महाराष्ट्र, राष्ट्रीय आणि आंतरराष्ट्रीय स्तरावरील सर्व ताज्या बातम्या (Latest News) आणि ब्रेकिंग अपडेट्स वाचण्यासाठी रोज भेट द्या news34.in वर. राजकारण, समाजकारण, क्रीडा, गुन्हेगारी आणि आर्थिक घडामोडींचे त्वरित आणि विश्वसनीय कव्हरेज येथे उपलब्ध आहे. २४ तास सुरू असलेल्या घडामोडींची अचूक माहिती मिळवा, जेणेकरून कोणतीही मोठी बातमी तुमच्यापासून सुटणार नाही.
chandrapur zilla parishad draft notification : चंद्रपूर, दि. १५ : चंद्रपूर जिल्हा परिषद क्षेत्रातील निवडणूक विभागाची व त्याअंतर्गत पंचायत समित्यांमधील निर्वाचक गणाच्या प्रारुप प्रभाग बाबतीत निवडावयाची सभासद संख्या निश्चित केलेली आहे. त्यानुसार जि.प. निवडणूक विभाग 56 व पंचायत समिती निर्वाचक गणांची प्रभाग रचना 112 करण्यात आली आहे. ward wise zilla parishad seats chandrapur district
वरीलप्रमाणे निश्चित केलेल्या निवडणूक विभाग व निर्वाचक गण रचनेचे प्रारूप परिशिष्ट 5 (अ) व 5 (ब) मधील अधिसूचना व अनुसूची तयार करून ती शासन राजपत्रात, 14 जुलै 2025 रोजी जिल्हाधिकारी कार्यालय, तहसिल कार्यालय, जिल्हा परिषद कार्यालय, पंचायत समिती कार्यालयील सूचना फलक / संकेतस्थळावर प्रसिध्द करण्यात आली आहे. सदर प्रारूप प्रभाग रचनेवरील हरकती व सूचना 21 जुलै 2025 पर्यंत जिल्हाधिकारी /संबंधित तहसीलदार यांच्या कार्यालयात स्वीकारण्यात येणार आहे, असे उपजिल्हाधिकारी तथा उपजिल्हा निवडणूक अधिकारी यांनी कळविले आहे. zilla parishad election ward structure chandrapur
अशी आहे जिल्ह्यातील निवडायची सदस्य संख्या :
सन 2011 च्या जनगणनेनुसार ग्रामीण भागातील एकूण लोकसंख्या 14 लक्ष 23 हजार 349 आहे. अनुसूचित जातीची लोकसंख्या 1 लक्ष 98 हजार 28 असून अनुसूचित जमातीची लोकसंख्या 3 लक्ष 18 हजार 373 अशी आहे. जिल्ह्यातील जिल्हा परिषद निवडणूक विभाग 56 व पंचायत समिती निर्वाचक गणांची प्रभाग रचना 112 निश्चित करण्यात आली आहे.
यात चिमूर (जि.प. सदस्य संख्या -5, पंचायत समिती सदस्य संख्या – 10), नागभीड (जि.प. सदस्य संख्या -4, पंचायत समिती सदस्य संख्या – 8), ब्रम्हपुरी (जि.प. सदस्य संख्या -5, पंचायत समिती सदस्य संख्या – 10), सिंदेवाही (जि.प. सदस्य संख्या -4, पंचायत समिती सदस्य संख्या – 8), भद्रावती (जि.प. सदस्य संख्या -4, पंचायत समिती सदस्य संख्या – 8), वरोरा (जि.प. सदस्य संख्या -5, पंचायत समिती सदस्य संख्या – 10), चंद्रपूर (जि.प. सदस्य संख्या -5,
पंचायत समिती सदस्य संख्या – 10), मूल (जि.प. सदस्य संख्या -3, पंचायत समिती सदस्य संख्या – 6), सावली (जि.प. सदस्य संख्या -4, पंचायत समिती सदस्य संख्या – 8), पोंभुर्णा (जि.प. सदस्य संख्या -2, पंचायत समिती सदस्य संख्या – 4), गोंडपिपरी (जि.प. सदस्य संख्या -3, पंचायत समिती सदस्य संख्या – 6), बल्लारपूर (जि.प. सदस्य संख्या -2, पंचायत समिती सदस्य संख्या – 4), कोरपना (जि.प. सदस्य संख्या -4, पंचायत समिती सदस्य संख्या – 8), जिवती (जि.प. सदस्य संख्या -2, पंचायत समिती सदस्य संख्या – 4) आणि राजूरा (जि.प. सदस्य संख्या -4, पंचायत समिती सदस्य संख्या – 8) अशी आहे.
road repair after sewage pipeline work : चंद्रपूर 14 जुलै – चंद्रपूर शहरात मलनिःसारण योजना राबविण्यात येत असून, त्याअंतर्गत विविध भागांमध्ये सांडपाणी वाहिन्यांचे जाळे टाकण्यात आले आहे. या कामासाठी एकूण 13 किलोमीटर लांबीचे सिमेंट व डांबरी रस्ते खोदण्यात आले होते. सदर कामांमुळे निर्माण झालेल्या अडचणी लक्षात घेता, महानगरपालिकेने तात्काळ रस्ते दुरुस्तीला प्राधान्य दिले असून आतापर्यंत 7 किलोमीटर रस्त्यांचे दुरुस्तीकरण पूर्ण करण्यात आले आहे. government sewage pipeline construction under AMRUT 2.0
यासंबंधी नुकतीच मा. आमदार किशोर जोरगेवार यांनी सदर कामाला भेट दिली होती. तसेच इतरही लोकप्रतिनिधींनी रस्ते खोदण्यासंबंधी तक्रारी दिल्या होत्या त्यानुषंगाने आयुक्त विपीन पालीवाल यांनी उर्वरीत कामे त्वरीत पूर्ण करण्याचे तसेच पावसाळा संपेपर्यंत कुठलेही नवीन काम हाती न घेण्याचे निर्देश कंत्राटदाराला दिले आहे. नागरिकांना त्रास होईल अश्या स्वरूपाचे काम निदर्शनास आल्यास दंडात्मक कारवाई करण्याचेही आदेश त्यांनी दिले आहेत.
