My Blog

Category: चंद्रपूर शहर

चंद्रपूर शहर (Chandrapur City) आणि आसपासच्या परिसरातील प्रत्येक लहान-मोठी बातमी वाचा news34.in वर. महानगरपालिका, स्थानिक राजकारण, गुन्हेगारी, शैक्षणिक आणि सांस्कृतिक घडामोडींचे त्वरित आणि अचूक कव्हरेज येथे उपलब्ध आहे. तुमच्या चंद्रपूर शहर परिसरातील प्रत्येक महत्त्वाच्या विषयावर सविस्तर माहिती आणि सत्य घटनांचे अपडेट्स मिळवा. स्थानिक नागरिकांसाठी हे सर्वात विश्वसनीय स्रोत आहे.

  • skill award । बांबू कारागिरांना अम्मा च्या नावाने कौशल्य पारितोषिक पुरस्कार देणार – आ किशोर जोरगेवार

    skill award

    skill award : आजचा हा कार्यक्रम बुरुड कारागिरांच्या प्रगतीसाठी आणि त्यांच्या कौशल्याला चालना देण्यासाठी महत्त्वाचा आहे. आपल्या परंपरागत व्यवसायाला आधुनिकतेची जोड देत नव्या उंचीवर नेण्यासाठी हा टूल किट वाटप उपक्रम राबवला जात आहे. या कारागिरांना प्रोत्साहन देण्यासाठी पुढल्या वर्षी पासून आपण पुढाकार घेणार असून अम्मा च्या नावाने बांबू कारागिरांना कौशल्य पारितोषिक देणार असल्याची घोषणा आमदार किशोर जोरगेवार यांनी केली

          बांबू प्रशिक्षण केंद्राच्या वतीने वन अकादमी येथे बुरूड समाजातील बांबू कारागिरांना टूल किट चे वाटप कार्यक्रमाचे आयोजन करण्यात आले होते. यावेळी आमदार किशोर जोरगेवार बोलत होते. या कार्यक्रमाला  वन अकादमी चे अप्पर प्रधान मुख्य वनरक्षक एम.एस रेड्डी, बांबू प्रशिक्षण केंद्राचे संचालक अशोक खडसे, भाजप नेते प्रकाश देवतळे आदि मान्यवरांची मंचावर उपस्थिती होती. 

    चंद्रपुरात वाहनचालकांवर अस्वलीचा हल्ला

        यावेळी बोलताना आ. जोरगेवार म्हणाले की, आज माझ्या हस्ते टूल किट देण्यात आली. त्यामुळे आपला पारंपरिक व्यवसाय टिकविण्यासाठी एका बुरूड समाजाच्या व्यक्तीने समाजाच्या दुसऱ्या व्यक्तीला  शस्त्र दिल्याचा अधिक आनंद होत आहे. या प्रशिक्षण केंद्राच्या माध्यमातून कारागिरांच्या हाताला कौशल्य देण्याचे काम आपल्या वतीने केल्या जात आहे. बांबू हा रोजगार देणारे साधन आहे. वन विभागानेही अश्या कारागिरांना आवश्यक असलेल्या बांबू उपलब्ध करून दिला पाहिजे. बांबू प्रशिक्षण केंद्राच्या माध्यमातून आता प्रत्येक वॉर्डात प्रशिक्षण शिबिरे सुरू केले पाहिजेत. यात लागणारी मदत करण्याची आमची पूर्ण तयारी असल्याचे ते यावेळी म्हणाले.  

       बूरूड कारागीरांनी आपली कला व कौशल्य टिकवून ठेवत समाजात मोठे योगदान दिले आहे. बांबू पासून विविध वस्तू तयार करत आपल्या कलेचा ठसा केवळ आपल्या प्रदेशातच नव्हे तर संपूर्ण देशभर उमटला आहे. परंतु बदलत्या काळानुसार आपणही नवे तंत्रज्ञान, नवे साधनसामग्री आत्मसात केली पाहिजे, या टूल किटद्वारे आपले काम अधिक सुलभ आणि दर्जेदार होईल. यामुळे आपण अधिक उत्पादन करू शकाल, गुणवत्ता वाढेल, आणि आपल्या उत्पादनांना बाजारपेठेत अधिक मागणी मिळणार आहे. 

         नवे कौशल्य आत्मसात करत आपल्यातील कला दुसऱ्या पर्यंत पोहचविण्याचे आवाहन यावेळी बोलताना त्यांनी केले. या कार्यक्रमात आमदार किशोर जोरगेवार यांच्या हस्ते बुरूड कारागिरांना टूल किट चे वितरण करण्यात आले. कार्यक्रमाला कारागिरांची मोठ्या संख्येने उपस्थिती होती.

  • Aamdar Shree । नागपूरचा निलेश जोगी ठरला आमदार श्री चा मानकरी

    Aamdar Shree

    Aamdar Shree : आमदार किशोर जोरगेवार यांच्या संकल्पनेतून महानगरपालिकेच्या पटांगणावर आयोजित विदर्भस्तरीय बॉडी बिल्डिंग स्पर्धेत नागपूरचा निलेश जोगी आमदार श्री २०२५ चा मानकरी ठरला ठरला आहे. तर चंद्रपूरचा आशिष बिरिया बेस्ट पोझर आणि अकोल्याचा अहमद खान यांनी बेस्ट इम्प्रुव्ह विजेतेपद पटकावले आहे. सर्व विजेत्या स्पर्धकांना आमदार किशोर जोरगेवार आणि मिस्टर वर्ल्ड नरेंद्र यादव यांच्या हस्ते पारितोषिके देण्यात आली आहेत.

