Tag: News34 chandrapur

Ganesh idol exhibition Chandrapur

Ganesh idol exhibition Chandrapur : चंद्रपूर – आगामी श्रीगणेशोत्सव काळात यंदाही चांदा क्लब येथे श्री गणेश मूर्ती प्रदर्शनी व विक्रीचे आयोजन चंद्रपूर महानगरपालिकेतर्फे करण्यात आले असुन श्री गणेश मूर्ती दुकानांवर होणाऱ्या गर्दीमुळे वाहतूक कोंडी निर्माण होऊ नये व नागरिकांना सहजतेने मूर्ती खरेदी करून घरी नेता याव्या या दृष्टीने नियोजन करण्यात येणार असल्याचे आयुक्त विपीन पालीवाल यांनी सांगितले.  

चंद्रपूर मनपा आयुक्त जाणार जपान दौऱ्यावर

    लवकरच गणेशोत्वास सुरवात होणार असुन मोठ्या प्रमाणात साजऱ्या होणाऱ्या या उत्सवात अधिकांश घरी गणेश मूर्तींची स्थापना केली जाते. मूर्ती विक्री करणारे अनेक मूर्तिविक्रेते हे शहरातील वर्दळीच्या ठिकाणी गणेशमूर्तीची विक्री करत असल्याने नागरिकांना मूर्ती खरेदीस गर्दीच्या ठिकाणी जाण्याशिवाय पर्याय नसतो.यावर उपाय म्हणुन यावर्षी मागील वर्षी प्रायोगिक तत्वावर चांदा क्लब येथील प्रशस्त मैदानावर मूर्तिकारांना मूर्तिविक्रीसाठी जागा मनपाने उपलब्ध करून दिली होती व त्यास मोठ्या प्रमाणात प्रतिसाद मिळाला होता. यावेळॆस मागणी असल्याने सिटी हायस्कूल जवळील जुन्या विक्रेत्यांना परवानगी देण्यात आली आहे, मात्र त्याशिवाय इतर फुटपाथ अथवा रस्त्यावर विक्रेत्यांना पूर्णपणे मनाई आहे.  

रस्त्यावर मूर्ती विक्री केल्यास कारवाई

     चांदा क्लब येथे येथे व्यवस्था  करण्यात येणार येणार असुन स्टॉल्स, पेंडॉल व्यवस्था मूर्ती विक्रेत्यांना स्वतः करावयाची आहे. विद्यूत व्यवस्थेसाठी पॉईंट, फिरते शौचालय,स्वच्छतेची व्यवस्था,पाणी टँकर मनपा प्रशासनातर्फे करून दिली जाणार आहे. नोंदणी न करता मूर्ती विक्री व साहित्य विक्री करणाऱ्यावर तसेच मनपाने निश्चित करून दिलेल्या जागेशिवाय इतरत्र विशेषतः फुटपाथवर अथवा रस्त्यावर मुर्ती विक्री करून रहदारीस अडथळा निर्माण करणाऱ्या विक्रेत्यांवर कारवाई करण्यात येणार आहे. Chandrapur Clay Ganesh idol exhibition 2025    

     मूर्ती खरेदीस नागरिकांची गर्दी, वाहनांची गर्दी, खरेदीस पुरेसा वेळ न मिळणे, दुचाकी वाहन सोबत असेल तर वाहन उभे करायला जागेचा प्रश्न,चारचाकी वाहन असेल तर सुरक्षित जागी वाहन उभे करून खरेदीस दूर पायी चालत जावे लागते.सोबत परिवाराचे सदस्य असतील तर खरेदी करतांना होणारा प्रचंड त्रास नागरिकांना सहन करावा लागतो. चांदा क्लब येथील प्रशस्त मैदानावर मूर्तिकारांना मूर्तिविक्रीसाठी जागा उपलब्ध करून दिल्याने एकाच जागी मातीच्या गणेश मूर्तीची अनेक दुकाने उपलब्ध होणार असुन नागरिकांना इतरत्र कुठेही गर्दीच्या जागी न जाता मोकळ्या जागेत आपल्या परिवारासहित खरेदीचा आनंद घेता येणार आहे. Chanda Club Ganesh idol exhibition 

