Category: चंद्रपूर शहर

GMC chandrapur चंद्रपूर : शासकीय वैद्यकीय महाविद्यालयाच्या ज्या रुग्णालयात चंद्रपूर, यवतमाळ, गडचिरोली जिल्ह्यातील तसेच शेजारच्या तेलंगणा राज्यातील हजारो रुग्ण उपचार घेतात,त्या रुग्णालयातील 5 निवासी डॉक्टरांना वस्तीगृहातील अस्वच्छतेमुळे डेंगूची लागण होणे,डेंगूची लागण झाल्यानंतर खाजगी रुग्णालयात उपचार घ्यायची वेळ येणे या सर्व गंभीर बाबी आहेत.चंद्रपूर वैद्यकीय महाविद्यालयाची अवस्था या निमित्ताने पुन्हा एकदा चव्हाट्यावर आली.

अवश्य वाचा : चंद्रपुरातील 8 महिन्याच्या बाळाने गिळली काजळाची डबी, आणि नंतर घडलं असं

GMC chandrapur बारामती व चंद्रपूर वैद्यकीय महाविद्यालयाला 2014 मध्ये एकाच वेळी मंजुरी मिळाली. 2014 ते 2019 या पाच वर्षात बारामतीचे आमदार अजित पवार विरोधी पक्षात असताना तेथिल वैद्यकीय व रुग्णालयाची सुसज्ज इमारत उभी राहिली.
या काळात राज्याचे अर्थमंत्रीपद चंद्रपूर जिल्ह्याच्या वाट्याला आले होते. मात्र वैद्यकीय महाविद्यालय व रुग्णालयाचे बांधकाम पूर्ण होऊ शकले नाही. 2024 मध्ये दहा वर्षे होऊनही चंद्रपूरच्या वैद्यकीय महाविद्यालयाचे बांधकाम अपूर्ण आहे. चंद्रपूरच्या वैद्यकीय महाविद्यालयाला राज्य शासनाने सावत्रपणाची वागणूक दिली. राज्य शासनाने चंद्रपूर जिल्ह्यावर अन्याय केला असून बारामतीला मात्र झुकते माप दिले. हजारो रुग्णांना याचे गंभिर परिणाम भोगावे लागले,अनेक रूग्णांची मोठी हाणी झाली. त्यामुळे जिल्ह्याला अर्थमंत्री पद मिळण्यात काय ‘अर्थ’ राहिला ? हा प्रश्न सुध्दा उपस्थित होतो. दहा वर्षात वैद्यकीय महाविद्यालयाची इमारत पूर्ण न होणे हे सर्वपक्षीय नेत्यांचे अपयश आहे. आता तरी जिल्ह्यातील सर्व लोकप्रतिनिधींनी या विषयाकडे गांभीर्याने लक्ष द्यावे अशी मागणी आम्ही नागरिकांतर्फे करीत आहोत.

देशमुख यांनी बारामती वैद्यकीय विद्यालयाला भेट देऊन माहिती घेतली

काही महिन्यांपूर्वी पप्पू देशमुख यांनी बारामतीला जाऊन तेथिल वैद्यकीय महाविद्यालयाला प्रत्यक्ष भेट दिली होती. त्यावेळी त्यांनी बारामती वैद्यकीय महाविद्यालयातील विद्यार्थी, रुग्ण तसेच डॉक्टर व इतर कर्मचारी यांच्याशी संवाद साधला व संपूर्ण माहिती घेतली. चंद्रपूरच्या वैद्यकीय महाविद्यालयाची पाहणी आपण केलेली असून रुग्णालय,प्रयोगशाळा इत्यादी महत्त्वपूर्ण इमारतीचे बांधकाम पूर्ण व्हायला किमान एक ते दीड वर्षाचा कालावधी लागणार असल्याचे त्यांनी पत्रकार परिषदेत सांगितले.

महत्त्वाचे : चंद्रपुरातील या इमारतीच्या छतावर डेंग्यू चा डेरा?

