My Blog

Tag: MH34

  • Changes in traffic in Chandrapur city । चंद्रपूर शहरातील वाहतुकीत मोठे बदल : जाणून घ्या

    Changes in traffic in Chandrapur city

    Changes in traffic in Chandrapur city : चंद्रपूर, दि. 1 सप्टेंबर २०२५ : चंद्रपूर शहरात 5 सप्टेंबर रोजी ईद–ए–मिलाद निमित्त आयोजित जुलूस व रॅली तसेच 6 सप्टेंबर रोजी गणपती विसर्जन मिरवणुकीमुळे शहरातील वाहतूक व्यवस्थेत बदल करण्यात आला आहे.

    आमदार सुधाकर अडबाले यांनी अधिकाऱ्यांना खडसावले

    ईद–ए–मिलाद निमित्त 5 सप्टेंबर रोजी सकाळी 8 वाजतापासुन दुपारी 3 वाजेपर्यंतच्या कालावधीसाठी खालीलप्रमाणे वाहतूक वळविण्यात आली आहे.

    1. कोहिनूर ग्राउंड–दस्तगीर चौक –मिलन चौक–गांधी चौक– जयंत टॉकीज चौक –जटपुरा गेट ते प्रियदर्शनी चौक व प्रियदर्शनी चौक– जटपुरा गेट–कस्तुरबा रोडने कोहीनुर ग्राउंड पर्यंतचा रस्ता सर्व प्रकारच्या वाहनांना बंद ठेवण्यात येत आहे. तसेच सदरचा रस्ता नो पार्किंग झोन म्हणुन घोषित करण्यात येत आहे. 2. नागपुरकडुन शहरामध्ये जाणारी वाहने (जड वाहने वगळून)) घुटकाळा, श्री टॉकीज, पठाणपुरा परिसरात जायचे असल्यास जुना वरोरा नाका चौकातून उजवीकडे वळण घेऊन रामनगर– संत केवलराम चौक– सेंट मायकल स्कुल– सवारी बंगला चौक –नगिनाबाग ते चोर खिडकी मार्गे शहरात प्रवेश करतील. alternative routes for Chandrapur rally traffic

    3. शहरातील नागरिकांनी नागपुर, वणी, घुग्घुस, गडचांदूरकडे जाणाऱ्या प्रवाशांनी रहमतनगर, नगिनाबाग व इतर परिसरातून जाण्यासाठी बिनबा गेट– रहेमत नगर, दाताळा इत्यादी मार्गाचा अवलंब करावा. 4. बल्लारशा व मुलकडुन येणा–या वाहनांना (जड वाहने वगळून)) शहरामध्ये जायचे असल्यास बसस्टॅड–एलआयसी ऑफीस–बगड खिडकी मार्गे किंवा जुनोना चौकातून शहरामध्ये किंवा प्रसन्ना पेट्रोलपंप कडून बाबुपेठ मार्गे शहरात प्रवेश करता येईल.

    गणेश विसर्जनानिमित्त बदल

     : 6 सप्टेंबर रोजी चंद्रपूर शहरामध्ये गणपती विसर्जन मिरवणूक निघणार आहे. या मिरवणुक मार्गावर देखावे पाहण्याकरीता नागरिकांची मोठ्या प्रमाणात गर्दी होण्याची शक्यता असते. त्यामुळे प्रियदर्शनी चौक – जटपुरा गेट–कस्तुरबा चौक – गांधी चौक – जटपुरा गेट – रामनगर – संत केवलराम चौक– ईरइ नदी (रामसेतू पुल) या मुख्य मिरवणुकीच्या मार्गावरील रहदारीमध्ये 6 सप्टेंबर रोजी सकाळी 6 वाजता पासून ते 7 सप्टेंबर रोजीच्या सकाळी 6 वाजेपर्यंतच्या शहरातील वाहतुक खालीलप्रमाणे वळविण्यात येणार आहे. Changes in traffic in Chandrapur city

    1. गणेश विसर्जन मुख्य मिरवणुक सोहळा पार पड़ेपर्यत प्रियदर्शनी चौक

     – जटपुरा गेट–कस्तुरबा चौक – गांधी चौक – जटपुरा गेट – रामनगर रोड – संत केवलराम चौक– ईरइ नदी (रामसेतू पुल) हा रस्ता सर्व प्रकारच्या वाहनांना बंद करण्यात येत आहे. 2. नागपूर रोडने येऊन बल्लारशा किंवा मुलकडे जाणारी सर्व प्रकारची वाहने हे प्रियदर्शनी चौककडे जाण्यास बंदी करून सर्व प्रकारची वाहने ही वरोरा नाका उड्डान पुल– सावरकर चौक ते बंगाली कॅम्प, मुल किंवा बल्लारशाकडे जातील. 3. मुल किंवा बल्लारशा कडुन नागपूरकडे जाणारी सर्व प्रकारची वाहने ही बंगाली कॅम्प –सावरकर चौक –वरोरा नाका –नवीन उड्डाणपुल मार्गे नागपूरकडे जातील.

    4. नागपूरकडून शहरामध्ये जाणारी सर्व वाहने (जड वाहने वगळून) छोटा नागपुर मार्गे दाताळा चौक–देवाळा गांव–चोराळा टी पॉईट वरून बिनबा गेट किंवा पठाणपुरा गेट मधून शहरात प्रवेश करतील. 5. शहरातील नागरिकांनी नागपुर, वणी, घुग्घुस, गडचांदुरकडे जाण्याकरीता रहमत नगर, नगीनाबाग व इतर परिसरातुन जाण्यासाठी बिनबा गेट– चोराळा–दाताळा इत्यादी मार्गाचा अवलंब करावा. 6. बल्लारशा व मुल कडुन येणा–या सर्व वाहनांना (जड वाहने वगळून) शहरामध्ये जायचे असल्यास बस स्टॅड–एलआयसी ऑफीस–बगड खिडकी मार्गे किंवा जुनोना चौकातुन शहरामध्ये किंवा प्रसन्ना पेट्रोल पंप कडुन बाबुपेठ मार्गे शहरात फक्त अंचलेश्वर गेटपर्यंत प्रवेश करता येईल.

    ही ठिकाणे आहेत नो पार्कींग झोन व नो हॉकर्स झोन

     : 1. जटपुरा गेट ते कस्तुरबा चौकपर्यंत 2. जटपुरा गेट ते रामनगर रोड मार्गे रामसेतू पुलपर्यंत 3. जटपुरा गेट ते प्रियदर्शनी चौकपर्यंत 4. कस्तुरबा चौक ते गांधी चौक ते जटपुरा गेट 5. कस्तुरबा चौक ते अंचलेश्वर गेटपर्यंत 6. गांधी चौक ते मिलन चौक ते जोड देऊळपर्यंत 7. कस्तुरबा चौक ते जेल रोड चौक 8. दस्तगीर चौक ते मिलन चौक 9. मिलन चौक ते बजाज पॉलीटेक्नीक कॉलेज 10. हिंदी सिटी हायस्कुल ते रघुवंशी कॉम्प्लेक्सपर्यंत 11. मौलाना आझाद चौक ते जयंत टॉकीज 12. छोटा बाजार चौक ते पाताळेश्वर मंदीर. Chandrapur no parking zones during festivals

