My Blog

Tag: News34 chandrapur

  • highway accident auto truck Marathi news | चंद्रपुरात मोठा अपघात, 6 ठार

    highway accident auto truck Marathi news

    highway accident auto truck Marathi news : राजुरा: (28 ऑगस्ट 2025) राजुरा – गडचांदूर – मार्गावरील कापनगाव जवळ राजुरा येथून पाचगाव कडे जाणा-या एका ॲटोला विरूध्द दिशेने येणा-या हायवा ट्रक ने जबर धडक दिली. या घटनेत ६ प्रवाशी ठार झाले असून एका गंभीर प्रवाश्याला चंद्रपूर जिल्हा रूग्णालयात रेफर करण्यात आले आहे.

    छोटा मटका जेरबंद

    तर एकावर राजुरा उपजिल्हा रूग्णालयात उपचार सुरू आहेत. दिनांक २८ ऑगस्ट २०२५ रोजी दुपारी ४ वाजता ही दुर्देवी दुर्घटना घडली.

    ऑटो चालक संभ्रमात आणि

    राजुरा येथुन पाचगाव कडे ॲटो चालक व सात प्रवाशी ॲटो ने जात होते. राजुरा शहरापासून दोन किलोमीटर अंतरावर महामार्गाचे काम सुरू आहे. आज एकाएकी येथे काम करण्यासाठी रस्ता वाहतुकीत बदल करण्यात आला. मात्र याविषयी कसलेही फलक लावले नव्हते. यामुळे ॲटो चालक संभ्रमात पडला आणि हायवे वर ॲटो घेतल्यानंतर हायवा ट्रक ने ॲटोला भिषण धडक दिली. truck collision Rajura Maharashtra

    ही टक्कर एवढी भिषण होती की संपुर्ण ॲटोचा चुराडा झाला. यावेळी तिन प्रवाशी जागीच ठार झाले. तिन जखमींना चंद्रपूर जिल्हा रूग्णालयात रेफर केल्यानंतर रस्त्यात त्यांचा मृत्यू झाला.

    या दुर्घटनेत रवींद्र हरी बोबडे, वय ४८, राहणार पाचगाव, शंकर कारू पिपरे, वय ५०, राहणार कोची, सौ. वर्षा बंडू मांदळे, वय ४१, राहणार खामोना, तनु सुभाष पिंपळकर, वय १८, राहणार पाचगाव, ताराबाई नानाजी पापुलवार, वय 60 वर्ष, राहणार पाचगाव आणि ऑटो चालक प्रकाश मेश्राम, वय ५० वर्ष, राहणार पाचगाव या सहा प्रवाशांचा मृत्यू झाला. याव्यतिरिक्त चंद्रपूर जिल्हा रुग्णालयात निर्मला रावजी झाडे, वय ५० वर्षे, पाचगाव यांना चंद्रपूर जिल्हा रूग्णालयात रेफर करण्यात आले असून भोजराज महादेव कोडापे, वय ४० वर्षे, भुुरकुंडा यांचे वर राजुरा उपजिल्हा रुग्णालयात उपचार सुरू आहेत. Rajura accident service road auto truck collision

    राजुरा पोलिसांनी याची दखल घेऊन तातडीने घटनास्थळी पोहोचून सर्व जखमींना रुग्णालयात दाखल केले आणि ट्रक चालकावर गुन्हा दाखल करण्याची प्रक्रिया सुरू केली आहे. ट्रकचालक अद्याप फरार आहे. पोलिसांनी ट्रक ताब्यात घेतला आहे . ठाणेदार सुमित परतेकी पुढील तपास करीत आहेत.

  • Chota Matka Tiger |छोटा मटका वाघ TTC उपचार केंद्रात दाखल

    Chota Matka Tiger

    Chota Matka Tiger : (28 ऑगस्ट 2025)चंद्रपूर: ताडोबा-अंधारी व्याघ्र प्रकल्पातील (बफर) गंभीर जखमी वाघ T-126 ला यशस्वीरित्या जेरबंद करण्यात आले आहे. खडसंगी वनपरिक्षेत्रातील कंपार्टमेंट क्र. ५१ मध्ये ही बचाव मोहीम राबवण्यात आली. वाघाला पुढील उपचारांसाठी चंद्रपूर येथील ट्रांझिट ट्रीटमेंट सेंटर (TTC) मध्ये हलवण्यात आले आहे.

