Sunday on cycle rally : चंद्रपूर – राज्य शासन व युवक सेवा संचालनालय, पुणे यांच्या ‘खेलो इंडिया‘ उपक्रमांतर्गत आणि साई, मुंबईच्या निर्देशानुसार ‘संडे ऑन सायकल’ उपक्रमाचे आयोजन चंद्रपूर जिल्हा क्रीडा अधिकारी कार्यालयाच्या वतीने करण्यात आले. या अंतर्गत आज (दि. 1) सकाळी चंद्रपूर शहरातून भव्य सायकल रॅली काढण्यात आली.
या रॅलीत जिल्हा क्रीडा अधिकारी अविनाश पुंड, तालुका क्रीडा अधिकारी विनोद ठिकरे, जयश्री देवकर, क्रीडा अधिकारी मनोज पंधराम, नंदू अवारे, मोरेश्वर गायकवाड, क्रीडा मार्गदर्शक विजय डोबाळे, संदीप उईके, वरिष्ठ लिपिक रंजना शेवतकर व सर्व कर्मचारी सहभागी झाले होते. रॅलीला हिरवा झेंडा दाखवून जिल्हा क्रीडा अधिकारी अविनाश पुंड यांनी सुरुवात केली. Khelo India cycling event 2025
आरोग्यदायी आणि प्रदूषणमुक्तीचा संदेश
सायकल चालविणे हा एक उत्तम व्यायाम प्रकार असून यामुळे इंधन बचत, प्रदूषण नियंत्रण, आरोग्यवृद्धी आणि साहसवृत्तीचा विकास साधता येतो. ‘फिटनेस का डोज, अर्धा तास रोज’ या घोषवाक्याखाली ही रॅली आयोजित करण्यात आली होती.
सुमारे 10 किलोमीटर अंतराच्या या रॅलीत जनजागृतीपर घोषणांचा समावेश होता. या यशस्वी उपक्रमासाठी क्रीडा मार्गदर्शक विजय डोबाळे, संदीप उईके, क्रीडा अधिकारी मनोज पंधराम, नंदू अवारे, मोरेश्वर गायकवाड व मानधन कर्मचारी यांनी विशेष मेहनत घेतली. खेलो इंडिया चे प्रशिक्षक रोशन भूजाडे यांचे या उपक्रमात मोलाचे सहकार्य लाभले.
congress protest against BJP farmer policy : चंद्रपूर: शेतकऱ्यांच्या विविध मागण्यांसाठी आणि भाजप सरकारच्या शेतकरीविरोधी धोरणांविरोधात आवाज उठवण्यासाठी काँग्रेस पक्षाने आर्णी येथे ‘शेतकरी आत्मसन्मान पदयात्रा व शेतकरी मेळाव्या’ चे आयोजन केले आहे. येत्या मंगळवार, दिनांक ३ जून २०२५ रोजी हा कार्यक्रम संपन्न होणार असून, काँग्रेसचे प्रदेशाध्यक्ष हर्षवर्धनदादा सपकाळ यांची या कार्यक्रमाला प्रमुख उपस्थिती राहणार आहे. या पदयात्रा व मेळाव्याला चंद्रपूर – वणी – आर्णी लोकसभा क्षेत्रातील शेतकऱ्यांनी मोठ्या संख्येने उपस्थित राहण्याचे आवाहन खासदार प्रतिभाताई बाळुभाऊ धानोरकर यांनी केले आहे. harshvardhan sapkal congress padayatra
भाजप सरकारच्या शेतकरी विरोधी धोरणांवर काँग्रेसचा हल्लाबोल
काँग्रेस पक्षाने भाजप सरकारच्या शेतकरी विरोधी धोरणांवर तीव्र नाराजी व्यक्त केली आहे. विद्यमान मुख्यमंत्री देवेंद्र फडणवीस यांनी शेतकऱ्यांना खोटी आश्वासने देऊन सत्ता काबीज केली, असा आरोप काँग्रेसने केला आहे. २०१४ च्या विधानसभा निवडणुकीत भाजपने आपल्या जाहीरनाम्यात शेतकऱ्यांच्या संपूर्ण कर्जमाफीची आणि शेतमालाला हमीभाव देण्याची घोषणा केली होती. मात्र, सत्तेवर आल्यानंतर कर्जमाफी तर दूरच, खत, बियाणे, औषधांचे भाव बेसुमार वाढवले. BJP government’s broken promises to farmers
तसेच, बोगस खते, बियाणे, औषधे आणि तणनाशके शेतकऱ्यास विक्री करणाऱ्या कंपन्यांना अटकाव केला नाही. पिकविम्यातही बेईमानी केली. गेल्या १०-११ वर्षांपासून केंद्र व राज्य सरकारने शेतकरी विरोधी धोरणांचा सपाटा लावला असून, शेतीमालावर गरज नसताना निर्यातबंदी-आणि आयात वाढवून शेतमालाचे भाव पाडण्याचे कारस्थान केल्याचा आरोप काँग्रेसने केला आहे. अर्थसंकल्पातही शेतीवरील खर्चात कपात केल्याने शेतकऱ्यांना आर्थिकदृष्ट्या कंगाल करून सोडल्याचे काँग्रेसने म्हटले आहे.
प्रमुख मागण्या
शेतकऱ्यांची संपूर्ण कर्जमाफी, सरसकट पिकविमा, शेतमालाला हमीभाव, शेतीला मोफत वीज यांसह इतर मागण्यांसाठी काँग्रेस पक्षाने या शेतकरी पदयात्रा व मेळाव्याचे आयोजन केले आहे.
