My Blog

Tag: MH34

  • Pashusamvardhan Yojana Maharashtra 2025 । पशुसंवर्धन योजना 2025 साठी ऑनलाइन अर्ज कसा करावा?

    Pashusamvardhan Yojana Maharashtra 2025

    Pashusamvardhan Yojana Maharashtra 2025 : चंद्रपूर ८ मे (News३४) : ग्रामीण भागातील सुशिक्षित व बेरोजगार युवकासह पशुपालक व शेतकरी बांधवांना स्वयंरोजगाराचे साधन उपलब्ध करुन देण्यासाठी तसेच त्यांना शाश्वत अर्थाजनाचा पर्याय उपलब्ध करून देण्याकरिता पशुसंवर्धन विभागामार्फत वैयक्तिक लाभाच्या योजना राबविण्यात येतात. या योजनांतर्गत प्रक्रिया अधिक पारदर्शक करण्याकरिता जिल्हास्तरीय विविध योजनांसाठी संगणक प्रणाली लागू करण्यात आली आहे.

    राज्यातील आयटीआय मध्ये ६ नव्या अभ्यासक्रमांचा समावेश

    यामध्ये एखादया योजनेसाठी अर्ज केल्यानंतर त्यास दरवर्षी पुन्हा अर्ज करावे लागू नये, यासाठी तयार केलेली प्रतिक्षा यादी पूढील 5 वर्षापर्यंत लागू ठेवण्याची सोय शासनाने केली आहे. यामुळे अर्ज केलेल्या पशुपालकांना लाभ मिळण्याची शक्यता वाढली असून त्यांना प्रतिक्षा यादीतील क्रमांकानुसार अंदाजे केव्हा लाभ मिळेल, हे कळू शकते तसेच लाभार्थी हिस्सा भरणे किंवा इतर बाबींकरिता नियोजन करता येणे शक्य होणार आहे. Pashusamvardhan waiting list benefits

    त्याकरिता सन 2025-26 या चालू वर्षात वैयक्तिक योजनांचा लाभ घेण्याकरिता 3 मे 2025 पासून  ऑनलाईन पध्दतीने अर्ज करावयाचा आहे.

    ऑनलाईन अर्ज भरण्यासाठी संकेतस्थळ : http://ah.mahabms.com अँड्राईड मोबाईल अॅप्लिकेशनचे नाव AH-MAHABMS(Google play Store वरिल मोवाईल अॅपवर उपलब्ध). टोल फ्री क्रमांक 1962 किंवा 18002330418.

    अशा आहेत योजना : पशुसंवर्धन विभागाअंतर्गत सन 2025-26 या वर्षात विविध वैयक्तिक लाभाच्या योजना जिल्हा वार्षिक योजना सर्वसाधारण अंतर्गत 100 कुक्कुट पिल्लांचे गट वाटप, विशेष घटक योजनांतर्गत 75 टक्के अनुदानावर 2 दुधाळ जनावरांचा गट पुरवठा तसेच 75 टक्के अनुदानावर (10 शेळया व 1 बोकड) शेळी गट पुरवठा, आदिवासी उपयोजना व आदिवासी क्षेत्राबाहेरिल आदिवासी योजना (TSP & OTSP) अंतर्गत 75 टक्के अनुदानावर 2 दुधाळ जनावरांचा गट पुरवठा तसेच 75  टक्के अनुदानावर (10 शेळया व 1 बोकड) शेळी गट पुरवठा यासाठी ऑनलाईन पध्दतीने लाभार्थी निवड प्रकिया राबविली जाणार आहे.  Maharashtra animal husbandry schemes 2025

    अर्ज भरतांना अर्जदाराने नोंदविलेल्या मोबाईल क्रमांकावर अर्जाच्या स्थितीबाबत संदेश पाठविण्यात येणार असल्याने कोणत्याही परिस्थितीत अर्जदाराने योजनेअंतर्गत कार्यवाही सुरु असतांना आपला मोबाईल क्रमांक बदलू नये.

    योजनेबाबत अधिक माहितीसाठी वरील तक्त्यात दर्शविलेलया टोल फ्री क्रमांकावर किंवा पंचायत समिती स्तरावर तालुक्याचे पशुधन विकास अधिकारी (वि.) किंवा कार्यक्षेत्रातील पशुवैद्यकिय दवाखान्यातील अधिकारी किंवा कर्मचारी तसेच जिल्हास्तरावर जिल्हा पशुसंवर्धन अधिकारी, जिल्हा परिषद, चंद्रपूर यांच्याशी संपर्क साधावा. तसेच जास्तीत जास्त प्रमाणात पशुपालकांनी पशुसंवर्धन विभागामार्फत राबविण्यात येणा-या योजनांचा लाभ घ्यावा, असे आवाहन मुख्य कार्यकारी अधिकारी पुलकित सिंह, जिल्हा पशुसंवर्धन अधिकारी डॉ. उमेश हिरुडकर यांनी केले आहे.