    यावेळी श्री महाकाली माता महोत्सव समितीचे सचिव अजय जयस्वाल, युवा मोर्चा प्रदेश उपाध्यक्ष रघुवीर अहिर, भारतीय जनता पार्टीचे नेते दशरथ ठाकुर, राजेंद्र अडपेवार, तुषार सोम, माजी नगरसेवक विशाल निंबाळकर, प्रकाश देवतळे, भाजप नेते खुशाल बोंडे, माजी नगर सेवक सुभाष कासनगोट्टूवार, प्रदिप किरणे, शिला चौव्हाण,  श्याम धोपटे, अमोल शेंडे, नकुल वासमवार, रशिद हुसेन, सलीम शेख, ताहीर हुसेन,करणसिंग बैस, सुमित बेले, हर्षद कानमपल्लीवार, राम जंगम, असोशिएशनचे सचिव सुभाष लांजकेर, कोष्याध्यक्ष विवेक भुरटकर, सदस्य गणेश रामगुंडेवार आदींची मंचावर उपस्थिती होती.

    चंद्रपूर जिल्ह्यातील खासदाराचे दमदार काम

    दरवर्षीप्रमाणे यंदाही चंद्रपूरात आमदार किशोर जोरगेवार यांच्या संकल्पनेतून श्री माता महाकाली क्रीडा महोत्सवाचे आयोजन करण्यात आले आहे. यात विविध स्पर्धा घेतल्या जाणार आहेत. दरम्यान शनिवारी गांधी चौकातील महानगरपालिकेच्या पटांगणावर बॉडी बिल्डर अँड फिटनेस असोसिएशन विदर्भ यांच्या मान्यतेने तथा चंद्रपूर बॉडी बिल्डर अँड फिटनेस असोसिएशनच्या सहकार्याने विदर्भस्तरीय बॉडी बिल्डिंग अजिंक्यपद स्पर्धेचे आयोजन करण्यात आले होते. ही स्पर्धा 55, 60, 65, 70, 75 आणि खुल्या अशा सहा वजनगटांत घेण्यात आली होती. यात चंद्रपूरसह नागपूर, वर्धा, अमरावती, बुलढाणा, भंडारा, गोंदिया, गडचिरोली, यवतमाळ, वाशीम जिल्ह्यांतील 142 स्पर्धकांनी सहभाग घेतला होता. संध्याकाळी सहा वाजता 55 वजन गटाच्या स्पर्धेला सुरुवात झाली. (body building competition)

    या स्पर्धेत 55 वजन गटात चंद्रपूरचा आशिष बिरिया, 60 वजन गटात बुलढाण्याचा दत्तात्रेय सावरकर, 65 वजन गटात अकोल्याचा संदीपसिंग ठाकुर, 70 वजन गटात अकोल्याचा सोहेब अहमद, 75 वजन गटात अकोल्याचा सोहेब साहिल यांनी प्रथम पारितोषिक मिळविले. तर या स्पर्धेत आमदार श्रीसाठी घेण्यात आलेल्या स्पर्धेत नागपूरच्या निलेश जोगीने बाजी मारत पहिल्या क्रमांकासाठी असलेले 55,555 रुपयांचे पारितोषिक जिंकत आमदार श्री 2025 चा मान पटकावला. तसेच बेस्ट पोझर म्हणून आशिष बिरियाला 33,333 रुपये आणि शिल्ड, बेस्ट इम्प्रुव्हमेंटसाठी अहमद खान याला 22,222 रुपयांचे पारितोषिक आणि शिल्ड देण्यात आली.

    एका महिन्यात चंद्रपूर जिल्ह्यात ३ वाघाचा मृत्यू

    यावेळी बोलताना आमदार किशोर जोरगेवार म्हणाले की, बॉडी बिल्डिंग ही केवळ शरीराचा व्यायाम नाही, तर मनाच्या शिस्तीचा, मेहनतीचा आणि दृढ संकल्पाचा सर्वोच्च नमुना आहे. आपल्या समाजातील तरुणांना आरोग्याबाबत जागरूक करण्यासाठी अशा प्रकारच्या स्पर्धा खूप महत्त्वाच्या आहेत. आजच्या युगात आरोग्य हीच खरी संपत्ती आहे. फिटनेस आणि व्यायामाच्या माध्यमातून केवळ शरीर सुदृढ होत नाही, तर मन आणि आत्माही उन्नत होतो. युवक व्यसनापासून दूर राहतो, आपल्यातील प्रत्येकाने आपल्या रोजच्या आयुष्यात व्यायामाला प्राधान्य दिलं पाहिजे. पुढे पण असे आयोजन आपण करणार असल्याचे आमदार किशोर जोरगेवार म्हणाले.                                                                   

    यावेळी मिस्टर वर्ल्ड नरेंद्र यादव यांनी स्पर्धकांना कसरत करण्याचे आवश्यक सल्ले देत आयोजनाचे कौतुक केले. यावेळी अभिषेक कारिमवार, अविनाश लोखंडे, राजू कोटेवार, विशाल शिंदे, प्रतीम पाटील, गौतम शंभरकर, योगेश देवतळे यांनी पंच म्हणून काम पाहिले.