‘दाभडी’तूनच पदयात्रेचे कारण
ही पदयात्रा दाभडी येथूनच सुरू होण्यामागे एक विशेष कारण आहे. चंद्रपूर-वणी-आर्णी लोकसभा क्षेत्रातील यवतमाळ जिल्ह्याच्या आर्णी तालुक्यातील दाभडी या गावी तत्कालीन भाजपचे पंतप्रधान पदाचे दावेदार नरेंद्र मोदींनी २० मार्च २०१४ रोजी ‘चाय पे चर्चा’ नावाने एक स्वप्नरंजित सोहळा घेतला होता. काँग्रेसच्या मते, याच दिवशी शेतकऱ्यांच्या मरणाची मुहूर्तमेढ रोवली गेली, हा शेतकऱ्यांच्या आयुष्यातील काळा दिवस होय.
मोदींनी या ठिकाणी शेतकऱ्यांना भरमसाठ खोटी आश्वासने दिली होती, जी देशाच्या इतिहासात ‘ऐतिहासिक लबाडी’ म्हणून कोरली गेली आहे. या फसवेगिरीवर त्यावेळी भोळ्या शेतकऱ्यांनी विश्वास ठेवला आणि २०१४ ला भाजपचे सरकार स्थापन झाले. देशभरातील शेतकऱ्यांची फसवणूक करून नरेंद्र मोदी देशाचे पंतप्रधान झाले. पहिल्या पाच वर्षांत शेतकऱ्यांसाठी काहीच केले नाही. आपली फसगत झाली हे शेतकऱ्यांच्या लक्षात आले, परंतु २०१९ ची निवडणूक भाजपाने पुलवामा सैनिक हत्याकांडाची भावनिक चाल आखून जिंकली.
आज या आश्वासनांना सुमारे अकरा वर्षांपेक्षा अधिक काळ उलटून गेला आहे. या कालावधीत शेतकऱ्यांची अवस्था मरणाहून वाईट झाली आहे. म्हणूनच, याच दाभडीतून महाराष्ट्र प्रदेश काँग्रेस कमिटीचे अध्यक्ष माननीय हर्षवर्धनजी सपकाळ यांच्या नेतृत्वात ‘शेतकऱ्यांची आत्मसन्मान पदयात्रा’ काढण्याचा काँग्रेस पक्षाने निर्णय घेतला आहे.
कार्यक्रमाचे स्वरूप आणि उपस्थित मान्यवर
मंगळवार, दिनांक ३ जून २०२५ रोजी सकाळी ९:३० वाजता ही शेतकरी आत्मसन्मान पदयात्रा ओंकारेश्वर मंदिर दाभडी, ता. आर्णी येथून सुरू होईल आणि कृषी उत्पन्न बाजार समिती आर्णी येथे पदयात्रेचे रूपांतर शेतकरी मेळाव्यात होईल.
या पदयात्रेत खासदार प्रणितीताई शिंदे, माजी मंत्री यशोमतीताई ठाकूर, खासदार बळवंत वानखडे, खासदार नामदेव किरसान, खासदार प्रशांत पडोळे हे सहभागी होणार आहेत. काँग्रेसचे जेष्ठ नेते माणिकरावजी ठाकरे व माजी मंत्री शिवाजीराव मोघे यांच्यासह यवतमाळ जिल्ह्यातील सर्व नेतेमंडळी या पदयात्रेत सहभागी होणार असल्याची माहिती खासदार प्रतिभाताई धानोरकर यांनी दिली. congress rally for farmers rights 2025
या पदयात्रा व मेळाव्याला शेतकऱ्यांनी आवर्जून उपस्थित राहावे असे आवाहन या विभागाच्या खासदार प्रतिभाताई बाळुभाऊ धानोरकर यांनी केले आहे.
electricity connection for agriculture pump : चंद्रपूर जिल्ह्यातील शेतकऱ्यांनी कृषी पंपाच्या विद्युत जोडणीसाठी भरलेली डिमांडची रक्कम परत करण्याचे आदेश विद्युत विभागाने दिले आहेत. शेतकऱ्यांना संकटात टाकणारे हे आदेश असून याविषयाकडे विशेष लक्ष देऊन शेतकऱ्यांना डिमांडची रक्कम परत न करता ती कायम ठेवून कृषी पंपाची विद्युत जोडणी द्यावी, अशी मागणी राज्याचे माजी वने, सांस्कृतिक कार्य व मत्स्य व्यवसाय मंत्री आमदार श्री. सुधीर मुनगंटीवार यांनी राज्याचे मुख्यमंत्री श्री. देवेंद्रजी फडणवीस यांना केली आहे. Sudhir Mungantiwar farmer electricity request
कृषी पंपाच्या विद्युत जोडणीसाठी भरलेल्या डिमांडबाबत शेतकऱ्यांना भेडसावणाऱ्या समस्यांबाबत अनेक शेतकऱ्यांनी आमदार श्री. सुधीर मुनगंटीवार यांच्याकडे निवेदन देऊन मागणी केली होती. शेतकऱ्यांच्या हितासाठी आमदार श्री. मुनगंटीवार यांनी मुख्यमंत्री श्री. देवेंद्रजी फडणवीस यांना निवेदन देऊन विनंती केली आहे.
९५ टक्के वीजबिल भरणा चंद्रपूर जिल्ह्यातून
चंद्रपूर जिल्हा आदिवासी बहुल असून, वीज निर्मितीच्या क्षेत्रात राज्यातील अग्रणी जिल्ह्यांपैकी एक आहे. या जिल्ह्यात चंद्रपूर महाऔष्णिक विद्युत केंद्राच्या माध्यमातून वीज निर्मिती होते. तसेच महाराष्ट्रातील 95 टक्के वीज बिल भरणा सुद्धा या जिल्ह्यातून होतो. शेतकऱ्यांनी कृषी पंपाच्या विद्युत जोडणीसाठी आवश्यक असलेली डिमांड रक्कम महावितरणकडे भरण्यात आलेली आहे. परंतु विविध कारणामुळे या विद्युत जोडण्या अद्याप दिल्या गेल्या नाही.
