Category: ताज्या बातम्या

Char dham yatra आजची तरुणाई भरकट चाललेली आहे ,नशेच्या वाईट व्यसनाच्या आहारी जाऊन स्वतःच्या आरोग्य खराब करत आहे, म्हणजेच तरुणाई व्यसनाधीन होत चालली आहे असे सगळे आरोप एका बाजूला होत असताना चंद्रपूर जिल्ह्यातील पौंभुर्णा तालुक्यामध्ये राहणारा घनोटी या छोट्या गावातील 23 वर्षीय मयूर देऊरमले यांनी 18000 किलोमीटर सायकलने प्रवास करून बारा ज्योतिर्लिंग व चार धाम यात्रा पूर्ण करून पाच महिन्यांमध्ये एक वेगळाच विक्रम स्थापित केला.

महत्त्वाचे : पोलीस अधीक्षक मुमक्का सुदर्शन यांनी करून दिली वाहतूक नियमांची आठवण

Char dham yatra चंद्रपूर येथे स्थानिक वरोरा नाका चौक मध्ये तो आला असता त्या ठिकाणी विदर्भ तेली समाज महासंघाचे जिल्हा उपाध्यक्ष, जीवन ज्योती प्रतिष्ठानचे अध्यक्ष, चंद्रपूरमधील सुप्रसिद्ध हृदयरोग तज्ञ डॉ. विश्वास झाडे व त्यांच्या मित्र परिवाराने त्यांचे स्वागत व सत्कार केले.

अवश्य वाचा : चंद्रपूर जिल्ह्यात लवकर सुरू होणार हवाई सेवा

डॉक्टर विश्वास झाडे भारतातल्या लद्दाख, मुंबई , हैद्राबाद, गोवा,बंगलोर, नागपूर व इतर अनेक मध्ये मॅरेथॉन स्पर्धेत सुद्धा सहभागी झाले होते, तसेच चंद्रपुरातील पहिले आयरन मॅन म्हणून पुरस्कार सुद्धा त्यांना प्राप्त झालेला आहे. त्यांना शारीरिक खेळात आवड आहेच हे दिसून येते. खेळातून शारीरिक, बौद्धिक, मानसिक वाढ होते असे त्यांनी म्हटले आहे. मयूरचा हा सायकल प्रवास नक्कीच सर्व युवकांना प्रेरणादायी ठरेल, असे डॉक्टर विश्वास झाडे यांनी सांगितले.. त्यांचा सोबत सुप्रसिद्ध छायाचित्रकार देवानंद साखरकर, प्राध्यापक श्याम हेडाऊ, झी मीडियाचे आशीष अंबाडे, सामाजिक कार्यकर्ते अमर रामटेके, दिक्षांत बेले व उपस्थित मित्रपरिवराने त्याचे स्वागत केले.

Chandrapur district सध्या लोकसभेचे पावसाळी अधिवेशन सुरु असून चंद्रपूर लोकसभा क्षेत्रातील विविध विकास कामांसंदर्भात आढावा घेत असून चंद्रपूर जिल्ह्यातील राजुरा तालुक्यातील मुर्ती येथे प्रस्तावित विमानतळाच्या कामासंदर्भात खासदार धानोरकर यांनी नागरी विमान वाहतूक मंत्री श्री. किंजरापू राममोहन नायडू यांची दिल्ली येथे भेट घेतली.

लाचखोर : चंद्रपूर जिल्ह्यातील वाढोणा गावातील शाळेत मुख्याध्यापकाला लिपिकाने मागितली लाच

Chandrapur district चंद्रपूर जिल्ह्यात लवकरच विमानतळ व्हावे या मागणीसाठी दिवंगत खासदार बाळू धानोरकर यांनी मोदी सरकार च्या काळात केंद्र सरकार कडे मागणी केली होती. त्यासंदर्भात कार्यवाही सुरु झाली असून प्रस्तावित विमानतळाला लागणाऱ्या 840 एकर जागेपैकी 700 एकर जागेचे भुमी अधिग्रहण झाले असून उर्वरीत जागेचे तात्काळ भुमी अधिग्रहन करुन मुर्ती विमानतळाच्या कामाला गती देण्याची मागणी खासदार प्रतिभा धानोरकर यांनी नागरी विमान वाहतूक मंत्री यांच्या कडे केली.

