Chandrapur schools closed due to red alert rain : चंद्रपूर, दि. 24 : भारतीय हवामान खात्याच्या वर्तवलेल्या अंदाजानुसार 25 जुलै रोजी चंद्रपूर जिल्ह्यात “रेड अलर्ट” दिला असून काही ठिकाणी अत्यंत मुसळधार पाऊस पडण्याची शक्यता वर्तविलेली आहे.
त्यामुळे चंद्रपूर जिल्हयात कोणत्याही प्रकारची अनुचित घटना घडू नये, तसेच अतिवृष्टीमुळे आपत्कालीन परिस्थिती निर्माण झाल्यास त्याचा परिणाम शालेय विद्यार्थ्यावर होऊ नये, याकरिता चंद्रपूर जिल्ह्यातील सर्व अंगणवाड्या, पूर्व प्राथमिक, प्राथमिक व माध्यमिक शाळा, विद्यालये, महाविद्यालये व खाजगी कोचिंग क्लासेस यांना आपत्ती व्यवस्थापन अधिनियम 2005 मधील कलम 30 (2) (5) व (18) नुसार 25 जुलै रोजी सुट्टी जाहीर करण्यात आली आहे.
उक्त आदेशाची अंमलबजावणी तात्काळ करावी.
तसेच नागरीकांनी भारतीय हवामान खात्याने वर्तवलेल्या अंदाजानुसार सतर्क राहून आवश्यक खबरदारी घ्यावी व आपत्कालीन परिस्थितीत जिल्हा आपत्ती व्यवस्थापन नियंत्रण कक्ष, जिल्हाधिकारी कार्यालय, चंद्रपूर संपर्क क्र. 07172 – 250077 येथे संपर्क साधावा, असे आवाहन प्रभारी जिल्हाधिकारी तथा जिल्हा आपत्ती व्यवस्थापन प्राधिकरण चे अध्यक्ष डॉ. नितीन व्यवहारे यांनी केले आहे.
heroic police action during monsoon flood : चंद्रपूर – चंद्रपूर जिल्ह्यात मागील २ दिवसापासून मुसळधार पाऊस पडत असल्याने जिल्ह्यातील धरण, नदी व नाल्यात पूर सदृश्य स्थिती निर्माण झाली आहे. २३ जुलै रोजी विरूर पोलीस स्टेशनच्या हद्दीत मौजा वरुर ते विरूर मार्गावरील नाल्याला पूर आल्याने दोन महामंडळ बस चिचबोर्डी, सिरशी गावाजवळील मार्गावर सायंकाळ पासून अडकल्या होत्या, विशेष म्हणजे बस मध्ये तब्बल ५० नागरिक ज्यामध्ये २५ ते ३० विद्यार्थी होते.
विरूर पोलिसांना सदर माहिती प्राप्त होताच सहायक पोलीस निरीक्षक संतोष वाकडे हे तात्काळ पोलीस स्टाफसह नाल्याजवळ पोहोचले. परिस्थिती बघता आधी सर्व विद्यार्थ्यांना पाणी व नाश्त्याची व्यवस्था केली, ठाणेदार वाकडे यांनी नागरिक व विद्यार्थ्यांचे मनोबल वाढविले. तब्बल अडीच तास वाट बघितल्यावर पुराचा प्रवाह कमी झाला. Virur police station flood rescue operation
पोलिसांनी शासकीय वाहन दोन्ही बसच्या पुढे लावत अडकलेल्या विद्यार्थ्यांना ठिकाणाहून सुखरूप बाहेर काढले , विशेष बाब म्हणजे पोलिसांनी स्वतः सर्व विद्यार्थ्यांना डोंगरगाव, सूबई, कवींडपेठ व चिंचोली या गावात घरी सुखरूप पोहचविले. पोलिसांची हि मोहीम रात्री १२ वाजेपर्यंत सुरु होती.