नागरिकांना पुन्हा एकदा पूर्ववत सुविधा उपलब्ध व्हाव्यात, यासाठी महानगरपालिका प्रयत्नशील आहे. स्वच्छता व पर्यावरणपूरक उपाययोजनांना चालना.शहरातील पायाभूत सुविधा अधिक सक्षम करण्याच्या दृष्टीने केंद्र शासन पुरस्कृत अमृत 2.0 (Atal Mission for Rejuvenation and Urban Transformation) योजनेअंतर्गत महत्त्वाचे प्रकल्प मनपातर्फे हाती घेण्यात आले आहेत. या योजनेअंतर्गत वाढीव पाणीपुरवठा यंत्रणा तसेच मलनिःस्सारण योजनेच्या कामासाठी शहरातील विविध भागांमध्ये अनेक रस्त्यांवर खोदकाम करावे लागले होते. या रस्त्यांचे पुनर्बांधकाम, मजबुतीकरण व डांबरीकरणाचे काम टप्प्याटप्प्याने करण्यात येत आहे.
दीर्घकालीन नियोजनाचे पाऊल
मलनिःस्सारण योजनेअंतर्गत 32 किलोमीटर पाईपलाईन टाकण्यात आली असुन बालाजी वॉर्ड,ठक्कर कॉलनी, समाधी वॉर्ड,लालपेठ,बाबुपेठ येथील रस्त्यांचे काम पुर्ण करण्यात आले आहे. शहराची वाढती लोकसंख्या बघता मलनिःस्सारणाची योग्य व्यवस्था हे दीर्घकालीन नियोजनाचे पाऊल आहे.
शहरात दुर्गंधी आणि घाणीचे प्रमाण कमी होणार
यामुळे मोकळ्या नाल्यांमध्ये सांडपाणी जाण्याऐवजी ते प्रक्रिया केंद्रात गेल्याने शहरात दुर्गंधी आणि घाणीचे प्रमाण कमी होणार आहे. पुनर्वापर केलेले सांडपाणी बागायती,सिमेंट उद्योग,औद्योगिक वापर,वाटर स्प्रे बांधकामासाठी वापरता येईल. खुल्या नाल्यांमुळे रोगकारक जंतु व जी दुर्गंधी पसरते त्यावर मलनिःस्सारण प्रकल्पामुळे आळा घालता येऊ शकतो. तसेच यामुळे सुदृढ आरोग्य पातळीत वाढ होऊन मच्छरांचा त्रासही कमी होतो. benefits of closed sewage system
सदर कामांमुळे काही भागांतील नागरिकांना तात्पुरती गैरसोय झाली असली, तरी या दीर्घकालीन प्रकल्पांमुळे शहराला भक्कम व टिकाऊ पायाभूत सुविधा प्राप्त होणार आहेत. चंद्रपूर महानगरपालिकेच्या वतीने नागरिकांना सहकार्य करण्याचे आवाहन करण्यात येत आहे.
Govt School Achievements : चंद्रपूर 14 जुलै – पीएम श्री सावित्रीबाई फुले उच्च प्राथमिक व माध्यमिक मनपा शाळेने यंदाच्या शिष्यवृत्ती परीक्षेत मोठे यश मिळवले असुन शाळेतील इयत्ता पाचवी व आठवीच्या विद्यार्थ्यांनी उल्लेखनीय कामगिरी करत शिष्यवृत्तीस पात्रता मिळवली आहे.
राज्य परीक्षा परिषदेमार्फत घेण्यात आलेल्या पूर्व उच्च माध्यमिक शिष्यवृत्ती परीक्षेत या शाळेच्या उत्तीर्ण 12 पैकी इयत्ता पाचवीतील अक्षित सुहास त्रिपतीवार तर इयत्ता आठवीतील भूमिका पवन निखाडे, कल्याणी संतोष आंबटकर, करण वामन पंधरे, केसीकौर केवलसिंग भोयर,कुमकुम नितेश शास्त्रकार, रिंपा विश्वजीत मुजुमदार,रोझीना रियाझुल सिद्दिकी, सोहम राजू सोरते असे एकुण 9 विद्यार्थ्यांनी जिल्हा गुणवत्ता यादीत यश प्राप्त केले आहे. तर राष्ट्रीय ॲबॅकस स्पर्धेत शाळेच्या आवेश हसन शेख याने प्रथम तर गणेश अनिल ठाकरे याने द्वितीय क्रमांक प्राप्त केला आहे. government school scholarship success stories
महाराष्ट्र राज्य परीक्षा परिषद पुणे यांच्यामार्फत पूर्व उच्च प्राथमिक शिष्यवृत्ती परीक्षा घेण्यात येते. दरवर्षी या परीक्षेत महानगरपालिकेचे हजारो विद्यार्थी सहभागी होतात. (Exam Strategy) ही परीक्षा यंदा 9 फेब्रुवारी 2025 रोजी संपूर्ण महाराष्ट्रात एकाच वेळी घेण्यात आली होती. विद्यार्थ्यांचा जास्तीत जास्त सहभाग वाढावा तसेच निकालात वृद्धी व्हावी, यासाठी महानगरपालिकेचा शिक्षण विभाग विविध उपक्रम राबवित असतो. how teachers help students prepare for scholarship exams
मनपा शाळातील विद्यार्थ्यांचा यशाचा आलेख
गेल्या तीन वर्षांपासून शिष्यवृत्ती परीक्षेत महानगरपालिका शाळातील विद्यार्थ्यांचा यशाचा आलेख उंचावत आहे. शाळांमध्ये मागील काही वर्षांपासून शिष्यवृत्ती परीक्षेची तयारी वर्गातच करून घेतली जाते. शिक्षकांसाठी कार्यशाळा आयोजित केली जाते. तज्ज्ञ शिक्षकांमार्फत ऑनलाइन शिष्यवृत्ती मार्गदर्शन वर्ग घेतले जातात. या नियोजनबद्ध तयारीचा परिणाम विद्यार्थ्यांच्या यशात स्पष्टपणे दिसून येत असल्याचा विश्वास आयुक्त विपिन पालीवाल यांनी व्यक्त केला.
