Category: चंद्रपूर शहर

Midnight March देशात व राज्यात महिला व मुलींवर होणाऱ्या अत्याचाराचे प्रमाण दिवसेंदिवस वाढत चालले आहे मात्र या सर्व घटनांपासून चंद्रपूर जिल्हा सुरक्षित रहावा यासाठी 31 ऑगस्टला चंद्रपुरात भव्य मशाल रॅली काढण्यात येणार आहे.

31 ऑगस्टला रात्री 9.30 वाजता चंद्रपुरातील महिला, सामाजिक कार्यकर्ते, मंत्री, पोलीस प्रशासन, आमदार व खासदार हे महिला सुरक्षेप्रती हातात धगधगणारी मशाल घेत रॅली मध्ये सहभागी होणार आहे, अशी माहिती 30 ऑगस्टला आयोजित पत्रकार परिषदेत सामाजिक कार्यकर्त्या पारोमिता गोस्वामी यांनी दिली. रात्री 9 वाजता गांधी चौकात महात्मा गांधी यांच्या पुतळ्याला माल्यार्पण करीत या रॅली ला सुरुवात होणार आहे.

अवश्य वाचा : शिक्षकांचा वाढदिवस आणि त्या दिवशी त्यांच्या अंगात संचारली अश्लील वृत्ती, पोलिसांनी केली अटक

Midnight March सदर रॅलीत पालकमंत्री सुधीर मुनगंटीवार, विरोधीपक्ष नेते विजय वडेट्टीवार, खासदार प्रतिभा धानोरकर, माजी खासदार नरेश पुगलिया, आमदार किशोर जोरगेवार, आमदार सुधाकर अडबाले, जिल्हाधिकारी, पोलीस अधीक्षक हे या मशाल रॅली मध्ये सामील होत महिला सुरक्षेची शपथ घेणार आहे. रॅली पूर्वी स्त्री शक्ती दर्शविणारे सांस्कृतिक कार्यक्रमाचे यावेळी सादरीकरण होणार आहे. मशाल प्रज्वलन झाल्यावर भारतीय राज्यघटना च्या उद्देशिकेचे वाचन करीत रॅली ला सुरुवात होणार, रॅलीचे समापन स्थळी महिला सुरक्षा शपथ उपस्थित सर्व नागरिक घेणार आहे.

चंद्रपूर जिल्ह्यात अश्या घटना होऊ नये यासाठी आता सर्व सामान्य नागरिकांनी पुढाकार घ्यायला हवा, सर्वांनी एकत्र येत चंद्रपूर सुरक्षित करूया व महिला अत्याचाराच्या घटना टाळू या असा उद्देश या रॅली चा आहे. चंद्रपुरातील नागरिक जेव्हा एकत्र येणार त्यावेळी जिल्ह्यातील महिलांमध्ये सुरक्षिततेची भावना निर्माण होणार.

Midnight march चंद्रपूर जागृती मशाल मंच द्वारे आयोजित रॅली मध्ये सर्व सामान्य नागरिकांनी आपली उपस्थिती दर्शवावी असे आवाहन पारोमिता गोस्वामी, अश्विनी खोब्रागडे, प्रितिषा साधना, जयश्री कापसे, वर्षा जामदार यांनी केली आहे.

रॅली नंतर काय?

महिलांना वाटणाऱ्या अंधाराची भीती घालवण्यासाठी मध्यरात्री मार्च चे आयोजन करण्यात आले मात्र त्यानंतर काय? कारण यापूर्वी महिला संघटना विविध पक्षातील राजकीय महिला पदाधिकाऱ्यांनी अस्तित्वात आणली होती मात्र आता ती संघटना नाहीशी झाली आहे, या रॅली बाबत असे होऊ नये म्हणून संघटनेच्या सदस्यांनी ही सुरुवात आहे, आम्ही आता प्रत्येक घटनेवर लक्ष ठेवणार आहोत, कुठल्याही परिस्थितीत अश्या घटना कश्या टाळता येणार यावर आमचं कार्य सुरू होणार आहे. अशी माहिती जागृती मशाल मंच सदस्यांनी दिली.

jai bhim 31 ऑगस्ट रोजी चंद्रपुरातील प्रियदर्शिनी इंदिरा गांधी सभागृहात 2 रे राष्ट्रीय जयभीम साहित्य संमेलनाचे आयोजन करण्यात आले आहे.

