Category: राजकारण

senior congress leaders joining BJP

senior congress leaders joining BJP : चंद्रपूर – कॉंग्रेसच्या माजी महिला जिल्हा अध्यक्षा नंदा अल्लुरवार यांनी भारतीय जनता पक्षात अधिकृत प्रवेश केला. आमदार किशोर जोरगेवार यांच्या विवेक नगर येथील गजानन निवासस्थानी आयोजित कार्यक्रमात आमदार किशोर जोरगेवार आणि आमदार किर्तिकुमार (बंटी) भांगडीया यांच्या उपस्थितीत नंदा अल्लुरवार यांनी भाजपमध्ये प्रवेश केला.

यावेळी भारतीय जनता पक्षाचे महानगर अध्यक्ष सुभाष कासनगोट्टूवार, प्रदेश निमंत्रित विशेष सदस्य तुषार सोम, दशरथ सिंह ठाकूर, भाजप नेते प्रकाश देवतळे, भाजप नेते रवी गुरनुले, जिल्हा मध्यवर्ती बँकेचे उपाध्यक्ष यशवंत दिघोरे, संचालक आवेश पठाण, संजय डांगरे, गणेश तडवेकर, ब्रम्हपुरी नगर परिषदेचे सदस्य विलास निखार, कृषी उत्पन्न बाजार समितीचे राजू बोरकर, अमोल शेंडे, करणसिंह बैस, कार्तिक बोरेवार यांच्यासह कार्यकर्त्यांची मोठ्या संख्येने उपस्थिती होती. यावेळी महानगर अध्यक्ष सुभाष कासनगोट्टूवार यांनी अल्लुरवार यांच्या गळ्यात भारतीय जनता पक्षाच्या दुपट्टा टाकून त्यांचा प्रवेश करवून घेतला. women leaders joining BJP

आयुक्त पालीवाल यांना निलंबित करा – राजेश बेले

नंदा अल्लुरवार या माजी मंत्री स्व. वामनराव गड्डमवार यांची कन्या असून त्यांच्या घराण्याचा जिल्ह्यातील राजकारणात ठसा आहे. त्या तीस वर्षांहून अधिक काळ चंद्रपूर जिल्हा सहकारी बँकेच्या संचालक राहिल्या असून सहकार क्षेत्रात, महिला विकासात आणि सामाजिक कार्यात त्यांचे मोठे योगदान आहे. शहर काँग्रेसच्या अध्यक्षपदावर कार्यरत असताना त्यांनी संघटना मजबूत करण्यासाठी विशेष प्रयत्न केले होते. how BJP is gaining ground in Chandrapur politics

भाजपमध्ये प्रवेश करताना नंदा अल्लुरवार म्हणाल्या, “आज मी भारतीय जनता पक्षात प्रवेश करताना मला समाधान वाटते. पंतप्रधान नरेंद्र मोदी, आणि राज्याचे मुख्यमंत्री देवेंद्र फडणवीस यांचा नेतृत्व, विकासाचा दृष्टिकोन, सामान्य माणसासाठी चालवलेले विविध उपक्रम, महिला सक्षमीकरणाचे धोरण मला भावते. चंद्रपूर जिल्ह्यात आमदार किशोर जोरगेवार आणि आमदार किर्तिकुमार भांगडीया यांनी विकासाचे काम केले आहे. मला त्यांच्या सोबत काम करून लोकांसाठी अधिक चांगले योगदान देता येईल असा विश्वास व्यक्त केला.