  • Disaster Management Training for ITI Students । राज्यातील ITI मध्ये ‘आपत्ती व्यवस्थापन’, ६ नव्या अभ्यासक्रमांचा समावेश

    Disaster Management Training for ITI Students

    Disaster Management Training for ITI Students : चंद्रपूर – जम्मू आणि काश्मीर येथील पहलगाम इथे दहशतवादी हल्ल्यानंतर भारत आणि पाकिस्तान सीमेवर सध्या तणावाचे वातावरण आहे. पार्श्वभूमीवर कौशल्य विभाग आणि अनिरुद्धाज अकॅडमी ऑफ डिझास्टर मॅनेजमेंट यांच्या संयुक्त विद्यमाने राज्यातील हजारो विद्यार्थ्यांना आपत्ती व्यवस्थापनाचे धडे देण्यात येत आहेत. कौशल्य विकास मंत्री मंगलप्रभात लोढा यांच्या हस्ते ठाणे येथील राजमाता जिजाऊ औद्योगिक प्रशिक्षण संस्थेत आज  या शिबिराचे उद्घाटन करण्यात आले. राज्यातल्या सर्व औद्योगिक प्रशिक्षण केंद्रात ऑनलाईन द्वारे आपत्ती व्यवस्थापनाच्या कार्यशाळा होणार आहेत.  Disaster management training for ITI students in Maharashtra

    गर्भलिंग निदान करणाऱ्याची आता खैर नाही, चंद्रपुरात आढावा बैठक

    ६ नवे अभ्यासक्रम

              या कार्यक्रमात कौशल्य विकास मंत्री मंगलप्रभात लोढा म्हणाले की, आपत्ती व्यवस्थापन ही काळाची गरज आहे. आपत्ती मानव निर्मित असो किंवा नैसर्गिक असो, याचे व्यवस्थापन आणि बचाव कसा करावा, याचे प्रशिक्षण प्रत्येक नागरिकांनी घेतले पाहिजे. मानवाने प्रगती केली असली तरी, आपत्तीचे स्वरूप ही त्यानुसार बदलले असून बचावाचे प्रशिक्षण नव्या पिढीला देण्याचा आमचा उद्देश असल्याचे श्री. लोढा म्हणाले. त्याचबरोबर या कार्यक्रमात मंत्री मंगलप्रभात लोढा यांनी आयटीआयमध्ये  सहा नव्या अभ्यासक्रमाची यावेळी घोषणा केली. यात कृत्रिम बुद्धिमत्ता (AI), ई व्ही इलेक्ट्रिक वाहन व्यवस्थापन, इंडस्ट्रिअल रोबोटिक्स आणि थ्री डी प्रिंटिंग, ड्रोन तंत्रज्ञान,  सोलर टेक्निशियन या अभ्यासक्रमांचा यात समावेश असून येत्या शैक्षणिक वर्षापासूनच याची सुरुवात होणार आहे.

    Disaster management training for ITI students in Maharashtra

            दोन दिवसीय शिबिरात अनिरुद्धाज अकॅडमी ऑफ डिझास्टर मॅनेजमेंटचे मुख्य कार्यकारी अधिकारी श्री. सुनील मंत्री यांचे विद्यार्थ्यांना यावेळी मार्गदर्शन लाभले. तर राज्याचे माजी पोलीस महासंचालक श्री. प्रवीण दीक्षित यांनी राज्यातील आयटीआय विद्यार्थ्यांची नागरी संरक्षण या विषयावर ऑनलाईन कार्यशाळा घेतली.

