My Blog

Tag: MH34

  • central Indian tiger reserves strategy meeting । “चंद्रपूरमध्ये ‘व्याघ्र रणनिती’ – १९ प्रकल्प प्रमुखांची ऐतिहासिक बैठक!”

    central Indian tiger reserves strategy meeting

    central Indian tiger reserves strategy meeting : चंद्रपूर, महाराष्ट्र: मध्य भारतातील व्याघ्र प्रकल्पांमधील क्षेत्र संचालकांची दोन दिवसीय प्रादेशिक बैठक १ आणि २ जुलै २०२५ रोजी चंद्रपूर येथील चंद्रपूर वन अकादमी (Chandrapur) मध्ये यशस्वीरीत्या पार पडली. ताडोबा-अंधारी व्याघ्र प्रकल्प (TATR) आणि राष्ट्रीय व्याघ्र संरक्षण प्राधिकरण (NTCA) यांच्या संयुक्त विद्यमाने आयोजित या बैठकीत महाराष्ट्र, मध्य प्रदेश, ओडिशा आणि छत्तीसगड राज्यातील १९ व्याघ्र प्रकल्पांचे वरिष्ठ वन अधिकारी सहभागी झाले होते. व्याघ्र संवर्धनातील आव्हाने, प्रभावी व्यवस्थापन उपाययोजना आणि व्याघ्र अधिवासांचे संवर्धन व सुधारणा यावर सखोल चर्चा झाली. decentralized implementation in wildlife conservation

    ७ टक्क्यांचं आमिष देत चंद्रपुरात मोठी फसवणूक

    प्रमुख मान्यवरांची उपस्थिती:

    या महत्त्वपूर्ण बैठकीला राष्ट्रीय व्याघ्र संरक्षण प्राधिकरणाचे (NTCA) प्रमुख मान्यवर उपस्थित होते:

    • डॉ. गोबिंद सागर भारद्वाज, अतिरिक्त महासंचालक (प्रोजेक्ट टायगर) व सदस्य सचिव, NTCA
    • डॉ. संजयन कुमार, महानिरीक्षक (वन), NTCA
    • श्री. राहुल भटनागर, सदस्य, NTCA
    • श्री. नंदकिशोर काळे, सहायक महानिरीक्षक (वन), NTCA (मध्य भारत क्षेत्र)
    national tiger conservation authority meetings

    तांत्रिक सत्रांमध्ये सखोल चर्चा:

    १ जुलै रोजी झालेल्या तांत्रिक सत्रांमध्ये विविध व्याघ्र प्रकल्पांनी M-STRIPES डेटा सादर केला. आगामी अखिल भारतीय व्याघ्र गणना (AITE) २०२६ ची तयारी, फेज-४ मॉनिटरिंग प्रोटोकॉल्सची अंमलबजावणी, व्याघ्र मृत्यू अहवालांची सद्यस्थिती, आणि व्याघ्र संवर्धन आराखड्यांच्या (TCPs) प्रगतीवर विस्तृत चर्चा झाली. SPARSH पोर्टलद्वारे वार्षिक कार्ययोजना (APOs) सादर करणे, व्याघ्र प्रकल्पांमधील गावांचे स्वेच्छेने होणारे पुनर्वसन, आणि व्यवस्थापन कार्यक्षमता मूल्यमापन (MEE) यासारख्या महत्त्वपूर्ण विषयांवरही विचारमंथन झाले. काही व्याघ्र प्रकल्पांनी तण वर्गीय वनस्पती नियंत्रण आणि कुरण व्यवस्थापनातील आपल्या नाविन्यपूर्ण उपक्रमांची माहिती दिली, ज्यामुळे इतरांना नवीन कल्पना मिळाल्या. दुपारच्या सत्रात, उपस्थित प्रतिनिधींना ताडोबा-अंधारी व्याघ्र प्रकल्पात प्रत्यक्ष कुरण व्यवस्थापन व अधिवास सुधारणेचे प्रात्यक्षिक दाखवण्यात आले, ज्यामुळे त्यांना जमिनीवरील कामाची सखोल माहिती मिळाली. national tiger conservation authority meetings

    अनुभवांचे आदानप्रदान आणि समारोप:

    २ जुलै रोजी, १९ व्याघ्र प्रकल्पांचे क्षेत्र संचालक व उपसंचालक यांनी आपापले अनुभव, स्थानिक आव्हाने, नवकल्पना आणि अधिवास-विशिष्ट उपाययोजना सादर केल्या. या सत्रामुळे परस्पर ज्ञानवृद्धी झाली आणि यशस्वी व्यवस्थापनासाठी उत्तम प्रारूपे समोर आली.

