My Blog

Tag: News34 chandrapur

  • चंद्रपुरात भीषण अपघात, 4 गंभीर जखमी

    News34 chandrapur

    चंद्रपूर – छोटा नागपूर येथील विचोडा समोर 3 ऑक्टोबर ला अवैध मुरुम वाहतूक करणाऱ्या वाहनाने चौघांना उडविले, 4 जणांची प्रकृती सध्या नाजूक आहे.

     

    चंद्रपूर जिल्ह्यात खनिज संपत्तीला लुटणाऱ्यांची संख्या आज मोठ्या प्रमाणात वाढली आहे, छोटा नागपूर परिसरातून अवैध रित्या मुरुमाची तस्करी सुरू आहे, आज या मुरुम तस्करी करणाऱ्या वाहन क्रमांक MH34 AB2444 या वाहनाने चार नागरिकांना उडविले, या अपघातात दोघांचे पाय निकामी झाले तर एकाचे हात व एक गंभीररीत्या जखमी झाले. गंभीर जखमीमध्ये मुलीचा समावेश आहे. अपघात करणारे वाहन हे नितीन नगराळे यांच्या नावावर आहे.

     

    छोटा नागपूर ते विचोडा मार्ग हा पूर्णतः खड्ड्यात गेला आहे, विशेष म्हणजे चंद्रपूर सार्वजनिक बांधकाम विभागाचे कार्यकारी अभियंता सुनील कुंभे यांना राज्य शासनाचा उत्कृष्ट अभियंता म्हणून पुरस्कार भेटला आहे.

     

    सदर रस्त्याचे खड्डे बुजविण्याचे कंत्राट डोंगरे यांना मिळाले आहे पण अजूनही हा मार्ग खड्ड्यात आहे, आज अवैध मुरूम वाहतुकीमुळे हा प्रकार घडला मात्र प्रशासन या तस्करी वर गप्प आहे.

  • चंद्रपूर जिल्ह्यात हत्तीचा मृत्यू

    News34 chandrapur

    ( प्रशांत गेडाम)
    सिंदेवाही- आज 3 आक्टोंबर मंगळवार सकाळी सिंदेवाही वनपरिक्षेत्र अंतर्गत येत असलेल्या उपक्षेत्र तांबे गडी मेंढा येथील नियत क्षेत्र मुरपार बीटा मधील एका खाजगी शेतात मृता अवस्थेत जंगली हत्ती आढळून आला आहे घटनास्थळी वनपरिक्षेत्राचे विभागाचे अधिकारी वन विभागाचे चमु तसेच पोलीस विभागाचे अधिकारी घटनास्थळी दाखल झाले आहेत.

     

    वर्षभरापूर्वी हत्तीचा कळप चंद्रपूर जिल्ह्यात दाखल झाला होता, वनविभाग त्यांच्या हालचालीवर लक्ष ठेवून होता मात्र आज एक हत्ती मृतावस्थेत आढळल्याने वनविभागात खळबळ उडाली आहे.

  • चंद्रपुरात शिवसेनेची होऊ द्या चर्चा मोहीम

    News34 chandrapur

    चंद्रपूर – पक्षाच्या वतीने महाराष्ट्रात १ ऑक्टोबर ते १२ ऑक्टोबर २०२३ पर्यंत सर्वसामान्य जनतेला प्रत्यक्ष भेट देवून सर्वसामान्य नागरीक सोबत, होऊ द्या चर्चा ची मोहीम राबविली जात आहे. होऊ द्या चर्चा मोहीम च्या माध्यमातून थेट महाराष्ट्र राज्य शासन यांच्या कडून थेट सर्व सामान्य नागरिकांची कशी फसवणूक होत आहे याबाबत जनतेशी थेट संवाद साधण्याचा शिवसेनेचा प्रयत्न सुरू आहे.