त्यासोबतच मोरवा विमानतळाच्या रनवे 700 मीटर पर्यंत वाढवून हवाई सेवा सुरु करण्याची मागणी देखील यावेळी खासदार धानोरकर यांनी केली. चंद्रपूर जिल्हा औद्योगिक जिल्हा असल्याने हवाई मार्ग सुखकर व्हावा यासाठी सदर विमानतळाचे काम त्वरीत पुर्ण करावे. यासंदर्भाने देखील खासदार धानोरकर यांनी चर्चा केली. यासंदर्भात माहिती घेऊन लवकरच निर्णय घेणार असल्याचे विमान वाहतुक मंत्री श्री. किंजरापू राममोहन नायडू यांनी सांगितले.

योजना – लाडकी बहीण योजनेची यादी जाहीर

लोकसभेच्या खासदार म्हणून निवडून आल्यावर प्रतिभा धानोरकर यांनी जिल्ह्यातील प्रलंबित प्रश्नाकडे लक्ष देण्यास सुरुवात केली आहे, यापूर्वी सुद्धा त्यांनी जिल्ह्यातील विविध प्रश्न व समस्येबाबत सरकारचे लक्ष वेधण्याचे काम केले आहे. आता हवाई सेवेचा प्रश्न निकाली लागल्यास चंद्रपूर जिल्ह्यातील नागरिकांना नक्की होणारचं.

Obc Yatra गुरू गुरनुले – ओ.बि.सी. बांधवांना त्यांचे हक्क त्यांच्या संख्येनुसार शैक्षणिक सवलती, त्याचा वाटा,विद्यार्थ्यांना शिष्यवृत्ती, वसतिगृहात आरक्षण,ओबीसी शेतकऱ्यांना मोफत योजना इत्यादी मागण्या व प्रश्न घेऊन नागपुर वरून निघालेली मंडल यात्रा चंद्रपूर मार्ग पोंभूरणा चिरोली वरून मूल नगरात गांधी चौकात आगमन झाल्याबरोबर फटाक्याच्या आतिष बाजित, ढोलताशाच्या धूम धडाक्यात मुल तालुका ओबीसी महापरिषद व बहुजन समता पर्वच्या वतीने जिल्हाध्यक्ष डॉ. संजय घाटे आणि असंख्य ओबीसी बंधू भगिनीनी यात्रेचे स्वागत केले.

बिबट्याने जंगलात घेतला आश्रय, आणि 3 बछड्याना दिला जन्म

Obc yatra महात्मा गांधीजींच्या पुतळ्याला माल्यार्पण करुन अभिवादन केले.मंडल यात्रा ओबीसींच्या न्याय हक्कासाठी, अनेक प्रश्न मार्गी लागेपर्यंत आपला लढा सुरू राहणार असे मार्गदर्शन यात्रेचे मुख्य स्वागताध्यक्ष डॉ.संजय घाटे यांनी केले. २४ तारखेला होणाऱ्या बहुजन समता पर्व ओबीसी महापरिषदेला ह संख्येनी उपस्थित राहण्याचा डॉ. संजय घाटे यांनी केले. तर मंडल यात्रेचे मुख्य संयोजक उमेश कोराम यांनी ओबीसींची जातीय जनगणना झाल्याशिवाय ही यात्रा स्वस्त बसणार नाही. असे दमदार बोलून ओबीसींच्या अनेक प्रश्नांना उजाळा दिला. याप्रसंगी एड.सातपुते, मालेकर सर यांनीही ओबीसीना मार्गदर्शन केले.