    बचाव आणि मदत कार्याचे प्रशिक्षण

              राजमाता जिजाऊ औद्योगिक प्रशिक्षण संस्थेतल्या शिबिराच्या सुरुवातीला डॉ. लीना गडकरी यांनी आपत्ती व्यवस्थापन संकल्पना नेमकी काय हे विद्यार्थ्यांना सांगितले. या दोन दिवसीय शिबिरात बचाव आणि मदतकार्य याचे प्रशिक्षण ही देण्यात येणार आहे. मानव निर्मित आपत्ती यात युद्धाचा समावेश असून त्या काळात घ्यायची काळजी, उपचार आणि बचाव यावरही विद्यार्थ्यांना माहिती देण्यात आली. तसेच मंत्री श्री. मंगलप्रभात लोढा यांच्या उपस्थितीत बचावाची प्रात्यक्षिके विद्यार्थिनींनी सादर केली. राजमाता जिजाऊ औद्योगिक प्रशिक्षण संस्थेच्या प्राचार्य श्रीमती. एस. एस. माने यांनी यावेळी उपस्थितांचे आभार व्यक्त केले. Rajmata Jijau ITI disaster management training

  • PCPNDT Act enforcement strategies । गर्भलिंग तपास करणाऱ्यांना आता सुटका नाही, माहिती देणाऱ्याला मिळणार १ लाखाचं बक्षीस

    PCPNDT Act enforcement strategies

    PCPNDT Act enforcement strategies : गर्भधारणापूर्व व प्रसवपूर्व निदानतंत्राचा वापर करून बेकायदेशीररित्या गर्भलिंग निदान करणे, गर्भपात करणे हा कायद्याने गुन्हा आहे. जिल्ह्यात असे अवैध गर्भलिंग निदान केंद्र असतील तर ते शोधून काढावे तसेच त्यांच्यावर कडक कारवाई करावी. तसेच गर्भधारणापूर्व व प्रसुतीपूर्व निदान तंत्र कायद्याची (पीसीपीएनडीटी) प्रभावी अंमलबजावणी करण्यासाठी स्टींग ऑपरेशनची संख्या वाढविण्याचे निर्देश जिल्हाधिकारी विनय गौडा जी.सी. यांनी दिले. Sting operations for sex determination clinics

    रामबाग मैदानासाठी चंद्रपुरात माती सत्याग्रह

    जिल्हाधिकारी कार्यालयात पीसीपीएनडीटी संदर्भात आढावा वैठकीत ते बोलत होते. यावेळी जिल्हा शल्य चिकित्सक डॉ. महादेव चिंचोळे, निवासी वैद्यकीय अधिकारी डॉ. हेमचंद कन्नाके, मनपाच्या वैद्यकीय अधिकारी डॉ. नयना उत्तरवार, अतिरिक्त जिल्हा आरोग्य अधिकारी डॉ. अविष्कार खंडारे आदी उपस्थित होते.

    ३ महिन्यांनी सोनोग्राफी केंद्राची तपासणी

    दर तीन महिन्यांनी नियमितपणे सर्व सोनोग्राफी केंद्राची तपासणी करावी, असे सांगून जिल्हाधिकारी म्हणाले, शासनाच्या मार्गदर्शक सुचनेनुसार सर्व कागदपत्रे, अहवाल, दैनंदिन नोंदवही अतिशय गांभीर्याने तपासावेत. यात कुठेही निष्काळजीपणा होऊ देऊ नका. तसेच अवैध रित्या चालणारे केंद्र शोधून काढण्यासाठी स्टींग ऑपरेशनची संख्या वाढविणे आवश्यक आहे. यासाठी पोलिस विभाग किंवा इतर शासकीय कर्मचा-यांचे सहकार्य घ्यावे. 12 आठवड्यांच्या वर गर्भपात होत असलेल्या केंद्राला आवर्जुन भेट देऊन तपासणी करावी, अशा सुचना जिल्हाधिकाऱ्यांनी दिल्या. PCPNDT Act penalties and punishments

    खब-यांसाठी तसेच स्टींग ऑपरेशन करीता बक्षीस योजना : गर्भलिंग निदान चाचणी करणा-या व्यक्तिची माहिती देणा-याचे नाव गुप्त ठेवण्यात येते. तसेच त्याने दिलेल्या माहितीच्या अनुषंगाने खातरजमा करून संबंधित व्यक्ती / सोनोग्राफी केंद्रावर खटला दाखल झाल्यावर माहिती देणा-या व्यक्तिस राज्य शासनातर्फे 1 लक्ष रुपये व चंद्रपूर महानगर पालिकेतर्फे 25 हजार असे एकूण 1 लक्ष 25 हजार रुपयांचे बक्षीस देण्यात येईल. तसेच स्टींग ऑपरेशनसाठी सहभागी होणा-या गर्भवती महिलेस न्यायालयात खटला दाखल झाल्यानंतर शासनातर्फे 1 लक्ष रुपये आणि चंद्रपूर महानगर पालिकेतर्फे 25 हजार रुपयांचे बक्षीस देण्यात येईल.

