Category: चंद्रपूर शहर

vishalgad नुकत्याच 14 जुलै रोजी झालेल्या कोल्हापूर जिल्ह्यातील विशालगड परिसरात अतिक्रमणाच्या नावाखाली नियोजनबद्ध पद्धतीने विशालगडावरील मस्जिद आणि दर्गाह शरीफवर जमावाने केलेल्या हिंसाचार, जाळपोळ तसेच स्थानीक गजापुर गावात मुस्लिम लोकांच्या घरावर आत्मघाती हल्ले,लहान मूल,महिलांवर अत्याचार या सर्व घटनेचा जाहीर निषेध करीत आरोपींवर कठोर कारवाई करावी याबाबत कादर शेख सहित सामाजिक संघटनांनी मुख्यमंत्री एकनाथ शिंदे यांना निवेदनातून मागणी केली आहे.

Vishalgad कारण विशालगड आणि तेथील समस्याचें काही प्रकरण हे न्यायालयात प्रलंबित असून त्यावर कोणत्याच प्रकारचे अंतिम निर्णय झालेले नसून अशा परिस्थितीत जमावाला हिंसांचारासाठी प्रोत्साहित करणे त्या परिसरातील विशेषतः मुस्लिम लोकांवर हल्ले करने त्यांच्या मालमत्तेचे नुकसान करने ही घटना पुरोगामी महाराष्ट्र राज्याला काळीमा फासणारी असून ही घटना महाराष्ट्रातील सामाजिक आणि धार्मिक तणाव निर्माण करणारी आहे. त्यामुळे तात्काळ या घटनेची नोंद घेऊन या अत्याचारात सहभागी असलेल्या आणि या जमावाला हल्यासाठी प्रोत्साहित करणाऱ्या व्यक्ती अथवा संघटनेवर तात्काळ करवाई व्हावी. तसेच विशाळगड जवळ असणाऱ्या गजापूर या मुस्लिम वस्तीवर जमावाकडून करण्यात आलेल्या जीवघेणा हल्ल्यातील दोषींवर तात्काळ कठोर शिक्षा झाली पाहिजे. तसेच या नियोजनबद्ध पद्धतीने करण्यात आलेल्या विशालगड मधील मशिद व दर्गाशरीफ तसेच गजापूर गावातील मुस्लिम लोकांवर व त्यांच्या मालमत्तेची तोडफोड, जाळपोळ याची नुकसान भरपाई आणि आर्थिक मदत शासनाकडून तात्काळ देण्यात यावी. अशी मागणी चंद्रपूर उपजिल्हाधिकारी मार्फत मुख्यमंत्री एकनाथ शिंदे यांना निवेदन देण्यात आले.

विशालगडावरील मस्जिद आणि त्या परिसराला पोलिस संरक्षण देण्यात यावे. अशी मागणी निवेदनाच्या माध्यमातून मुख्यमंत्री महाराष्ट्र राज्य यांना करण्यात आली, यावेळी युवा नेते कादर शेख, सामाजिक कार्यकर्ता जागृत मुस्लिम विकास मंचाचे अध्यक्ष सय्यद हाजी हारून साहब, अधिवक्ता आरजू सय्यद, ताज कुरेशी, साजिद शेख, शोएब शेख शिष्टमंडल उपस्थित होते.

Sudhir mungantiwar चंद्रपूर : महिलांना आर्थिकदृष्ट्या सक्षम होण्यास मदत करणे आणि नियमित मासिक उत्पन्न देऊन त्यांचे जीवनमान सुधारणे या उद्देशातून राज्य शासनाने मुख्यमंत्री माझी लाडकी बहीण योजना सुरू केली आहे. या योजनेसोबतच राज्य शासनाच्या विविध योजनांचा लाभ घेणे सोयीचे व्हावे या उद्देशातून भाजप नेते मनोज पाल यांच्या पुढाकारातून सेवा केंद्र सुरू करण्यात आले आहे. या केंद्रातून गरजुंना आधार देण्याचे काम केले जाईल, असे प्रतिपादन राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री सुधीर मुनगंटीवार यांनी केले.

