Category: राजकारण

Bhushan Fuse चंद्रपूर – सामाजिक कार्यकर्ते भूषण फुसे यांनी वाढदिवसाच्या निमित्याने आगळावेगडा उपक्रम राबवीला. राजुरा विधानसभा क्षेत्रातील धार्मिक स्थळाना भेटी दिल्यात. रुग्णांना फळ वाटप केले. शाळेतील चिमुकल्या विध्यार्थ्यांना शालेय साहित्य दिले. विधानसभेतील अनेक गावातील समर्थकांनी विविध उपक्रम राबविलेत.

ओबीसी महासंघाचे 9वे राष्ट्रीय अधिवेशन पंजाब येथील अमृतसर मध्ये

Bhushan fuse राजुरा विधानसभेतील अनेक प्रश्नांना आंदोलनाच्या माध्यमातून भूषण फुसे यांनी वाचा फोडली आहे. जीवती, कोरपना, गोंडपिपरी, राजुरा तालुक्यात त्यांचा समर्थकांची संख्या मोठी आहे. नुकतेच भूषण फुसे यांनी वाढदिवस साजरा केला. वाढदिवसाच्या दिवशी त्यांनी अनेक उपक्रम राबविले. विविध धार्मिक स्थळांना त्यांनी भेटी दिल्यात.विविध ठिकाणी त्यांचा समर्थकांनी वृक्षारोपण केले. गोंडपिपरी येथील ग्रामीण रुग्णालयातील रुग्णांना फळांचे वाटप करण्यात आले.करंजी जिल्हा परिषद शाळेतील चिमुकल्या विध्यार्थ्यांना शालेय साहित्याचे वाटप केले.गडचांदूर येथील विठ्ठल रुक्माई मंदिर,संत शिरोमणी नामदेव महाराज मंदिर कमिटी तर्फे भूषण फुसे यांचा सत्कार करण्यात आला. यावेळी मोठ्या संख्येने त्यांच्या समर्थकांची उपस्थिती होती.

अनोखे उपक्रम…

गोंडपिपरी तालुक्यातील जोगापूर येथील गुरुद्वारा येथे फुसे यांनी दर्शन घेतले.जोगापूर गुरुद्वारा कमिटीतील पदाधिकाऱ्यांचा सत्कार केला.पंचशील बुद्ध विहार गोडपिंपरी येथील भंतेजींना चिवरदान केले.राम मंदिर गोंडपिपरी येथे दर्शन केले.करंजी येथील जिल्हा परिषद प्राथमिक शाळेतील विध्यार्थ्यांना पुस्तके आणि पेन्सिलचे वाटप.विध्यार्थाना नव्याकोऱ्या चप्पलाचे वाटप केले.शासकीय रुग्णालय गोंडपिपरी येथे फळ व नवजात शिशूंची किट वाटप करण्यात आली. फुसे यांनी स्वतःच्या हाताने चिमुकलांना चपला घालून दिल्या. हे क्षण बघताच सर्व चिमुकले व त्यांचे पालक तसेच शिक्षक भावनिक झाले होते.

Grid Yojana पोंभूर्णा :-पोंभूर्णा तालुक्यातील १५ गावांना पाणीपुरवठा करणारी वेळवा येथील ग्रीड पाणीपुरवठा योजना मागील दीड महिन्यापासून बंद असल्याने नागरिकांवर दुषीत पाणी पिण्याची वेळ आली असल्याने संतापलेल्या नागरिकांना घेऊन शिवसैनिक पोंभूर्णा पंचायत समिती येथे दाखल होत गटविकास अधिकाऱ्याच्या दालनासमोर आधी घागर फोडण्यात आले व नंतर गट विकास अधिकाऱ्याशी चर्चा करतांना आक्रमक झालेल्या शिवसैनिकांनी गट विकास अधिकाऱ्याच्या अंगावर गढुळ पाणी फेकण्यात आले.

महत्त्वाचे : चंद्रपुरात घडली भूस्खलनाची घटना, कारण काय?

