My Blog

Tag: News34 chandrapur

  • भाऊ निघाले लंडनला

    News34 chandrapur

    मुंबई : छत्रपती शिवाजी महाराज यांनी हिंदवी स्वराज्यावर चालून आलेल्या अफजलखानाचा कोथळा वाघनखांनी बाहेर काढला हे आपण लहानपणापासून शिकलो आहोत; ऐकत आलो आहोत. ती वाघनखे ३५० व्या राज्याभिषेक वर्षात शिवप्रेमींच्या दर्शनाला भारतात आणण्याच्या दृष्टीने करार करण्यास लंडन येथे जाताना खूप अभिमान वाटतो आहे, असे भावोद्गार राज्याचे सांस्कृतिक कार्य, वन आणि मत्स्यव्यवसाय मंत्री ना. सुधीर मुनगंटीवार यांनी काढले.

     

    लंडन येथे रवाना होण्यापूर्वी मुंबई विमानतळ मार्गावरील छत्रपती शिवाजी महाराज यांच्या पुतळ्यास पुष्पहार अर्पण केल्यानंतर ना. मुनगंटीवार कार्यकर्त्यांना संबोधित करत होते. आमदार पराग अळवणी, भाजपाचे प्रदेश प्रवक्ते ओमप्रकाश चव्हाण, अमोल जाधव, विनीत गोरे, स्थानिक नगरसेविका यांच्यासह शेकडो कार्यकर्ते यावेळी उपस्थित होते.

     

    ना. मुनगंटीवार छत्रपती शिवाजी महाराज यांच्या पुतळ्यासमोर पोहोचताच कार्यकर्त्यांनी जोरदार घोषणा दिल्या, ढोल ताशांचा गजर आणि लेझिम पथकाने परिसर दणाणून सोडला. यावेळी ना. सुधीर मुनगंटीवार यांनी ३५० व्या शिवराज्याभिषेक वर्षानिमित्त मुख्यमंत्री एकनाथ शिंदे, उपमुख्यमंत्री श्री. देवेंद्र फडणवीस आणि श्री. अजितदादा पवार यांच्या नेतृत्वात राबविण्यात येणाऱ्या कार्यक्रमांची माहीती देत हे सरकार छत्रपती शिवाजी महाराज यांना अपेक्षित रयतेचे राज्य महाराष्ट्राला देण्याचा संकल्प करुन काम करीत असल्याचे स्पष्ट केले. छत्रपती शिवाजी महाराज हे आमचे दैवत आहे, आमची प्रेरणा आहे त्यांच्या विचारसरणीला धरून केंद्रात श्री. नरेंद्र मोदी आणि राज्यात एकनाथ शिंदे यांच्या नेतृत्वातील सरकार काम करीत आहे हे स्पष्ट केले.

     

    छत्रपती शिवाजी महाराज यांचे वंशज आणि आता त्यांनी वापरलेल्या वाघनखांबाबत शंका उपस्थित करणे दुर्दैवी असून; जेव्हा ब्रिटेनशी प्रत्यक्ष करार करण्याची वेळ आली त्याच वेळी केवळ जनतेच्या मनांत संभ्रम निर्माण करण्याचा प्रयत्न सुरू आहे अशी खंत त्यांनी व्यक्त केली.
    आमदार पराग अळवणी यांनीही मनोगत व्यक्त करुन ना. सुधीर मुनगंटीवार यांना शुभेच्छा दिल्या.

     

    छत्रपती शिवाजी महाराज यांची युद्धकालीन शस्त्र असलेली ही वाघनखे ब्रिटनच्या विक्टोरिया अँड अलबर्ट म्युझियम मधून भारतात परत आणण्याबाबत सामंजस्य करारावर स्वाक्षरी करण्यासाठी ना. श्री सुधीर मुनगंटीवार रवाना झाले आहेत.