    बैठकीचा समारोप डॉ. गोबिंद सागर भारद्वाज यांच्या प्रभावी भाषणाने झाला. त्यांनी आंतरराज्य समन्वय बळकट करण्याचे, वन्यजीव गुन्हेगारी रोखण्यासाठी गुप्तचर यंत्रणा सुधारण्याचे, वैज्ञानिक व तंत्रज्ञानाधारित निरीक्षण प्रणाली अंगीकारण्याचे, आणि क्षेत्रीय पातळीवर विकेंद्रीत अंमलबजावणीस प्रोत्साहन देण्याचे महत्त्व अधोरेखित केले. दीर्घकालीन अधिवास सुधारणा, आक्रमक वनस्पती नियंत्रण, शाश्वत कुरण विकास आणि समुदाय-समावेशक उपाययोजनांद्वारे मानव-वन्यजीव संघर्ष कमी करण्यावर त्यांनी विशेष भर दिला. inter-state cooperation in wildlife protection

    समारोपानंतर, सर्व प्रतिनिधींनी श्रद्धेय अटल बिहारी वाजपेयी वनौद्यान, विसापूर येथे भेट दिली.

    ही प्रादेशिक बैठक व्याघ्र संवर्धनासाठी राज्यांच्या पलीकडे जाऊन समन्वय, नवोपक्रम आणि ज्ञान-संवाद वाढवणारे एक महत्त्वाचे व्यासपीठ ठरली. मध्य भारतातील व्याघ्र प्रकल्पांनी व्याघ्र, त्यांचे अधिवास आणि जैवविविधता संरक्षित करण्यासाठी त्यांची सामूहिक बांधिलकी पुन्हा एकदा अधोरेखित केली. या बैठकीमुळे भविष्यातील व्याघ्र संवर्धन प्रयत्नांना नवी दिशा मिळाली आहे.

  • sewer line construction hazards in rainy season । भर पावसात रस्त्याचं खोदकाम, नागरिकांच्या जिवाशी खेळ!, AAPचा इशारा

    sewer line construction hazards in rainy season

    sewer line construction hazards in rainy season : चंद्रपूर – चंद्रपूर शहरातील बाबुपेठ परिसरात भर पावसाळ्यात सुरू असलेले सिव्हरेजचे खोदकाम नागरिकांसाठी त्रासदायक ठरत असून, यामुळे अनेक रस्ते पूर्णतः बंद झाले आहेत. या खोदकामामुळे नागरिकांच्या सुरक्षिततेचा गंभीर प्रश्न निर्माण झाला आहे. यासंदर्भात आम आदमी पार्टीचे युवा जिल्हाध्यक्ष राजू कुडे यांनी महानगरपालिकेला निवेदन देऊन काम तात्काळ थांबवण्याची मागणी केली आहे.

    मूल पोलिसांच्या कौतुकास्पद कार्याची सर्वत्र चर्चा

    निवेदनात नमूद केल्याप्रमाणे, रस्त्यावर झालेले खड्डे अपघाताला आमंत्रण देत असून, यामध्ये शाळकरी विद्यार्थी, महिला व वृद्ध नागरिक यांना इजा झाल्याचे प्रकार समोर आले आहेत. तसेच, पावसामुळे हे काम निकृष्ट दर्जाचे होत असून, नव्याने तयार करण्यात आलेल्या चेंबरांना भेगा पडत असल्याचे नागरिकांच्या लक्षात आले आहे.

    आम आदमी पार्टीने पुढील तीन प्रमुख मागण्या मांडल्या आहेत:

    1. भर पावसाळ्यात सुरू असलेले सिव्हरेजचे काम तात्काळ थांबवावे.
    2. खोदकामामुळे निर्माण झालेले खड्डे त्वरित बुजवून वाहतूक सुरळीत करावी.
    3. काम पूर्ण झालेल्या भागात दर्जेदार काँक्रीटीकरण करावे.

    या मागण्या दोन दिवसांत मान्य न झाल्यास आम आदमी पार्टीच्या वतीने तीव्र आंदोलन छेडण्यात येईल, असा इशारा राजू कुडे यांनी दिला आहे.

  • fast response by mul police । मूल पोलिसांचं कौतुकास्पद कार्याची सर्वत्र चर्चा, अवघ्या ३० मिनिटातचं!

    fast response by mul police

    fast response by mul police : चंद्रपूर (मूल २ जुलै) – प्रवास करताना आपल्या सामानाची काळजी स्वतः घ्यावी असे अनेक वाहतूक व्यावसायिक किंवा शासकीय एसटी महामंडळ प्रवाश्याना वारंवार सांगत असतात त्यानंतरही प्रवासी याकडे दुर्लक्ष करतात. असाच एक प्रसंग मूल बस स्थानक परिसरात घडला मात्र पोलिसांच्या तत्परतेने अवघ्या अर्ध्या तासात हरविलेले सामान प्रवाश्याला सुखरूप मिळाले.