आयुक्त विपिन पालीवाल यांच्या मार्गदर्शनात अतिरिक्त आयुक्त चंदन पाटील,उपायुक्त मंगेश खवले यांच्या प्रेरणेने व मुख्याध्यापक नागेश नित यांच्या प्रयत्नाने शाळेला यश प्राप्त झाले आहे. त्याचप्रमाणे विद्यार्थ्यांनी प्राविण्य मिळविण्यात पाचवीचे वर्ग शिक्षक अजय माडोत, प्रणिता देशमुख तसेच आठवीचे वर्ग शिक्षक जोगेश्वर मोहारे, विषय शिक्षक सचिन रामटेके आणि मंगेश अंबादे यांचा मोलाचा वाटा आहे.
dengue prevention awareness in schools : चंद्रपूर 14 जुलै – चंद्रपूर महानगरपालिकेतर्फे राष्ट्रीय कीटकजन्य रोग नियंत्रण कार्यक्रमांतर्गत डेंग्यू प्रतिरोधक मोहीम पुर्ण क्षमतेने राबविली जात असुन शासकीय तसेच खाजगी शाळांमध्ये मनपा वैद्यकीय आरोग्य अधिकाऱ्यांमार्फत डेंग्यू विषयी जनजागृती केली जात आहे.
या जनजागृतीमध्ये शाळेचे मुख्याध्यापक,शिक्षक, शालेय विद्यार्थी व पर्यायाने सर्व घरी कीटकजन्य आजारांविषयी जनजागृती करण्यात येत असुन गप्पी मासे हे डेंग्यूवर कसे प्रभावी ठरतात याचे प्रात्यक्षिक आरोग्य बहुउद्देशीय कर्मचाऱ्यांमार्फत दाखविण्यात येत आहे. विद्यार्थ्यांना डेंग्यू कसा पसरतो, त्याची लक्षणे कोणती, आणि त्यापासून बचाव कसा करायचा याबद्दल माहिती दिली जाते. तसेच, शाळांमध्ये डासांची उत्पत्ती थांबवण्यासाठी काय उपाययोजना करायच्या, याबाबत मार्गदर्शन केले जाते.आठवड्यातुन एक दिवस पालकांच्या मदतीने पाणी साठवलेली भांडी तपासणे, कुलर, फ्रिज, फिश पॉट, पाण्याची टाकी तपासणे, डासअळी आढळल्यास पालकांच्या मदतीने भांडे कोरडे करणे व कापडाने पुसुन घेणे इत्यादी कार्यांद्वारे डासोत्पत्ती स्थाने नष्ट करणे ही सर्व कार्ये पालकांच्या उपस्थितीत करण्याचे आवाहन केले जात आहे. weekly dry day mosquito control initiative
28 ब्रिडींग चेकर्स,32 एएनएम, 22 एमपीडब्लु व 170 आशा वर्कर तसेच स्वच्छता निरीक्षक यांच्याद्वारे डासोत्पत्ती स्थाने तपासणी मोहीम सुरु मोकळे भूखंड, बंद घराची छते, चालु बांधकामाची ठिकाणे, घरी वापर नसलेली ठिकाणे,घरातील कूलर,टायर,कुंड्या खालील प्लेट,फ्रीज खालील ट्रे,पाण्याचे ड्रम, फिश टँक, एसीचे पाणी पडणारे कंटेनर, भंगारातील वस्तु,डबे इत्यादी डासांच्या उगमस्थानांची तपासणी केली जात आहे. स्वच्छता विभागामार्फत आठवड्यातुन एकदा शहरात प्रत्येक जागी धुरळणी व फवारणी करण्यात येत आहे. गप्पी मासे प्रजनन केंद्रांची निर्मिती करण्यात येऊन पाणी साचलेल्या जागी गप्पी मासे सोडणे अथवा प्रतिबंधात्मक द्रावण सोडण्यात येत आहे. guppy fish to control mosquito larvae डासांमुळे निर्माण होणारे रोग हे धोकादायक ठरू शकत असल्याने आवश्यक ती काळजी घेण्याचे तसेच मनपास सहकार्य करण्याचे आवाहन चंद्रपूर महानगरपालिकेतर्फे करण्यात येत आहे.
डासांची उगमस्थाने –
पावसात मोकळे भूखंड, बंद घराची छते, चालु बांधकामाची ठिकाणे, घरी वापर नसलेली ठिकाणे, कूलर,टायर, फ्रिज, फिश पॉट,भंगारातील वस्तु,डबे,स्वच्छ परंतु अनेक दिवसांपासुन जमा असलेले पाणी इत्यादी ठिकाणे डासांची उगमस्थाने आहेत.