वस्तीगृहाच्या छतावरील पाण्याच्या टाक्या कुजलेल्या, टाकीमध्ये पाल जात असल्याचा व्हिडिओ

जनविकास सेनेचे अध्यक्ष पप्पू देशमुख व त्यांच्या कार्यकर्त्यांनी निवासी डॉक्टरांच्या वस्तीगृहाची पाहणी केली. पाहणीचे फोटो व व्हिडिओ त्यांनी पत्रकारांशी शेअर केले.या वस्तीगृहाच्या खोल्यांमध्ये, स्वच्छतागृहात व इमारतीच्या परिसराला अस्वच्छतेने घेरले आहे. इमारतीच्या छतावरील पाण्याच्या दोन टाक्या कुजलेल्या असून एका टाकीमध्ये पाल जातानाचा व्हिडिओ देशमुख यांनी दाखविला. येथिल निवासी डॉक्टर याच टाक्यातील पाणी वापरतात.

रामनगरमध्ये 10 वर्षांपासून ‘स्त्री’ रुग्णालयाची इमारत उभी,परंतु महिला रूग्णांना काहीच लाभ नाही

चंद्रपूरच्या शासकीय रुग्णालयात पुरेसे बेड नसल्यामुळे महिला रुग्णांचे हाल होत असल्याने शंभर बेडच्या स्वतंत्र महिला रुग्णालयाला शासनाने मंजुरी दिली. 2014 मध्ये शहरातील रामनगर मध्ये या रुग्णालयाची सुसज्ज इमारत उभी राहिली.ही इमारत 2014 मध्ये तात्पुरत्या स्वरूपात वैद्यकीय महाविद्यालयाला देण्यात आली होती. मात्र वैद्यकीय महाविद्यालयाच्या नवीन इमारतीचे बांधकाम अपूर्ण असल्याने महाविद्यालय प्रशासन या इमारतीवरचा ताबा सोडायला तयार नाही. जिल्हा शल्यचिकित्सकांनी ताबा सोडण्याबाबत आजपर्यंत अनेकवेळा पत्रव्यवहार केला.
आठ वर्षापूर्वी 2016 मध्ये महिला रुग्णालयासाठी पदनिर्मिती झाल्यानंतर स्वतंत्र स्त्री रुग्णालय सुरू झाले असते. हजारो महिला रुग्णांना त्याचा लाभ मिळाला असता.

Kajal चंद्रपूर – चंद्रपूर शहरात एका काजळाच्या डबीने कुटुंबाचा जीव टांगणीला लावला.2 ऑगस्टला चंद्रपूर शहरातल्या बाबूपेठ भागामध्ये असलेल्या मेश्राम परिवारातील 8 महिन्याच्या बाळाने खेळताना काजळाची डबीच गिळली. घटना लक्षात येताच कुटुंबीयांनी तातडीने रुग्णालयात धाव घेतली.

अवश्य वाचा : घराच्या छतावर गाड्यांचा खच, मनपाने बजावली नोटीस

Kajal चंद्रपूरच्या कान -नाक- घसा तज्ञ डॉक्टर मनीष मुंदडा यांनी ती डबी अलगद बाहेर काढली. श्वासनलिकेत अडकलेली ही डबी क्लिष्ट ठिकाणी असली तरीही बाळाचा श्वास मात्र सुदैवाने सुरू राहिला. त्यामुळे बाळ बचावले. वेळीच वैद्यकीय मदत मिळाल्याने हे शक्य झाले. अन्यथा अनर्थ ओढविला असता.

गुन्हेगारी : चंद्रपूर जिल्ह्यात 6 तडीपार

2 ऑगस्टला सकाळच्या सुमारास बाबूपेठ भागातील मंजुषा मेश्राम या आपल्या 8 महिन्याचा बाळा सोबत बसून होत्या, निरागस बाळ खेळत असताना त्यांच्या हातात काजळाची डबी लागली, आई ला वाटलं तो खेळत आहे, मात्र त्याने नकळत ती डबी तोंडात टाकत गिळून टाकली, आईने ती डबी काढण्याचा प्रयत्न केला मात्र सर्व प्रयत्न अयशस्वी झाले, गळ्यात डबी अडकल्याने बाळ रडू लागले, मात्र आई मंजुषा मेश्राम ह्यांनी तात्काळ शहरातील प्रसिद्ध कान नाक घसा तज्ञ डॉ मनीष मुंदडा यांच्याकडे धाव घेतली, त्यांनी काही प्रयत्नात ती डबी बाहेर काढली आणि बाळाचा जीव वाचला.