    चंद्रपुरात मित्रासाठी ९५ लाखांची सरकारी भिंत

    ३० जून रोजी ३५ वर्षीय मंजुषा मनोज नैताम राहणार पडोली ह्या नातेवाईकांसह गडचिरोली वरून चंद्रपूकडे जात असताना वाटेत मूल बस स्थानक परिसरात त्यांची कथ्या रंगाची लेटर बॅग ज्यामध्ये विवो कंपनीचा मोबाईल किंमत ३० हजार व रोख रक्कम अडीच हजार सह ईटीएम कार्ड असे काही महत्वाचे दस्तावेज होते ती बस स्थानकी परिसरात हरवली. नैताम व त्यांच्या नातेवाईकांनी सदर बॅग चा सर्वत्र शोध घेतला पण ती बॅग न मिळाल्याने त्यांनी याबाबत मूल पोलीस स्टेशनमध्ये तक्रार नोंदविली. woman gets back lost valuables with police help

    पोलिसांचा जलद प्रतिसाद

    तक्रारीची दखल घेत मूल पोलिसांनी सायबर पोलीस स्टेशनच्या मदतीने अवघ्या अर्ध्या तासात हरविलेली बॅग व त्यामधील सर्व सामान याचा शोध लावला व ती सुखरूपपणे मंजुषा नैताम यांना परत केले. पोलिसांच्या तात्काळ प्रतिसादाने महिलेची बॅग काही वेळात मिळाल्याने त्यांनी पोलीस अधीक्षक व मूल पोलिसांचे आभार मानले.

    सदरची कामगिरी मूल पोलीस स्टेशनचे प्रभारी अधिकारी सपोनि सुबोध वंजारी यांच्या नेतृत्वात पोउपनि वर्षा नैताम, पोलीस कर्मचारी चिमाजी देवकते, शंकर बोरसरे व नरेश कोडापे यांनी केली.

  • local crime branch liquor bust । दारूबंदी जिल्ह्यात पाठवली जात होती स्कॉर्पिओभरून दारू – ₹23.5 लाखांचा साठा पकडला!

    local crime branch liquor bust

    local crime branch liquor bust : बल्लारपूर – १ जुलै रॉजी चंद्रपूर स्थानिक गुन्हे शाखेने दीड लाख रुपयांच्या दारूसहीत २३ लक्ष ५० हजार रुपयांचा मुद्देमाल जप्त केला. सदर अवैध दारू हि चंद्रपुरवरून दारूबंदी जिल्हा गडचिरोली मध्ये जात असल्याची माहिती समोर आली आहे. पोलिसांनी या प्रकरणी एका आरोपीला अटक केली असून एकजण फरार झाला आहे.

    चंद्रपुरात गुंतवणुकीच्या नावावर मोठी फसवणूक

    दारूबंदी गडचिरोली जिल्ह्यात दारू पोहचविण्यासाठी अनेक दारू माफिया सततपणे कार्यरत असून त्यांचं नेटवर्क अनेक काळापासून सुरु आहे, चंद्रपूर पोलीस (chandrapur police) या नेटवर्कच्या मुसक्या आवळण्याचे काम करीत असून या श्रुंखलेत चंद्रपूर स्थानिक गुन्हे शाखेने मोठी कारवाई केली आहे. how police crack liquor smuggling networks

    चंद्रपूर जिल्ह्यातील बल्लारपूर तालुक्यातून गडचिरोली जिल्ह्यात दारूची वाहतूक होणार असल्याची गोपनीय माहिती स्थानिक गुन्हे शाखेला मिळाली होती, माहितीच्या आधारे पोलिसांनी कळमना गावाजवळ नाकाबंदी केली, त्यावेळी स्कॉर्पियो वाहन क्रमांक MH३४CJ६५७६ आले असता पोलिसांनी सदर वाहन थांबवित त्याची झडती घेतली, त्या वाहनात देशी विदेशी दारूचा साठा आढळून आला.

    तसेच सदर दारू वाहतूक यशस्वी होण्यासाठी पायलेटिंग करण्याकरिता चारचाकी वाहन टाटा अल्ट्रोज क्रमांक MH३४ CJ७३३७ चा चालक पोलिसांना बघून पळून गेला.

    स्थानिक गुन्हे शाखेच्या कारवाईत जप्त करण्यात आलेला मुद्देमाल

    देशी दारू रॉकेट संत्रा ३ हजार ८०० निपा किंमत १ लाख ३३ हजार, बिअर हेवर्डस ५०००च्या ७२ टिन किंमत ९ हजार ३६० व विदेशी दारू इम्पेरिअल ब्लु च्या ४८ निपा किंमत ८ हजार १६०, चारचाकी वाहन २ किंमत एकूण एकूण मुद्देमाल २३ लक्ष ५० हजार ५२० रुपये. सदर कारवाईत ३५ वर्षीय नितीन राजन कुंडे राहणार राजेंद्रप्रसाद वॉर्ड बल्लारपूर याला अटक करण्यात आली असून सिद्धार्थ उर्फ बापू भास्कर रंगारी राहणार कारवा रोड रवींद्रनगर वार्ड बल्लारपूर याचा शोध घेणे सुरु आहे.

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक ईश्वर कातकडे यांच्या मार्गदर्शनात पोलीस निरीक्षक स्थानिक गुन्हे शाखा अमोल काचोरे यांच्या नेतृत्वात सपोनि दीपक कांक्रेडवार, पोलीस कर्मचारी स्वामीदास चालेकर, किशोर वैरागडे, अजय बागेसार, प्रमोद कोटनाके, गोपीनाथ नरोटे व शेखर माथनकर यांनी केली.