    नो–पार्किंग व नो– हॉकर्स झोन म्हणुन घोषित केल्याने मिरवणुक व वाहतूक मार्गावर नागरिकांनी, व्यवसायिकांनी तसेच गणेश विसर्जन भक्तांनी कोणत्याही प्रकारची वाहने पार्किंग/उभी करू नये. मुख्य मिरवणुक मार्गावर राहणाऱ्या रहिवाशांना स्वतःची पार्किंगकरीता जागा नसल्यास त्यांना आपली वाहने 1) जुबली हायस्कुलचे  पटांगण 2) महानगरपालीकेच्या बाजुला असलेली पार्किंग या ठिकाणी उभी करावी. Changes in traffic in Chandrapur city

    इतर ठिकाणांवरून येणा–या नागरिकांसाठी येथे आहे पार्किंग व्यवस्था : 1. चांदा क्लब ग्राउंड 2. डॉ. बाबासाहेब आंबेडकर कॉलेज, वरोरा नाका 3. सेंट मायकल हायस्कुल, नगीनाबाग 4. सिंधी पंचायत भवन, संत केवलराम चौक जवळ रामनगर 5. व्यायाम शाळा ग्राउंड, पठानपुरा चौक 6. डी.एड. कॉलेज ग्राउंड बाबुपेठ 7 महाकाली मंदीर ग्राउंड, चंद्रपुर

    जुलूस रॅली तसेच विसर्जन मिरवणूक काढणा–या सर्व मंडळांनी तसेच नागरिकांनी देखील वाहतुकीच्या नियमाचे पालन करावे. कोणीही तरतुदीचे उल्लघंन केल्यास ते कायदेशीर कार्यवाहीस पात्र राहतील, असे आदेश जिल्हा पोलिस अधिक्षक मुम्मका सुदर्शन यांनी निर्गमित केले आहे. Changes in traffic in Chandrapur city

  • scrub typhus prevention tips during monsoon । स्क्रब टायफसचा प्रादुर्भाव, पावसाळ्यातील धोका!

    scrub typhus prevention tips during monsoon

    scrub typhus prevention tips during monsoon : चंद्रपूर 1 सप्टेंबर – किटकजन्य आजारांतील स्क्रब टायफस हा जीवाणूमुळे होणारा व माईट्सद्वारे प्रसारित होणारा आजार आहे. याला बुश टायफस असेही म्हणतात. ओरिएंटल सुत्सुगामुशी जीवाणू संक्रमित चिगर (माईट्सच्या अळ्या) द्वारे प्रसारित होतो.पावसाळ्यात स्क्रब टायफसचे रुग्ण आढळून येतात. स्क्रब टायफस या आजाराचा प्रादुर्भाव होऊ नये, यासाठी अधिक सतर्क राहून सर्व प्रकारच्या उपचारात्मक व प्रतिबंधात्मक उपाययोजनांची काटेकोरपणे अंमलबजावणी करणे गरजेचे असल्याचे मनपा वैद्यकीय आरोग्य अधिकारी डॉ.नयना उत्तरवार यांनी सांगितले.

    आमदार सुधाकर अडबाले अधिकाऱ्यांवर संतापले

    स्क्रब टायफसचा प्रसार कसा होतो?

    संक्रमित चिगर्स (माइट्सची अळी) जेव्हा मानवी त्वचेवर चावतात, तेव्हा जीवाणू रक्ताभिसरण प्रणालीमध्ये प्रवेश करतात आणि पुनरुत्पादन करतात, ज्यामुळे आजाराची लक्षणे दिसू लागतात.पावसाळ्याच्या काळात या आजाराचा प्रादुर्भाव जास्त प्रमाणात दिसून येतो. early signs of scrub typhus eschar

    प्रतिबंधात्मक उपाययोजना –

    स्क्रब टायफसची लक्षणे आढळल्यास किंवा ताप आल्यास त्वरित डॉक्टरांकडे जावे.
    पूर्ण बाह्यांचे व शरीर पूर्ण झाकले जाईल असे कपडे घालावेत.
    घरात व परिसरात पाणी साचू देऊ नये.
    आजुबाजूची स्वच्छता राखावी.
    शेतात व जंगलात काम करणाऱ्या मजुरांनी कपडे धुऊन, उन्हात वाळवून वापरावेत.
    गरज भासल्यास परिसरात तणनाशक, किटकनाशकाची फवारणी करावी.
    उंदीर नियंत्रणाची उपाययोजना करावी.

    स्क्रब टायफसची लक्षणे –

    ताप येणे (६ ते २१ दिवसांच्या आत)
    डोकेदुखी
    स्नायू दुखणे
    शरीरात कंप सुटणे
    मळमळ, उलटी
    थंडी वाजून ताप येणे
    घशात दुखणे
    कोरडा खोकला
    श्वसनास त्रास होणे
    जुलाब, गॅस्ट्रिक, सूज
    लसिकाग्रंथी सुजणे
    साखर, मूत्रामध्ये प्रथिने आढळणे
    गंभीर अवस्थेत: गोंधळ, संभ्रम, फिट्स, रक्तदाब कमी होणे, शुद्ध हरपणे

    स्क्रब टायफसचे निदान –

    स्क्रब टायफसचे निदान करण्यासाठी रक्त जल तपासणी करण्यात येते. प्रभावी उपचारांसाठी अचूक आणि वेळेवर निदान महत्त्वाचे आहे. रुग्णांचे चिन्ह, बाहय लक्षणांवरून आणि रुग्णाच्या वास्तव्य इतिहासाची तपासणी केली जाते. चिगर चाव्याच्या ठिकाणी व्रण असणे एक महत्वपूर्ण लक्षण आहे. scrub typhus recovery

    उपचार – 

    स्क्रब टायफसचे प्रभावीपणे व्यवस्थापन करण्यासाठी तातडीने वेळेवर उपचार करणे महत्वाचे आहे. प्रतिजैविके (Antibiotics) थेरेपी हा उपचाराचा आधारस्तंभ आहे. याकरिता तज्ञ डॉक्टरांचा सल्ला घेणे फायदेशीर ठरते. रुग्णास येणारा अचानक ताप, शरीरातील कमी होणारी पाण्याची मात्रा यावर लक्ष केंद्रित करणे गरजेचे आहे. उपचार न केल्यास किंवा उपचारास उशीर झाल्यास स्क्रब टायफसमुळे गंभीर गुतागुंत होऊ शकते, ज्यापैकी काही जीवघेणी असू शकतात. नागरिकांनी सतर्क राहून लवकर निदान, वेळीच उपचार व प्रतिबंधात्मक उपाययोजना केल्यास हा आजार पूर्णपणे टाळता व नियंत्रणात ठेवता येणे शक्य असल्याचे वैद्यकीय आरोग्य अधिकारी डॉ.नयना उत्तरवार यांनी सांगितले.

