहे. unauthorised school in Chandrapur SSCN

या गंभीर प्रकाराची माहिती मिळताच राजू कुडे – युवा जिल्हाध्यक्ष, आम आदमी पार्टी, चंद्रपूर यांनी शिक्षण अधिकारी (प्राथमिक) यांना निवेदन सादर केले. त्यानंतर शिक्षण अधिकारी (प्राथमिक), शिक्षण अधिकारी (माध्यमिक) आणि SSCN शाळेचे प्रतिनिधी यांच्यासोबत आम आदमी पार्टीच्या शिष्टमंडळाची संयुक्त बैठक पार पडली.

माझी आई बेपत्ता, चंद्रपूर पोलिसांवर गंभीर आरोप

या बैठकीत, सदर शाळेला नव्या प्रवेशांना मनाई करण्यात आली असून, लवकरच कारवाई करण्यात येईल, असे आश्वासन शिक्षण अधिकारी (माध्यमिक) यांनी दिले.

तर शिक्षण विभागाच्या विरोधात तीव्र आंदोलन

पालकांची फसवणूक आणि विद्यार्थ्यांचे शैक्षणिक नुकसान टाळण्यासाठी बेकायदेशीर शाळांविरोधात तात्काळ कारवाई होणे आवश्यक आहे. नियमबाह्य शिक्षण संस्था चालवणे हे कायद्याच्या चौकटीत गुन्हा असून अशा प्रकारांवर ठोस पावले उचलणे आवश्यक आहे. जर ८ दिवसांत योग्य कारवाई न झाल्यास आम आदमी पार्टीच्या वतीने शिक्षण विभागाच्या विरोधात तीव्र आंदोलन छेडले जाईल, असा स्पष्ट इशारा राजू कुडे यांनी दिला आहे.

यावेळेस आपचे वरिष्ठ नेते सुनील मुसळे, जिल्हाध्यक्ष मयूर राईकवार, युवा जिल्हाध्यक्ष राजू कुडे, महानगर अध्यक्ष योगेश गोखरे, महिला महानगर अध्यक्षा ऍड. तब्बसूम शेख, महानगर संघटनमंत्री संतोष बोपचे, प्रशांत सिदूरकर, स्नेहल नगराळे, इत्यादी उपस्थित होते.

sonam raghuwanshi

sonam raghuwanshi : NEWS३४ वृत्तसेवा – मागील काही दिवसांपासून सुरु असलेल्या चर्चित राजा रघुवंशी हत्याकांडात सोनम ने गुन्हा कबूल करीत आपण हत्येत सहभागी असल्याचे मेघालय पोलिसांना सांगितले. तिने प्रियकर राज कुशवाहा समोर आपला गुन्हा कबूल केल्याची माहिती पुढे आली आहे. honeymoon murder case

चंद्रपुरातील टायगर सफारी होणार जागतिक दर्जाची

इंदूरहून पत्नीसोबत हनिमून साजरा करण्यासाठी शिलाँगला गेलेल्या राजा रघुवंशीच्या हत्येप्रकरणी एक मोठा खुलासा झाला आहे. एसआयटी चौकशीदरम्यान आरोपी सोनम रघुवंशीने तिचा गुन्हा कबूल केला आहे. सर्व पुरावे सादर करून सोनमची चौकशी केली जात आहे आणि चौकशीदरम्यान सोनम म्हणाली की हो, तिचा पती राजा रघुवंशीच्या हत्येच्या कटात तिचा सहभाग होता. मेघालय पोलिसांनी सोनम रघुवंशी आणि तिचा प्रियकर राज कुशवाह यांना समोरासमोर आणले तेव्हा सोनम खचून पडली आणि तिने तिचा पती राजा कुशवाहाच्या हत्येच्या कटात सहभागी असल्याचे कबूल केले. पोलिसांनी दोघांनाही ठोस पुराव्यांसह समोरासमोर बसवून चौकशी केली. shocking honeymoon crime in Shillong

लग्नानंतर पत्नी सोनम रघुवंशीसोबत हनिमून साजरा करण्यासाठी २३ मे रोजी शिलाँगमधील सोहरा येथे गेलेल्या राजा रघुवंशीच्या हत्येच्या तपासात मेघालय पोलिसांनी मोठा खुलासा केला आहे. पोलिसांनी ४२ सीसीटीव्ही फुटेज, रक्ताने माखलेले जॅकेट, सोनमचा रेनकोट आणि सर्व प्रकारचे पुरावे सादर केले आणि राज कुशवाहालाही समोर बसवले. हे सर्व पुरावे पाहून सोनम पूर्णपणे खचली आणि तिने कबूल केले की तिने राज कुशवाहा आणि इतर तीन आरोपींसह राजाच्या हत्येचा कट रचला होता आणि त्याची हत्या करण्यात आली.