  • high budget wall for private land protection । मित्रासाठी ₹95 लाखांची सरकारी भिंत!” – आमदारांच्या ‘पॉवर प्रोटेक्शन’वर ‘आप’चा हल्ला!

    high budget wall for private land protection

    high budget wall for private land protection : चंद्रपूर – सत्तेपुढे शहाणपण चालत नाही, अशी एक म्हण आहे मात्र या सत्तेविरोधात चंद्रपूर आम आदमी पार्टीने नाल्यावरील संरक्षक भिंतीच्या बांधकामाचा मुद्दा चंद्रपुरातील नागरिकांच्या लक्षात आणला, चंद्रपुरात वारंवार येणाऱ्या पुराने नागरिक त्रस्त आहे मात्र त्याच निराकरण न करता स्थानिक आमदार किशोर जोरगेवार यांनी आपल्या मित्राच्या जागेवर पुराचं पाणी येऊ नये याकरिता शासकीय निधीचा वापर करीत तब्बल ९५ लक्ष रुपयांची संरक्षक भिंत उभारली. या मुद्द्यावर २ जुलै रोजी अधिवेशनात भाजप आमदार सुधीर मुनगंटीवार व आमदार विजय वडेट्टीवार यांनी त्या भिंतीवरून मंत्री संजय राठोड व आमदार किशोर जोरगेवार यांना चांगलंच घेरलं. high budget wall for private land protection

    ७ टक्के नफा, चंद्रपुरात गुंतवणूकदारांची फसवणूक

    चंद्रपूर शहरातील हवेली गार्डन रस्त्यावरील नाल्यालागत बांधलेल्या संरक्षण भिंतीमुळे आमदार किशोर जोरगेवार व भाजप नेते आ. सुधीर मुनगंटीवार यांच्यातील वाद पुन्हा उफाळून आलेला आहे. जोरगेवार यांनी शासकीय निधीचा वापर करून स्वतःच्या व मित्राच्या भूखंडासाठी संरक्षक भिंत बांधण्याचा आरोप आहे. याच संदर्भात मुनगंटीवार यांनी आज पावसाळी अधिवेशनात तारांकित प्रश्न उपस्थित केला आहे. high budget wall for private land protection

    शहरातील हवेली गार्डन परिसरातील नाल्याच्या डाव्या बाजूला पुराचे पाणी वस्तीत येऊ नये यासाठी 140 मीटर लांबीची भिंत बांधण्यात आली आहे. ज्याचा खर्च जवळपास ९५ लाख रुपये आहे. पाटबंधारे विभागाकडून हे बांधकाम करण्यात आले असून महापालिकेचे नाहरकत प्रमाणपत्र यासाठी घेण्यात आले नाही, व नाल्यात अतिक्रमण करून नियम तोडल्याचा आरोप आहे. ही भिंत फक्त दोन भूखंडाचे स्वरक्षण करते त्यापैकी एक जोरगेवार यांचे मित्र यांच्याशी संबंधित आहे. मात्र दुसऱ्या बाजूला जास्त लोकवस्ती असताना कमी लोकवस्ती असलेल्या ठिकाणी इतका खर्च का? असा प्रश्न उपस्थित करत आम आदमी पक्षाने जिल्हाधिकाऱ्यांकडे २५ मार्च रोजी तक्रार दाखल केली होती. आप च्या या गंभीर तक्रारीवर माजी मंत्री आमदार सुधीर मुनगंटीवार यांनी पावसाळी अधिवेशनात प्रश्न विचारला. AAP exposes corruption in Chandrapur

    आ. सुधीर मुनगंटीवार

    याच प्रश्नाला घेऊन मुनगंटीवार यांनी विधानसभेत मंत्र्यांना धारेवर धरत बांधकाम करणाऱ्या अभियंताला निलंबित करणार का असा प्रश्न उपस्थित केलाय यामुळे चंद्रपूर भाजप मधील जोरगेवार व मुनगंटीवार यांच्यातील गटबाजी पुन्हा एकदा समोर आली आहे.

    आ. विजय वडेट्टीवार

    याच प्रश्नाचा आधार घेत काँग्रेस पक्षाचे विधिमंडळ नेते आ. वडेट्टीवार यांनी मंत्र्यांनी मोका चौकशी करावी ही भिंत फक्त निकटवर्तियांसाठी बांधण्यात आली असून फक्त एक व्यक्तीला व त्याच्या जागेला संरक्षण देण्यासाठी हा ९५ लाखांचा निधी खर्च करण्यात आल्याचं सांगत दोषींवर कारवाई करणार आहात का असा प्रश्न उपस्थित केला आहे.