  • Ashram school administrative mismanagement । शिक्षक आमदार सुधाकर अडबाले यांनी अधिकाऱ्यांना खडसावले

    Ashram school administrative mismanagement

    Ashram school administrative mismanagement : चंद्रपूर : विदर्भ माध्यमिक शिक्षक संघाचा “समस्या तुमच्या, पुढाकार आमचा” या उपक्रमाअंतर्गत संघटनेचे प्रांतीय सरकार्यवाह तथा शिक्षक आमदार सुधाकर अडबाले यांच्या अध्यक्षतेखाली इतर मागास बहुजन कल्याण विभागाच्या विजाभज आश्रमशाळा शिक्षक-शिक्षकेत्तर कर्मचाऱ्यांची समस्या निवारण सभा दि. २९ ऑगष्ट २०२५ रोजी डॉ. सचिन मडावी‚ सहा. संचालक चंद्रपूर यांचे कार्यालयात पार पडली. सभेदरम्यान या कार्यालयात मोठ्या प्रमाणावर अनियमितता आढळून आल्यामुळे आमदारांनी अधिकाऱ्यांना धारेवर धरले.

    स्व. वसंतराव नाईक प्राथ. आश्रमशाळा दमपुर मौदा शाळेतील गैरकारभार-

    आश्रमशाळा दमपुर मोहदा ता. जिवती शाळेतील निवृत्त कर्मचारी सरूबाई राठोड यांचे सेवाकालावधीत संस्थेने आयुष्यभर आर्थिक व मानसिक शोषण केले. निवृत्त होऊन दीड वर्ष झाले, तरी त्यांचा पेन्शन प्रस्ताव टाकला नाही. महत्वाची बाब म्हणजे या शाळेला मागील तीन वर्षापासून नियमित किंवा प्रभारी मुख्याध्यापकच नाही. शाळेत पुर्णपणे अनागोंदी कारभार सुरू आहे. प्रत्यक्ष हजर राहून सरूबाईंनी ही माहिती दिली. आमदार सुधाकर अडबाले यांनी या गलथान कारभारासाठी संस्थाचालकांसह अधिकार्‍यांना दोषी ठरवून झालेल्या अनियमिततेबाबत शासनाकडे तक्रार करून शाळेवर प्रशासक लावण्याची मागणी करणार असल्याचे सांगितले. Salary delays in tribal schools

    समायोजन प्रक्रियेतील अनियमितता-

    जिल्ह्यातील समायोजन प्रक्रियेत फार मोठा घोळ असून १८ अतिरिक्त शिक्षकांपैकी ५ शिक्षक हे समायोजित शाळेत रुजू झालेच नाही तर २ शिक्षकांना संस्थांनी रुजू करून घेतले नाही. शासन परिपत्रक दिनांक ८ मार्च २०१८ नुसार समायोजित शिक्षकांनी १५ दिवसात समायोजित शाळेत रुजू न झाल्यास सेवेतील हक्क संपुष्टात येतो. ३ महीने कालावधी झाला तरी हे शिक्षक रुजू झाले नाही. मात्र, या शिक्षकांवर कोणतीही कारवाई न करता अधिकार्‍यांनी त्यांना पाठीशी घातले असून त्यांच्या कार्यप्रणालीवर संशय व्यक्त होत आहे.

    शिक्षक रुजू न झाल्याने विद्यार्थ्यांचे फार मोठे शैक्षणिक नुकसान होत आहे व शासनास या अतिरिक्त शिक्षकांच्या वेतनाचा आर्थिक भुर्दंड सहन करावा लागत आहे. आदेशाचे पालन न करणार्‍या शिक्षकांना तात्काळ समायोजित शाळेत रुजू होण्याच्या सूचना आमदार महोदयांनी केल्या असून जिल्ह्यात कोणतीही अनियमितता खपवून घेणार नाही, असे खडे बोल आमदार सुधाकर अडबाले यांनी सहा. संचालकांना सुनावले. Vidarbha tribal ashram school pension backlog

    अम्मा कि पढाई उपक्रम पुन्हा सुरु

    आरक्षित जागेवर खुल्या प्रवर्गातील शिक्षकाचे समायोजन-

    रविंद्र ठमके या शिक्षकाचे २०२३ मध्ये आरक्षित जागेवर केलेल्या कायम समायोजनामुळे आरक्षण कायदा २००४ कलम ४ चे उल्लंघन झाले असून हा नियमाप्रमाणे दंडनीय अपराध आहे. हे नियमबाह्य समायोजन रद्द करण्याचा आदेश प्रधान सचिवांनी दिनांक २०/०८/२०२४ ला दिला असून आजतागायत यावर कार्यवाही झाली नाही, त्यामुळे आमदारांनी सहा. संचालकांना धारेवर धरले असून हे नियमबाह्य समायोजन चोवीस तासात रद्द करण्याचे आश्वासन सहा. संचालकांनी सभेत दिले. Compassionate appointment guideline

    या व्यतिरिक्त विभागाचा शासननिर्णय दिनांक ४ जून २०२५ नुसार विजाभज आश्रमशाळेतील पात्र शिक्षक-शिक्षकेत्तर कर्मचाऱ्यांना एकस्तर पदोन्नती लाभ व प्रोत्साहन भत्ता प्रलंबित थकबाकी तात्काळ अदा करण्यात यावी, कर्मचाऱ्यांचे वेतन नियमित करून अकारण वेतनवाढ गोठवणार्‍या संस्था/मुख्याध्यापकांवर कारवाई अग्रेसित करणे, जिल्ह्याबाहेर झालेले प्राथमिक शिक्षकांचे समायोजन रद्द करून शासन परिपत्रकानुसार जिल्ह्यातच इयत्ता ६ ते ८ वी मध्ये रिक्त जागांवर करणे, प्रलंबित भ.नि.नि. / डिसीपीएस हिशोबचिठ्या तात्काळ वितरित करणे, कर्मचाऱ्यांचे वैद्यकीय प्रतिपूर्ती, वरिष्ठ/निवड श्रेणी, वैद्यकीय प्रतिपूर्ती प्रस्ताव, अनुकंपा व निवृत्ती वेतन प्रस्ताव सेवा हमी कायद्यानुसार ४५ दिवसाच्या आत मार्गी लावणे, जिल्ह्यातील सर्व कर्मचार्‍यांची सेवापुस्तस्के अद्ययावत करून पडताळणी करून घेणे, माहे जुलै २०२४ पासून प्रलंबित १% घरभाडे भत्ता फरक तात्काळ अदा करणे, या प्रमुख मागण्यांसह अनेक विषयांवर चर्चा झाली.

    सदर समस्या निवारण सभेकरिता विदर्भ माध्यमिक शिक्षक संघाचे आश्रमशाळा विभागाचे जिल्हा अध्यक्ष दिनेश चौधरी, कार्यवाह किशोर नगराळे, वि.मा.शि. संघाचे जिल्हा कार्यवाह दीपक धोपटे, महानगर अध्यक्ष दिगंबर कुरेकर, महानगर कार्यवाह सुरेंद्र अडबाले, संघटनेचे पदाधिकारी श्रीहरी शेंडे, केशव ठाकरे, डॉ. विजय हेलवटे, पद्माकर वनकर, राज्यपाल बोरकर, वसंत कोंडेकर इतर आश्रमशाळा पदाधिकारी व समस्याग्रस्त शिक्षक कर्मचारी उपस्थित होते. Ashram school administrative mismanagement

  • Amma Ki Padhai competitive exam guidance । ‘अम्मा कि पढ़ाई’ उपक्रम पुन्हा सुरू—284 विद्यार्थ्यांना मिळणार मोफत मार्गदर्शन!