     चांदा क्लब येथील मूर्तिकांरांकडून मूर्ती विकत घेणाऱ्या नागरिकांना लकी ड्रॉ कुपन दिले जाणार असुन यातील 8 भाग्यवान विजेत्यांना घरगुती उपयोगी वस्तु इस्त्री, मिक्सर स्वरूपाची बक्षिसे मिळणार आहेत. गर्दीमुक्त मोकळ्या वातावरणात श्री गणेशाचे आगमन होण्याच्या दृष्टीने नागरिकांनी चांदा क्लब येथुन मूर्ती खरेदी करण्याचे आवाहन चंद्रपूर महानगरपालिकेतर्फे करण्यात येत आहे.   

APGDUM Japan study tour

APGDUM Japan study tour : चंद्रपूर 17 ऑगस्ट – महाराष्ट्र शासनाच्या नगर विकास विभागामार्फत Advanced Post Graduate Diploma in Urban Management (APGDUM) या पदव्युत्तर अभ्यासक्रमांतर्गत 19 ऑगस्ट ते 26 ऑगस्ट 2025 या कालावधीत जपान येथे परदेशी अभ्यासदौरा आयोजित करण्यात आला आहे. या अभ्यासदौऱ्यास 14 ऑगस्ट 2025 रोजी शासनमान्यता देण्यात आली चंद्रपूर मनपा आयुक्त विपीन पालीवाल व उपायुक्त मंगेश खवले यात सहभागी होणार आहेत.  

चंद्रपूर लोकसभा मतदारसंघात ५० हजार बोगस मतदार

   या अभ्यासदौऱ्यात राज्यातील विविध नगररचना विभाग, महानगरपालिका व शहरी विकास क्षेत्रातील वरिष्ठ अधिकारी सहभागी होत असुन जपानमधील शहरी विकास, स्थानिक स्वराज्य व्यवस्था व आधुनिक नागरी सेवांचा प्रत्यक्ष अनुभव घेणार आहेत.या दौऱ्याचे आयोजन पुण्यातील Association of Friends of Japan (AFJ) या संस्थेमार्फत करण्यात आले असून यशदा, पुणे यांचे शैक्षणिक मार्गदर्शन लाभले आहे. Chandrapur urban management training Japan

दौऱ्याचा उद्देश –

या परदेशी अभ्यासदौऱ्याचा प्रमुख उद्देश म्हणजे जपानसारख्या प्रगत देशातील शहरी प्रशासन व व्यवस्थापन पद्धतींचा अभ्यास करून महाराष्ट्रातील शहरी विकास कार्य अधिक सक्षम, शाश्वत व नागरिकाभिमुख बनवणे हा आहे. जपानमधील कचरा व्यवस्थापन, सांडपाणी प्रक्रिया, वाहतूक नियोजन, आपत्ती व्यवस्थापन, हरित विकास, सांस्कृतिक वारसा जतन या क्षेत्रातील आंतरराष्ट्रीय अनुभव आत्मसात करून त्यांचा महाराष्ट्रातील शहरी प्रशासनात उपयोग करण्याची संधी या दौऱ्यातून मिळणार आहे. तसेच, शहरी समस्यांच्या सोडवणुकीसाठी तंत्रज्ञानाचा वापर, शाश्वत विकासाचे मॉडेल, नागरिकांच्या सहभागावर आधारित शासनव्यवस्था, व पर्यावरणपूरक प्रकल्प राबविण्याच्या पद्धतींचा अभ्यास या अभ्यासदौऱ्याचा भाग असेल.

दौऱ्याची ठळक वैशिष्ट्ये –

टोकियोतील आसाकुसा व सेन्सो-जी मंदिर भेट, शहरी नियोजन व पर्यटन विकासाचा अभ्यास.
नारा पार्क व क्योटो (किंकाकुजी) येथे सांस्कृतिक व ऐतिहासिक वारसा संवर्धनाची पाहणी.
ओसाका किल्ला व शिंबाशी येथे शहरी प्रशासनाशी संबंधित चर्चासत्रे.
शिराहामा येथील कचरा व्यवस्थापन व सांडपाणी प्रक्रिया प्रकल्प भेट.
स्थानिक स्वराज्य संस्था अधिकारी व जपानमधील तज्ञांशी चर्चा.