डेंग्युची लक्षणे –
डासांमुळे पसरणाऱ्या आजारांमध्ये डेंग्यूताप व डेंग्यू रक्तस्रावी ताप हे मुख्य आजार आहेत. ताप येणे, अंगावर पुरळ येणे, डोळ्याच्या खोबणीमधे दुखणे, पाठदुखी, डोकेदुखी, स्नायूमध्ये वेदना, सांधेदुखी ही डेंग्यूची प्रमुख लक्षणे आहेत. वस्तुतः डेंग्यू हा सामान्य आजार आहे परंतु या रोगाबाबत माहिती नसल्याने किंवा अपुरी माहिती असल्याने काही वेळा तो जीवघेणा ठरू शकतो. म्हणून प्रत्येकाने काळजी घेणे आवश्यक आहे.
डेंग्यु टाळण्यास उपाययोजना –
डेंग्यु डास हा स्वच्छ व साचलेल्या पाण्यात आढळतो त्यामुळे आपल्या घराची तपासणी करावी . पाणी साठवण्याची भांडी कोरडी करणे,डासअळी आढळल्यास अबेट द्रावण टाकणे, पाणी साठा मोठा असले तर त्यात गप्पी मासे टाकणे आवश्यक आहे. गप्पी मासे पाण्यातील डासांची अंडी संपवितात ज्याने डासांचा प्रादुर्भाव कमी होतो. आठवड्यातून एक दिवस हा कोरडा दिवस पाळावा. dengue mosquito control measures
ccmp registration for homeopathy doctors : चंद्रपूर – इंडियन मेडिकल असोसिएशन म्हणजेच आयएमए होमिओपॅथिक डॉक्टरांच्या सीसीएमपी नोंदणीला विरोध करत आहे. होमिओपॅथिक इंटिग्रेटेड मेडिकल प्रॅक्टिशनर्स असोसिएशनचे जिल्हा अध्यक्ष डॉ. नंदकिशोर जोगी यांनी पत्रकार परिषदेद्वारे जिल्हा प्रशासनाकडे सीसीएमपी मध्ये होमिओपॅथिक डॉक्टरांची नोंदणी त्वरित सुरू करण्याची मागणी केली आहे. जर मागणी पूर्ण झाली नाही तर १६ जुलै पासून महाराष्ट्र मेडिकल कौन्सिल आणि राज्य सरकारविरुद्ध तीव्र आंदोलन करण्याचे संकेत होमिओपॅथिक डॉक्टरांनी दिले आहेत.
इंडियन मेडिकल असोसिएशनच्या मते, होमिओपॅथिक डॉक्टरांना आधुनिक औषधोपचार करण्याची परवानगी देणे लोकांचे आरोग्य आणि रुग्णांचे जीवन धोक्यात आणू शकते. अशा गैरसमजाच्या आधारे महाराष्ट्र मेडिकल कौन्सिलला या व्यावसायिकांना नोंदणी देणे बंद करण्याची विनंती करण्यात आली आहे. या प्रकरणाची चौकशी करण्यासाठी, दोन्ही वैद्यकीय क्षेत्रातील तज्ञांशी चर्चा करण्यासाठी आणि सरकारला व्यापक अहवाल सादर करण्यासाठी एक समिती नियुक्त करण्यात आली आहे.
तथापि, या समितीने दोन महिन्यांच्या आत सरकारला आपला अहवाल सादर करावा. आणि मेडिकल कौन्सिल ने होमिओपॅथिक व्यवसायांसाठी नोंदणी प्रक्रिया लवकरात लवकर सुरू करावी आणि सीसीएमपी उत्तीर्ण झालेल्या व्यावसायिकांना न्याय मिळवून द्यावा अशी विनंती करण्यात आली. ccmp certificate eligibility for homeopaths
सीसीएमपी पात्र होमिओपॅथिक डॉक्टरांची नोंदणी करा
महाराष्ट्र मेडिकल कौन्सिलने आयएमएच्या दिशाभूल करणा_या दबावाला बळी न पडता कायद्याच्या तरतुदीनुसार १० हजारांहून अधिक सीसीएमपी पात्र होमिओपॅथिक डॉक्टरांची नोंदणी करावी अशी विनंती होमिओपॅथिक इंटिग्रेटेड मेडिकल असोसिएशन चंद्रपूर शाखेच्या वतीने डॉ. नंदकिशोर जोगी यांनी कौन्सिल ला केली आहे. legal rights of homeopathic doctors
पत्रपरिषदेला डॉ. गोखरे, डॉ. गौरकर, डॉ. जोगी, डॉ. मिलिंद दाभेरे, डॉ. आनंद फुलझेले, डॉ. सुरेंद्र बत्तुलवार, डॉ. वाघ, डॉ. पंकज लोंगागडगे, डॉ. अवनीश परासर, डॉ. विजय मासिरकर, डॉ. अभिजीत सोनवणे, डॉ. सिराज खान, डॉ. सत्यजित पोद्दार इत्यादी पत्र परिषदेत उपस्थित होते.
Journey of Panther Sports Academy Champions : चंद्रपूर: १२ जुलै २०२५ रोजी पँथर्स स्पोर्ट्स फाऊंडेशनने गुरुपौर्णिमे निमित्त गुरु आणि शिष्यांसाठी एका विशेष कार्यक्रमाचे आयोजन केले. या कार्यक्रमात खेळाडूंच्या गुणवत्तेला आणि गुरूंना आदराने गौरवण्यात आले.