सदरची यशस्वी कामगिरी विरूर पोलीस स्टेशनचे ठाणेदार सपोनि संतोष वाकडे यांच्या नेतृत्वात परि. पोउपनि दत्ताहरी जाधव, विजय मुंडे, राहुल वैद्य, हर्षल लांडे, हर्षल चौधरी, बिभीषण खटके, सौरव पगडपेल्लीवार व संजय कोडापे यांनी केली.
नागरिकांना आवाहन
पोलीस अधीक्षक मुमक्का सुदर्शन यांनी यावेळी नागरिकांना आवाहन केले कि पावसाळ्यात पाणी साचलेल्या भागात जाणे टाळावे, विद्युत उपकरणापासून दूर रहा, पाणी वाहत असलेल्या पुलावरून जाऊ नका, पूर परिस्थितीत किंवा आपात्कालीन परिस्थितीत ११२ वर कॉल करा.
samuhik vivah sohala anudan : चंद्रपूर, दि.24 : सामाजिक न्याय व विशेष सहाय्य विभागाच्या मार्फत महाराष्ट्र राज्यातील अनुसूचित जाती (नवबौद्धांसह) व आर्थिक दृष्ट्या दुर्बल मागासवर्गीय कुटुंबांमधील तरुण-तरुणींना अनाठायी खर्च व कर्जबाजारीपणामुळे येणाऱ्या आर्थिक अडचणी टाळण्यासाठी सामूहिक विवाह सोहळ्यात सहभागी होण्यास प्रोत्साहन देण्यात येत आहे.
या योजनेंतर्गत सामूहिक विवाह सोहळ्यात विवाह करणाऱ्या प्रत्येक जोडप्यास 25 हजार रुपये इतके कन्यादान अनुदान देण्यात येणार असून, विवाह सोहळा आयोजित करणाऱ्या स्वयंसेवी संस्थेला प्रत्येक जोडप्यामागे 4 हजार इतके अनुदान देण्यात येणार आहे. mass marriage grant scheme
स्वयंसेवी संस्थांनी करा अर्ज
उपरोक्त योजनेचा लाभ घेण्यासाठी दाम्पत्यांनी बालविवाह प्रतिबंधक कायदा तसेच हुंडा प्रतिबंधक कायदा यातील कोणत्याही कलमाचे उल्लंघन केलेले नसावे, ही अट बंधनकारक आहे. सदर योजनेंतर्गत सामूहिक विवाह सोहळा आयोजित करणाऱ्या स्वयंसेवी संस्थांनी ऑगस्ट अखेरपर्यंत विवाह सोहळ्यासाठी प्रस्ताव सहायक आयुक्त, समाज कल्याण, चंद्रपूर यांचे कार्यालयात सादर करावेत.
या अनुदान योजनेसाठी आवश्यक कागदपत्रांची यादी कार्यालयाच्या सूचना फलकावर प्रसिद्ध करण्यात आलेली आहे. अधिक माहितीसाठी इच्छुक संस्थांनी समाज कल्याण कार्यालयाशी संपर्क साधावा, असे आवाहन सहाय्यक आयुक्त विनोद मोहतुरे यांनी केले आहे.
Swati Pandey MADC visit Morwa airport : चंद्रपूर, दि. 24 : महाराष्ट्र विमानतळ विकास कंपनी लिमिटेड (MADC) च्या उपाध्यक्षा तथा व्यवस्थापकीय संचालक स्वाती पांडे यांनी नुकतीच चंद्रपूर येथील मोरवा विमानतळाला भेट दिली. नागपूर फ्लाइंग क्लबने आपला फ्लाइंग सेक्शन प्रशिक्षणासाठी अलीकडेच या ठिकाणी स्थलांतरित केल्याने सदर भेटीचे आयोजन करण्यात आले होते. Chandrapur airstrip flying training expansion
भविष्यातील विकास संधींचा आढावा
मोरवा विमानतळ हे MADC च्या मालकीचे असून, नागपूर फ्लाइंग क्लबला विमान उड्डाण प्रशिक्षणासाठी सुपूर्त करण्यात आले आहे. सौ. पांडे यांचा दौरा या प्रशिक्षण केंद्रातील उपलब्ध पायाभूत सुविधा, तांत्रिक गरजा व भविष्यातील विकास संधींचा आढावा घेण्यासाठी आयोजित करण्यात आला होता.