या प्रवेशामुळे राजकीय समीकरणात बदल होण्याची शक्यता व्यक्त होत आहे. नंदा अल्लुरवार यांचा काँग्रेसमध्ये दीर्घकाळाचा अनुभव, त्यांचा सहकार क्षेत्रातील दबदबा, महिलांमध्ये असलेली लोकप्रियता भाजपच्या संघटनाला अधिक बळकटी देईल, असे मानले जात आहे. senior congress leaders joining BJP

पक्षाला मिळेल ताकद

या प्रसंगी आमदार किशोर जोरगेवार म्हणाले, नंदा अल्लुरवार या अनुभवी, कणखर नेतृत्वाच्या आणि सामाजिक कामात रुजलेल्या कार्यकर्त्या आहेत. त्यांनी महिलांच्या सक्षमीकरणासाठी, सहकार चळवळीसाठी केलेले योगदान मोठे आहे. त्यांच्या भाजप प्रवेशामुळे पक्षाला ताकद मिळेल, असा विश्वास त्यांनी व्यक्त केला.

आमदार किर्तिकुमार (बंटी) भांगडीया म्हणाले, भाजपमध्ये नंदा अल्लुरवार या प्रवेश करून आपल्या कुटुंबात सामील झाल्या आहेत. त्यांनी दीर्घकाळ सहकार क्षेत्रात लोकांशी जवळचा संपर्क ठेवला आहे. त्यांचा अनुभव, लोकांशी असलेली जवळीक पक्ष संघटनेसाठी आणि विकासासाठी मोलाची ठरेल. चंद्रपूर जिल्ह्यात भाजपची ताकद वाढवण्यासाठी आपण सर्वजण एकत्रितपणे प्रयत्न करू,” असे ते म्हणाले.

नंदा अल्लुरवार यांच्या भाजप प्रवेशामुळे चंद्रपूरातील राजकारणात नवीन घडामोडींना चालना मिळेल, असे मानले जाते. काँग्रेसच्या जुन्या नेतृत्वातील मोठे नाव भाजपमध्ये सामील झाल्याने भाजपच्या स्थानिक पातळीवरील रणनीतीला मजबुती मिळेल आणि येत्या काळातील स्थानिक निवडणुकांवरही त्याचा परिणाम होऊ शकतो, असेही मानले जाते.

aap chandrapur political updates today

aap chandrapur political updates today : चंद्रपूर – बाबुपेठ परिसरातील प्रसिद्ध व्यावसायिक आणि सामाजिक क्षेत्रात सक्रिय असलेले श्री. राजूभाऊ तोडासे यांनी आज आम आदमी पार्टीमध्ये अधिकृत जाहीर प्रवेश केला.
हा पक्ष प्रवेश आम आदमी पार्टीचे युवा जिल्हाध्यक्ष राजूभाऊ कुडे यांच्या नेतृत्वात तर वरिष्ठ नेते सुनील मुसळे, जिल्हाध्यक्ष मयूर राईकवार यांचा अध्यक्षतेखाली महानगर कार्यकारिणीच्या प्रमुख पदाधिकाऱ्यांच्या उपस्थितीत पार पडला.

अमृत योजनेचे काम थांबवा

श्री. तोडासे हे गेल्या अनेक वर्षांपासून सामाजिक कार्यात सक्रीय असून, त्यांनी नेहमीच जनतेच्या प्रश्नांसाठी आवाज उठवला आहे. त्यांच्या प्रवेशामुळे बाबुपेठ परिसरातील आम आदमी पार्टीच्या संघटनात्मक बळात मोठी भर पडेल, असा विश्वास पक्षाकडून व्यक्त करण्यात आला आहे. local leader joins aam aadmi party

या प्रसंगी बोलताना श्री. तोडासे म्हणाले की,

“आम आदमी पार्टी हा एकमेव पक्ष आहे जो सामान्य जनतेच्या हक्कांसाठी रस्त्यावर उतरतो. पारदर्शकता, जबाबदारी आणि जनसेवेच्या तत्वांवर चालणाऱ्या या पक्षात आता मी माझं योगदान देणारआहे.”