    नागरिकांना आवाहन : जन्मापुर्वी मुलगा किंवा मुलगी आहे, हे जाणून घेणे कायद्याने गुन्हा आहे. असा गुन्हा करणा-या सोनोग्राफी केंद्राची माहिती टोल फ्री हेल्पलाईन क्रमांक 18002334475 वर, टोल फ्री क्रमांक 104, www.amchimulgimaha.in या संकेतस्थळावर, मनपा टोल फ्री क्रमांक 18002574010, व्हॉट्सॲप क्रमांक 8530006063 किंवा https://grievance.cmcchandrapur.com/complaint_registration/add या तक्रार निवारण ॲपवरही करता येऊ शकते.

  • Save Ram Bagh Ground campaign । रामबाग मैदानावर ‘मातीचा सत्याग्रह’!, झेडपीच्या इमारतीसाठी मैदानाचा बळी?

    Save Ram Bagh Ground campaign

    मैदानात खड्डा, नागरिकांत खदखद! चंद्रपूरमध्ये उभारला मातीचा सत्याग्रह

    Save Ram Bagh Ground campaign : रामबाग मैदान बचाव संघर्ष समिती च्या आवाहनानंतर आज गुरुवार दिनांक 8 मे रोजी सकाळी 7 वाजता शेकडो नागरिक,खेळाडू तसेच पोलीस व सैन्य भरतीसाठी सराव करणारे युवक यांनी एकत्रित येऊन कंत्राटदराने मैदानावर खोदलेल्या खड्ड्यात माती टाकली व ‘मातीचा सत्याग्रह’ केला. कोणत्याही परिस्थितीत रामबाग मैदानावरील नैसर्गिक सौंदर्य नष्ट करू देणार नाही, या मैदानावर सिमेंट काँक्रीटचे जंगल होऊ देणार नाही, झेडपी इमारतीचे बांधकाम होऊ देणार नाही, ‘नाही म्हणजे नाही’, असा संकल्प यावेळी आंदोलनात सहभागी नागरिकांनी केला. Mati Satyagraha at Ram Bagh ground

    नागरिकांनी रामबाग वर सुरु असलेले काम बंद पाडले

    मैदानाचे अस्तित्व धोक्यात

    झेडपीच्या नविन इमारतीमुळे भविष्यात या मैदानाचे अस्तित्व धोक्यात येईल अशी भीती नागरिकांमध्ये निर्माण झाली. गेल्या चार-पाच दशकापासून नागरिक या मैदानाचा सकाळ-सायंकाळ फिरण्यासाठी किंवा खेळण्यासाठी वापर करीत आहेत. सिंधी व ताडाच्या वृक्षांनी या मैदानाच्या सौंदर्यात विशेष भर टाकली. मैदानाशी अनेक नागरिकांच्या भावना जुळलेल्या असल्याने कोणत्याही परिस्थितीत या मैदानावर इमारतीचे बांधकाम करू नये अशी स्थानिक नागरिक व खेळाडूंची जनभावना आहे. Citizens oppose ZP office construction


    बांधकाम करण्यासाठी कंत्राटदाराने मैदानावर खड्डा खोदल्यानंतर नागरिक संतप्त झाले व त्यांनी आंदोलनाचा पवित्र घेतला. जोपर्यंत झेडपीची इमारत इतरत्र स्थलांतरित होत नाही तोपर्यंत आमचा विरोध सुरू राहील अशी भूमिका रामबाग मैदान बचाव संघर्ष समितीने घेतली आहे.याबाबत सार्वजनिक बांधकाम विभाग क्रमांक 2 चे कार्यकारी अभियंता मुकेश टांगळे यांच्या कार्यालयात सकाळी 11 वाजता एक बैठक संपन्न झाली. या बैठकीला पप्पू देशमुख,भरत गुप्ता व रामबाग मैदान बचाव संघर्ष समितीचे इतर अनेक सदस्य उपस्थित होते. मात्र बैठकीत कोणताही तोडगा निघू शकला नाही.

    Mati Satyagraha at Ram Bagh ground

    जिप प्रशासन नागरिकांची दिशाभूल करीत आहे

    नविन इमारत बांधण्याकरिता इतर ठिकाणी पुरेशी जागा उपलब्ध असतांना प्रदूषित शहरातील सौंदर्याने नटलेल्या एका निसर्गरम्य क्रीडांगणावर जिल्हा परिषदेची इमारत बांधण्याचे नियोजन करणे योग्य नाही. या प्रकरणात जिल्हा परिषद प्रशासन जनतेची दिशाभूल करीत आहे. उद्या दिनांक 9 मे रोजी पुराव्यानिशी जिल्हा परिषद प्रशासनाचा पर्दाफाश करणार अशी माहिती रामबाग मैदान बचाव संघर्ष समितीचे पप्पू देशमुख यांनी एका प्रसिद्धी पत्रकाद्वारे दिली.

