My Blog

Category: क्रीडा

क्रीडा (Sports) जगतातील प्रत्येक ब्रेकिंग न्यूज आणि सविस्तर अपडेट्स वाचा news34.in वर. क्रिकेट, फुटबॉल, कबड्डी, आणि स्थानिक स्तरावरील सर्व खेळांचे निकाल, सामन्यांचे विश्लेषण आणि खेळाडूंच्या मुलाखती येथे त्वरित उपलब्ध होतात. राष्ट्रीय आणि आंतरराष्ट्रीय स्पर्धांमधील महत्त्वाच्या घडामोडींचे कव्हरेज आम्ही देतो. क्रीडा बातम्या (Krida Batmya) आणि रोमांचक माहितीसाठी नियमितपणे भेट द्या.

  • वेकोलीच्या ब्लास्टिंगमुळे बाप-लेकीचा मृत्यू

    Wcl blasting news

    News34

    नागपूर – कोळसा काढण्यासाठी वेस्टर्न कोलफिल्ड्स लिमिटेड द्वारे करण्यात येणाऱ्या ब्लास्टिंग मुळे आज सोमवारी बाप-लेकीचा मृत्यू झाल्याची धक्कादायक घटना घडली.

    कमलेश कोटेकर व यादवी कोटेकर असे मृतकाचे नाव आहे, सदर घटना जिल्ह्यातील कान्द्री-कन्हान येथे घडली.

    कान्द्री-कन्हान भागात वेकोलीद्वारे टाकण्यात आलेल्या मातींमुळे मोठी टेकडी निर्माण झाली आहे, या टेकड्यामुळे वेकोली द्वारे करण्यात येणाऱ्या ब्लास्टिंग चे हादरे हरिहर नगर भागात मोठ्या प्रमाणात जाणवितात.

    हरिहर नगर भागात वेकोलीच्या ब्लास्टिंगमुळे अनेक घरे क्षती ग्रस्त झाली आहे, याच भागात कोटेकर कुटुंब वास्तव्यास आहे, सोमवारचा दिवस असल्याने सलून बंद असते, त्यामुळे कमलेश कोटेकर हा घरी होता. वेकोलीच्या ब्लास्टिंगमुळे कोटेकर यांचं घर मोठ्या प्रमाणात क्षतीग्रस्त झालेले होते. Amazon वर खरेदी करा मोबाईल, लॅपटॉप, हेडफोन अगदी माफक दरात

    कमलेश यांची 5 वर्षीय मुलगी केजी 2 मध्ये शिकत होती, शाळा सुटल्यावर दुपारी ती घरी आली होती, बाप-लेकीने मिळून जेवण केल्यावर दोघेही आराम करीत होते.

    कमलेश यांचा लहान मुलगा आजीसोबत घराबाहेर खेळत होता, कमलेश यांची पत्नी शेतावर गेली असताना दुपारी 1 वाजताच्या सुमारास वेकोलीने ब्लास्टिंग केली, ब्लास्टिंगमुळे कमलेश यांचं घर जमीनदोस्त झाले, परिसरातील नागरिक मदतीला धावले मात्र कमलेश व त्याची मुलगी यादवी यांचा तोपर्यंत मृत्यू झाला होता.

    बाप-लेकीच्या करून अंताने नागरिक संतापले त्यांनी वेकोली कार्यालयासमोर ठिय्या आंदोलन केले, यावेळी माजी आमदार मल्लिकार्जुन रेड्डी व नागरिक सामील झाले होते.

  • वर्ग 10 व 12 वी ची परीक्षा या तारखेला होणार

    Maharashtra state board

    मुंबई – राज्य माध्यमिक व उच्च शिक्षण मंडळातर्फे फेब्रुवारी-मार्च 2024 मध्ये होणाऱ्या परीक्षेचे संभाव्य वेळापत्रक मंडळाच्या संकेतस्थळावर प्रसिद्ध करण्यात आले आहे.

    संभाव्य वेळापत्रक नुसार वर्ग 12 वि ची परीक्षा 21 फेब्रुवारी पासून तर वर्ग दहावीची परीक्षा 1 मार्च पासून घेण्यात येणार आहे.

    पुणे, नागपूर, मुंबई, कोकण, अमरावती, औरंगाबाद, कोल्हापूर, नाशिक व लातूर या विभागाच्या परीक्षा फेब्रुवारी व मार्च महिन्यात घेण्यात येते.