    मिस्टर वर्ल्ड नरेंद्र यादव ठरला आकर्षण

    मिस्टर वर्ल्ड आणि तब्बल सात वेळा मिस्टर इंडिया राहिलेला नरेंद्र यादव हा स्पर्धेचे मुख्य आकर्षण ठरला. त्याला पाहण्यासाठी युवकांनी मोठी गर्दी केली होती. यावेळी नरेंद्र यादव यांनीही सर्व बॉडी बिल्डरांना सुडौल शरीर तयार करण्यासाठी महत्त्वपूर्ण टिप्स दिल्या.

    body builder narendra yadav

  • Bodybuilding Championship 2025 | शनिवारी चंद्रपुरात बॉडी बिल्डिंग स्पर्धा

    Bodybuilding Championship 2025

    Bodybuilding Championship 2025 : आमदार किशोर जोरगेवार यांच्या संकल्पनेतून श्री माता महाकाली क्रीडा महोत्सवाचे आयोजन करण्यात आले आहे.

    दुर्गापुरातील कोल प्रदूषणावर संतापले सुधीर मुनगंटीवार

    या अंतर्गत शनिवारी विदर्भस्तरीय बॉडी बिल्डिंग अजिंक्यपद स्पर्धा गांधी चौकातील महापालिकेच्या पटांगणावर संध्याकाळी पाच वाजता होणार आहे. या स्पर्धेत विदर्भातील 100 हून अधिक बॉडी बिल्डर्स सहभाग घेत आहेत.


    हरियाणाचे मिस्टर वर्ल्ड नरेंद्र यादव हे या स्पर्धेचे विशेष आकर्षण असतील. स्पर्धेतील विजेत्यांना आमदार श्री 2025 पुरस्काराचे रोख 55,555, बेस्ट पोझरला 33,333, तर बेस्ट इम्प्रूव्हला 22,222 आणि ट्रॉफी देण्यात येणार आहे.

    दरवर्षीप्रमाणे यंदाही श्री माता महाकाली क्रीडा महोत्सवात कुस्ती, कबड्डी, बॉडी बिल्डिंग अशा विविध खेळांचे आयोजन करण्यात आले आहे. या स्पर्धेतून क्रीडा क्षेत्राला प्रोत्साहन मिळून युवकांना प्रेरणा मिळणार आहे.

  • chandrapur cancer hospital। निर्माणाधीन मेडिकल कॉलेज व कॅन्सर हॉस्पिटलच्या कामाची आमदार किशोर जोरगेवार यांनी केली पाहणी

    chandrapur cancer hospital

    chandrapur cancer hospital : चंद्रपूरसह संपूर्ण विदर्भातील रुग्णांसाठी वरदान ठरणारे चंद्रपूर मेडिकल कॉलेज आणि कॅन्सर रुग्णालयाचे काम अंतिम टप्प्यात आहे. येथील प्रलंबित कामांचा आढावा घेण्यासाठी आज मंगळवारी आमदार किशोर जोरगेवार यांनी संबंधित अधिकाऱ्यांसोबत मेडिकल कॉलेजची पाहणी केली. यावेळी त्यांनी प्रलंबित कामांसाठी लागणारा असलेल्या १८० कोटी रुपयांचा निधी मिळवून देण्यासाठी प्रयत्न करणार असल्याचे म्हटले आहे. 

       यावेळी शासकीय वैद्यकीय महाविद्यालयाचे अधिष्ठाता डॉ.मिलिंद कांबळे, कॅन्सर रुग्णालयाचे प्रमूख डॉ. कपुरिया, निवासी वैद्यकिय अधिकारी डॉ.निवृत्ती जिवणे, भारतीय जनता पक्षाचे नेते दशरत सिंग ठाकुर, तुषार सोम, मनोज पाल, अनिल फुलझेले मंडळ अध्यक्ष दिनकर सोमलकर, माजी नगर सेविका चंद्रकला सोयाम, वंदना जांभुळकर, जुमडे, वंदना हातगावकर, सविता दंढारे, सायली येरणे, आशा देशमुख, डॉ. गिरिधर येडे, धनराज कोवे, महेंद्र जुमडे, सलिम शेख आदींची उपस्थिती होती.