यात्रेच्या स्वागतासाठी अध्यक्ष प्रा.रामभाऊ महाडोरे,राकेश रत्नावार,गुरुदास चौधरी, डॉ.पद्माकर लेंनगुरे,गुरु गुरनुले, संजय पडोळे,जितेंद्र बल्की, बंडू गुरनुले, ईश्वर लोनबले, कैलाश चलाख, इत्यादींनी यांनी मेहनत घेतली. यात्रेच्या ठिकाणी. सी.डी.सी.सी. बँकेचे अध्यक्ष संतोष सिंह रावत, राजू मारकवार यांनीही यात्रेची वाट बघून शुभेच्छा दिल्या. याप्रसंगी ओबीसी बांधव घनश्याम येणुरकर,प्रा. विजय लोनबले, प्रशांत गट्टूवार, पूरुशोत्तम्म भूरर्से, सुनील शेरकि, राकेश मोहूर्ले,प्रशांत भरतकर, प्रकाश मारकवार, युवराज चावरे, शुभम गावतुरे, तेजस वाढई, शशिकांत गणवीर, नीमगडे सर, नंदू बारस्कर, ओबीसी महिला शांताबाई, रत्ना चौधरी, कविता मोहुर्ले ,रुपाली संतोषवार,शामला बेलसरे,संमता बनसोड, सीमा भसारकर, नाजुका लाटकर,व शालेय विद्यार्थी विद्यार्थिनी आणि असंख्य ओबीसी बांधव उपस्थित होते. कार्यक्रमाचे संचालन ओमदेव मोहूर्ल यांनी केले.

OBC राष्ट्रीय ओबीसी महासंघाचे नववे राष्ट्रीय अधिवेशन ७ ऑगस्टला पंजाबमधील अमृतसरच्या गुरू नानक देव विद्यापीठाच्या गोल्डन ज्युबिली कन्व्हेन्शन सेंटरमध्ये सकाळी १० वाजता आयोजित करण्यात आले आहे. या अधिवेशनात ओबीसी समाजाची जातनिहाय जनगणना, ओबीसी क्रिमिलेअर मर्यादावाढ, स्वतंत्र ओबीसी मंत्रालय, आरक्षणासाठी ५० टक्क्यांची अट रद्द करा यासह समाजाच्या विविध प्रलंबित मागण्यांच्या अनुषंगाने मंथन होईल. समारोपीय सत्रात या अनुषंगाने ठरावही पारित केले जाणार आहेत.

चंद्रपूर जिल्ह्यातील 6 विधानसभा जागेवर भाजपचा विजय होणार

OBC अधिवेशनाचे उद्घाटन सकाळी ११ वाजता राष्ट्रीय मागासवर्ग आयोगाचे अध्यक्ष हंसराज अहिर यांच्या हस्ते होईल. प्रमुख पाहुणे म्हणून केंद्रीय राज्यमंत्री प्रतापराव जाधव, केंद्रीय क्रीडा आणि युवक कल्याण राज्यमंत्री रक्षा खडसे, महाराष्ट्राचे उपमुख्यमंत्री देवेंद्र फडणवीस, पंजाब विधानसभेचे उपसभापती जय क्रिष्ण सिंग, महाराष्ट्र विधानसभेतील विरोधी पक्षनेते विजय वडेट्टीवार, महाराष्ट्रातील ओबीसी कल्याण मंत्री अतुल सावे, गोव्याचे मंत्री सुभाष शिरोडकर, काँग्रेसचे प्रदेशाध्यक्ष नाना पटोले, भाजपचे प्रदेशाध्यक्ष चंद्रशेखर बावनकुळे, क्रिकेटपटू तथा राज्यसभा सदस्य हरभजन सिंग, चंद्रपूरच्या खासदार प्रतिभा धानोरकर, गडचिरोली-चिमूरचे खासदार डॉ. नामदेव किरसान, वर्ध्याचे खासदार अमर काळे, भंडारा-गोंदियाचे खासदार डॉ. प्रशांत पडोळे, रामटेकचे खासदार श्यामकुमार बर्वे, खासदार डॉ. शोभा बच्चाव, खासदार संजय देशमुख, खासदार बाळू मामा म्हात्रे, तेलंगानाचे खासदार इटेला राजेंदर, तेलंगानाचे सदस्य रविचंद्र वड्डीराजू, तेलंगानाचे खासदार सुरेश शेटकर, पंजाबमधील ‘आप’चे आमदार संतोष कटारिया, पंजाबमधील ‘आप’चे आमदार तरणप्रित सिंग सोंड, हरयाणाचे माजी खासदार राजकुमार सैनी, माजी मंत्री महादेवराव जानकर, आमदार डॉ. परिणय फुके, आमदार अॅड. अभिजित वंजारी, आमदार सुधाकर अडबाले, सेवानिवृत्त अधिकारी अशोक बाथ यांची प्रमुख उपस्थित राहील.