Jai bhim आयोजित राष्ट्रीय जय भीम साहित्य संमेलनात नागरिकांना विविध सांस्कृतिक, प्रबोधनात्मक कार्यक्रमांची मेजवानी बघायला मिळणार आहे. लोकजागृती नाट्यकला सांस्कृतिक, शैक्षणिक संस्था चंद्रपूर व जयभीम संमेलन समिती चंद्रपूर तसेच डॉ.बाबसाहेब आंबेडकर इंटरनॅशनल कल्चरल सेंटर टाकळी जिल्हा चंद्रपूर यांच्या वतीने 2 दिवसीय जयभीम साहित्य संमेलनाचे आयोजन करण्यात आले आहे.

अवश्य वाचा : गणेश विसर्जनासाठी चंद्रपुरात भव्य विसर्जन कुंड तयार

आयोजित संमेलनात देशभरातील साहित्यिक, वैचारिक लोक कलावंत, जलसाकार, नाटककार, वक्ते, मंत्री, खासदार, आमदार, चळवळीतील कार्यकर्ते, कवी तसेच आयएएस अधिकारी उपस्थित राहणार आहे. 31 ऑगस्टला संमेलनाचे उदघाटन विरोधीपक्ष नेते विजय वडेट्टीवार यांच्या हस्ते होणार असून उदघाटन कार्यक्रमात जेष्ठ पत्रकार उत्तम कांबळे, दिल्ली सरकार मधील माजी सामाजिक न्यायमंत्री राजेंद्र पाल गौतम, खासदार प्रतिभा धानोरकर, खासदार बळवंत वानखेडे, खासदार नामदेव किरसान, आमदार सुभाष धोटे उपस्थित राहणार आहे.

कार्यक्रमाचे आकर्षण

31 ऑगस्टला रात्री 8 वाजता जयभीम कवी संमेलन, यामध्ये कवी खेमराज भोयर, नरेंद्र सोनारकर, जसबीर चावला, मिर्जा पठारे, सीमा भसारकर, ब्रह्मानंद मडावी यांचा सहभाग असणार आहे. कवी समेलनानंतर जयभीम आंबेडकर वादी जलसा, सुप्रसिद्ध गायिका सुषमा देवी, गायक रविराज भद्रे, धम्मजित तिगोटे जलसा सादर करणार.

दुसऱ्या दिवशी 1 सप्टेंबर ला जयभीम विद्रोही गीते, राहुल सूर्यवंशी, निशा धोंगळे, अश्विनी खोब्रागडे, उपेंद्र वनकर, विजय पारखी, रविराज विद्रोही व मास्टर सोमकुवर यांचा सहभाग असणार आहे. विद्रोही भीम गीतानंतर जयभीम परिसंवाद ज्यामध्ये भारतीय लोकशाही जपण्यासाठी निवडणूक आयोग, मीडिया व मतदारांची भूमिका या विषयावर अण्णा साहेब पाटील, पीव्ही मेश्राम, ईसादास भडके, अनमोल शेंडे, दिलीप चौधरी, रमेशचंद्र दहिवडे, खुशाल तेलंग, सतीश पेंदाम, कोमल खोब्रागडे, अभिलाषा गावतुरे, नम्रता ठेमस्कर मार्गदर्शन करणार आहे.

Jai bhim परिसंवाद कार्यक्रम नंतर एकपात्री नाटक ज्यामध्ये व्हय मी सावित्री बोलतेय याचे सादरीकरण होणार आहे, रात्री जयभीम रत्न पुसरकर व समारोपीय समारंभ, यामध्ये जेष्ठ विचारवंत उत्तम कांबळे, विजय वडेट्टीवार, आमदार नितीन राऊत, राजकुमार बडोले, आमदार अभिजित वंजारी, आमदार सुधाकर अडबाले, आमदार किशोर जोरगेवार, मनोहर चंद्रिकापुरे, अनिल हिरेखन, बापूसाहेब गजभारे, सिद्धार्थ हत्तीअंबोरे, संतोष रावत उपस्थित राहणार आहे. पुरस्कार वितरण कार्यक्रमानन्तर जयभीम बुद्ध गीतांचा महाजलसा कार्यक्रम, सादरकर्ते चंद्रकांत शिंदे, कडू बाई खरात, आणि मंजुश्री शिंदे.

