Category: ताज्या बातम्या

News34

चंद्रपूर : दिवंगत खासदार बाळूभाऊ धानोरकर यांच्या नावाने अभ्यासिका सुरू करण्यात आली. निश्चितच हा अभिनंदनीय उपक्रम आहे. या अभ्यासिकेमुळे अनेक विद्यार्थ्यांना स्पर्धा परीक्षेची तयारी करण्याची सुविधा होणार आहे. अभ्यासिका ही संविधान वाचन करणारे केंद्र आहे. मागील काही वर्षांत संविधान धोक्यात आल्याची भीती व्यक्त केली जात आहे. त्यामुळे संविधान वाचवायचे असेल, तर संविधानाची अंमलबजावणी करणारे संसेदत पाठवावे लागेल, असे प्रतिपादन दिल्ली येथील ज्येष्ठ पत्रकार अशोक वानखेडे यांनी केले.

शहरातील भिवापूर वॉर्डात जिल्ह्यातील स्पर्धा परीक्षांची तयारी करणाऱ्या विद्यार्थ्यांसाठी गणपर्व चॅरिटेबल ट्रस्टच्या माध्यमातून दिवंगत खासदार बाळू धानोरकर अभ्यासिकेची निर्मिती करण्यात आली आहे. या अभ्यासिकेचा उद्घाटन सोहळा शनिवारी (ता. १९) दुपारी ४ वाजता स्थानिक भिवापूर वॅार्डातील साई मंदिरात पार पडला. यावेळी प्रमुख वक्ते म्हणून ते बोलत होते.

अध्यक्षस्थानी राज्याचे विरोधी पक्षनेते विजय वडेट्टीवार, उद्घाटक म्हणून आमदार प्रतिभा धानोरकर, तर प्रमुख अतिथी चंद्रपूर जिल्हा काँग्रेस कमिटीचे अध्यक्ष तथा आमदार सुभाष धोटे, आमदार किशोर जोरगेवार, आमदार सुधाकर अडबाले, माजी आमदार देवराव भांडेकर, भद्रावतीचे नगराध्यक्ष अनिल धानोरकर, चंद्रपूर शहर काँग्रेस कमिटीचे जिल्हाध्यक्ष रामू तिवारी, राष्ट्रवादी काँग्रेस पक्षाचे जिल्हाध्यक्ष राजेंद्र वैद्य, शिवसेनेचे (उबाठा) जिल्हाध्यक्ष संदीप गिऱ्हे, लोकजागृती सामाजिक संस्थेचे अध्यक्ष अनिरुद्ध वनकर यांची उपस्थिती असणार आहे.

संसदेत देशभरातील अनेक खासदार येतात. यातील अनेक खासदारांशी माझा जवळचा संबंध आला आहे. बहुतांश खासदार आपल्या क्षेत्रातील प्रश्नसुद्धा उपस्थित करीत नाही. आपल्या मतदार संघाचा विकास व्हावा, रोजगाराच्या संधी उपलब्ध व्हाव्या, उद्योग उभारले जावे, अशी अपेक्षा ठेवून काम करणारे खासदार बोटावर मोजता येईल एवढे असतात. त्यात चंद्रपूरचे खासदार बाळू धानोरकर यांचा अग्रक्रमाने समावेश होतो. पहिल्यांदा निवडून आलेल्या बाळू धानोरकर यांना आपल्या क्षेत्रासाठी झटताना मी स्वता जवळून बघितले असल्याच्या अनेक आठवणी वानखेडे यांनी यावेळी सांगितल्या.

विरोधी पक्षनेते विजय वडेट्टीवार यांनी, युपीएससी, एमपीएससी परीक्षेत उत्तीर्ण होणाऱ्या विदर्भातील विद्यार्थ्यांचा टक्का खूप कमी होता. त्यात पश्चिम महाराष्ट्र आघाडीवर होता. मात्र, मागील काही वर्षांत विदर्भाची टक्केवारी वाढली आहे. त्यासाठी अशाप्रकारच्या अभ्यासिका कारणीभूत ठरल्या आहेत. खासदार बाळू धानोरकर यांच्या नावाने सुरू करण्यात आलेल्या अभ्यासिकेमुळे भिवापूर प्रभागातील बहुजन समाजातील विद्यार्थ्यांना स्पर्धा परीक्षेची तयारी करण्यासाठी हक्काची जागा उपलब्ध करून देण्यात आली असल्याचे सांगितले.