डिमांड रक्कम परत न घेता वीज जोडणी द्या
महावितरणने शेतकऱ्यांनी भरलेली डिमांडची रक्कम शेतकऱ्यांना परत करण्याचे (Mahavitaran refund process for farmers) मौखिक आदेश देण्यात आले. त्यामुळे शेतकऱ्यांमध्ये असंतोष पसरलेला आहे. तरी शेतकऱ्यांनी भरलेली डिमांडची रक्कम परत न करता त्यांना कृषी पंपाचे विद्युत जोडण्या विशेषबाब म्हणून उपलब्ध करून द्याव्यात. त्याअनुषंगाने याबाबत नियमानुसार पुढील कार्यवाहीसाठी संबंधितांना आदेश देण्यात यावे, अशी मागणी आमदार श्री. सुधीर मुनगंटीवार यांनी मुख्यमंत्री श्री. देवेंद्रजी फडणवीस यांच्याकडे केली आहे.
elephant movement news update : चंद्रपूर – ओडिसा वरून छत्तीसगड मार्गे गडचिरोलीत दाखल झालेले हत्ती दीड वर्षांनी चंद्रपूर जिल्ह्यात दाखल झाले आहे. पण आता हे हत्ती ताडोबा व्याघ्रप्रकल्पातील बफर क्क्षेत्रात दाखल झाल्याने वनविभागात चिंतेचं वातावरण पसरले आहे. हे हत्ती वैनगंगा नदी ओलांडून सावली वनपरिक्षेत्रात येत असलेल्या गेवरा, डोंगरगाव, निफंद्रा, मेहा या गावातून जंगलाचा मार्गे आले त्यानंतर सिंदेवाही वनपरिक्षेत्र परिसरात ऐन्ट्री करीत गुंजेवाही जंगल मार्गे कळमगाव गन्ना , कुकडहेटी गावपरिसरातून शुक्रवार सकाळच्या सुमारास प्रवेश करीत हत्तीने ऐन्ट्री घेतल्याने दहशत निर्माण झाली आहे. कळमगाव गन्ना कुकडहेटी गावातून रानटी हत्तीने अवागमन केल्याने काही काळ कुतूहल वाटले असले तरी हत्तीने नागरिकांचा पाठलाग केल्याने नागरिकांत भितीचे वातावरण निर्माण झाल्याचे दिसून आले. wild elephant movement
३० मे रोजी गडचिरोली जिल्ह्यातून दोन हत्ती उमा नदी पार करून ताडोबा-अंधारी व्याघ्र प्रकल्पाच्या बफर क्षेत्रातील कुकडहेटी गावात दाखल झाले. त्यानंतर ते कक्ष क्रमांक ८०८, २७०A आणि २७०B मार्गे जंगलाच्या दिशेने रवाना झाले . त्यानंतर काही वेळ त्यांनी नलेश्वर तलावाजवळ खेळण्याचा आनंद घेतला. ३० तारखेच्या रात्रीपर्यंत त्यांच्या पायांचे ठसे कंपार्टमेंट क्रमांक ३१९ मार्गे मुख्य गाभा क्षेत्राच्या दिशेने जात असल्याचे निदर्शनास आले.
घराबाहेर झोपू नका
वन विभागाकडून ईडीसी सदस्य व स्थानिक ग्रामस्थांना सतर्कतेबाबत जागरूक केले जात आहे. पीआरटी आणि ईडीसी टीम्स या कामात सहभागी करण्यात आल्या आहेत. गावकऱ्यांना सावधगिरी बाळगण्याचा तसेच जबाबदारीने वागण्याचा सल्ला दिला जात आहे. जंगलात एकटे फिरणे टाळण्याचे तसेच रात्री घराबाहेर झोपू नये, असेही आवाहन करण्यात येत आहे. how to stay safe from wild elephants
संपर्कातील इतर वनपरिक्षेत्रांतील कर्मचारी, बचाव पथक व एसटीपीएफचे कर्मचारी हत्तींच्या हालचालींचा मागोवा घेत आहेत. या टीम्सना रात्री पाहता येणारी उपकरणे (नाईट व्हिजन), IR ड्रोन आणि हत्ती हुसकावण्यासाठी आवश्यक साहित्य पुरवले आहे. हत्तींच्या हालचालींवर लक्ष ठेवण्यासाठी वन विभागाच्या कर्मचाऱ्यांना उंच ठिकाणी तैनात करण्यात आले आहे.
अफवांपासून दूर रहा
सर्व नागरिकांना अफवांपासून दूर राहण्याचे आवाहन करण्यात येत आहे. तसेच कुठल्याही प्रकारची माहिती असल्यास तात्काळ नजीकच्या वन विभागाच्या कार्यालयाशी संपर्क साधावा.
रानटी हत्ती चंद्रपूर जिल्ह्यातील मानवी वस्त्यांमध्ये का येतात?
जंगल कमी होत असल्यामुळे, अन्नाचा अभाव आणि नैसर्गिक स्थलांतराच्या प्रवृत्तीमुळे हत्ती मानवी वस्त्यांमध्ये येतात.
चंद्रपूर जिल्ह्यात सध्या कोणत्या भागांमध्ये हत्तींची हालचाल आहे?
गेवरा, डोंगरगाव, निफंद्रा, मेहा, कळमगाव गन्ना, कुकडहेटी आणि सिंदेवाही या भागांत हत्तींची उपस्थिती नोंदवली गेली आहे.
how to quit tobacco addiction : चंद्रपूर – राष्ट्रीय तंबाखू नियंत्रण कार्यक्रम, जिल्हा सामान्य रुग्णालय चंद्रपूर व इंडियन डेंटल असोसिएशन चंद्रपूर यांच्या संयुक्त विद्यमाने जागतिक तंबाखू नकार दिन साजरा करण्यात आला. हा कार्यक्रम लोणकर व्यसनमुक्ती, उपचार व पुनर्वसन केंद्र, आरवट येथे जिल्हा शल्य चिकित्सक डॉ. महादेव चिंचोळे यांच्या मार्गदर्शनाखाली संपन्न झाला.