    संभाव्य वेळापत्रकानुसार 12 वि ची परीक्षा 21 फेब्रुवारी ते 23 मार्च, दहावीची परीक्षा 1 ते 22 मार्च या कालावधीत घेण्यात येणार आहे.

    मंडळाच्या संकेत स्थळावर आलेले वेळापत्रक हे संभाव्य असून परिक्षेपूर्वी शाळांना छापील अंतिम वेळापत्रक देण्यात येणार आहे.

  • जावई व मुलीची भेट घेऊन परत येत असताना घडला भयावह प्रकार

    News34 accident

    भंडारा / जावई व मुलीला भेटायला गेले परत येताना दाम्पत्य यांना वाटेत नातेवाईक भेटले ते रस्त्याच्या कडेला थांबले व त्यांच्यासोबत बोलू लागले मात्र त्यावेळी विरुद्ध दिशेने येणाऱ्या टिप्परने दोघांना चिरडले या भयावह अपघातात पती-पत्नी जागीच ठार झाले.

    55 वर्षीय बालचंद ठोंबरे व 52 वर्षीय अनिता ठोंबरे राहणार सोनोली तालुका मोहाडी असे मृतकाचे नाव आहे, ठोंबरे दाम्पत्य हे स्टेशन टोली देवाडी येथे मुक्कामी राहत होते.

    रविवार 27 ऑगस्टला भंडारा-तुमसर राष्ट्रीय महामार्गावर ही घटना घडली, घटनेनंतर नागरिकांनी चक्का जाम आंदोलन केले, नातेवाईकांनी मृतदेह उचलण्यास नकार दिल्याने परिस्थिती चांगलीच बिघडली होती.

    मुलगी व जावयाची भेट घेऊन ठोंबरे दाम्पत्य घराकडे निघाले होते मात्र खरबी जवळ नातेवाईकांसोबत ते बोलण्यासाठी थांबले असा त्याचवेळी टिप्परने ठोंबरे दाम्पत्याला चिरडले, परिस्थिती हाताबाहेर गेली असता आमदार राजू कारेमोरे व माजी आमदार चरण वाघमारे यांनी नागरिकांची समजूत काढली.

    तब्बल दीड तासानंतर नातेवाईकांनी मृतदेह उचलण्यास परवानगी दिली, मृतक बालचंद ठोंबरे हे रेल्वेत कार्यरत होते, घटनेचा पुढील तपास मोहाडी पोलीस करीत आहे.

     

  • जातनिहाय जनगणनेचा मार्ग मोकळा, महिला सरपंचाने घेतला पुढाकार

    News34 obc census

    गोंदिया – संपूर्ण देशात ओबीसी जनजातीय जनगणनेची मागणी असताना सुद्धा केंद्र सरकार याकडे दुर्लक्ष करीत आहे, याकरिता आता गावागावात ग्रामपंचायतच्या माध्यमातून ओबीसी जनगणना व्हावी असा निर्धार तिरखेडी तालुका सालेकसा जिल्हा गोंदिया येथील ग्रामपंचायतच्या सरपंच प्रिया मनोज शरणागत यांनी केला आहे.

     

    त्या उद्देशाने त्यांनी सर्वप्रथम आपल्या ग्रामपंचायत पासून ओबीसी जनगणनेची सुरुवात केली आहे. 22 ऑगस्ट 2023 रोजी ग्राम पंचायत तिरखेडी येथील ग्रामसभेत सरपंच प्रिया मनोज शरणागत यांच्या अध्यक्षतेख़ाली ग्रामपंचायत स्तरावर “ओबीसी जातनिहाय जनगणना” करण्याचे ठराव सर्वानुमते मंजूर करण्यात आले.

     

    देशात स्वातंत्र्य पूर्वीच्या काळापासून 1931 च्या नंतर आजपर्यंत ओबीसी ची जातनिहाय जनगणना झाली नाही. याकडे सर्व सरकारे दुर्लक्ष करतात. केन्द्रच्या गृहखातेद्वारे ही जनगणना केली जाते. पण गृह खाते याकडे लक्ष देत नाही आहे.