यावेळी सौ. पांडे यांनी प्रशिक्षणार्थी कॅडेट्सशी संवाद साधत प्रत्यक्ष प्रशिक्षण अनुभव जाणून घेतला आणि त्यांच्या अडचणी व अपेक्षांचा देखील आढावा घेतला. तसेच नागपूर फ्लाइंग क्लबचे व्यवस्थापकीय संचालक तेजू सिंग पवार यांच्यासोबत सविस्तर चर्चा करून सध्या सुरू असलेल्या प्रशिक्षण उपक्रमांची माहिती व भविष्यातील योजना जाणून घेतल्या.
राज्यातील विमान प्रशिक्षण क्षेत्रात दर्जात्मक प्रगती साधण्याच्या महाराष्ट्र सरकारच्या दृढ संकल्पनेच्या अनुषंगाने महाराष्ट्र विमानतळ विकास कंपनी सातत्याने प्रयत्नशील आहे. विमान प्रशिक्षण क्षेत्रात महाराष्ट्र राज्याचा अग्रगण्य स्थान प्राप्त व्हावे, या उद्देशाने स्वाती पांडे यांची ही भेट महत्त्वपूर्ण ठरली आहे.
Chandrapur red alert rainfall : चंद्रपूर – बंगालच्या उपसागरावर कमी दाबाचा पट्टा निर्माण होत आहे. या कमी दाबाच्या पट्ट्यामुळे विदर्भात (प्रामुख्याने पूर्व विदर्भात) 25-26 जुलै दरम्यान मध्यम ते जोरदार पावसाची शक्यता वर्तविण्यात आली आहे. तसेच प्रादेशिक हवामान केंद्र, नागपूर यांनी दिलेल्या सूचनेनुसार शुक्रवार, दिनांक 25 जुलै 2025 रोजी चंद्रपूर जिल्ह्याकरिता रेड अलर्ट देण्यात आलेला आहे. monsoon flood alert
२६ जुलै रोजी मुसळधार पाऊस
पूर्व आणि उत्तर विदर्भात सर्वात अधिक पाऊस पडण्याची शक्यता आहे, ज्यात भंडारा, गोंदिया, गडचिरोली, चंद्रपूर, नागपूर, वर्धा, अमरावती, आणि यवतमाळ जिल्ह्यांचा समावेश आहे. सध्याच्या अंदाजानुसार 26 तारखेला पावसाचे प्रमाण सर्वात अधिक असण्याची शक्यता आहे. Chandrapur heavy rain
25-26 जुलै दरम्यान पूर्व विदर्भात धरण साठ्यात वाढ होऊन नदी-नाल्यांना पूर येण्याची शक्यता नाकारता येत नाही. त्यामुळे सखोल भागांमध्ये पुराची स्थिती निर्माण होऊ शकते. नागरिकांनी सतर्क राहावे, असे आवाहन जिल्हा प्रशासन आणि आपत्ती व्यवस्थापन विभागाकडून करण्यात येत आहे.
revenue officer action on sand mining : चंद्रपूर – चंद्रपूर जिल्ह्यात मोठ्या प्रमाणावर अनेक वर्षांपासून अवैध वाळूचे उत्खनन सुरु आहे मात्र यावर चंद्रपूर जिल्हा प्रशासन कुंभकर्णी झोपेत असल्याचे दिसत आहे. वाळू घाटाचा एकदा लिलाव झाला तर त्याठिकाणी कश्याप्रकारे उत्खनन होते हे सुद्धा प्रशासनाकडून बघितले जात नाही. चंद्रपुरात मात्र अधिकारी थेट मध्यरात्री घाटावर पोहचत कारवाई केली.
