Tadoba-Andhari new safari scheme for locals । प्रतिभाताई धानोरकरांचा पुढाकार; ताडोबाच्या बफर गेटवर स्थानिकांना आरक्षित जिप्सी सफारी

Tadoba-Andhari new safari scheme for locals

Tadoba-Andhari new safari scheme for locals : चंद्रपूर (दिनांक ०४ ऑक्टोबर २०२५): ताडोबा-अंधारी व्याघ्र प्रकल्पाने चंद्रपूर जिल्ह्यातील स्थानिक नागरिकांसाठी एक महत्त्वपूर्ण आणि दिलासादायक निर्णय घेतला आहे. खासदार प्रतिभाताई धानोरकर यांच्या पुढाकाराने, ताडोबाच्या बफर विभागात आता स्थानिकांना जिप्सी सफारी साठी विशेष व्यवस्था उपलब्ध करून देण्यात आली आहे.

Also Read : भाऊंचा दांडिया, विजेत्यांना मिळाली लाखोंची बक्षिसे

या निर्णयानुसार, आगरझरी बफर गेटवर आता दर बुधवारी सकाळच्या सत्रासाठी सर्वच्या सर्व सहा जिप्सी सफारी वाहने (६ सीटर) केवळ चंद्रपूर जिल्ह्यातील नागरिकांसाठी राखीव ठेवण्यात येणार आहेत. ताडोबा-अंधारी व्याघ्र प्रकल्पाच्या कार्यकारी समितीने दिनांक ०३ ऑक्टोबर २०२५ रोजी झालेल्या बैठकीत या प्रस्तावाला मंजुरी दिली आहे. Tadoba local jeep safari booking Chandrapur

जिप्सी बुकिंग आणि शुल्क तपशील

• कोणासाठी: केवळ चंद्रपूर जिल्ह्यातील स्थानिक नागरिक
• कुठे: आगरझरी बफर गेट
• कधी: दर बुधवारी (सकाळच्या सत्रासाठी)
• वाहन संख्या: एकूण ६ जिप्सी (६ सीटर)
• शुल्क: एका जिप्सीसाठी (६ सीटर) ₹ ५००० (पाच हजार रुपये)
• अंमलबजावणी: बुधवार, दिनांक ०८ ऑक्टोबर २०२५ पासून.

बुकिंगची प्रक्रिया

या जिप्सी सफारीची बुकिंग पर्यटनाच्या ७ दिवस आधीपासून एक दिवस आधीपर्यंत करता येणार आहे. बुकिंगसाठी नागरिकांना उपसंचालक (कोर), ताडोबा-अंधारी व्याघ्र प्रकल्प, चंद्रपूर यांच्या कार्यालयातील क्रुझर बुकिंग काउंटर येथे सकाळी ११:०० ते सायंकाळी ०५:०० वाजेपर्यंत संपर्क साधावा लागेल.

क्रुझर सफारीची सवलत कायम

स्थानिक नागरिकांच्या सोयीसाठी ताडोबा प्रशासनाने यापूर्वीच ९ सीटर क्रुझर सफारी सेवा सुरू ठेवली आहे. मोहर्ली प्रवेशद्वारासाठी ४ क्रुझर आणि कोलारा प्रवेशद्वारासाठी ३ क्रुझर सध्या कार्यरत आहेत. या क्रुझरद्वारे दररोज एकूण १२६ पर्यटकांना सकाळ आणि दुपारच्या फेरीत प्रवेश मिळतो. या क्रुझर सफारीचे शुल्क केवळ ₹ ७२०/- असून, यावर कॅमेरा शुल्कामध्ये १०० टक्के सूट देण्यात आली आहे.

हा नवीन जिप्सी उपक्रम सध्या प्रायोगिक तत्त्वावर सुरू करण्यात येत आहे. याला मिळणाऱ्या प्रतिसाद आणि यशावर आधारित पुढील निर्णय घेण्यात येणार असल्याचे ताडोबा-अंधारी व्याघ्र प्रकल्प प्रशासनाने स्पष्ट केले आहे. वन्यजीव पर्यटन आणि स्थानिकांचे हित यांचा समन्वय साधण्याचा हा एक महत्त्वाचा प्रयत्न आहे.