    कोरपना तहसील कार्यालयासमोर आजपासून आमरण उपोषण, दारू दुकानाविरुद्ध एल्गार

    वाघाच्या झुंजीत सीएम जखमी

    १२ मे, २०२५ रोजी ताडोबातील खडसंगी बफर परिक्षेत्रात T-126 आणि T-158 या दोन वाघांमध्ये जोरदार संघर्ष झाला होता. या लढाईत T-158 वाघाचा मृत्यू झाला, तर T-126 गंभीर जखमी झाला होता.

    राष्ट्रीय व्याघ्र संवर्धन प्राधिकरण (NTCA) आणि तांत्रिक समितीच्या शिफारशीनुसार, प्रधान मुख्य वनसंरक्षक (वन्यजीव) यांनी T-126 वाघाला जेरबंद करण्याचे आदेश दिले होते. मानवी-वन्यजीव संघर्ष टाळण्यासाठी आणि अनुचित घटना रोखण्यासाठी हा निर्णय घेण्यात आला.

    वनसंरक्षक आणि क्षेत्र संचालक श्री प्रभू नाथ शुक्ल आणि उपसंचालक (बफर) श्री आनंद रेड्डी यांच्या मार्गदर्शनाखाली ही कारवाई करण्यात आली. ताडोबा-अंधारी व्याघ्र प्रकल्पाच्या शीघ्र कृती दलाने (RRT) सहायक वनसंरक्षक श्री. अनिरुद्ध ढगे यांच्या देखरेखीखाली ही बचाव मोहीम राबवली. या मोहिमेदरम्यान वाघाला कमीत कमी इजा होईल याची पूर्ण काळजी घेण्यात आली.

    profile picture

  • indefinite hunger strike against liquor store । दारू दुकानाविरोधात बेमुदत आमरण उपोषण

    indefinite hunger strike against liquor store

    indefinite hunger strike against liquor store : चंद्रपूर (२७ ऑगस्ट २०२५)- चंद्रपूर जिल्ह्यात दारूबंदी घोषित होण्यापूर्वी ३५० बार व देशी दारूचे दुकाने होते, दारूबंदी झाल्यावर अनेकांनी आपली दुकाने दुसऱ्या जिल्ह्यात स्थानांतरित केली होती, ७ वर्षांनंतर जिल्ह्याची दारूबंदी उठली आणि उत्पादन शुल्क विभागाने दारू दुकानाचा बेकायदेशीर परवाना वाटप करण्याचे काम सुरु केले. ७ वर्षांनी जिल्ह्यात तब्बल ७५० च्या वर दारू दुकानांची संख्या वाढली आहे.

    त्या बेपत्ता अल्पवयीन मुलाचा मृतदेहच आढळला

    असेच कोरपना मध्ये नगर पंचायतीचे मुख्याधिकारी यांनी देशी दारूच्या दुकानाला बेकायदेशीर ना हरकत प्रमाणपत्र देत गावातील वातावरण खराब करण्याचे काम केले असा आरोप कोरपना शहर वासियांनी केला. देशी दारू दुकान तात्काळ गावातून हटविण्यात यावे या मागणीकरिता शेतकरी संघटनेचे कोरपना तालुका उपाध्यक्ष पद्माकर नथ्थूजी मोहितकर २८ ऑगस्टपासून कोरपना तहसील कार्यालयासमोर बेमुदत उपोषणाला बसणार आहे. women safety concerns

    दारू दुकानाविरोधात अनेक तक्रारी, प्रशासन गप्प

    दारूचे दुकान हटवावे याकरिता संवैधानिक मार्गाने तक्रार, धरणे, मोर्चे व अनेक आंदोलने करण्यात आली मात्र त्याची साधी दखलही घेण्यात आली नाही. दारू दुकानांमुळे महाविद्यालयीन शिक्षण घेणारे विद्यार्थी यांना व्यसन लागण्याची शक्यता नाकारता येत नाही. या दुकानांमुळे महिला व मुलींच्या सुरक्षेचा प्रश्न गंभीर झाला आहे.

    मागण्या काय?

    • २८ मे रोजी नगर पंचायतीने दारू दुकानाला दिलेले ना हरकत प्रमाणपत्र रद्द करावे.
    • मुख्याधिकारी धुमाळ यांना निलंबित करावे.
    • अवैध बांधकामाची मोका चौकशी करून मुख्याधिकारी यांनी बांधकाम पूर्णत्वाचे दिलेल्या प्रमाणपत्राबाबत कारवाई करावी.