चंद्रपूर तालुक्यातील घुग्गुस मधील नकोडा रेती घाटावर मध्यरात्री दीड वाजता अवैध रेती उत्खनन व साठवणुकीची माहिती मिळाल्यावर नायब तहसीलदार सचिन खंडाळे व मंडळ अधिकारी प्रकाश सुर्वे यांनी चौकशी केली असता तिथे त्यांना मोठं घबाड आढळलं. पण या कारवाईत प्रशासनाला बेवारस मुद्देमाल जप्त करावा लागला. poklen seized during illegal mining Chandrapur
वर्धा नदी पात्राजवळील नकोडा घाटात वाळूचे अवैध उत्खनन सुरु असल्याची माहिती प्रशासनाला प्राप्त झाली होती, माहितीच्या आधारे तहसील विभागातील अधिकारी घाटाजवळ पोहोचले असता त्याठिकाणी दोन बोटीने नदी पात्रात वाळू उत्खनन होत असल्याचे समजले, अधिकाऱ्यांना बघताच काम करणारे मजुरांनी धूम ठोकली. बोट आणि तीस ब्रास वाळू जप्त करीत पंचनामा करण्यात आला. तहसील परत जात असताना पंप हाऊस च्या रोडवरील अंदाजे 100 ब्रास रेती साठवून करून असल्याचे दिसून आले व त्या रेतीवर एक पोकलेन मशीन दिसून आली सदर स्टॉक आणि पोकलेन मशीन अवैध असल्याचे कळल्यानंतर त्यावर जप्तीची कारवाई करून व मोका पंचनामा करण्यात आला सदर मशीन जप्त करण्यात आली व रेती स्टॉक पण जप्त करण्यात आला. unclaimed sand stock seized Chandrapur
वाळू व पोकलेन कुणाची?
विशेष बाब म्हणजे कारवाई केल्यावर अजूनही वाळू उत्खनन, बोट व पोकलेन मशीन कुणाची याचा थांगपत्ता अजूनही लागलेला नाही, यावर नायब तहसीलदार सचिन खंडाळे यांनी माहिती दिली कि सदर माल कुणाचा याबाबत माहिती मिळालेली नाही, सोबतच जप्त करण्यात आलेली पोकलेन मशीन कुणाची हे सुद्धा समजले नाही कारण मशीन वर नम्बर प्लेट नव्हता, पुढील कारवाई साठी प्रादेशिक परिवहन विभागाला याबाबत कळविण्यात आले आहे. प्रशासनाच्या वतीने घुग्गुस पोलीस स्टेशनमध्ये रीतसर तक्रार नोंदविण्यात आली आहे.
सदरची यशस्वी कारवाई उपविभागीय अधिकारी चंद्रपूर संजय पवार, विजय पवार तहसीलदार चंद्रपूर यांच्या मार्गदर्शनाखाली डॉक्टर सचिन खंडाळे नायब तहसीलदार यांनी केली सदर कारवाई करत असताना प्रकाश सुर्वे मंडळ अधिकारी घुगुस ,तलाठी मनोज कांबळे ,तलाठी मनोज शेंडे, तलाठी नवनाथ गोडघासे, परशुराम पेंदोर कोतवाल,पोलीस पाटील प्रणय कांबळे नकोडा हे उपस्थित होते.