     

    महागाईचे चटके, शासनाकडून पारित होणाऱ्या अनेक योजना यांचा दुजा भाव त्यापासून वंचित असणारा शेतकरी, शेतमुजर, कामगार ,आणि सर्वसामान्य जनता, शेतकऱ्याची आत्महत्या ,शिवस्मारक साठी दिलेले वचन ,कामगार कायद्यात होणारे बदल, महाराष्ट्र बाहेर जाणारे उद्योग ,इंधन वाढ, महागाईने त्रस्त झालेली जनता , खाजगी करन धोरण, अश्या प्रकारे अनेक विषय सदर्भात शिवसेना ( उद्धव बाळासाहेब ठाकरे) पक्षाच्या वतीने
    1 ऑक्टोम्बरला सी.एस.टी.पी.एस. मेजर गेट समोर ,दुर्गापूर चंद्रपूर, मित्र नगर चौक,रामनगर ,चंद्रपूर,  पडोली चौक,नागपूर रोड चंद्रपूर येथे होऊ द्या चर्चा या मोहिमेच्या माध्यमातून एका दिवशी तीन सभा घेण्यात आल्या. सभे दरम्यान अनेक नागरिकांनी प्रतिसाद देत केंद्र आणि राज्य सरकार वर अनेक समस्या बाबत चर्चा करण्यात आल्या.

    शिवसेना (उद्धव बाळासाहेब ठाकरे) जिल्हा चंद्रपूर च्या वतीने होऊ द्या चर्चा या कार्यक्रमाला थेट मुंबई येथील शिवसेना उपनेते मनोज जामसुतकर साहेब यांच्या प्रमुख उपस्थित माजी नगरसेवक मुंबई महानरपालिका पाटील साहेब, शिवसेना जिल्हा प्रमुख संदिप भाऊ गिऱ्हे यांच्या नेतृत्वात तसेच चंद्रपूर माजी महानगर प्रमुख प्रमोद भाऊ पाटील यांच्या मार्गदर्शनात युवा सेना महाराष्ट्र राज्य सहसचिव सौ.रोहिणी ताई पाटील, युवासेना जिल्हा प्रमुख विक्रांत भाऊ सहारे, युवा सेना उपजिल्हा प्रमुख सुमित भाऊ अग्रवाल, जिल्हा समन्वयक विनय भाऊ धोबे, युवा सेना शहर प्रमुख शहाबाज शेख, वसीम भाई, ग्रामपंचायत सदस्य राजू भाऊ डोयकावळे, तोसिफ खान, सोनू भाऊ ठाकूर,देवकुमार विश्वकर्मा, अशोक भाऊ चिलखरे, शिवसेना प्रणित कंत्राटी कर्मचारी सेना वीज निर्मिती क्षेत्र अध्यक्ष प्रफुलभाऊ सागोरे, सचिव प्रमोदभाऊ कोलारकर शिवसेना महिला आघाडी जिल्हा संघटीका उज्वला ताई नलगे,शिवसेना महिला आघाडी शहर प्रमुख वर्षाताई कोठेकर, माजी जिल्हा संघटीका कुसुमताई उदार,नीलिमा ताई शिरे, शिवसेना पदाधिकारी व अनेक शिवसैनिकांच्या तसेच असंख्य जागृत जनसमुदायाच्या उपस्थित हा कार्यक्रम पार पडला.

  • गांधी जयंती निमित्त इरई बचाव आंदोलनाचा सत्याग्रह

    News34 chandrapur

    चंद्रपूर – 2 ऑक्टोंबर रोजी गांधी जयंती निमित्त इरई नदीचे खोलीकरण व स्वच्छतेच्या मागणीसाठी नागरिकांनी पुन्हा एकदा जल सत्याग्रह केला. भजन दिंडी काढून तसेच गांधीजींच्या प्रतिमेचे पूजन करून व इरईच्या पात्रात घोषणा देऊन हा जल सत्याग्रह करण्यात आला.

     

    दुपारी 12 वाजता इरई बचाव जनआंदोलनाचे जनक व वृक्षाई संस्थेचे संस्थापक अध्यक्ष कुशाबराव कायरकर तसेच जनविकास सेनेचे संस्थापक अध्यक्ष माजी नगरसेवक पप्पू देशमुख यांच्या उपस्थितीत दाताळा रोडवरील अग्रसेन भवन समोरून भजन दिंडीची सुरुवात करण्यात आली. यावेळी भूमी कायरकर यांनी दिंडीचे नेतृत्व केले तर जय देशमुख या लहान मुलाने गांधींची वेशभूषा केली.

     

    इरई नदीच्या पात्रात दिंडी पोहोचल्यानंतर दिंडीत सहभागी सर्वांनी नदीपात्राच्या एका भागात स्वच्छता अभियान राबवले. त्यानंतर राष्ट्रपिता महात्मा गांधीच्या प्रतिमेचे पूजन करून नदीमध्ये जल सत्याग्रह करण्यात आला. नंतर आंदोलनात सहभागी नागरिकांनी इरईचे खोलीकरण व स्वच्छतेच्या मागणीसाठी घोषणा दिल्या.