    Amma Ki Padhai competitive exam guidance

    Amma Ki Padhai competitive exam guidance : चंद्रपूर ३१ ऑगस्ट २०२५ – आमदार किशोर जोरगेवार यांच्या संकल्पनेतून सुरू करण्यात आलेला अम्मा कि पढाई उपक्रम पुन्हा नव्याने रेडक्रॉस भवन येथे सुरू करण्यात आला. या उपक्रमांतर्गत 284 प्रतिभावंत, गरीब व गरजूं विद्यार्थ्यांना स्पर्धा परीक्षांसाठी निशुल्क मार्गदर्शन मिळणार आहे. रविवारी या उपक्रमाचा शुभारंभ आमदार किशोर जोरगेवार यांच्या हस्ते करण्यात आला. अम्माच्या आशीर्वादाने हा उपक्रम पुन्हा सुरू होत असल्याचा मला आनंद आहे, असे आमदार जोरगेवार यांनी सांगितले.

    आरक्षण वाचविण्यासाठी राष्ट्रीय ओबीसी महासंघाचे साखळी उपोषण

    या कार्यक्रमाला गोंडवाना विद्यापीठाचे माजी कुलगुरू विजय आईंचवार, रोटरी क्लबचे अध्यक्ष संदीप रामटेके, सचिव गण्यारपवार, अजय जयस्वाल, अम्मा कि पढाई फाऊंडेशनचे उपाध्यक्ष संजय बेले, सचिव सुमित बेले, विश्वस्त नायब तहसीलदार प्रतिक बोडे, चंदु वासाडे, प्रसाद जोरगेवार, पोलिस उपनिरीक्षक अनिल देरकर, भारतीय जनता पक्षाचे महानगर अध्यक्ष सुभाष कासनगोट्टूवार, महामंत्री मनोज पाल, सविता दंढारे, तुषार सोम, विमल कातकर, कौसर खान आदी मान्यवर उपस्थित होते. Amma Ki Padhai relaunched at RedCross building

    free coaching amma ki padhai

    यावेळी बोलताना आमदार किशोर जोरगेवार म्हणाले, काही काळ हा उपक्रम थांबला होता. तेव्हा खरंच अंतःकरणाला दुःख होत होतं. विद्यार्थ्यांची स्वप्नं, त्यांचा उत्साह आणि उर्मी यांना थोडा विराम मिळाल्यासारखं वाटलं. पण आज अम्मा कि पढाई पुन्हा सुरू होत आहे, हीच माझ्यासाठी खरी आनंदाची आणि समाधानाची बाब आहे. अम्माच्या आशीर्वादाने आणि समाजाच्या विश्वासाने हा प्रवास पुन्हा नव्या जोमानं पुढे नेण्याचा निर्धार केला आहे.

    हेच विद्यार्थी उद्या अधिकारी म्हणून जिल्ह्याचे आणि देशाचे नेतृत्व करतील

    ते पुढे म्हणाले, शिक्षण हेच व्यक्तीला आयुष्यातील खरी ताकद देणारे साधन आहे. कुटुंबाची, गावाची आणि समाजाची उन्नती शिक्षणाशिवाय शक्य नाही. गरीब व गरजू विद्यार्थ्यांना स्पर्धा परीक्षांच्या माध्यमातून यशस्वी होण्यासाठी मोफत मार्गदर्शनाची संधी मिळावी, या हेतूने या उपक्रमाची सुरुवात केली. आज 284 विद्यार्थी या उपक्रमाचा भाग होत आहेत. हेच विद्यार्थी उद्या अधिकारी म्हणून जिल्ह्याचे आणि देशाचे नेतृत्व करतील, ही खात्री आहे. Amma Ki Padhai competitive exam guidance

    या उपक्रमाचा उद्देश केवळ शिक्षण देणे नसून विद्यार्थ्यांमध्ये आत्मविश्वास, चिकाटी व समाजासाठी काहीतरी करण्याची प्रेरणा जागवणे हा असल्याचे त्यांनी स्पष्ट केले. हा उपक्रम थांबवताना वेदना झाल्या; पण या काळात अनेकांनी प्रोत्साहन दिले. विशेषतः रोटरी क्लबने हॉल उपलब्ध करून मोठे सहकार्य केले. येथून पुन्हा नव्या जोमाने आम्ही हा उपक्रम पुढे नेणार आहोत. विद्यार्थ्यांनी कठोर परिश्रम, वेळेचे महत्त्व आणि मोठी स्वप्ने पाहण्याचे धाडस करावे. विद्यार्थ्यांच्या पाठीशी पालक, शिक्षक आणि समाज आहे. की अम्मा कि पढाई उपक्रमाचा विस्तार करून अधिकाधिक विद्यार्थ्यांपर्यंत शिक्षणाची ज्योत पोहोचवू, असे आमदार जोरगेवार म्हणाले. या कार्यक्रमाला विद्यार्थी, शिक्षक आणि मान्यवरांची उपस्थिती होती. 

  • National OBC Federation hunger strike । OBC आरक्षणावर घोंगावणारे संकट? नागपूरमध्ये National OBC Federation चे उपोषण सुरू

    National OBC Federation hunger strike

    National OBC Federation hunger strike : नागपूर ३१ ऑगस्ट २०२५ – मराठा समाजाला ओबीसी मधून आरक्षण मिळावे यासाठी मनोज जरांगे यांनी मुंबईत 29 ऑगस्ट पासून आंदोलन सुरू केले आहे. त्याविरोधात मराठा समाजाला कोणत्याही परिस्थितीत ओबीसी मधून आरक्षण सरकारने देऊ नये यासाठी राष्ट्रीय ओबीसी महासंघाने 30 ऑगस्ट पासून नागपूर येथील संविधान चौकात बेमुदत साखळी उपोषण महासंघाचे राष्ट्रीय अध्यक्ष डॉ बबनराव तायवाडे , महासचिव सचिन राजुरकर याचे प्रमुख उपस्थितीत सुरू केले आहे.

    वन जिमिनीवर अतिक्रमण, पट्टे मिळणार – माजी मंत्री आमदार सुधीर मुनगंटीवार

    तोपर्यंत महासंघाचे साखळी उपोषण सुरूच राहणार

    आज उपोषणाचा दुसरा दिवस आहे. यापूर्वी 2023 मध्ये महाराष्ट्र शासनाने मराठा समाजाला कोणत्याही परिस्थितीत ओबीसी मधून आरक्षण दिले जाणार नाही असे लिखित दिले होते. पुन्हा एकदा शासनाने राष्ट्रीय ओबीसी महासंघाला मराठा समाजाला ओबीसी मधून आरक्षण देणार नाही असे लिखित देऊन महासंघाला आश्वस्त करावे तोपर्यंत महासंघाचे साखळी उपोषण सुरूच राहणार आहे. Maharashtra OBC protest August 2025

    30 ऑगस्ट रोजी संविधान चौकात सुरू झालेल्या साखळी उपोषणात राष्ट्रीय ओबीसी महासंघाचे नामदेवराव भुयारकर, राजाभाऊ चिलाटे, गणेश नाखले,राजेंद्र काकडे, वसंतराव राऊत, हेमंत गावंडे, केशव शास्त्री, लहू राक्षे हिंगोली, चंद्रकांत हिंगे, राजू गोस्वामी, रंगराव गेचोडे इत्यादींचा सहभाग आहे. National OBC Federation hunger strike