    ४ जुलै व २१ जुलै २०२५ रोजी महिला व पुरुषांच्या स्वाक्षरीनिशी जिल्हाधिकारी चंद्रपूर यांच्याकडे तक्रार केली असून अद्यापही जिल्हाधिकारी यांनी कोरपना वासियांच्या तक्रारींवर कसलाही निर्णय घेतला नाही, याकरिता स्वतंत्र भारत पक्ष समर्पित शेतकरी संघटना तालुका उपाध्यक्ष पद्माकर मोहितकर यांनी नागरिकांच्या तक्रारींवर शेवटचा लढा देण्यासाठी बेमुदत आमरण उपोषणाचे हत्यार उगारले असून २८ ऑगस्ट पासून तहसील कार्यालयासमोर आंदोलनाला सुरुवात होणार आहे. जोपर्यंत दारूचे दुकान गावातून हटणार नाही तोपर्यंत माझा लढा सुरु राहणार अशी प्रतिक्रिया मोहितकर यांनी दिली आहे.

  • decomposed body of minor found । मित्रांसोबत गेलेला अल्पवयीन रहस्यमयरीत्या मृतावस्थेत – पालकांची CID चौकशीची मागणी

    decomposed body of minor found

    decomposed body of minor found : राजुरा : (२६ ऑगस्ट २०२५)तालुक्यातील मानोली (बु.) शिवारात बल्लारपूर येथील अल्पवयीन रणजित निशाद उर्फ कट्टाणी (१७) याचा कुजलेल्या अवस्थेत मृतदेह आढळून आला. हा घातपात असल्याने सीआयडी चौकशी करावी, अशी मागणी मृताचे वडील दिनेश व आई राजाराणी कट्टाणी यांनी निवेदनातून केली आहे.

    ८ ऑगस्ट रोजी रात्री ११:३० वाजता रणजित कट्टाणी हा सात मित्रांसह राजुरा तालुक्यातील गौरी सास्ती, कढोली परिसरातील गुप्ता कोळसा वॉशरी व वेकोलि क्षेत्रात गेला होता. मात्र, तो घरी परत आला नाही. दुसऱ्या दिवशी रणजितसोबत गेलेल्या तरुणांना चोरीच्या आरोपाखाली पोलिसांनी अटक केली. त्यांच्यामध्ये रणजित नव्हता.

    रस्ते अपघातात २ युवकांचा मृत्यू

    परंतु त्याचा मोबाइल फोन दाऊद नावाच्या एका तरुणाने पोलिसांकडे जमा केला होता. त्यानंतर रणजितचा मृतदेह मानोली शिवारात कुजलेल्या अवस्थेत आढळून आला. रणजितच्या सोबत गेलेल्या मित्रांची चौकशी करून सत्य बाहेर काढावे, अशी मागणी कुटुंबीयांनी केली आहे. father demands CID investigation teen death

    पत्रकार परिषदेत पालकांनी व्यक्त केला होता घातपाताचा संशय

    बेपत्ता अल्पवयीन मुलाची आई राजाराणी आणि वडील दिनेश यांनी सांगितले की, राजुरा तहसीलमधील बावापूर कडोली मानोली कोलगांव येथील परिसराजवळ गुप्ता वॉशरी आणि वेकोली कोळसा खाणी आहेत, जिथे रात्रीच्या वेळी वाहतूक वाहनांमधून वाहनांच्या बॅटरी आणि डिझेलची चोरी अनेक वेळा होते. त्याचप्रमाणे, ८ ऑगस्ट २०२५ रोजी रात्री ११.3० वाजता, बल्लारपूर येथील रहिवासी रणजित निशाद उर्फ कट्टाणी, वय १७, त्याच्या ७ मित्रांसह बाहेर गेला आणि परतला नाही. दरम्यान, दुस_या दिवशी, रणजितसोबत गेलेल्या तरुणांना चोरीच्या आरोपाखाली राजुरा पोलिसांनी अटक केली. witness friends arrested teen missing

    त्यात रणजित निशाद त्यांच्यात नव्हता. परंतु त्याचा मोबाईल फोन दाऊद नावाच्या मुलाने राजुरा पोलिसांना दिला. या आधारे, रणजितसोबत गेलेल्या तरुणांनी त्याच्याशी काहीतरी चुकीचे केले आहे असा कुटुंबाचा संशय आहे. या संदर्भात, पोलिसांनी बेपत्ता मुलाला शोधून न्याय द्यावा किंवा सीआयडी चौकशी करावी अशी मागणी त्यांनी केली होती.