मागच्या वर्षी आयोजित पहिल्या जयभीम राष्ट्रीय साहित्य संमेलनात नागरिकांची लक्षणीय उपस्थिती बघता यंदा शहरात काही ठिकाणी led लावण्यात येणार आहे अशी माहिती आयोजन अनिरुद्ध वनकर यांनी दिली आहे.

ganesh visarjan 2024 आगामी उत्सवांच्या पार्श्वभूमीवर जिल्हा प्रशासन,पोलीस विभाग व चंद्रपूर महानगरपालिकेद्वारे मूर्ती विसर्जन स्थळी करण्यात येणाऱ्या व्यवस्थेची गुरुवार २९ ऑगस्ट रोजी संयुक्तरित्या पाहणी करण्यात आली.

याप्रसंगी मनपा आयुक्त तथा प्रशासक विपीन पालीवाल यांनी आवश्यक त्या सुधारणा सूचित करून पुढील तीन ते चार दिवसात संपूर्ण व्यवस्था निश्चित करण्याचे निर्देश दिले.

अवश्य वाचा : आगामी सण,उत्सव शांततेत साजरे करा, जिल्हाधिकारी विनय गौडा

  ganesh visarjan 2024 येत्या ७ सप्टेंबर पासुन गणेशोत्वास सुरवात होत असुन मोठ्या प्रमाणात साजऱ्या होणाऱ्या या उत्सवात सार्वजनिक गणेश मंडळांतर्फे आकार व उंचीने मोठ्या असलेल्या मूर्तींची स्थापना करण्यात येते. शहरात ३०० हुन अधिक सार्वजनिक गणेशोत्सव मंडळे आहेत, या सर्व मूर्तींचे विसर्जन एकाच जागी सुविधाजनक करण्याच्या दृष्टीने चंद्रपूर महानगरपालिकेतर्फे मागील वर्षी नोव्हेंबर महिन्यापासुन दाताळा रोडवरील रामसेतु पुलालगतच्या जागेत मोठे विसर्जन कुंड तयार करण्याच्या कामाची सुरवात करण्यात आली होती.

     मोठ्या मूर्तींचे विसर्जन करण्याच्या दृष्टीने तयार करण्यात आलेल्या या विसर्जन कुंडाची क्षमता अंदाजे ३० लाख लिटर पाण्याची असुन ८१३७ स्केयर फुट क्षेत्रफळ आहे. १० फुट पर्यंत उंची असलेल्या मूर्तींचे यात विसर्जन करता येणे शक्य आहे.त्यापेक्षा मोठी मूर्ती असल्यास विसर्जनास अडथळा निर्माण होऊ शकतो. एकावेळेस २ मोठी वाहने उभी राहण्यास २ वेगवेगळे प्लॅटफॉर्म बनविण्यात आले असुन क्रेनच्या साहाय्याने मोठ्या मूर्तींचे विसर्जन करता येणे शक्य होणार आहे.

 Ganesh visarjan 2024  जिल्हा प्रशासन,पोलीस विभाग व चंद्रपूर महानगरपालिकेद्वारे संयुक्तरित्या नियोजन करून विसर्जन व्यवस्था सुरळीत ठेवुन उत्सव शांततेत व उत्साहात पार पाडण्यासाठी नियमित आढावा घेतला जाणार आहे. याप्रसंगी आयुक्त विपिन पालीवाल, पोलीस अधीक्षक रीना जनबंधू, अतिरिक्त आयुक्त चंदन पाटील, नायब तहसीलदार जितेंद्र गादेवार उपायुक्त रवींद्र भेलावे, उपायुक्त मंगेश खवले, कार्यकारी अभियंता विजय बोरीकर, रामनगर पोलीस स्टेशनचे पोलीस निरीक्षक आसिफ राजा, शहर पोलीस स्टेशनचे पोलीस निरीक्षक प्रभावती एकुरके, वाहतूक शाखा पोलीस निरीक्षक प्रवीण कुमार पाटील, जिल्हा विशेष शाखेचे पोलीस निरीक्षक कांचन पांडे, सहायक आयुक्त संतोष गर्गेलवार, सिद्दीक अहमद, जिल्हा शांतता समिती सदस्य सय्यद रमजान अली, महावितरण विभागगाचे संबंधित अधिकारी पाहणी दरम्यान उपस्थित होते.