सात जन्माची साथ ?

पोलिस तपासात असे दिसून आले की सोनम राजाला हनिमूनच्या बहाण्याने शिलाँगला घेऊन गेली होती, तिने तिच्या सासूला खोटे सांगितले की ती अपरा एकादशीचे व्रत करत आहे, तर हॉटेलच्या रेकॉर्डवरून तिने जेवण केल्याचे दिसून आले. यासोबतच, हत्या केल्यानंतर, सोनमने राजाच्या सोशल मीडिया अकाउंटवरून ‘सात जन्मों का साथ है’ असे पोस्ट करून तपासाची दिशाभूल करण्याचा प्रयत्न केला. गुवाहाटी रेल्वे स्थानकाजवळून पोलिसांनी हत्येत वापरलेले शस्त्र देखील जप्त केले.

कोण कोण या कटात सामील?

मेघालयातील सोहरा येथे राजाच्या हनिमून दरम्यान हत्या करण्याचा कट रचल्याच्या आरोपाखाली पोलिसांनी सोमवारी सोनमला अटक केली. सोनमने सुपारी दिलेल्या माणसांनी राजाची हत्या केल्याचा आरोप आहे. सोनमने उत्तर प्रदेशातील गाजीपूरमधील नंदगंज पोलिस ठाण्यात पोलिसांसमोर आत्मसमर्पण केले. यापूर्वी आकाश राजपूत (१९), विशाल सिंग चौहान (२२) आणि राज सिंग कुशवाह (२१) या तीन हल्लेखोरांना अटक करण्यात आली होती.

tiger safari project in Chandrapur

tiger safari project in Chandrapur : चंद्रपूर – चंद्रपूरमध्ये प्रस्तावित असलेल्या टायगर सफारी प्रकल्पास गती देण्यासाठी मुंबई येथील मंत्रालयात महत्त्वपूर्ण बैठक आयोजित करण्यात आली होती. राज्याचे वनमंत्री गणेश नाईक यांच्या अध्यक्षतेखाली ही बैठक पार पडली. या बैठकीत आमदार किशोर जोरगेवार यांनी चंद्रपूरच्या पर्यटनवाढीसाठी आणि स्थानिक युवकांसाठी रोजगारनिर्मितीच्या दृष्टीने या प्रकल्पाची अत्यंत आवश्यकता असल्याचे स्पष्टपणे मांडले. त्यांच्या सूचनांनुसार वनमंत्री गणेश नाईक यांनीही या प्रकल्पाबाबत सकारात्मकता दर्शवत निधी वितरणाची प्रक्रिया गतीमान करण्याचे निर्देश संबंधित अधिकाऱ्यांना दिले.

आंब्याचा मोह जीवावर बेतला, वाघाच्या हल्ल्यात वृद्ध ठार

या बैठकीस आमदार किशोर जोरगेवार, राज्याचे प्रधान मुख्य वनसंरक्षक आणि वन बल प्रमुख शोमिता बिस्वास, अप्पर मुख्य सचिव (वने) मिलिंद म्हसेकर, अप्पर प्रधान मुख्य वनसंरक्षक व समन्वय अधिकारी नरेश झुरमुरे, वनविकास महामंडळाचे मुख्य कार्यकारी अधिकारी चंद्रशेखर बोडे, महाव्यवस्थापक (मुख्यालय) बेऊला माथी, चंद्रपूरचे मुख्य वनसंरक्षक डॉ. जितेंद्र रामगावकर, उपवनसंरक्षक विवेक होसिंग तसेच महाराष्ट्र इको टुरिझम डेव्हलपमेंट बोर्डाचे सदस्य अरुण तिखे यांची उपस्थिती होती.