डॉ.मनीष मुंदडा काय म्हणाले?

ज्या घरांमध्ये लहान मुले आहेत तिथे सहज तोंडात टाकण्यासारख्या वस्तू पसरून न ठेवण्याचे आवाहन कान नाक घसा तज्ञ डॉ मनीष मुंदडा यांनी या घटनेच्या पार्श्वभूमीवर केले आहे. मोबाईल चा वापर सध्या मोठया प्रमाणात वाढलेला आहे, यामुळे लहान मूल असो की युवक, युवती व जेष्ठ सर्वांच लक्ष फक्त मोबाईल मध्ये असत त्यामुळे असे प्रकार कुठेही घडू नये यासाठी आपण सर्वांनी काळजी घ्यायला हवी.

Ghagar Morcha चंद्रपूर शहरात अमृत पाणीपुरवठा योजनेच्या माध्यमातून एक दिवस आड पाणीपुरवठा केला जातो मात्र गेल्या काही दिवसांपासून एक दिवसा आड होणारा पाणीपुरवठा अनियमित असून त्यामुळे नागरिकांना प्रचंड मानसिक त्रास सहन करावा लागतो आहे.

धक्कादायक घटना – चंद्रपूर शहरात भूस्खलन, घराच्या आत पडला 20 फुटाचा खड्डा, महिला जखमी

Ghagar morcha ऐन पावसाळ्यात हा त्रास होत असल्याने नागरिक त्रस्त झाले आहे शिवाय जो पाणीपुरवठा होतो तोही दूषित होत असून यामुळे नागरिकांच्या आरोग्याला धोका निर्माण होण्याची भीती निर्माण झाली आहे. पाणीपुरवठा विभाग एक दिवस आड पाणी पुरवठा करतो मात्र बिल नियमितपणे वसूल करतो, हा प्रकार अन्यायकारक आहे. त्यामुळे पाणीपुरवठा नियमितपणे व तोही स्वच्छ आणि मुबलक प्रमाणात करण्यात यावा या विषयाअंतर्गत चंद्रपूर शहर महानगरपालिका आयुक्त यांना निवेदनाच्या माध्यमातून विनंती करण्यात आली.

योजना : लाडकी बहीण योजनेचा अर्ज असा करा दुरुस्त

चंद्रपूर शहर महानगरपालिका आयुक्त यांनी सकारात्मक भूमिका घेत लवकरात लवकर पाण्यासंबंधी समस्येचे निवारण करण्यात येईल असे आश्वासन दिले निवेदन देते वेळेस शिष्टमंडळामध्ये माजी नगरसेवक वसंता भाऊ देशमुख, लता ताई बंडू जांगडे,प्रकाश चंदनखेडे ,हाजी सय्यद हारून, मोनू रामटेके, सरपंच रोशन रामटेके, अविनाश मेश्राम मोहम्मद इरफान शेख आदी सह चंद्रपूर शहरातील शेकडो नागरिकांच्या समावेश होता.

अमृत पाणीपुरवठा

चंद्रपूर मनपाने मोठ्या हौशीने अमृत पाणी पुरवठा योजना शहरात सुरू केली, मात्र आजही अनेक ठिकाणी अनेक वर्षे लोटल्यावर सुद्धा नागरिकांच्या घरी नळ कनेक्शन लागलेले नाही, आजही नागरिकांना पाण्यासाठी वणवण भटकावे लागत आहे. अमृत योजना अंमलात आणण्याचा कालावधी संपला त्यानंतर सुद्धा योजना पूर्णत्वास आली नाही.

landslide चंद्रपूर – ब्लॅक गोल्ड सिटी म्हणून ओळख असलेल्या चंद्रपूर जिल्ह्यात 1 ऑगस्टला खळबळजनक घटना घडली, शहरातील रयतवारी कॉलरी परिसरातील एका घरात भुस्खलन झालं, घरात 20 ते 25 फुटाचा खड्डा पडला, त्या खड्ड्यात महिला व एक कुत्रा पडल्याने त्यांना किरकोळ जखमा झाल्या.

