News34 chandrapur भाग 2

चंद्रपूर – दुर्गापुरात चालतो अवैध सट्टा या पहिल्या सत्रानंतर आता आपण या बातमीत बघणार आहो की दुर्गापुरात कसे खुलेआम विना परवाना अवैध बार सुरू आहे.

विशेष म्हणजे या बार मध्ये कमी किमतीत आपल्याला दारू प्यायला मिळते, महत्वाची बाब म्हणजे दुर्गापुरात 1 नाही तर 2 विना परवाना अवैध बार सुरू आहे. चंद्रपूर जिल्ह्यात 1 कोटी 11 लाखांचा प्रतिबंधित पान मसाला जप्त

मागील अनेक वर्षांपासून हा अवैध दारूचा गोरखधंदा नित्याने सुरू आहे, चंद्रपूर जिल्हा हा औद्योगिक जिल्हा म्हणून ओळखल्या जातो, कामगार वर्गाची संख्या याठिकाणी असंख्य आहे.

त्याचा फायदा घेत काही 2 नंबरी चालकांनी थेट दुर्गापूर पोलीस ठाण्याच्या अवघ्या 500 मीटर अंतरावर हे विना परवाना अवैध बार सुरू आहे, पोलिसांना हे माहिती नसेल असे मुळीच नाही.

या विना परवाना बार मध्ये आपल्याला हॉटेल सारखी व्यवस्था केली जाते, विशेष करून चकना सुद्धा मोफत मिळतो.

पण हे सगळं अवैध व छुप्या पद्धतिने सुरू आहे, विना परवाना अवैध बार धारक काही अंतरावर दारूच्या बॉटल्स लपवून ठेवतात, उर्जानगर येथील कोयना गेट च्या बाजूला तर शक्तीनगर गेट च्या आधी हे दारूचे दुकान थाटण्यात आले आहे.

दुर्गापुरात अनेक ठिकाणी असंख्य घरी दारू मिळते, याबाबत दुर्गापूर पोलीस व उत्पादन शुल्क विभागाला पुरेपूर माहिती असून सुद्धा यावर कारवाई करण्यास हे दोन्ही विभाग टाळाटाळ करतात.

या अवैध बार मुळे शासनाचा महसूल तर बुडतंच आहे सोबत परवाना धारक बार धारकांकडे आता या कमी किमतीच्या दारूमुळे आता व्यसनाधीन नागरिकांनी पाठ फिरविणे सुरू केले आहे.

नकली दारूमुळे असंख्य नागरिकांचा जीव जातो मात्र तश्या घटनेचा उद्रेक जेव्हा होणार त्यावेळी उत्पादन शुल्क विभाग व दुर्गापूर पोलीस नक्की जागे होतील हे निश्चित….क्रमशः… पुढील भागात नक्की भेटूया…नव्या माहितीसह

News34 impact

चंद्रपूर – चंद्रपूर जिल्ह्यात नियमबाह्य पध्दतीने सुरू असलेल्या व्हिडीओ गेम पार्लरवर News34 च्या बातमीची जिल्हा पोलीस अधिक्षकाने दखल घेत कारवाई करण्याचे निर्देश दिले आहे.

चंद्रपूर शहर व ग्रामीण भागात नियमबाह्य पध्दतीने अनेक वर्षांपासून सुरू असलेल्या व्हिडीओ गेम पार्लवर अखेर पोलीस प्रशासनाने कारवाईचा बडगा पुकारला आहे.

विशेष म्हणजे चंद्रपूर शहरात मनपा च्या गाळ्यात ही दुकाने सुरू आहे, नियमानुसार अश्या दुकानांना परवानगी देता येत नाही, व्हिडीओ गेम पार्लर संचालकांनी मनपा गाळे घेताना कशाचा आधार घेत व्हिडीओ गेम पार्लर सुरू केले याची चौकशी मनपा प्रशासनाने केल्यास त्यामध्ये प्रचंड तफावत आढळणार.

मनपाच्या गाळ्यात आज व्हिडीओ गेम पार्लर सुरू आहे, उद्या कुणी जुगार क्लब, बिअर बार साठी परवानगी मागितली तर त्यांना ती परवानगी मिळणार काय? हा मोठा प्रश्न आहे.

एक व्हिडिओ गेम पार्लर पासून दुसरे व्हिडीओ गेम पार्लर सुरू करायचे असल्यास त्यामध्ये तब्बल 75 मीटर अंतर असावे लागते, मात्र शहरात राजकला टॉकीज क्षेत्रात असे कोणतेही नियम पाळण्यात आले नाही.

व्हिडीओ गेम पार्लर पासून तब्बल 75 मीटर अंतरावर शाळा, धार्मिक स्थळ हे दूर असावे, या संदर्भात वर्ष 2015 मध्ये सामाजिक कार्यकर्ता हिमायू अली यांनी 4 दिवस आमरण उपोषण करीत व्हिडीओ गेम पार्लर च्या मनमानी कारभार विरोधात लढा दिला होता.