    आज या साखळी उपोषणाला आमदार अभिजीत वंजारी , आमदार प्रवीण दटके, गडचिरोली चिमूर लोकसभा क्षेत्राचे माजी खासदार अशोक नेते, माजी नगरसेवक रमेश भुरसे, प्रकाश गेडाम, माजी नगरसेवक रमेश शिंगारे, गडचिरोली जिल्ह्याचे सहकार नेते प्रकाश सावकार पोरेड्डीवार, प्राचार्य अशोक जीवतोडे, बबलू कटरे, वीरेंद्र गोतमारे,प्राचार्य चिकटे, विकास गौर, शंकर मौलिया, सतीश इटकेलवार , माजी नगरसेवक नाना झोडे, भरतराव केंद्रे बीड, गडचिरोलीचे माजी भाजप जिल्हाध्यक्ष तथा ओबीसी नेते प्रशांत वाघरे, भास्कर बुरे, अनिल पोहनकर, रत्नदीप म्हशाखेत्री, गणेश दहेलकर , भाविक आभारे, शेषराव कोहळे आकाश सातपुते, विलास भांडेकर वडसा येथील महेश झरकर,

    दिगंबर चौधरी,सुनिल पारधी, वसंतराव दोनाडकर हिरालाल शेंडे कैलास पारधी, रोशन ठाकरे नेताजी तुपट, शंकर पारधी, दीपक प्रधान , गोपाल दरवे, आदित्य मिसार, ॲड राजू शेंडे,विजय आगलावे,सतीश तांबे, तुकाराम धोबे, एडवोकेट अभिजीत जीकार, दिगंबर चौधरी, मटाले सर आदीनी उपोषण मंडपाला भेट देऊन शुभेच्छा दिल्या. या उपोषणाला तिरळे कुणबी समाज , तेली समाज संघटना , ओबीसी संघर्ष समिती गोंदिया, ओबीसी समाज संघटना नागभिड,रिपब्लिकन आठवले गटाने पाठिंबा दिला आहे. OBC Federation demands Maharashtra

    राष्ट्रीय ओबीसी महासंघाच्या प्रमुख मागण्या

    • मराठा जातीचा ओबीसी संवर्गात समावेश करण्यात येऊ नये तसेच सरसकट मराठा समाजाला कुणबी प्रमाणपत्र देण्यात येऊ नये
    • अतिवृष्टीमुळे पिकांचे नुकसान झालेल्या शेतकऱ्यांना त्वरित नुकसान भरपाई देण्यात यावी
    • ओबीसी मुलांना व्यावसायिक अभ्यासक्रमात शंभर टक्के शिष्यवृत्ती लागू करण्यात यावी
    • परदेशी शिष्यवृत्तीसाठी 75 विद्यार्थ्यांची संख्या वाढवून 200 विद्यार्थी करण्यात यावी
    • महा ज्योती या संस्थेकरिता एक हजार कोटी रुपयांची तरतूद करण्यात यावी
    • माडा व सिडको तर्फे बांधून देण्यात येणाऱ्या घरकुल योजनेत ओबीसींना आरक्षण लागू करण्यात यावे
    • नागपूर येथे तयार असलेले उच्च व तंत्र विभागाचे स्वर्गीय यशवंतराव चव्हाण जन्मशताब्दी वर्षानिमित्त बांधलेले 200 मुलींचे तयार वस्तीगृह तसेच नागपूर येथे स्वर्गीय वसंतराव नाईक जन्मशताब्दी वर्षानिमित्त तयार असलेले 200 मुलांचे वस्तीगृह ओबीसी, व्ही जे,एनटी,एसबीसी संवर्गातील विद्यार्थ्यांच्या वस्तीगृहासाठी ओबीसी बहुजन कल्याण विभागाकडे हस्तांतरित करण्यात यावे. National OBC Federation hunger strike
    • ओबीसी विजा , भज व विमाप्र समुदायातील पीएचडी संशोधक विद्यार्थ्यांची तीन वर्षापासून प्रलंबित असणारी फेलोशि त्वरित अदा करण्यात यावी या मागण्यासह 14 मागण्या महाराष्ट्र शासनाला करण्यात आल्या आहेत.

    या आंदोलनासाठी राष्ट्रीय ओबीसी महासंघाचे कार्याध्यक्ष प्रा शेषराव येलेकर , कोषाध्यक्ष गुणेश्वर आरीकर, परमेश्वर राऊत, शरद वानखेडे, शंकर मौर्य , निखिल भुते, नाना झोडे, विनोद इंगोले, वृषभ राऊत राहुल करांगडे, निलेश कोढे, दीपक कारेमोरे, कवडू लोहकरे, आदीचे सहकार्य लाभले.

  • Additional Superintendent of Police Birthday । भव्य रक्तदान शिबिरातून साजरा झाला अप्पर पोलीस अधीक्षक कातकडे यांचा वाढदिवस

    Additional Superintendent of Police Birthday

    Additional Superintendent of Police Birthday : चंद्रपूर- जिल्ह्याचे अप्पर पोलिस अधीक्षक मा.श्री.ईश्वर कातकडे साहेब यांच्या जन्मदिवसानिमित्त पोलीस मुख्यालय मधील ड्रिल शेड मध्ये महाराष्ट्र पोलीस बॉईज संघटना च्या वतीने भव्य रक्तदान शिबिराचे आयोजन केले होते.

    सायबर क्राईम बाबत छोटूभाई पटेल हायस्कुल मध्ये मार्गदर्शन

    या आयोजनाला चंद्रपूर जिल्हा पोलीस दलातील विविध विभागातील अधिकारी व कर्मचारी यांची प्रमुख उपस्थिती लाभली. तसेच भरतीपूर्व प्रशिक्षण केंद्रातील प्रशिक्षणार्थी आरसीपी चे जवान महाराष्ट्र पोलीस बॉईज संघटनाचे पदाधिकारी यांच्याकडून रक्तदान शिबिरांमध्ये रक्तदान श्रेष्ठदान या तत्त्वावर रक्तदान करण्यात आले. Maharashtra Police Boys Association

    पोलीस अधिकाऱ्यांनी केले रक्तदान

    महाराष्ट्र पोलीस दल चंद्रपूर जिल्हा मधील अप्पर पोलीस अधीक्षक मा.श्री.ईश्वर कातकडे साहेब यांनी सुद्धा आपले स्वतःचे रक्तदान केले.तसेच मा.श्री. महेश कोंडावार, होम साहेब, चंद्रपूर मा.श्री. नवघरे साहेब, पोलीस मुख्यालय, राखीव पोलीस निरीक्षक यांनी सुद्धा आपले अमूल्य रक्तदान केले. यादरम्यान महाराष्ट्र पोलीस बॉईज संघटनाचे संस्थापक अध्यक्ष मा.श्री.राहुल भैय्या अर्जुनराव दुबाले यांच्या प्रमुख मार्गदर्शनामध्ये संघटनेच्या विदर्भ अध्यक्ष मा.श्री.आरती ताई सुधीर जांगळे यांची प्रमुख उपस्थिती लागली होती तसेच विदर्भातून विविध जिल्ह्यातून पदाधिकारी यांचे सुद्धा अमूल्य रक्तदान व उपस्थिती लाभली. police blood donation camp Chandrapur

    maharashtra police boys association

    त्यामध्ये विदर्भाचे सल्लागार मा.श्री.संतोषजी पुंडकर भंडारा जिल्हा अध्यक्ष चेतनदादा शर्मा अकोला जिल्हा उपाध्यक्ष मा.श्री.गौरवदादा अशोकराव सपकाळ व संपूर्ण जिल्ह्यातील संघटनेचा परिवार उपस्थित होता. संपूर्ण शिबिराचे आयोजक चंद्रपूर जिल्हा अध्यक्ष मा.श्री.परमेश्वर बळीराम चव्हाण ह्यांनी राहुल भैय्या अर्जुनराव दुबाले यांच्या प्रमुख नेतृत्वात कार्यक्रम पार पाडला.