Landslide रयतवारी कॉलरी परिसरातील आमटे ले आऊट येथे राहणारे शिवणकर कुटुंब बाहेरगावी गेले होते, 2 दिवसांनी म्हणजेच 1 ऑगस्टला ते घरी आले, घराचे दार उघडताच त्या खड्ड्यात महिला कोसळली.

त्यानंतर सदर बाब वाऱ्यासारखी शहरात पसरली तो पर्यंत त्या खड्ड्यात सीडी लावत महिलेला बाहेर काढण्यात आले, पुढील उपचारासाठी महिलेला रुग्णालयात नेण्यात आले आहे.

राजकीय – खासदार अनुराग ठाकूर यांच्या प्रतिमेला कांग्रेसने मारले जोडे

मागील 10 दिवसापासून जिल्ह्यात सुरू असलेली अतिवृष्टी मुळे सदर घटना घडली असा अंदाज व्यक्त करण्यात आला आहे, सध्या संपूर्ण घर खाली करण्यात आले असून त्याठिकाणी पोलिसांचा बंदोबस्त लावण्यात आला आहे. वेस्टर्न कोलफिल्ड्स लिमिटेड चे अधिकारी, पोलीस अधिकारी व आमदार त्याठिकाणी दाखल होत नागरिकांना दक्षता घेण्याच्या सूचना केल्या.

घटनेचे कारण काय?

चंद्रपूर जिल्हा हा खनिज संपत्तीने वेढलेला आहे, जिल्ह्यात विविध भागांत कोळसा खाणी आहे, विशेष बाब म्हणजे ज्याठिकाणी ही घटना घडली ती सुद्धा वेकोलीच्या बंद असलेल्या रयतवारी कोळसा खाणी जवळील भागात आहे.

Wcl द्वारे अंडर ग्राउंड कोळसा खाणीमधून कोळसा बाहेर काढल्यावर त्याठिकाणी माती टाकावी लागते मात्र तसे होत नाही, आवश्यकतेनुसार तशी प्रक्रिया केल्या जात नाही त्यामुळे अशी घटना घडली. विशेष म्हणजे शहरातील अनेक भागात वेकोली च्या खाणी बंद अवस्थेत आहे, त्याठिकाणी काहीजण फायदा घेत वेकोलीच्या जागेची विक्री करतात, अवैधरित्या अश्या विक्री होत असल्याने वेकोली मात्र झोपेचं सोंग घेऊन राहते, लालपेठ भागात खाणीचा विस्तार सुरू आहे मात्र अजूनही त्या भागातील नागरिकांना हटविण्यात आले नाही, त्यांचा पुनर्वसनाचा प्रश्न सुद्धा जैसे थे आहे.

महत्त्वाचे : पत्रकारांच्या मुलाचा लंडनमध्ये सन्मान

Landslide चंद्रपूर जिल्ह्यातील घुग्गुस या औद्योगिक शहरात 26 ऑगस्ट 2022 रोजी आमराई वार्डात अशाच प्रकारे एक घर अशाच घटनेत तब्बल 70 फूट खाली खचले होते. कोळसा काढून पोकळ झालेला भूभाग सुयोग्य पद्धतीने पुन्हा रेती भरून बुजविल्या न गेल्याने अशा पद्धतीने भूभागात खड्डे पडण्याचे प्रकार होत असतात. आता वेस्टर्न कोलफील्ड लिमिटेडचे तज्ञ यावर काय कारवाई करतात याकडे सर्वांचे लक्ष लागले आहे. घरमालक सुरेश शिवणकर यांनी प्रशासनाकडून नुकसानभरपाई मिळावी अशी मागणी केली आहे.