    संजय राठोड मंत्री जलसंपदा

    भिंत चुकीच्या ठिकाणी बांधली अस नाही आहे, माझ्याकडे गुगल मॅप लोकेशन आहे. दोन्ही बाजूने लोकवस्ती आहे. जिल्हा नियोजनातून पुन्हा कामे प्रस्तावित असून जिल्हाधिकाऱ्यांमार्फत चौकशी करून कारवाई करू

    आ. किशोर जोरगेवार –

    Vo – हा प्रश्न माझ्या मतदारसंघातील आहे. या नाल्यावर नवीन तीन कामे प्रस्तावित आहे. ज्यांची निविदा सुद्धा निघाली आहे. ज्या ठिकाणी मागणी होत असते तिथं काम केलं जाते. त्याठिकाणी झोपडपट्टी धारकांनी मागणी केली होती. त्यानंतर सदर भिंतीचे निर्माण करण्यात आले. high budget wall for private land protection

    २ जुलै रोजी आम आदमी पार्टीचे जिल्हाध्यक्ष मयूर राईकवार यांनी याबाबत पत्रकार परिषद घेत आमदार जोरगेवार यांनी आपल्या पदाचा राजीनामा द्यावा अशी मागणी केली, राईकवार म्हणाले कि ज्याठिकाणी लोकवस्ती आहे तिथे हि संरक्षक भिंत बांधण्यात आली नाही, जोरगेवार यांनी मित्राच्या बंगल्याकरिता या भिंतीचे निर्माण शासकीय निधीतून केले आहे, विशेष बाब म्हणजे नाल्याची मूळ रुंदी हि ८ मीटर होती, संरक्षक भिंत नाल्यावर अतिक्रमण करीत बांधल्याने हा नाला आता ४ मीटर चा शिल्लक आहे, याबाबत आम आदमी पक्षाने जलसंधारण विभागात तक्रार दाखल केली होती, लोकवस्ती मध्ये दरवर्षी पावसाचे पाणी शिरते मात्र त्या दिशेला भिंतीचे बांधकाम करण्यात आलेले नाही. Chandrapur flood risk due to wall

    शासकीय निधीचा गैरवापर करून सदर भिंतीचे बांधकाम करण्यात आले असल्याने या प्रकरणात सहभागी शासकीय व लोक प्रतिनिधी यांच्यावर फौजदारी गुन्हे दाखल करण्यात यावे, प्रकरणातील दोषींकडून ९५ लाख रुपये वसूल करण्यात यावे. अशी मागणी आम आदमी पक्षाच्या वतीने करण्यात आली. आयोजित पत्रकार परिषदेत आप चे प्रदेश सह सचिव सुनील मुसळे, युवा जिल्हाध्यक्ष राजू कुडे, संगठन मंत्री संतोष बोपचे, शिक्षक जिल्हाध्यक्ष एकनाथ हांडेकर उपस्थित होते.

  • middle class suffering due to inflation । 😡 महागाईने नाकीनऊ आले! मध्यमवर्गीयांचे बजेट कोलमडले, दरवाढ मागे घ्या – खासदार धानोरकर

    middle class suffering due to inflation

    middle class suffering due to inflation : चंद्रपूर : १ जुलै २०२५ पासून रेल्वे तिकीट, एटीएम व्यवहार शुल्क, पॅन कार्ड नियम आणि गॅस सिलेंडरच्या दरांमध्ये करण्यात आलेल्या प्रचंड वाढीमुळे सामान्य जनता होरपळून निघत आहे. केंद्रातील मोदी सरकारने घेतलेल्या या अन्यायकारक निर्णयांचा खासदार प्रतिभा धानोरकर (mp pratibha dhanorkar) यांनी तीव्र शब्दांत निषेध केला असून, ही दरवाढ तात्काळ मागे घेण्याची मागणी केली आहे. railway ticket price hike July 2025

    चंद्रपुरात मोठा आर्थिक घोटाळा

    खासदार प्रतिभा धानोरकर म्हणाल्या, “देशातील जनता महागाईने (inflation) त्रस्त असताना, मोदी सरकारने १ जुलैपासून विविध सेवांवर लादलेली ही दरवाढ म्हणजे जनतेच्या जखमेवर मीठ चोळण्यासारखे आहे. रेल्वे हे सामान्य माणसाच्या प्रवासाचे प्रमुख साधन आहे. त्यात वाढ करून सरकारने गरिबांचा प्रवास आणखी महाग केला आहे. तात्काळ तिकीट बुकिंगच्या नियमांमध्ये केलेले बदल आणि ओटीपीची सक्ती यामुळे सामान्य प्रवाशांना, विशेषतः ग्रामीण भागातील लोकांना अडचणींचा सामना करावा लागेल.”

    डिजिटल इंडियाच्या नावाखाली आर्थिक लूट

    त्या पुढे म्हणाल्या, “एटीएममधून पैसे काढण्यावरील वाढीव शुल्क हा डिजिटल इंडियाच्या (digital india) नावाखाली सामान्य नागरिकांच्या खिशातून पैसे काढण्याचा प्रकार आहे. बँका आणि वित्तीय संस्थांना याचा फायदा होईल, पण सर्वसामान्यांसाठी रोख व्यवहार करणे अधिक खर्चिक होईल. पॅन कार्डसाठी आधार अनिवार्य करणे आणि नवीन नियम लागू करणे हे लोकांना अधिक त्रासात टाकणारे आहे. तर, गॅस सिलेंडरच्या दरांत वाढ करणे म्हणजे गृहिणींच्या बजेटवर दर महिन्याला महागाईची टांगती तलवार ठेवण्यासारखे आहे.”