     

    आता कुणीही हे कार्य करीत नाही म्हणून आता थेट ग्रामपंचायत स्तरावर ही जनगणना करण्यासाठी सरपंच प्रिया मनोज शरणागत यांनी आपल्या गावकर्यांसोबत कमर कसली आहे. व आपल्या गावातूनच आता ओबीसी जनगणनेची सुरुवात व्हावी असा निर्धार केला आहे. त्यांनी राज्यातील सर्व ग्रामपंचायत च्या सरपंचानी हा निर्णय घ्यावा अशी विनंती केली आहे. त्यांच्या या निर्णयाचे संपूर्ण स्तरावर ओबीसी समाजातर्फे स्वागत केला जात आहे.

    राज्यात व देशात राजकीय परिस्थिती बघता सर्व जनप्रतिनिधी फक्त मतांसाठी ओबीसी व उर्वरित समाजातील नागरिकांना मूर्ख बनविण्याचे काम करीत आहे, मात्र एकानेही स्पष्ट जातनिहाय जनगणनेचा पुढाकार घेतला नाही.

    मात्र महाराष्ट्र राज्यातील विदर्भातल्या गोंदिया तिरखेडी गावच्या सरपंच यांनी जातनिहाय जनगणनेचा पुढाकार घेत ग्रामसभेत ठराव मंजूर केला, ग्राम स्तरावर जनगणना करून त्याचा अहवाल राज्य व केंद्र सरकारला पाठविणार अशी माहिती त्यांनी दिली आहे.

  • पवित्र पोर्टल सुरू करण्याचे शिक्षणमंत्र्यांचं आश्वासन फोल – आमदार सुधाकर अडबाले

    News34

    चंद्रपूर : राज्यातील शाळा व कनिष्ठ महाविद्यालयांतील शिक्षक व शिक्षकेतर कर्मचाऱ्यांची रिक्त पदे भरण्यात येणार आहेत. १५ ऑगस्टपासून ही प्रक्रिया सुरू करण्यात येणार असून, २४ ऑक्टोबरपर्यंत पूर्ण केली जाणार आहे. शिक्षक आमदार सुधाकर अडबाले यांनी सभागृहात उपस्थित केलेल्या तारांकित प्रश्नाला उत्तर देताना शिक्षणमंत्री दीपक केसरकर यांनी सांगितले होते. मात्र, प्रत्यक्षात पवित्र पोर्टल सुरू करण्यात आलेले नसल्याने शिक्षक भरती प्रक्रियेला सुरवात झालेली नाही. त्यामुळे शिक्षणमंत्र्यांनी सभागृहात दिलेले आश्वासन फोल ठरले असल्याची टीका शिक्षक आमदार सुधाकर अडबाले यांनी केली आहे. Education minister kesarkar

    राज्यात शालेय शिक्षण विभागातील प्राथमिक, माध्यमिक, उच्च माध्यमिक शाळा व कनिष्ठ महाविद्यालयातील शिक्षक व शिक्षकेत्तर कर्मचाऱ्यांची पदे मोठ्या प्रमाणात रिक्त आहेत. जिल्हा परिषदेच्या शाळांमधील पदे शासन भरत नसल्याने रिक्त जागांचा आकडा दरवर्षी वाढत असतो, काही जागा समायोजन प्रकियेने भरण्यात येत असल्या तरी रिक्त जागांचा अनुशेष भरून निघत नसल्याने याचा विपरित परिणाम या शाळांमध्ये शिक्षण घेत असलेल्या विद्यार्थ्यांच्या शैक्षणिक भवितव्यावर होत आहे. उच्‍च श्रेणी मुख्याध्यापक, उपमुख्याध्यापक व केंद्रप्रमुख यांच्‍या पदोन्नतीचे पद व विस्‍तार अधिकारी व सहायक शिक्षकांची पदे कधी भरणार? व जिल्‍हा परिषदेच्या शाळांमध्ये सेवानिवृत्त शिक्षकांची कंत्राटी तत्‍वावर नियुक्‍ती करण्याबाबत ७ जुलै २०२३ रोजी काढलेले परिपत्रक रद्द करावे, असा प्रश्न आमदार सुधाकर अडबाले यांनी विधानपरिषदेत तारांकीत प्रश्नाच्या माध्यमातून उपस्थित केला होता.