यावर्षीचा संदेश होता – “आकर्षणाचा मुखवटा उतरवूया : तंबाखू आणि निकोटीन उत्पादनांमागील उद्योगांच्या क्लुप्त्या उघड करूया”. कार्यक्रमाचा उद्देश नागरिकांमध्ये तंबाखूजन्य पदार्थांच्या दुष्परिणामांविषयी जागरूकता वाढवणे व COTPA 2003 (सिगारेट व अन्य तंबाखूजन्य पदार्थ नियंत्रण कायदा-२००३) याची प्रभावी अंमलबजावणी यावर भर देणे असा होता.
तंबाखूच्या सेवनाने आरोग्यावर होणारे दुष्परिणाम
कार्यक्रमात डॉ. राजेश टोंगे (इंडियन डेंटल असोसिएशन) यांनी व्यसनांमुळे जीवनशैलीवर होणाऱ्या परिणामांवर सखोल मार्गदर्शन केले. डॉ. श्वेता सावलीकर (जिल्हा सल्लागार, तंबाखू नियंत्रण कार्यक्रम) यांनी तंबाखूच्या सेवनाचे आरोग्यावर होणारे परिणाम व तंबाखू उद्योगांच्या फसव्या प्रचाराची माहिती दिली. तसेच मौखिक कॅन्सर तज्ज्ञ डॉ. आकाश कासटवार यांनी मुख कर्करोगाची लक्षणे, सुरुवात व उपचार पद्धती स्पष्ट केली. impact of tobacco on lifestyle and health
समुपदेशक मित्रांजय निरंजने यांनी व्यसनमुक्तीसाठी उपलब्ध उपचार व पुनर्वसन सेवांविषयी माहिती दिली. तुषार रायपूरे यांनी उपस्थित नागरिकांना तंबाखूमुक्तीची शपथ दिली. सर्व उपस्थितांची मोफत आरोग्य तपासणी व उपचार करण्यात आले.
कार्यक्रमाच्या यशस्वी आयोजनात डॉ. राजेश डोंगरे (प्रेसिडेंट, IDA), डॉ. पियुष लोधे (सेक्रेटरी), डॉ. भार्गव भांडे, डॉ. अमर दुर्योधन, डॉ. आकाश कासटवार, डॉ. श्वेता सावलीकर, मित्रांजय निरंजने व तुषार रायपूरे यांचा मोलाचा सहभाग होता. आयोजकांनी तंबाखूमुक्त समाज घडवण्याचा निर्धार व्यक्त केला असून, युवकांनी तंबाखूजन्य पदार्थांपासून दूर राहावे, असे आवाहनही यावेळी करण्यात आले.
१. तंबाखू नियंत्रण कार्यक्रम म्हणजे काय?
तंबाखू नियंत्रण कार्यक्रम म्हणजे तंबाखूच्या दुष्परिणामांविरोधात जागरूकता वाढवणे, व्यसनमुक्तीची मदत करणे आणि तंबाखूजन्य पदार्थांच्या वापरावर नियंत्रण ठेवण्यासाठी केलेले उपाययोजना.
२. तंबाखू सेवनामुळे काय धोके असतात?
तंबाखू सेवनामुळे मुखाचा कॅन्सर, फुफ्फुसाचा कॅन्सर, हृदयविकार, श्वसन विकार आणि इतर गंभीर आजार होण्याचा धोका वाढतो.
३. तंबाखूमुक्त होण्यासाठी मी काय करू शकतो?
व्यसन सोडण्याचा निर्धार करणे, व्यसनमुक्ती केंद्राचा संपर्क करणे, आणि डॉक्टरांचा सल्ला घेणे महत्त्वाचे आहे.
४. तंबाखूजन्य पदार्थांच्या उद्योगांमागील फसव्या प्रचाराचा धोका काय आहे?
ते लोकांना चुकीची माहिती देऊन तंबाखू वापरण्यास प्रवृत्त करतात, ज्यामुळे आरोग्यावर मोठा नकारात्मक परिणाम होतो.
Fish market development fund approval : चंद्रपूर – पंतप्रधान विकास निधी अंतर्गत बंगाली कॅम्प येथील मच्छी मार्केटसाठी 5 कोटी रुपयांचा निधी मंजूर झाला आहे. हा निधी म्हणजे आपल्या सर्वांच्या विकासाची नवी दिशा आहे. या नव्या मार्केटच्या कामामुळे काही व्यापाऱ्यांना तात्पुरत्या अडचणी येत आहेत, मात्र आपल्या सर्व अडचणी सोडविल्या जातील, असे आमदार किशोर जोरगेवार यांनी म्हटले असून नवे मार्केट उभे होईपर्यंत आपला व्यवसाय व्यवस्थित चालावा यासाठी लगतची जागा आरक्षित केली आहे. येथे स्वच्छता, पाणी, स्वच्छतागृह, प्रत्येक व्यापाऱ्याला तात्पुरते मीटर, जाण्यासाठी मार्ग आदी सुविधा उपलब्ध करून देण्याचे निर्देश त्यांनी मनपा प्रशासनाला दिले आहेत.