Grid yojana साधारण ३० कोटी रूपये खर्च करून १५ गावातील नागरिकांना पिण्याचे पाणी मिळेल यासाठी ग्रीड योजना सुरू करण्यात आली. मात्र मागील दीड महिन्यापासून वीजेचा बिल भरणा न केल्यामुळे सदर योजना बंद पडली आहे.याचाच परिणाम म्हणून ग्रीड योजनेतील १५ गावच्या लाभार्थ्यांना पावसाळ्यातही गढुळ व दुषीत पाणी प्यावे लागत आहे.याबाबत पंचायत समिती, ग्रामीण पाणीपुरवठा, महाराष्ट्र जीवन प्राधिकरण यांचेकडे समस्यांंचे अनेक निवेदने देण्यात आले होते.मात्र प्रत्येकवेळी संबंधित विभागाने‌ एकमेकांवर बाजू ढकलून देण्याचेच काम केले होते.परिणामी नागरिकांना योजना बंद असल्याने गढुळ व दुषीत पाणी पिल्याशिवाय दुसरा मार्ग उरला नव्हता.यामुळे संंतापलेल्या नागरिकांनी सदर ग्रीडची पाणी पुरवठा योजना सुरू करण्यासाठी शिवसेना उद्धव बाळासाहेब ठाकरे चे जिल्हाप्रमुख संदिप गिऱ्हे यांच्या नेतृत्वाखाली दि.१ ऑगस्ट रोज गुरुवारला पंचायत समिती समोर घागर फोड आंदोलनाचे आयोजन केले होते.पंचायत समिती समोर सुरू झालेले आंदोलन पुढे जाऊन गटविकास अधिकारी यांच्या दालनासमोर घागर फोडण्या पर्यंत गेले.

अवश्य वाचा : जुळ्या भावांनी ठेवला बॉम्ब, मात्र तासाभरात प्लॅन फसला

सदर प्रकरणाबाबत अधिकाऱ्याशी चर्चा करताना नागरिकांचा रोष उफाळून आला व शिवसेनेचे पदाधिकारी सुद्धा आक्रमक झाले. योजनेबद्दल समाधान कारक उत्तर न मिळाल्याने शिवसैनिकांचा ताबा सुटला व उपस्थित शिवसेना पदाधिकाऱ्यांनी गट विकास अधिकारी यांचेवर गढुळ पाणी फेकले.आंदोलक एवढ्यावरच न थांबता त्यांनी गटविकास अधिकाऱ्याच्या दालनात बैठा आंदोलन करून शासनाच्या फसव्या धोरणाचा जाहिर निषेध केला.

गट विकास अधिकारी विवेक बेल्लालवार, ग्रामीण पाणीपुरवठाचे उप अभियंता विलास भंडारी यांचेशी चर्चा करण्यात आली मात्र कोणताही तोडगा निघाला नाही. यादरम्यान जिल्हा परिषदेचे ग्रामीण मुख्य कार्यकारी अधिकारी डॉ.विवेक जाॅन्सन व पाणीपुरवठा योजनेचे कार्यकारी अभियंता बोहरे यांचेशी फोन द्वारे चर्चा करण्यात आले.यावेळी आंदोलनकर्त्यांनी गटविकास अधिकारी यांना समस्यांचे निवेदन दिले.या अनुषंगाने संबंधीत प्रकरणावर समिती गठीत करून ५ ऑगस्ट ला बैठक घेऊन यावर तोडगा काढण्यात येईल असे आश्वासन गटविकास अधिकारी विवेक बेल्लालवार यांनी दिल्या नंतर आंदोलनकर्त्ये बाहेर निघाले.

आंदोलकांवर गुन्हे दाखल

आंदोलक पाणी प्रश्नावर आक्रमक झाले.आंदोलकांनी आधी गटविकास अधिकाऱ्याच्या दालनासमोर घागर फोडले नंतर ते गटविकास अधिकारी यांच्यावर गढुळ पाणी फेकले. प्रकरण हाता बाहेर जाणार असल्याचे लक्षात येताच गट विकास अधिकारी यांनी आंदोलनकर्त्यांशी चर्चा केले व याबाबत वरिष्ठांना माहिती दिली.

गट विकास अधिकारी बेल्लालवार यांच्यावर गढुळ पाणी फेकण्यात आल्याने बेल्लालवार यांनी संबंधितावर पोंभूर्णा पोलिस स्टेशनला तक्रार दाखल केली आहे.पोलिसांनी भारतीय न्याय संहिता कलम १३२,२८९,१८९/२ नुसार गुन्हे दाखल करण्यात आले आहे.सदर गुन्ह्याचा तपास पोलीस उपनिरीक्षक धनराज सेलोकर करीत आहेत.