Sudhir mungantiwar भाजप नेते मनोज पाल यांच्या पुढाकारातून सुधीरभाऊ मुनगंटीवार सेवा केंद्र सुरू करण्यात आले आहे. शहरातील नेताजी सुभाषचंद्र बोस चौकातील या केंद्राचे उद्घाटन १७ जुलैला पालकमंत्री सुधीर मुनगंटीवार यांच्या हस्ते पार पडले. यावेळी भाजपचे जिल्हाध्यक्ष हरीश शर्मा, महानगर अध्यक्ष राहुल पावडे, मनोज पाल, मंगेश गुलवाडे, संदीप आवारी, संजय कंचर्लावार, सुभाष कासनगोट्टूवार, भारती दुधानी, छबू वैरागडे, रुद्रनारायण तिवारी यांच्यासह भाजपचे पदाधिकारी, कार्यकर्ते मोठ्या संख्येने उपस्थित होते.

राज्य शासनाच्यावतीने सर्वसामान्य नागरिकांसाठी अनेक योजना राबविल्या जातात. परंतु, शासकीय योजनांची माहिती अनेकांना नसते. बरेचदा माहिती असूनही त्या योजनांचा लाभ कसा घ्यायचा, हे कळत नाही. त्यामुळे मनोज पाल यांच्या पुढाकारातून सुरू करण्यात आलेले सेवा केंद्र गरजुंच्या पाठिशी उभे राहण्याचे काम करणार असल्याचे पालकमंत्री मुनगंटीवार यावेळी सांगितले. कार्यक्रमाच्या सुरवातीला मनोज पाल यांनी पालकमंत्री सुधीर मुनगंटीवार यांचा सत्कार केला. त्यानंतर मुनगंटीवार यांच्या हस्ते केंद्राचे रितसर उद्घाटन करण्यात आले. या केंद्राच्या माध्यमातून सकाळी ११ ते रात्री ८ वाजेपर्यंत निःशुल्क सेवा दिली जाणार आहे. याचा शहरातील जास्तीत जास्त नागरिकांना लाभ घ्यावा, असे आवाहन मनोज पाल यांनी यावेळी केले. कार्यक्रमाला परिसरातील नागरिकांची मोठ्या संख्येने उपस्थिती होती.

Tadpatri Vatap चंद्रपूर जिल्ह्यात झालेल्या मुसळधार पावसाने भिवापूर वॉर्ड, बेनार चौक परीसरातील पाऊस वाऱ्याने अनेक घरांची छप्परे उन्मळून पडली होती अश्या झोपडपट्टी वासीयांना गोरगरीब गरजू लोकांना अवंती – अंबर सामाजिक प्रतिष्ठान, चंद्रपूरचे अध्यक्ष काँग्रेसचे नेते महेश मेंढे यांच्या तर्फे ताडपत्रीचे वाटप करण्यात आले.

दोन दिवसापूर्वी चंद्रपुरात मुसळधार पाऊस पडला. त्यामुळे होणाऱ्या मानवी मालमत्तेचेही मोठे नुकसान झाले आहे. पाऊस वाऱ्याने अनेक घरांची छप्परे उन्मळून पडली आहेत. ज्यांच्या घराचे नुकसान झाले आहे, वादळामुळे छप्पर उखडले आहे अशा कुटुंबांच्या मदतीसाठी महेश मेंढे यांनी तात्काळ धाव घेतली असून तात्काळ मदतीसाठी ताडपत्री उपलब्ध करून दिल्या आहेत.

Tadpatri vatap मुसळधार पावसामुळे घरांच्या आतील भागांना अधिक नुकसान होऊ नये म्हणून या ताडपत्री तात्पुरत्या छप्पर म्हणून वापरल्या जातील. त्यामुळे त्यांना थोडा आसरा मिळेल या उद्देशाने त्यांना ताळपत्रीचे वाटप करण्यात आले. ताळपत्री वाटप कार्यक्रमामुळे गोरगरीब गरजू लोकांमध्ये आनंदाचे वातावरण पसरले आहे. सदर उपक्रमात लोकांचा मोठया प्रमाणात प्रतिसाद मिळाला.

यावेळी ताळपत्रीचे वाटप करतांना अवंती – अंबर सामाजिक प्रतिष्ठान, काँग्रेसचे नेते महेश मेंढे यांचेसह  मनपाचे माजी नगरसेवक वसंतदादा देशमुख, समाजसेविका सौ. वैशाली चंदनखेडे, सामाजिक कार्यकर्ता प्रकाश चंदनखेडे , उपसरपंच रोशन रामटेके, अविनाश मेश्राम व इतर कार्यकर्ते उपस्थित होते.