  • Chandrapur rare deer found dead । चंद्रपूरच्या गोविंदपूर शेतात मृत अवस्थेत सापडला दुर्लभ चौशिंगा

    Chandrapur rare deer found dead

    Chandrapur rare deer found dead : गोविंदपूर येथील सापेपारती परिसरात एका शेतात दुर्मिळ समजल्या जाणाऱ्या चौशिंगा प्रजातीचा नर प्राणी मृत अवस्थेत आढळून आल्याची खळबळजनक घटना घडली आहे. ही माहिती स्वाब संस्थेचे नितीन भेंडाळे यांना मिळाल्यानंतर त्यांनी तात्काळ तळोधी वन परिक्षेत्राला याबाबत कळवले.

    कामगार वाचवायचे असतील तर …मनसेचे अमन अंधेवार यांची काय आहे मागणी बघा?

    बिबट्याने हल्ला केल्याचा संशय

    वन विभागाने घटनास्थळी धाव घेत मोक्का पंचनामा केला. सदर चौशिंगा नर प्रजातीचा असून, वय अंदाजे सहा वर्षे आहे. त्याच्या मानेवरील दात आणि नखांचे ओरखडे पाहता, बिबट्याने त्याच्यावर हल्ला केल्याचा संशय व्यक्त करण्यात आला आहे. जीव वाचवण्याच्या प्रयत्नात तो पळत असताना झाडावर आदळून त्याचा मृत्यू झाल्याचा प्राथमिक अंदाज आहे. Chandrapur wildlife incident deer death

    ही घटना तळोधी वनपरिक्षेत्रातील गोविंदपूर क्षेत्रात बागडे यांच्या शेतात घडली. घटनास्थळीच मोक्का पंचनामा करण्यात आला व पशुवैद्यकीय अधिकाऱ्यांद्वारे शवविच्छेदन करून प्राण्याचे शव त्या परिसरातच पुरण्यात आले.

    या वेळी तळोदीचे क्षेत्र सहाय्यक अरविंद मने, गोविंदपूरचे क्षेत्र सहाय्यक आर. एस. गायकवाड, वनरक्षक श्रीरामे आणि चुधरी, तसेच स्वाब संस्थेचे यश कायरकर, जिवेश सयाम, नितीन भेंडाळे आणि वनमजूर उपस्थित होते.

  • Aman Andhewar ESIC hospital demand । कामगार वाचवायचे असतील तर …मनसेचे अमन अंधेवार यांची काय आहे मागणी बघा?

    Aman Andhewar ESIC hospital demand

    औद्योगिकदृष्ट्या समृद्ध असलेल्या चंद्रपूर जिल्ह्यात हजारो कामगार विविध कारखान्यांमध्ये कार्यरत असून, अपघाताच्या घटना वारंवार घडत असतानाही कामगारांसाठी स्वतंत्र व तात्काळ उपचारासाठी आवश्यक असणारे ESIC रुग्णालय उपलब्ध नाही. या पार्श्वभूमीवर कामगारांचे जीव वाचावेत यासाठी मनसे कामगार सेनेचे जिल्हाध्यक्ष अमन अंधेवार यांनी जिल्हाधिकाऱ्यांच्या माध्यमातून आरोग्यमंत्री प्रकाश आबीटकर यांच्याकडे चंद्रपूर जिल्ह्यात ESIC रुग्णालय सुरू करण्याची मागणी निवेदनाद्वारे केली आहे.

    Aman Andhewar ESIC hospital demand : चंद्रपूर जिल्हा हा औद्योगिक जिल्हा म्हणून ओळखला जातं असतांना व लाखों कामगार या उद्योगात कार्यरत असतांना कामगारांना योग्य व तात्काळ आरोग्य सुविधा जिल्ह्यात मिळत नाही त्यामुळे उपाचाराअभावी कित्तेकांचा जीव जातो म्हणून आपल्या चंद्रपूर मध्ये एक इ.एस.आय.सी रुग्णालय सुरु करा अशी मागणी मनसे कामगार सेना जिल्हाध्यक्ष अमन अंधेवार यांनी जिल्हाधिकारी यांच्यामार्फत आरोग्य मंत्री प्रकाश आबीटकर यांच्याकडे एका निवेदनाद्वारे केली यावेळी मनसे जिल्हा उपाध्यक्ष राजू कुकडे, वाहतूक सेना जिल्हाध्यक्ष महेश वासलवार, जनहीत विभाग जिल्हाध्यक्ष रमेश कालबांधे, सुनील गुढे व इतर महाराष्ट्र सैनिक उपस्थित होते. ESIC hospital demand Chandrapur