    यावेळी महाराष्ट्र पोलीस दल चंद्रपूर चे अधिकारी अंमलदार व महाराष्ट्र पोलीस बॉईज संघटनेचे महिला आघाडी अध्यक्ष शीला दिलीप जाधव युवक आघाडी अध्यक्ष विशाल राठोड मयूर घोटकर विद्यार्थी आघाडी अध्यक्ष रोहित दुरतकर विजय चव्हाण संघटक राहुल पोद्दार सोशल मीडिया प्रमुख मानव झाडे दिलीप जाधव प्रफुल मानकर कृष्णा मेश्राम भूपेंद्र जाधव महाराष्ट्र पोलीस बॉईज संघटनेचे सर्व पदाधिकारी उपस्थित होते.

  • encroachment of forest land । 📢 सुधीर मुनगंटीवार यांची हमी – पात्रांना पट्टे तातडीने मिळणार, वाद संवादातून सुटणार

    encroachment of forest land

    encroachment of forest land : चंद्रपूर, दि. 30 ऑगस्ट २०२५ : पोंभुर्णा तालुक्यातील मौजा देवई, केमारा आणि भटारी गावांतील वनजमिनीवरील अतिक्रमण पट्टे देण्यासंदर्भात राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार यांच्या अध्यक्षतेखाली महत्त्वपूर्ण बैठक पार पडली. बैठकीत अतिक्रमित जमिनींचे सर्वेक्षण, वैयक्तिक व सामूहिक वनहक्क दावे, तसेच निस्तारहक्कपत्रांसाठी आवश्यक कार्यवाही आणि कायदेशीर प्रक्रिया यावर सविस्तर चर्चा करण्यात आली. लाभार्थ्यांना पट्टे तात्काळ वितरित करण्यासाठी सर्व कागदपत्रे तपासून आवश्यक पावले उचलण्याचे निर्देश आ.मुनगंटीवार यांनी प्रशासनाला दिले.

    कांग्रेसला आमदार जोरगेवार यांचा धक्का, अनेकांनी घेतला भाजपात प्रवेश

    पोंभुर्णा तालुक्यातील मौजा देवई, केमारा आणि भटारी येथील वनजमिनीवरील अतिक्रमण पट्टे देण्यासंदर्भात नियोजन भवनात पार पडलेल्या महत्त्वपूर्ण बैठकीत ते बोलत होते.बैठकीला जिल्हाधिकारी विनय गौडा, जिल्हा पोलीस अधीक्षक मुमक्का सुदर्शन, आदिवासी चळवळीचे जिल्हा संघटक प्रमूख जगनजी येलके, गणेश परचाके सामजिक कार्यकर्ते, अल्का आत्राम, संध्याताई गुरनुले, डॉ. मंगेश गुलवाडे, रामपाल सिंग, अजय दुबे, हरीश ढवस, गोंडपिपरीच्या उपविभागीय अधिकारी लघिमा तिवारी, उपविभागीय अधिकारी अजय चरडे, पोंभुर्णाचे तहसीलदार मोहनिश शेलवटकर, वनपरिक्षेत्र अधिकारी फनींद्र गादेवार तसेच संबंधित महसूल व वनविभागाचे अधिकारी उपस्थित होते. Sudhir Mungantiwar meeting forest patta Pombhurna

    pombhurna forest

    पट्टे देण्यासाठी आवश्यक ती पावले उचला

    आमदार श्री. सुधीर मुनगंटीवार म्हणाले, जमिनीबाबत तहसीलदार आणि वन अधिकाऱ्यांनी लाभार्थ्यांची सर्व कागदपत्रांची पडताळणी करावी, तसेच पट्ट्यांबाबत उद्भवलेले वाद संवादातून सोडवावे. शासनाच्या धोरणानुसार पात्र लाभार्थ्यांना पट्टे देण्यासाठी आवश्यक ती पावले उचलण्याची कार्यवाही करावी. महसूल तसेच वनविभागाच्या जमिनीवर अतिक्रमण असेल तर कायद्यान्वये तपासून कॅम्प घेऊन पट्ट्याचा निर्णय घेता येईल. लाभार्थ्यांनी सर्व कागदपत्रे व पुरावे कॅम्पमध्ये घेऊन यावीत. जे पट्टे देता येईल ते तात्काळ दिले जावे.

    युद्ध पातळीवर कॅम्प घेऊन दाव्याची प्रकरणे निकाली काढावीत. सामुदायिक वनहक्क दाव्यांबाबत निस्तार हक्कपत्र देण्यासाठी शासन निर्णयानुसार त्रुटी पूर्ततेसाठी योग्य कागदपत्रासह तिन्ही गावांचे प्रस्ताव तयार करून आवश्यक कार्यवाही करा. सर्व कागदपत्रांची तपासणी करून अपूर्ण कागदपत्रांची पूर्तता करावी. वनजमिनीवरील अतिक्रमण पट्ट्यांबाबत समितीने दर आठवड्याला बैठक घेऊन महसूली व वनहक्काचे दावे निकाली काढावेत. असे निर्देश देखील त्यांनी बैठकीत दिले. encroachment of forest land

    प्रायोगिक स्तरावर पोंभुर्णा तालुक्यातील वनजमिनीवरील अतिक्रमण पट्ट्यांचा प्रश्न प्रथम मार्गी लावावा. त्यानंतर मूल व बल्लारपूर तालुक्यांतील विषय मार्गी लावण्यात येतील. जेवढे पट्टे वितरित करता येतील ते तातडीने वाटप करण्याचे नियोजन करावे, असेही आमदार  सुधीर मुनगंटीवार यांनी स्पष्ट केले.

  • women and youth BJP joining । 🌟 आमदार किशोर जोरगेवार यांच्या उपस्थितीत ४०० महिला व युवकांनी भाजपात घेतला प्रवेश

    women and youth BJP joining

    women and youth BJP joining : चंद्रपूर (३० ऑगस्ट २०२५) – आजचा कार्यक्रम हा फक्त प्रवेशाचा किंवा औपचारिक कार्यक्रमाचा क्षण नाही, तर समाजहितासाठी नवे वचन देण्याचा क्षण आहे. भारतीय जनता पक्षात प्रवेश करून तुम्ही राष्ट्रसेवेच्या एका महान प्रवासाची सुरुवात केली आहे. भाजप हा केवळ सत्तेसाठीचा पक्ष नाही, तो समाजातील शेवटच्या घटकापर्यंत विकास पोहोचविणारा पक्ष आहे. सबका साथ, सबका विकास, सबका विश्वास ही घोषणा म्हणजेच आपली विचारधारा आहे. या विचारधारेचा प्रसार प्रत्येक घरापर्यंत करणे ही आपली जबाबदारी असल्याचे प्रतिपादन आमदार किशोर जोरगेवार यांनी केले.