     

    जनविकास सेनेचे मनीषा बोबडे व अक्षय येरगुडे निखाडे,प्रतिभा कायरकर,संगिता विधाते,विद्या ठोंबरे, वंदना मोरे,नलिनी कडुकर,वर्षा काळभुत, शिवसेना (उबाठा)च्या कुसुम उध्दार,निलीमा शिरे,अर्चना चामटकर, दिक्षा सातपुते,सुनंदा जोगी,मेघा दखने,सचिन निंबाळकर, महेश काहीलकर,अमूल रामटेके, विठ्ठल भगत,तुकाराम झाडें,सुरेश विधाते,पांडुरंग गावतुरे, अविनाश देव,देवराव बोढे, सुधाकर मत्ते,नगमा पठाण, सुरेश खाडे आप च्या तबसूम,योगेश कुरेकर इत्यादी नागरिक या जन आंदोलनामध्ये सहभागी झाले.

     

    सविस्तर असे की 22 मार्च 2006 रोजी जलदिनानिमित्त इरई नदीच्या पात्रात सत्याग्रह करून इरई बचाव जन आंदोलनाची सुरुवात करण्यात आली होती. या आंदोलनाला 17 वर्षांपेक्षा जास्त काळ लोटलेला आहे.या 17 वर्षात अनेक वेळा स्थानिक नेत्यांनी इरईचे खोलीकरण व स्वच्छतेची आश्वासने दिली. कधी कधी तर खोलीकरणाला थातूर मधून सुरुवात सुद्धा करण्यात आली. परंतु संपूर्ण इरई पात्राचे खोलीकरण करण्याचे आश्वासनाची पूर्तता करण्यास चंद्रपूर जिल्ह्यातील सर्वपक्षीय लोकप्रतिनिधींना अपयश आले आहे. दुसरीकडे इरई बचाव जन आंदोलनाने आपल्या संघर्षाचे 17 वर्षे पूर्ण करून अठराव्या वर्षात पदार्पण केले.

     

    महाऔष्णिक विज निर्मिती केंद्राच्या राखेमुळे इरईचे पात्र उथळ झाले. त्यामुळे पुराचि धोका वाढला.अनेक घरे निळ्या पुर रेषेच्या आतमध्ये आली.एकीकडे नागरिकांना दरवर्षी पुराचा फटका बसतो, परावर्तित भूखंड असुनही बांधकामाची परवानगी नाकारण्यात येत आहे.तर दुसरीकडे स्थानिक नेते केवळ पोकळ आश्वासने देऊन जनतेची दिशाभूल करत आहे. लवकरच शहरातील अशा सर्व मुद्द्यांवर जनतेमध्ये जाऊन जनविकास सेनेतर्फे जनजागृती करण्यात येईल.

  • ओबीसी आंदोलनातील नायकाचे जंगी स्वागत

    News34 chandrapur

    चंद्रपूर – ओबीसी विद्यार्थी संघाचे जिल्हाध्यक्ष रवींद्र टोंगे यांनी चंद्रपुरात ओबीसी आंदोलनात महत्त्वपूर्ण भूमिका बजावली.दरम्यान तब्बल 20 दिवस रवींद्र टोंगे यांनी ओबीसींच्या मागण्यांकरिता केलेला अन्नत्याग, ओबीसींच्या भावी पिढी करता सातत्याने लढत राहण्याची तयारी अन्नत्याग आंदोलनाला भेट देणाऱ्या प्रत्येकाला लढण्याची एक नवी जिद्द देत होती.

     

    रवींद्र टोंगे यांचे अन्नत्याग आंदोलन लिंबू पाणी देऊन सोडल्यानंतर उपमुख्यमंत्री देवेंद्र फडणवीस यांनी टोंगे यांना ‘आता तुम्ही तब्येतीची काळजी घ्या. सलग 20 दिवस उपोषण केल्यामुळे तुमच्या प्रकृतीवर परिणाम झाला आहे. तुम्ही समाजासाठी महत्त्वाचे आहात. तुमच्या मागण्या मान्य झाल्या आहेत. आता प्रकृतीकडे लक्ष द्या. तुम्ही रुग्णालयात उपचार करा’ असा सल्ला दिलानंतर ते चंद्रपूरातील वैद्यकीय तज्ज्ञ डॉ. सौरभ राजूरकर यांच्या खाजगी रुग्णालयात दाखल करण्यात आले. त्यांच्या प्रकृतीत सुधारणा असल्याने आज 2ऑक्टोबर ला त्यांना रुग्णालयातुन सुट्टी देण्यात आल्यानंतर चंद्रपूर लगतच असलेल्या त्यांच्या मूळ गावी वेंडली येथे रवाना केले.