    Amazon वर आकर्षक सेल, खरेदी करा मोबाईल

    शिक्षक भरतीबाबत औरंगाबाद खंडपीठाने स्थगिती दिली होती. आता न्यायालयाने स्थगिती हटविली असून भरतीचे शेड्युल ठरवून दिले आहे. न्यायालयाने दिलेल्या सूचनेनुसार भरती प्रक्रिया राबविण्यात येत आहे. जिल्हापरिषद बिंदुनामावली कायम करून १५ ते ३१ ऑगस्टदरम्यान शिक्षक भरतीची जाहिरात पोर्टलवर प्रकाशित केली जाणार आहे. १ ते १५ सप्टेंबरदरम्यान प्राधान्यक्रम ठरविण्यात येणार आहे. त्यानुसार गुणवत्ता यादी १० ऑक्टोबरला प्रसिद्ध होईल. ११ ते २१ ऑक्टोबरदरम्यान नेमणुका देण्यात येईल. त्यानंतर २१ ते २४ ऑक्टोबरदरम्यान जिल्हा पातळीवर समुपदेशन करण्यात येईल. राज्यातील शिक्षकांची रिक्‍त पदे पवित्र प्रणालीद्वारे भरण्याची कार्यवाही लवकरच सुरू होणार असल्याचे शिक्षणमंत्री दीपक केसरकर उत्तरात सांगितले होते.

    परंतु, शिक्षक भरतीची प्रक्रिया १५ ऑगस्‍ट लोटूनही सुरू झालेली नाही. राज्याच्या शिक्षण विभागाला पवित्र पोर्टल सुरू करण्यात अपयश आले आहे. शिक्षणासारख्या पवित्र क्षेत्राकडे सत्ताधाऱ्यांचे दुर्लक्ष होत असल्याचे यातून दिसून येत आहे. राज्यातील अनेक विद्यार्थ्यांनी टिईटी परीक्षा उत्तीर्ण केली आहे. शिक्षक भरती सुरू होईल, अशी त्यांना आशा होती. परंतु, पवित्र पोर्टल अपवित्र झाल्याचे दिसत असल्याने विद्यार्थ्यांमध्ये तीव्र संताप व्यक्त होत आहे. राज्य शासनाने तातडीने पवित्र पोर्टल सुरू करून शिक्षक भरतीची प्रक्रिया राबवावी, अशी मागणी आमदार सुधाकर अडबाले यांनी केली आहे.

  • ज्येष्ठ अभिनेत्री सीमा देव यांचं निधन

    Seema deo passed away

    News34

    चंद्रपूर – मराठी व हिंदी चित्रपट जगतातील जेष्ठ अभिनेत्री सीमा रमेश देव यांचं वयाच्या 81 व्या वर्षी निधन झालं. त्या दिवंगत अभिनेते रमेश देव यांच्या पत्नी होत्या. Seema deo

    सीमा देव या काही वर्षपासून अल्झायमर ने ग्रस्त होत्या, आज गुरुवारी सकाळी त्यांनी मुंबई मधील राहत्या घरी अखेरचा श्वास घेतला, त्यांच्या निधनामुळे मराठी चित्रपट सृष्टीवर शोककळा पसरली आहे.

    त्यांच्या पश्चात अजिंक्य, अभिनय, सुना नातवंडे असा परिवार आहे.

    [amazon shopping]

    सीमा देव यांच्या पार्थिवावर आज दुपारी 4.30 वाजता शिवाजी पार्कवर अंत्यसंस्कार करण्यात येणार आहेत.

    २०१३ मध्ये रमेश देव आणि सीमा देव यांनी लग्नाचा पन्नासावा वाढदिवस साजरा केला होता. गेल्या वर्षी रमेश देव यांचं निधन झालं. त्यानंतर आज सीमा देव यांचं दीर्घ आजाराने निधन झालं.

  • नाना पटोले यांच्या स्वीय सहायकाला अटक?

    News34

    Nana patole personal assistant

    नागपूर – काय म्हणता? कसे आहात? मी कांग्रेस प्रदेश अध्यक्ष नाना पटोले यांचा स्वीय सहायक आहे, असे म्हणत एकाने तब्बल 2 वर्षे हॉटेलमध्ये फुकटच्या जेवणावर ताव मारला.

    मात्र हॉटेल चालकाने पैसे मागितल्यावर या तोतया पीए ने चालकांवर चाकूने हल्ला केला त्यानंतर पोलिसांनी या पीए ला अटक केली, चौकशी मध्ये तो नाना पटोले यांचा तोतया पीए असल्याचे निष्पन्न झाले.