Shantata committee आगामी काळात जिल्ह्यात पोळा, गणेशोत्सव, ईद-ए-मिलाद असे सर्वधर्मीय सण मोठ्या प्रमाणात साजरे होणार आहेत.

चंद्रपूर हा जिल्हा शांततेसाठी प्रसिध्द आहे. जिल्ह्याचा हाच लौकिक कायम राखण्यासाठी तसेच सर्वधर्मीय सण शांततेत आणि उत्साहात साजरे होण्यासाठी जिल्हा प्रशासनाला सर्वांनी सहकार्य करावे, असे आवाहन जिल्हाधिकारी विनय गौडा जी.सी. यांनी केले.

Shantata committee नियोजन सभागृह येथे पोलिस दलातर्फे आयोजित जिल्हा शांतता समितीच्या बैठकीत ते बोलत होते. यावेळी मंचावर आमदार किशोर जोरगेवार, मुख्य कार्यकारी अधिकारी विवेक जॉन्सन, अतिरिक्त पोलिस अधिक्षक रिना जनबंधू, सहायक पोलिस अधीक्षक नियोमी साटम, मनपा आयुक्त विपीन पालीवाल, निवासी उपजिल्हाधिकारी संजय पवार, डॉ. मंगेश गुलवाडे यांच्यासह सर्व उपविभागीय पोलिस अधिकारी, विविध विभागाचे अधिकारी, पोलिस पाटील तसेच शांतता समितीचे सदस्य आणि गणेश मंडळाचे प्रतिनिधी उपस्थित होते.

अवश्य वाचा : चंद्रपुरात मोठी दुर्घटना टळली

Shantata committee सण आणि उत्सवासंदर्भात प्रशासनाकडून देण्यात येणा-या सूचनांचे सर्वांनी गांभिर्याने पालन करणे गरजेचे आहे, असे सांगून जिल्हाधिकारी श्री. गौडा म्हणाले, शहरात तसेच तालुका स्तरावर महसूल, नगर पालिका प्रशासन आाणि पोलिस विभागाच्या अधिका-यांनी मिरवणुकीचा मार्ग, विसर्जन स्थळ आदींना त्वरीत भेट देऊन पाहणी करावी. गणेश मंडळांनी प्रत्येक दिवशी प्रत्येक शिफ्टकरीता किमान एक स्वयंसेवक, मुर्ती आणि मंडपाच्या संरक्षणासाठी नेमावा. सर्व गणेश मंडळांनी सीसीटीव्ही लावणे बंधनकारक आहे. प्रत्येक मंडळाने मंडप उभारतांना वाहतुकीला अडथळा निर्माण होणार नाही, अग्निशमन, रुग्णवाहिका तसेच दुचाकी-चारचाकी वाहने सुरळीत वाहतूक करू शकतील, याची दक्षता घ्यावी. लेजर लाईटवर बंदी आहे, त्यामुळे कुणीही त्याचा वापर करू नये. डीजे चा आवाज मर्यादेतच ठेवावा. राष्ट्रगीत आणि राज्यगीताचा एक ठराविक प्रोटोकॉल आहे, त्यामुळे डीजेवर राष्ट्रगीत व राज्यगीत वाजवू नये. तसेच मंडळांनी फायर ऑडीट करून घ्यावे, अशा सुचना त्यांनी दिल्या.

