My Blog

Tag: MH34

  • skill award । बांबू कारागिरांना अम्मा च्या नावाने कौशल्य पारितोषिक पुरस्कार देणार – आ किशोर जोरगेवार

    skill award

    skill award : आजचा हा कार्यक्रम बुरुड कारागिरांच्या प्रगतीसाठी आणि त्यांच्या कौशल्याला चालना देण्यासाठी महत्त्वाचा आहे. आपल्या परंपरागत व्यवसायाला आधुनिकतेची जोड देत नव्या उंचीवर नेण्यासाठी हा टूल किट वाटप उपक्रम राबवला जात आहे. या कारागिरांना प्रोत्साहन देण्यासाठी पुढल्या वर्षी पासून आपण पुढाकार घेणार असून अम्मा च्या नावाने बांबू कारागिरांना कौशल्य पारितोषिक देणार असल्याची घोषणा आमदार किशोर जोरगेवार यांनी केली

          बांबू प्रशिक्षण केंद्राच्या वतीने वन अकादमी येथे बुरूड समाजातील बांबू कारागिरांना टूल किट चे वाटप कार्यक्रमाचे आयोजन करण्यात आले होते. यावेळी आमदार किशोर जोरगेवार बोलत होते. या कार्यक्रमाला  वन अकादमी चे अप्पर प्रधान मुख्य वनरक्षक एम.एस रेड्डी, बांबू प्रशिक्षण केंद्राचे संचालक अशोक खडसे, भाजप नेते प्रकाश देवतळे आदि मान्यवरांची मंचावर उपस्थिती होती. 

    चंद्रपुरात वाहनचालकांवर अस्वलीचा हल्ला

        यावेळी बोलताना आ. जोरगेवार म्हणाले की, आज माझ्या हस्ते टूल किट देण्यात आली. त्यामुळे आपला पारंपरिक व्यवसाय टिकविण्यासाठी एका बुरूड समाजाच्या व्यक्तीने समाजाच्या दुसऱ्या व्यक्तीला  शस्त्र दिल्याचा अधिक आनंद होत आहे. या प्रशिक्षण केंद्राच्या माध्यमातून कारागिरांच्या हाताला कौशल्य देण्याचे काम आपल्या वतीने केल्या जात आहे. बांबू हा रोजगार देणारे साधन आहे. वन विभागानेही अश्या कारागिरांना आवश्यक असलेल्या बांबू उपलब्ध करून दिला पाहिजे. बांबू प्रशिक्षण केंद्राच्या माध्यमातून आता प्रत्येक वॉर्डात प्रशिक्षण शिबिरे सुरू केले पाहिजेत. यात लागणारी मदत करण्याची आमची पूर्ण तयारी असल्याचे ते यावेळी म्हणाले.  

       बूरूड कारागीरांनी आपली कला व कौशल्य टिकवून ठेवत समाजात मोठे योगदान दिले आहे. बांबू पासून विविध वस्तू तयार करत आपल्या कलेचा ठसा केवळ आपल्या प्रदेशातच नव्हे तर संपूर्ण देशभर उमटला आहे. परंतु बदलत्या काळानुसार आपणही नवे तंत्रज्ञान, नवे साधनसामग्री आत्मसात केली पाहिजे, या टूल किटद्वारे आपले काम अधिक सुलभ आणि दर्जेदार होईल. यामुळे आपण अधिक उत्पादन करू शकाल, गुणवत्ता वाढेल, आणि आपल्या उत्पादनांना बाजारपेठेत अधिक मागणी मिळणार आहे. 

         नवे कौशल्य आत्मसात करत आपल्यातील कला दुसऱ्या पर्यंत पोहचविण्याचे आवाहन यावेळी बोलताना त्यांनी केले. या कार्यक्रमात आमदार किशोर जोरगेवार यांच्या हस्ते बुरूड कारागिरांना टूल किट चे वितरण करण्यात आले. कार्यक्रमाला कारागिरांची मोठ्या संख्येने उपस्थिती होती.