    जिवती तालुक्यात मुख्य कार्यकारी अधिकारी पुलकित सिंग यांचा झंझावाती दौरा

    जिल्ह्याच्या कंपन्या मध्ये ज्या दुर्घटना घडतात व कामगारांना गंभीर जखमा झाल्यास चंद्रपूरच्या मेडिकल कॉलेज मध्ये कामगारांना भरती करून नंतर खाजगी रुग्णालयात नेतात व नंतर नागपूरला हलवले जाते त्या दरम्यान बहुतांश कामगारांचा मृत्यू होतो, परंतु जर चंद्रपूर जिल्ह्यात इ.एस.आय.सी रुग्णालय जर खोलण्यात आले तर कामगारांचे नुकसान होणार नाही व वेळेवर उपचार करण्यात आला तर कांमागारांचे जीव वाचतील त्यामुळं कामगारांच्या हक्काचे रुग्णालय हे चंद्रपूर जिल्ह्यात इ.एस.आय.सी रुग्णालय स्थापन करण्यात यावे अशा मागणीचे निवेदन जिल्हाधिकारी यांच्याकडे देण्यात आले.

  • Pulkit Singh CEO Chandrapur visit । मुख्य कार्यकारी अधिकारी पुलकित सिंग यांचा जिवती दौरा; विकासकामांचा घेतला आढावा

    Pulkit Singh CEO Chandrapur visit

    Pulkit Singh CEO Chandrapur visit : चंद्रपुर जिल्हा परिषदचे मुख्य कार्यकारी अधिकारी पुलकित सिह यांनी नुकताच जिवती तालुक्याचा दौरा केलेला असुन, क्षेत्रीय भेटीदरम्यान जिवती तालुक्यातील विविध गावांना भेटी देवुन विविध विकास कामांची पाहणी केली आहे. Rural development in Chandrapur

    चंद्रपुरातील राम बाग वाचवा, नागरिकांचा पुढाकार

    महिला बचत गटांना मार्गदर्शन

    मुख्य कार्यकारी अधिकारी  पुलकित सिह यांनी जिवती तालुक्यातील भेटी दरम्यान ग्रामपंचायत पाटण येथील आदर्श आपले सरकार सेवा केंद्रास भेट देऊन, उत्पन्नाचा दाखला वितरण करण्यात आले. व  महिला बचत गटांना कर्ज मंजुरी प्रमाणपत्र देऊन उपस्थितांना मार्गदर्शन केले.

    मॉडेल आरोग्य केंद्राला भेट

    उमेदचे प्रकल्प संचालक गिरीष धायगुडे यांच्या हस्ते मौजा शेणगाव येथे दिड महिन्यापूर्वी घरकुलाचे भूमिपूजन करण्यात आले होते. अशा पूर्ण झालेल्या घरकुलाची पाहणी करण्यात आली. मॉडेल प्राथमिक आरोग्य केंद्राला भेट देवुन, येथिल सोई सुविधांची पाहणी करण्यात आली. मॉडेल जिल्हा परिषद हायस्कूलची पाहणी करून, विद्यार्थी व शिक्षकांना मार्गदर्शन करण्यात आले.

    वृक्षारोपण

    पीटीगुडा नं 1 येथे ऑक्सिजन पार्क, नरेगा अंतर्गत बंधारा बांधकाम , सार्वजनिक कंपोष्टपिट च्या कामांची पाहणी केली. गावात मुख्य कार्यकारी अधिकारी पुलकित सिह यांच्या हस्ते वृक्षारोपण करण्यात आले. टेकमांडवा येथे उपआरोग्य केंद्राला भेट दिली . येथील आरोग्य विषयक सेवांची माहिती जाणुन घेतली व यंत्रणेतील अधिकारी व कर्मचा-यांना योग्य ते निर्देश देण्यात आले. जिल्हा परिषदच्या शाळेस भेट देऊन, विद्यार्थींशी हितगुज केली.  Gram panchayat inspection Chandrapur

    पंचायत समिती जिवती येथिल सभागृहात विविध विभागाचे अधिकारी व ग्रामपंचायत अधिकारी यांचा विविध विकास कामांचा  आढावा  घेऊन गाव स्तरावरील विकास कामे वेळेत पुर्ण करण्याचे यावेळी उपस्थितांना निर्देश दिले. मुख्य कार्यकारी अधिकारी पुलकित सिह यांच्या जिवती तालुक्यातील क्षेत्रीय भेटी दरम्यान उमेदचे प्रकल्प संचालक गिरीष धायगुडे ,जिवती पंचायत समितीचे गटविकास अधिकारी लक्ष्मीनारायन दोडके व तालुका यंत्रणेतील  अधिकारी व कर्मचारी उपस्थित होते.