    विज्ञानाच्या आधुनिक युगात फसवणुकीचे प्रकारात आजही वाढ होत आहे, नवीन टेक्नॉलॉजी आली असली तरी सुद्धा मानवी बुद्धी समोर ती काहीच नसते.

    असाच एक प्रकार नागपुरात घडला 33 वर्षीय ललित अग्निहोत्री या तोतया पीए ला पोलिसांनी अटक केली आहे.

    अग्निहोत्री यांनी नाना पटोले यांचा पीए असल्याची खोटी बतावणी करीत

    बसस्थानक पुढे असलेले दुर्गाप्रसाद पांडे यांचे हॉटेल अंबिका व ब्रिज इन हॉटेल आहे, अग्निहोत्री यांनी मागील 2 वर्षांपासून पांडे यांना कांग्रेस प्रदेश अध्यक्ष नाना पटोले यांचा स्वीय सहायक असल्याची बतावणी करीत फुकटच्या जेवणावर ताव मारत होता, अग्निहोत्री यांची उधारी 50 हजार रुपये झाल्यावर पांडे यांनी पैश्याची मागणी केली मात्र त्याने उडवाउडवीची उत्तरे दिली.

    पांडे यांना अग्निहोत्री वर संशय आला होता, 2 वर्षांपासून अग्निहोत्री यांनी आपल्या मित्रांना सुद्धा पांडे यांच्या हॉटेलमध्ये पार्टी दिली होती, पांडे यांनी पैश्याची विचारणा केली असता दोघात वाद झाला अग्निहोत्री यांनी पांडे वर चाकूने हल्ला केला.

    हॉटेलमधील कर्मचाऱ्यांनी वाद सोडविला व अग्निहोत्री यांना पोलीस येई पर्यंत पकडून ठेवले, पोलीस पोहचताच चौकशीमध्ये तो तोतया पीए असल्याचे निष्पन्न झाले.

     

  • चंद्रपूर जिल्ह्यातील महाराजा चा अपघात एक ठार तर 5 जखमी

    News34

    बल्लारपूर – सध्या राज्यात अपघातांचे प्रमाण मोठ्या प्रमाणात वाढत आहे, सर्वात जास्त अपघाताचा कहर तर समृद्धी महामार्गावर सुरू आहे, मात्र अनेक मार्गावर अपघाताच्या घटना घडत असून त्यामध्ये अनेकांचा नाहक जीव जात आहे.

    बल्लारपूरहून नागपूरकडे जाणाऱ्या महाराजा ट्रॅव्हल्सची बस क्रमांक एमएच 34 बीझेड 0009 चा सकाळी 10 वाजताच्या सुमारास वर्धा जिल्ह्यातील जाम समोरील कांदळी गावाजवळ अपघात झाला. या अपघातात पेपर मिल इन्स्ट्रुमेंट विभागात कार्यरत धीरज कुलकर्णी (48) यांचा मृत्यू झाला. चालकासह 5 ते 6 प्रवासी गंभीर जखमी झाल्याची प्राथमिक माहिती मिळाली आहे.

    मिळालेल्या माहितीनुसार महाराजा ट्रॅव्हल्सची ही बस बल्लारशाह येथून सकाळी 7 वाजता नागपुर साठी निघाली. सकाळी 10 वाजताच्या सुमारास वर्धा जिल्ह्यातील जाम जवळील कांदली गावाजवळ राष्ट्रीय महामार्गावर उभ्या असलेल्या टँकरवर बसची धडक झाली. या अपघातात बसची केबिन चाके उडून गेली. गंभीर जखमी ड्रायव्हर, कंडक्टर आणि प्रवाशांना नागपूरच्या एम्स रुग्णालयात दाखल करण्यात आले आहे, तर किरकोळ जखमी प्रवाशांना प्राथमिक तपासणी आणि उपचारांसाठी स्थानिक रुग्णालयात हलवण्यात आले आहे.