जिल्ह्याचा शांततेचा लौकिक कायम ठेवा : आमदार किशोर जोरगेवार

चंद्रपूर जिल्हा हा राज्यात शांततेचा जिल्हा म्हणून ओळखला जातो. सर्वधर्मीय सण येथे अतिशय आनंदाने आणि शांततेत पार पाडण्याचा सर्वांचाच प्रयत्न असतो. शांततेची हीच ओळख कायम ठेवावी, अशा सुचना आमदार किशोर जोरगेवार यांनी केल्या. पुढे ते म्हणाले, शांतता समितीच्या सदस्यांकडून आलेल्या सुचनांची प्रशासनाने नोंद घेतली आहे.  सर्व मंडळांनी विसर्जनाच्या मिरवणुका वेळेत काढाव्यात. श्रींच्या मुर्तीकडे कोणत्याही प्रकारचे दुर्लक्ष होऊ नये, यासाठी मंडळांनी दक्षता घ्यावी. प्रशासनाच्या सुचनांचे सर्वांनी पालन करावे व हा उत्सव अतिशय चांगल्या प्रकारे पार पाडावा, असे आवाहनही त्यांनी केले.

चांदा क्लब ग्राऊंडवरच मूर्ती आणि पुजेचे साहित्य मिळणार : मूर्ती आणि पुजेचे साहित्य खरेदीकरीता रस्त्यावर होणारी गर्दी टाळण्यासाठी चांदा क्लब ग्राऊंड हे मूर्तीकरीता आणि पुजेच्या साहित्याकरीता उपलब्ध करून देण्यात आले आहे, याची सर्व नागरिकांनी नोंद घ्यावी. शहरातील 100 टक्के गणेश मुर्तीचे विसर्जन हे महानगर पालिकेच्या वतीने तयार करण्यात आलेल्या कृत्रीम कुंडामध्येच करावे. तसेच विविध परवानगीसाठी मनपाच्या वतीने ‘एक खिडकी’ योजना सुरू करण्यात आली आहे, गणेश मंडळांनी त्वरीत त्यासाठी अर्ज दाखल करावे, असे आवाहन महानगर पालिकेचे आयुक्त विपीन पालीवाल यांनी केले. 

मिरवणुका विनाकारण रस्त्यावर थांबवू नये : अतिरिक्त पोलिस अधिक्षक रिना जनबंधू

Shantata committee सर्व गणेश मंडळांनी दिलेल्या वेळेतच विसर्जनाची मिरवणूक काढावी. कोणत्याही धार्मिक स्थळासमोर किंवा रस्त्यावर विनाकारण मिरवणूक थांबवू नये, त्या सतत पुढे नेऊन रस्ता मोकळा करावा. जेणेकरून कोणतीही अनुचित घटना घडणार नाही, याची दक्षता घ्यावी. तसेच प्रशासनाच्या एका ठेक्याला सर्व साऊंड सिस्टीम बंद करावी. पोलिस आपल्या मदतीला आहेच, काही अघटीत घडण्याची माहिती असल्यास त्वरीत संपर्क करावा, असे आवाहन अतिरिक्त पोलिस अधिक्षक रिना जनबंधू यांनी केले.

नागरिकांच्या सुचना : यावेळी शांतता समितीच्या सदस्यांनी विविध सूचना केल्या. यात सायबर सेलच्या माध्यमातून अफवांवर नियंत्रण ठेवावे. नागरिकांनीही अफवांवर विश्वास ठेवू नये, रस्त्यावरचे गड्डे त्वरीत बुजवावे, शांतता समितीची बैठक तीन महिन्यातून एकदा घ्यावी, गणेश मंडळांना मंडपसाठी सिमांकन करून द्यावे, विसर्जन स्थळी सर्व सुविधा उपलब्ध असाव्यात, डीजे चा आवाज मर्यादेत असावा, सर्व सीसीटीव्ही कॅमेरे त्वरीत सुरू करावे, मोकाट जनावरांचा बंदोबस्त करावा, पर्यावरणपूरक गणेशोत्सव साजरा करावा, डॉक्टरांचे पथक तयार ठेवावे आदींचा यात समावेश होता.

Railway Flyover आमदार किशोर जोरगेवार यांनी ५ कोटी ४९ लाख रुपयांचा निधी उपलब्ध करून दिल्यानंतर बाबुपेठ रेल्वे उड्डाण पुलाच्या कामाला गती मिळाली आहे. बुधवारी त्यांनी शेवटच्या काँक्रीटीकरणाची पाहणी करून कामाला गती देण्याचे निर्देश दिले.