     

    वेंडली या ओबीसी बहुल गावातील एका तरुणाने ओबीसींच्या न्यायिक मागण्यांकरिता तब्बल वीस दिवस अन्नत्याग उपोषण केल्यामुळे गावातील प्रत्येक नागरिक हा गर्वाणवीत झाला होता झाला होता. आज 22 दिवसानंतर रवींद्र गावात आल्याने कुटुंबीय व नागरिकांनीं त्याचे जल्लोषात स्वागत करत त्याचे कौतुक केले.

     

    11 सप्टेंबर 2023 पासून रवींद्र टोंगे यांचे बेमुदत अन्नत्याग आंदोलन सुरू झाल्यानंतर 17 सप्टेंबर ला चंद्रपुरात निघाला ओबीसींनीं महामोर्चा काढून शासनाचे आपल्या मागण्याकडे लक्ष वेधले होते.18 सप्टेंबर आंदोलनस्थळी भेट देत पालकमंत्री सुधीर मुनगंटीवार यांनी आंदोलन मागे घेण्याची केली विनंती केली मात्र सरकार सोबत चर्चेचे कोणतेही कोणतेही ठोस आश्वासन न मिळाल्याने टोंगे यांनी आंदोलन सूरू ठेवण्याचा निर्धार पालकमंमंत्र्यांना सांगितला. त्यानंतर 19 सप्टेंबर ला टोंगे यांच्या समर्थनार्थ राष्ट्रीय ओबीसी महिला महासंघाने केली शासन निर्णयाची होळी केली.

     

    20 सप्टेंबर ला ओबीसी विद्याथ्यांच्या न्याय मागण्यासाठी ‘भीक मांगो’सत्याग्रह करण्यात आला.मात्र 22 सप्टेंबर ला रवींद्र टोंगे यांची प्रकृती खालावल्यानंतर त्यांना जिल्हा सामान्य रुग्णालयात हलविन्यात आल्यावरही त्यांनी रुग्णालयात सुद्धा अन्नत्याग करत उपोषण सुरूच ठेवले.

     

    पुढे 23 सप्टेंबर ला चंद्रपूर-नागपूर महामार्गावर चक्काजाम, उपोषणस्थळी विजय बल्की व प्रेमानंद जोगी यांचे अन्नत्याग आंदोलन सुरू झाल्यावर 24 सप्टेंबर रोजी राष्ट्रीय ओबीसी महासंघाने राज्य सरकारची प्रेतयात्रा काढत तीव्र निषेध व्यक्त केला. याची परिनीती पुढे जिल्हाभर 25 सप्टेंबर ला ओबीसी समाजातर्फे जिल्ह्यातील सर्व तालुकास्थळी साखळी उपोषण करण्यात आले. 26सप्टेंबर रोजी विरोधी पक्ष नेते विजय वाडेट्टीवर यांनी उपोषण स्थळाला भेट देत ओबीसी मागण्या जाणून घेतल्या.

     

    28 सप्टेंबर ला राज्य ओबीसी शिष्टमंडळाची सरकारशी सकारात्मक झाल्यावर चर्चा आंदोलन मागे घेण्याचे महासंघाने दिले स्पष्ट संकेत, चंद्रपूर जिल्हा बंद स्थगित करण्यात येऊन 30 सप्टेंबर रोजी उपमुख्यमंत्री देवेंद्र फडणवीस यांच्या उपस्थितीत उपोषणाची सांगता झाल्याचे राष्ट्रीय ओबीसी महासंघाचे महासचिव सचिन राजूरकर यांनी जाहीर केले.

    कोण आहेत रवींद्र टोंगे?

    रवींद्र यांचा आधार नोंदणी ऑपरेटर ते आंदोलक असा प्रवास झाला आहे. रवींद्र हे चंद्रपूर तालुक्यातील वेंडली या गावातील आहे. रवींद्रकडे सहा एकर शेतजमीन आहे. त्यांच्या घरी पत्नी, सहा महिन्यांचा मुलगा, आई-वडील व दोन भाऊ असा परिवार आहे. त्यांनी गोंडवाना विद्यापीठाची एम.कॉमची पदवी घेतली. ‘टॅली’ चा सहा महिन्यांचा अभ्यासक्रम पूर्ण केला. आधार नोंदणी चालक म्हणून दोन वर्षे काम केले. खासगी कंपनीच्या माध्यमातून लेखापाल विभागात काम केले.