आमदार पोहचले घटनास्थळी

चंद्रपूर रय्यतवारी कॉलरी भागात अचानक भूस्खलन झाल्याने एका कुटुंबावर संकट कोसळले आहे. दोन दिवस बाहेरगावी राहून घरी परतलेल्या शिवणकर कुटुंबाच्या घरात २० फूट खोल खड्डा पडल्याची धक्कादायक घटना आज दुपारच्या सुमारास घडली. या घटनेची माहिती मिळताच आमदार किशोर जोरगेवार यांनी घटनास्थळी भेट देऊन पाहणी करत प्रशासनाला आवश्यक सूचना केल्या आहे.
    यावेळी तहसीलदार विजय पवार, सहायक आयुक्त सचिन माकोडे, रामनगर ठाणेदार सुनिल गाडे,अजय जैस्वाल, यंग चांदा ब्रिगेडचे चंद्रकात बातव आणि वेकोलिच्या अधिकाऱ्यांची उपस्थिती होती.

योजना : लाडकी बहीण योजनेचा अर्ज असा करा एडिट

   घरातील सुनिता नामक महिला  दरवाजा उघडताच अचानक खड्ड्यात पडली. स्थानिकांनी तात्काळ मदत करत शिडीच्या सहाय्याने तिला बाहेर काढले. सुदैवाने मोठी दुर्घटना टळली. परंतु, शिवणकर कुटुंबावर ही घटना अत्यंत भीषण असल्याने त्यांना तातडीने मदत पुरवण्यात आली.
  गेले दहा दिवस चंद्रपूर शहर -जिल्ह्यात होणारी अतिवृष्टी व कोळसा खाणीमुळे पोकळ झालेला भूभाग यामुळे हा प्रकार घडला असल्याची प्राथमिक माहिती आहे.   घडलेल्या या घटनेमुळे नागरिकांमध्ये भितीचे वातावरण पसरले आहे. या भागातील सुरक्षितता तपासण्यासाठी आणि अशा घटनांना आळा घालण्यासाठी वेकोली प्रशासनाने तातडीने सर्वेक्षण करून आवश्यक उपाययोजना कराव्यात, अशा सुचना आमदार जोरगेवार यांनी दिल्या.
शिवणकर कुटुंबाच्या राहण्याची सोय वेकोलि वसाहतीत करण्याचे आदेशही त्यांनी दिले आहेत. मनपा प्रशासनाने तातडीने पिडीत कुटुंबाला मदत करावी आणि या सर्व प्रकरणाची चौकशी करण्यात यावी, अशीही सूचना आमदारांनी केली आहे.

A helping hand चंद्रपूर जिल्ह्यात झालेल्या मुसळधार पावसाने भिवापूर वॉर्ड, शिवाजी नगर परीसरातील पाऊस वाऱ्याने अनेक घरांची छप्परे उन्मळून पडली होती यातच दिव्यांग हनुमान सेंगेरपला अवंती – अंबर सामाजिक प्रतिष्ठान,  काँग्रेसचे नेते महेश मेंढेनी मदतीचा हाथ दिला असून हनुमानाला मोठा सहारा मिळाला आहे.

अवश्य वाचा – गडचांदूर बॉम्ब प्रकरणी जुळ्या भावांना अटक

A helping hand अवंती – अंबर सामाजिक प्रतिष्ठान,  काँग्रेसचे नेते महेश मेंढे यांच्या माध्यमातून चंद्रपुरात गोर गरीब आणि सामान्यांना मदतीचा हात हा हाक मारण्याअगोदर पोहचत आहे. मग मदत मागणारा असो व गरजू त्यांना मदत करण्याचे काम हातही घेतले आहे.

महत्त्वाचे : चंद्रपूर जिल्ह्यातील युवक बनणार पायलट, सुवर्णसंधी चा लाभ घ्या

नुकतेच मुसळधार पावसाने मागील दहा दिवसापासून जिल्ह्यातील जनजीवन विस्कळीत झाले आहे.  कुठे पुराने वेढले तर कुठे पावसाच्या मुसळधार सरींमुळे छत गेले. तर काहींचे जनजीवन विस्कळीत झाले आहे. अश्याना महेश मेंढे कडून मदत देणे सुरु असून सर्वाना एकप्रकारे मदतीचा हात दिला आहे. पाऊस वाऱ्याने अनेक घरांची छप्परे उन्मळून पडली आहेत. ज्यांच्या घराचे नुकसान झाले आहे, वादळामुळे छप्पर उखडले आहे अशाना तात्काळ मदतीसाठी ताडपत्री उपलब्ध करून दिल्या आहेत. तसेच काही गरजूना आर्थिक मदत देण्यात आली.