आज जनसंपर्क कार्यालयात मच्छी व्यावसायिकांनी आमदार किशोर जोरगेवार यांची भेट घेऊन त्यांच्या समस्या मांडल्या. यावेळी त्या सर्व समस्यांचे तात्काळ निराकरण करण्याचे निर्देश आमदार किशोर जोरगेवार यांनी मनपा प्रशासनाला दिले. यावेळी भारतीय जनता पार्टीचे नेते सुभाष कासनगोट्टूवार, चंदू वासाडे, विश्वजीत शहा, गोपाल दिवाण, रामजय राजवंशी, अशोक दत्ता, नारायण दास, संजय रॉय, नरथ्थम दास, संजय बिश्वास आदींची प्रमुख उपस्थिती होती. Temporary market space for fish vendors
विदर्भातील सर्वात उत्तम मच्छी मार्केट
यावेळी व्यापाऱ्यांशी बोलताना आ. जोरगेवार म्हणाले की, तुमच्या मागण्या मी गांभीर्याने ऐकल्या आणि लक्षात घेतल्या आहेत. कोणत्याही व्यापाऱ्याचे नुकसान होऊ देणार नाही. विदर्भातील सर्वात उत्तम मच्छी मार्केट बनविण्याचा आमचा प्रामाणिक संकल्प आहे. या मार्केटमुळे केवळ परिसराचा विकास होणार नाही, तर सर्वांना एक सुसज्ज, सुरक्षित आणि स्वच्छ जागा मिळणार आहे. या मार्केटमध्ये मोठ्या व्यापाऱ्यांसह लहान व्यापाऱ्यांचाही सन्मान आणि विचार करण्यात आला आहे. त्यामुळे छोटे व्यापारी आणि गाडेधारक यांच्यासाठीही खास जागा राखीव ठेवण्यात येणार आहे.
काम पूर्ण होईपर्यंत व्यापाऱ्यांचा व्यवसाय सुरु राहिली पाहिजे. यासाठी तात्पुरत्या स्वरूपात शेजारील जागा मच्छी विक्रेत्यांसाठी उपलब्ध करून देण्यात येईल. तिथे नळ, लाईट आणि पाण्याची योग्य सोय केली जाईल. आपल्या मच्छी मार्केटचा विकास हा केवळ इमारत उभारण्याचा प्रश्न नाही, तर हा तुमच्या हक्कांचा सन्मान आणि तुमच्या व्यवसायाच्या वृद्धीचा प्रश्न आहे. तुम्हाला कोणत्याही प्रकारची अडचण निर्माण होणार नाही, असे यावेळी आमदार किशोर जोरगेवार म्हणाले. यावेळी मच्छी व्यावसायिकांची मोठ्या संख्येने उपस्थिती होती.
Balubhau Dhanorkar tribute event : चंद्रपूर : चंद्रपूर-वणी-आर्णी लोकसभा क्षेत्राचे लोकप्रिय दिवंगत खासदार बाळुभाऊ धानोरकर यांच्या द्वितीय पुण्यतिथीनिमित्त आयोजित ‘आठवणीतले बाळूभाऊ’ हा पुण्यस्मरण कार्यक्रम काल, शुक्रवार, दिनांक ३० मे २०२५ रोजी सायंकाळी वरोरा येथील शगुन हॉलमध्ये भावपूर्ण वातावरणात संपन्न झाला. बाळुभाऊंच्या स्मृतींना उजाळा देण्यासाठी आणि त्यांना आदरांजली वाहण्यासाठी आयोजित या कार्यक्रमाला जिल्ह्याच्या कानाकोपऱ्यातून नागरिक, कार्यकर्ते आणि हितचिंतक मोठ्या संख्येने उपस्थित होते.
या कार्यक्रमाच्या अध्यक्षस्थानी काँग्रेस पक्षाचे माजी प्रदेशाध्यक्ष तथा आमदार नानाभाऊ पटोले होते. त्यांनी बाळुभाऊंच्या कार्याचे कौतुक करत त्यांच्या लोककल्याणकारी दृष्टिकोनाचे महत्त्व अधोरेखित केले.
याप्रसंगी काँग्रेसचे माजी प्रदेशाध्यक्ष आमदार नानाभाऊ पटोले, खासदार प्रतिभाताई धानोरकर, खासदार नामदेवराव किरसान, माजी मंत्री तथा आमदार सुधीरभाऊ मुनगंटीवार, आमदार सुधाकरजी अडबाले, आमदार अभिजीतजी वंजारी,आमदार किशोर जोरगेवार, आमदार संजयजी दरेकर, आमदार कीर्तीकुमार भांगडीया, माजी मंत्री शिवाजीराव मोघे, काँग्रेस जिल्हा अध्यक्ष माजी आमदार सुभाषभाऊ धोटे, माजी आमदार वामनराव कासावार, माजी आमदार संजीवरेड्डी बोदकुलवार, माजी आमदार विश्वासजी नांदेकर,
माजी आमदार अविनाश वारजुरकर, माजी आमदार ख्वाजा बेग, रघुवीर अहिर, काँग्रेसचे चंद्रपूर जिल्हा प्रभारी मुजीब पठाण, काँग्रेस शहर जिल्हाध्यक्ष रामू तिवारी, राष्ट्रवादी काँग्रेसचे जिल्हाध्यक्ष राजेंद्र वैद्य, जिल्हाध्यक्ष रविंद्रजी शिंदे, माजी नगराध्यक्ष अरुण धोटे, शिवसेना (शिंदे गट), शिवसेना (उबाठा) जिल्हाध्यक्ष संदिप गिहे, मनसे चंद्रपूर जिल्हाध्यक्ष राहुल बालमवार, राष्ट्रवादी काँग्रेस चंद्रपूर जिल्हाध्यक्ष नितीन भटारकर, शिवसेना (उबाठा) जिल्हाध्यक्ष नितीनजी मत्ते आणि मनसे चंद्रपूर जिल्हाध्यक्ष मनदीप रोडे, सुरजकुमार बोबडे यासह अन्य मान्यवरांची उपस्थिती होती. Balubhau Dhanorkar tribute event