चंद्रपूर शहराला होणारा फायदा –

या परदेशी अभ्यासदौऱ्यामुळे चंद्रपूर महानगरपालिकेच्या आयुक्त व उपआयुक्तांना जपानमधील अत्याधुनिक शहरी विकास अनुभवण्याची संधी मिळणार आहे. तेथील सर्वोत्तम पद्धतींचा अभ्यास करून चंद्रपूर शहरात स्वच्छता व्यवस्थापन, पायाभूत सुविधा, वाहतूक व्यवस्था, पर्यावरणपूरक प्रकल्प आणि नागरिकाभिमुख सेवांच्या उन्नतीसाठी त्याचा थेट उपयोग होईल.

या अभ्यासदौऱ्यामुळे चंद्रपूर शहराचा शाश्वत विकास, पर्यावरण संरक्षण, आधुनिक तंत्रज्ञानाचा वापर आणि नागरिकांच्या जीवनमान उन्नतीसाठी सकारात्मक दिशा मिळेल, असा विश्वास व्यक्त करण्यात आला आहे.

Chandrapur police officers honored

Chandrapur police officers honored : चंद्रपूर – १५ ऑगस्ट स्वातंत्र्य दिनाला चंद्रपूर जिल्हा पोलीस दलातील अधिकारी व कर्मचारी यांचा पालकमंत्री डॉ. अशोक उईके यांच्याहस्ते सत्कार करण्यात आला. वर्ष २०२५ मध्ये उत्कृष्ट कामगिरी बजावणाऱ्या पोलीस अधिकारी व अंमलदार यांच्या कार्याची दखल घेण्यात आली. स्थानिक गुन्हे शाखेतील सत्कारमूर्ती अधिकारी व अंमलदार कार्यरत आहे.

मध्यप्रदेश राज्यातून आली अवैध दारूची खेप, स्थानिक गुन्हे शाखेने केली कारवाई

स्थानिक गुन्हे शाखेचे पोलीस उपनिरीक्षक विनोद गजानन भुरले यांनी चंद्रपूर जिल्ह्यातील गडचांदूर, मूल, घुग्गुस, गोंडपिपरी पोलीस स्टेशनच्या हद्दीत अवैध जनावर तस्करी कारवाईत एकूण २७८ गोवंश जनावरांची सुटका करीत एकूण ३ लाख ७५ हजार १०० रुपयांचा मुद्देमाल जप्त केला तसेच जिल्ह्यातील विविध पोलीस ठाण्याच्या हद्दीत घडलेल्या चोरी व घरफोडीचे एकूण ३१ गुन्हे उघडकीस आणत चोरीस गेलेला सोन्या चांदीचा मुद्देमाल एकूण ८८ लाख ६९ हजार ९०० रुपये हस्तगत करीत महत्वाची कामगिरी बजावली. Chandrapur Police performing excellently

८५० बेपत्ता नागरिकांना आणले शोधून

स्थानिक गुन्हे शाखा पोलीस उपनिरीक्षक संतोष ज्ञानेश्वर निंभोरकर यांनी वर्ष २०२५ मध्ये चंद्रपूर जिल्ह्यातील विविध पोलीस स्टेशनच्या हद्दीतील घरून निघून गेलेल्या, पळून व हरवलेल्या तसेच पळवलेल्या एकूण ८५० मुलं/मुली, महिला व पुरुष यांचा शोध लावत त्यांना नातेवाईकांच्या ताब्यात देण्यात आले. या सर्व आव्हानात्मक गुन्ह्याचा तपास अतिशय चपळतेने निंभोरकर यांनी केला. Chandrapur police achievements

स्थानिक गुन्हे शाखा पोलीस अंमलदार किशोर रतन वाकाटे यांनी चंद्रपूर जिल्ह्यातील विविध पोलीस ठाण्याच्या हद्दीतून बनावटी देशी दारू वाहतूक करणाऱ्या गुन्हेगारांची गोपनीय माहिती काढत एकूण ३ आयशर ट्र्क मधील बनावट दारूच्या ९३५ पेट्या किंमत ६२ लाख ७२ हजार ५०० रुपयांचा मुद्देमाल जप्त केला.