Rajasthan company job fraud in Chandrapur : चंद्रपूर, महाराष्ट्र – चंद्रपूर शहर आणि विदर्भातील इतर जिल्ह्यांमधील शेकडो बेरोजगार तरुणांना नोकरीचे आमिष दाखवून लाखो रुपयांची फसवणूक केल्याचा गंभीर प्रकार समोर आला आहे. राजस्थानस्थित कंपन्यांनी तरुणांना फसवे आश्वासन देऊन त्यांचे पैसे हडपले आहेत. या प्रकरणी महाराष्ट्र नवनिर्माण कामगार सेनेने (मनसे) प्रशासनाकडे पाठपुरावा सुरू केला आहे, जेणेकरून पीडित तरुणांना न्याय मिळू शकेल. unemployed youth cheated by companies
फसवणुकीचे चक्र: ट्रेंडस्टिक वेंचर्स ते डेली ग्रोथ इंडिया
गेल्या दोन वर्षांपासून चंद्रपूर शहरातील बाबूपेठ, मराठा चौकात ट्रेंडस्टिक वेंचर्स प्रायव्हेट लिमिटेड नावाच्या राजस्थानच्या कंपनीने तरुणांना लक्ष्य केले. कंपनीने बेरोजगारांना नोकरीची हमी देऊन आणि कपड्यांच्या मार्केटिंगमधून लाखो रुपये कमावण्याचे स्वप्न दाखवले. प्रत्येक तरुणाकडून रु. ११,००० ते रु. ४६,००० पर्यंतची रक्कम घेऊन त्यांना निकृष्ट दर्जाचे कपड्यांचे ड्रेस दिले जात होते, ज्याची त्यांना मार्केटिंग करायची होती.
या कंपनीच्या राजस्थानमधील संचालकांनी आपला गाशा गुंडाळल्यानंतर, पैशाची आवक बघता काही परप्रांतीय लोकांनी स्थानिक तरुणांना हाताशी धरून त्याच ठिकाणी डेली ग्रोथ इंडिया प्रायव्हेट लिमिटेड नावाची नवीन कंपनी सुरू केली. या कंपनीने पुन्हा गरीब बेरोजगार तरुणांना नोकरीच्या नावाखाली लुटणे सुरू ठेवले. वणी येथील तीन मुली आणि एका मुलाचा ही या कंपनीकडून फसवणूक झाली असून, त्यांनी मनसे कार्यालयात संपर्क साधून आपली व्यथा मांडली आहे. youth fraud through marketing job offers
पैशांची उधळपट्टी आणि आत्महत्येची वेळ
कंपनीने असे आश्वासन दिले होते की जेवढे कपडे विकले जातील किंवा जेवढे लोक कंपनीसोबत जोडले जातील, त्या प्रमाणात कमिशन मिळेल. मात्र, बाहेरच्या जिल्ह्यांमधून आलेल्या तरुणांना चंद्रपूरमध्ये आधीच मोठी कपड्यांची दुकाने असताना, बाहेरच्या प्रांतातून आलेल्या कंपनीचे कपडे कोण घेणार, हा प्रश्न होता. यामुळे अनेक तरुण अर्ध्यातूनच काम सोडून आपल्या गावी परतले. दुर्दैवाने, त्यांचे प्रत्येकी रु. ११,००० ते रु. ४६,००० कंपनीने बुडवले आहेत.
कंपनीमध्ये पैसे भरण्यासाठी काही तरुण-तरुणींनी आपल्या आई-वडिलांकडून पैसे घेतले. कुणी स्वतःचे मंगळसूत्र विकून पैसे दिले, तर कुणी मुलींसाठी स्वतःची दुचाकी विकून पैसे दिले. आज हे सर्व पैसे कंपनीने बुडवले असल्याने अनेक तरुण बेरोजगारांवर आत्महत्येची वेळ आली आहे, अशी गंभीर परिस्थिती आहे.