आमदार प्रतिभा धानोरकर यांनी, खासदार बाळू धानोरकर यांचे सर्वच क्षेत्रात उल्लेखनीय असे काम आहे. प्रत्येक घरातील मुलगा-मुलगी शिकली पाहिजे, असे ते नेहमी म्हणायचे. आपल्या लोकसभा क्षेत्रात अभ्यासिका सुरू करण्याचे त्यांचे स्वप्न होते. हाच विषय गोपाल अमृतकर, गोविल मेहरकुरे यांनी खासदार साहेबांसमोर ठेवला. त्यानंतर जागा बघण्याचे ठरले. मात्र, नियतीला मान्य नव्हते. आणि खासदार साहेब आपल्यातून निघून गेले. मात्र, आज या अभ्यासिकेच्या माध्यमातून त्यांच्या स्वप्नपूर्तीची मुहूर्तमेढ रोवल्या जात असल्याचे सांगितले.

आमदार किशोर जोरगेवार यांनी, चंद्रपूर विधानसभा मतदार संघात अभ्यासिका माझ्या माध्यमातून सुरू करण्यात येत आहेत. यासुद्धा अभ्यासिकेला आता पुस्तके उपलब्ध करून दिले आहेत. भविष्यात २५ लाख रुपयांचा निधीसुद्धा उपलब्ध करून देणार असल्याचे सांगितले.

आमदार सुधाकर अडबाले यांनी, चंद्रपूर शहरात आणि जिल्ह्यातील मोठ्या शहरांमध्ये अभ्यासिका सुरू आहेत. परंतु, डिजिटल अभ्यासिकांची संख्या कमी आहे. त्यामुळे भविष्यात ही अभ्यासिका डिजिटल करण्यासाठी मदत करणार असल्याचे सांगितले. प्रास्ताविक गोपाल अमृतकर यांनी केले. संचालन आरती दाचेवार यांनी, तर आभार गोविल मेहरकुरे यांनी मानले. कार्यक्रमाला शहरातील गणमान्य नागरिक, विद्यार्थी यांची मोठ्या संख्येने उपस्थिती होती.
—

कोटकरांचे सभागृह अन् अमृतकर, मेहरकुरेंचा पुढाकार

चंद्रपूर शहरातील अभ्यासिकामध्ये भिवापूर वॉर्डातील विद्यार्थीसुद्धा स्पर्धा परीक्षेची तयारी करण्यासाठी जातात. मात्र, येथील विद्यार्थ्यांना वॉर्डातच अभ्यासिकेची सोय उपलब्ध करून देण्याचा विचार गोविल मेहरकुरे यांच्या मनात आला. त्यानंतर मेहरकुरे यांनी हा प्रस्ताव गोपाल अमृतकर, अशोक कोटकर यांच्याकडे ठेवला. विद्यार्थी हिताचा विषय असल्याने कोटकर यांनी सभागृह उपलब्ध करून देण्याचे मान्य केले. यानंतर अमृतकर, मेहरकुरे यांनी अवघ्या १५ दिवसांत शहरातील काही दानशुरांच्या मदतीने अभ्यासिका उभी केली. यामुळे या त्रिमूर्तींचे वॉर्डातील नागरिकांकडून अभिनंदन केले जात आहे.

News34

चंद्रपूर – 15 ऑगस्ट 2018 ला चंद्रपूर शहरातून सुरू झालेलं News34 पोर्टल आज 5 वर्षाचं झालं, अनेक अडचणींचा सामना करीत News34 ने अविरत वाचकांना रोजच्या घडणाऱ्या घडामोडीबद्दल अचूक माहिती पोहचवली.

हे news पोर्टल सुरू झालं कस यामागील काय कहाणी आहे हे आज आम्ही आपल्याला सविस्तर सांगणार आहोत.

चंद्रपूर शहर असो की ग्रामीण भाग आज असंख्य पत्रकार विविध वृत्तपत्रात कार्य करीत आहे, पण आयुष्यात अशी वेळ येते की आपली महत्वाची बातमी वगळण्याचं काम वरिष्ठ करीत असतात.

आपण न्याय देण्याचा उद्देशाने बातम्या लिहतो पण जेव्हा ती बातमी प्रकाशीत होत नाही त्यावेळी कुठेतरी आपलं मन दुखतं.

ही गोष्ट आहे चंद्रपुरातील 5 मित्रांची प्रकाश, अमित, राजेश, अभिषेक व राकेश यांची, हे पाचही मित्र वेगवेगळ्या माध्यमात काम करतात.

