My Blog

Tag: चंद्रपूर राजकारण

  • CDCC Bank Chandrapur Election Results । CDCC बँकेच्या निकालात धक्कातंत्र! एका मताने विजय, ईश्वरचिठ्ठीने नशिब उजळले

    CDCC Bank Chandrapur Election Results

    CDCC Bank Chandrapur Election Results : चंद्रपूर, ११ जुलै: चंद्रपूर जिल्हा मध्यवर्ती सहकारी बँकेच्या निवडणुकीचे निकाल आज जाहीर झाले असून, अनेक धक्कादायक निकाल समोर आले आहेत. २१ संचालक असलेल्या या बँकेत १३ संचालक यापूर्वीच बिनविरोध निवडून आले होते. उर्वरित ८ जागांसाठी झालेल्या निवडणुकीत अटीतटीची लढत पाहायला मिळाली, ज्यात एका मताने विजय आणि ईश्वरचिठ्ठीने निकाल असे प्रसंग घडले. या निकालानंतर काँग्रेस आणि भाजप या दोन्ही पक्षांनी बँकेवर बहुमत असल्याचा दावा करत अध्यक्षपदासाठी जुळवाजुळव सुरू केली आहे. chandrapur cooperative bank election results

    आगामी स्थानिक स्वराज्य संस्थांच्या निवडणुकीत आप मैदानात

    आज सकाळी चांदा इंडस्ट्रियल सोसायटी येथे मतमोजणीला सुरुवात झाली. चंद्रपूर तालुका ‘अ’ गटाचा पहिलाच निकाल अत्यंत रोमांचक ठरला. काँग्रेसचे दिनेश चोखारे यांनी भाजपचे सुभाष रघाताटे यांचा अवघ्या एका मताने पराभव केला. चोखारे यांना १५, तर रघाताटे यांना १४ मते मिळाली. काल मतदान प्रक्रियेदरम्यान दोन्ही उमेदवारांच्या समर्थकांमध्ये राडा झाल्याची घटनाही घडली होती.

    प्रमुख लढती आणि निकाल:

    • वरोरा तालुका ‘अ’ गट: या गटात जयंत टेमुर्डे यांनी बँकेचे विद्यमान संचालक डॉ. विजय देवतळे यांचा पराभव करत विजय मिळवला.
    • सिंदेवाही ‘अ’ गट: येथे निशिकांत बोरकर यांनी प्रकाश बन्सोड यांचा पराभव करून जागा पटकावली.
    • राजुरा ‘अ’ गट: भाजपचे माजी आमदार सुदर्शन निमकर आणि नागेश्वर ठेंगणे यांच्यात झालेल्या अटीतटीच्या लढतीत दोघांनाही प्रत्येकी बारा मते मिळाली. त्यामुळे ईश्वरचिठ्ठी काढण्यात आली, ज्यात निमकर विजयी झाले.
    • ‘ब’ गट दोन (सावली): या गटातून रोहित बोम्मावार यांनी विक्रमी २१३ मते घेत दणदणीत विजय मिळवला. त्यांच्या विरोधात किशोर ढुमणे यांना ६७, तर उमाकांत धांडे यांना केवळ ९ मते मिळाली.
    • अनुसूचित जाती (SC) गट: ललित मोटघरे यांनी ५३२ मतांसह विजय संपादन केला.
    • अनुसूचित जमाती (STVJN) गट: यशवंत दिघोरे ३७२ मतांसह विजयी झाले. त्यांनी बँकेचे विद्यमान संचालक दामोदर रुयारकर (२६६ मते) यांचा पराभव केला.
    • इतर मागासवर्गीय (OBC) गट: गजानन वासुदेव पाथोडे यांना ३०० मते मिळाली, तर त्यांचे प्रतिस्पर्धी श्यामकांत सीताराम थेरे यांना २९८ मते मिळाली. political influence in cooperative bank elections

    बिनविरोध संचालक:

    या निवडणुकीपूर्वीच बँकेच्या १३ जागा बिनविरोध निवडून आल्या होत्या. यामध्ये रवींद्र शिंदे, संतोष रावत, संदीप गड्डमवार, डॉ. अनिल वाढई, संजय डोंगरे, विलास मोगरकर, उल्हास करपे, गणेश तर्वेकर, दामोदर मिसार, खासदार प्रतिभा धानोरकर, नंदा अल्लूरवार, विजय बावणे आणि आवेश खान पठाण यांचा समावेश आहे.

    अध्यक्षपदासाठी चुरस:

    जिल्हा मध्यवर्ती बँकेच्या संचालक मंडळाच्या निकालानंतर काँग्रेस आणि भाजप दोन्ही पक्षांमध्ये उत्साहाचे वातावरण आहे. सध्या अध्यक्षपदाची माळ कुणाच्या गळ्यात पडणार, याबद्दल सस्पेन्स कायम आहे. मात्र, दोन्ही पक्षांनी आपापले बहुमत असल्याचा आणि अध्यक्ष आपलाच होणार असल्याचा विश्वास व्यक्त केला आहे. लवकरच अध्यक्ष निवडीचा कार्यक्रम जाहीर होणार असून, तोपर्यंत दोन्ही पक्षांचे लक्ष संचालक मंडळावर आहे. या अध्यक्षपदाच्या निवड प्रक्रियेत संचालक मंडळाचा “घोडेबाजार” होण्याची शक्यता वर्तवली जात आहे. district cooperative bank chairman election news

    आता पाहूया, चंद्रपूर जिल्हा मध्यवर्ती सहकारी बँकेच्या अध्यक्षपदाची खुर्ची कोणत्या पक्षाच्या ताब्यात येते!