अवश्य वाचा : महिन्याभरात 3 वेळा पूर, आणि हा मार्ग तीनदा झाला बंद

अश्यातच शिवाजी नगर येथील दिव्यांग हनुमान नरसंहरू सेंगेरपला पावसामुळे परिस्थिती हलाकीची  झाली असून त्याचे छत गेले असतांना मदतीची हाथ म्हणून महेश मेंढे यांनी मदत केली आहे.  त्यामुळे परिसरात महेश मेंढेच्या मदतीची चर्चा सर्वाकडे होत आहे.

महेश चा हात हा लवकर गरजू पर्यंत पोहचत असल्याने त्यांना सहारा मिळत आहे .

Bharosa cell चंद्रपूर – सध्या राज्यात अपंग, अंध, मूक-बधिर असे विविध शिक्षण संस्था सुरू करीत अनुदान लाटण्याचे प्रकार अनेक ठिकाणी सुरू आहे. काही संस्थेत अनुचित घटना सुद्धा घडलेल्या आहे, त्यानंतर सुद्धा ना प्रशासन यावर लक्ष देत ना कुठली सामाजिक संस्था.

चंद्रपुरात सुद्धा असे अनेक प्रकार सुरू आहे, खरंच अश्या शिक्षण संस्थेत विद्यार्थी सुरक्षित आहे काय? याचा आढावा घेण्यासाठी पोलीस अधीक्षक मुमक्का सुदर्शन यांनी भरोसा सेल ला शिक्षण संस्थेत पाठविले.
30 जुलै रोजी बाबूपेठ येथील मूकबधिर निवासी शाळेत भरोसा सेल च्या पोलीस उपनिरीक्षक अपेक्षा मेश्राम यांनी आपल्या चमू सह भेट दिली.

अवश्य वाचा : गडचांदूर शहरातील बॉम्ब ची निर्मिती सख्ख्या भावांनी youtube बघून केली, सविस्तर वाचा

Bharosa cell यावेळी शिक्षक पालक सभेचे आयोजन करण्यात आले होते, यावेळी पालक, शिक्षक व विद्यार्थी हजर होते. उपस्थित मुलांना गुड टच बॅड टच, पोक्सो कायदा, डायल 112, वाहतुकीचे नियम व धूम्रपानाचे दुष्परिणाम यावर मेश्राम यांनी मार्गदर्शन केले.

महत्वाचे : चंद्रपुरातील विद्यार्थ्यांना मिळणार पायलट प्रशिक्षण, करा अर्ज

मूकबधिर शाळेतील शिक्षकांबद्दल पालकांमध्ये नाराजी दिसून आली, शिक्षक मुलांकडे व्यवस्थित लक्ष देत नाही, वैद्यकीय मदतीचा अभाव, मुलींना शाळेत प्रवेश देत नाही, मुलांकडून शाळेतील कामे करवून घेतात, शाळा अनेकदा बंद असते, शाळेत सीसीटीव्ही कॅमेऱ्याचा अभाव आहे, विशेष बाब म्हणजे या शाळेत 60 विद्यार्थ्यांपैकी फक्त 2 मुली आहे, शाळेच्या हॉस्टल मध्ये सुद्धा सीसीटीव्ही कॅमेरे लावलेले नाही, ज्यामुळे विद्यार्थ्यांची सुरक्षा धोक्यात आहे.
अश्या अनेक समस्येने सदर मूकबधिर शाळा ग्रस्त आहे, सर्व त्रुट्या तात्काळ दुरुस्त कराव्या, विद्यार्थ्यांची सुरक्षा आधी सर्वात महत्वाची आहे, शिक्षकांनी पालकांसोबत प्रेमाने वागावे, भविष्यात शाळेत अनुचित घटना घडायला नको यावर लक्ष द्या असा भरोसा पोउपनी अपेक्षा मेश्राम यांनी पालक व शिक्षकांना दिला.