    बल्लारपूर शहरात सलमान शाहरुख आमिर चित्रपटाचे प्रदर्शन

          चंद्रपूर मेडिकल कॉलेजचे काम अंतिम टप्प्यात येवून निधी अभावी रखडले आहे. त्यामुळे सदर निधी तात्काळ उपलब्ध व्हावा यासाठी आमदार किशोर जोरगेवार यांचे सातत्याने प्रयत्न सुरु आहे. नागपूर येथील अधिवेशनात आमदार किशोर जोरगेवार यांनी हा विषय मांडत उर्वरित कामे पुर्ण करण्यासाठी निधीची मागणी केली होती. त्या अनुषंगाने वैद्यकीय शिक्षण मंत्री हसन मुश्रीफ यांनी मुंबई मंत्रालयात संबंधित विभागाची बैठक घेत येथील फर्निचर खरेदी प्रक्रिया गतीशील करण्याचे निर्देश दिले होते.
      दरम्यान आज मंगळवारी आमदार किशोर जोरगेवार यांनी मेडिकल कॉलेजची पाहणी करत सध्यास्थितीचा आढावा घेतला. यावेळी त्यांनी मेडिकल कॉलेजच्या परिसरात फिरून उर्वरित कामांची प्रगती आणि अडचणी जाणून घेतल्या. हे पूर्ण होण्यासाठी निधीची कमतरता असल्याचे समोर आले आहे. त्यामुळे संबंधित विभागांनी निधीचा प्रस्ताव पुन्हा तातडीने शासनाकडे पाठवावा त्याला मंजुरी मिळविण्यासाठी आपण पाठपूरावा करु असे आमदार किशोर जोरगेवार यांनी म्हटले आहे.
      चंद्रपूर मेडिकल कॉलेज जिल्ह्यासाठीच नव्हे, तर विदर्भातील अनेक जिल्ह्यांसाठी महत्त्वाचे ठरणार आहे. या महत्त्वाकांक्षी प्रकल्पामुळे ग्रामीण भागातील रुग्णांना तातडीने उपचार मिळू शकतील. तसेच बाहेर उपचारांसाठी जाणाऱ्या रुग्णांचा त्रास कमी होईल. प्रकल्प वेळेत पूर्ण होण्यासाठी सर्व विभागांनी समन्वय साधून कार्य करावे, असेही त्यांनी यावेळी स्पष्ट केले.
    Cancer hospital

       उर्वरित कामांमध्ये अंतर्गत उपकरणे, डॉक्टरांसाठी सोयीसुविधा आणि विद्यार्थ्यांसाठी आवश्यक प्रयोगशाळेकरीता लागणारे उपकरणे लवकर उपलब्ध होणार आहे. चंद्रपूर मेडिकल कॉलेज हा जिल्ह्याच्या आरोग्य क्षेत्रात एक नवा अध्याय उघडणार असून, यामुळे लाखो रुग्णांना दिलासा मिळणार आहे. त्यामुळे आपण शासन दरबारी निधीसाठी पाठपूरवा करणार असल्याचे ही आमदार किशोर जोरगेवार यांनी म्हटले आहे. यावेळी भारतीय जनता पार्टीच्या कार्यकर्त्यांची मोठ्या संख्येने उपस्थिती होती.

  • BJP convention shirdi | भाजपचे महाधिवेशन, चंद्रपुरातील कार्यकर्ते शिर्डीला रवाना

    BJP convention shirdi

    BJP convention shirdi : शिर्डी येथे भारतीय जनता पार्टीचे महाराष्ट्र महाअधिवेशन होणार असून, आमदार किशोर जोरगेवार यांच्या नेतृत्वाखाली चंद्रपूरमधील भारतीय जनता पक्षाचे शेकडो कार्यकर्ते शिर्डीकडे रवाना झाले आहेत. या प्रवासासाठी पाच बस आणि चारचाकी वाहने यांचा वापर करण्यात आला असून, सर्व कार्यकर्ते शिर्डीत दाखल होणार आहेत.

    अंमली पदार्थ विरोधात आमदार आक्रमक

      रविवारी आयोजित करण्यात आलेल्या या महाअधिवेशनात भारतीय जनता पक्षाचे राष्ट्रीय अध्यक्ष जे.पी. नड्डा, केंद्रीय गृहमंत्री अमित शहा, तसेच महाराष्ट्राचे मुख्यमंत्री देवेंद्र फडणवीस यांची प्रमुख उपस्थिती राहणार आहे. चंद्रपूरमधील कार्यकर्त्यांनी प्रचंड ऊर्जा, राष्ट्रसेवेची बांधिलकी आणि दृढ संकल्पाने या प्रवासाला सुरुवात केली आहे. या प्रवासात महिला, पुरुष, युवा, तसेच वरिष्ठ कार्यकर्त्यांनी मोठ्या संख्येने सहभाग नोंदवला आहे. शिस्तबद्ध संघटन, देशसेवा, आणि एकात्मतेच्या भावनेने प्रेरित हे कार्यकर्ते शिर्डीकडे मार्गक्रमण करत आहेत. (Bjp chandrapur)

    महाअधिवेशनात पक्षाच्या धोरणांचा आढावा घेऊन आगामी दिशा ठरवली जाणार आहे. यामध्ये कार्यकर्त्यांसाठी संघटनात्मक बळकटीवर मार्गदर्शन, आगामी निवडणुकांसाठी रणनीती ठरवणे, तसेच जनतेपर्यंत पक्षाची विचारधारा पोहोचवण्यासाठी नव्या उपक्रमांची चर्चा होणार आहे.

    चंद्रपुरातील मालमत्ता धारकांना सवलत जाहीर

    चंद्रपूर मतदारसंघातील कार्यकर्ते पक्षाच्या उद्दिष्टांसाठी सतत तत्पर असतात आणि त्यांच्या अथक प्रयत्नांमुळे पक्षसंघटना अधिक बळकट होत आहे. “या महाअधिवेशनातून नव्या दिशा मिळतील असे मत आमदार किशोर जोरगेवार यांनी व्यक्त केले आहे.