     

    छत्रपती शिवाजी महाराज यांच्या राज्याभिषेकाचे ३५० वे वर्ष प्रारंभ होताच ही वाघनखे भारतात परत आणण्याचा संकल्प सांस्कृतिक कार्य मंत्री ना. सुधीर मुनगंटीवार यांनी केला होता. यासाठी महाराष्ट्राचे मुख्यमंत्री ना. श्री. एकनाथ शिंदे, उपमुख्यमंत्री श्री. देवेंद्र फडणवीस, उपमुख्यमंत्री ना. श्री अजित पवार यांच्या नेतृत्वात केंद्र शासन तसेच आंतराष्ट्रीय पातळीवर ना. सुधीर मुनगंटीवार यांनी सातत्याने पाठपुरावा केला.

     

    १५ एप्रिल २०२३ रोजी मुंबई येथे ब्रिटेन चे पश्चिम भारत उप उच्चायुक्त अँलेन गँमेल यांच्यासह ब्रिटन च्या राजकीय व द्विपक्षीय संबंध उपप्रमुख श्रीमती इमोगेन स्टोन यांच्यासोबत बैठक घेवून महाराष्ट्र शासनाने व्हिक्टोरिया अँड अल्बर्ट संग्रहालयाशी पत्रव्यवहार सुरू केला होता.
    मंगळवारी 3 ऑक्टोबर रोजी व्हिक्टोरिया अँड अलबर्ट म्युझियम येथे भेट देऊन या संग्रहालयाचे संचालक श्री ट्रायस्टम हंट यांच्यासोबत त्यांची बैठक होईल व करारावर स्वक्षऱ्या होतील.

  • माजी मंत्री शिवाजीराव मोघे विरोधात पोलिसात तक्रार

    News34 chandrapur

    वरोरा – कांग्रेस पक्षाच्या आदिवासी सेलचे राष्ट्रीय अध्यक्ष माजी मंत्री शिवाजीराव मोघे यांनी माना समाजाबद्दल आक्षेपार्ह वक्तव्य केल्याने माना समाजाच्या वतीने मोघे यांच्या विरुद्ध निषेध मोर्चा काढण्यात आला.

     

    नागपुरात आदिवासी क्षेत्रबंधन मुक्ती दिवस कार्यक्रमात शिवाजी मोघे यांनी माना समाजाबद्दल म्हटले की आमची सरकार आली तर हाय पावर कमिशन नेमत त्यामध्ये चुकीने ज्या जाती समाविष्ट झाल्या आहे, त्यामध्ये माना जमात आहे, त्याला बाहेर काढा असे चुकीचे वक्तव्य मोघे यांनी केले होते.

    विशेष म्हणजे त्या कार्यक्रमात माजी मंत्री राज्याचे विरोधी पक्षनेते विजय वडेट्टीवार व माजी आमदार नामदेव उसेंडीउपस्थित होते, या दोन्ही कांग्रेस नेत्यांच्या विधानसभा क्षेत्रात माना समाज मोठ्या प्रमाणात असून सुद्धा त्यांनी त्यावेळी मोघे यांनी चुकीचे वक्तव्य केले याबाबत साधी नाराजी सुद्धा व्यक्त केली नाही.

     

    मोघे यांचा विविध ठिकाणी विरोध सुरू आहे, चंद्रपूर जिल्ह्यातील वरोरा येथे 1 ऑक्टोबरला मोघे विरोधात निषेध मोर्चा काढण्यात आला, मोर्च्यात माना समाजाचे नागरिक, महिला व विद्यार्थी मोठ्या संख्येत उपस्थित झाले होते.

     

    यावेळी आदिवासी माना समाज विद्यार्थी युवा संघटन महाराष्ट्र, आदिम माना जमात मंडळ व माना जमात विकास संस्थेच्या पदाधिकाऱ्यांनी मोर्च्यात उपस्थित समाजातील नागरिकांना मार्गदर्शन केले.

     

    भविष्यात माना जमातीबद्दल असे वक्तव्य केल्यास लोकशाही मार्गाने विरोध केल्या जाणार असा इशारा यावेळी देण्यात आला, उपस्थित माना समाज बांधवांनी वरोरा पोलीस स्टेशनला शिवाजी मोघे व राहुल गांगुर्डे विरोधात तक्रार दाखल केली.