अवश्य वाचा : सुधीर मुनगंटीवार यांचा विकास रत्न पुरस्काराने सन्मान

 Railway Flyover यावेळी मनपा आयुक्त विपिन पालीवाल, मनपा शहर अभियंता विजय बोरिकर, सहायक आयुक्त शुभांगी सूर्यवंशी, अतिरिक्त सहायक आयुक्त बोबाटे, सार्वजनिक बांधकाम विभागाचे सहायक अभियंता जावळे आदींची उपस्थिती होती.
  बाबुपेठकरांची अत्यंत महत्त्वाची समस्या असलेल्या बाबुपेठ उड्डाण पुलाचे काम लवकर पूर्णत्वास यावे, यासाठी आमदार किशोर जोरगेवार यांच्या वतीने सातत्याने प्रयत्न सुरू आहेत. काम शेवटच्या टप्प्यात असताना निधीअभावी काम रखडले होते. या निधीची व्यवस्था करण्यासाठी आमदार जोरगेवार यांनी सतत प्रयत्न करून ५ कोटी ४९ लक्ष रुपयांचा निधी उपलब्ध करून दिला आहे.
 Railway Flyover सदर निधी प्राप्त होताच पुलाच्या बांधकामाला गती मिळाली असून, येथे रंगकाम आणि विद्युत रोषणाई पोल लावण्यात आले आहेत. उर्वरित पुलावरील शेवटचे काँक्रीटीकरणही आज पूर्ण करण्यात आले आहे. नियमानुसार पुढील काही दिवस हे काँक्रीटीकरण असेच ठेवण्यात येणार आहे; तोपर्यंत उर्वरित पूरक कामे पूर्ण केली जाणार आहेत.
  दरम्यान, बुधवारी पुन्हा एकदा आमदार किशोर जोरगेवार यांनी सदर पुलाच्या कामाची अधिकाऱ्यांसह पाहणी केली. त्यांनी काँक्रीटीकरणाबाबतची माहिती घेतली आणि आवश्यक निधी मिळवून दिल्यामुळे काम अपेक्षित गतीने सुरू असल्याचे सांगितले. ही गती मंदावणार नाही, याकडे विशेष लक्ष देण्याचे निर्देश त्यांनी प्रशासनाला दिले. युद्धपातळीवर काम करून पुल लवकरात लवकर नागरिकांसाठी खुला करण्याचेही निर्देश आमदार किशोर जोरगेवार यांनी अधिकाऱ्यांना दिले. याप्रसंगी बाबुपेठ येथील नागरिकांसह यंग चांदा ब्रिगेडच्या पदाधिकारी आणि कार्यकर्ते मोठ्या संख्येने उपस्थित होते.

Eco Pro चंद्रपूर: इको-प्रो तर्फे लोहारा-मामला जंगलातील वृक्षांना राखी बांधुन, युवकांनी वन-वन्यजीव तसेच पर्यावरणाच्या संरक्षणसाठी सदैव तत्पर राहावे, पर्यावरण संरक्षणाकरिता कटिबध्द राहावे असा संदेश कार्यक्रमातुन मान्यवरांनी दिला.

घरकुल : चंद्रपूर जिल्ह्यात 864 घरकुल मंजूर

Eco pro आज लोहारा-मामला वनक्षेत्रातील ‘अदानी गो बॅक’ आंदोलनाचे प्रतिक असलेल्या वृक्षांना राखी बांधुन वृक्षरक्षाबंधन कार्यक्रम दरवर्षी प्रमाणे यंदाही विविध महाविद्यालय एकत्रीत येत आयोजन करण्यात आले. यामध्ये एफईएस गर्ल्स महाविदयालय, सरदार पटेल महाविद्यालय, खत्री महाविद्यालय सहभागी झाले होते. यावेळी प्रमुख पाहुणे म्हणून सचिन शिंदे, विभागीय वन अधिकारी, ताडोबा अंधारी व्याघ्र प्रकल्प, बापू येडे, उपसंचालक, सामाजिक वनीकरण, सेवानिवृत्त विभागीय वनाधिकारी अभय बडकेलवार, इको-प्रोचे अध्यक्ष बंडु धोतरे यांनी उपस्थित विद्यार्थाना मार्गदर्शन केले. यावेळी प्रा. डाॅ. राजेंद्र बारसागडे, प्रा. डाॅ. मेघमाला मेश्राम, डॉ कुलदीप गोंड, प्रा डॉ निखिल देशमुख, प्रा डॉ संतोष कावरे, प्रा रवी कावळे, प्रा डॉ माधव गुरनुले उपस्थित होते.