कार्यक्रमादरम्यान, बाळुभाऊ धानोरकर यांनी चंद्रपूर जिल्ह्याच्या विकासासाठी आणि सर्वसामान्यांच्या हितासाठी केलेल्या योगदानाला सलाम करण्यात आला. अनेक वक्त्यांनी बाळुभाऊंच्या साधेपणाची, व्यापक जनसंपर्काची आणि लोकसेवेच्या त्यांच्या तळमळीची आठवण करून दिली. त्यांच्या आदर्श कार्याची प्रेरणा घेऊन पुढे जाण्याचा संकल्प यावेळी अनेकांनी केला. MP Balubhau Dhanorkar legacy
शेकडो ऑटोचालकांना विमा संरक्षण कवच आणि सामाजिक उपक्रम
या कार्यक्रमाचे एक महत्त्वाचे वैशिष्ट्य म्हणजे यावेळी शेकडो ऑटो चालकांना प्रत्येकी दहा लक्ष रुपयांचे विमा संरक्षण कवच प्रदान करण्यात आले. या विमा कवचाची एकूण रक्कम पाच कोटी रुपयांपर्यंत पोहोचणार आहे. तसेच, सामाजिक उपक्रमांतर्गत कल्पतरू गणेश मंडळास वातानुकूलित शव पेटी भेट देण्यात आली. बाळूभाऊंच्या समाजसेवेच्या वृत्तीचे स्मरण करून देणारा हा उपक्रम उपस्थितांसाठी प्रेरणादायी ठरला. Insurance for Indian auto drivers 2025
बाळुभाऊ धानोरकर मित्र परिवाराने चंद्रपूर-वणी-आर्णी लोकसभा क्षेत्रातील सर्व नागरिक, कार्यकर्ते आणि हितचिंतक यांनी मोठ्या संख्येने उपस्थित राहून दिवंगत खासदार बाळूभाऊ धानोरकर यांना आदरांजली वाहिली आणि त्यांच्या स्मृतींना वंदन केले. कार्यक्रमाचे सूत्रसंचालन डॉ प्रशांत खुळे यांनी तर प्रास्ताविक पंडित लोंढे केले. प्रवीण काकडे यांनी आभार मानले.
हा कार्यक्रम बाळुभाऊंच्या कार्याचे आणि त्यांच्या व्यक्तिमत्त्वाचे स्मरण करणारा एक यशस्वी कार्यक्रम ठरला.
Chandrapur crime case solved : चंद्रपूर – कुठं जायचं आहे? चल सोडून देतो. असे म्हणत बस ची वाट बघणाऱ्या प्रवाश्याला जुनोना गावाकडे जाणाऱ्या मार्गावरील झुडपात नेत मारहाण करीत त्याच्याजवळील मोबाईल, रोख रक्कम व सोन्याचे दागिने दोघांनी लुटले. प्रवाशाने हिम्मत दाखवीत याबाबत रामनगर पोलिसात तक्रार दिली, पोलिसांनी शिताफीने तपास करीत या प्रकरणी दोघांना अटक केली.
२९ मे रोजी चंद्रपुरातील बंगाली कॅम्प चौकात गडचिरोली जिल्ह्यातील चामोर्शी निवासी गोपेश गोविंद कुंडू हा गावी जाण्यासाठी बसची वाट बघत होता, यावेळी २ युवकांनी कुठे जायचे आहे? असे गोपेश ला विचारले, चल तुला बल्लारशाह सोडतो आमच्या सोबत चल असे म्हणत गोपेश ला दुचाकी वाहनावर बसवून नेले.
मात्र गोपेश ला त्या २ युवकांनी बल्लारशाह कडे न नेता जुनोना चौक ते जुनोना गावाकडे जाणाऱ्या मार्गावरील झाडाझुडपात नेत गोपेश ला मारहाण करीत त्याच्याजवळील सोन्याचे दागिने, रोख व मोबाईल असा माल बळजबरीने काढत दोघांनी पळ काढला. Chandrapur crime news today
गोपेश घाबरला पण?
अचानक घडलेल्या या प्रकाराने गोपेश घाबरला होता, मात्र त्याने हिम्मत करीत दुसऱ्यासोबत असा प्रकार घडता कामा नये व आपल्याजवळील रोख, दागिने व मोबाईल मिळावा यासाठी त्याने तात्काळ रामनगर पोलीस ठाणे गाठत, घडलेल्या प्रकारची तक्रार दाखल केली.
पोलिसांनी अज्ञात आरोपीवर कलम ३०९ (६), ३ (५) अंतर्गत गुन्हा दाखल करीत तपास सुरु केला. गोपनीय माहितीच्या आधारे रामनगर पोलिसांनी अत्यन्त शिताफीने ३० वर्षीय स्मित राजेश्वर कोटे, ३१ वर्षीय प्रकाश भुरेलाल कबीरदास दोघेही राहणार बल्लारशाह यांना अटक केली.
पोलिसांनी आरोपीकडून फिर्यादी गोपेश चा मोबाईल, रोख रक्कम व दागिने सहित गुन्ह्यात वापरलेली मोटारसायकल असा एकूण १ लक्ष २८ हजारांचा मुद्देमाल जप्त केला.
सदरची यशस्वी कारवाई पोलीस अधीक्षक मूमक्का सुदर्शन, अप्पर पोलीस अधीक्षक रीना जनबंधू, उपविभागीय पोलीस अधिकारी सुधाकर यादव यांच्या मार्गदर्शनात पोलीस निरीक्षक आसिफराजा शेख, सपोनि देवाजी नरोटे, सपोनि हनुमान उगले, पोलीस कर्मचारी जितेंद्र आकरे, शरद कुडे, आनंद खरात, लालू यादव, प्रशांत शेंद्रे, पेतरस सिडाम, सचिन गुरुनुले, मनीषा मोरे, रवीकुमार ढेंगळे, संदीप कामडी, हिरा गुप्ता, पंकज ठोंबरे, प्रफुल पुप्पलवार, ब्ल्यूटी साखरे यांनी केली.