14 ऑगस्टला मनपा अनुकंपा धारकांचे आमरण उपोषण

Obc माजी राष्ट्रपती ग्यानी झेलसिंग यांचे नातू इंद्रजित सिंग हे उद्घाटन सत्राचे स्वागतपर भाषण करतील. अधिवेशनामागची भूमिका राष्ट्रीय ओबीसी महासंघाचे अध्यक्ष बबनराव तायवाडे मांडतील. या दरम्यान मान्यवाराच्या हस्ते लढा संविधानिक हक्काचा या पुस्तकाचे प्रकाशन करण्यात येणार आहे या नंतर राष्ट्रीय ओबीसी महासंघाचे राष्ट्रीय समन्वयक डॉ. अशोक जीवतोडे अध्यक्षीय भाषण करतील.
दुपारी ३ वाजता होणाऱ्या समारोपीय सत्राच्या अध्यक्षस्थानी तेलंगाना आणि आंध्र प्रदेश बीसी वेलफेअर असोसिएशनचे राष्ट्रीय अध्यक्ष जाजूला श्रीनिवास गौड राहतील. प्रमुख पाहुणे म्हणून अमृतसर पूर्वचे आमदार जीवनजोत कौर, माजी खासदार तथा अभिनेते राज बब्बर, माजी खासदार इम्तियाज जलील सय्यद, पंजाबचे माजी मंत्री लाल सिंग कम्बोज, पंजाबमधील अंजालाचे माजी आमदार अमरपाल सिंग बोनी, पंजाबमधील भाजपचे माजी आमदार डॉ. राम कुमार, बॅकफिनो आणि एसजीपीसी मीबरचे उपाध्यक्ष बावा सिंग गुमनपुरा, पंजाबमधील वन महामंडळाचे माजी उपाध्यक्ष राजिंदर बिट्टा, पंजाबमधील माजी मंत्री संगत सिंग गिलिजिआन, पंजाबचे माजी आमदार हरजिंदर सिंग ठेकेदार, पंजाबमधील माजी आमदार दर्शन लाल मांगूपूर, ‘पीईडीए’चे अध्यक्ष एच. एस. हंसपाल, पंजाबमधील उद्योजक हरचरण सिंग रनौता, अमृतसरमधील उद्योजक राजिंदर सिंग सफर, पंजाबमधील बसपचे माजी अध्यक्ष सी.डी. सिंग कम्बोज, पंजाबमधील सैनी कल्याण बोर्डाचे माजी उपाध्यक्ष डॉ. गुरुनाम सिंग सैनी, पंजाबमधील सैनी कल्याण बोर्डाचे माजी अध्यक्ष इंद्रजित सिंग बासेरके, पंजाबमधील ‘एसजीपीसी’चे सदस्य राम सिंग, पंजाबमधील प्रजापती कल्याण बोर्डाचे उपाध्यक्ष अमरजित सिंग निज्जर, गुरू नानक देव विद्यापीठाचे सिनेट सदस्य सतपाल सिंग सोखी यांची प्रमुख उपस्थिी राहणार आहे.कार्यक्रमाला उपस्थित राहण्याचे आवाहन राष्ट्रीय ओबीसी महासंघाचे महासचिव सचिन राजूरकर, उपाध्यक्ष प्रा शेषरावं येलेकर, प्रदेश कार्याध्यक्ष दिनेश चोखारे यांनी केले आहे

inspired talks एक चांगल आयुष्य जगत असताना आपल्यावर दुर्घटना ओढावली की आपलं आयुष्य नष्ट होण्याच्या मार्गावर असतो मात्र त्या प्रसंगाला न जुमानता त्याला सामोरे जातो तो खरा योद्धा असतो असाच एक प्रसंग चंद्रपुरातील पडोली या भागात घडला.