या तीन उत्कृष्ट कामगिरी बजावणाऱ्या पोलीस अधिकारी व अंमलदार यांचा १५ ऑगस्ट रोजी पालकमंत्री अशोक उईके यांच्या हस्ते जिल्हाधिकारी कार्यालयात सन्मानचिन्ह व प्रमाणपत्र देत गौरविण्यात आले.

सदरची यशस्वी कामगिरी पोलीस अधिकारी व अंमलदार यांनी पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे यांच्या मार्गदर्शनात व स्थानिक गुन्हे शाखेचे पोलीस निरीक्षक अमोल काचोरे यांच्या नेतृत्वात केली.

Chandrapur women send 30000 rakhis to CM

Chandrapur women send 30000 rakhis to CM : चंद्रपूर – भारतीय जनता पार्टी चंद्रपूर महानगरच्या महिला आघाडीच्या वतीने आज शुक्रवारी जैन भवन येथे रक्षाबंधन सोहळ्याचे भव्य आयोजन करण्यात आले. या विशेष सोहळ्यात चंद्रपूर मतदारसंघाच्या वतीने पालकमंत्री डॉ. प्रा. अशोक उईके यांच्या मार्फत तब्बल ३० हजार राख्या मुख्यमंत्री देवेंद्र फडणवीस यांना पाठविण्यात आल्या. भगिनींनी मुख्यमंत्री यांच्याप्रती असलेला विश्वास, प्रेम आणि संरक्षणाची भावना या उपक्रमातून व्यक्त केली.

स्मार्ट मीटरमुळे वीज बिलात मोठ्या प्रमाणात वाढ

या कार्यक्रमाला आदिवासी विभाग मंत्री तथा जिल्ह्याचे पालकमंत्री डॉ. प्रा. अशोक उईके, चंद्रपूर मतदारसंघाचे आमदार किशोर जोरगेवार, माजी आमदार अनिल सोले, भारतीय जनता पार्टी महानगर अध्यक्ष सुभाष कासनगोट्टूवार, महिला आघाडी अध्यक्ष छबु वैरागडे, भाजप नेते प्रकाश देवतळे, युवा मोर्चा प्रदेश उपाध्यक्ष रघुवीर अहिर, नामदेव डाहुले, विधानसभा अध्यक्ष दशरथसिंह ठाकुर, वंदना हातगावकर, महामंत्री मनोज पाल, रवि गुरुनुले, सविता दंढारे,  युवा मोर्चा अध्यक्ष मयूर हेपट, मंडळ अध्यक्ष रवि जोगी, प्रदीप किरमे, अॅड. सारिका संदुरकर, स्वप्निल डुकरे, अरुण तिखे, अॅड. राहुल घोटेकर, माजी नगरसेविका कल्पना बबुलकर, पुष्पा उराडे, शितल आश्रम, शितल गुरनूरे, वनिता डुकरे, वंदना तिखे, सायली येरणे आदी मान्यवरांची मंचावर उपस्थिती होती. Chandrapur Raksha Bandhan grand event

महिलांच्या स्वावलंबनासाठी राज्य सरकारचे विविध उपक्रम

यावेळी बोलताना पालकमंत्री अशोक उईके म्हणाले कि, रक्षाबंधन हा भगिनींच्या सन्मान आणि सुरक्षिततेचे प्रतीक आहे. आज चंद्रपूरच्या भगिनींनी मुख्यमंत्री देवेंद्र फडणवीस यांना ३० हजार राख्या पाठवून आपला विश्वास व्यक्त केला आहे, हा क्षण अभिमानाचा आहे. मुख्यमंत्री स्वतः महिलांच्या सक्षमीकरणासाठी आणि सुरक्षिततेसाठी कटिबद्ध आहेत. राज्य सरकार महिलांच्या शिक्षण, आरोग्य, स्वावलंबनासाठी विविध उपक्रम राबवत असल्याचे ते यावेळी म्हणाले.