Main Bus Stand Chandrapur चंद्रपूर शहरातील मुख्य बस स्टाप वर अनेक महिलांचे दाग,दागिने व पैसे चोरीला गेल्याच्या अनेक तक्रारी पोलीस स्टेशन तसेच महिला काँग्रेस कडे प्राप्त झाल्या आहेत,परंतु बस स्थानकावर cctv नसल्यामुळे त्या चोरट्याना पकडणे शक्य नसल्याचे पोलीस विभागाकडून सांगण्यात येत आहे. त्याकरिता बस स्थानकांवर सीसीटीव्ही लावण्यात यावे या मागणीचे निवेदन शहर महिला कांग्रेस अध्यक्ष चंदा वैरागडे यांनी खासदार प्रतिभा धानोरकर यांना दिले आहे.

मागील महिन्यात सौ.अगडे यांचे 6 तोळे आणि श्रीमती डोरलीकर यांचे 10 तोळे, सोनं बस स्थानकावरून चोरीला गेले. याबाबतची तक्रार रामनगर पोलीस स्टेशन चंद्रपूर मध्ये करण्यात आली, परंतु पोलीस विभागाकडून अजूनपर्यंत कुठलही समाधानकारक उत्तर मिळत नाही आहे, त्यामुळे संबंधित महिलांनी शहर महिला काँग्रेस अध्यक्ष चंदाताई वैरागडे यांची भेट घेऊन न्याय देण्याची मागणी केली.

चंद्रपूर जिल्ह्यातील कायदा व सुव्यवस्था अबाधित राहण्यासाठी जिल्ह्यात कलम 36 लागू

या प्रकरणाची तात्काळ दखल घेऊन ज्यांचे सोने चोरीला गेले त्या महिलांना सोबत घेऊन पोलिस अधीक्षक सुदर्शन मुमक्का तसेच खासदार प्रतिभाताई धानोरकर यांची भेट घेऊन दोन्ही महिलांचे सोने बस स्टॉप वरून चोरीला गेले असल्याने त्यांचेवर आर्थिक आणि मानसिक संकट ओढवले आहे,आपण याप्रकरणात लक्ष घालून न्याय देण्याची मागणी करणारे निवेदन खासदार धानोरकर तसेच जिल्हा पोलीस अधिक्षक यांना दिले.

Main Bus Stand Chandrapur मागील अनेक वर्षांपासून मुख्य बस स्थानकाचे काम सुरू आहे, आता फक्त 10 टक्के काम शिल्लक आहे,मात्र अजूनही बस स्थानक व्यवस्थापकाने प्रवाश्यांची सुरक्षितता याबाबत विचार केला नाही, बस स्थानक हे नागरिकांच्या वर्दळीचे ठिकाण आहे, अश्या ठिकाणी गर्दीचा फायदा घेत चोर आपला डाव साधतात, हा प्रकार पोलीस व बस स्थानक व्यवस्थापक यांना माहीत आहे. याकडे आता लक्ष देण्याची गरज आहे.

मात्र त्यानंतर सुद्धा अजूनही प्रशासनाने याबाबत काही ठोस पाऊले उचलली नाही, त्यामुळे आजही चोरीच्या घटना बस स्थानक परिसरात घडत आहे. विशेष म्हणजे अजूनही परिसरातील प्रतिष्ठाने अजूनही बस स्थानकातील इमारतीमध्ये स्थानांतरित करण्यात आले नाही. त्यामुळे अजूनही बस स्थानक व्यवस्थापक प्रवाश्यांच्या सुरक्षितेतकडे गांभीर्याने लक्ष देत नाही.

त्यामुळे अजूनही गुन्हेगारी मुख्य बस स्थानक परिसरात फोफावत आहे, प्रशासनाने बस स्थानक परिसरात तात्काळ सीसीटीव्ही लावत चोरीच्या घटनांना आळा बसवावा अशी मागणी महिला कांग्रेस तर्फे खासदार प्रतिभा धानोरकर यांच्याकडे केली आहे.