    खासदार धानोरकर यांनी ठामपणे सांगितले की, “मोदी सरकार (modi government) केवळ धनदांडग्या उद्योजकांचे सरकार बनले आहे. त्यांना सामान्य जनतेच्या समस्यांशी काहीही देणे घेणे नाही. निवडणुकीपूर्वी अच्छे दिनाची स्वप्ने दाखवून आता जनतेला महागाईच्या खाईत लोटले जात आहे. मी मोदी सरकारला विनंती करते की, त्यांनी तातडीने या सर्व दरवाढीचा निर्णय मागे घ्यावा आणि जनतेला दिलासा द्यावा. अन्यथा, काँग्रेस पक्ष आणि इतर समविचारी पक्ष जनतेच्या हितासाठी रस्त्यावर उतरून तीव्र आंदोलन करतील.”

  • Investment fraud in Chandrapur । 💰 “७% नफा” देतो म्हणणारे फसवे! चंद्रपूरमध्ये कोट्यवधींचा घोटाळा?

    Investment fraud in Chandrapur

    Investment fraud in Chandrapur : चंद्रपूर – चंद्रपूर जिल्यातील अनेक सामान्य नागरिक ७% मासिक नफ्याच्या आमिषाने मोठ्या आर्थिक फसवणुकीला बळी पडले असून, हे प्रकरण सध्या जिल्ह्यात गंभीर चिंता आणि अस्वस्थतेचा विषय ठरत आहे. या प्रकरणी गुंतवणूकदारांनी थेट मा. आ. सुधीरभाऊ मुनगंटीवार यांची भेट घेऊन आपबिती मांडली आणि न्यायासाठी मदतीची विनंती केली.

    या पार्श्वभूमीवर मा. आ. सुधीर मुनगंटीवार (sudhir mungantiwar) यांनी तातडीने हे प्रकरण लवकरात लवकर निपटारा  करण्यासाठी भारतीय जनता पार्टीचे  महामंत्री व माजी जिल्हाध्यक्ष  डॉ. मंगेश गुलवाडे, महामंत्री  रामपाल सिंग,मनोज सिंघवी,नम्रता ठेमस्कर,किरण बुटले, उमेश अष्टणकर व भाऊंचे स्वीय सहाय्यक संजय राईंचवार यांच्या शिष्टमंडला पाठवून जिल्ह्याचे पोलीस अधीक्षक एम. सुदर्शन यांची भेट घेऊन सदर प्रकरण तातडीने सोडविण्यासाठी  संपूर्ण  सखोल चौकशी करण्याचे निर्देश दिले.

    चंद्रपूर मनपामध्ये ई क्रांती


    यानंतर पोलीस अधीक्षकांनी गुंतवणूकदारांची प्रत्यक्ष भेट घेऊन त्यांच्या तक्रारी ऐकून घेतल्या आणि संबंधित प्रकरणात तत्काळ तपास सुरू करण्याचे आदेश दिले.

    गुंतवणूकदार मानसिक तणावात

    गुंतवणुकीच्या (investment) नावाखाली श्री. संजय हांडेकर (रा. सिंदेवाही) आणि श्री. कैलास लांडगे (रा. बाबुपेठ, चंद्रपूर) या दोघांनी प्लॉट विक्री, व्यापार, निधी योजना आदींच्या माध्यमातून अनेक नागरिकांचा विश्वास संपादन केला. प्रारंभी काही महिन्यांपर्यंत व्याज दिल्यानंतर फेब्रुवारी २०२३ पासून त्यांनी व्यवहार बंद करत नागरिकांचे पैसे थांबवले. परिणामी, अनेकांचे आयुष्य आर्थिक संकटात सापडले असून, काहीजण कर्जाच्या ओझ्यामुळे मानसिक तणावात आहेत. False promise of 7% monthly returns

    सन्माननीय एम. सुदर्शन यांनी दिलेल्या माहितीनुसार, हे प्रकरण अत्यंत गंभीर असून, तक्रारदारांनी जे कागदपत्रे सादर केली आहेत, त्यांची पडताळणी करून लवकरात लवकर दोषींवर कठोर कारवाई केली जाईल. तसेच, पीडित गुंतवणूकदारांना न्याय मिळवून देण्यासाठी पोलीस प्रशासन कटिबद्ध आहे. Victims facing financial and mental distress

    या त्वरित आणि संवेदनशील हस्तक्षेपाबद्दल नागरिकांनी मा. आमदार सुधीरभाऊ मुनगंटीवार आणि पोलीस अधीक्षक एम. सुदर्शन व डॉक्टर मंगेश गुलवाडे यांचे मनःपूर्वक आभार मानले असून, या प्रकरणात न्याय मिळेल, अशी आशा व्यक्त केली आहे.