कार्यक्रमाचे अध्यक्ष म्हणून मुरलीधर बागला हायस्कूलचे प्राचार्य श्री. उमेश पंधरे सर उपस्थित होते. त्यांच्यासोबतच सामाजिक कार्यकर्ते श्री. किशोर भैया रायपुरकर, मनसे जिल्हाप्रमुख श्री. मनोज तांबेकर, तसेच पालक प्रतिनिधी म्हणून श्री. अमित अग्रवाल सर, श्री. जगन दुर्गम सर, सौ. प्रशांती दुर्गम मॅडम, सौ. हिना दरबार मॅडम, श्रीमती. पद्मा पांडे मॅडम यांची प्रमुख उपस्थिती होती. खेळाडू विद्यार्थ्यांनी उपस्थित मान्यवरांचे पुष्पगुच्छ आणि भेटवस्तू देऊन सन्मान केला.
यावेळी, पँथर्स स्पोर्ट्स अकॅडमीच्या राज्य आणि राष्ट्रीय स्तरावर चंद्रपूर जिल्हा आणि राज्याचे नाव उज्वल केलेल्या पदक विजेत्या खेळाडूंचा विशेष सत्कार करण्यात आला. जिल्हा व राज्यस्तरीय पदक विजेत्यांमध्ये कु. मानसी गजेंद्रसिंह दरबार, कु. श्रुती जगन दुर्गम, कु. निर्जला अनिल कराडे, कु. रिया नवनीत कातकर, कु. चहक अमित अग्रवाल, कु. काजल पवन देवांगन, कु. रेशमी सुखदेव देवांगन, कु. यामिनी रवी देवांगन, कु. शगुन राकेश चौहान यांचा समावेश होता. मुलांमध्ये पूर्वेश अमित अग्रवाल, आलोक जगन दुर्गम, राजकुमार राकेश चौहान यांचाही गौरव करण्यात आला. taekwondo championship winners 2025
पँथर्स स्पोर्ट्स अकॅडमीसाठी हा क्षण अत्यंत अभिमानाचा ठरला, कारण राष्ट्रीय स्पर्धेत पदक जिंकणाऱ्या कु. रिया नवनीत कातकर, आंतरराष्ट्रीय निवड प्रक्रियेसाठी निवड झालेल्या आदित्य बाजीराव निकालजे, राष्ट्रीय ग्रेपलिंग स्पर्धा जयपूरसाठी निवड झालेल्या कु. मानसी गजेंद्रसिंह दरबार आणि कु. श्रुती जगन दुर्गम यांचाही सन्मान करण्यात आला. तसेच, ऑल इंडिया इंटर युनिव्हर्सिटी पदक विजेत्या आणि AIU खेलो इंडियासाठी निवड झालेल्या कु. रिया नवनीत कातकर हिचेही कौतुक झाले. sports academy achievements
७ वर्षाची चहक मुख्य आकर्षण
कार्यक्रमाचे मुख्य आकर्षण ठरली ती अवघ्या ७ वर्षांची कु. चहक अमित अग्रवाल, जिने जिल्ह्यात सुवर्णपदक जिंकून नाशिक येथे होणाऱ्या राज्यस्तरीय तायक्वांदो चॅम्पियनशिपसाठी निवड मिळवली. तिच्या या यशाने सर्वांनाच आश्चर्यचकित केले.
उपस्थित मान्यवरांनी खेळाचे फायदे, पँथर्स स्पोर्ट्स अकॅडमीचे अथक प्रयत्न आणि त्यांच्या यशाबद्दल खेळाडूंना मोलाचे मार्गदर्शन केले. तसेच, या यशस्वी कार्यक्रमाचे आयोजन केल्याबद्दल पँथर्स स्पोर्ट्स फाऊंडेशनचे अध्यक्ष आणि चंद्रपूर जिल्ह्यातील पहिले कुस्ती NIS कोच श्री. मुकेश पांडे सर आणि त्यांच्या संपूर्ण टीमचे कौतुक केले. अकॅडमीतील सर्व खेळाडूंच्या उज्ज्वल भवितव्यासाठी त्यांनी शुभेच्छा दिल्या.
बांबू संशोधन व प्रशिक्षण केंद्र ठरेल भविष्यातील हरित अर्थव्यवस्थेचा आधारस्तंभ,आमदार श्री. सुधीर मुनगंटीवार यांनी व्यक्त केला विश्वास
bamboo based livelihood programs for women : चंद्रपूर – बांबू हे केवळ झाड नाही तर ग्रामीण अर्थव्यवस्थेचे बळ आहे. बांबू हस्तकला कौशल्य, योग्य प्रशिक्षण आणि बाजारपेठेतील स्थितीबाबत मार्गदर्शन मिळाल्यास महिलांना आत्मनिर्भरतेचा मार्ग खुला होईल. आपल्या कारागीर भगिनींमध्ये असलेल्या प्रतिभेला योग्य दिशा देण्याचे मोलाचे कार्य चिचपल्ली येथील बांबू संशोधन व प्रशिक्षण केंद्र करीत आहे. हे केंद्र भविष्यात हरित अर्थव्यवस्थेचा आधारस्तंभ ठरेल, असा विश्वास राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी व्यक्त केला.
वनअकादमी येथे चिचपल्ली बांबू संशोधन व प्रशिक्षण केंद्राच्या माध्यमातून खाणबाधित क्षेत्रातील महिला बांबू कारागीरांना आ. श्री. मुनगंटीवार यांच्या हस्ते उपजीविका टूलकीट व बांबू रोपांचे वितरण करण्यात आले. त्यावेळी ते बोलत होते. bamboo skill development training program
कार्यक्रमाला आमदार देवराव भोंगळे, श्रीमती अर्चना भोंगळे, मुख्य वनसंरक्षक एम. रामानुजन, बांबू संशोधन व प्रशिक्षण केंद्राचे संचालक अशोक खडसे, विभागीय वन अधिकारी ज्योती पवार, सार्वजनिक बांधकाम विभागाचे कार्यकारी अभियंता मुकेश टांगले, वनपरिक्षेत्र अधिकारी श्री. मल्लेलवार, उपकार्यकारी अभियंता संजोग मेंढे, बांबू असोसिएशनच्या अध्यक्षा स्नेहल खापणे, सरपंच (मोहर्ली) सुनिता गायकवाड, प्रकाश धारणे,सरपंच (मोठा निंबाळा) सौरभ दुपारे, सरपंच (चोरगाव) तृणाली धंदरे,नम्रता ठेमस्कर, प्रज्वलंत कडू आदींची उपस्थिती होती.