  • welding laborers killed in road accident । काम संपवून परतत असताना दुर्दैवी अपघात – दोन तरुणांचा मृत्यू, एक जखमी

    welding laborers killed in road accident

    welding laborers killed in road accident : गडचिरोली/मूल (२६ ऑगस्ट २०२५) – आष्टी-मुलचेरा मार्गावर सोमवारी (२५ ऑगस्ट) सायंकाळी ६ वाजता दुचाकीवरील नियंत्रण सुटल्याने झालेल्या अपघातात लवकुश सदाशिव गोरडवार (२९, रा. घोसरी) आणि शुभम सखाराम वाकुडकर (२५, रा. बोंडाळा) या दोन तरुणांचा दुर्दैवी मृत्यू झाला. या अपघातात अक्षय राजू वाकुडकर हा जखमी झाला आहे.

    मुख्यमंत्री विरुद्ध अपशब्द, चंद्रपुरात निषेध आंदोलन

    दुचाकीचे नियंत्रण सुटले आणि

    हे तिन्ही तरुण वेल्डिंगचे काम करत होते. सोमवारी ते मुलचेरा येथे आयुष वेल्डिंग दुकानाच्या मालकाच्या घरी कामासाठी गेले होते. काम संपवून ते दुचाकीने घोसरीकडे परत येत असताना आष्टीपासून सहा किलोमीटर अंतरावर असलेल्या एका वळणावर त्यांच्या दुचाकीचे नियंत्रण सुटले आणि ती झाडावर आदळली.

    या अपघातात दुचाकीवरील तिघेही जण फेकले गेले. लवकुश गोरडवारचा जागीच मृत्यू झाला, तर शुभम वाकुडकरला तातडीने आष्टी येथील ग्रामीण रुग्णालयात दाखल करण्यात आले. मात्र, उपचारादरम्यान त्याचाही मृत्यू झाला. या अपघातामुळे घोसरी, नांदगाव आणि बोंडाळा परिसरात शोककळा पसरली आहे.

  • Inspiring stories of unexpected winners । संघर्षातून यशाकडे, अडचणींवर मात करून चमकलेले विजेते

    Inspiring stories of unexpected winners

    Inspiring stories of unexpected winners : चंद्रपूर (२६ ऑगस्ट २०२५) – कोणत्याही खेळाला पैशाची श्रीमंती लागत नाही, प्रतिष्ठेचा दिमाख लागत नाही. लागतं ते फक्त जिद्दीचं आभाळ आणि मेहनतीचं क्षितिज. चंद्रपूरच्या जय शीतला माता गोविंदा पथकाने हेच दाखवून दिलंय. त्यांची गोष्ट ऐकल्यावर वाटतं, खरंच, स्वप्नं पाहण्यासाठी डोळ्यांत फक्त आत्मविश्वास असावा लागतो, बाकी सगळं आपोआप जुळून येतं.

    बाबुपेठ येथील सोनझारी मोहल्ल्यात राहणारे हे तरुण. कोणी स्मशानभूमीची साफसफाई करतो, तर कोणी भंगार गोळा करतो. समाजाने त्यांच्याकडे पाहण्याचा दृष्टिकोन नेहमीच वेगळा राहिला. पण या उपेक्षित जगातही त्यांची स्वप्नं मोठी होती. साधारण सात-आठ वर्षांपूर्वी नागपूरला नातेवाईकांकडे दहीहंडी पाहिली आणि त्यांच्या डोळ्यांत एकच स्वप्न तरळलं – आपणही हा थरार अनुभवायचा. पैसे नव्हते, ना कोणती मोठी ओळख. होतं फक्त एक वेड आणि अफाट मेहनत करण्याची तयारी. Inspirational story

    घुग्गुस वासियांचे स्वप्न होणार पूर्ण

    त्यांच्या या वेडाला हळूहळू आकार मिळत गेला. छोट्या-मोठ्या दहीहंडी स्पर्धांमध्ये त्यांनी भाग घ्यायला सुरुवात केली. पडले, ठेच लागली, पण थांबले नाहीत. माणसांच्या थरावर थर रचत त्यांनी माणुसकीचा आणि एकजुटीचा एक वेगळाच कळस उभा केला. या वर्षी तर त्यांनी कमालच केली. चंद्रपूर जिल्ह्यातील सर्वात मानाची मानली जाणारी ‘भाऊंची दहीहंडी’ फोडली आणि दीड लाख रुपयांचं मोठं बक्षीस जिंकलं. त्यासोबतच, जिल्ह्यातील अनेक स्पर्धांमध्ये भाग घेऊन त्यांनी सुमारे ४ लाख रुपयांची बक्षिसांची रक्कम जमा केली. त्या एका क्षणासाठी, त्या गोविंदांच्या डोळ्यांतील चमक पाहण्यासारखी होती. ती फक्त विजयाची चमक नव्हती, तर त्यांच्या जिद्दीला मिळालेल्या यशाची ती एक ज्योत होती. Dahi Handi Winner