  • Aap Chandrapur : चंद्रपुरात आम आदमी पक्षाचे रस्ता रोको आंदोलन

    Aap Chandrapur : चंद्रपुरात आम आदमी पक्षाचे रस्ता रोको आंदोलन

    News34 chandrapur

    चंद्रपूर – चंद्रपूर-बायपास मार्गावरील जीवघेणा रेल्वे ओवरब्रिज वर टोल कंपनी व सार्वजनिक बांधकाम विभागाने काम न केल्याने आज 20 फेब्रुवारीला रस्ता रोको आंदोलन करण्यात आले. Chandrapur district

     

    आम आदमी पार्टीचे युवा जिल्हाध्यक्ष राजू कुडे यांच्या नेतृत्वात रस्ता रोको आंदोलन करण्यात आले.

     

    चंद्रपूर-बल्लारपूर राष्ट्रीय महामार्गावरील पुलावर वर्ष 2023 ला भीषण अपघात झाला होता त्या अपघातामध्ये 4 नागरिकांचा बळी गेला, त्या ओवरब्रिज वर काम करण्याची परवानगी वर्ष 2021 ला मिळाली होती, मात्र प्रशासनाने ते काम केलं नाही, विशेष बाब म्हणजे सदर पुलाचे काम टोल कंपनीला करायचे होते, मात्र काम न करता टोल कंपनीने अस्तित्वात नसलेल्या पुलाची टोल वसुली सुरू केली. Road block movement

     

    याविरोधात सार्वजनिक बांधकाम विभाग व टोल कंपनी विरुद्ध आम आदमी पार्टीतर्फे रस्ता रोको आंदोलन करण्यात आले, यावेळी आंदोलनादरम्यान काही काळ वाहतूक विस्कळीत झाली होती.
    परिस्थिती चिघळत असताना पोलिसांनी आंदोलकांना डिटेन केले. Aam Aadmi Party

     

    यावेळी आंदोलक राजू कुडे यांनी सांगितले की प्रशासनाने आमचे आंदोलन चिघळण्याचा प्रयत्न केला, आज झालेलं रस्ता रोको ही सुरुवात आहे, यानंतर सार्वजनिक बांधकाम विभागाच्या कार्यालयात ठिय्या आंदोलन व त्यानंतर टोल कंपनी विरोधात आंदोलन उभारणार अशी माहिती दिली.

    आंदोलनात आप जिल्हाध्यक्ष मयूर राईकवार, सुनील मुसळे व आप च्या कार्यकर्त्यांची उपस्थिती होती.

  • Sindewahi Development : विकास संकल्पनेतून सिंदेवाही शहराचा चेहरा मोहरा बदलविणार – विरोधी पक्षनेते विजय वडेट्टीवार

    Sindewahi Development : विकास संकल्पनेतून सिंदेवाही शहराचा चेहरा मोहरा बदलविणार – विरोधी पक्षनेते विजय वडेट्टीवार