योग्य प्रशिक्षणाची गरज
आ. सुधीर मुनगंटीवार म्हणाले, ‘वनमंत्री असताना नेहमी वाटायचं वनविभागाने असं काम करावं की, हिरव्या बांबूपासून प्रयत्नांची पराकाष्ठा करत हिरव्या संपत्तीपर्यंतचा प्रवास घडावा. महिलांना आत्मनिर्भर करण्यासाठी सरकारने ‘लाडकी बहीण योजना’ सुरू केली. बांबूपासून थेट बाजारपेठ गाठायची असेल, तर त्यासाठी योग्य प्रशिक्षणाची गरज आहे. याच उद्देशाने कर्तव्यभावनेतून चिचपल्ली येथे बांबू संशोधन व प्रशिक्षण केंद्र उभारण्यात आले. आज जगभरात बांबूला मोठी मागणी आहे, पण ‘बांबूपासून बाजारापर्यंत’ ही एक मोठी शृंखला आहे आणि ती पार करण्यासाठी सक्षम पायाभूत सुविधा, कौशल्य व धोरणात्मक पाठबळ आवश्यक आहे. चंद्रपूर जिल्ह्याने विविध क्षेत्रांमध्ये देशाच्या नकाशावर ठसा उमटवला आहे. आता बांबू क्षेत्रातही चंद्रपूरचे नाव देशाच्या नकाशात गौरवाने घेतले जाईल,’ असा विश्वास आ. श्री. सुधीर मुनगंटीवार यांनी व्यक्त केला. bamboo for rural economic development
बांबूपासून कपडे, घरे तसेच अनेक उपयुक्त वस्तू तयार करता येतात. त्यामुळे या क्षेत्रात अधिक संशोधन होणे अत्यावश्यक आहे. चिचपल्ली येथील बांबू संशोधन व प्रशिक्षण केंद्राचे स्वरूप आधुनिक व परिणामकारक करण्याची आवश्यकता असून, त्यासाठी ठोस पावले उचलण्याची गरज आहे. बांबू हँडीक्राफ्ट अँड आर्ट युनिट (भाऊ) चा सखोल आढावा घेऊन त्याचे कार्य अधिक परिणामकारक करण्याची आवश्यकता आहे. येथे उत्पादित होणाऱ्या उत्कृष्ट दर्जाच्या वस्तूंना व्यापक बाजारपेठ उपलब्ध करून देण्यासाठी विशेष प्रयत्न करणे गरजेचे आहे. bamboo products with high market demand
बांबूच्या सुमारे 1250 प्रजाती अस्तित्वात
येथील कारागिरांकडे उत्कृष्ट कौशल्य असूनही त्यांच्या उत्पादनांना योग्य बाजारपेठ मिळत नाही, ही मोठी अडचण आहे. त्यामुळे बांबूवर आधारित उत्पादनांचे प्रशिक्षण, त्यांची निर्मिती आणि त्यानंतर प्रभावी विपणन व विक्रीव्यवस्था उभारणे ही काळाची गरज आहे. बांबूच्या सुमारे 1250 प्रजाती अस्तित्वात आहेत. त्यातील काही जाती महाराष्ट्र व चंद्रपूरमध्ये विकसित करण्यासाठी ठोस पावले उचलण्याची गरज आहे. हे सर्व काम मिशन मोडमध्ये राबवले पाहिजे, तरच बांबू क्षेत्रात आर्थिक व औद्योगिक परिवर्तन शक्य आहे. असेही आमदार श्री. सुधीर मुनगंटीवार म्हणाले. bamboo based livelihood programs for women
ते पुढे म्हणाले, चंद्रपूर सुपर थर्मल पावर स्टेशन (सीएसटीपीएस) येथे कोळशासोबत पर्यायी इंधन म्हणून बांबू पॅलेट्सचा वापर करता येईल, असा महत्त्वपूर्ण निर्णय शासनाने घेतला आहे. सीएसटीपीएसमध्ये दररोज जवळपास 30 हजार टन कोळशाची गरज असते, त्या तुलनेत 1500 टन बांबू पॅलेट्सचा पुरवठा करण्याच्या दिशेने विचार करण्याची गरज आहे. अयोध्येतील प्रभु श्री राम मंदिराच्या उभारणीसाठी, तसेच नवीन संसद भवन आणि पंतप्रधान कार्यालयातील फर्निचरसाठी बल्लारपूर मतदारसंघातून टिकवूडचा पुरवठा करण्यात आल्याचेही यावेळी त्यांनी नमूद केले.