Mns vs Rto चंद्रपूर:- जिल्ह्यातील उपप्रादेशिक परिवहन कार्यालयात खाजगी कर्मचाऱ्यांच्या माध्यमातून उपप्रादेशिक परिवहन अधिकारी व इतर अधिकारी हे वर्षाकाठी 80 कोटीच्या वर बेकायदेशीर वसुली करून स्वतःची गडगंज संपत्ती मिळवीत असल्याने या परिवहन अधिकाऱ्यांची नार्को टेस्ट करून ईडी मार्फत चौकशी करा व त्यांचेवर गुन्हे दाखल करून त्यांना अटक करा अशी मागणी महाराष्ट्र नवनिर्माण वाहतूक सेनेचे जिल्हाध्यक्ष उमाशंकर तिवारी यांनी स्थानिक प्रेस क्लब येथे आयोजित पत्रकार परिषदेतून केली आहे. यावेळी वाहतूक सेना जिल्हाध्यक्ष महेश वासलवार, मनसे जिल्हाध्यक्ष राजू कुकडे, मनसे जनहीत कक्ष विभागाचे जिल्हाध्यक्ष सुनील गुढे शहर अध्यक्ष पियुष धुपे उपस्थित होते.

अवश्य वाचा : पालकमंत्री मुनगंटीवार झाले भावुक

Mns vs rto चंद्रपूर जिल्ह्यातील उपप्रादेशिक परिवहन कार्यालय आता प्रादेशिक परिवहन कार्यालय झाले असून इथे उपप्रादेशिक परिवहन अधिकारी किरण मोरे यांच्या कडे प्रादेशिक परिवहन अधिकारी चा चार्ज दिला गेला आहे तर सहाय्यक परिवहन अधिकारी आनंद मेश्राम यांच्याकडे उपप्रादेशिक परिवहन अधिकारी म्हणुन चार्ज दिला गेला आहे, या कार्यालयात पैसे दिल्याशिवाय कुठलेही कायदेशीर काम होतं नसून साधे ड्रायविंग लायसन्स काढण्यासाठी सुद्धा एजंट मार्फतच जावे लागते अन्यथा फेल केल्या जाते, या कार्यालयात मोठ्या प्रमाणात वाहन मालकाकडून बेकायदेशीर वसुली होत असून वरील गैरअर्जदार हे ही वसुली करण्यासाठी प्रादेशिक परिवहन कार्यालय, चंद्रपूर येथे अरुण टोंगे, रवी निवलकर, संजय नगराळे, राहूल नगराळे, देवा गोंगले, दिपक खाडीलकर, रमेश नळे, मनोज घडसे, गणवीर, कुणाल नगराळे, पंकज व अतुल माळवे ह्या खाजगी लोकांना शासनाची कुठलीही मंजुरी न घेता बेकायदेशीर कार्यालयीन कामे व वसुली करिता एजंट म्हणुन नियुक्त केले आहे, वास्तविक पाहता उप-प्रादेशिक परिवहन कार्यालय, चंद्रपूरमध्ये कार्यालयीन कामांकरिता शासनाने कोणतेही खाजगी कर्मचारी नेमले नसतांना प्रादेशिक परिवहन अधिकाऱ्यांनी खाजगी ट्रान्सपोर्टर व नवीन गाड्यांच्या शोरूम मालकाकडून व गाड्या पासिंग च्या नावाखाली अवैध वसुली करिता यांना ठेवण्यात आले आहे.