     

    याप्रसंगी प्रकाश झाडे, विनोद खडसान, निखिल राणे, पियुष गजबे यांनी तहसीलदार यांच्या मार्फत महामहिम यांना निवेदन देण्यात आले.

  • गरिबी निर्मूलन समितीच्या नागपूर विभाग महिला अध्यक्षपदी सविता वझे यांची नियुक्ती

    News34 chandrapur

    चंद्रपूर – देशात दरवर्षी गोर-गरीब नागरिकांच्या संख्येत वाढ होताना दिसत आहे, आजही कोट्यवधी गोर-गरीब आपल्या अधिकारापासून वंचित आहे, त्यांना आपल्या अधिकारांची जाणीव करून गरिबी रेषेच्या वर आणण्याचे काम अखिल भारतीय गरीबी निर्मूलन समिती करीत आहे.

     

    अखिल भारतीय गरिबी निर्मूलन समिती हा कोणत्याही राजकीय पक्षांचा भाग नसून गरिबांच्या पाठीशी उभे राहून त्यांचा आत्मविश्वास व पाठबळ वाढविणारी कार्य करणारी सामाजिक संस्था आहे.

     

    या संस्थेचे संस्थापक अध्यक्ष लालासाहेब गायकवाड यांनी नागपूर विभागाच्या महिला अध्यक्षपदी चंद्रपूरच्या सविता वझे यांची नियुक्ती केली आहे.

    सविता वझे या अनेक वर्षांपासून सामाजिक कार्यात अग्रेसर राहून कार्य करीत आहे, त्यांच्या कार्याची दखल घेत गरीबी निर्मूलन समितीने त्यांना महत्वाचं पद देत त्यांचा सन्मान केला आहे.

    वझे यांच्या नियुक्तीनंतर त्यांना समितीच्या पदाधिकाऱ्यांनी भविष्यातील वाटचालिबाबत शुभेच्छा दिल्या आहे.

  • पोलीस स्टेशन परिसरात स्वच्छता ही सेवा मोहीम

    News34 chandrapur

    विरुर स्टेशन – विरुर स्टेशन पोलिसांतर्फे 1 ऑक्टोबरला 1 तारीख 1 तास स्वच्छतेसाठी मोहीम राबविण्यात आली.

     

    राष्ट्रपिता महात्मा गांधी यांच्या जयंतीचे औचित्य साधून २ ऑक्टोबर हा दिवस “स्वच्छ भारत दिवस” म्हणून साजरा केला जातो. यावर्षी “स्वच्छ भारत दिवस २०२३” च्या निमित्ताने १५ सप्टेंबर ते २ ऑक्टोबर या कालावधीत “स्वच्छता ही सेवा” हा उपक्रम स्वच्छ भारत मिशन ग्रामीण व शहरी यांच्या संयुक्त विद्यमाने राबविण्यात येत असून १ ऑक्टोबर २०२३ रोजी देशभरात व्यापक स्वरूपात “एक तारीख- एक तास” स्वच्छतेसाठी श्रमदानातून स्वच्छता मोहीम राबविण्याचे केंद्र शासनाचे निर्देश होते.

     

    शासनाच्या निर्देशानुसार विरुर स्टेशन येथील पोलीस स्टेशन परिसरात स्वच्छता मोहीम राबविण्यात आली, आयोजित स्वच्छता मोहिमेत गावातील नागरिक व गणेश मंडळातील सदस्यांचा उत्स्फूर्त प्रतिसाद लाभला.

     

    सहायक पोलिस निरीक्षक जयप्रकाश निर्मल यांच्या एका हाकेवर गावकऱ्यांनी साद दिली, पोलीस स्टेशन परिसरात सकाळी नागरिकांनी श्रमदान केले.