    ग्रामीण भागात मनसेचा झंझावात, माजी सरपंचाचा मनसे मध्ये प्रवेश

    घुग्घुस येथे आज शनिवारी पक्ष प्रवेश आणि भाजपच्या ज्येष्ठ नेत्यांचा सत्कार कार्यक्रमाचे आयोजन करण्यात आले होते. या प्रसंगी ते बोलत होते. यावेळी काँग्रेस नेते प्रा. हेमंत उरकुडे यांच्यासह अनेक काँग्रेस कार्यकर्त्यांनी भारतीय जनता पक्षात प्रवेश केला. सोबतच सय्यद इद्रीस, नीतू जायसवाल, सविता गोहणे, मनीषा मेश्राम, उज्वला उईके, रमन तांद्रा, गुरुदास तंग्रपवार, मल्लेश बल्ला, किशोर धनकमारे, लक्ष्मी चांदेकर, सय्यद हुसेन अली यांच्या नेतृत्वाखाली ४०० हून अधिक  महिला व युवकांनी भारतीय जनता पक्षात प्रवेश केला. Kishor Jorgewar speech

    ghugus news

    या कार्यक्रमाला भारतीय जनता पक्षाचे महानगर अध्यक्ष सुभाष कासनगोट्टूवार, घुग्घुस शहराध्यक्ष संजय तिवारी, महामंत्री मनोज पाल, महामंत्री सविता दंढारे, तुषार सोम, नामदेव डाहुले, मंडळ अध्यक्ष विनोद खेवले, आशिष मासिरकर, अमोल शेंडे, राशिद हुसेन, सायली येरणे, संतोष नुने, राजकुमार बोरचेलवार, मुन्ना रोडे, संजय भांगडे, श्याम अगदारी आदी मान्यवरांची उपस्थिती होती.

    यावेळी बोलताना आ. जोरगेवार म्हणाले की, भाजप हा केवळ राजकीय पक्ष नाही तर तो एक राष्ट्रभक्तीची चळवळ आहे. या पक्षाच्या कार्यपद्धतीत पारदर्शकता, विकासाभिमुख विचार आणि सामान्य माणसाच्या आयुष्यात बदल घडवून आणण्याची ताकद आहे. पंतप्रधान नरेंद्र मोदीजींच्या नेतृत्वाखाली सबका साथ, सबका विकास, सबका विश्वास आणि सबका प्रयास ही घोषणा आज देशाच्या कानाकोपऱ्यात पोहोचली आहे. तर मुख्यमंत्री देवेंद्र फडणवीस यांच्या दूरदृष्टीने महाराष्ट्र विकासाच्या दिशेने वेगाने जात आहे. अशा परिस्थितीत त्यांच्या नेतृत्वावर विश्वास ठेवून केलेला तुमचा पक्षप्रवेश हा पक्षाला आणखी बळकट करणारा आहे. Ghugus BJP induction event leadership quotes

    कार्यकर्त्यांच्या मेहनतीमुळेच पक्ष बळकट

    भाजप कार्यकर्त्यांचे स्थान फार मोठे आहे. येथे कार्यकर्ता हा पक्षाचा कणा आहे. कार्यकर्त्यांच्या मेहनतीमुळेच पक्ष बळकट होतो. तुम्ही ज्या ऊर्जेने आज प्रवेश केला आहे, तीच ऊर्जा पुढील काळात संघटनाच्या कार्यात वापरावी. भाजप सरकारने गरीब, शेतकरी, कामगार, महिला आणि युवकांसाठी अनेक योजनांची अंमलबजावणी केली आहे. उज्ज्वला योजनेतून घराघरात गॅस पोहोचला, प्रधानमंत्री आवास योजनेतून लाखो घरे उभी राहिली, जनधन योजनेतून गरिबांना बँकेत खाते मिळाले, शेतकऱ्यांसाठी पीएम किसान सन्मान निधी सुरु झाला, तर युवकांसाठी स्टार्टअप इंडिया, स्किल इंडिया सारख्या योजनांमधून संधी निर्माण झाल्या. women and youth BJP joining

    पक्षात प्रवेश करणे ही पहिली पायरी आहे. आज ४०० कार्यकर्ते भाजपमध्ये सामील झालात, यामुळे संघटनाला नवसंजीवनी मिळाली आहे. तुमच्या ऊर्जेने आणि तुमच्या प्रामाणिकपणाने आपण येणाऱ्या प्रत्येक निवडणुकीत भाजपाचा विजय निश्चित करू, असा विश्वास यावेळी आमदार किशोर जोरगेवार यांनी व्यक्त केला.

    यावेळी भारतीय जनता पक्षातील ज्येष्ठ नेत्यांचा सत्कार करण्यात आला. कार्यक्रमाला भाजपचे पदाधिकारी आणि कार्यकर्ते मोठ्या संख्येने उपस्थित होते.

  • cyber crime awareness session for students । सायबर गुन्ह्यांविरोधात सजगता: छोटूभाई पटेल हायस्कूलमध्ये विशेष व्याख्यानमाला

    cyber crime awareness session for students

    cyber crime awareness session for students : चंद्रपूर ( ३० ऑगस्ट २०२५)-‘सायबर क्राईमपासून वाचण्यासाठी प्रत्येकाने सजग राहणे, तंत्रज्ञानाचा जबाबदारीने वापर करणे आवश्यक आहे’ ‘आपल्या भोवतालच्या मुलांविषयी सतत जागरूकता बाळगा. विद्यार्थ्यांनी भीती न बाळगता उलट धाडसाने चुकीच्या गोष्टींना विरोध करावा ‘ असे आवाहन छोटूभाई पटेल हायस्कूलच्या माजी विद्यार्थी तथा महाराष्ट्र पोलीस विभागातील अधिकारी परवीन पठाण यांनी व्यक्त केले.

    छोटूभाई पटेल हायस्कूल, चंद्रपूर माजी विद्यार्थी संघातर्फे माजी विद्यार्थी कै. स्वप्नील महावादीवार स्मृतीप्रित्यर्थ आयोजित “व्याख्यानमाला – दुसरे पुष्प” हा प्रेरणादायी कार्यक्रम शनिवारी (दि. ३० ऑगस्ट २०२५) सकाळी शाळेच्या पटांगणात उत्साहात संपन्न झाला.

    अल्युमिनियम चोरीचा गुन्हा २४ तासात उघड, ७ आरोपीना अटक

    सुरुवातीला मान्यवरांच्या हस्ते स्व. छोटूभाई पटेल यांच्या तैलचित्राला माल्यार्पण करून कार्यक्रमाला सुरुवात करण्यात आली. त्यानंतर उपस्थितांचे स्वागत करण्यात आले. या वेळी शाळेच्या मुख्याध्यापिका सौ. कांत (वैद्य) मॅडम, उपमुख्याध्यापक मानकर सर, निबांळकर सर, कुमरे मॅडम, तसेच माजी विद्यार्थी आशिष धर्मपुरिवार, जितेंद्र मशारकर, धीरज साळुंके, सागर कुंदोजवार यांची उपस्थिती होती. school cyber safety lecture Maharashtra police

    सायबर क्राईम व लहान मुलांवर होणारे अत्याचार

    या व्याख्यानात “सायबर क्राईम व लहान मुलांवर होणारे अत्याचार – जागरूकता आणि उपाय योजना” या विषयावर विद्यार्थ्यांना मार्गदर्शन करण्यात आले. शाळेची माजी विद्यार्थिनी व महाराष्ट्र पोलीस विभागातील अधिकारी परवीन पठाण यांनी प्रमुख प्रवक्त्या म्हणून विद्यार्थ्यांशी संवाद साधला.