अभय योजनेच्या प्रभावी अंमलबजावणी साठी एक खिडकी उपक्रम सुरू करा – आमदार किशोर जोरगेवार

Inspired talks खुटाळा येथील नर्स असलेल्या पूजा हलदारची दुचाकी स्लिप झाल्याने तो पडोली चौकात पडली आणि त्याच क्षणी मागून येत असलेल्या ट्रक चे चाक पूजाच्या पायावरून गेले, या अपघातात पूजाला एक पाय गमवावा लागला. पूजा ला कायम अपंगत्व आलं, मात्र त्या अपघातातून सुखरूप बचावत पूजाने आपल्या आयुष्याचा खरा संघर्ष सुरू केला.

पूजाला बघण्यासाठी मित्र, नातेवाईक भेटायला आल्यावर ती त्यांच्याशी हसत खेळत बोलायची तिच्या चेहऱ्यावर अपंगत्वाचे कसलेही भान दिसून येत नव्हते, कारण पूजाने स्वतःला तसं तयार केलं.

आपल्या क्षेत्रातील एका मुलीवर हा गंभीर प्रसंग ओढावला अशी बाब चंद्रपूर विधानसभेचे लोकप्रिय आमदार किशोर जोरगेवार यांना कळली, क्षणाचाही विलंब न करता आमदार जोरगेवार खुटाळा येथे पोहचले, आणि पुजाशी त्यांनी संवाद केला, पूजा ने घडलेला सर्व प्रसंग आमदार जोरगेवार यांना न खचता सांगितला, पूजा च्या चेहऱ्यावरील हावभाव असे सांगत होते की ती आता आपला भूतकाळ मागे टाकत नव्या भविष्याची सुरुवात करीत आहे.

आमदार किशोर जोरगेवार यांना पूजा सोबत संवाद साधत असताना तिच्या चेहऱ्यावरील धाडस आणि आत्मविश्वास पाहून तिचं कौतुक करावं वाटत होतं. तीच हे धाडस दिव्यांगत्व आल्याने निराश झालेल्या प्रत्येकासाठी प्रेरणादायी आहे.

अपघातामुळे अपंगत्व येऊन सुद्धा तिच्या लढण्याची असलेली धमक आणि जिद्द ही वाखाणण्याजोगे आहे. तिच्या चेहऱ्यावर एक विश्वास होता तो म्हणजे ती हार मानणाऱ्या मधील नाही.. जीवनात कितीही संकटे आली तरी इच्छाशक्ती असल्यावर अशक्य असं काहीच नाही, हे तिच्या संवादादरम्यान प्रकर्षाने जाणवत होते. तिच्यात असलेली. इच्छाशक्ती आणि जिद्द पाहून “धाडसी पूजा तू एक दिवस पुन्हा धावशील आणि या परिस्थितीवर विजय मिळवशील…. असे उदगार आमदार जोरगेवार यांनी यावेळी काढले, अपंगत्व आल्यावर आयुष्यात काय समस्या येतात ते न अनुभवलेलं बरं मात्र पूजाला बघून आमदार जोरगेवार म्हणाले की ज्यांना अपंगत्व आलं आणि हताश झाले त्यांनी पूजा कडे बघा तिचा आत्मविश्वास आपल्याला प्रेरणा देणारा आहे तीच पुढचं आयुष्य सर्वांसाठी एक प्रेरणादायी आहे अशी प्रतिक्रिया आमदार जोरगेवार यांनी यावेळी दिली.

brave #stubbornness #धाडसी #जिद्द #प्रेरणा #अभिमान #inspiration

fire fighting bikes राज्याचे वने, सांस्कृतिक कार्य व मत्स्य व्यवसाय मंत्री तथा जिल्ह्याचे पालकमंत्री ना. श्री. सुधीर मुनगंटीवार यांच्या पुढाकारामुळे चंद्रपूर जिल्ह्याला 20 अग्नीशमन बुलेट (बाईक) मिळाल्या आहेत. लवकरच ना. श्री. मुनगंटीवार यांच्या हस्ते या बाईक्सचे लोकार्पण होईल.