मनसेचा न्याय मिळवण्यासाठी लढा
महाराष्ट्र नवनिर्माण कामगार सेनेचे जिल्हाध्यक्ष अमन अंधेवार यांनी प्रतिक्रिया दिली की, “पीडित तरुण-तरुणींना न्याय मिळवून देण्यासाठी आम्ही प्रशासनाकडे पाठपुरावा करत आहोत.” यावेळी फसवणुकीचे बळी ठरलेले अनेक तरुण-तरुणी उपस्थित होते. मनसेने या प्रकरणात लक्ष घालून फसवणूक करणाऱ्या कंपन्यांवर कठोर कारवाईची मागणी केली आहे, जेणेकरून भविष्यात असे प्रकार थांबतील आणि पीडितांना त्यांचे बुडवलेले पैसे परत मिळतील.
हा प्रकार बेरोजगारांच्या असुरक्षिततेचा आणि फसवणूक करणाऱ्या कंपन्यांच्या वाढत्या कारभाराचा एक नमुना आहे. प्रशासनाने यावर तातडीने लक्ष देऊन दोषींवर कारवाई करावी, अशी मागणी जोर धरू लागली आहे.
Indian postal service IT 2.0 upgrade 2025 : चंद्रपूर, दि. 23 : डाक विभागाद्वारे पुरविण्यात येणाऱ्या सुविधांमध्ये मोठे बदल घडवून आणण्याचे सरकारने ठरविले आहे. त्याकरीता डाक विभागात IT 2.0 या संगणकीय प्रणालीची अंमलबजावणी होणार आहे. या प्रणालीमुळे डाक विभागाद्वारे पुरविण्यात येणारी सेवा ही अचुक, जलद व ग्राहकाभिमुख होईल.
सदर IT 2.0 प्रणालीची अंमलबजावणी 5 ऑगस्ट 2025 रोजी चंद्रपूर व गडचिरोली जिल्ह्यातील सर्व डाकघरात होणार आहे. याकरीता Data Transfer ही अत्यंत महत्वाची प्रक्रीया असते, जी 4 ऑगस्ट रोजी केल्या जाईल. या कारणामुळे चंद्रपूर व गडचिरोली जिल्ह्यातील डाक विभागाशी संबंधीत सर्व कामे ही दिनांक 4 ऑगस्ट रोजी बंद राहतील. सर्व ग्राहकांना विनंती आहे की, त्यांचे डाक विभागाशी संबंधीत जी काही तातडीची कामे आहेत, ते कृपया 2 ऑगस्ट पर्यंत पूर्ण करुन घ्यावे.
ग्राहकांच्याच हितासाठी व त्यांना अचूक, जलद व ग्राहकाभिमुख सेवा मिळावी, याच उद्देशाने हे सर्व प्रयत्न केल्या जात आहेत. तरी सर्व ग्राहकांनी यांची कृपया नोंद घ्यावी, असे आवाहन वरिष्ठ डाक अधिक्षक एस. रामाक्रिष्णा यांनी केले आहे.
Vasundhara campaign tree planting : चंद्रपूर २३ जुलै – चंद्रपूर महानगरपालिके मार्फत पठाणपुरा गेट बाहेरील जमनजट्टी परिसरात वृक्षारोपण कार्यक्रम 22 जुलै रोजी सकाळी 9 वाजता आयुक्त विपीन पालीवाल यांच्या उपस्थितीत राबविण्यात आला. याप्रसंगी रोपट्यांची लागवड करण्यात आली.
शासनातर्फे “एक पेड माँ के नाम 2.0” तसेच “माझी वसुंधरा” अभियान राबविले जात आहे. या उपक्रमाचे उद्दिष्ट पर्यावरण संवर्धन, जैवविविधतेचे रक्षण आणि हरित आवरणात वाढ करून भावी पिढ्यांसाठी सुदृढ पर्यावरणाची जपणूक करणे आहे.उपरोक्त उपक्रमाअंतर्गत महापालिका प्रशासन, अधिकारी, नागरिक, स्वयंसेवी संस्था व विद्यार्थी यांच्या सक्रिय सहभागाने वृक्षारोपण केले जाणार आहे. राष्ट्रीय मोहिमांच्या अनुषंगाने मनपातर्फे वृक्षारोपण कार्यक्रम राबविला जात असून जनजागृतीसह प्रत्यक्ष कृतीवर भर देण्यात येत आहे.