अवश्य वाचा : लोकसभा पावसाळी अधिवेशनात प्रतिभा धानोरकर यांचे जोरदार भाषण

या कार्यालयात एका वर्षात जवळपास एक लाख वाहने नोंदणी होतं असतात तर तेवढेच नागरिक लायसन्स सुद्धा काढतात यामधून यांनी नेमलेल्या एजंट आणि दलाला मार्फत प्रत्येकी 500 रुपये हे बेकायदेशीरपणे या अधिकाऱ्यांच्या घशात जातात म्हणजे वर्षाकाठी जवळपास गाड्या पासिंग व लायसन्स मिळून हे 10 कोटी कमावतात, सोबत फिटनेस व गाडी ट्रान्सफर यासाठी सुद्धा त्यांचे रेट ठरलेले आहेत यातून 2 कोटी रुपये कामावतात, जिल्ह्यात जवळपास ट्रक, हायवा व सिमेंट कंपन्यात चालणारे ट्रक इत्यादी मिळून 10 हजार पेक्षा जास्त गाड्या आहेत त्यातून एंट्री फी च्या नावावर 3 हजार ते 7 हजार हे एजंट मार्फत वसुल करतात त्यांचे महिन्याकाठी 5 कोटी तर वर्षाकाठी 60 कोटी रुपये हे कामावितात, एवढेच नाही तर तेलंगना राज्य सिमा नाका आहे त्या रोड ने कमीतकमी 500 गाड्या चालतात त्या गाडयांकडून प्रत्येकी 500 ते 700 रुपये घेतात त्याची रक्कम 3 लाख रुपये याप्रमाणे महिन्याकाठी 90 लाख तर वर्षाकाठी 10 कोटी 80 लाख रुपये हे कमावितात असे एकूण ते 80 कोटी 80 लाख रुपयापेक्षा जास्त रक्कम कमावितात सोबतच गाड्यांचे टॅक्स सेटलमेंट यातून वर्षाला दोन चार कोटी हे कमावतात तर गाड्यांच्या बोगस रजिस्ट्री सुद्धा येथे केल्या जातात.

असा फुटला गडचांदूर शहरातील तो बॉम्ब

या प्रादेशिक परिवहन कार्यालयात होतं असलेल्या भ्रष्टाचाराची अनेकांनी लाचलुचपत विभागाला, राज्याचे परिवहन मंत्री यांना व स्थानिक जिल्हाधिकारी व पोलीस अधीक्षक यांच्याकडे तक्रारी दिल्या, मात्र यामध्ये प्रादेशिक परिवहन अधिकारी किरण मोरे व सहाय्यक परिवहन अधिकारी आनंद मेश्राम हे एवढे छातीर आहे की समोरच्यांना पैसे देऊन गप्प करतात दरम्यान मोटार वाहन निरीक्षक कलबरसिंग कलसी यांच्याकडे वसुलीच्या पैशाचं काम आहे तेच सर्वाना मैनेज करतात, याबाबत स्थानिक लोकप्रतिनिधी हे काहीही बोलायला तयार नाही त्यामुळं हा भ्रष्टाचार जोरात सुरू असून या प्रकरणी ईडी मार्फत चंद्रपूर येथील प्रादेशिक परिवहन अधिकारी कार्यालयात धाड टाकून चौकशी करावी व सत्यता पडताळणी करिता प्रमुख अधिकाऱ्यांची नार्को टेस्ट करावी आणि दोषी अधिकाऱ्यावर गुन्हे दाखल करून त्यांना अटक करावी अन्यथा आपण सुद्धा त्यांच्यासोबत मिळाल्यास आम्ही या संदर्भात पुराव्यासह न्यायालयात दाद मागू असा इशारा मनसे वाहतूक सेनेच्या माध्यमातून निदेशक, अंमलबजावणी संचालनालय यांना दिला आहे.

परिवहन अधिकारी किरण मोरे म्हणतात की…

याबाबत चंद्रपूर प्रादेशिक परिवहन अधिकारी किरण मोरे यांच्याशी सम्पर्क साधला असता ते त्यांच्यावर केलेल्या आरोपाबाबत स्पष्टीकरण देत कुकडे यांचे सर्व आरोप फेटाळून लावले, ते म्हणाले की 5 दिवसांपूर्वी राजू कुकडे यांच्या चारचाकी वाहनांवर कारवाई करण्यात आली होती, त्यांच्या वाहनाचा टॅक्स पेंडिंग आहे, त्यामुळे वैयक्तिक द्वेषापोटी त्यांनी हे आरोप केले असावे, राहिला प्रश्न चौकशीचा तर आम्ही कुठल्याही चौकशीसाठी तयार आहो अशी प्रतिक्रिया प्रादेशिक परिवहन अधिकारी यांनी दिली.

sudhir mungantiwar आज वाढदिवसाच्या दिवशी जगाच्या कानाकोपऱ्यातून शुभेच्छा मिळत आहे. लोकांचे प्रेम मिळत आहे. या प्रेमाने आपण भारावून गेल्याचे प्रतिपादन राज्याचे वन, सांस्कृतिक कार्य व मत्स्य व्यवसाय मंत्री ना. श्री. सुधीर मुनगंटीवार यांनी केले. बल्लारपूर येथील बालाजी मंदिरात आयोजित महाआरती प्रसंगी ते बोलत होते.