     

    आयोजित स्वच्छता ही सेवा मोहिमेला यशस्वी करण्यासाठी सपोनी जयप्रकाश निर्मल, पोउपनी अजय मडावी, पोहवा अफसर पठाण, पोहवा मल्लया नरगेवार,
    पो अ विजय तलांडे, प्रमोद मिलमिले, पो अ प्रवीण जुनघरे,  शांतता समिती सदस्य अजितसिंग ज्ञानसिंग टाक, अविनाश प्रभाकर रामटेके, अजय प्रकाश रेड्डी, प्रदीप भिमराव पाला, अनिल बंडू आलम, शाहू रामटेके, गजानन ढवस, शंकर झाडे, मंडळाचे सदस्य, मनोज जीवतोडे अध्यक्ष, दिलीप दोरखंडे उपाध्यक्ष, रविकांत, जीवतोडे सदस्य, अक्षय सोनपिपरे सदस्य, स्वप्निल मोरे सदस्य आदींनी सहभाग दर्शविला.

  • सिंदेवाही पोलिसांनी चंद्रपुरातील वाहनचालकाला केली अटक

    News34 chandrapur

    (प्रशांत गेडाम)
    सिंदेवाही : सिंदेवाही शहरापासून जवळच असलेल्या नवीन विरव्हा येथील अपघातात राष्ट्रीय महामार्गावर अज्ञात वाहनाने धडक दिल्याने दोघांचा मृत्यू झाल्याची घटना घडली होती.

     

    सिंदेवाही पोलिसांनी अखेर 12 तासात अज्ञात वाहनाचा शोध लावून त्या दोघांचा जीव घेणारे चंद्रपूर येथील अज्ञात वाहन सेंट्रो कार सिंदेवाही पोलीस स्टेशन येथे जमा केली आहे.

     

    सिंदेवाही तालुक्यातील अपघातात नवीन विरव्हा येथील राष्ट्रीय महामार्गावर अज्ञात वाहनाने धडक दिल्याने दादाजी शिवराम सावसाकडे वय 65 वर्ष, उदालक केशव हजारे वय 50 वर्ष रा.सरडपार चक यांचा अपघातात दोघांचा मृत्यू झाला होता. पोलिसांनी तात्काळ मदतीस वाहनाने ग्रामीण रुग्णालय सिंदेवाही येथे दाखल केले.

     

    अपघातातील धडक दिलेल्या अज्ञात वाहनाचा शोध पोलिसांनी तात्काळ घेणे सुरू केले. अखेर 12 तासात पोलिसांनी त्या अपघातातील वाहनाचा कसून शोध घेतला असता MH 34 AA 7437 या क्रमांकाची हुंडाई सेंट्रो कंपनीची कार चंद्रपूर येथे मिळाली आहे. हुंडाई सेंट्रो कंपनीची कार सिंदेवाही पोलीस स्टेशन येथे जमा करण्यात आली आहे. वाहनाचे चालक आरोपी गजेंद्र गोमकर वय 35 रा. चंद्रपूर यांना ताब्यात घेतले आहे.

     

    अपघातानंतर पोलिसांनी तपास करीत असताना विविध ठिकाणी लावून असलेले कॅमेरे व नियोजन करून कार चा शोध लावण्यात यशस्वी कामगिरी केली असून सिंदेवाही पोलीस स्टेशन चे चव्हाण पोलीस निरीक्षक यांचे मार्गदर्शनात, सागर महल्ले उप निरीक्षक, पोलीस देवानंद सोनुले, अरविंद मेश्राम, दादाजी रामटेके, मातेरे, जांभुळे, होमगार्ड कोकुलवार पोलीस कर्मचारी पुढील तपास करीत आहे.

  • चंद्रपूर जिल्ह्यात वीज कोसळून महिलेचा मृत्यू

    News34 chandrapur गुरू गुरनुले

    मुल – मूल तालुक्यातील चिचाळा येथे वीज पडून एक महिला ठार झाल्याची घटना आज बारा वाजताच्या दरम्यान घडली. चंद्रकला संजय वैरागडे वय 45 असे मृत झालेल्या महिलेचे नाव आहे. विशेष म्हणजे ही महीला अत्यंत गरीब कुटुंबातील आहे.