  • e-office system in municipal corporation । 📂 चंद्रपूर मनपात ई-कारभाराची नवी सुरुवात – आता सर्व काही ऑनलाईन!

    e-office system in municipal corporation

    e-office system in municipal corporation : चंद्रपूर 1 जुलै  – प्रशासकीय कारभार गतीमान आणि पेपर लेस करण्यासाठी आता चंद्रपूर महानगरपालिकेने ‘ई-ऑफीस प्रणाली’ कार्यान्वित केली असुन जी कामे ऑफलाईन पद्धतीने आतापर्यंत सुरु होती ती आता ऑनलाईन पद्धतीने करण्यात येत आहेत. यामुळे मनपात येणाऱ्या सर्व कागदपत्रांचे डिजीटल ट्रॅकिंग करणे आता शक्य होणार आहे. आतापर्यंत मनपात 649 फाईल या ई-ऑफीस प्रणालीवर ऑनलाईन करण्यात आल्या आहेत.

    २१ गुन्हे दाखल असलेला कुख्यात गुन्हेगाराला पोलिसांनी केले स्थानबद्ध

       
       100 दिवस कृती आराखडा मोहिमेच्या यशस्वी अंमलबजावणीनंतर राज्य शासनाद्वारे (Future Roadmap) भविष्यातील वाटचाल अंतर्गत विकसित महाराष्ट्र,ई गव्हर्नन्स रिफॉर्म्स व सेवा विषयक प्रशासकीय सुधारणा या 3 मुद्द्यांवर केंद्रीत 150 दिवसांची मोहीम 6 मे ते 2 ऑक्टोबर 2025 या कालावधीत सुरु करण्यात आली आहे.यात ऑनलाईन पद्धतीने जलद गतीने कामे करण्यास प्राधान्य देण्यात येत असुन प्रत्येक शासकीय कार्यालयात ई ऑफीसचा वापर सुरु करण्यात येत आहे. e-office implementation in local bodies

             
       महानगरपालिकेत दररोज मोठ्या प्रमाणात टपालांची आवक जावक नोंद होते. त्यासाठी कर्मचाऱ्यांच्या हस्ते पारंपारीक पद्धत टपाल संबंधित विभागाच्या टेबलवर पोहचवले जाते. त्यामुळे अनेकदा टपाल विभागप्रमुखांपर्यंत पोहचायला उशीर लागतो तर कधी कधी टपाल गहाळ होण्याचाही धोका असतो. त्यामुळे या सर्व प्रकाराला पायबंद घालतानाच ई ऑफीस प्रणाली सुरू करण्यासाठी आयुक्त तथा प्रशासक विपीन पालीवाल हे आग्रही होते.  मनपाच्या सर्व विभागांनी आता ई प्रणालीचा वापर सुरु केल्याने आलेल्या तक्रारींचे डिजीटल ट्रॅकिंग शक्य होणार असुन मनपाचे सर्व विभाग या प्रणालीशी जोडले जाऊन आता मनुष्यबळ, वेळ आणि कागदावरील खर्चही वाचणार आहे.  

    काय आहे ई ऑफीस प्रणाली –

      ई – ऑफिस प्रणाली म्हणजे शासकीय कामकाज कागदविरहित (पेपरलेस) करणे. सध्या शासनात फायलींचा प्रदीर्घ प्रवास होतो. त्याऐवजी संगणकावरून अधिकाधिक कामकाज करण्यात येणार. मनपाच्या आवक-जावक कक्षात आवक-जावकची ई ऑफीस प्रणालीवर स्कॅनिंग करून नोंद केली जाईल. पोहच देताना त्यावर ऑनलाईन नोंद झालेला डिजीटल क्रमांकही असेल, त्यामुळे या क्रमांकावरूनच आपल्या तक्रारीची, इतर अर्जाचे पुढे काय झाले, हे ट्रॅकिंग करणे सुलभ होणार आहे. संबंधित टपाल हे ज्या त्या विभागाकडे पाठविले जाईल तिथुन विभागप्रमुख आणि त्या पुढे आवश्यतेनुसार उपायुक्त,अतिरिक्त आयुक्त व आयुक्त यांच्याकडे संबंधित फाईल संगणकावरूनच पुढे पाठविली जाईल.

    विभागप्रमुखांसह कर्मचाऱ्यांना प्रशिक्षण

    महानगरपालिका क्षेत्रात ई-ऑफिस प्रणालीची प्रभावी अंमलबजावणी करण्यासाठी, महानगरपालिका आयुक्‍त तथा प्रशासक विपीन पालीवाल यांच्या सूचनांनुसार, मनपा स्तरावरील कार्यालयांमध्ये तैनात असलेल्या अधिकारी आणि कर्मचाऱ्यांना ई-ऑफिस प्रणालीचे प्रशिक्षण देण्यात आले आहे. 

  • country made gun recovered by police । 🚔 गुन्हा घडण्याआधीच धडक कारवाई – देशी पिस्तूलसह आरोपी पकडला!

    country made gun recovered by police

    country made gun recovered by police : चंद्रपूर \ मूल – मूल पोलिसांच्या गुन्हे शोध पथकाने एका आरोपीजवळून देशी बनावटीची पिस्टल सहित दोन जिवंत काडतूस सहित १ लक्ष ३० हजारांचा मुद्देमाल जप्त केला आहे.