  • Yuvasena college kaksh | चंद्रपूर युवासेना कॉलेज कक्ष पदाधिकारी नियुक्त्या जाहीर

    Yuvasena college kaksh

    Yuvasena college kaksh : शिवसेना (उद्धव बाळासाहेब ठाकरे )पक्षप्रमुख उद्धवजी ठाकरे, युवासेना प्रमुख आ. आदित्य ठाकरे यांच्या आशिर्वादाने, शिवसेना -युवासेना सचिव,आ. वरून सरदेसाई यांच्या आदेशानुसार, युवासेना कार्यकरणी सदस्य हर्षलजी काकडे, युवासेना पूर्व विदर्भ सचिव,सिनेट सदस्य निलेशजी बेलखेडे, युवासेना सहसचिव रोहिणी पाटील,विस्तारक संदीप रियाल पटेल, युवासेना जिल्हा युवा अधिकारी विक्रांत सहारे यांच्या मार्गदर्शनाखाली युवासेना कॉलेज कक्ष पदाधिकारी नियुक्त्या जाहीर करण्यात आलेल्या आहेत. yuvasena 

    सुधीर मुनगंटीवार नाराज आहे का?

    युवासेना कॉलेज कार्यकारिणी, जिल्हा चंद्रपूर.
    इंजि. चेतन बोबडे यांच्याकडे घुग्घूस शहर प्रमुख सोबतच अतिरिक्त कॉलेज कक्ष लोकसभा अध्यक्ष (चंद्रपूर-वणी-आर्णी), इंजि. वतन मादर यांच्याकडे जिल्हा अध्यक्ष (चंद्रपूर-बल्लारशाह राजुरा),आदर्श लाडस्कर -जिल्हा सचिव, सार्थक शिर्के- विधानसभा अध्यक्ष (चंद्रपूर- विधानसभा), सोनू चावरे विधानसभा उपाध्यक्ष(चंद्रपूर- विधानसभा )यांची प्रमुख पदाधिकारी म्हणून नियुक्त्या करण्यात आलेल्या आहेत.यासोबतच विविध महाविद्यालय येथे युवासेना कॉलेज कक्ष यूनिट यांची घोषणा करण्यात आलेली आहे. yuvasena 

    सोबतच ब्रम्हपुरी येथील महाराष्ट्र इंस्टिट्यूट ऑफ टेक्नोलॉजी ब्रह्मपुरी मध्ये युनिट अध्यक्ष म्हणून यश दंगत, उपाध्यक्ष पदी वैभव गायकवाड तर सचिव पदी प्रज्वल इंगळे यांची निवड करण्यात आलेली आहे.
    मुंबई येथे झालेल्या युवासेना विभागीय सचिव यांच्या बैठकीमध्ये सिनेट सदस्य तथा पूर्व विदर्भ सचिव प्रा.निलेश बेलखेडे यांनी युवासेना सचिव आमदार वरुणजी सरदेसाई यांच्याशी चर्चा करून त्त्यांच्या मान्यतेने पूर्व विदर्भात जिल्ह्यातील सर्व महाविद्यालयामध्ये विद्यार्थी, युवकांच्या यांच्या समस्या सोडविण्यासाठी,शिक्षण, आरोग्य व रोजगार यासंदर्भात त्रिसूत्री कार्यक्रम राबवून युवक- युवतीना सहकार्य करण्याकरिता तसेच पुढील विद्यापीठ सिनेट निवडणुकीमध्ये युवासेना कॉलेज कक्ष महत्वाची भूमिका पार पाडेल असा विश्वास व्यक्त करीत चंद्रपूर जिल्ह्यपासून कॉलेज कक्षाची सुरवात करण्यात आलेली आहे.यावेळी आमदार म्हणून निवडून आल्यामुळे शिवसेना युवासेना सचिव श्री.वरून सरदेसाई यांचा सत्कार सुद्धा करण्यात आला. yuvasena 

    हाइटेक कॉलेज ऑफ़ फार्मेसो पाडोली चंद्रपूर येथे प्रणय मोहितकर, युनिट अध्यक्ष, प्रथमेश रायपुरे उपाध्यक्ष, तनिश्क़ गानापुरापू, सचिव पदी नियुक्ती करण्यात आलेली आहे.

    सोमय्या पॉलिटेक्निक अँड डी फार्मा कॉलेज, चंद्रपूर येथे युनिट अध्यक्ष म्हणून विशाल यादव, उपाध्यक्ष म्हणून जिशान बंडली आणि सचिव म्हणून जाहिद शेख यांची नियुक्ती करण्यात आलेली आहे.

    राजिव गांधी कॉलेज ऑफ इंजीनियरिंग, चंद्रपूर.मध्ये युनिट अध्यक्ष म्हणून
    गणेश बुक्कावर, उपाध्यक्ष म्हणून साहिल गेडाम, सचिव म्हणून
    साहिल सूर यांची नियुक्ती करण्यात आलेली आहे.

    श्री. साई पॉलिटेकनिक अंँड आई टी आय मध्ये युनिट अध्यक्ष म्हणून हर्शल खनके उपाध्यक्ष रूपेश चौलागे, तर सचिव म्हणून ओम संगणवार नियुक्त करण्यात आले.

    राजुरा येथील कोरपना आईटीआई कॉलेज, कोरपना येथेयुनिट अध्यक्ष म्हणून विशाल जुम्नके, उपाध्यक्ष प्रफुल केराम आणि सचिव पदी गौरव तालांडे यांची नियुक्ती करण्यात आलेली आहे.

    यादवराव धोटे कॉलेज, राजूरा येथे युनिट अध्यक्ष म्हणून अनिकेत येरणी
    उपाध्यक्ष म्हणून कुणाल ढोलेआणि चैतन्य रोहणकर
    सचिव म्हणून नियुक्त करण्यात आलेले आहेत.