  • Ghuggus sand mafia trucks seized । रेती माफियांना झटका! घुग्घुसमध्ये 3 ट्रक पकडले! 🚜

    Ghuggus sand mafia trucks seized

    Ghuggus sand mafia trucks seized : बुधवारी, दिनांक ०७ मे रोजी रात्री १ वाजेच्या सुमारास रेती माफियांविरोधात प्रशासनाने कठोर कारवाई केली. या कारवाईत तीन मोठे ट्रक जप्त करून घुग्घुस पोलीस स्टेशनमध्ये ठेवण्यात आले आहेत. Sand royalty violation Chandrapur

    ऑपरेशन सिंदूर, पंतप्रधान मोदी यांचं अभिनंदन – हंसराज अहिर

    महसूल विभागाच्या अधिकाऱ्यांना घुग्घुस परिसरातून अवैध रेती वाहतूक होत असल्याची माहिती मिळाली होती. या माहितीच्या आधारावर नायब तहसीलदार डॉ. सचिन खंडाले, घुग्घुसचे मंडळ अधिकारी प्रकाश सुर्वे, पिपरीचे तलाठी श्याम खराते आणि शेणगावचे तलाठी यांनी संयुक्तपणे धाड टाकून तीन मोठे ट्रक जप्त केले.

    जप्त केलेल्या वाहनांमध्ये १६ चाकी ट्रक क्रमांक MH २९ BD ५४०० चा समावेश आहे. या ट्रकमध्ये गडचिरोली जिल्ह्यातील आंबेशिवणी घाटाच्या ७ ब्रास रेतीची रॉयल्टी होती, परंतु प्रत्यक्षात १२ ब्रास रेती भरून वाहतूक केली जात होती. इतर दोन १४ चाकी ट्रकमध्ये MH २७ BX ७२०९ आणि MH ३२ AJ ४४४२ प्रत्येकी १०-१० ब्रास रेती वाहतूक करत होते आणि त्यांच्याकडे कोणत्याही प्रकारची वैध रॉयल्टी नव्हती. या ट्रकमध्ये पिपरी घाटाची रेती भरलेली होती.

    मिळालेल्या माहितीनुसार, रॉयल्टी असलेला ट्रक यवतमाळ जिल्ह्यातील आहे, तर इतर दोन ट्रक कडम तालुक्यातील मेतीखेडा गावाशी संबंधित आहेत.

    पहिला ट्रक टेम्पो क्लबजवळ तर बाकीचे दोन ट्रक राजीव रतन रेल्वे क्रॉसिंगजवळ सापडले.

  • Hansraj Ahir Operation Sindoor । ऑपरेशन सिंदूर: चंद्रपूरमधून हंसराज अहीर यांचे भारताच्या विजयाचे कौतुक! 🚨

    Hansraj Ahir Operation Sindoor

    Hansraj Ahir Operation Sindoor : चंद्रपूर: पहलगाम दहशतवादी हल्ल्याचा ‘‘ऑपरेशन  सिंदुर’’ सर्जिकल स्ट्राईक करुन  भारताने बदला घेत पाकिस्तान व दहशतवादी संघटनांना सडेतोेड उत्तर दिल्याबद्दल पुर्व केंद्रीय गृहराज्यमंत्री तथा राष्ट्रीय  मागासवर्ग आयोगाचे अध्यक्ष हंसराज अहीर यांनी  पंतप्रधान नरेंद्र मोदी यांच्या नेतृत्वातील सरकार व तिन्ही सैन्यदलांचे अभिंनदन करुन याविशेष कामगीरीवर गर्व व्यक्त केला आहे. Hansraj Ahir on surgical strike

    चंद्रपूर जिल्ह्यात पोलिसांना न घाबरणारे सट्टेबाज, वाचा बातमी

    हिशोब चुकता


    कोटली, मुज्जफराबाद व बहावलपुर सह 9 आतंकी तळांना लक्ष्य करीत एअर स्ट्राईक द्वारे शेकडो आतंकवाद्यांचा खातमा करुन भारताने आपल्या भगिनींच्या पुसल्या गेलेल्या कुंकवाचा हिशेब चुकता केला. दहशतवादी संघटनांनी पुन्हा पुन्हा भारताच्या सीमांकडे करड्या नजरेने बघण्याचे धाडस करु नये अन्यथा जगाच्या नकाशावरुनच पुसुन टाकू हा पाकिस्तानला दि. 07 मे रोजी पहाटे केलेल्या सर्जिकल स्ट्राईक मधुन दिलेला थेट इशाराच आहे.