     

    आज 1 ऑक्टोम्बरला सकाळी 11 वाजता पासून मूल शहरात पाऊस बरसला आणि विजांचा कडकडाट होत होता. विजांचा कडकडाट खूप मोठ्या प्रमाणात असल्याने चिचाळा येथील महिला चीचाला शेतशिवारात आपल्या शेतात काम करीत होती, त्याचवेळी चंद्रकला वर वीज कोसळली, त्यामध्ये ती जागीच ठार झाली. या घटनेमुळे संपूर्ण गावात हळहळ व्यक्त होत आहे. झालेल्या घटनेत दोन महिला जखमी झाले.

     

    या घटनेची माहिती पोलिस व महसूल प्रशासनाला देण्यात आली असता ते तात्काळ घटनास्थळी दाखल झाले. पुढील तपास प्रशासन करीत आहे.

  • चंद्रपुरात पांढऱ्या वर्दीची धडाकेबाज कारवाई

    News34 chandrapur

    चंद्रपूर – जिल्ह्यात अनेक वर्षांपासून सुगंधित तंबाखू तस्करांचा बोलबाला आहे, मात्र आजही या तस्करांवर ठोस नियंत्रण मिळविण्यात जिल्हा प्रशासन सपेशल अयशस्वी ठरले आहे. नोकिया चा नवा स्मार्टफोन, 3 दिवसांच्या बॅटरी लाईफ सह, आजच खरेदी करा

     

    30 सप्टेंबरला चंद्रपूर जिल्ह्यातील खाकी नाही पण पांढऱ्या वर्दीने सुगंधित तंबाखूच्या मालाची वाहतूक करणाऱ्या वाहनाला पकडले.

    चंद्रपूर वाहतूक शाखेचे पोलीस उपनिरीक्षक सुधीर जाधव हे 30 सप्टेंबरला शहरातील तुकुम भागातील आझाद चौकात वाहन तपासणी मोहीम राबवित होते, तितक्यात चारचाकी वाहन क्रमांक Mh36 AA2443 या वाहनाला वाहतूक पोलिसांनी थाम्बविले, वाहनांच्या कागदपत्रांची तपासणीसाठी वाहनचालकला विचारणा करण्यात आली त्यावेळी त्याने उडवाउडवीची उत्तरे दिली.

     

    पोलिसांना वाहनचालकावर संशय आला त्यांनी तात्काळ वाहनाची तपासणी केली असता त्यामध्ये सुगंधित तंबाखूचा साठा ईगल, मजा व विमल गुटखा मोठ्या प्रमाणात आढळून आला.

    पोलीस उपनिरीक्षक सुधीर जाधव यांनी वाहन वाहतूक नियंत्रक शाखेत नेत याबाबत रामनगर पोलीस स्टेशनला फिर्याद दिली.

     

    या कारवाईत एकूण 8 लाख 96 हजार 80 रुपयांचा मुद्देमाल जप्त करण्यात आला, सदरची यशस्वी कारवाई पोलीस अधीक्षक रविंद्र परदेशी, अप्पर पोलीस अधीक्षक रिना जनबंधु, वाहतूक पोलीस निरीक्षक रोशन यादव, प्रवीण पाटील यांच्या मार्गदर्शनाखाली पोलीस उपनिरीक्षक सुधीर जाधव व वाहतूक शाखेच्या कर्मचाऱ्यांनी केली, प्रकरणाचा पुढील तपास रामनगर पोलीस स्टेशनचे पोलीस उपनिरीक्षक मधुकर सामलवार करीत आहे.

  • चंद्रपूर जिल्ह्यात गणेश विसर्जनात मोठं विघ्न

    News34 chandrapur गुरू गुरनुले

    मुल – सावली येथील वार्ड क्रमांक 14 येथील सार्वजनिक युवा गणेश मंडळाचे गणेश चे विसर्जन असोलामेंढा नहारात करतांना 3 जण वाहून गेले आणि त्यात 1 एक जण सापडला मात्र रुग्णालयात भरती केले असता मृत घोषित करण्यात आले.या घटनेने सावली शहरात शोककळा पसरली आहे.