या कार्यक्रमाला महानगर कार्यकारिणीतील शहर अध्यक्ष योगेश गोखरे, महिला अध्यक्ष तब्बसूम शेख, संघटन मंत्री संतोष बोपचे, अल्पसंख्यांक अध्यक्ष जावेद सय्यद, वाहतूक अध्यक्ष जयदेव देवगडे, जिल्हा विधी सल्लागार ऍड किशोर पुसलवार, माजी सैनिक सुनील सदभय्या, मनीष राऊत, संतोष दोरखंडे, सिकंदर सागोरे, बलराम केसकर, इत्यादी उपस्थित होते.

political monopoly in local tenders

political monopoly in local tenders : चंद्रपूर – आम आदमी पक्षाने (आप) चंद्रपूर शहरातील सत्ताधाऱ्यांवर गंभीर आरोप केले आहेत. त्यात व्यापक भ्रष्टाचार, ‘ठेकेदारी मक्तेदारी’ आणि बेरोजगारांना संधी नाकारल्याचा मुद्दा प्रामुख्याने मांडण्यात आला आहे. पक्षाने चंद्रपूर महानगरपालिका आणि स्थानिक राजकारण्यांच्या जवळच्या व्यक्तींशी संबंधित ‘८५ हजार रुपये वाहन भाडे घोटाळा’ उघडकीस आणल्याचा दावा केला आहे. high rent electric vehicles government scam

आमदारांच्या सचिवांशी जोडलेली उच्च भाड्याची इलेक्ट्रिक वाहने रडारवर

आपचे चंद्रपूर जिल्हाध्यक्ष मयूर राईकवार यांनी प्रसिद्धीस दिलेल्या निवेदनात म्हटले आहे की, चंद्रपूर महानगरपालिकेने मागील एका वर्षापासून दोन इलेक्ट्रिक वाहने (MH34 CD 5828 आणि MH34 BZ 4696) प्रत्येकी ८५,००० रुपये प्रति महिना या दराने भाड्याने घेतली आहेत. ही वाहने स्थानिक आमदारांच्या खासगी सचिवाच्या नावावर नोंदणीकृत असल्याचा आरोप पक्षाने केला आहे.

बनावट कागदपत्रांच्या आधारे चंद्रपुरात गोवंश जनावरांची तस्करी

“शहरातील सामान्य टॅक्सी चालक एका महिन्यात जेवढे कमावतो, त्याच्या दुप्पट हे भाडे आहे,” असे राईकवार यांनी नमूद केले. ते म्हणाले की, सामान्य टॅक्सी चालक दरमहा ३०,००० ते ४०,००० रुपये कमावतात आणि त्यांना ईएमआय, चार्जिंग आणि देखभालीचा खर्च भागवणे कठीण जाते, तर आमदारांचे सचिव थेट ८५ हजार रुपयांचे मासिक भाडे घेतात. “ही व्यवस्था म्हणजे सत्तेचा सरळसरळ गैरवापर आणि सामान्य बेरोजगारांवर अन्याय आहे,” असेही त्यांनी ठामपणे सांगितले. corruption in municipal vehicle contracts

‘ठेकेदारी मक्तेदारी’ आणि दडपलेल्या संधींचे आरोप

आपने पुढे आरोप केला आहे की, महानगरपालिका, जलसंपदा आणि सार्वजनिक बांधकाम विभागांमधील बहुतांश ठेके स्थानिक आमदारांच्या जवळच्या गटांनाच मिळतात. सामान्य बेरोजगार आणि ठेकेदार निविदा भरतात, परंतु त्यांच्यावर दबाव टाकून निविदा मागे घ्यायला लावली जाते, असे पक्षाचे म्हणणे आहे.

“ही मक्तेदारी पद्धत म्हणजे बेरोजगारांसाठी दरवाजे बंद करणे आणि सत्ता केंद्रीत करणे होय,” असे प्रसिद्धी पत्रकात म्हटले आहे.

निवडक प्रसिद्धी: रोजगार योजनांऐवजी महोत्सवांना प्राधान्य?