  • Justice for tanmay | तन्मय च्या मारेकऱ्यांना आमच्या स्वाधीन करा – बाबूपेठवासीयांचा उद्रेक

    Justice for tanmay

    Justice for tanmay : चंद्रपूर शहरात 3 जानेवारीला चार अल्पवयीन मुलांनी 19 वर्षीय मुलाची दगडाने ठेचत क्रूर हत्या केली होती, अल्पवयीन मारेकऱ्यांना कठोर शिक्षा व्हावी या मागणीसाठी बाबूपेठ वासीयांनी 8 जानेवारी रोजी सायंकाळी केंडल मार्च काढला.

    12 कोटीचा अपहार, चंद्रपुरात ईडी ने दिली धडक

    डीएड कॉलेजच्या मैदानावरून निघालेला हा कँडल मार्च प्रभागातील भ्रमण करीत नेताजी चौकात पोहचला.

    घटना काय?

    3 जानेवारीला बाबूपेठ निवासी तन्मय जावेद खान हा 19 वर्षीय मुलगा सायंकाळी घरी येत होता वाटेत महाकाली मंदिर जवळ काही अल्पवयीन मुलांच्या दुचाकीला तन्मय च्या वाहनाने कट लागली.


    आमच्या वाहनाला कट का मारली म्हणून अल्पवयीन मुलांनी तन्मय सोबत वाद घालत त्याला मारहाण केली, त्यानंतर तन्मय ला दुचाकी वाहनाला झालेल्या नुकसानीची भरपाई मागितली, तन्मय ने पैसे नसल्याचे सांगताच चार अल्पवयीन मुलांनी गौतमनगर भागात तन्मय ला नेत त्याची दगडाने ठेचत अत्यंत क्रूरपणे हत्या केली.

    या घटनेचा निषेध व्यक्त करीत आज बाबूपेठ भागातील नागरिकांनी तन्मय च्या मारेकऱ्यांना कठोर शिक्षा व्हावी या मागणीसाठी कँडल मार्च (candal march) काढला.

    candal march
    बाबूपेठ वासीयांचा कँडल मार्च

    नेताजी चौकात नागरिकांनी मनातील संताप व्यक्त केला, मारेकरी मुलांना आमच्या स्वाधीन करा आम्ही त्यांचा बंदोबस्त करु अशी मागणी यावेळी करण्यात आली, पोलिसांचे मूल असे गुन्हे करीत आहे म्हणून प्रशासन मारेकऱ्यांची पाठराखण करीत आहे.

    sp office
    पोलीस अधीक्षकांना निवेदन देताना तन्मय ची आई

    मारेकरी अल्पवयीन मुलांना कठोर शिक्षा व्हायला हवी याबाबत तन्मय च्या आईने पोलीस अधीक्षक मुमक्का सुदर्शन यांची भेट घेत निवेदन दिले.

  • Home Water Meter | चंद्रपूर मनपाने 245 नळ धारकांवर केली कपातीची कारवाई

    Home Water Meter

    Home Water Meter : चंद्रपुर महानगरपालिकेतर्फे जलमापक यंत्र ( मीटर ) काढुन पाण्याचा वापर करणाऱ्या 245 नळ धारकांवर नळ कपातीची कारवाई करण्यात आली असुन 107 जलमापक यंत्र जप्त करण्यात आले आहे.तसेच मीटर काढुन पाण्याचा वापर करणाऱ्या 2407 नळधारकांची नोंद घेण्यात आली असुन त्यांनी मीटर जोडणी न केल्यास त्यांच्यावरही कारवाई करण्यात येणार आहे.  

    शिक्षकांच्या क्वार्टर मध्ये “दम मारो दम’

       
       आयुक्त विपीन पालीवाल यांच्या अध्यक्षतेखाली मंगळवार ७ जानेवारी रोजी शहराती नळ जोडणी योजनेचा आढावा घेण्यात आला.  शहरातील सर्व नळ जोडणीवर जलमापक (मीटर) (Home Water Meter) लावण्यात आले असुन जानेवारी महिन्यापासुन याचा प्रत्यक्ष वापर सुरु आहे. मात्र घरपोच पाणी मिळत असूनही अनेक नागरिकांद्वारे पाण्याचे देयक (cmc chandrapur online payment) भरण्यात कुचराई करण्यात येत असल्याने मोठया प्रमाणात थकबाकी निर्माण होत आहे.

    मीटर लावण्यात आलेल्या घरांपैकी केवळ 14 टक्के इतक्याच नळजोडणी धारकांनी देयकाचा भरणा केलेला आहे. यामुळे प्रामाणिकपणे करभरणा करणाऱ्या नागरिकांचे नुकसान होत असल्याची माहिती पाणी पुरवठा विभागातर्फे देण्यात आली.


        काही नळ ग्राहक हे पाणी वापराचा खर्च टाळण्याच्या दृष्टीने पाईपलाइनवर बसविण्यात आलेले जलमापक यंत्र काढुन पाणी भरत असतात. त्यामुळे अनेकदा  नागरिकांचे देयक हे शून्य रुपये येते. सदरची बाब नियमबाहा असल्याने असे प्रकार थांबविण्याच्या दृष्टीने येत्या 15 दिवसांत पाणी पुरवठा कार्यालयात प्रत्यक्ष अथवा भ्रमणध्वनी व्दारे संपर्क करून नळ जोडणी करून घेण्याच्या सूचनाही व्हॉल्वमनमार्फत सदर नळ धारकांना देण्यात आल्या होत्या. परंतु अजुनही काही नळ धारकांनी नळ जोडणी न केल्याने अश्या ग्राहकांवर दंडात्मक कार्यवाही करण्यात येत आहे.