    पैश्याचा सदुपयोग

    पण खरी गोष्ट तर यापुढे आहे. जिंकलेल्या पैशाचं त्यांनी काय केलं, हे ऐकून मन भरून येतं. एकही पैसा त्यांनी स्वतःच्या चैनीसाठी खर्च केला नाही. यातील काही रक्कम पथकातील कुणा सदस्याच्या कुटुंबात दुर्दैवाने जीवितहानी झाली असेल, तर त्यांना मदत केली जाते. कुणाला उपचारासाठी पैशांची गरज असेल, तर तेही याच निधीतून दिले जातात.

    आज त्यांच्याकडे समाज एका वेगळ्या नजरेने पाहतोय. ती नजर आता तुच्छतेची नाही, तर आदराची आहे. त्यांची ही गाथा सांगते की, माणसातले गुण त्याच्या कामावरून आणि निस्वार्थीपणावरून ठरतात. या गोविंदा पथकाने दहीहंडीच्या उंचीलाच नव्हे, तर माणुसकीच्या उंचीलाही गवसणी घातली आहे. त्यांच्या या प्रवासाने सिद्ध केलंय की, जिद्द असेल तर प्रत्येक काम, प्रत्येक खेळ, आणि प्रत्येक स्वप्न जिंकता येतं.

    गोविल मेहरकुरे ९६८९९८८२८२

  • MSEDCL Ganeshotsav electrical safety advisory । 🎉 उत्सवात आनंद दुप्पट, धोका शून्य – महावितरणने दिले सुरक्षा टिप्स

    MSEDCL Ganeshotsav electrical safety advisory

    MSEDCL Ganeshotsav electrical safety advisory :चंद्रपूर:- २६ ऑगस्ट २०२५ – ‘मंगलमूर्ती मोरया’चा जयघोष करत अवघ्या काही दिवसांवर येऊन ठेपलेल्या गणेशोत्सवाची तयारी शिगेला पोहोचली आहे. गल्लोगल्ली उभारले जाणारे भव्य मंडप, त्यावर केलेली आकर्षक रोषणाई, आणि मनमोहक देखावे यामुळे सर्वत्र उत्साहाचे वातावरण आहे.

    चंद्रपुरात हवी गोंड वीरांची स्मारके

    या उत्सवाला झगमगाट देणारी विद्युत ऊर्जा ही जितकी आवश्यक आहे, तितकीच ती सुरक्षितपणे हाताळणे महत्त्वाचे आहे. उत्साहाच्या भरात विजेच्या सुरक्षिततेकडे दुर्लक्ष झाल्यास मोठा अनर्थ होऊ शकतो. यंदाच्या उत्सवात गणेशभक्त आणि मंडळांनी समन्वयाने काम करत, विजेचा वापर सुरक्षितपणे केल्यास, हा उत्सव खऱ्या अर्थाने विघ्नहर्त्याच्या आशीर्वादाने उजळून निघेल. Ganesh festival safe electricity tips

    मंडळांसाठी महत्त्वाची नियमावली: सुरक्षा हाच पहिला मान

    गणेशोत्सवाचा आनंद द्विगुणीत करण्यासाठी आणि कोणत्याही संभाव्य अपघाताला टाळण्यासाठी, गणेश मंडळांनी काही महत्त्वाच्या नियमांचे पालन करणे आवश्यक आहे.

    तात्पुरत्या वीज जोडणीसाठी आवश्यक कागदपत्रे:

    • मंडळाने तात्पुरत्या वीज जोडणीसाठी महावितरण कडे अर्ज करताना खालील कागदपत्रे तयार ठेवावीत:
      • महापालिका किंवा स्थानिक स्वराज्य संस्थेचे नोंदणी प्रमाणपत्र: हे प्रमाणपत्र तुमच्या मंडळाची नोंदणी कायदेशीर असल्याची खात्री करते. temporary power connection Ganesh Festival
      • पोलिस परवानगी: मंडप उभारणी आणि वीज जोडणीसाठी पोलिसांची परवानगी घेणे अनिवार्य आहे.
      • वीज मागणी अर्ज आणि वीजसंच मांडणी अहवाल: महावितरणकडे तात्पुरत्या वीज जोडणीसाठी रीतसर अर्ज करण्यासोबतच वीज जोडणी सुरक्षितपणे करण्यात आल्याचा अहवालही सादर करणे महत्त्वाचे आहे.