    ‘‘देश प्रथम’’ ही मा. नरेंद्र मोदीजींची निती व स्पष्ट  भुमिका आहे. देशाविरुद्ध रचल्या जाणारे कोणतेही कट कारस्थान सहन केले जाणार नाही, त्याची किंमत वसुल करण्याची धमक मोदी सरकारची आहे. आमचे सैन्यदल यासाठी सक्षम आहेत. हेच या सर्जिकल स्ट्राईक ने पुन्हा एकदा दाखवून दिले. अत्यंत नियोजनबध्द व मानवीय दृश्टीकोनाचा परिचय देत पाकिस्तानी नागरीक व तेथील सैन्यदलास इजा न पोहचविता भारताने दहशतवादाविरुध्द केलेला सर्जिकल स्ट्राईक हा भारताचा ऐतिहासिक विजय असल्याचे पुर्व केंद्रीय गृहराज्यमंत्री अहीर यांनी म्हटले आहे.

  • Save Ram Bagh Ground Chandrapur । रामबाग ग्राऊंड वाचवा! चंद्रपूरच्या नागरिकांनी बांधकाम बंद पाडले! 🏟️

    Save Ram Bagh Ground Chandrapur

    Save Ram Bagh Ground Chandrapur : चंद्रपूर: शहरातील निसर्गरम्य अशा रामबाग ग्राऊंडवर अचानक जिल्हा परिषदेच्या इमारतीचे बांधकाम सुरू झाल्याने स्थानिक जनता तसेच शहरातील खेळाडू व युवकांमध्ये संतापाची लाट उसळली. या मैदानावर काम सुरू झाल्यानंतर स्थानिक नागरिक व खेळाडूंनी प्रशासनाला हे काम बंद करण्याची विनंती केली. परंतु प्रशासनाने याची दखल घेतली नाही. अखेर या मैदानावर कंत्राटदाराने भला मोठा खड्डा खोदल्यानंतर संतप्त झालेल्या नागरिकांनी आज बुधवार दिनांक 7 मे रोजी सकाळी 9 वाजता जिल्हा परिषदेच्या नविन इमारतीचे बांधकाम बंद पाडले. Chandrapur citizens protest

    मुख्यमंत्री फडणवीस यांच्या हस्ते जिल्हाधिकारी गौडा यांचा सत्कार

    chandrapur citizens protest


    यावेळी मनपाचे माजी नगरसेवक पप्पू देशमुख व राजेश अडुर यांचेसह श्रीकांत भोयर,रविंद्र माडावार,दौलत साटोणे, नवनाथ देरकर, प्रवीण कुमार वडलोरी,माधव डोडाणी,तपन दास,कोमील मडावी,राहुल ठाकरे,प्रफुल बैरम,अक्षय येरगुडे,अमुल रामटेके,अमोल घोडमारे इत्यादी नागरिक व खेळाडू उपस्थित होते.

    उद्या रामबाग मैदानावर निर्णायक बैठक

    रामबाग ग्राऊंड 50 वर्षांपासून सर्वसामान्यांच्या हक्काचे ग्राउंड आहे, येथिल नैसर्गिक सौंदर्य नष्ट करू देणार नाही, इथे सिमेंट काँक्रीटचे जंगल होऊ देणार नाही, इथे कोणत्याही इमारतीचे बांधकाम होऊ देणार नाही,नाही म्हणजे नाही असा दृढ संकल्प नागरिक व खेळाडूंनी केला आहे. याबाबत पुढील भूमिका ठरविण्यासाठी उद्या दिनांक 8 मे रोजी सकाळी 7 वाजता रामबाग मैदानावर निर्णय बैठक घेण्यात येणार आहे.

    सेव्ह रामबाग ग्राउंड

    ‘सेव्ह रामबाग ग्राऊंड, रामबाग मैदान बचाव संघर्ष समिती’ च्या बॅनरखाली या बैठकीचे आयोजन करण्यात आले आहे. या भागातील तसेच शहरातील सर्वसामान्य नागरिक, युवक-युवती व खेळाडूंनी या बैठकीला उपस्थित राहण्याचे आवाहन माजी नगरसेवक पप्पू देशमुख यांनी केले आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by