Category: ग्रामीण वार्ता

News34 chandrapur

चंद्रपूर/सावली – गडचिरोली जिल्ह्यातील सिरोंचा तालुक्यातील होप फाऊंडेशन तर्फे चंद्रपुरातील सावली तालुक्यात 16 सप्टेंबरला मोफत मानसिक आरोग्य शिबिराचे आयोजन करण्यात आले होते.

होप फॉउंडेशन सिरोंचा ही संस्था मानसिक आरोग्य क्षेत्रात गेल्या तीन वर्षापासून गडचिरोली आणि चंद्रपूर जिल्ह्यात काम करत असून मानसिक आजार असलेल्या रुग्णांना मोफत आरोग्य सेवा मिळावी या उदात्त हेतूने दिनांक 16/9/2023 ला होप फॉउंडेशन सिरोंचा तर्फे मे धन्वंतरी मेडिकल सावली ता सावली जिल्हा चंद्रपूर येथे मोफत मानसिक आरोग्य तपासणी शिबिराचे आयोजन करण्यात आले.

सदर शिबिरात मनोविकार तज्ञ डॉ सचिन हेमके तर धन्वंतरी मेडिकल चे औषध निर्माण अधिकारी तथा संचालक संदीप वसंतराव बेगमवार तर होप फॉउंडेशन सिरोंचा चे अध्यक्ष नागेश मादेशी,होप फॉउंडेशन सिरोंचा स्वयंसेवक सूरज गेडाम आदी मान्यवर उपस्थित होते.

सदर मानसिक आरोग्य तपासणी शिबिरात एकूण 10 रुग्णांना मनोविकार तज डॉ.सचिन हेमके यांनी तपासणी केली आणि त्याना होप फॉउंडेशन तर्फे मोफत औषध पण देण्यात आले.

होप फॉउंडेशन सिरोंचा ता सिरोंचा जिल्हा गडचिरोली या संस्थे तर्फे या पूर्वी चामोर्शी येथे पण मोफत मानसिक आरोग्य तपासणी शिबिराचे आयोजन करण्यात आले होते त्यात एकूण 13 रुग्णांना मोफत औषध देण्यात आले होते.

जसे शरीर आजार होतात तसे मानसिक आजार होतात त्यामुळे मानसिक आजाराबद्दल मनात कसलीही लाज न बाळगता आपण मनोविकार तज्ञ किंवा समुपदेशक कडे जाऊन याबद्दल व्यक्त झाले पाहिजे असे होप फॉउंडेशनचे अध्यक्ष नागेश मादेशी यांच्या वतीने आवाहन करण्यात आले.

News34 chandrapur गुरू गुरनुले

मुल – मुल तालुक्यातील राजकीय दृष्ट्या अतिशय संवेदनशील असलेल्या राजोली येथील फ्रेंड्स कॉलनीत बियर बार सुरू होत असल्याबद्दलची माहिती ग्राम पंच्यायत राजोलीच्या ग्रामसभेत ग्रामस्थांनी फ्रेंड्स कॉलनीतील नागरिकांनी लेखी अर्जाद्वारे दिली. आणि संपूर्ण राजोली वाशियांची तारांबळ उडाली.

गावात असो वा हद्दीत बियर बार सुरू करण्यात येऊ नये गावातील शांतता व सुव्यवस्था कायम राहावी विद्यार्थी दारूच्या आहारी जातील गाव बिघडेल भविष्यात गाव गावासारखे शांत राहणार नाही. यासाठी ग्राम पंचायतीने दिनांक २३/८/२०२३ रोजी दुपारी १२ वाजता ग्राम सभेचे आयोजन करण्यात आले.

सभेत विषय क्रमांक ७/१ नुसार मौजा राजोली येथील फ्रेंड्स कॉलनीत सुरु होत असलेल्या बियर बारची परवानगी नाकारण्यात यावी. याविषयावर चर्चा करतांना ग्राम पंचायतीने आतापर्यंत कोणत्याही बियर बारला कुठलीही परवानगी किंवा नाहरकत प्रमाणपत्र देण्यात आलेले नाही. अशी माहिती सभेला उपस्थित असलेल्या अनेक ग्रामस्थांना देण्यात आली. असे असताना सुद्धा परत फ्रेंड्स कॉलनीमध्ये सदरचा बियर बार सुरु होऊ नये, यासाठी बियर बारची परवानगी नाकारण्यात यावी.