महत्वाचे : पूर आला आणि तो मार्ग तिसऱ्यांदा बंद झाला

चंद्रपूर शहर असो वा जिल्हा सर्व अनुदानित शाळेची हीच अवस्था आहे, फक्त अनुदान लाटण्यासाठी या शाळा अपंग, मूकबधिर, या विद्यार्थ्यांच्या भविष्यसोबत खेळण्याचा प्रकार करीत आहे.
यावर आता प्रशासनाने सुद्धा लक्ष देण्याची गरज आहे, सरकारच्या अनुदानाचा योग्य वापर होतोय का हे सुद्धा त्यांनी जाणून घ्यायला हवे.
मूकबधिर शाळेतील शिक्षक-पालक व विद्यार्थ्यांचे समुपदेशन अपेक्षा मेश्राम यांनी योग्य रित्या घडवून आणले.

chandrapur rainfall चंद्रपूर जिल्ह्यात झालेल्या मुसळधार पावसाने भिवापूर वॉर्ड, शिवाजी नगर परीसरातील पाऊस वाऱ्याने अनेक घरांची छप्परे उन्मळून पडली होती अश्या झोपडपट्टीवासीय गोरगरीब गरजू लोकांना आर्थिक मदत व ताळपत्रीचे वितरण अवंती – अंबर सामाजिक प्रतिष्ठान, चंद्रपूरचे अध्यक्ष काँग्रेसचे नेते महेश मेंढे यांच्या तर्फे करण्यात आले.

अवश्य वाचा : पूरग्रस्त भागातील नागरिकांच्या मदतीला धावले शिवसेना जिल्हाप्रमुख

Chandrapur rainfall मुसळधार पावसाने मागील सहा दिवसापासून जिल्ह्यातील जनजीवन विस्कळीत झाले असून होणाऱ्या मानवी मालमत्तेचेही मोठे नुकसान झाले आहे. पाऊस वाऱ्याने अनेक घरांची छप्परे उन्मळून पडली आहेत. ज्यांच्या घराचे नुकसान झाले आहे, वादळामुळे छप्पर उखडले आहे अशा कुटुंबांच्या मदतीसाठी महेश मेंढे यांनी तात्काळ धाव घेतली असून तात्काळ मदतीसाठी ताडपत्री उपलब्ध करून दिल्या आहेत. तसेच काही गरजूना आर्थिक मदत देण्यात आली.

मुसळधार पावसामुळे घरांच्या आतील भागांना अधिक नुकसान होऊ नये म्हणून या ताडपत्री तात्पुरत्या छप्पर म्हणून वापरल्या जातील. त्यामुळे त्यांना थोडा सहारा मिळेल या उद्देशाने त्यांना ताळपत्रीचे वाटप करण्यात आले. ताळपत्री वाटप कार्यक्रमामुळे गोरगरीब गरजू लोकांमध्ये आनंदाचे वातावरण पसरले. सदर उपक्रमात लोकांचा मोठया प्रमाणात प्रतिसाद मिळाला.
यावेळी मीराबाई लक्ष्मण जंगळे, नीता घनश्याम वालदे, नविना गणेश अवचारे, हनुमान नरसंहरू सेंगेरप, भारत सेंगेरप, कमलाबाई देवांगण, पिंकी शंकर बंदरकर यांना मदत करण्यात आली.

अवश्य वाचा : चंद्रपूर जिल्ह्यात थरारक घटना

यावेळी आर्थिक मदत व ताळपत्रीचे वाटप करतांना अवंती – अंबर सामाजिक प्रतिष्ठान, काँग्रेसचे नेते महेश मेंढे यांचेसह मनपाचे माजी उपमहापौर वसंतदादा देशमुख, समाजसेविका सौ. वैशाली चंदनखेडे, सामाजिक कार्यकर्ता प्रकाश चंदनखेडे, उपसरपंच रोशन रामटेके, अविनाश मेश्राम, समीर सोनवाने, सर्वेश पिसे, राहुल बंडावार, सचिन रणदिवे व इतर कार्यकर्ते उपस्थित होते.