चंद्रपूरच्या मूल रोडवरील वन अकादमीच्या मागील बाजूस १७१ हेक्टर क्षेत्रात टायगर सफारी प्रकल्प उभारण्यात येणार आहे. यासाठी 580 कोटी रुपयांचा खर्च येणार आहे. सदर प्रकल्पाचा आराखडा महाराष्ट्र वन विकास महामंडळाच्या अधिनस्त एफडीसीएम गोरवाडा झू लिमिटेड यांच्याकडे तयार करण्यासाठी देण्यात आला आहे.

🎯 चंद्रपूरच्या टायगर सफारी प्रकल्पात कोणते प्राणी दिसणार? संपूर्ण यादी वाचाच!

या प्रकल्पात ऑस्ट्रेलियन, साउथ अमेरिकन, साउथ आफ्रिका आणि इंडियन ट्रेल अश्या वेगवेगळ्या थीमवर आधारित प्राणीदर्शन झोन असतील. यामध्ये कॅंगारू, जग्वार, माकडे, कॅपीबारा, विविध रंगीबेरंगी पक्षी अशा अनेक विदेशी व देशी प्राणी पर्यटकांना पाहता येणार आहेत. याशिवाय ४४ हेक्टर क्षेत्रात वाहन सफारी आणि २० एकर क्षेत्रात चिल्ड्रन पार्क व इतर पर्यटकांसाठी सुविधा विकसित केल्या जाणार आहेत. Chandrapur safari park development update

स्थानिकांना रोजगाराच्या संधी

या प्रकल्पामुळे चंद्रपूर जिल्ह्यातील पर्यटन क्षेत्रात मोठी वाढ होणार असून स्थानिक तरुणांसाठी रोजगाराच्या अनेक संधी उपलब्ध होतील. या संदर्भात आमदार किशोर जोरगेवार यांनी ताडोबाच्या सफारीसाठी लाखो पर्यटक चंद्रपूरला येतात. मात्र अनेकदा वाघाचे प्रत्यक्ष दर्शन होत नाही. नव्या टायगर सफारीमुळे पर्यटकांना हमखास वाघाचे दर्शन होईल, तसेच विदेशी प्राणीही पाहायला मिळतील. त्यामुळे चंद्रपूरच्या पर्यटनात लक्षणीय वाढ होऊन  जिल्ह्याच्या अर्थव्यवस्थेलाही चालना मिळेल असा विश्वास व्यक्त केला. wildlife tourism jobs for locals

या बैठकीत पुढील टप्प्याचे नियोजन आणि निधी वितरणाबाबत निर्णय घेण्यात आले. यावेळी वनमंत्री गणेश नाईक यांनी अधिकाऱ्यांना एफडीसीएम गोरवाडा झू लिमिटेडने तयार केलेल्या आराखड्याची सखोल व तांत्रिक तपासणी करण्यात यावी, कोणतीही त्रुटी राहू नये, याची पूर्ण काळजी घ्यावी. प्रस्तावित ट्रेल्समध्ये स्थानिक जैवविविधतेचा विचार करून पर्यावरणाचे संतुलन राखले जावे असे निर्देश दिले आहे. Chandrapur tourism new attractions

ना. नाईक यांनी पुढे म्हणाले की, प्रकल्पातील प्रत्येक टप्प्यात पर्यटक, प्राणी आणि कर्मचारी यांची सुरक्षा सर्वोच्च असावी, चिल्ड्रन पार्क, भोजनगृहे, विश्रांतीगृहे, स्मृतीचिन्ह विक्री केंद्रे यासारख्या सर्व सुविधा जागतिक दर्जाच्या असाव्यात. तसेच प्रकल्पाची अंमलबजावणी नियोजनबद्ध व ठरलेल्या वेळेत पार पडावी, यासाठी सक्षम कार्ययोजना राबवली जावी असे ते म्हणाले.

dialysis machine in government hospital

dialysis machine in government hospital : चंद्रपूर – जिल्हा सामान्य रुग्णालय, चंद्रपुर येथे डायलेसिस विभागातील विस्तारीत कक्षाचे उद्घाटन राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके यांच्या हस्ते व आमदार किशोर जोरगेवार यांच्या उपस्थितीत नुकतेच करण्यात आले.