या 5 मित्रांनी मिळून आपण एक बातम्यांची वेबसाईट सुरू करूया अशी संकल्पना आपसात मांडली, मग याला खर्च किती येणार? नाव काय असणार? दररोज अपडेट कसे व कोण करणार याबाबत सविस्तर चर्चा करण्यात आली.

वर्ष 2018 तो काळ, सर्वांनी जुळवाजुळव करीत पैसे जमविले, मग नाव ठरलं, नाव ठरविण्यासाठी तब्बल 1 महिना लागला हे विशेष.

News34 नावाची वेबसाईट तयार झाली, आधी अमरावती येथील डेव्हलपर ने या कामात मदत केली, 15 ऑगस्ट 2018 ला पत्रकार संघाच्या ध्वजारोहण कार्यक्रमाची पहिली बातमी या वेबसाईटवर प्रकाशित झाली.

हळूहळू वाचक संख्या वाढत गेली, चंद्रपूर शहर व ग्रामीण भागातील प्रत्येक अपडेट माहिती वेबसाईटवर प्रकाशित व्हायला लागली, मात्र काही प्रस्थापती पत्रकार News34 ची थट्टा करू लागले होते, काय हे व्हाट्सअप ग्रुप वर लिंक टाकता? असे म्हणत ते हिनवू लागले. मात्र आहे तेच पत्रकार लिंक शेअर करताना दिसत आहे.

मात्र त्या टीकेला अपडेट बातमी सहित प्रकाशित करण्याचं काम थांबलं नाही, वर्ष 2019 चा काळ आला, वेबसाईट ची होस्टिंग रिन्यू करण्याची वेळ आली, पैश्याची कमतरता मग काय करायचं? 5 पैकी 4 मित्र आपल्या कामात गुंतले.

कसतरी जुळवाजुळव करून news34 सुरू झालचं, मात्र कालांतराने सदर जबाबदारी 5 पैकी एकावर आली, 2 वर्षे अविरत बातमी प्रकाशित करण्याचं काम सुरूच राहिले, मात्र कालांतराने अमरावती मधील डेव्हलपर कडून वेबसाईट काढण्यात आली, दुसऱ्याकडे वेबसाईट शिफ्ट करण्याची वेळ आली मात्र त्या काळात पैश्याची समस्या निर्माण झाली.

पण एका जवळच्या मित्राने आपली आर्थिक परिस्थिती कमकुवत असताना सुद्धा पैश्याची मदत केली.

News34 ची लोकप्रियता वाढली, हजारो वाचक दररोज news34 वेबसाईटला भेट देऊ लागले.

आधी हजारो, लाखो आणि नंतर कोट्यवधी वाचक संख्येचा आकडा गाठला, News34 ची लोकप्रियता वाढत असताना काही प्रस्थापित पत्रकारांनी News34 वर खंडणी चे आरोप केले, मात्र आरोप करणारे तोंडघशी पडले. त्या पत्रकाराने स्वतःच्या प्रसिद्धीसाठी News34 ची बदनामी केली हे निष्पन्न झाले होते.

News34 ने अनेक जनसामान्यांच्या प्रश्नाला वाचा फोडत समस्या निराकरण करण्याचे काम केले, इतकेच नव्हे तर विधानसभा अधिवेशनात News34 च्या बातमीची चर्चा सुद्धा झाली होती, त्यानंतर त्या समस्येचे तात्काळ निराकरणही करण्यात आले.

वर्ष 2022 ते 2023 ला चंद्रपूर श्रमिक पत्रकार संघाचा डिजिटल माध्यमातील प्रथम पुरस्कार News34 ला मिळाला, 6 जानेवारी 2023 पत्रकार दिनाला मुंबई येथील यशवंतराव चव्हाण सेंटर येथे मुख्यमंत्री एकनाथ शिंदे यांच्या हस्ते News34 चा सन्मान झाला.

आज 5 पैकी एकचं News34 ची सर्व सूत्रे सांभाळत आहे, मात्र महत्वाच्या बातम्या प्रादेशिक व राष्ट्रीय पातळीवर प्रकाशित होत नसल्याने News34 चा सूर्योदय झाला होता.

आज वाचकांचे आवडते लोकप्रिय News पोर्टल म्हणजे 34 आपल्या 6व्या वर्षात पदार्पण करीत आहे.
5 मित्रांची संकल्पना आज कोट्यवधी वाचक वर्गापर्यंत पोहचली हे मात्र खरे.