चंद्रपूर जिल्ह्याचे नाव जागतिक पातळीवर पोहोचवण्यासाठी ताडाळी येथे एफआयडीसीसाठी 10 एकर जागा निश्चित करण्यात आली आहे. या ठिकाणी अत्याधुनिक तंत्रज्ञानाने सुसज्ज अशा यंत्रसामग्रीची उभारणी केली जाणार आहे. बांबू क्षेत्रात पुढे जाण्याच्या दृष्टीने चिचपल्ली येथे बांबू संशोधन व प्रशिक्षण केंद्राची स्थापना करण्यात आली. बांबूपासून तयार करण्यात आलेला 7 फूट उंचीचा तिरंगा ध्वज पंतप्रधान कार्यालयात देण्यात आल्याने चंद्रपूरच्या कारागिरांचे कौशल्य राष्ट्रीय स्तरावर पोहोचले आहे. मनापासून ते वनापर्यंत आणि वनापासून ते धनापर्यंत’ असा चंद्रपूरचा प्रवास अधिक सक्षम, गतिमान आणि समृद्ध होण्यासाठी प्रयत्न करण्याची आवश्यकता असल्याचे आमदार श्री. सुधीर मुनगंटीवार म्हणाले. bamboo based livelihood programs for women
महिला सक्षमीकरणासाठी प्रोत्साहन भत्ता धनादेशाचे तसेच उपजीविका टूलकीटचे वितरण:
नांदगाव (पोडे) महिला गट रु. 29,100, वरवट महिला गट रु. 86,500, चोरगाव महिला गट रु. 53,400, मोहर्ली महिला गट रु. 42,750, निंबाळा महिला गट रु.31,500, घुगुस महिला गट रु. 88,800, बांबू सखी महिला गट रु. 12,450 अशा विविध महिला गटांना प्रोत्साहन भत्त्याचे धनादेश तसेच प्रेरक मानधनाच्या रु. 50,000 च्या धनादेशांचे वितरण याशिवाय खाणबाधित क्षेत्रातील महिला बांबू कारागिरांना टूल उपजीविका कीट व बांबू रोपाचे वितरण आमदार श्री. सुधीर मुनगंटीवार यांच्या हस्ते करण्यात आले. bamboo based livelihood programs for women
BJP meeting former councillor for civic polls : चंद्रपूर – आगामी चंद्रपूर महानगरपालिका निवडणुकीच्या पार्श्वभूमीवर आज माजी नगरसेवकांची महत्वाची बैठक पार पडली. राष्ट्रीय मागासवर्गीय आयोगाचे अध्यक्ष हंसराज अहिर आणि आमदार किशोर जोरगेवार यांनी माजी नगरसेवकांना मार्गदर्शन करताना जनसंपर्क वाढविण्याच्या तसेच नागरिकांच्या समस्या प्राधान्याने सोडविण्याच्या सूचना केल्या. Kishor Jorgewar election strategy Chandrapur
या बैठकीला महानगर अध्यक्ष सुभाष कासनगोट्टूवार, उपमहापौर अनिल फुलझेले, भाजप नेते अशोक जिवतोडे, युवा मोर्चा प्रदेश उपाध्यक्ष रघुवीर अहिर, प्रकाश देवतळे, अजय जयस्वाल, दशरथ सिंह ठाकूर, मंडळ अध्यक्ष प्रदीप किरमे, रवी जोगी, अॅड. सारिका संदुरकर, स्वप्नील डुकरे, भारतीय जनता पार्टीचे राज्य परिषद सदस्य तुषार सोम, वनिता कानडे यांच्यासह भारतीय जनता पक्षाचे सर्व माजी नगरसेवक उपस्थित होते.
या बैठकीत पक्ष संघटना अधिक बळकट करण्यावर विशेष भर देण्यात आला. प्रभागातील स्थानिक समस्या, कार्यकर्त्यांच्या अडचणी आणि नागरिकांच्या अपेक्षा यावर सविस्तर चर्चा झाली. पक्ष कार्यकर्त्यांशी थेट संवाद साधत समस्या समजून घेण्याचा आणि त्यावर ठोस उपाययोजना करण्याचा निर्धार व्यक्त करण्यात आला. civic issue resolution in municipal elections
संघटितपणे काम करा
यावेळी बोलताना राष्ट्रीय मागासवर्गीय आयोगाचे अध्यक्ष हंसराज अहिर म्हणाले की, आपण केलेले काम आता प्रभावीपणे प्रभागातील नागरिकांपर्यंत पोहोचवा. पक्षाचे विचार प्रत्येक घरी पोहोचविणे ही सर्वांची सामूहिक जबाबदारी आहे. व्यक्तिकेंद्रित काम न करता पक्ष म्हणून संघटितपणे काम करा. पक्ष, जनसंपर्क आणि परिश्रम हा निवडणूक जिंकण्याचा मंत्र आहे, असे आवाहन त्यांनी सर्व माजी नगरसेवकांना केले.
समस्या व नागरिकांच्या अपेक्षा जाणून घ्या
यावेळी बोलताना आमदार किशोर जोरगेवार यांनी सांगितले की, आजची ही बैठक केवळ निवडणूक तयारीची नाही, तर आपल्या एकत्रित ताकदीचा आणि पक्ष संघटनेच्या दृढतेचा संकल्प करण्यासाठी आहे. आपल्या प्रत्येक प्रभागातील समस्या, कार्यकर्त्यांच्या अडचणी, नागरिकांच्या अपेक्षा या सगळ्या आपण प्रत्यक्ष जाणून घेतल्या पाहिजेत. लोकांशी थेट संपर्क ठेवून त्यांच्या अडचणी सोडवणे हीच आपल्या कामाची खरी ओळख आहे. आपण एकसंघ राहून काम केले पाहिजे असे ते म्हणाले. या कार्यक्रमात भारतीय जनता पार्टीचे राज्य परिषद सदस्य म्हणून निवड झाल्याबद्दल तुषार सोम यांचा सत्कार करण्यात आला.
parent teacher meeting in ZP schools : चंद्रपूर, दि. 12 : आपल्या पाल्याच्या प्रगतीचा आढावा घेण्याचा अधिकार प्रत्येक पालकांना आहे. विद्यार्थी शिक्षक व पालक यांच्यात समन्वय राहण्यासाठी पालकसभा अतिशय महत्त्वपूर्ण आहे. त्या अनुषंगाने आता जिल्हा परिषदेच्या शाळांमध्ये परीक्षा झाल्यावर एका आठवड्यात पालक सभा आयोजित करण्यात येणार आहे.