Sudhir Mungantiwar on tiger attacks : चंद्रपूर – जिल्ह्यात वाघांच्या वाढत्या हल्ल्यांमुळे गावकऱ्यांमध्ये भीतीचे वातावरण निर्माण झाले आहे. गेल्या दीड महिन्यात नऊ जणांना आपला जीव गमवावा लागला आहे. त्यामुळे लोकांमध्ये असंतोष पसरत चालला आहे. या वाढत्या हल्ल्यांमुळे नाहक जीवितहानी होत असल्याने ही बैठक आयोजित करण्यात आली. ग्रामस्थ तसेच जनावरांच्या जीवित नुकसानीची गंभीरता लक्षात घेऊन, वनविभागाने वाघांच्या होणाऱ्या हल्ल्यांवर नियंत्रण मिळवण्यासाठी आवश्यक कार्यवाही करावी, असे निर्देश राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी बैठकीत दिले. Sudhir Mungantiwar on tiger attacks
मुल तालुक्यातील वाघांच्या हल्ल्यांत ठार झालेल्या नागरिकांसंदर्भात वनविभागाच्या अधिकाऱ्यांसमवेत रामबाग विश्रामगृह येथे बैठकीचे आयोजन करण्यात आले होते.
यावेळी मुख्य वनसंरक्षक डॉ. जितेंद्र रामगावकर, वनसंरक्षक तथा ताडोबा अंधारी व्याघ्र प्रकल्पाचे क्षेत्र संचालक प्रभुनाथ शुक्ला, उपसंचालक (बफर) कुशाग्र पाठक, उपवनसंरक्षक श्वेता बोड्डू, मूलचे उपविभागीय अधिकारी अजय चरडे, तहसीलदार मृदुला मोरे, विभागीय वनअधिकारी (प्रोटेक्शन) निकिता चौरे, सहाय्यक वनसंरक्षक (बफर) संकेत वाठोरे, आदेश शेडंगी, सार्वजनिक बांधकाम विभागाचे कार्यकारी अभियंता मुकेश टांगले, वनपरिक्षेत्र अधिकारी राहुल कारेकार, प्रियंका वेलमे आदींची उपस्थिती होती.
शेतकऱ्यांना बांबू उपलब्ध करून द्या
आमदार श्री. सुधीर मुनगंटीवार म्हणाले, भगवानपूर गावातील वाढत्या मानव वन्यजीव संघर्षाच्या पार्श्वभूमीवर तातडीने कुंपण मंजूर करून घेणे. मुल तालुक्यातील शेतकऱ्यांना जंगलामध्ये पडून असणारे बांबू कुंपणासाठी उपलब्ध करून द्यावेत.या साठी वनविभागाने गावात जाऊन शेतकऱ्यांची नोंदणी करावी व शेतकऱ्यांना बांबूचा पुरवठा करावा. एफडीसीएमसह वनविभागाने कुंपणासाठी लागणारे अंदाजपत्रक तयार करावे. भगवानपूर रस्त्याच्या दोन्ही बाजूंना 20 मीटर अंतरावरील झुडपे कापण्यात यावीत. bamboo fencing to stop wildlife
वाघाचे होणारे हल्ले टाळण्यासाठी सरपनासाठी कोणीही जंगलात जाऊ नये. गावकऱ्यांना सरपन आवश्यक असल्यास त्यांनी वनविभागाशी संपर्क साधावा. यासाठी शेतकऱ्यांची नोंदणी करण्यात येऊन त्यांना वनविभागाकडून सरपन उपलब्ध करून देण्यात यावे.
२२ वाघ जेरबंद
गत दीड महिन्यात वाघाच्या हल्ल्यांमध्ये नऊ ग्रामस्थांचा मृत्यू झाला असून, याबाबत वनविभागाने वाघांची अचूक माहिती घ्यावी. मागील दोन वर्षांत 22 वाघांना पकडण्यात आले आहे. जिल्ह्यातील वाढत्या मानव-वन्यजीव संघर्षाचा विचार करता, अशा घटना टाळण्यासाठी आणि प्रसंगी तातडीने प्रतिसाद देण्यासाठी प्रत्येक विभागामध्ये प्राथमिक बचाव दल (PRT) तैनात करण्यात आले असून, त्यात एकूण 917 सदस्य कार्यरत आहेत. increasing tiger attacks in villages
शेतकऱ्यांसाठी ई-पिक पाहणीद्वारे जशी पिकांची माहिती संगणकीकृत प्रणालीतून गोळा केली जाते, तशीच एक सुसंगत प्रणाली वनविभागासाठीही तयार करता येईल. सोलर कुंपणाच्या बाबतीत तांत्रिक माहिती घेऊन स्वतंत्र माहितीपत्रक तयार करावे.
दुर्गापूर परिसरात बिबट्याचा वावर अधिक असल्याने दुर्गापुर, वनअकॅडमी पासून ते सिनाळा गावापर्यंत ॲडव्हान्स सोलर फेंसिंग करण्यासाठी कॅम्पाकडे प्रस्ताव पाठविण्यात आला आहे. निधीस मंजूरी मिळालेली असली तरी अद्याप निधी प्राप्त झालेला नाही. याबाबत पाठपुरावा करावा. ख्रिश्चन समाजाला दफनभूमीसाठी प्रधान मुख्य वनसंरक्षक कार्यालयाकडून वाईल्डलाईफ क्लिअरन्स घेण्याची आवश्यकता असल्याचेही आमदार श्री. मुनगंटीवार म्हणाले.
पिपरी दीक्षित येथील स्मशानभूमीची जागा महसूल विभागाच्या अखत्यारीतील असून त्याला लागूनच वनविभागाची जागा आहे; मात्र, वनविभागाकडून चुकीची मोजणी करण्यात आली असून चुकीचा नकाशा तयार करण्यात आला आहे. याबाबत मुल तहसीलदारांनी विशेष लक्ष देवून पाठपुरावा करावा.
वनविभाग व सार्वजनिक बांधकाम विभाग यांनी समन्वय साधून मूल बायपासचा प्रश्न महिनाभरात मार्गी लावावा.