        याप्रसंगी आयुक्त यांनी सुचनांचे पालन न करणाऱ्या नळ धारकांची नळ जोडणी कपात करण्याच्या तसेच मोठ्या अपार्टमेंटमधील रहिवाश्यांच्या वैयक्तीक कनेक्शन बंद करून सोसायटीच्या नावे एकच कनेक्शन देण्याची सूचना त्यांनी याप्रसंगी दिल्या.

    नळ कपातीसाठी महानगरपालिकेमार्फत 6 पथक तयार करण्यात आले आहे. ज्या नळ ग्राहकांची नळ कपात करण्यात आलेली आहे अश्या ग्राहकांनी पुनश्चः नळ जोडणीकरिता आवश्यक शुल्क आकारणीचा भरणा करावा, यासाठी मनपा पाणी पुरवठा विभाग अथवा पाण्याची टाकी कार्यालय येथे संपर्क करण्याचे मनपाद्वारे स्पष्ट करण्यात आले आहे.

  • Drugs Addiction | चंद्रपुरातील शासकीय क्वार्टर मध्ये “दम मारो दम’

    Drugs Addiction

    Drugs Addiction : चंद्रपूर शहर आता नशेच्या धुव्यात उडता चंद्रपूर कडे वाटचाल करीत आहे. गांजा नंतर आता जिल्ह्यात एमडी ड्रग्स ची सर्रास विक्री सुरू आहे.


    भावी पिढीला अवैध व्यवसायिक नशेच्या आहारी जाण्यासाठी प्रोत्साहित करीत आहे, या गंभीर समस्येवर जनप्रतिनिधी व प्रशासनाचे जाणीवपूर्वक दुर्लक्ष होत आहे.
    3 जानेवारीला तन्मय खान या मुलाची 4 अल्पवयीन मुलांनी दगडाने ठेचत हत्या केली, कारण तन्मय च्या दुचाकीने त्या अल्पवयीन मुलांच्या दुचाकी वाहनाला कट मारली, वाहनांचे नुकसान झाले म्हणून तन्मय ला 5 हजार रुपये मागितले पैसे देण्यास असमर्थ ठरल्याने अल्पवयीन मुलांनी तन्मय ची हत्या केली. हत्या करताना चारही अल्पवयीन मुले नशेत होते अशी माहिती पुढे आली आहे. D Ed college

    babupeth


    चंद्रपुर शहरातील बाबूपेठ हा भाग गर्दुल्ले, बेवडे व नशेडी लोकांसाठी स्वर्ग बनला आहे, येथील डीएड कॉलेज मधील प्राध्यापकांच्या क्वार्टर मध्ये व्यसनाधीन अल्पवयीन मुलांचा नशा करण्यासाठी सायंकाळी मेळावा भरतो, 10 ते 15 ओसाड असलेल्या शासकीय क्वार्टर मध्ये गांजा, एमडी व दारूचे सर्रास व्यसन केल्या जाते. Government colony

    डीएड कॉलेज मध्ये काही वर्षांपासून प्रशिक्षण घेण्यात तरुण वर्ग निरुत्साही झाल्याने शासकीय अध्यापक विद्यालय आता ओसाड झाले, बोटावर मोजण्याइतके कर्मचारी या प्रशिक्षण केंद्रात उरले आहे.

    ded college qwarter


    पूर्वी असंख्य तरुण-तरुणी या विद्यालयात प्रशिक्षण घेत होते, अनेक शिक्षक या विद्यालयात घडले, त्यावेळी प्राध्यापक वर्गाला राहण्यासाठी डी.एड कॉलेजच्यामागे प्रशस्त क्वार्टर ची व्यवस्था करण्यात आली होती.

    चंद्रपूर मनपाची पोलिसात तक्रार


    आज सर्व क्वार्टर ओसाड पडले, वेळेनुसार अध्यापकांची संख्या कमी झाल्याने केवळ कर्मचारी हे काही क्वार्टर मध्ये राहतात, त्यामुळे प्राध्यापकांची वसाहत पूर्णतः ओसाड पडल्याने व प्रशासनाचे पूर्णतः दुर्लक्ष झाल्याने यामध्ये आता दम मारो दम या कामासाठी क्वार्टर चा उपयोग होत आहे. Drugs addiction


    बाहेरील अल्पवयीन, तरुण मुले दररोज सायंकाळी आपल्या वाहनाने येत सिगारेट द्वारे गांजा व एमडी चे सेवन करतात, यामुळे या परिसरात राहणारे नागरिक गर्दुल्ले यांच्या कृत्याने कंटाळले आहे.

    drugs


    भविष्यात या व्यसनाने मोठी घटना नाकारता येत नाही म्हणून परिसरातील युवक व नागरिकांनी ओसाड पडलेले क्वार्टर जमीनदोस्त करावे अशी मागणी केली आहे.

    पोलीस प्रशासनाची भीती न बाळगता अल्पवयीन मुले बिनधास्त शासकीय क्वार्टर मध्ये सिगरेट ओढतात त्यामधील तंबाखू बाहेर काढत गांजा भरतात, आणि मग नशेच्या दुनियेत जात कुठलंही भयानक कृत्य करायला तयार होतात.