Eco pro चंद्रपूर जिल्हा जंगलाचा जिल्हा असुन ‘वाघांचा जिल्हा’ ही नवी ओळख निर्माण झालेली आहे. या जिल्हयात वन-वन्यजिव या नैसर्गिक संपेदसह मोठया प्रमाणात खनिज संपत्ती सुध्दा आहे. जंगलाखाली असलेल्या कोळसामुळे येथील वन्यजीव समृध्द जंगलावर कोळसा खान प्रकल्पाचे संकट नेहमीच उभे राहते. आणी प्रश्न उभा राहतो तो येथील पर्यावरणाचा, प्रदूषणाचा, वाघासह अन्य वन्यप्राण्यांचा अधिवासाचा, त्यांच्या भ्रमणमार्गाचा, अपुऱ्या अधिवासामुळे मानव-वन्यप्राणी संघर्ष वाढीचा म्हणुन येथील वन-वन्यजिवांच्या संरक्षण व संवर्धनासाठी चंद्रपूरकर नागरीकांना सदैव तत्पर राहीले पाहीजे. इको-प्रो सह अनेक पर्यावरणवादी संस्था-संघटनाच्या तसेच चंद्रपूरकरांच्या जनआंदोलनामुळे प्रस्तावीत अदानी कोळसा खानीचा प्रस्ताव नाकारला गेला होता. या आंदोलनाच्या स्मृती जपत, आपला नैसर्गीक वारसा पुढील पिढीला सुस्थितीत हस्तांतरण करता यावे, याची जाणीवजागृती सर्व घटकामध्ये यावी याकरिता दरवर्षी ‘इतिहासात डोकावुन, भविष्यातील पर्यावरणाची सुरक्षीतता करीता लढण्यास बळ मिळावे’ हा उद्देश लक्षात घेउन इको-प्रो संस्थेच्या वतीने मागील 16 वर्ष पासुन लोहारा-मामला जंगलातील ‘अदाणी गो बॅक’ आंदोलनाचे प्रतिक असलेल्या वृक्षास राखी बांधुन चंद्रपूर शहरात वन-वन्यजीव व पर्यावरण रक्षणासाठी 2009 साली प्रस्तावीत अदाणी कोळसा खाणीच्या विरोधात झालेल्या जन-आंदोलनाच्या स्मृतीना उजाळा दिला जातो.

Eco pro या कार्यक्रमा दरम्यान लोहारा-मामला रोडवरील वनक्षेत्रातील ‘अदाणी गो बॅक’ आदोलनाचे प्रतीक असलेल्या वृक्षास राखी बांधण्यात आली. निसर्गाचे रक्षण करण्यास वनविभागासोबतच सामान्य नागरीक व गावकरी यांचे सुध्दा सहकार्य अपेक्षीत असुन आपल्या अवतीभवतीचे पर्यावरण व जैवविवीधतेच्या संरक्षणासाठी सदैव तत्पर असले पाहीजे याबाबत उपस्थितांना मार्गदर्शन करीत स्मृतीना उजाळा दिला. विविध महाविद्यालयाचे विद्यार्थ्यासह वनपाल उत्तम गाठले, वनरक्षक स्मिता पाटील, रीना उईके, इको-प्रो भद्रावती चे संदीप जीवने, संतोष रामटेके, किशोर खंडाळकर, अमोल दौलतकर, इको-प्रो पर्यावरण विभाग प्रमुख नितीन रामटेके, अब्दुल जावेद, राजू काहिलकर, सुनील लिपटे, योजना धोतरे, सनी दुर्गे, सचिन धोतरे, रुद्राक्ष धोतरे, चित्राक्ष धोतरे आदी उपस्थित होते.