आपने उपस्थित केलेला एक महत्त्वाचा मुद्दा म्हणजे सार्वजनिक माहितीच्या प्रसिद्धीतील कथित निवडकपणा. पक्षाने निदर्शनास आणले की, ‘माता महाकाली महोत्सव’, विविध उद्घाटने आणि खासगी महोत्सवांची शहराच्या कानाकोपऱ्यात बॅनर, मोबाईल मेसेजेस आणि ढोल-ताशांच्या गजरात मोठ्या प्रमाणावर जाहिरात केली जाते. मात्र, शासकीय योजना, निविदा आणि रोजगाराच्या संधींविषयीची महत्त्वाची माहिती सामान्य बेरोजगारांपर्यंत पोहोचवली जात नाही. political corruption in Chandrapur 2025

“ज्या योजनांचा उपयोग बेरोजगारांना व्हावा, त्या योजनांची जाहिरात हेतुपुरस्सर गुप्त ठेवली जाते आणि केवळ ‘सेटिंग’वाल्यांपर्यंत पोहोचते,” असे आपने म्हटले आहे.

खाजगी लाभासाठी पूरनियंत्रण निधी, वस्त्यांकडे दुर्लक्ष

आमदारांनी ‘पूर नियंत्रण निधी’चा गैरवापर केल्याचा आरोपही पक्षाने केला आहे. मित्राच्या बंगल्यासाठी संरक्षक भिंत बांधण्यासाठी या निधीतून तब्बल ९५ लाख रुपये खर्च करण्यात आल्याचे सांगण्यात आले आहे. याउलट, पावसाळ्यात हजारो रहिवाशांच्या वस्त्यांमध्ये पाणी शिरते, परंतु त्यावर कोणतीही कारवाई केली जात नाही. political monopoly in local tenders

“सामान्य जनतेला केवळ मतदानापुरते वापरणे आणि ‘मित्रगटांना’ सर्व संरक्षण देणे – हीच सत्ताधाऱ्यांची आजची कृती आहे,” असे प्रसिद्धी पत्रकात गंभीरपणे नमूद केले आहे.

पारदर्शकतेच्या मागणीसाठी ‘आप’चे ‘स्वाक्षरी अभियान’

या भ्रष्टाचार, मक्तेदारी आणि बेरोजगारांवरील अन्यायाविरोधात आम आदमी पक्षाने ‘स्वाक्षरी अभियान’ जाहीर केले आहे. पक्ष हजारो नागरिकांच्या स्वाक्षऱ्या घेऊन मुख्यमंत्री देवेंद्र फडणवीस यांना निवेदन सादर करणार आहे.

या निवेदनात या प्रकरणांची सखोल चौकशी करण्याची आणि वाहन भाडे व ठेके प्रक्रियेत पारदर्शकता आणण्याची मागणी केली जाणार आहे.

चंद्रपूरकरांना लढ्यात सामील होण्याचे आवाहन

आपचे चंद्रपूर जिल्हाध्यक्ष मयूर राईकवार यांनी प्रसिद्धी पत्रकाच्या शेवटी चंद्रपूरच्या नागरिकांना या लढ्यात सामील होण्याचे आवाहन केले आहे. “ही लढाई आहे – बेरोजगारांसाठी समान संधी मिळवण्याची. ही लढाई आहे – सत्तेचा गैरवापर थांबवण्याची. ही लढाई आहे – केवळ ‘आपल्या लोकां’साठी नाही, तर ‘सर्वांच्या अधिकारां’साठी!” असे आवाहन त्यांनी केले.

Pratibha Dhanorkar help for tiger attack victim

Pratibha Dhanorkar help for tiger attack victim : चंद्रपूर : काळजावर घाव घालून गेलेल्या वाघाच्या हल्ल्याने ज्या शेतकऱ्यांच्या डोळ्यात अश्रू आणले होते, त्या टेकाडी (ता. भद्रावती) येथील प्रत्येक बाधित कुटुंबाला आता खासदार प्रतिभाताई धानोरकर यांच्या संवेदनशील पुढाकारामुळे मोठा दिलासा मिळाला आहे. वाघाच्या हल्ल्यात आपले आधारस्तंभ बैल गमावलेल्या या शेतकरी बांधवांना तात्काळ आर्थिक मदत मिळवून देण्यात खासदार प्रतिभाताई धानोरकर यांना यश आले आहे. विशेष म्हणजे, त्या पुढेही पाठपुरावा करून अधिक भरीव आर्थिक मदत मिळवणार आहेत. relief for farmers after animal attacks