     

    ग्रामपंचायतीत माहिती प्रवेश चालक म्हणूनही काम केले. 35 वर्षीय या युवकाला पुढे स्वयंरोजगाराच्या माध्यमातून व्यवसायात जायचे आहे. ओबीसींच्या न्याय हक्कासाठी मागे हटणार नाही अशी भावना त्यांच्या अंगी होती. त्यातूनच ते ओबीसी महासंघाशी जुळले. त्या कार्याने वरिष्ठ प्रभावित होऊन मागील आठ वर्षांपासून ते ओबीसी विद्यार्थी संघाचे जिल्हाध्यक्ष आहेत.

  • होवू द्या चर्चा उपक्रमाला जनतेचा जोरदार  प्रतिसाद

    News34 chandrapur

    भद्रावती : तालुक्यात शिवसेना ( उध्दव बाळासाहेब ठाकरे ) पक्षाचे उपनेते तथा मुंबईचे माजी नगरसेवक  चंद्रपुर लोकसभा क्षेत्राचे निरीक्षक मनोज जामसुतकर आणि मुंबईचे माजी नगरसेवक सुर्यकांत पाटील  यांच्या मार्गदर्शनात  ७५-वरोरा भद्रावती विधानसभा क्षेत्रात केंद्र व राज्य शासनाच्या विरोधात ‘ होवू द्या चर्चा ! ’ उपक्रम राबविण्यात येत आहे.

     

    या उपक्रमाला जनतेचा ठिकठिकाणी जोरदार  प्रतिसाद मिळत आहे. काल  दि. १ ऑक्टोंबर रोजी कोंढा -घोडपेठ जि.प . क्षेत्रात घोडपेठ व मोहबाळा येथे तसेच नंदोरी -कोकेवाडा जि.प. क्षेत्रात नंदोरी ( बु. ) व सागरा येथे  सदर उपक्रम आयोजित करण्यात आला. सदर उपक्रम वरोरा-भद्रावती विधानसभा क्षेत्रामध्ये 1 ऑक्टोबर ते 12 ऑक्टोबर पर्यंत राबविण्यात येणार आहे.

    ७५-वरोरा-भद्रावती विधानसभा क्षेत्र  प्रमुख  रविंद्र शिंदे यांच्या नेतृत्वात सुरू असलेल्या “होवू द्या चर्चा !” उपक्रमात जिल्हा महीला आघाडी प्रमुख नर्मदा दत्ता बोरेकर, उपजिल्हाप्रमुख भास्कर ताजने, वरोरा-भद्रावती विधानसभा समन्वयक वैभव डाहाने, विधानसभा सघंटक मगेश भोयर, तालुकाप्रमुख नरेंद्र पढाल , उपजिल्हा सघंटीका माया नारळे ,तालुका महीला सघंटीका अश्लेषा जिवतोडे-भोयर , युवासेना तालुका अधिकारी राहुल मालेकर आणि विभाग प्रमुख सिध्दू पेटकर यांच्यासह फार मोठया संख्येत  शिवसैनिक भद्रावती तालुक्यात ‘ होऊ द्या चर्चा  !’ उपक्रमाची जनेतला माहीती देत जनसंवाद साधत आहे.

  • माझ्या मुलाला शोधून द्या, चंद्रपूर शहर पोलिसांना आईची आर्त हाक

    News34 chandrapur

    चंद्रपूर – शहरातील बाबा नगर बाबूपेठ भागात राहणाऱ्या 25 वर्षीय प्रजेश खंडाळे हा मुलगा 22 सप्टेंबरपासून घरी आला नाही, याबाबत आई भाविका यांनी शहर पोलिसात तक्रार नोंदविली, मात्र 8 दिवस उलटल्यावर सुद्धा प्रजेश चा पत्ता लागला नाही, प्रजेश च्या आईने मुलाचा घातपात झाला असल्याची शंका व्यक्त केली आहे.

     प्रकरण काय?