    सुरक्षा उपाययोजना आणि खबरदारी:

    • • पुरेसे अंतर राखा: मंडप, रोषणाई आणि देखाव्यांची उभारणी करताना लघुदाब व उच्चदाब विद्युत वाहिन्यांपासून सुरक्षित अंतर ठेवा. वितरण रोहित्रे (Transformers) आणि इतर विद्युत यंत्रणेपासून पुरेशा अंतरावर मंडप उभारा.
      • तज्ञ व्यक्तींची मदत: वीज जोडणीसाठी फक्त मान्यताप्राप्त विद्युत ठेकेदारांची नेमणूक करा. ते सर्व सुरक्षा नियमांचे काटेकोरपणे पालन करतील याची खात्री करा. licensed electrician Ganesh pandal wiring safety
      • सुरक्षित उपकरणे वापरा: योग्य इन्सुलेशन (Insulation) असलेले वायर्स, फ्यूज आणि सर्किट ब्रेकर्सचा वापर करा. विजेच्या सुरक्षिततेमध्ये कोणतीही तडजोड करू नका.
      • आपात्कालीन मदत: कोणत्याही आपत्कालीन परिस्थितीत त्वरीत संपर्क साधण्यासाठी, आपल्या कार्यक्षेत्रातील महावितरणच्या स्थानिक शाखा अभियंत्यांचे मोबाईल क्रमांक नोंदवून ठेवा.

    महावितरणचे आवाहन: घरगुती दरात वीज आणि ऑनलाईन पेमेंट

    राज्य वीज नियामक आयोगाने गणेश मंडळांना मोठा दिलासा दिला आहे.
    • घरगुती दरात वीज: मंडळांना तात्पुरती वीज जोडणी आता घरगुती वापराच्या दराने उपलब्ध करून देण्यात आली आहे, ज्यामुळे त्यांच्यावरील आर्थिक भार कमी होईल.
    • ऑनलाईन अनामत रक्कम: तात्पुरत्या वीज जोडणीसाठी मंडळांना मंजूर वीजभाराप्रमाणे अनामत रक्कम भरावी लागते. ही रक्कम ऑनलाईन भरल्यास, गणेशोत्सव संपल्यावर वीजबिलाची रक्कम वजा करून उरलेली रक्कम त्वरित परत केली जाईल. यामुळे मंडळांना रक्कम परत मिळवण्यासाठी वाट पाहावी लागणार नाही. महावितरणने मंडळांना ही रक्कम ऑनलाईन पद्धतीनेच भरण्याचे आवाहन केले आहे. MSEDCL Ganeshotsav electrical safety advisory

    गणेशभक्तांनी घ्यावयाची काळजी: जागरुकता हेच खरे भक्तित्व

    गणपती बाप्पाच्या दर्शनासाठी येणाऱ्या प्रत्येक भक्तानेही सुरक्षिततेची जबाबदारी घेणे महत्त्वाचे आहे.
    • ओल्या हातांनी स्पर्श टाळा: पावसाळ्यात किंवा ओले हात असताना कोणत्याही विद्युत उपकरणाला किंवा दिव्यांच्या माळेला स्पर्श करू नका.
    • उघड्या तारांपासून सावधान राहा: मंडपात किंवा परिसरात उघड्या पडलेल्या किंवा लटकलेल्या तारांपासून दूर राहा.
    • मुलांची काळजी घ्या: लहान मुलांना विद्युत रोषणाई किंवा कोणत्याही विजेच्या उपकरणाजवळ जाऊ देऊ नका. त्यांची सुरक्षितता सुनिश्चित करा.

    गणेशोत्सव हा केवळ आनंद आणि उत्साहाचा नाही, तर सामाजिक जबाबदारीचाही उत्सव आहे. मंडळांनी आणि गणेशभक्तांनी एकत्र येऊन विजेच्या सुरक्षिततेचे नियम पाळल्यास, हा उत्सव खऱ्या अर्थाने निर्विघ्नपणे साजरा होईल. गणपती बाप्पा विघ्नहर्ता आहेत, त्यांच्या या गुणाला आपण सुरक्षिततेच्या नियमांचे पालन करून खरा मान देऊया. यंदाच्या उत्सवात ‘सुरक्षिततेची वीज’ वापरून ‘आनंदाची रोषणाई’ करूया!