अवश्य वाचा : पप्पू देशमुख यांचा जिल्ह्यातील सर्वपक्षीय नेत्यांवर अचूक निशाणा

Fire fighting bikes अरुंद गल्ली-बोळ्यांमध्ये तसेच झोपडपट्यांमध्ये आगीच्या घटना घडल्यास त्या ठिकाणी अग्नीशमन वाहने पोहोचू शकत नाहीत. अश्यात मोठ्या प्रमाणात जीवित हानी व वित्त हानी होते. त्यावर उपाय म्हणून राज्य सरकारने आग विझविणाऱ्या बुलेट्स (बाईक) उपलब्ध करून दिल्या आहेत. चंद्रपूर जिल्ह्यातील नगरपरिषद आणि नगरपंचायत यांना आग विझविणाऱ्या एकूण 20 बाईक्स देण्यात आल्या आहेत. ना. श्री. मुनगंटीवार यांनी ही यंत्रणा जिल्ह्याला उपलब्ध करून देण्यात यावी, अशी मागणी केली होती. त्याला सकारात्मक प्रतिसाद देत मंत्री मदत व पुनर्वसन, आपत्ती व्यवस्थापन यांनी हा निर्णय जाहीर केला आहे.

पालकांसाठी महत्वाचे : 8 महिन्याच्या बाळाने गिळली काजळाची डबी

वॉटर मिस्ट रॅपिड फायर फायटिंग बाईक्स आणि कॉम्प्रेस्ड एअर फोम बाईक्स अश्या दोन प्रकारच्या दुचाकी आहेत. यामध्ये भिसी, ब्रह्मपुरी, चिमूर, गडचांदूर, घुग्घुस, गोंडपिंपरी, जिवती, कोरपना, मुल, नागभीड, पोंभुर्णा, राजुरा, सावली आणि सिंदेवाही या शहरांसाठी प्रत्येकी 1 वॉटर मिस्ट्र रॅपिड फायर फायटिंग बाईक्स (दुचाकी) देण्यात येणार आहेत. तर बल्लारपूर, वरोरा आणि भद्रावतीसाठी प्रत्येकी 2 कॉम्प्रेस्ड एअर फोम बाईक्स (दुचाकी) देण्यात आल्या आहेत.

असा होणार उपयोग
छोट्या स्वरुपात लागलेल्या आगीच्या ठीकाणी तातडीने वापरता येणारी प्रथम प्रतिसाद यंत्रणा म्हणून या दुचाकीचा अत्यंत प्रभावी वापर होणार आहे. तेल व गॅसमुळे लागलेली तसेच विजेच्या शॉर्टसर्किटमुळे लागलेली आगही या दुचाकीद्वारे विझवता येणार आहे. ज्या ठिकाणी फायर टेंडरच्या गाड्या पोहोचू शकणार नाहीत, अशा अरुंद गल्ली बोळात तसेच झोपडपट्टीमध्येही या दुचाकी सहज पोहोचू शकतात व भडकणा-या आगीवर 3 ते 12 मीटर अंतरावरुन तसेच 30 फूट उंचीपर्यंत मिस्ट (Mist) स्वरुपात फवारा मारु शकतात. यामध्ये पाण्यासोबतच रासायनिक फोमचा वापर केल्यामुळे आगीवर तात्काळ नियंत्रण मिळवणे सहज शक्य होणार आहे.

ना. मुनगंटीवार यांच्या हस्ते होणार लोकार्पण
चंद्रपूर जिल्ह्याला देण्यात आलेल्या एकूण २० बाईक्सचे लोकार्पण ना. श्री. सुधीर मुनगंटीवार यांनी करावे, अशी विनंती मदत व पूनर्वसन मंत्री अनिल पाटील यांनी पत्राद्वारे केली आहे. ना. श्री. मुनगंटीवार यांच्या हस्ते जिल्ह्यातील नगरपरिषद आणि नगरपंचायत प्रशासनाला या बाईक्स देण्यात येणार आहेत.