चंद्रपुरातील रिसॉर्ट मध्ये चाकू कांड

गेल्या काही दिवसांपासून चंद्रपूर जिल्ह्यात वाघांच्या हल्ल्यांनी थैमान घातले आहे, ज्यामुळे बळीराजाचे अतोनात नुकसान होत आहे. आपल्या जीवाभावाच्या जनावरांना गमावल्याने शेतकरी पार कोलमडून गेले आहेत. टेकाडी (ता. भद्रावती) येथील चार कुटुंबांवर तर दुःखाचा डोंगरच कोसळला होता, जेव्हा त्यांचे कष्टाचे साथीदार असे एकूण पाच बैल वाघाच्या हल्ल्यात ठार झाले. हातावर पोट असलेल्या या कुटुंबांसाठी ही केवळ जनावरांची हानी नव्हती, तर जगण्याचा आधारच हिरावला गेला होता.

यामध्ये गणेश विठ्ठल गायकवाड यांना ५२००० रुपये मंजूर करण्यात आले, भाऊराव कवडू नन्नावरे यांना ४८७५० रुपये मंजूर करण्यात आले, रमेश आनंदराव श्रीरामे  यांना ५२५०० रुपये मंजूर करण्यात आले आणि रवींद्र श्रीहरी अलाम यांना तात्काळ ५० हजार रुपयांचा धनादेश देण्यात आला. यावेळी भद्रावती पोलीस ठाण्याचे ठाणेदार लता वाढीवे, वनपरिक्षेत्र अधिकारी संतोष थिपे तसेच ग्रामस्थांची उपस्थिती होती. 

तात्काळ मदत

या हृदयद्रावक घटनेची माहिती मिळताच, खासदार प्रतिभाताई धानोरकर यांनी क्षणाचाही विलंब न लावता, या पीडित शेतकऱ्यांच्या मदतीसाठी धाव घेतली. प्रशासनाकडे त्यांनी तळमळीने पाठपुरावा केला, शेतकऱ्यांचे दुःख आणि त्यांच्या डोळ्यातील आसवे शासनासमोर मांडली. त्यांच्या अथक प्रयत्नांना यश आले आणि प्रशासनाने संवेदनशीलता दाखवत, प्रत्येक बाधित शेतकऱ्यांना तात्काळ आर्थिक मदत जाहीर केली. याबाबत वनपरिक्षेत्र अधिकारी संतोष थिपे यांनी देखील सहकार्य केले असून, पुढील मदतीकरिता त्वरित पाठपुरावा करून भरीव मदत करण्यात येणार आहे.

आभार

या मदतीमुळे या कठीण प्रसंगातून सावरण्यासाठी शेतकऱ्यांना नक्कीच हातभार लागेल. खासदार प्रतिभाताई  धानोरकर यावेळी भावूक होऊन म्हणाल्या, “शेतकऱ्यांच्या डोळ्यातील अश्रू पुसणे, त्यांच्या पाठीशी खंबीरपणे उभे राहणे हे आपले कर्तव्य आहे. वाघांच्या हल्ल्यांमुळे त्यांची होणारी परवड पाहून मन हेलावते. या संकटाच्या काळात त्यांना तात्काळ आधार मिळणे महत्त्वाचे आहे आणि त्यासाठी मी सदैव कटिबद्ध राहीन.”

खासदार प्रतिभाताई धानोरकर यांच्या या तत्परतेमुळे आणि त्यांच्या माणुसकीच्या भूमिकेमुळे, टेकाडी येथील शेतकऱ्यांनी कृतज्ञता व्यक्त केली आहे.