या कार्यक्रमात बोलताना आमदार किशोर जोरगेवार म्हणाले की, भगिनींचा विश्वास हा माझ्यासाठी प्रेरणेचा स्रोत आहे. आज या कार्यक्रमातून भगिनींनी केवळ आमच्याच नाही तर थेट मुख्यमंत्री यांच्याप्रती विश्वासाचा पवित्र धागा पाठवून एक सुंदर संदेश दिला आहे. आमच्या लाडक्या ताईंच्या सुरक्षिततेसाठी, न्यायासाठी आणि सन्मानासाठी आम्ही प्राथमिकतेचे काम करू, असे यावेळी आमदार किशोर जोरगेवार म्हणाले. Chandrapur Raksha Bandhan

            या कार्यक्रमात लहान मुलींपासून ते ज्येष्ठ महिलांपर्यंत सर्वांनी राखी बांधून सणाचे महत्त्व अधोरेखित केले. अखेरीस ३० हजार राख्या मुख्यमंत्री देवेंद्र फडणवीस यांना पाठविण्याची औपचारिक घोषणा करत हा सोहळा यशस्वीरीत्या पार पडला. विशेष म्हणजे अल्पसंख्यांक महिला आघाडीच्या वतीने ही 2 हजार राख्या मुख्यमंत्री यांना पाठविण्यात आल्यात.  या कार्यक्रमाला महिला भगिनींची शेकडोंच्या संख्येने उपस्थिती होती.

Sudhir Mungantiwar Kohinoor of India Award

Sudhir Mungantiwar Kohinoor of India Award : चंद्रपूर – राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांच्या शिरपेचात आणखी एक मानाचा तुरा खोवला जाणार आहे. छत्रपती शिवाजी महाराजांची वाघनखे लंडनमधून भारतात आणणण्याचे ऐतिहासिक कार्य करणारे आ. श्री. मुनगंटीवार यांना त्याच लंडनच्या भूमिमध्ये ‘कोहिनूर ऑफ इंडिया’ पुरस्काराने गौरविण्यात येणार आहे. ‘लोकमत’च्या वतीने सोमवार दि. १८ ऑगस्ट रोजी लंडन येथे आयोजित ‘ग्लोबल इकॉनामिक कन्व्हेन्शन’मध्ये आ. श्री. मुनगंटीवार यांना हा सन्मान बहाल करण्यात येईल. Sudhir Mungantiwar

चंद्रपूरकरांना स्मार्ट मीटर चा करंट

‘लोकमत’च्या ‘ग्लोबल इकॉनामिक कन्व्हेन्शन’ या प्रतिष्ठित सोहळ्याचे हे दुसरे वर्ष असून, गेल्या वर्षीं हा सोहळा सिंगापूर येथे झाला होता. या वर्षी लंडनमध्ये होणाऱ्या या कन्व्हेन्शनमध्ये भारताच्या ५ ट्रिलियन डॉलर अर्थव्यवस्थेच्या दिशेने होणाऱ्या प्रगतीवर चर्चा होणार आहे. भारताच्या आर्थिक धोरणांचे विश्लेषण, जागतिक व्यापारातील भूमिका, तंत्रज्ञान, पायाभूत सुविधांचा विकास आणि हरित ऊर्जा यांसारख्या विषयांवर सखोल चर्चा होणार आहे.

या सोहळ्यात ‘कोहिनूर ऑफ इंडिया’, ‘भारत भूषण’, ‘महाराष्ट्र रत्न’, ‘ग्लोबल सखी’ आणि ‘गुजरात रत्न’ अशा प्रतिष्ठित पुरस्कारांनी विविध क्षेत्रांतील उल्लेखनीय कामगिरी करणाऱ्या व्यक्तींना सन्मानित करण्यात येणार आहे. हे पुरस्कार त्यांच्या कार्याची जागतिक पातळीवर दखल घेण्यासाठी आणि त्यांच्या योगदानाचा गौरव करण्यासाठी दिले जाणार आहेत. Kohinoor of India Award

आ. श्री. मुनगंटीवार यांना राजकीय तसेच सामाजिक क्षेत्रातील उत्कृष्ट योगदानासाठी ‘लोकमत कोहिनूर ऑफ इंडिया’ हा जाहीर करण्यात आला.‘देशाच्या विकास आणि प्रगतीमध्ये दिलेल्या उल्लेखनीय योगदानाबद्दल आपले मनःपूर्वक आभार. या जागतिक स्तरावरील प्रतिष्ठित व्यासपीठावर आपल्या विलक्षण कार्याचा उत्सव साजरा करण्यासाठी आम्ही उत्सुक आहोत,’ असे पत्र आ. श्री. मुनगंटीवार यांना ‘लोकमत’ माध्यम समूहाचे चेअरमन श्री. विजय दर्डा यांच्याकडून प्राप्त झाले आहे.