  • Bear attack incidents । CSTPS मध्ये २ अस्वलांचा वाहनचालकांवर हल्ला

    Bear attack incidents

    Bear attack incidents : चंद्रपूर जिल्हा चारही बाजूने वन क्षेत्राने व्याप्त असल्याने सतत जिल्ह्यात मानव वन्यजीव संघर्षाच्या घटना घडत आहे. वन्य प्राणी जंगलातील अधिवास सोडून शहरी भागात येत असल्याने मानवी जीवनाला आता धोका निर्माण होत आहे.

    चंद्रपुरातील थर्मल पॉवर स्टेशन मधील अल्ट्राटेक ऐश लोडींग प्लांट जवळ २० जानेवारीला वाहन चालकावर २ अस्वलीनी हल्ला केला हि घटना सकाळी १० वाजताच्या सुमारास घडली, या हल्ल्यात वाहनचालक ५ २ वर्षीय रघुनाथ यादव जखमी झाला आहे.

    चंद्रपुरात पोलीस चौकीजवळ घरफोडी

    सकाळी रघुनाथ यादव हे झुडपी भागात शौचासाठी गेले होते त्यावेळी अचानक २ अस्वलीनी त्यांच्यावर हल्ला केला, अचानक झालेल्या या हल्ल्याने यादव घाबरून गेले, त्यांनी काही वेळ अस्वलाचा प्रतिकार करीत आरडाओरड सुरु केल्याने कामगार वर्गाने तात्काळ यादव यांच्याकडे धाव घेतली. कामगार वर्ग आल्याने अस्वलीनी पळ काढला.

    सीएसटीपीएस मध्ये दररोज असंख्य वाहने येतात मात्र ऐश प्लांट येथे वाहन चालकांसाठी शौचालयाची व्यवस्था नाही, त्यामुळे हे चालक झुडपी भागात शौच करण्याकरिता जात असल्याने त्याठिकाणी प्राण्यांचा मोठ्या प्रमाणात वावर असून यामुळे हा हल्ला झाला असल्याचे बोलले जात आहे.

    वनपरिक्षेत्र अधिकारी नायगमकर यांनी दिलेल्या माहितीनुसार सीएसटीपीएस मध्ये अस्वलांचा वावर मोठ्या प्रमाणात आहे, या भागात सीसीटीव्ही लावण्यात आला आहे मात्र अस्वल सीसीटीव्ही दिसून येतात, मागील २ महिन्यात तिघांवर अस्वलीने हल्ला केल्याची घटना घडली आहे.

    अस्वलाच्या हल्ल्यात जखमी झालेले वाहनचालक रघुनाथ यादव यांना पुढील उपचारासाठी जिल्हा सामान्य रुग्णालयात दाखल करण्यात आले आहे. सध्या सीएसटीपीएस मध्ये वनविभागाने सुरक्षा रक्षकांची नियुक्ती केली आहे.

    अस्वलाचा हल्ला

  • mhada housing । म्हाडा क्षेत्रातील विकासाकरीता निधी उपलब्ध करुन द्या – खासदार प्रतिभा धानोरकर

    mhada housing

    mhada housing : चंद्रपूर शहरा अंतर्गत येणाऱ्या म्हाडा येथील निधी अभावी विकास थांबलेला असून म्हाडा अंतर्गत येणारे रस्ते, वीज, नाल्यांची दुरावस्था झाली आहे. याकरीता निधी नसल्याने ही दुरावस्था आणखी वाढत चालली आहे. याकरीता खासदार धानोरकर यांनी उपमुख्यमंत्री तथा गृह निर्माण मंत्री एकनाथजी शिंदे तसेच वित्त व उपमुख्यमंत्री तथा नियोजन मंत्री अजित पवार यांना पत्र लिहून निधी ची मागणी केली आहे.