महत्त्वाचे : गडचांदूर बॉम्ब प्रकरणी जुळे भाऊ ताब्यात

Sudhir mungantiwar ना. श्री. मुनगंटीवार म्हणाले की, भगवान बालाजीची आपल्या परिवारावर कृपा आहे. महाराष्ट्रात कोणालाही मिळाला नसेल असा बहुमान भगवान बालाजीने आपल्या परिवाराला दिला आहे. आंध्र प्रदेशच्या चंद्राबाबू नायडू सरकारने माझ्या अर्धांगिनीची नियुक्ती तिरूपती बालाजी मंदिराच्या विश्वस्तपदी केली होती . यातून भगवान बालाजीची सेवा करण्याची सुवर्णसंधी प्राप्त झाली आहे. केवळ मतदारसंघासाठीच नव्हे तर राज्याच्या हितासाठी आपण प्रयत्न करीत आहोत. जनसेवेचे व्रत आपण घेतले आहे. हे व्रत अव्याहतपणे सुरू ठेवण्याचा आपण प्रयत्न करू, असेही ना. श्री. मुनगंटीवार म्हणाले.

अवश्य वाचा : लोकसभा पावसाळी अधिवेशनात प्रतिभा धानोरकर यांचे जोरदार भाषण

ना. श्री. मुनगंटीवार यांच्या वाढदिवसानिमित्त चंद्रपुर जिल्ह्यात विविध कार्यक्रमांचे आयोजन करण्यात आले. बल्लारपूर,दुर्गापूर, लखमापूर येथे महाआरती करण्यात आली. मूल येथे रूग्‍णांना फळे व भेटवस्‍तुंचे वाटप करण्यात आले. कार्यकर्ता स्‍नेहमिलन घेण्यात आले. पुरग्रस्‍त भागातील नागरिकांना अन्‍नधान्‍याच्‍या किटचे वाटप करण्‍यात आले. पोंभूर्णा येथे विविध आजारांवर मोफत उपचार करण्‍यासाठी महाशिबिराचे आयोजन करण्‍यात आले. राजुरा येथेही महाआरोग्‍य शिबिराचे आयोजन करण्‍यात आले. काशीनाथ सोमा टेकाम यांचा पुरात बुडाल्याचे मृत्यू झाला. यांच्‍या पत्‍नी सिंधुबाई टेकाम व मुलगा सुनिल टेकाम यांना पालकमंत्री सुधीर मुनगंटीवार यांच्‍या हस्‍ते चार लाख रूपयांचा सानुग्रह निधी प्रदान करण्‍यात आला. चंद्रपूर महानगर भाजपा तर्फे रक्तदान शिबिर घेण्यात आले. जिल्हाभर कार्यकर्त्यांनी अनेक कार्यक्रम राबविले. वाढदिवसाच्या दिवशीही जनसेवेशी संबंधित उपक्रम राबवित ना. श्री. मुनगंटीवार यांनी लोकनेता कसा असतो, याचा परिचय पुन्हा एकदा दिला.

mp pratibha dhanorkar सध्या लोकसभेचे पावसाळी अधिवेशन सुरु असून 23 जुलै रोजी देशाचा अर्थसंकल्प वित्त मंत्री निर्मला सितारमण यांनी सभागृहात सादर केला. या अर्थसंकल्पावर विरोधी पक्षाने सरकारला चांगलेच घेरले. काल चंद्रपूर-वणी-आर्णी क्षेत्राच्या खासदार प्रतिभा धानोरकर यांनी देखील सभागृहात अर्थसंकल्पावर भाषण देत मोदी सरकार विविध आघाड्यांवर कसे अपयशी ठरले याकडे लख वेधले.

Mp pratibha dhanorkar खासदार धानोरकर यांनी आपल्या भाषणा दरम्यान महाराष्ट्र राज्याला अर्थसंकल्पात सावत्र वागणूक मिळाल्याची खंत देखील व्यक्त केली. त्यासोबतच शेतकरी आत्महत्या रोखण्यात हे सरकार अपयशी ठरल्याचे देखील सांगितले. 2005 नंतर सेवेत दाखल झालेल्या सरकारी कर्मचाऱ्यांना जुनी पेंशन योजना लागू करावी, अशी मागणी देखील सभागृहात केली. शेतकऱ्यांच्या शेतमाला ला हमीभाव मिळावा यासाठी देखील प्रयत्न करावे अशी मागणी केली.