    बाबूपेठ प्रभागात काही अवैध व्यावसायिक गांजाचा व एमडी चा व्यापार करतात, ते सुद्धा पोलीस प्रशासनाला न घाबरता, तत्कालीन पोलीस अधीक्षक परदेशी यांच्या कार्यकाळात ओसाड पडलेल्या वसाहत व इमारतीची रोज झाडाझडती घेत होते, त्यामुळे त्याठिकाणी गैरकृत्य होण्याचे कारण नव्हते मात्र नवे पोलीस अधीक्षक आल्याने ती मोहीम थंडावली आणि परिस्थिती जैसे थे झाली.

    पोलिसांनी नशेचा व्यापार करणाऱ्यांवर करावी करीत त्यांच्यावर एमपीडीए अंतर्गत कारवाई करीत त्यांचं नेटवर्क कायमचे बंद करावे अशी मागणी आता होताना दिसत आहे.

  • Maharashtra Defacement Act | चंद्रपुरात अवैध होर्डिंग, मनपाने केली पोलिसात तक्रार

    Maharashtra Defacement Act

    Maharashtra Defacement Act : शहरात विना परवानगी होर्डिंग व स्टीकर लावणाऱ्यांविरुद्ध महाराष्ट्र विद्रुपीकरण कायदा १९९५ व सार्वजनिक संपत्ती नुकसान निवारण अधिनियम १९८४ अन्वये गुन्हा दाखल करण्याबाबत चंद्रपूर महानगरपालिकेच्या तीनही झोन कार्यालयांद्वारे पोलीस ठाणे येथे तक्रार दाखल करण्यात आली आहे.

    HMPV व्हायरस चंद्रपुर आरोग्य यंत्रणा अलर्ट मोडवर


     चंद्रपूर मनपाच्या झोन क्रमांक १ प्रभागात अज्ञात व्यक्तीद्वारे मैत्री विद्यालय,केसरी बोअरवेल नावाने,झोन क्रमांक २ प्रभागात नकुल वासमवार यांनी तर झोन क्रमांक ३ प्रभागात विक्रम शर्मा (डोग्रा ड्राय फ्रुट्स ) तसेच कार वॉश सेंटरची जाहिरात करणारे अवैध होर्डींग विविध ठिकाणी तसेच बॅनर- स्टीकर भिंतींवर व विद्युत खांबांवर मनपाकडुन पूर्वपरवानगी न घेता लावले असल्याचे सर्व सहायक आयुक्त यांना पाहणीदरम्यान आढळुन आले. (Cmc chandrapur)


        संबंधितास भ्रमणध्वनीद्वारे संपर्क करून सदर होर्डींग,पत्रके काढण्यास सांगितले असता अद्याप पावेतो न काढल्याने या सर्व अवैधरीत्या जाहिरात करणाऱ्यांवर महाराष्ट्र विद्रुपीकरण कायदा १९९५ अंतर्गत कलम ३ व सार्वजनिक संपत्ती नुकसान निवारण अधिनियम १९८४ अन्वये गुन्हा नोंद करण्यात यावा अश्या आशयाची तक्रार करण्यात आली आहे. जाहिरात करण्यास अश्या प्रकारचा अवलंब केल्याने शासकीय निधीचे मोठ्या प्रमाणात नुकसान होते तसेच शहर सुशोभीकरणाच्या कामातही बाधा निर्माण होते.


       घाटकोपर येथील होर्डींग दुर्घटनेनंतर सुस्वराज फाऊंडेशनची दाखल जनहित याचिका क्र.१५५ / २०११ नुसार मा.उच्च न्यायालयाने शहरातील अनधिकृत होर्डींग,बॅनर, जाहीरात फलकांवर सक्त कारवाई निर्देश दिलेले आहेत.त्याअनुषंगाने आयुक्त विपीन पालीवाल यांच्या मार्गदर्शनात चंद्रपूर मनपाद्वारे मोहीम राबविण्यात येत असुन निष्कासनाची कारवाई करण्यासाठी स्थानिक पोलीस प्रशासनाद्वारे पुरेसे संरक्षण उपलब्ध करून दिले जात आहे.

       यापुर्वी मनपा प्रशासनाद्वारे मनपा क्षेत्रातील प्रिंटर्स व राजकीय पक्ष प्रतिनिधींची बैठक घेऊन मा. उच्च न्यायालयाच्या आदेशाबाबत अवगत करण्यात आले होते व शहरात कुठलेही अवैध बॅनर,जाहीरात फलक,होर्डिंग लाऊ नये अन्यथा न्यायालयीन आदेशानुसार कारवाई करण्यात येणार असल्याची कल्पना देण्यात आली होती.  


        भिंतीपत्रके,पोस्टर्स,बॅनरबाजीमुळे शहराच्या विद्रुपीकरण होते किंबहुना वाहतुकीसही अडथळा निर्माण होत असल्याने याबाबत उच्च न्यायालय आणि राज्य शासनाने आखुन दिलेल्या सुचनांनुसार कारवाई करण्यात येते. त्यानुसार, परवानगीशिवाय पॅम्प्लेट्स, बॅनर्स, होर्डिंग्ज,कापडी फलक लावणा-यांवर आर्थिक दंडासह कायदेशीर कारवाई करण्याची तरतूद या धोरणामध्ये करण्यात आली आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by