    चंद्रपुरात पोलीस चौकीजवळ घरफोडी

    चंद्रपूर शहराचा मोठया प्रमाणात विस्तार होत असून म्हाडा अंतर्गत येणाऱ्या जमिनींवर नविन चंद्रपूर उदयास येत आहे. परंतु या भागातील रस्ते, नाल्या, वीज व पाणी या मुलभूत गरजांची अतिशय दुरावस्था झाली असून सदर सोयी उपलब्ध होण्याकरीता खासदार प्रतिभा धानोरकर यांनी पुढाकार घेतला असून उपमुख्यमंत्री तथा गृहनिर्माण मंत्री तसेच वित्त मंत्री अजित पवार यांना पत्र लिहून एक हजार कोटी रुपयांचा निधी म्हाडा अंतर्गत विकासकामांकरीता उपलब्ध करुन देण्याची मागणी पत्राद्वारे केली आहे.

    म्हाडा अंतर्गत अनेक नागरिकांनी कोटयावधी रुपयांची घरे बांधली आहेत. परंतु त्यांना मुलभूत सोयी पासून वंचित राहावे लागत आहे. भविष्यात म्हाडा अंतर्गत विकास झाल्यास नविन चंद्रपूर म्हणून म्हाडा उदयास येणार आहे.

  • burglary crimes act । चंद्रपूर शहरात घरफोडी, लाखोंचे सोने लंपास

    burglary crimes act

    burglary crimes act : चंद्रपूर शहरात गुन्हेगारी मोठ्या प्रमाणात वाढत असून यामध्ये चोरी व घरफोडी याचा समावेश आहे, आज बाहेर जात असताना सुद्धा परत येईपर्यंत नागरिकांच्या मनात चोरीची भीती सतावत असते. चंद्रपुरातील बागला चौकातील पोलीस चौकीपासून अवघ्या २०० मीटर अंतरावर १९ जानेवारीला घरफोडीची घटना घडली, यामध्ये लाखोंचा माल अज्ञात चोरट्याने लंपास केला.

    त्या मजुरांसाठी विजय वडेट्टीवार ठरले देवदूत

    ४३ वर्षीय विनोद अनंतवार यांनी २० जानेवारीला शहर पोलीस स्टेशनमध्ये फिर्याद दिली कि १४ जानेवारीला फिर्यादीची पत्नी बाहेरगावी गेली होती, त्यामुळे अनंतवार हे घरी एकटे होते, १९ जानेवारीला सायंकाळी विनोद अनंतवार हे बागला चौकात फिरायला गेले त्यानंतर बाहेर जेवण करून घरी रात्री १० वाजताच्या सुमारास परतले असता घराचे दार उघडे होते, अलमारीतील कपडे अस्तव्यस्त स्थितीत पडलेले होते.

    अज्ञात चोराने घराच्या मागच्या बाजूला असलेल्या बाथरूम च्या भिंतीचे विटा काढून घरात प्रवेश केला, अलमारीत असलेल्या कापडी पिशवीतील जुने वापरते ३५ ग्राम सोने ज्यामध्ये सोन्याचे गोफ, लहान अंगुठी, मंगळसूत्र व इतर सोन्याचे दागिने अज्ञात चोराने लंपास केले.

    विशेष बाब म्हणजे फिर्यादी विनोद अनंतवार यांच्या घरापासून अवघ्या काही अंतरावर महाकाली पोलीस चौकी आहे, पोलिसांना न घाबरता चोराने आपला डाव साधला. गुन्हा दाखल होताच पोलीस घटनास्थळी दाखल झाले, घटनेचा पंचनामा करीत पोलिसांनी तपास सुरु केला आहे.

    पोलिसांनी अज्ञात चोरट्यावर भारतीय न्याय संहिता बीएनएस २०२३ कलम ३३१ (४) अंतर्गत गुन्हा दाखल केला आहे.

  • Marathi Ukhane | मकरसंक्रांत स्पेशल उखाणे

    Marathi Ukhane

    Marathi Ukhane : मकरसंक्रांत मध्ये आता महिलांचे हळदी-कुंकू कार्यक्रम सुरू झाले आहे, सध्या महिला वाण वाटपात व्यस्त आहे, यासह विविध ठिकाणी महिलांचे मेळावे आयोजित करण्यात आले आहे.