याबाबतचे पत्र तात्काळ वरिष्ठ अधिकाऱ्यांना देण्यात यावे असे ठरविण्यात आले. ठराव सर्वानुमते मंजूरही करण्यात आला. असे असताना देखील राजोली ग्राम पंचायत हद्दीत मुजोरीने स्वामी गोल्डन बार अँड रेस्टॉरंट व स्वामी गार्डन बार अँड रेस्टॉरंट असे दोन बार सुरु होण्याच्या मार्गावर आहेत. मौजा राजोली गावाला पूर्वीपासूनच राजकीय वारसा लाभलेला असून गाव राजकीय दृष्ट्या संवेदनशील जरी असले तरी सुद्धा अजूनही गावात शांतता व सुव्यवस्था कायम राखली जात आहे.

पक्षीय मतभेद सोडले तर गावाच्या हितासाठी, नागरिकांच्या कल्याणासाठी आजही गाव एक होतांना दिसून येत आहे. गावात तंटे,भांडण कमी प्रमाणात आहेत. आणि पुढेही गाव असेच शांत व सुव्यवस्थित राहावे अशी संपूर्ण ग्रामस्थांची इच्छा आहे.

यासाठी आदर्श ग्राम पंचायतीने दिनांक २९/२०२३ रोजी जिल्हाधिकारी चंद्रपूर, जिल्हा पोलिस अधीक्षक चंद्रपूर व अधीक्षक राज्य उत्पादन शुल्क विभाग चंद्रपूर यांना लेखी पत्र ग्रामसभेच्या ठरावानुसार फ्रेंड्स कॉलनीतील सुरु होत असलेले बियर बार ची परवानगी त्वरित रद्द करण्यात यावी आशयाचे पत्र ग्रामस्थांच्या वतीने व हितासाठी राजोली ग्राम पंचायतीचे सरपंच जितेंद्र लोणारे यांनी दिले आहे.

News34 chandrapur

घुग्घूस : येथील चंद्रपूर यवतमाळ – पुणे महामार्गाला जोडणाऱ्या रस्त्यावर रेल्वे गेट क्रं 39 वर आर.के. मथानी या कंपनीच्या वतीने रेल्वे उड्डाणपूल निर्माणाचे कार्य अत्यंत कासवगतीने व निकृष्ट दर्जाचे शुरु असून या रस्त्यावर दररोज नागरिकांच्या होणाऱ्या अपघाताने आक्रोशीत झालेल्या घुग्गुस काँग्रेस कमिटीतर्फे शहर अध्यक्ष राजुरेड्डी यांच्या नेतृत्वाखाली आज दिनांक 12 सप्टेंबर रोजी दुपारी 12 वाजता रस्त्यावर बेशरमची झाडे लावून कंपनी विरोधात निषेध आंदोलन करण्यात आले.

व यानंतर कंपनीच्या कार्यालयात कंपनी अधिकारी मनन जोशी याला घेराव घालण्यात आला संतप्त वातावरण लक्षात घेता पोलीस निरीक्षक आसिफराजा यांनी पोलीस दलासह आर.के मथानी कार्यालयात पोहचत आंदोलकांना शांत करण्याचा प्रयत्न केला.

मात्र कंपनी जो पर्यंत रस्ता दुरूस्तीचे काम करीत नाही तो पर्यंत आम्ही जाणार नाही अशी भूमिका आंदोलनकर्त्यानी घेतली असता जोशी यांनी गणेशोत्सव शुरु होण्यापूर्वी रस्ता नीटनेटका करून देण्याचे आश्वासन दिल्याने काँग्रेस पदाधिकाऱ्यांनी परतीचा मार्ग धरला

आर.के .मथानी कंपनीने सदर पूल निर्माण करण्याची मुद्दत ही एक वर्षाची असतांना दोन वर्षे लोटून ही अर्धे ही काम झालेले नाही.