    भाविका खंडाळे या 22 सप्टेंबरला सकाळच्या सुमारास कामावर निघून गेल्या होत्या, रात्री घरी परतल्यावर त्यांचा मोठा मुलगा प्रजेश त्यांना दिसला नाही, भाविका यांनी 23 वर्षीय लहान मुलगा राजदीप याला विचारले असता दादा घरी आला नाही असे त्याने सांगितले.
    आईने शेजारी व आजूबाजूला प्रजेश चा शोध घेतला मात्र तो कुठेही आढळून आला नाही, आई ती आईचं मुलगा येण्याची ती वाट बघू लागली.
    24 सप्टेंबरला प्रजेश ने आईच्या मोबाईल वर कॉल केला आई मी मुंबई ला आलो आहे, माझ्यासोबत घराजवळील योगेश व इतर 6 मुले आहे, यावर आईने म्हटले की बाळा काळजी घे? तू कशाला तिथे गेला कसलं काम आहे? यावर तो काही बोलला नाही, मला रोज फोन कर असे म्हटल्यावर प्रजेश ने हो म्हणत कॉल कट केला, मात्र त्या दिवसानंतर प्रजेश ने आई सोबत सम्पर्क साधला नाही, विशेष म्हणजे प्रजेश कडे मोबाईल नसल्याने त्याने दुसऱ्या कुणाच्या मोबाईल वरून आईला सम्पर्क केला होता.
    आई भाविका यांना मुलाची काळजी वाटू लागली, प्रजेश ने मी योगेश गेडाम सोबत बाहेरगावी असल्याची बाब आईला सांगितली असल्याने ती 27 सप्टेंबरला शेजारी असलेल्या योगेश गेडाम यांच्या घरी गेली, योगेश हा चंद्रपुरात आला होता, मात्र त्याने याबाबत प्रजेश च्या कुटुंबियांना माहिती दिली नाही.
    भाविका यांनी योगेश ला विचारणा केली की प्रजेश आला नाही काय? प्रजेश तर 25 सप्टेंबरला सकाळी 10 वाजता नागपूर रेल्वे स्थानकावर उतरला तो आपल्या नातेवाईकांकडे जातो असे म्हणाला.
    त्यानंतर भाविका यांनी नागपुरातील नातेवाईकांना सम्पर्क केला असता प्रजेश कुणाकडेच गेला नसल्याची माहिती मिळाली.

    तपासात काय निष्पन्न?

    भाविका खंडाळे यांनी मुलगा घरी आला नाही म्हणून शहर पोलिसात तक्रार देत 22 ते 27 सप्टेंबर दरम्यान काय घडलं, याबाबत सविस्तर माहिती पोलिसांना दिली.
    चंद्रपूर शहर पोलिसांनी योगेश गेडाम यांना चौकशीसाठी बोलाविले, त्याने प्रजेश हा नागपूरला उतरला असल्याची माहिती पोलिसांना दिली. ज्या मोबाईल वरून प्रजेश ने आईला सम्पर्क केला त्या मोबाईल क्रमांकाचे लोकेशन मुंबई होते, 25 सप्टेंबरला प्रजेश नागपूर रेल्वे स्थानकावर उतरला काय? याबाबत प्रश्नचिन्ह उपस्थित झाला आहे.
    योगेश ने प्रजेश च्या घरी न सांगता त्याला बाहेरगावी कशासाठी नेले होते? योगेश घरी परतला तेव्हा त्याने प्रजेश च्या आईला याबाबत माहिती का दिली नाही? योगेश ने जे बयान पोलिसांना दिले तीच खरी माहिती आहे काय? त्याच्या माहितीवर पोलिसांनी क्रॉसचेक केलंय का? प्रजेश सोबत गेलेले इतर मूल कोण? असे अनेक प्रश्न अनुत्तरित आहे, याबाबत पोलिसांशी सम्पर्क केला असता ते म्हणतात तपास सुरुच आहे.
    मागील आठवडाभरापासून प्रजेश ची आई योगेश ला मुलांबाबत विचारत आहे, मात्र तिला समाधानकारक उत्तर योगेश कडून मिळत नसल्याने ती न्यायासाठी चंद्रपूर शहर पोलीस स्टेशनच्या पायऱ्या चढत आहे, भाविका खंडाळे यांना पोलिसांकडून न्याय हवा? पोलीस न्याय देतील काय? प्रजेश चे काही बरे वाईट तर झाले नाही? अशी शंका आई भाविका यांच्या मनात निर्माण होत आहे.
    प्रजेश जवळ खर्च करायला पैसे नाही, त्याच्या अंगावर जे कपडे आहे तेच त्याच्याजवळ आहे, तो काय करीत असेल? काय जेवण करीत असेल असे शब्द प्रजेश ची आई पुटपुटत असते.
    वडिलांचे छत्र हरविलेल्या मुलांना मोठं केलं व आज अशी परिस्थिती भाविका खंडाळे यांच्यापुढे उभी झाली, मुलगा आज येणार उद्या येणार अशी आस आईच्या नजरेसमोर आहे.
    दरवर्षी हजारो लाखो महिला व पुरुष बेपत्ता होतात मात्र काही जणांचा शोध लागतो, आजही लाखो नागरिक पोलिसांच्या रेकॉर्डवर हरविल्याची नोंद आहे, मात्र त्यांना कुणी शोधणारा नाही, माझ्या मुलाला शोधून द्या अशी आर्त हाक एक आई पोलिसांना करीत आहे.