    रात्री भात खाण्याचे साईड इफेक्ट

    हळदी-कुंकू कार्यक्रमात महिला उखाणे घेत नवऱ्याबाबत प्रेम व्यक्त करतात. असेच काही उखाणे आज या माध्यमातून वाचायला मिळणार आहे. (मकरसंक्रांत उखाणे मराठी)

    • चांदण्यांच्या प्रकाशात फुलली गुलाबाची कळी,माझ्या हृदयात आहे फक्त ___चं नाव लिहिलं गोंदणं गोंदली.
    • चांदणं आणि तारे साक्ष,___ आहेत माझ्या जीवनाचे भाग्यलक्ष.
    • तुळशीच्या लगडाला वळसा,___ माझ्या संसाराचा आधार खांदा.
    • नदीच्या प्रवाहाला कधी नाही थांबा, ___ माझं आयुष्य आहेत माझं शांतीचं आभाळ.
    • सोन्याच्या नथीला मोत्यांचा हार,
    • ___ आहे माझ्या आयुष्याचा शृंगार.
    • पाटलाच्या शेताला आहे बांधावर फुलांचा मळा,
    • ___ माझ्या संसाराचं सोनं असलेल्या फुला.
    • चंद्र तारे आकाशात, गोड गुलाबाच्या बागेत,
    • ___ नाव घेऊन पूर्ण करतो वाक्यात.
    • तुळशीवृंदावनात घेतो प्रकाश,
    • ___ माझ्या संसाराचा मळा आहे खास.
    • तिळगुळाचा गोडवा वाढवतो आनंद,
    • ___ आहेत माझ्या जीवनाचा अनमोल बंध.
    • तिळगुळ घ्या गोड गोड बोला,
    • ___ आहेत माझ्या आयुष्याचा लखलखता तारा.
    • पतंग उडवतो आसमंतात,
    • ___ आहेत माझ्या जीवनात भरलेला गोड गोड रंगात.
    • सुर्य उगवला दक्षिणायनातून उत्तरायनात,
    • ___ आहेत माझ्या हृदयात भरलेला साजरा सणात.
    • साखर गुळ आणि तिळाचा गोळा,
    • ___चं नाव घेतो प्रत्येक गोड शब्दांभोवळा.
    • पतंगाच्या मांज्यासारखा गोड,
    • ___ माझ्या संसाराची पकड आहे ठसठशीत जोर.
    • संक्रांतीच्या माळेत ओवतो गोडवा,
    • ___ आहेत माझ्या संसाराचा गंध सुवासवा.
    • तिळगुळ खा गोड बोला,
    • ___चं नाव घेतो, सण साजरा करू आनंदाला.

  • Side effects of eating rice | रात्री भात खातायं, तर मग हे नक्की वाचा

    Side effects of eating rice

    Side effects of eating rice : तुम्हाला सुद्धा भाताशिवाय रातचं जेवण अपूर्ण वाटतं का? जर होय, तर तुम्हाला रात्री भात खाण्याचे काही साइड इफेक्ट्स माहिती असणे गरजेचे आहे.

    भारतात बहुतेक लोकांना डाळ-भात खायला खूप आवडतं. काही लोक तर भाताशिवाय जेवण पूर्ण करतच नाहीत. दुपारच्या वेळी भात (rice) खाण्यामुळे तुमच्या आरोग्यावर सकारात्मक परिणाम होतो. पण तुम्हाला माहिती आहे का की आरोग्य तज्ज्ञ नेहमी रात्री भात खाणं टाळण्याचा सल्ला देतात?

    चंद्रपूर जिल्ह्यात एकाच महिन्यात 3 वाघाचा मृत्यू

    तुम्हाला सांगायचं झालं तर रात्रीच्या जेवणात भात खाण्याची सवय तुमच्या आरोग्यावर वाईट परिणाम करू शकते. रात्री जे लोक भात खातात, त्यांची पचनसंस्था (गट हेल्थ) खराब होऊ शकते.

    रात्री भात खाल्ल्यामुळे तुम्हाला पोटाशी संबंधित समस्या उद्भवू शकतात. बद्धकोष्ठता आणि ऍसिडिटीसारख्या समस्यांपासून वाचण्यासाठी तुम्ही रात्रीच्या आहारातून भात वगळला पाहिजे.