नागरिक वनविभागाच्या नियमांचे पालन करीत नाही
तेंदूपत्ता हंगामात 50 ते 60 हजार लोक जंगलात जातात, मात्र ते वनविभागाच्या नियमांचे पालन करत नाहीत तसेच ठरावीक समूहांमध्ये राहत नाहीत, त्यामुळे वनविभागाला जंगलावर नियंत्रण ठेवणे कठीण जाते. परिणामी, वाघांचे हल्ले वाढून मनुष्यहानी होते. अशी माहिती मुख्य वनसंरक्षक डाॅ.जितेंद्र रामगावकर यांनी दिली.
❓ प्रश्न 1: चंद्रपूर जिल्ह्यात वाघांच्या हल्ल्यांमध्ये वाढ का झाली आहे?
शेतीसाठी जंगलालगत जाणाऱ्या नागरिकांची वाढती वर्दळ, सरपणासाठी जंगलात जाणे, तसेच तेंदूपत्ता हंगामात हजारो लोकांचा जंगलात वावर वाढल्याने वाघ व माणसांमध्ये थेट संपर्क होतो. परिणामी वाघांच्या हल्ल्यांत वाढ झाली आहे.
❓ प्रश्न 2: वाघांच्या हल्ल्यांपासून गावकऱ्यांचे संरक्षण करण्यासाठी काय उपाययोजना करण्यात आल्या आहेत?
राज्याचे माजी वनमंत्री सुधीर मुनगंटीवार यांच्या अध्यक्षतेखाली झालेल्या बैठकीत कुंपण (बांबू व सोलर) उभारणे, सरपणासाठी स्वतंत्र यंत्रणा, आणि प्राथमिक बचाव पथक (PRT) तैनात करण्याचे निर्देश देण्यात आले आहेत.
❓ प्रश्न 4: वाघ किंवा इतर वन्य प्राणी गावाजवळ दिसल्यास काय करावे?
गावकऱ्यांनी वनविभागाशी तात्काळ संपर्क साधावा. वन्य प्राण्यांपासून दूर राहावे, आवाज करून त्यांना चिडवू नये. अशा प्राण्यांच्या हालचालीबाबत वनविभागाला त्वरित माहिती द्यावी.
BJP Chandrapur new city president : चंद्रपूर – चंद्रपूर महानगर भाजपला नवा अध्यक्ष मिळाला असून माजी नगरसेवक सुभाष कासनगोट्टूवार यांची अध्यक्षपदी वर्णी लागली आहे, काही दिवसांपूर्वी राज्यातील भात अध्यक्षांच्या निवडीची यादी जाहीर झाली होती मात्र काही ठिकाणी स्थानिक वाद असल्याने अध्यक्षपद जाहीर करण्यात आले नव्हते.
चंद्रपूर भाजपमध्ये दोन आमदारांमध्ये चढाओढ सुरु असल्याने अध्यक्षपद जाहीर करण्यासाठी महाराष्ट्र भाजपने वेळ लावला, आमदार सुधीर मुनगंटीवार व आमदार किशोर जोरगेवार यांच्यामध्ये आपल्या समर्थकांची वर्णी लागावी यासाठी प्रयत्नशील होते, त्यामुळे अध्यक्षपद निवड प्रक्रिया लांबली.
मात्र आज महाराष्ट्र भाजपने यादी जाहीर केली असून त्यामध्ये चंद्रपूर जिल्हा ग्रामीण भाजपच्या अध्यक्षपदावर हरीश शर्मा यांची पुनर्नियुक्ती तर चंद्रपूर महानगर अध्यक्ष राहुल पावडे यांच्या जागी माजी नगरसेवक सुभाष कासनगोट्टूवार यांनी निवड केली. सुभाष कासनगोट्टूवार हे आमदार किशोर जोरगेवार यांचे समर्थक आहे. तर माजी अध्यक्ष हे सुधीर मुनगंटीवार यांचे कट्टर समर्थक आहे. Subhash Kasangottuwar BJP leader
भाजपचे प्रदर्शन निराशाजनक
लोकसभा निवडणुकीत चंद्रपूर शहरातील भाजपचे प्रदर्शन निराशाजनक राहिले, विधानसभा निवडणुकीत सुद्धा तीच अवस्था होती, मात्र आमदार जोरगेवार यांच्या लोकप्रियतेमुळे ते भाजपमधून निवडून आले. २०१९ च्या लोकसभा निवडणुकीत सुद्धा भाजपचे प्रदर्शन अत्यन्त निराशाजनक राहिले होते. येणाऱ्या काही महिन्यात स्थानिक स्वराज्य संस्थेच्या निवडणूका लागणार असल्याने त्यापूर्वी भाजपने नवी राजकीय खेळी करीत अध्यक्षपदांमध्ये मोठे फेरबदल केले आहे. Subhash Kasangottuwar public support
ख़ुशी आणि गम
सुभाष कासनगोट्टूवार हे भाजप पक्षात मागील अनेक वर्षांपासून सक्रिय आहे, त्यांचं जनसंपर्क कार्यालय बघून आमदार यांच्या कार्यालयात जितकी गर्दी नसते त्यापेक्षा जास्त गर्दी कासनगोट्टूवार यांच्या जनसंरक कार्यालयात असते, त्यांच्याजवळ कार्यकर्ता व सामान्य जनतेची मोठी फळी आहे. भाजप पक्षाला कासनगोट्टूवार यांचा मोठा फायदा होणार हे नक्कीचं. विशेष बाब म्हणजे चंद्रपूर महानगरातील प्रत्येक सामान्य कार्यकर्ता कासनगोट्टूवार यांच्याशी जुडलेला आहे. त्यांचा राजकीय अनुभव दांडगा आहे. विशेष बाब म्हणजे चंद्रपूर महानगर अध्यक्ष पदावर बदल झाल्याने एका गटात ख़ुशी तर एका गटात गम पसरले आहे.