आजच्या कार्यक्रमाचे औचित्य साधत इको-प्रो तर्फे भद्रावती येथील इको-प्रो चे जेष्ठ सदस्य किशोर खंडाळकर यांना उपस्थित मान्यवर विभागीय वन अधिकारी सचिन शिंदे, बापू येडे यांचे हस्ते वन्यजीव संरक्षण विभाग च्या ‘जीवरक्षा’ संदर्भात केलेल्या उल्लेखनिय कार्यासाठी ‘इको-प्रो कार्यकर्ता सन्मान’ पुरस्कार देण्यात आला. नुकतेच खंडाळकर यांनी 45 फूट उंचीवर हायमास्ट लाईटला पतंग धागा मध्ये अडकलेल्या पक्षाची सुखरूप सुटका केली होती.

mns mahila aghadi वेडसर महिलेवर बलात्कार करून चित्रफित प्रसारमाध्यमावर प्रसारित करणार्या त्या नराधमांना फाशीची शिक्षा द्या

चंद्रपूर:-राज्यात महिलांवरील अत्याचाराचे प्रमाण जास्त वाढले असून महिलांना घराबाहेर पडने देखील धोक्याचे झाले आहे. मानवतेला काळीमा फासणारी घटना बदलापूर येथे नुकतीच घडली या घटणेनी संपूर्ण राज्य हादरला सर्वत्र निषेध व आक्रोश सूरू असतांनाच परत काहि दिवसांपूर्वी नागभीड येथील एका मानसिक रुग्न असलेल्या महिलेंवर सामूहिक बलात्कार केल्याची धक्कादायक घटना घडली.

आरोग्य : घुग्गुस येथे डेंग्यू चा धोका वाढला

महिला अत्याचाराची धग चंद्रपूर जिल्ह्यात पोहचल्याने आता महिला असुरक्षित असल्याची भावना निर्माण झाली आहे, या घटनेतील आरोपींना फाशीची शिक्षा द्यावी अशी मागणी मनसे महिला आघाडीतर्फे पोलीस अधीक्षक मुमक्का सुदर्शन यांना निवेदनामार्फत करण्यात आली.

Mns mahila aghadi नागभीड सामूहिक अत्याचार प्रकरणात आरोपी इथवर थांबले नाही तर त्यांनी त्या घटनेची चित्रफीत बनवीत समाजमाध्यमांवर व्हायरल सुद्धा केली, असा विकृतपणा द्या आरोपींच्या मनात भरला होता, अश्या विकृत मानसिकता असलेल्या आरोपीना कठोर शासन व्हावे अशी मागणी यावेळी करण्यात आली.

गुन्हेगारी : खर्ऱ्याची उधारी दिली नाही म्हणून पान ठेला चालकाने अल्पवयीन मुलीचे केले लैंगिक शोषण

Mns mahila aghadi नागभीड ची घटना समाजमन सुन्न करणारी होती, आपण या गुन्हेगाराविरुद्ध कठोर कारवाई करून यांना फासावर चढवावे ज्यामुळे अशा घटना पून्हा घडणार नाहीत आणि कुणी राक्षसीवृत्ती हिम्मत देखील करणार नाही यावर लवकरात लवकर ठोस पाउले उचलावी अन्यथा मनसे महिला सेना आक्रमक आंदोलन करणार या आशयाचे निवेदन मनसेच्या महिला सेना चंद्रपूर माजी जिल्हाध्यक्षा सौ. सूनिता गायकवाड ,मनसेचे जिल्हासचिव (बल्लारपूर विधानसभा) मनविसे जिल्हा उपाध्यक्ष कुलदिप चंदनखेडे यांच्या नेतृत्वात मनसे महिलासेनेच्या बल्लारपूर तालुका अध्यक्षा सौ. कल्पना पोर्तलावार यांनी पोलीस अधिक्षक चंद्रपूर यांचे मार्फत राज्याचे मुख्यमंत्री तथा गृहमंत्री यांना दिले असून निवेदन देणार्या शिष्टमंडळात मनसेचे शुभम वांढरे, मंगेश धोटे, अर्चना आमटे, राज वर्मा, कुंताताई येरमुडे, सरला दुर्गे, निक्की यादव, उज्वल तेलतुमडे तथा मनसेचे कार्यकर्ते व मनसैनिक प्रामुख्याने उपस्थित होते.