राजीव रतन कडून वणी कडे जाणारे तसेच महातरदेवी कडे जाणारा रस्ता व बस स्थानकाकडे येणाऱ्या रस्त्यावर मोठं – मोठे खड्डे पडलेले असून यामध्ये दररोज दुचाकी,चारचाकी वाहन व पादचारी नागरिकांचे मोठ्या प्रमाणात अपघात होत आहेत.
तसेच हा रस्ता पूल निर्माणा करिता बंद असल्याने स्थानिक ट्रान्सपोर्टरचे ही अतोनात नुकसान होत आहे
रस्त्यांची दुरुस्ती व पुलाचे कार्य जलदगतीने करण्यासाठी काँग्रेस तर्फे आजचा आंदोलन करण्यात आले.

सदर आंदोलनात काँग्रेस जिल्हा महासचिव पदमा त्रिवेणी, जिल्हा महिला उपाध्यक्ष यास्मिन सैय्यद,जिल्हा महिला सचिव पुष्पा नक्षीने,जिल्हा सचिव दुर्गा पाटील, एस.सी.सेल शहर अध्यक्ष दिप्तीताई सोनटक्के, महिला सचिव मंगला बुरांडे,संध्या मंडल, सरस्वती कोवे,राधाबाई गोगला,मीना श्रीवास्तव, आईशा शेख, मीराबाई तुरणकार, राजकुमारी निषाद, प्रतिभा उईके, ज्येष्ठ काँग्रेस नेते शामराव बोबडे, शेख बाबा कुरेशी, सैय्यद अनवर, सुधाकर बांदूरकर,अलीम शेख, अनिरुद्ध आवळे,मोसीम शेख,शमीउद्दीन शेख, रोशन दंतलवार, रोहित डाकूर, विशाल मादर,युवा नेते अनुप भंडारी,विजय माटला, आकाश चिलका,अरविंद चहांदे, थॉमस अर्नाकोंडा, शहजाद शेख,अभिषेक सपडी, बालकिशन कुळसंगे, भैय्या भाई,दिपक कांबळे, सुनील पाटील, बल्ली भाई, कुमार रुद्रारप,विशाल नागपुरे, साहिल सैय्यद,नाणी मादर, नितीन मानकर, अकबर शेख,शहशाह शेख,अंकुश सपाटे,रंजित राखुंडे व मोठ्या संख्येने नागरिक व पदाधिकारी उपस्थित होते.

News34 chandrapur

मूल :- तालुक्यांतील फीस्कुटी येथील पपलु वामन शेंडे हे जगदिश गावतुरे रा. चंद्रपूर यांची शेती करतात. आज मंगळवार ला सकाळी ७:३० चे दरम्यान महीला मजुर नींदन करण्यासाठी त्याचे शेतात गेले असता त्यांना तीथे एक वाघ मृतावस्थेत आढळला.

त्यांनी ही माहिती शेतमालकाला दिली. शेतमालकाने फीस्कुटी चे सरपंच मार्फत ही माहिती पोंभुर्णा वनपरिक्षेत्र अधिकारी यांना दिली. माहीती मिळताच वनाधिकारी व कर्मचारी घटनास्थळी पोहोचले. पाहणी केली असता दोन ते अडीच वर्षाची वाघीण असल्याचे निदर्शनास आले.

नुकतेच रविवारी सायंकाळी मूल-सिंदेवाही मार्गावर वाहनाच्या धडकेत एका बिबट्याचा मृत्यू झाल्याने वनविभागात खळबळ उडाली होती. अज्ञात वाहनाच्या धडकेत या बिबट्याचा मृत्यू झाल्याचे बोलले जात होते. वनविभागाने त्या दिशेने तपास सुरू केला असतानाच आज फिस्कुटी शेतात अडीच वर्षाची वाघीण मृत अवस्थेत आढळली आहे. त्याचा तपास वनविभाग करीत आहे.