  • GMC मधील परिचारिकेचा उपचाराअभावी मृत्यू

    News34

     

    चंद्रपूर – चंद्रपूरच्या शासकीय वैद्यकीय महाविद्यालय रुग्णालयात परिचारिकेच्या मृत्यूनंतर परिचारिका संघटनांनी काम बंद आंदोलन सुरू केले आहे. सीमा मेश्राम नावाची ही परिचारिका प्रसूती कक्षात सेवा देत होती. मात्र कामाच्या अतिताणामुळे या परिचारिकेला 16 ऑगस्ट रोजी भोवळ आली. तिला रुग्णालयात उपचारार्थ दाखल करण्यात आले. मात्र आपल्याच सहकारी परिचारिकेवर योग्य उपचार करण्यात इथले स्थानिक डॉक्टर अपयशी ठरले.

    परिणामी उपचारातील हलगर्जीपणामुळे तिचा मृत्यू झाला. ही वार्ता परिचारिका वर्गात पसरताच त्यांनी काम बंद आंदोलन सुरू केले. दरम्यान राज्य मध्यवर्ती सरकारी कर्मचारी संघटनेने देखील या आंदोलनात त्यांना सहभाग देत पाठिंबा दिला. सीमा मेश्राम या परिचारिकेच्या मृत्यूसंबंधी जबाबदार डॉक्टर व संबंधितांवर कठोर कारवाई करण्याची मागणी परिचारिका संघटनेने केली आहे.

    16 ऑगस्टला परिचारिका कामाच्या तणावात असताना तिला भोवळ आली, रात्री पासून ते सकाळ पर्यंत तिच्यावर कसलाही उपचार करण्यात आला नाही, त्यामुळे मेश्राम यांचा मृत्यू झाला.

    याबाबत सविस्तर माहिती घेतली असता अधिष्ठाता यांनी दोषी डॉक्टर वर कारवाई करणेकरिता चौकशी समिती नेमली आहे, चौकशी पूर्ण झाल्यावर कारवाई करण्यात येईल, सध्या परिचारिका यांनी काम बंद आंदोलन पुकारले असून त्यांच्या जागी शिकाऊ परिचारिका यांना पाचारण करण्यात आले आहे.

    चंद्रपुरात वाजागाजा करीत शासकीय वैद्यकीय महाविद्यालयाची स्थापना करण्यात आली होती, मात्र उपचाराच्या नावावर रुग्णांची हेळसांड ही रोजची बाब झाली आहे, अनेक रुग्ण विविध आजाराने ग्रस्त होऊन चांगला उपचार मिळावा यासाठी वैद्यकीय महाविद्यालय येथे दाखल होतात मात्र शासकीय काम ज्या पध्दतीने केल्या जाते त्याच पद्धतीने याठिकाणी उपचार होतो, चंद्रपुर जिल्ह्यात अनेक नेते, मंत्री होऊन गेले मात्र आरोग्याच्या दृष्टीने सर्वांच काम हे शून्य आहे.

  • 3 शिक्षकांचा धरणात बुडून मृत्यू

    News34

    गोंदिया – 15 ऑगस्टला स्वतंत्र दिनाचे औचित्य साधत अनेकजण सहलीला जातात मात्र कधी ही सहल शेवटची ठरणार याचा कोबी अंदाज नसतो, गोंदिया जिल्ह्यातील खाजगी शिकवणी वर्गात शिक्षक असलेले 3 शिक्षकांचा धरणात बुडून मृत्यू झाल्याची घटना उघडकीस आली.

    हे तिन्ही शिक्षक गोंदिया, भिलाई व उत्तर प्रदेश राज्यातील रहिवासी होते, 15 ऑगस्ट व पारशी नववर्षाची सुट्टी असल्याने एन. मिश्रा, अरविंद व अतुल कडू हे गोंदियातील सिद्धिविनायक शिकवणी वर्गात शिक्षक आहे.

    2 दिवसांची सुट्टी असल्याने आपण सहलीला जाऊ असा प्लॅन झाला होता, भिलाई येथील शिक्षक मित्राच्या आमंत्रणावर राजनांदगाव येथील मांगता धरणावर चार शिक्षक सहलीसाठी गेले होते.

    मात्र खोल पाण्याचा अंदाज न आल्याने 4 पैकी 3 शिक्षक पाण्यात बुडाले यामध्ये तिघांचा मृत्यू झाला, आपत्ती व्यवस्थापन बचाव पथकाने 3 शिक्षकांचे मृतदेह बाहेर काढले, मिश्रा, अरविंद सर व अतुल कडू या तिघांचा यावेळी मृत्यू झाला.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by