    रात्री भात खाल्ल्यामुळे तुमचं वजन वाढू शकतं आणि तुम्हाला लठ्ठपणाचा त्रास होऊ शकतो. लठ्ठपणा ही अनेक गंभीर आणि धोकादायक आजारांना आमंत्रण देणारी समस्या आहे. जर तुम्ही तुमचं वजन कमी करण्याचा प्रयत्न करत असाल, तर रात्री भात खाणं टाळा.

    ज्यांना दम्याचा त्रास आहे किंवा ज्यांची श्वास घ्यायला अडचण होते, त्यांनी रात्री भात खाणं टाळावं. आरोग्य तज्ज्ञांच्या मते, रात्री भात खाल्ल्यामुळे घशाला खवखव होऊ शकते. शिवाय ज्यांना सायनसचा त्रास आहे, त्यांनी देखील रात्रीच्या जेवणात भात खाणं टाळावं.

    डायबेटीसच्या रुग्णांनी सुद्धा रात्री भात खाणं टाळलं पाहिजे, अन्यथा त्यांचं आरोग्य बिघडू शकतं. त्यामुळे तुमच्या आहारावर विशेष लक्ष देणं गरजेचं आहे.

  • Aamdar Shree । नागपूरचा निलेश जोगी ठरला आमदार श्री चा मानकरी

    Aamdar Shree

    Aamdar Shree : आमदार किशोर जोरगेवार यांच्या संकल्पनेतून महानगरपालिकेच्या पटांगणावर आयोजित विदर्भस्तरीय बॉडी बिल्डिंग स्पर्धेत नागपूरचा निलेश जोगी आमदार श्री २०२५ चा मानकरी ठरला ठरला आहे. तर चंद्रपूरचा आशिष बिरिया बेस्ट पोझर आणि अकोल्याचा अहमद खान यांनी बेस्ट इम्प्रुव्ह विजेतेपद पटकावले आहे. सर्व विजेत्या स्पर्धकांना आमदार किशोर जोरगेवार आणि मिस्टर वर्ल्ड नरेंद्र यादव यांच्या हस्ते पारितोषिके देण्यात आली आहेत.

    यावेळी श्री महाकाली माता महोत्सव समितीचे सचिव अजय जयस्वाल, युवा मोर्चा प्रदेश उपाध्यक्ष रघुवीर अहिर, भारतीय जनता पार्टीचे नेते दशरथ ठाकुर, राजेंद्र अडपेवार, तुषार सोम, माजी नगरसेवक विशाल निंबाळकर, प्रकाश देवतळे, भाजप नेते खुशाल बोंडे, माजी नगर सेवक सुभाष कासनगोट्टूवार, प्रदिप किरणे, शिला चौव्हाण,  श्याम धोपटे, अमोल शेंडे, नकुल वासमवार, रशिद हुसेन, सलीम शेख, ताहीर हुसेन,करणसिंग बैस, सुमित बेले, हर्षद कानमपल्लीवार, राम जंगम, असोशिएशनचे सचिव सुभाष लांजकेर, कोष्याध्यक्ष विवेक भुरटकर, सदस्य गणेश रामगुंडेवार आदींची मंचावर उपस्थिती होती.

    चंद्रपूर जिल्ह्यातील खासदाराचे दमदार काम

    दरवर्षीप्रमाणे यंदाही चंद्रपूरात आमदार किशोर जोरगेवार यांच्या संकल्पनेतून श्री माता महाकाली क्रीडा महोत्सवाचे आयोजन करण्यात आले आहे. यात विविध स्पर्धा घेतल्या जाणार आहेत. दरम्यान शनिवारी गांधी चौकातील महानगरपालिकेच्या पटांगणावर बॉडी बिल्डर अँड फिटनेस असोसिएशन विदर्भ यांच्या मान्यतेने तथा चंद्रपूर बॉडी बिल्डर अँड फिटनेस असोसिएशनच्या सहकार्याने विदर्भस्तरीय बॉडी बिल्डिंग अजिंक्यपद स्पर्धेचे आयोजन करण्यात आले होते. ही स्पर्धा 55, 60, 65, 70, 75 आणि खुल्या अशा सहा वजनगटांत घेण्यात आली होती. यात चंद्रपूरसह नागपूर, वर्धा, अमरावती, बुलढाणा, भंडारा, गोंदिया, गडचिरोली, यवतमाळ, वाशीम जिल्ह्यांतील 142 स्पर्धकांनी सहभाग घेतला होता. संध्याकाळी सहा वाजता 55 वजन गटाच्या स्पर्धेला सुरुवात झाली. (body building competition)