१२ जून रोजी बालकामगार विरोधी दिवस

कार्यक्रमाच्या अध्यक्षस्थानी जिल्हा शल्य चिकित्सक डॉ. महादेव चिंचोळे तर प्रमुख अतिथी म्हणून जिल्हाधिकारी विनय गौडा जी.सी., मुख्य कार्यकारी अधिकारी पुलकित सिंग, मा.सां. कन्नमवार शास. वैद्य. महाविद्यालयाचे अधिष्ठाता डॉ. मिलिंद कांबळे, ताडोबा प्रकल्पाचे उपसंचालक (कोर) आनंद रेड्डी, अति. जिल्हा शल्य चिकित्सक भास्कर सोनारकर, निवासी वैद्यकीय अधिकारी डॉ. हेमचंद कन्नाके आदी उपस्थित होते.

उद्घाटनप्रसंगी पालकमंत्री डॉ. अशोक उईके यांनी डायलेसिस विभागातील वैद्यकिय अधिकारी व कर्मचारी यांच्या कामाची प्रशंसा करून पुढेही अशाच प्रकारचे काम करीत राहावे. तसेच रुग्णालयात आलेल्या रुग्णांवर वेळेत आणि चांगले उपचार करावे, अशा सुचना त्यांनी दिल्या. free dialysis treatment in government hospital

डायलेसिस विभागामध्ये मासिक 550 ते 600 डायलेसिस होतात. सन 2024-25 या वर्षात एकूण 6368 डायलेसिस करण्यात आले. यासाठी चंद्रपूर जिल्हा सामान्य रुग्णालयाने राज्यस्तरावर प्रथम क्रमांक प्राप्त केला. जिल्हा रुग्णालयामध्ये सुरुवातीला 9 डायलेसिस मशीन कार्यान्वित होत्या. रुग्णांच्या वाढत्या संख्येमुळे 20 ते 24 रुग्ण हे प्रतिक्षाधीन होते. रुग्ण हा आरोग्य सेवेपासून वंचित राहू नये, या उदे्शाने पालकमंत्री डॉ. अशोक उईके तसेच जिल्हाधिकारी विनय गौडा जी.सी. यांच्या मार्गदर्शनाखाली जिल्हा नियोजन समितीमधून 4 नवीन डायलेसिस मशीन उपलब्ध करून देण्यात आल्या आहेत. डायलेसिस विभागाचे विस्तारीकरण झाल्यामुळे आता सर्व डायलेसिस रुग्णांना सेवा देता येईल व कोणत्याही रुग्णांना आर्थिक भुदंड बसणार नाही. dialysis facility in district hospital

सध्या रुग्णालयात १३ डायलिसिस मशीन

सामान्य रुग्णालयात सद्यस्थितीत 13 डायलेसिस मशीनद्वारे सेवा देण्यात येत असून प्रशिक्षित वैद्यकीय अधिकारी व नर्सिंग कर्मचारी येथे रुग्णांची सेवा बजावत आहेत. ही सेवा पूर्णपणे मोफत आहे. गरीब व गरजू रुग्णांना याचा मोठा लाभ होणार आहे. डायलेसिस विभाग हा जिल्ह्यातील आरोग्य सुविधांसाठी मैलाचा दगड ठरणार आहे. यामुळे अनेक रुग्णांना वेळेवर आणि योग्य उपचार मिळतील. तरी जास्तीत जास्त डायलेसिस रुग्णांनी या सेवेचा लाभ घ्यावा, असे आवाहन आरोग्य प्रशासनाने केले आहे. dialysis machine in government hospital

चार रुग्णवाहिकांचेही लोकार्पण

: जिल्हा सामान्य रुग्णालयात नव्याने दाखल झालेल्या चार नवीन रुग्णवाहिकांचे लोकार्पण पालकमंत्री डॉ. अशोक उईके यांच्या हस्ते करण्यात आले. यावेळी खासदार प्रतिभा धानोरकर, खासदार डॉ. नामदेव किरसान, आमदार सर्वश्री किशोर जोरगेवार, किर्तीकुमार भांगडीया, देवराव भोंगळे, करण देवतेळे, जिल्हाधिकारी विनय गौडा जी.सी, जिल्हा शल्य चिकित्सक डॉ. महादेव चिंचोळे, जिल्हा आरोग्य अधिकारी डॉ. अशोक कटारे आदी उपस्थित होते.