एक विद्यार्थी एक वृक्ष अभियान
याप्रसंगी आयुक्त विपीन पालीवाल यांनी उपस्थितांना झाडे जगवण्याची जबाबदार ही परिसरातील नागरिकांची असल्याचे सांगितले.यापूर्वी बल्लारपूर रोडवर लावलेली झाडे नागरिकांच्या सहकार्याने जगली आहेत. शहराला जवळपास २ लक्ष वृक्षांची आवश्यकता आहे,यातील ५० हजार वृक्ष लावण्याचे मनपाचे उद्दिष्ट आहे. एक विद्यार्थी एक वृक्ष हा उपक्रम शालेय विद्यार्थ्यांकरिता मनपा राबवित असुन या उपक्रमाच्या माध्यमातून नागरिकांनी आपल्या परिसरात अधिकाधिक वृक्ष लागवड करून पर्यावरण रक्षणासाठी पुढे यावे. Ek Ped Maa Ke Naam 2.0 plantation drive
कार्यक्रमात सहायक आयुक्त शुभांगी सूर्यवंशी,उपअभियंता रवींद्र कळंबे,चैतन्य चोरे,हुज्जाज ए इकरा मल्टिपर्पज सोसायटी,इको प्रो संस्था तसेच मनपा अधिकारी कर्मचारी व इतर सामाजिक संस्थेची प्रतिनिधी उपस्थीत होते.
MNS rural expansion in Chandrapur district : बल्लारपूर – महाराष्ट्र नवनिर्माण कामगार सेना जिल्हाध्यक्ष अमन अंधेवार यांच्या नेतृत्वात बल्लारपूर तालुक्यातील ग्रामीण भागातून मनसे मधे भव्य पक्षप्रवेश करण्यात आला.मनसे अध्यक्ष राजसाहेब ठाकरे यांच्या नेतृत्वावर विश्वास ठेवून अनेक युवक आणि नागरिकांनी मनसे चा झेंडा हाती घेतला.
विसापूर येथील चुना भट्टी वॉर्ड क्र.६ येथे पार पडलेल्या या पक्षप्रवेश कार्यक्रमात नागरिकांचा मोठा सहभाग पाहायला मिळाला. या वेळी आर्यन कोढापे, मुकेश अढिल, अमर नाग, सनी गुप्ता, गणेश भुजबळ,सुकणे मुजा, मनीष यादव, इंदू यादव,संगीता अत्राम, जयदीप अझिल, सुभाष कश्यप, गीता गुप्ता,विजेता मेश्राम यासह अनेक कार्यकर्ते मनसेत दाखल झाले.
या पक्षप्रवेशामुढे जिल्हात मनसेचा प्रभाव दिवसेंदिवस वाढत असून खासकरून ग्रामीण भागात मनसेला मिळणारा पाठिंबा लक्षवेधी ठरत आहे. अमन अंधेवार यांच्या सक्रिय कार्यामुळे आणि जनतेशी थेट संपर्कामुळे मनसेकडे आकर्षण वाढले असल्याचे मत स्थानिक नागरिकांनी व्यक्त केले. Aman Andhewar MNS leadership Ballarpur
या वेळी जनहित सेना जिल्हाध्यक्ष रमेश काळबांधे ,जनहित सेना तालुका सचिव राजू लांडगे, प्रतीक चिकाटे, राकेश जवादे, अमन थुल, आसिफ कुरेशी, सह आदी कार्यकर्ते पदाधिकारी उपस्थित होते.
कार्यक्रमाचे आयोजन यशस्वीपणे पार पडले असून, येत्या काळात संपूर्ण जिल्हाभरात मनसेच्या कार्यात अधिक जोमाने भर पडेल, असा विश्वास मनसे पदाधिकाऱ्यांनी व्यक्त केला आहे.