     

    सावली शहरातील सावली चा राजा, सावली चा विघ्नहर्ता व जय बजरंग युवा गणेश युवा मंडळ असे तीन सार्वजनिक गणेश चे विसर्जन दिनांक 30 ला करण्यात आले. तिन्ही गणपती सावली शहराच्या प्रमुख मार्गाने आनंदात,नाचत गाजत विसर्जन स्थळी आले.त्यापैकी राजा व विघनहर्ता हे दोन गणपती हे स्थानिक लहान तलाव मध्ये विसर्जन केले तर एक जय बजरंग बली चा गणपती हा असोलामेंढा नहारात विसर्जन करण्यासाठी गेले.

     

    गणपती विसर्जन करतांना पाण्याच्या प्रवाहात जवळपास 5 युवक बुडाले मात्र मात्र त्यातून 2 जण निघाले मात्र चांदली येथील गुंडावार बंधू व गुरूदास दिवाकर मोहूर्ले हे वाहून गेले.काही अंतरावर गुरू मोहूर्ले ला पकडले व त्याला ग्रामीण रुग्णालयात भरती केले असता त्या गुरुदास मोहूर्ले ला मृत घोषित केले.तसेच गुंडावार बंधू निकेश व संदीप हे अजूनही सापडले नाही.सदर घटनास्थळी सावली पोलीस आहे.मात्र या घटनेने सावली शहर हादरून गेले असून सर्वत्र शोककळा पसरली आहे.

     

    युवकांचा हंबरडा व वाचविण्यासाठी प्रयत्न

    गणपती विसर्जन केल्यावर काही युवक बाहेर आले नाही हे दिसताच युवक हळबळले आणि त्यांना शोधण्यासाठी काही युवकांनी नहरात उड्या मारल्या आणि शोध कार्य सुरू होते मात्र त्यात गुरुदास मोहूर्ले हा युवक सापडला.व गुंडावार बंधू वाहून गेले.

     

    लहान भावासाठी मोठ्याने मारली उडी

    चांदली येथील निकेश व संदीप गुंडावार हे दोघे बंधू विसर्जन साठी या ठिकाणी होते. नहारात लहान भाऊ संदीप वाहून गेल्याचे कळताच त्याला शोधण्यासाठी मोठ्या भाऊ निकेश ने वाचवण्यासाठी उडी मारली मारली मात्र पाण्याच्या प्रवाहाने दोघेही अजून सापडले नाही.सावली शहरात उसाचा रस (रसवंती)विकण्याचे काम हे करीत असतात.

  • स्वच्छता राखणे हा स्वावलंबनाचा एक भाग, तिला सवय बनवावी : डॉ. अशोक जीवतोडे

    News34 chandrapur

    चंद्रपूर : स्वच्छता राखणे हा मनुष्याच्या अंगी असलेला सद्गुण आहे. दैनंदिन स्वभावात हो आणला तर स्वावलंबनाचा एक भाग बनून जातो, वर्षभरच नियमितपणे आपल्या आसपासच्या परिसराची स्वच्छता राखली जावी, नवीन पिढीने स्वच्छता ही सवय बनवावी, असे भारतीय जनता पार्टीचे नेते डॉ. अशोक जीवतोडे म्हणाले.

     

    राष्ट्रपिता महात्मा गांधी यांच्या जयंती निमित्त केंद्र शासनाच्या निर्देशानुसार ‘स्वच्छता ही सेवा’ पंधरवाडा अंतर्गत देशाचे पंतप्रधान नरेंद्रजी मोदी, यांच्या आवाहनाला प्रतिसाद देवून स्वच्छ्ता अभियान राबविण्यात आले.

     

    सदर अभियान आज रविवार (दि.०१) ला स्थानिक नागपूर महामार्गावर सकाळी ८ ते ९ वाजेदरम्यान चालले. डॉ. अशोक जीवतोडे यांचे सोबत करण्यात आलेल्या सदर स्वच्छ्ता अभियाना दरम्यान श्रमदान करून सार्वजनिक परिसर स्वच्छ करण्यात आला व स्वच्छतेचे महत्व पटवून देण्यात आले.