अवश्य वाचा : चंद्रपुरातील युवक आता पायलट बनणार

चंद्रपूर लोकसभा क्षेत्रातील पूर परिस्थितीच्या संदर्भाने देखील सभागृहात चर्चा करुन तात्काळ मदतीची मागणी केली. प्रधानमंत्री पिक विमा योजनेची रक्कम तात्काळ मिळावी, शेतकऱ्यांच्या मागण्यासंदर्भात केंद्र सरकार ने सभागृहात चर्चा करावी अशी मागणी केली. शेतकऱ्यांच्या बी-बियाणावर व साहित्यांवर लावलेला जीएसटी चुकीचे असल्याचा घणाघात देखील खासदार प्रतिभा धानोरकर यांनी केला. नीट मधील पेपर फुटीच्या प्रकरण व आस.ए.एस. अधिकारी पुजा खेडेकर यांच्या संदर्भाने देखील सभागृहाचे लक्ष वेधले. जातनिहाय जणगणना करावी अशी मागणी देखील खासदार प्रतिभा धानोरकर यांनी केली.

अवश्य वाचा : गडचांदूर चा बॉम्ब निकामी, जुळ्या भावांना अटक

महाराष्ट्रातील आरक्षणाचा तिढा केंद्र सरकार ने सोडवावा, अशी देखील मागणी यावेळी करण्यात आली. दरवर्षी दोन कोटी युवकांना रोजगाराचे आमिष दाखवून सरकार ने युवकाची दिशाभूल केल्याचे खासदार प्रतिभा धानोरकर यांनी सांगितले. देशात महिलांवर होणाऱ्या अन्याय व अत्याचारासंदर्भात सरकार ला चांगलेच धारेवर धरले. कोळसा खाणी संदर्भात प्रकल्पग्रस्तांना वाढीव मोबदल्याची मागणी देखील अर्थसंकल्पावरील भाषणात केली. या सोबतच भारत जोडो यात्रे संदर्भात राहुल गांधीनी इतिहास घडविल्याचे वक्तव्य देखील खासदार प्रतिभा धानोरकर यांनी सभागृहात सांगितले. 

cast wise census महाराष्ट्रात मराठा समाज मनोज जंरागे याचे नेतृत्वात आरक्षणाच्या मागणीसाठी आदोंलन करित असतानां खा.प्रतिभा धानोरकर यांनी राष्ट्रपती भवनात मा. राष्ट्रपती र्द्रोपदी मुर्मु यांची भेट घेत जातीनिहाय जनगणेची मागणी केली.

विविध जातीचा आरक्षणासाठी लढा सुरु असुन अनेक आदोंलने महाराष्ट्रात सुरु आहेत. मनोज जरांगे यांच्या नेतृत्वात मराठा समाजाचे आरक्षणासाठी आदोंलन सुरु आहे. या आदोंलनाचा तिढा अदयापही राज्य शासन  सोडवु शकले नाही. अनेक आदोंलन कर्त्यानी आरक्षणासाठी प्राण देखिल गमावले. मागिल 14 वर्षापासून अदयापही केंद्र सरकारने जातनिहाय जनगणना केली नाही. यामुळे सरकारकडे कुठलीही आकडेवारी उपलब्ध नाही.

अवश्य वाचा : चंद्रपुरात युवकांचा जीवघेणा स्टंट

Cast wise census या पार्शभूमीवर खा. प्रतिभा धानोरकर यांनी मा. राष्ट्रपती र्द्रोपदी मुर्मु यांची भेट घेत, महाराष्ट्रातील तिढा सोडविण्याची मागणी या वेळी केली.राज्यातील आरक्षणाचा तिढा सोडविण्यासाठी राज्य सरकार कढुन केंद्र सरकारने अहवाल मागवुन जातनिहाय जनगणना करुन 50 टक्के अरक्षणाची मर्यादा वाढवावी अषी मागणी देखिल यावेळी करण्यात आली.

अवश्य वाचा : ओबीसींच्या 18 जातींचा केंद्रीय सूचित समावेश होणार – हंसराज अहिर

या संदर्भात राष्ट्रपती यांनी सकारात्मक चर्चा होवुन भविष्यात या मध्ये सरकारला मार्ग काढण्याचा प्रयत्न करण्याच्या सुचना करणार असल्याचे सांगितले. यावेळी खासदार प्रतिभा धानोरकर यांच्या सोबत खासदार वंसतराव चव्हाण, खासदार नागेश पाटील, खासदार संजय जाधव याची देखिल उपस्थिती होती.