व्हिडीओ गेम पार्लर परवान्यात किती मशीन ची परवानगी व सध्या किती मशीन लावण्यात आल्या? त्या मशीनमध्ये अशी काय सेटिंग केली की तिथे कुणीही पैसे जिंकत नाही, हा खेळ म्हणजे एक प्रकारचा जुगार आहे.

News34 ची बातमी झळकताच जिल्हा पोलीस अधीक्षक रवींद्र परदेशी यांनी कारवाईचे निर्देश दिले.

जिल्हा पोलीस अधीक्षक रविंद्र परदेशी यांच्याशी संपर्क साधला असता त्यांनी सांगितले की सदर व्हिडीओ गेम पार्लर मध्ये काही अवैधपणे व नियमांचे उल्लंघन आढळून आल्यास त्यावर कारवाईचे आदेश मी पोलिसांना दिले आहे.

विशेष म्हणजे शहर पोलिसांनी राजकला टॉकीज परिसरातील काही पार्लर बंद केल्याची माहिती मिळाली आहे, पोलीस सध्या नियम तपासून त्यांच्यावर पुढील कारवाई करणार आहे.

विशेष म्हणजे सदर व्हिडीओ गेम पार्लर वर राजकीय आशीर्वाद असल्याने हे धंदे सर्रासपणे सुरू आहे.

News34 chandrapur

चंद्रपूर – दुर्गापूर हा भाग वन व सांस्कृतिक कार्यमंत्री, पालकमंत्री सुधीर मुनगंटीवार यांच्या विधानसभा क्षेत्रातील मतदार संघ, मात्र या मतदार संघात अवैध धंद्याचा सध्या बोलबाला सुरू आहे.

जुगार असो की सट्टा हे कार्य या भागात खुलेआम सुरू आहे, मात्र पोलीस यावर कारवाई करणे टाळत आहे, पण का? हे उत्तर तर खुद्द पोलीस विभाग देऊ शकतो.

2 वर्षांपूर्वी दुर्गापूर भागात जाकीर नावाच्या इसमाने सट्टा व जुगार खुलेआम सुरू केला होता, ते सुद्धा पोलीस स्टेशनच्या अवघ्या 200 मीटर अंतरावर, पण त्यावेळी News34 ने जाकीर च्या अवैध धंद्याचा पर्दाफाश केला.

तत्कालीन पोलीस अधीक्षक अरविंद साळवे यांनी तात्काळ जाकीर व कैलास चा जुगार व सट्टा बंद पाडला, मात्र 2 वर्षे गेल्यावर आज जाकीर पुन्हा या धंद्यात सज्ज झाला.

त्याने त्याच ठिकाणी सट्टा बाजार सुरू केला आहे, ते सुद्धा दुर्गापूर पोलीस स्टेशनच्या 200 मीटर अंतरावर, ही बाब पोलिसांना माहीत नसेल काय?

जाकीर हा सट्टा धंद्यातील मास्टर आहे, त्याने यापूर्वी असे अनेक उद्योग केले आहे, त्याने पुन्हा सुरू केलेला हा सट्टा कुणाच्या संमतीने सुरू आहे.

ही बाब काही दिवसात समोर येईलच, News34 ने याआधी दुर्गापुरातील सट्टा व्यवसायी महाराज च्या धंद्याचं बिंग फोडलं होते.

सध्या दुर्गापूर पोलीस स्टेशनमध्ये नवे पोलीस निरीक्षक जीत्तावार रुजू झाले आहे, त्यांनी नागपुरातील स्थानिक गुन्हे शाखेत कामगिरी बजावली आहे, पण त्यांच्या हद्दीत सुरू असलेल्या या अवैध धंद्याचं काय?

मागील अनेक दिवसांपासून सुरू असलेला हा सट्टा बाजार पोलिसांच्या नजरेस पडला नाही काय? कुणाच्या संमतीने हे अवैध धंदे दुर्गापुरात सुरू आहे.

पालकमंत्री सुधीर मुनगंटीवार यांच्या विधानसभा क्षेत्रात सुरू असलेल्या या अवैध धंद्याना जबाबदार कोण आहे? हा थेट प्रश्न पालकमंत्री मुनगंटीवार यांना लवकरचं विचारण्यात येईल.

या बातमीमध्ये दुर्गापुरातील जाकीर च्या सट्टा बाजाराची कहाणी आहे, दुसऱ्या भागात दुर्गापूर पोलीस स्टेशन हद्दीत पुन्हा अवैध धंद्याची पोलखोल आम्ही करणार आहोत, ते बघून तुम्ही सुद्धा कपाळावर हात ठेवणार…पुढील दिवसात दुसरा भाग…क्रमशः