  • पत्रकार हाच खरा समाजाचा चौकीदार – आमदार प्रतिभा धानोरकर

    News34 chandrapur

    चंद्रपूर : “महाराष्ट्र ही संतांची भूमी आहे. इथला पत्रकार सत्य आणि न्यायाचे रक्षण करण्याचे काम करीत आहे. पत्रकारांनी संघटित होऊन समाजातील समस्यांवर आवाज उठवावा. पत्रकार हे समाजाचा खरा चौकीदार आहे, असे प्रतिपादन आमदार प्रतिभा धानोरकर यांनी केले.

     

    आज मूल येथे व्हाईस ऑफ मीडिया तर्फे दिवंगत खासदार बाळूभाऊ धानोरकर यांना समर्पित चंद्रपूर – गडचिरोली जिल्ह्यातील पत्रकारांची एक दिवसीय कार्यशाळेचे आयोजन केले होते. या कार्यशाळेचे उद्घाटन आमदार प्रतिभा धानोरकर यांच्या हस्ते झाले. यावेळी त्या बोलत होत्या.

     

    कार्यशाळेत व्हॉइस ऑफ मीडियाचे राष्ट्रीय अध्यक्ष संदीप काळे, शेतकरी नेते रवींद्र तुपकर, काँग्रेस नेते विनोद दत्तात्रेय, जिल्हा परिषद माजी अध्यक्षा संध्याताई गुरनुले, ज्येष्ठ पत्रकार सुनील कुहीकर, जेष्ठ पत्रकार आनंद आंबेकर, विभागीय अध्यक्ष मंगेश खाटीक, जिल्हाध्यक्ष संजय पडोळे यांची उपस्थिती होती.

     

    धानोरकर म्हणाल्या, “संघटना असल्याशिवाय मागण्या पूर्ण होत नाहीत. व्हॉइस ऑफ मीडिया ही एक मजबूत संघटना आहे. ही संघटना गावागावात पोहोचली आहे. पत्रकारांनी या संघटनेचा लाभ घ्यावा.” पत्रकार हे समाजाचे आधारस्तंभ आहेत. ते समाजातील विविध घटकांना एकत्र आणून नव्या विचारांचा प्रसार करतात. तसेच, ते समाजातील गैरव्यवहारांना उघडकीस आणून न्याय मिळवून देतात.

     

    कार्यशाळेत पत्रकारितेच्या विविध पैलूंवर चर्चा करण्यात आली. पत्रकारांना त्यांच्या हक्कांबाबत माहिती देण्यात आली. तसेच, त्यांना पत्रकारितेतील आव्हानांना तोंड देण्यासाठी मार्गदर्शन करण्यात आले. कार्यशाळेत चंद्रपूर व गडचिरोली जिल्ह्यातील पत्रकारांनी सहभाग घेतला.

  • शिक्षण बचाव समितीच्या वतीने विविध मागण्यांसाठी चंद्रपुरात होणार भव्य आंदोलन

    News34 chandrapur

    चंद्रपूर : राज्य कर्मचाऱ्यांना जुनी पेंशन योजना लागू करावी, सरकारने बाह्ययंत्रणेमार्फत सुरू केलेली पदभरती रद्द करावी, ‘दत्तक शाळा योजना’ रद्द करावी यासह इतर मागण्यांना घेऊन शिक्षण बचाव समितीच्या वतीने शुक्रवार, दिनांक ६ ऑक्टोंबर २०२३ रोजी दुपारी ३ ते ५ वाजेपर्यंत चंद्रपूर जिल्हाधिकारी कार्यालयासमोर धरणे / निदर्शने आंदोलन करण्यात येणार आहे.