यापूर्वी अनेक पुरस्काराने गौरव

आ. श्री. मुनगंटीवार यांना यापूर्वी देखील अनेक पुरस्कार व सन्मान बहाल करून गौरविण्यात आले आहे. काही महिन्यांपूर्वी त्यांना गडचिरोली येथील गोंडवाना विद्यापीठाच्या वतीने मानाची डी.लिट. प्रदान करण्यात आली. पर्यावरण व वन्यजीव तसेच संस्कृती व ऐतिहासिक वारसा संवर्धन क्षेत्रात आ. श्री. मुनगंटीवार यांनी दिलेल्या योगदानासाठी ही डी.लिट. प्रदान करण्यात आली. गोंडवाना विद्यापीठ स्थापन व्हावे यासाठी आ. श्री. मुनगंटीवार यांनी विशेष प्रयत्न केले होते. त्याच विद्यापीठातर्फे डी.लिट. जाहीर होणे हा देखील एक विलक्षण योगायोग ठरला. Sudhir Mungantiwar

१९९९ मध्‍ये राष्‍ट्रकुल संसदिय मंडळाच्‍या वतीने विधानसभेतील उत्‍कृष्‍ट आमदार, २००८ मध्‍ये अंध कल्‍याणाच्‍या क्षेत्रात उल्‍लेखनिय काम केल्‍याबद्दल राष्‍ट्रीय दृष्‍टीहीन संघाच्‍या वतीने जी.एल. नर्डेकर स्‍मृती पुरस्‍कार, वृक्षारोपण मोहीमेच्या संदर्भात किर्लोस्‍कर वसुंधरा अवार्ड, लोकसेवा आणि विकास संस्‍थेचा कर्मवीर मासा कन्‍नमवार मेमोरियल अवार्ड, दैनिक लोकमतचा महाराष्‍ट्रीयन ऑफ द इयर, इंडिया टूडे समुहाद्वारा दोन वेळा बेस्‍ट फायनान्‍स मिनिस्‍टर पुरस्‍कार, आफ्टरनुन व्‍हॉइस या संस्‍थेद्वारे बेस्‍ट परफॉर्मिंग मिनिस्‍टर पुरस्‍कार, जे.सी.आय. महाराष्‍ट्र तर्फे मॅन ऑफ द इयर पुरस्‍कार, फेम इंडिया तर्फे उत्‍कृष्‍ट मंत्री पुरस्‍कार अशा प्रतिष्‍ठेच्‍या पुरस्‍कारांनी त्‍यांना सन्‍मानित करण्‍यात आले. Sudhir Mungantiwar

आ. सुधीर मुनगंटीवार यांच्या मंत्री पदाच्या कार्यकाळात ४ लिम्का रेकॉर्डसह ‘सियावर रामचंद्र की जय’ ही अक्षररचना व ‘ग्रीन भारतमाता’ साकारण्यासाठी २ गिनेस बुक ऑफ रेकॉर्ड मिळाले, विक्रमी वृक्षलागवडीसाठी देशगौरव पंतप्रधान नरेंद्रजी मोदी यांनी ‘मन की बात’मध्ये विशेष उल्लेख केला, तसेच त्यांच्या कार्यालयाला देशातील पहिला आयएसओ दर्जा प्राप्त झाला. वित्तमंत्री म्हणून त्यांच्या उल्लेखनीय कामगिरीसाठी ‘आज तक’ व ‘इंडिया टुडे’ने त्यांना ‘बेस्ट फायनान्स मिनिस्टर इन इंडिया’ म्हणून गौरविले, स्व. अरुण जेटली यांच्या हस्ते सन्मानित केले गेले. स्वातंत्र्यानंतर पहिल्यांदाच ११,९७५ कोटी रुपयांचा महसुली आधिक्य असलेला ऐतिहासिक अर्थसंकल्प त्यांनी सादर करून देशात अभूतपूर्व नोंद केली.