    या स्पर्धेत 55 वजन गटात चंद्रपूरचा आशिष बिरिया, 60 वजन गटात बुलढाण्याचा दत्तात्रेय सावरकर, 65 वजन गटात अकोल्याचा संदीपसिंग ठाकुर, 70 वजन गटात अकोल्याचा सोहेब अहमद, 75 वजन गटात अकोल्याचा सोहेब साहिल यांनी प्रथम पारितोषिक मिळविले. तर या स्पर्धेत आमदार श्रीसाठी घेण्यात आलेल्या स्पर्धेत नागपूरच्या निलेश जोगीने बाजी मारत पहिल्या क्रमांकासाठी असलेले 55,555 रुपयांचे पारितोषिक जिंकत आमदार श्री 2025 चा मान पटकावला. तसेच बेस्ट पोझर म्हणून आशिष बिरियाला 33,333 रुपये आणि शिल्ड, बेस्ट इम्प्रुव्हमेंटसाठी अहमद खान याला 22,222 रुपयांचे पारितोषिक आणि शिल्ड देण्यात आली.

    एका महिन्यात चंद्रपूर जिल्ह्यात ३ वाघाचा मृत्यू

    यावेळी बोलताना आमदार किशोर जोरगेवार म्हणाले की, बॉडी बिल्डिंग ही केवळ शरीराचा व्यायाम नाही, तर मनाच्या शिस्तीचा, मेहनतीचा आणि दृढ संकल्पाचा सर्वोच्च नमुना आहे. आपल्या समाजातील तरुणांना आरोग्याबाबत जागरूक करण्यासाठी अशा प्रकारच्या स्पर्धा खूप महत्त्वाच्या आहेत. आजच्या युगात आरोग्य हीच खरी संपत्ती आहे. फिटनेस आणि व्यायामाच्या माध्यमातून केवळ शरीर सुदृढ होत नाही, तर मन आणि आत्माही उन्नत होतो. युवक व्यसनापासून दूर राहतो, आपल्यातील प्रत्येकाने आपल्या रोजच्या आयुष्यात व्यायामाला प्राधान्य दिलं पाहिजे. पुढे पण असे आयोजन आपण करणार असल्याचे आमदार किशोर जोरगेवार म्हणाले.                                                                   

    यावेळी मिस्टर वर्ल्ड नरेंद्र यादव यांनी स्पर्धकांना कसरत करण्याचे आवश्यक सल्ले देत आयोजनाचे कौतुक केले. यावेळी अभिषेक कारिमवार, अविनाश लोखंडे, राजू कोटेवार, विशाल शिंदे, प्रतीम पाटील, गौतम शंभरकर, योगेश देवतळे यांनी पंच म्हणून काम पाहिले.

    मिस्टर वर्ल्ड नरेंद्र यादव ठरला आकर्षण

    मिस्टर वर्ल्ड आणि तब्बल सात वेळा मिस्टर इंडिया राहिलेला नरेंद्र यादव हा स्पर्धेचे मुख्य आकर्षण ठरला. त्याला पाहण्यासाठी युवकांनी मोठी गर्दी केली होती. यावेळी नरेंद्र यादव यांनीही सर्व बॉडी बिल्डरांना सुडौल शरीर तयार करण्यासाठी महत्त्वपूर्ण टिप्स दिल्या.

    body builder narendra yadav

  • Tiger Dead | चंद्रपूर जिल्ह्यात एका महिन्यात ३ वाघांचा मृत्यू

    Tiger Dead

    Tiger Dead : चंद्रपूर जिल्ह्यातील सिंदेवाही तालुक्यात बल्लारपूर – गोंदिया रेल्वे मार्गावर १९ जानेवारीला रेल्वेच्या धडकेत वाघाचा मृत्यू झाल्याची घटना घडली असून आतापर्यंत जानेवारी महिन्यात १९ दिवसात ३ वाघाचा मृत्यू झाला आहे.

