POCSO conviction case । 📜 चंद्रपूर POCSO केस: आरोपीला 20 वर्षं आणि महिला साथीदाराला 5 वर्षांची शिक्षा!

POCSO conviction case

POCSO conviction case : चंद्रपूर/पडोली- १३ वर्षीय अल्पवयीन बालिकेवर अत्याचार करणाऱ्या नराधमाला व त्या गुन्ह्यात मदत करणाऱ्या महिलेला चंद्रपूर जिल्हा न्यायालयाने सश्रम कारावासाची शिक्षा सुनावली आहे.

घटना काय?

चंद्रपुरातील पडोली पोलीस स्टेशनच्या हद्दीतील हि घटना जानेवारी २०२० मध्ये घडली होती. आरोपी ३५ वर्षीय इसमाने घरासमोर राहणाऱ्या १३ वर्षीय अल्पवयीन बालिकेला ३० वर्षीय महिला मित्राच्या मदतीने घरी बोलाविले. व तिच्यावर अत्याचार केला. Chandrapur POCSO case verdict

पीडित बालिकेने याबाबत पडली पोलीस स्टेशनमध्ये तक्रार दिली, गुन्ह्याची गंभीरता लक्षात घेत तत्कालीन तपासी अधिकारी मेघा गोखरे यांनी आरोपीवर पॉक्सो व कलम ३७६ (२) व ३७६ (३) व गुन्ह्यात मदत करणाऱ्या महिलेवर कलम ३५४ (अ) (१) अंतर्गत गुन्हा दाखल केला होता.

४ महिन्याच्या बाळाला आहे मदतीची गरज, दानशूर व्यक्तींनी पुढं यावं

५ वर्षे न्यायालयात चाललेल्या या गंभीर गुन्ह्याचा निकाल २१ मे २०२५ रोजी सुनावण्यात आला, गुन्ह्यातील आरोपी ३५ वर्षीय इसमाला २० वर्षे सश्रम कारावास व द्रव्य दंडाची शिक्षा सुनावण्यात आली व त्याला गुन्ह्यात सहकार्य करणाऱ्या महिलेला न्यायालयाने ५ वर्षे सश्रम कारावासाची शिक्षा सुनावली.

महिला व बाल अत्याचाराच्या गंभीर गुन्ह्यात तपासी अधिकारी मेघा गोखरे यांनी आरोपी विरुद्ध भक्कम पुराव्यानिशी दाखल केलेले दोषारोपत्र या गुन्ह्याचा आरोपीना शिक्षा करण्यासंदर्भात मोठा टर्निंग पॉईंट ठरला.

सदर गुन्ह्याचा निकाल अतिरिक्त सत्र न्यायाधीश पीजी भोसले यांनी सुनावला तर शासनाची भक्कम बाजू सरकारी अभियोक्ता आसिफ शेख यांनी मांडली, तर पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू यांच्या मार्गदर्शनात पैरवी अधिकारी म्हणून पोलीस कर्मचारी मधुराज रामानुजवार व दत्तक अधिकारी म्हणून सहायक पोलीस निरीक्षक पडोली पोलीस स्टेशन योगेश हिवसे यांनी मोलाची कामगिरी बजावली. ज्यामुळे आरोपीना त्यांच्या कृत्याची शिक्षा मिळाली.