illegal diesel storage । 🛢️ “फक्त १०,८०० चं डिझेल, पण धोका हजारोंच्या जीवाला!” – राजुरातील धक्कादायक प्रकार उघड

illegal diesel storage

illegal diesel storage : राजुरा – चंद्रपुरातील पडोली मध्ये मोठ्या प्रमाणात डिझल चोरांचा सुळसुळाट आहे, मात्र आजवर या चोरांवर कसलीही ठोस कारवाई पोलिसांमार्फत झालेली नाही. काही महिन्यापूर्वी चंद्रपुरात अवैध पद्धतीने डिझल साठवणूक करीत एका ठिकाणी ठेवले असता त्याला भीषण आग लागली होती, असेच एक प्रकरण राजुरा पोलीस स्टेशनच्या हद्दीत घडले, राजुरा पोलिसांनी आपल्या हद्दीत असणाऱ्या डिझल डिझल साठवणूक करणाऱ्या आरोपीला अटक करीत तब्बल १२० लिटर डिझल जप्त केले.

आयएमए विरोधात एकटवले होमिओपॅथिक डॉक्टर्स

तर असंख्य जीवाला धोका

१२ जुलै रोजी राजुरा पोलिसांना मिळालेल्या गोपनीय माहितीच्या आधारे पौनी जिल्हा परिषद शाळेजवळ एका पडीत रूम वर पोलिसांनी छापा टाकला असता त्याठिकाणी ४ मोठया प्लास्टिक कॅन मध्ये १२० लिटर डिझल किंमत एकूण १० हजार ८०० रुपयांचा मुद्देमाल आढळून आला. सदर डिझेल अवैध अवैध पद्धतीने साठवण्यात आले होते. जर या डिझल चा भडका उडाला असता तर परिसरातील असंख्य जीवाला धोका निर्माण झाला असता.

डिझल साठवणूक करणाऱ्या २८ वर्षीय अमृतकुमार राजकुमार राजभर राहणार राजुरा याला अटक करण्यात आली. पोलिसांनी आरोपीवर कलम २८७ अंतर्गत गुन्हा दाखल करीत अटक केली.

सदरची यशस्वी कारवाई पोलीस निरीक्षक सुमित परतेकी यांच्या नेतृत्वात सपोनि हेमंत पवार, पोउपनि चाटे, परिविक्षाधीन पोउपनि सुवर्णा काळे, पोलीस कर्मचारी संजय व पोले यांनी केली.