मुख्य कार्यकारी अधिकारी पुलकित सिंह यांच्या अध्यक्षतेखाली जिल्हा प्रकल्प सनियंत्रण कक्षाची सभा नुकतीच संपन्न झाली. या सभेत जिल्ह्यातील शैक्षणिक सद्यस्थितीचा आढावा घेण्यात आला. यावेळी उपमुख्य कार्यकारी अधिकारी (पंचायत) नूतन सावंत, शिक्षणाधिकारी अश्विनी केळकर, राजेश पाताळे, जिल्हा शिक्षण प्रशिक्षण संस्थेचे प्राचार्य डॉ. विनित मत्ते, अधिव्याख्याता वैशाली येगलोपवार, उपशिक्षणाधिकारी विशाल देशमुख, गटशिक्षणाधिकारी व सर्व विषय सहायक उपस्थित होते.
एका आठवड्यात पालकसभा
पालक, शिक्षक व विद्यार्थी यांच्यात समन्वय रहावा व पालकांना आपल्या पाल्याची प्रगती व अडथळे यांची माहिती व्हावी, यासाठी संपूर्ण जिल्ह्यात परीक्षा झाल्यावर एका आठवड्यात पालकसभांचे आयोजन करावे, अशा सूचना मुख्य कार्यकारी अधिकारी यांनी दिल्या. शाळेत घेण्यात येणाऱ्या चाचण्यांमध्ये विद्यार्थ्यांनी मिळविलेले गुण पालकसभेत पेपर दाखवून देण्यात येणार आहे. या पालकसभा 31 ऑगस्ट व 31 नोव्हेंबर 2025 तसेच 31 जानेवारी व 31 एप्रिल 2026 ला घेण्यात येणार आहे. parent teacher coordination for student progress
पालक सभा वर्ग स्तरावर आयोजित करण्यात येईल. प्रत्येक तालुक्यातील गटशिक्षणाधिकारी आपल्या तालुक्यात होणाऱ्या पालकसभांचे नियोजन करतील. संपूर्ण जिल्ह्यातील पालकसभेत सुसूत्रता राहावी, यासाठी जिल्हा स्तरावर सूचनापत्रक निर्गमित करण्यात येईल. पालक सभेचे आयोजन प्रभावी पद्धतीने होत आहे किंवा नाही हे पाहण्यासाठी जिल्हा, तालुका व केंद्र स्तरावरील प्रशासकीय यंत्रणेच्या भेटीचे नियोजन करण्यात येईल, अशी माहितीही बैठकीत देण्यात आली.
Green Maharashtra Prosperous Maharashtra : चंद्रपूर, दि. 12 : राष्ट्रीय वन नितीप्रमाणे एकुण भौगोलिक क्षेत्राच्या 33 टक्के क्षेत्रावर वन आणि वृक्षाच्छादन असणे आवश्यक आहे. सद्यस्थितीत राज्यात वन आणि वृक्षाच्छादनाचे प्रमाण 21.25 टक्के आहे.
जागतिक तापमानातील वाढ, हवामान आणि ऋतुबदल याची दाहकता आणि तीव्रता कमी करण्यासाठी मोठ्या प्रमाणात वृक्ष लागवड करण्याची आवश्यकता आहे. त्यानुषंगाने ‘हरित महाराष्ट्र, समृध्द महाराष्ट्र’ अभियानांतर्गत कर्मवीर मा.सां.कन्नमवार शासकीय वैद्यकीय महाविद्यालय व रुग्णालय परिसरात 1501 वृक्ष लागवड करण्यात आली.
सदर वैद्यकीय महाविद्यालयाला ‘हरित महाराष्ट्र, समृध्द महाराष्ट्र’ अभियानांतर्गत 1500 वृक्ष लागवडीचे उद्दिष्ट प्राप्त झाले होते. अधिष्ठाता डॉ. मिलिंद कांबळे यांच्या मार्गदर्शनाखाली डॉ. शरद कुचेवार यांनी संस्थेतील सर्व अध्यापक, अधिकारी, कर्मचारी व विद्यार्थी यांच्याशी योग्य समन्वय साधून वृक्ष लागवड कार्यक्रमाचे उत्कृष्ट नियोजन केले. तसेच कर्मवीर मा.सां.कन्नमवार शासकीय वैद्यकीय महाविद्यालय व रुग्णालय येथील नवीन परीसरातील खुल्या जागेमध्ये 1501 वृक्ष लागवडीचे उद्दिष्ट यशस्वीरित्या पार पाडले.
यावेळी अधिष्ठाता डॉ. मिलिद कांबळे, प्राध्यापक डॉ. शरद कुचेवार, डॉ. प्रिती पुप्पलवार, डॉ. बी.बी. भडके, डॉ. अरुण हुमणे, सहयोगी प्राध्यापक डॉ. निवृत्ती जिवने, डॉ. अजय चंद्रकापूरे, सहाय्यक प्राध्यापक डॉ. कुलेश चांदेकर, डॉ. नादीया नुर अली संस्थेतील इतर अधिकारी व कर्मचारी तसेच विद्यार्थ्यांची मोठ्या प्रमाणात उपस्थिती होती. नवीन परीसरातील खुल्या जागेत लावण्यात आलेल्या सर्व 1501 झाडांचे योग्य संगोपन, देखभाल व देखरेख करण्याच्या सूचना संबंधित बांधकाम कंपनी शापुरजी पालनजी यांना देण्यात आल्या.