    ३० जून रोजी गुन्हे शोध पथक गस्तीवर असताना सायंकाळी ४ वाजेदरम्यान महाबीज केंद्रजवळ मूल ते ताडाला मार्गावर २६ वर्षीय गौरव नितीन नरुले राहणार वार्ड क्रमांक १२ मूल याला ताब्यात घेत त्याची झडती घेतली असता त्याचे जवळून देशी बनावटीचे लोखंडी पिस्टल, दोन जिवंत काडतूस व दोन मॅगझीन विनापरवाना आढळले.

    कुख्यात गुन्हेगाराला चंद्रपूर पोलिसांनी केले स्थानबद्ध

    पोलिसांनी गौरव नरुले ला ताब्यात घेत चौकशी केली असता तो भविष्यात गंभीर स्वरूपाचा गुन्हा करण्याच्या तयारीत होता अशी माहिती प्राप्त झाली. देशी पिस्टल, काडतूस व दुचाकी वाहन असा एकूण १ लक्ष ३० हजार रुपयांचा मुद्देमाल मूल पोलिसांनी जप्त केला. arrested with country made pistol and live bullets

    गुन्हा दाखल

    आरोपी गौरव नरुले वर कलम ३/२५, ७/२५ भारतीय शस्त्र अधिनियम १९५९ अन्वये गुन्हा दाखल करण्यात आला असून पुढील तपास सपोनि अमितकुमार आत्राम करीत आहे.

    सदरची कारवाई सपोनि सुबोध वंजारी यांच्या नेतृत्वात सपोनि अमितकुमार आत्राम, पोउपनि भाऊराव बोरकर, जमीर खान पठाण, भोजराज मुंडरे, चिमाजी देवकते, नरेश कोडापे, पंकज बगडे व शंकर बोरसरे यांनी केली.

  • Criminal detained under MPDA Act । 🛑चंद्रपुरातील २१ गुन्ह्यांचा बादशाह अखेर पोलिसांच्या जाळ्यात – MPDA कारवाईचा मोठा धक्का!

    Criminal detained under MPDA Act

    Criminal detained under MPDA Act : चंद्रपूर – २१ गुन्हे दाखल असून सुद्धा गुन्हेगारी कार्य सतत सुरु असल्याने चंद्रपूर पोलिसांनी कुख्यात चोर व गुन्हेगारावर MPDA कायद्यांतर्गत १ वर्षासाठी कारागृहात स्थानबद्ध केले आहे. ३० वर्षीय संगम संभाजी सागोरे राहणार मित्र नगर आंबेडकर कॉलेज जवळ चंद्रपूर असे त्या गुन्हेगाराचे नाव आहे.

    संगम सागोरे वर पोलीस स्टेशन बल्लारशा, रामनगर, पडोली, भद्रावती मध्ये जबरी चोरी, अग्निशस्त्र, जाळपोळ व अश्लील शब्दात शिवीगाळ, खून, खुनाचा प्रयत्न करणे असे तब्बल २१ गुन्हे दाखल आहे. यांनतर सुद्धा संगम हा परिसरात दहशत निर्माण करण्याचे काम करीत असल्याने त्याच्यावर हि कारवाई करण्यात आली आहे.

    चंद्रपूरच्या रस्त्यावर हातात कोयता घेऊन दहशत, पोलिसांनी केली अटक

    संगम सागोरे वर वेळोवेळी चंद्रपूर पोलिसांनी प्रतिबंधक कारवाई केल्यावर सुद्धा तो कायद्याला जुमानत नसल्याने पोलिस अधीक्षकांनी याबाबत दखल घेत सागर वर महाराष्ट्र झोपडपट्टी गुंड, हात भट्टीवाले, औषधी द्रव्य विषयक गुन्हेगार व धोकादायक व्यक्ती द्रकश्राव्य कलाकृती विना परवाना प्रदर्शन करणाऱ्या व्यक्ती, वाळू तस्कर अत्यावश्यक वस्तूचा काळाबाजार करणारा व्यक्ती यांच्या विघातक कृत्यांना प्रतिबंध करण्याविषयीचा अधिनियम सण १९८१ सुधारणा अनव्ये २००९, २०१५ प्रस्ताव तयार करून जिल्हाधिकारी विनय गौडा यांच्याकडे सादर केला. police action under preventive detention act

    कारागृहात स्थानबद्ध

    जिल्हाधिकारी गौडा यांनी याबाबत दखल घेत संगम सागोरे ला नमूद कायद्यांतर्गत १ वर्षाकरिता स्थानबद्ध करण्याचा आदेश ३० जून रोजी पारित केला, संगम सागोरे ला चंद्रपूर जिल्हा मध्यवर्ती कारागृह मध्ये स्थानबद्ध करण्यात आले.

    सदरची कारवाई पोलीस अधीक्षक मुमक्का सुदर्शन, अप्पर पोलीस अधीक्षक रीना जनबंधू यांच्या मार्गदर्शनात उपविभागीय अधिकारी सुधाकर यादव, नयोमी साटम, स्थानिक गुन्हे शाखा पोलीस निरीक्षक अमोल काचोरे, पोलीस निरीक्षक आसिफरजा शेख, पोउपनि उपरे, अनिल जमकातन, सपोनि योगेश खरसान, अरुण खारकर, सुधीर मत्ते व परवरीश शेख यांनी केली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by