    दक्षिण पुर्व मध्य रेल्वे , बिलासपुर झोन अंतर्गत गोंदिया- नागभीड- चांदाफोर्ट – बल्लारशाह हा रेल्वे मार्ग जास्तीत जास्त जंगलव्यात भागातून आहे. त्यातही नागभीड- चांदाफोर्ट रेल्वे मार्ग घनदाट जंगलातून असुन ताडोबा – अंधेरी राष्ट्रीय व्याघ्र प्रकल्प व घोडाझरी अभयारण्य लागूनच आहे. या रेल्वे मार्गांवर अनेक ठिकाणी वाघ , हरिण , रानगवे , अस्वल यासारखे वन्यप्राणी अपघातात मृत झाल्याच्या घटना घडल्या आहेत. असे असून सुद्धा आजपर्यंत वनविभागाने यावर ठोस उपाययोजना केली नाही.

    चंद्रपूरच्या खासदाराचे दमदार काम

    सिंदेवाही – आलेवाही रेल्वे स्थानकाच्या दरम्यान आज सकाळी बल्लारपूरकडून गोंदियाकडे जाणाऱ्या पॅसेंजर ट्रेनने या वाघाला धडक दिली. मृत वाघ अंदाजे एक वर्षाचा असल्याचा प्राथमिक अंदाज आहे. वनविभागाचे अधिकारी आणि कर्मचारी घटनास्थळी दाखल होत त्यांनी घटनास्थळाचा पंचनामा केला. घनदाट जंगलातून जाणा-या या रेल्वेमार्गावर वन्यजीव मृत्यूच्या घटना वारंवार होत असून त्या टाळण्यासाठी रेल्वे आणि वनविभाग यांच्यातील समन्वय अधिक मजबूत करण्याची गरज व्यक्त होत आहे. railway line

    आतापर्यंत ३ वाघांचा मृत्यू

    २ जानेवारीला सिंदेवाही वनपरिक्षेत्रात मौजा लाडबोरी येथील शेतशिवारात कुजलेल्या अवस्थेत वाघाचा मृतदेह मिळाला होता, वाघ वयोवृद्ध असल्याने त्याचा नैसर्गिक मृत्यू झाल्याचा अंदाज वनविभागाने नोंदविला होता. ९ जानेवारीला मूल तालुक्यातील भांदुरणा या गावी ५ महिन्याच्या वाघाच्या बछड्याचा अज्ञात वाहनाच्या धडकेत मृत्यू झाला होता. तर १९ जानेवारीला सिंदेवाही – आलेवाही रेल्वे स्थानक दरम्यान रेल्वेच्या धडकेत वाघाचा मृत्यू झाला असल्याची घटना घडली.

  • Paddy planting laborer | धान रोवणी मजुरांसाठी विजय वडेट्टीवार बनले देवदूत

    Paddy planting laborer

    Paddy planting laborer : कर्नाटक राज्यात चंद्रपूर जिल्ह्यातील ब्रम्हपूरी व सिंदेवाही तालुक्यातील २१ मजूर हे धानपीक रोवणीच्या कामासाठी सुमारे १ महीन्यापुर्वी गेले होते. त्याठिकाणी महीनाभर काम केल्यानंतर मजूरीचे पैसे त्यांना तिथं घेऊन जाणाऱ्या कर्नाटकातील कंत्राटदाराने मजूरांना दिलेच नाही. व तो पसार झाला. त्यामुळे मजूरांकडे गावाकडे परत यायला देखील पैसे नव्हते. ते सगळे संकटात सापडले होते.

    चंद्रपूर जिल्ह्याचे नवे पालकमंत्री अशोक उईके

    अशा स्थितीत संकटात सापडलेल्या मजूरांनी कृउबा संचालक प्रभाकर सेलोकर, माजी नगरसेवक डाॅ.नितीन उराडे, शहर काँग्रेस सचिव पुष्पाकर बांगरे यांच्याशी संपर्क साधून आपली व्यथा सांगितली.