     

    राष्ट्रपिता महात्मा गांधी यांच्या जयंतीचे औचित्य साधून २ ऑक्टोबर हा दिवस “स्वच्छ भारत दिवस” म्हणून साजरा केला जातो.

     

    यावर्षी “स्वच्छ भारत दिवस २०२३” च्या निमित्ताने १५ सप्टेंबर ते २ ऑक्टोबर या कालावधीत “स्वच्छता ही सेवा” हा उपक्रम स्वच्छ भारत मिशन ग्रामीण व शहरी यांच्या संयुक्त विद्यमाने राबविण्यात येत आहे. दिनांक १ ऑक्टोबर २०२३ रोजी देशभरात प्रत्येक गावात, शहरात व्यापक स्वरूपात “एक तारीख-एक तास” स्वच्छतेसाठी श्रमदानातून स्वच्छता मोहीम राबविण्यात येत आहे, हे विशेष.

     

    यावेळी डॉ. अशोक जीवतोडे यांचे सह दादा दहेकर, मनोहर गाठे, सचिन दिघाडे, प्रवीण दिघाडे, नितीन कुकडे, प्रकाश गाठे, शामराव बदकुलवार, मधुकर हिरादेवे, शाहू, सतीश बिजेवार, गोपाळ वाटेकर, अनिल काळे, प्रवीण साखरकर, डॉ. आशीष महातळे, रवि देवाळकर, किशोर ठाकरे, रविकांत वरारकर, रवि जोगी, महेश यार्दी, मंजुळा डूडूरे, संदीप कासवटे, जितेंद्र केराम, आदी शेकडोच्या संख्येने उपस्थित होते.

  • युवासेना जिल्हाप्रमुख सुर्या अडबाले यांचा SP कॉलेजला दणका

    News34 chandrapur

    चंद्रपूर – शहरातील प्रसिद्ध शिक्षण संस्थेच्या सरदार पटेल महाविद्यालयात दरवर्षी प्रवेश घेणाऱ्या विद्यार्थ्यांना होणारा त्रास चंद्रपूर युवासेना जिल्हाप्रमुख अडबाले यांच्यामुळे कमी झाला.

     

    30 सप्टेंबरला युवासेना जिल्हाप्रमुख सुर्या अडबाले यांना महाविद्यालयात होत असलेल्या त्रासाबद्दल विद्यार्थ्यांनी तक्रार केली, तक्रार प्राप्त होताच अडबाले SP कॉलेजमध्ये दाखल झाले, त्याठिकाणी विद्यार्थ्यांच्या लांबलचक रांगा बघितल्यावर त्यांची विचारपूस केली असता त्यांनी सांगितले की आम्हाला दरवर्षी महाविद्यालयात प्रवेश घेण्यासाठी प्रचंड त्रास सहन करावा लागतो.

     

    कारण याठिकाणी अर्ज भरण्यासाठी एकच काउंटर लावण्यात आला आहे, शैक्षणिक वर्षात बाहेरगावातून हजारो विद्यार्थी प्रवेशासाठी येतात मात्र महाविद्यालय प्रशासन त्यांची व्यवस्थित सोय करीत नाही, ज्यामुळे अनेक विद्यार्थी शैक्षणिक सत्राला मुकतात.

     

    विद्यार्थ्यांची समस्या ऐकल्यावर सुर्या अडबाले यांनी प्राचार्यांच्या कक्षात धडक मारत त्यांना या समस्येबाबत अवगत केले, प्रवेश काउंटर वाढविण्याची मागणी प्राचार्याला केली.

     

    विद्यार्थ्यांच्या प्रश्नावर युवासेनेची आक्रमकता बघता महाविद्यालय प्रशासनाला नमावे लागले, त्यांनी तात्काळ त्याठिकाणी 4 काउंटर सुरू केले.

     

    तात्काळ समस्या दूर होताच महाविद्यालयातील विद्यार्थ्यांनी युवासेना जिल्हाप्रमुख सुर्या अडबाले यांचे आभार मानले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by