  • Protest in Chandrapur against Manoj Jarange । मुख्यमंत्र्यांविरोधात अपशब्द!, जरांगे पाटलांच्या प्रतिमेवर जोड्यांचा प्रसाद

    Protest in Chandrapur against Manoj Jarange

    Protest in Chandrapur against Manoj Jarange : चंद्रपूर (२६ ऑगस्ट २०२५) – मराठा समाजाला सरसकट ओबीसी प्रवर्गात समाविष्ट करावे यासाठी मराठा आंदोलक मनोज जरांगे पाटील आंदोलन करीत आहे, मात्र त्यांनी नुकतेच मुख्यमंत्री देवेंद्र फडणवीस यांच्याबाबतीत अपशब्द वापरल्याने भाजप संतापली असून चंद्रपुरात भाजप नेते अशोक जीवतोडे यांनी जरांगे पाटलांचा निषेध करीत त्यांच्या प्रतिमेवर जोडे हाणले.

    चंद्रपुरात हवी गोंड वीरांची स्मारके

    भाजप ओबीसी नेते अशोक जीवतोडे यांच्या नेतृत्वात शहरातील वरोरा नाका चौकात जोडे मारो आंदोलन करण्यात आले, भाजप नेते जीवतोड म्हणाले कि आधीपासून जरांगे पाटील हे मराठा समाजाला ओबीसी प्रवर्गात समाविष्ट करावे असा हट्ट करीत आहे, मात्र ते शक्य नाही. आम्ही ओबीसी त्यांची घुसखोरी कशी यशस्वी होऊ देणार नाही.

    घुसखोरी हाणून पाडू

    आंतरवाली सराटी मधून सुरु झालेलं जरांगे पाटलाचे आंदोलन आता मुंबईच्या दिशेने कूच करणार आहे, अश्यावेळी पाटलांनी मुख्यमंत्री फडणवीस यांच्या बाबतीत अपशब्द वापरले हे भाजप सहन करणार नाही. जरांगे पाटलांचे आंदोलन व ओबीसी प्रवर्गात करू पाहत असलेली घुसखोरी आम्ही हाणून पाडू अशी प्रतिक्रिया अशोक जिवतोडे यांनी दिली.

    निषेध आंदोलनात ओबीसी समाजाचे नेते, भाजप पदाधिकारी व नागरिकांची मोठ्या संख्येत उपस्थिती होती.

  • Bhandak local journalists press club । सामाजिक बांधिलकीसह पुढे सरसावणार! भांदक प्रेस क्लबची नवी टीम सज्ज

    Bhandak local journalists press club

    Bhandak local journalists press club : भद्रावती (२६ ऑगस्ट २०२५) : शहरातील भांदक प्रेस क्लबची महत्वपुर्ण बैठक सोमवारी सायंकाळी ७ वाजता आयोजित करण्यात आली होती. पत्रकार बांधवांच्या उपस्थितीत झालेल्या या बैठकीत विविध विषयांवर चर्चा करण्यात आली. यावेळी नवीन कार्यकारिणीची निवड प्रक्रिया पार पाडण्यात आली. उपस्थित सदस्यांनी एकमताने कार्यकारिणीची घोषणा केली.

    अस्वलाचा हल्ला, अस्वलसह एकाचा मृत्यू

    या नव्या कार्यकारिणीमध्ये अध्यक्ष म्हणून सुधीर पारधी यांची सर्वानुमते निवड करण्यात आली. कार्याध्यक्ष पदाची जबाबदारी ईश्वर शर्मा यांच्यावर सोपविण्यात आली. उपाध्यक्षपदी सुनिल पतरंगे, सचिवपदी वतन लोणे, सहसचिवपदी सुनिल बिपटे यांची निवड करण्यात आली. तर कोषाध्यक्षपदी अब्बास अजानी यांची निवड करण्यात आली. याशिवाय सल्लागार म्हणून डॉ. यशवंत घुमे व अशोक पोतदार यांची नेमणूक करण्यात आली. सदस्य म्हणून लिमेश माणुसमारे व शंकर डे यांचा समावेश करण्यात आला. press club executive committee 2025

    पत्रकारांच्या हिताचे मुद्दे प्रभावीपणे मांडणार

    प्रेस क्लबच्या माध्यमातून पत्रकारांचे प्रश्न, अडचणी तसेच पत्रकारांच्या हिताचे मुद्दे प्रभावीपणे मांडले जातील असा विश्वास नव्या पदाधिकाऱ्यांनी व्यक्त केला. पत्रकारांच्या हक्कांसोबतच सामाजिक बांधिलकी जपत सकारात्मक उपक्रम राबविण्याचा निर्धार या वेळी नव्या कार्यकारिणीने व्यक्त केला.पत्रकार संघटनांचे महत्त्व वाढत असताना भांदक प्रेस क्लबची ही नवीन कार्यकारिणी स्थानिक पत्रकारांना बळकटी देईल, असे मत उपस्थित सदस्यांनी व्यक्त केले.