    सदरची बाब ह्या तिन्ही काॅंग्रेस पदाधिकाऱ्यांनी महाराष्ट्र विधानसभेचे माजी विरोधी पक्षनेते तथा ब्रम्हपूरी विधानसभा क्षेत्राचे आमदार विजय वडेट्टीवार यांना कळवली असता लगेचच त्यांनी आपल्या यंत्रणेमार्फत सदर मजूरांपर्यत आर्थिक मदत पोहचवली. व महाराष्ट्रातील आपल्या स्वगृही पोहचण्यासाठी लागणारा खर्च व संपूर्ण सहकार्य देखील आपण करणार असल्याचे सांगितले. (Paddy planting laborer)

    खासदार धानोरकर यांचं दमदार काम

    कर्नाटक राज्यात गेलेल्या मजूरांमध्ये प्रकाश भोयर, तुळशीदास भोयर, माधूरी भोयर, सुनिता कन्नाके रा. आक्सापुर, दिनेश मेश्राम, स्वप्नील मेश्राम, पायल मेश्राम, आशा मेश्राम रा.गडबोरी, देविदास भानारकर, वैशाली सामुसाकडे, गिता भानारकर, रंजू भानारकर रा.मोटेगाव, अशोक जुमनाके, प्रशांत जुमनाके, वंदना जुमनाके, सायली जुमनाके रा.खातगाव, संदीप ठाकरे, वनिता ठाकरे, शिल्पा ठाकरे रा.गिरगाव, चंद्रभागा सामुसाकडे रा.नवरगाव, निशा मेश्राम रा.पाडरवाणी यांचा समावेश आहे.

    हे सर्व मजूर आता परतणार असुन आमदार विजय वडेट्टीवार यांच्या पुढाकाराने हे सर्व शक्य झालं आहे. त्यामुळे सर्व मजूरांनी आमदार विजय वडेट्टीवार यांचे आभार देखील व्यक्त केले आहेत.

  • Guardian Minister Chandrapur | अशोक उईके चंद्रपूर जिल्ह्याचे नवे पालकमंत्री

    Guardian Minister Chandrapur

    Guardian Minister Chandrapur : 18 जानेवारीला महाराष्ट्र सरकारने राज्यातील पालकमंत्र्यांच्या नावाची यादी जाहीर केली आहे.

    यंदा पालकमंत्री यांना सहकार्य करण्यासाठी सह पालकमंत्री सुद्धा नियुक्त करण्यात आले आहे.

    धनंजय मुंडे यांचा पालकमंत्री पदावरून पत्ता कट करण्यात आला असून बीड जिल्ह्याचे पालकमंत्री पद उपमुख्यमंत्री अजित पवार यांनी स्वतःकडे ठेवले आहे.

    चंद्रपूर जिल्ह्यातील खासदाराचे दमदार काम

    चंद्रपूर जिल्ह्यातील भाजपचे जेष्ठ नेते सुधीर मुनगंटीवार यांना मंत्रिपद न दिल्याने पालकमंत्री कोण होणार याकडे सर्वांच्या नजरा लागल्या होत्या.
    आज चंद्रपूर जिल्ह्यातील पालकमंत्री म्हणून यवतमाळ जिल्ह्यातील राळेगाव मतदार संघातील आमदार व आदिवासी विकास मंत्री अशोक उईके यांच्या नावाची घोषणा करण्यात आली.


    शिवसेना पक्षातून आपल्या राजकीय पर्वाची सुरुवात करणारे अशोक उईके हे तिसऱ्यांदा विधानसभेवर निवडून आले आहे.


    वर्ष 2024 मध्ये ते भाजप पक्षातून निवडणूक जिंकले.
    अशोक उईके यांच्या विजयात चंद्रपूर लोकसभा क्षेत्राचे माजी खासदार व राष्ट्रीय ओबीसी आयोगाचे अध्यक्ष हंसराज अहिर यांचा मोठा वाटा आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by