     

    राज्य सरकारने बाह्ययंत्रणेमार्फत सुरू केलेली पदभरती व शासकीय शाळा खासगी संस्था / कंपन्यांना देण्याचा डाव आखला आहे. देशाचं भवितव्य घडविणाऱ्या शिक्षण क्षेत्रात सरकारने केलेल्या खासगीकरणाचा हा डाव हाणून पाडण्यासाठी जनआंदोलन उभारणे आवश्यक आहे. या आंदोलनाबाबत नियोजन सभा नुकतीच मातोश्री विद्यालय, तुकुम चंद्रपूर येथे पार पडली.

     

    “आरक्षण अप्रत्यक्षरित्या संपविण्याचा घाट केंद्र व राज्य सरकारने आखला आहे” तो हाणून पाडण्यासाठी उभारण्यात येत असलेले जनआंदोलन एक लोक चळवळ व्हावी, यासाठी सर्वांनी सहकार्य करावे. शिक्षण हे सरकारची जबाबदारी असताना सरकार दत्तक शाळा योजना राबवित आहे. यामुळे भविष्यात सर्वसामान्य विद्यार्थ्यांचे मोठे नुकसान होईल, यामुळे आपण सुजाण नागरिक म्हणून जागरूक राहणे आवश्यक असल्याचे मत आमदार सुधाकर अडबाले यांनी व्यक्त केले.

     

    सभेच्या अध्यक्षस्थानी विदर्भ माध्यमिक शिक्षक संघाचे सरकार्यवाह तथा आमदार सुधाकर अडबाले तर प्रमुख अतिथी म्हणून शोभाताई पोटदुखे, गजाननराव गावंडे, जगदीश जुनघरी, नंदू नागरकर, सुरेश पचारे, मनदीप रोडे, पप्पू देशमुख, प्रा. दिलीप चौधरी, बळीराज धोटे, गंगाधर वैद्य, प्रा. निलेश बेलखेडे, दीपक जेऊरकर, प्राचार्य नरेंद्र बोबडे, हरीश ससनकर, रामराव हरडे, महादेव पिंपळकर, नागेश सुखदेवे, कोटेवार, वाढई, आसुटकर, बिजवे, नामदेव मोरे आदी मान्यवरांची प्रामुख्याने उपस्थिती होती. सभेला जिल्ह्यातील शैक्षणिक, सामाजिक, राजकीय संघटनांचे पदाधिकारी, सदस्य, नागरिक मोठ्या संख्येने उपस्थित होते. यावेळी अनेकांनी आपले मत व्यक्त करीत सरकारने घेतलेल्या निर्णयाचा प्रखर विरोध केला.

     

    २ ते ५ ऑक्टोंबरदरम्यान आंदोलनातील मागण्यांचे निवेदन आपआपल्या संस्था/ संघटनेच्या वतीने जिल्हाधिकारी यांच्या मार्फत मुख्यमंत्री व संबंधित मंत्र्यांना पाठवावे. त्यानंतर सर्वांनी ६ ऑक्टोंबर रोजी होणाऱ्या धरणे / निदर्शने आंदोलनात मोठ्या संख्येने सहभागी व्हावे, असे आवाहन आमदार सुधाकर अडबाले, डॉ. अनिल शिंदे, प्राचार्य सूर्यकांत खनके व विविध संघटनेच्या वतीने करण्यात आले आहे.

  • चंद्रपूर जिल्ह्यातील या मार्गावर आला रानहल्ल्या आणि….

    News34 chandrapur

    (प्रशांत गेडाम)
    सिंदेंवाही – नेहमी व्याघ्र दर्शनासाठी प्रसिद्ध असलेल्या सिंदेवाही तालुक्यातील आलेसुर – पेंढरी ह्या जंगलव्याप्त चिमूर मुख्य मार्गावर रान हल्ल्याने प्रवासी नागरीकांना दर्शन दिले.

    जवळपास १५ मिनिटे दहशत युक्त वातावरणात ये- जा करणाऱ्यां प्रवासी नागरिकांनी अवाढव्य मोठ्या असलेल्या रानहल्या ला पाहीले त्यामुळे १५ मिनिटे पेंढरी – चिमूर मार्गावरील दोन्ही बाजूंची वाहतुक ठप्प झाली होती.

     

    चंद्रपूर जिल्ह्यातील अनेक मार्गावर जंगली जनावरांसाठी अंडर पास ची व्यवस्था नसल्याने अनेक जनावरे रस्त्याने येजा करतात त्यामुळे आजपर्यंत अनेक जनावरांचा रस्ते अपघातात मृत्यू झाला आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by