    सर्वानुमते निवड झाल्यामुळे संघटनेतील एकजूट अधिक मजबूत झाली असल्याचे बैठकीतून स्पष्ट झाले.भांदक प्रेस क्लबच्या बैठकीत झालेली ही कार्यकारिणी निवड स्थानिक पत्रकारितेसाठी एक सकारात्मक पाऊल ठरणार असून, पुढील काळात पत्रकारांसाठी विविध उपक्रम राबविण्यात येतील, असा निर्धार नवनियुक्त अध्यक्ष सुधीर पारधी यांनी व्यक्त केला.

  • District stadium swimming pool coach controversy । चंद्रपूर जिल्हा स्टेडियम स्विमिंग पूल वाद! प्रशिक्षकाच्या गैरवर्तनामुळे विद्यार्थ्याचे नुकसान?

    District stadium swimming pool coach controversy

    District stadium swimming pool coach controversy : चंद्रपूर (२५ ऑगस्ट २०२५) – शहर जिल्हा स्टेडियममधील जलतरण तलावात प्रशिक्षक म्हणून काम करणाया श्रीकांत बल्की यांनी प्रशिक्षणार्थी विद्यार्थ्यांशी केलेल्या गैरवर्तनामुळे स्पर्धे दरम्यान शालेय विद्यार्थ्याचे नुकसान झाले आहे. येथे आलेल्या दुसया स्विमींग प्रशिक्षकाशी झालेल्या वादात शिवीगाळ आणि जीवे मारण्याच्या धमकी दिल्यामुळे प्रशिक्षक श्रीकांत बल्की वर कार्रवाई करण्याची मागणी आयोजित पत्रकार परिषदेत राकेश कुमार रॉय आणि पालक अनिल झाडे यांनी केली आहे.

    NHM कर्मचाऱ्यांच्या आंदोलनाला खासदार धानोरकर यांचा पाठिंबा

    सध्या श्रीकांत बल्की आणि राकेश कुमार रॉय दोघेही जिल्हा स्टेडियमच्या स्मिमींग पुल येथे प्रशिक्षणार्थींना पोहण्याचे प्रशिक्षण देतात. जिल्हा स्टेडीअम वर जिल्हास्तर वर आणि महानगरपालिके कडून आंतरशालेय जलतरण स्पर्धा सुरू आहे. येथे, खेळाडू विद्यार्थ्यांची शासन मार्फत नोंदणी करण्यात आली आहे. रविवार २४ ऑगस्ट रोजी शहरातील एका शाळेतील 13 वर्षीय विद्यार्थ्याची जलतरण स्पर्धा होती. District stadium swimming coach threat controversy

    शिवीगाळ व मारण्याची धमकी

    शाळेने या स्पर्धेसाठी विद्यार्थ्याची ऑनलाइन नोंदणी केली होती. परंतु रविवारी हा विद्यार्थी स्पर्धेसाठी स्विमिंग पूलमध्ये पोहोचला आणि स्पर्धेची तयारी करत होता. तेव्हा प्रशिक्षक बल्की यांनी स्पर्धा पोर्टलवर त्याचे नाव नोंदणीकृत नसल्याने तो स्पर्धेत सहभागी होऊ शकत नाही असे सांगून विद्यार्थ्याला निराश केले. यादरम्यान, शाळेचे शिक्षक, प्रशिक्षक राकेश रॉय प्रशिक्षक श्रीकांत बल्की यांच्याकडे पोहोचले आणि कारण विचारले असता, बल्की यांनी दोघांनाही शिवीगाळ केली आणि मारण्याची धमकी दिली असल्याचा आरोप राकेशकुमार रॉय यांनी पत्रकार परीषदेत केला.

    यादरम्यान, प्रशिक्षक बल्की यांच्या चुकीच्या वर्तनामुळे पालक अनिल झाडे यांनी पत्रकार परिषदेत त्यांच्यावर कारवाई करण्याची मागणी केली आहे.
    पत्रकार परीषदेत राकेश कुमार रॉय, अनिल झाडे, मंजुषा झाडे, सुनीता टोंगे, पल्लवी वानखेडे हे उपस्थित होते.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by