    आपल्या अनुभवातून त्यांनी सायबर गुन्ह्यांचे वाढते प्रमाण, ऑनलाईन फसवणूक, सोशल मीडियाचा जबाबदारीने वापर, संशयास्पद घटनांची तक्रार करण्याची पद्धत, तसेच बालकांवरील अत्याचाराविरोधातील कायदेशीर तरतुदी या संदर्भात मार्गदर्शन केले.

    त्यांच्या ओघवत्या व वास्तववादी भाषणामुळे विद्यार्थ्यांमध्ये मोठी उत्सुकता निर्माण झाली. प्रश्नोत्तर सत्रात विद्यार्थ्यांनी उत्स्फूर्त सहभाग नोंदवून शंका समाधान करून घेतले. Parveen Pathan cyber safety talk Chandrapur school

    या कार्यक्रमाला मोठ्या संख्येने विद्यार्थी, शिक्षक, पालक व माजी विद्यार्थी उपस्थित होते. उपस्थितांनी या उपक्रमाचे कौतुक करताना, अशा व्याख्यानामुळे विद्यार्थ्यांच्या मनात सजगतेची बीजे रोवली जातील आणि ते सुजाण नागरिक म्हणून घडतील, असा विश्वास व्यक्त केला. कार्यक्रमात शाळेच्या मुख्याध्यापिका सौ. कांत मॅडम यांनी अध्यक्ष मनोगत व्यक्त केले.

    कार्यक्रमाचे प्रास्ताविक माजी विद्यार्थी संघाचे प्रतिनिधी ॲड. आशिष धर्मपुरीवार यांनी केले. तर आभार प्रदर्शन श्री पडोळे सर यांनी केले.

    छोटूभाई पटेल हायस्कूल माजी विद्यार्थी संघाने घेतलेला हा उपक्रम विद्यार्थ्यांसाठी प्रेरणादायी ठरला असून, “व्याख्यानमाला” मालिकेतील हे दुसरे पुष्प सर्वार्थाने यशस्वी ठरले.

  • Realme 15T Mobile । Realme 15T Mobile चा ड्युअल 50MP कॅमेरा, दमदार परफॉर्मन्स – संपूर्ण माहिती

    Realme 15T Mobile

    Realme 15T Mobile : चंद्रपूर, (दि. ३० ऑगस्ट): स्मार्टफोन बाजारात आपल्या वेगवान वाढीसाठी ओळखल्या जाणाऱ्या Realme कंपनीने आपल्या नव्या ‘Realme 15T‘ या स्मार्टफोनच्या घोषणेने ग्राहकांमध्ये उत्सुकता निर्माण केली आहे. येत्या २ सप्टेंबर रोजी हा फोन भारतात लाँच होणार असून, त्यापूर्वीच याच्या दमदार फिचर्सची चर्चा सुरू झाली आहे. विशेषतः याची मोठी बॅटरी आणि दोन्ही बाजूंनी ५० मेगापिक्सलचा कॅमेरा यांमुळे हा फोन बाजारात मोठा बदल घडवून आणेल असे मानले जात आहे. Realme 15T launch date

    होमलोन बाबत सविस्तर माहिती

    काय आहेत Realme 15T ची खास वैशिष्ट्ये?

    Realme 15T मध्ये अनेक वैशिष्ट्ये आहेत, जी त्याला त्याच्या श्रेणीतील इतर फोन्सपासून वेगळे ठरवतात.

    • डिझाइन आणि डिस्प्ले: फोनला एक आकर्षक आणि प्रीमियम डिझाइन देण्यात आले आहे. यात 6.57 इंचाचा AMOLED डिस्प्ले आहे, जो 4000 nits च्या पीक ब्राइटनेससह येतो. त्यामुळे उन्हातही स्क्रीन अगदी स्पष्ट दिसते. यासोबतच 2160Hz PWM डिमिंगची सुविधा असल्याने डोळ्यांवर ताण येत नाही.
    • दमदार बॅटरी: सर्वात मोठे वैशिष्ट्य म्हणजे यात असलेली 7,000mAh ची मोठी बॅटरी. कंपनीच्या दाव्यानुसार, ही बॅटरी एकदा पूर्ण चार्ज केल्यावर १३ तास गेमिंग आणि २५ तासांपेक्षा जास्त YouTube व्हिडिओ पाहण्याचा अनुभव देते. यासोबतच यात 10W रिवर्स चार्जिंगची सुविधाही आहे, ज्यामुळे तुम्ही या फोनमधून इतर उपकरणे चार्ज करू शकता. Realme 15T battery backup and fast charging
    • कॅमेरा: फोटोग्राफीच्या शौकिनांसाठी हा फोन खास आहे. यात मागील आणि पुढील दोन्ही बाजूंना 50-मेगापिक्सलचा कॅमेरा देण्यात आला आहे. यामुळे सेल्फी आणि रेग्युलर फोटोग्राफी दोन्हीसाठी उत्तम गुणवत्ता मिळते. Realme 15T 50MP dual camera phone
    • प्रोसेसर आणि परफॉर्मन्स: Realme 15T हा MediaTek Dimensity 6400 Max 5G चिपसेटवर चालतो. हा प्रोसेसर वेगवान गेमिंग आणि मल्टीटास्किंगसाठी उत्तम मानला जातो. फोनमध्ये Android 15 आधारित Realme UI 6.0 देण्यात आले आहे, ज्यामुळे वापरकर्त्यांना नवीन आणि उत्तम अनुभव मिळेल.
    • इतर वैशिष्ट्ये: फोनची बॉडी IP66, IP68 आणि IP69 रेटेड आहे, ज्यामुळे तो धूळ आणि पाण्यापासून सुरक्षित राहतो. थर्मल मॅनेजमेंटसाठी 6,050 स्क्वेअर मिमीचे एअरफ्लो वाष्प चेंबर (VC) कूलिंग सिस्टीम वापरण्यात आली आहे.

    किंमत आणि उपलब्धता:

    लीक झालेल्या माहितीनुसार, Realme 15T ची किंमत ₹20,000 च्या आसपास असण्याची शक्यता आहे. हे फोन ‘फ्लोइंग सिल्व्हर’, ‘सिल्क ब्लू’ आणि ‘सूट टायटॅनियम’ या तीन रंगांच्या पर्यायांमध्ये उपलब्ध असेल. कंपनीने जाहीर केल्यानुसार, हा फोन २ सप्टेंबर रोजी दुपारी १२ वाजता फ्लिपकार्ट, Realme च्या अधिकृत वेबसाइट आणि काही निवडक ऑफलाइन स्टोअर्सवर उपलब्ध होईल.

    एकंदरीत, Realme 15T हा कमी किमतीत मोठी बॅटरी, दमदार कॅमेरा आणि उत्तम परफॉर्मन्स देणारा एक आकर्षक पर्याय म्हणून बाजारात दाखल होणार आहे, अशी अपेक्षा आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by