    News34 chandrapur

    सिंदेवाही – जनतेने मला सेवा करण्याकरिता लोकप्रतिनिधित्वाची संधी दिली. नागरिकांच्या या आशावादी विश्वासाला मी कदापिही तडा न जाऊ देता सदैव जनतेच्या सेवेकरिता अधिक तत्परतेने कार्य करेन. नागरिकांच्या मूलभूत सुविधांसह इतर सोयी सुविधांसाठी शासन स्तरावरून आवश्यक तेवढा निधी खेचून आणून माझ्या विकास संकल्पनेतून सिंदेवाही शहराचा चेहरा मोहरा बदलविणार असे प्रतिपादन राज्याचे विरोधी पक्षनेते विजय वडेट्टीवार यांनी केले. ते सिंदेवाही लोनवाही नगरपंचायत द्वारे आयोजित शहरातील 35 कोटींच्या विकास कामांचे भूमिपूजन व लोकार्पण सोहळ्याप्रसंगी बोलत होते. Opposition leader vijay wadettiwar
    आयोजित कार्यक्रमास गडचिरोली काँग्रेसचे माजी जिल्हाध्यक्ष हसन गिलानी, सिंदेवाही तालुका काँग्रेसचे ज्येष्ठ नेते रघुनाथजी शेंडे, चंद्रशेखर चन्ने, बाबुरावजी गेडाम, हरिभाऊ बारेकर, डॉ.केशव शेंडे, सुदाम खोब्रागडे, तालुकाध्यक्ष रमाकांत लोधे ,शहराध्यक्ष सुनील उटलवार, वीरेंद्र जयस्वाल,नगराध्यक्ष स्वप्निल कावळे उपनगराध्यक्ष मयूर सुचक, राहुल पोरेडीवार, श्रावण नागदेवते, महिला तालुका काँग्रेस अध्यक्ष सीमा सहारे, शहराध्यक्ष प्रीती सागरे, तथा सर्व विभागाचे प्रशासकीय अधिकारी, नगरपंचायत पदाधिकारी नगरसेवक तथा काँग्रेसचे सर्व सेलचे पदाधिकारी व कार्यकर्ते प्रामुख्याने उपस्थित होते. Congress party
    यावेळी पुढे बोलताना विरोधी पक्षनेते वडेट्टीवार म्हणाले की, जगाला शांतीचा संदेश देणारे तथागत भगवान गौतम बुद्ध यांनी मानवजातीच्या कल्याणासाठी  उपयुक्त असा संदेश दिला. तर भारतरत्न डॉ. बाबासाहेब आंबेडकर यांनी जगातील सर्वोत्कृष्ट मौलिक असे संविधान रुपी भेट दिली. देशात धर्मांधता पसरवून मनुवादी विचारसरणीने देश गुलामगिरी च्या वाटेवर आणून ठेवला असून देशाचे संविधान व लोकशाही टिकवण्यासाठी आता सर्वांनी पुढाकार घेण्याची गरज असल्याचे आवाहनही त्यांनी यावेळी केले. याप्रसंगी नगर बौद्ध समाजातर्फे विरोधी पक्ष नेते विजय वडेट्टीवार यांचा सत्कार करण्यात आला.
    आज पार पडलेल्या लोकार्पण व भूमिपूजन सोहळ्यात सिंदेवाही तहसील कार्यालय इमारतिचे लोकार्पण (१५ कोटी), तालुका क्रीडा संकुल येथे विविध विकास कामांचे लोकार्पण व भूमिपूजन(८कोटी ), ई लायब्ररीचे भूमिपूजन (४.५ कोटी ), शहरातील प्रभागनिहाय रस्ते बांधकामा करिता (३ कोटी), शहरातील दीक्षाभूमी समोरील डॉ. बाबासाहेब आंबेडकर पुतळ्याचे सौंदर्यीकरनाचे भूमिपूजन (१ कोटी), सिंदेवाही – किन्ही मुख्य मार्गावरील उंच फुल बांधकामाची भूमिपूजन (३.५ कोटी) आदी विकास कामांचा समावेश आहे.
    तर शहरातील मुख्य सिमेंट मार्गावरील अंडरग्राउंड विद्युत पुरवठा करणे करिता ५ कोटी , शहराला असोलमेंढा येथून पाणीपुरवठा करण्याकरिता 70 कोटी , सिंदेवाही येथील ग्रामीण रुग्णालयाला उपजिल्हा रुग्णालय दर्जा देऊन ५० खाटांचे अद्यावत रुग्णालय बांधकाम करणे करिता ५० कोटी, तसेच सिंदेवाही – पाथरी सदर मार्गावरी ल रेल्वे क्रॉसिंग वर उडान पूल बांधकामा करिता ९० कोटी, शिवाजी चौक सौंदर्य करण्यासाठी २ कोटी, एवढा प्रचंड विकास निधी विरोधी पक्षनेते विजय वडेट्टीवार यांच्या आता प्रयत्नातून मंजूर झाला असून लवकरच ही विकास कामे सुरू होईल अशी माहिती आपल्या प्रास्ताविकातून नगराध्यक्ष स्वप्निल कावळे यांनी दिली.
    याप्रसंगी काँग्रेसचे ज्येष्ठ बाबुरावजी गेडाम व तालुका काँग्रेस कमिटी अध्यक्ष रमाकांत लोधे यांनी उपस्थितांना मार्गदर्शन केले. कार्यक्रमाचे सूत्रसंचालन युनुस शेख, प्रास्ताविक नगराध्यक्ष स्वप्निल कावळे यांनी केले. आयोजित कार्यक्रमास शहरातील बहुसंख्य नागरिक काँग्रेस पदाधिकारी व कार्यकर्ते प्रामुख्याने उपस्थित होते.
  • 14 जानेवारीला चंद्रपुरात महायुतीचा जिल्हास्तरीय मेळावा

    14 जानेवारीला चंद्रपुरात महायुतीचा जिल्हास्तरीय मेळावा

    News34 chandrapur

    चंद्रपूर – देशात 400 प्लस तर राज्यात 45 लोकसभा जागेवर विजय मिळविण्यासाठी भाजप व घटक पक्ष सज्ज झाले असून यासाठी महायुतीने निवडणुकीची पूर्व तयारी सुरू केली आहे.

     

    आज 12 जानेवारीला स्थानिक ND हॉटेलमध्ये घेण्यात आलेल्या पत्रकार परिषदेत महायुती समनव्यक देवराव भोंगळे यांनी 14 जानेवारीला आयोजित महायुती मेळाव्याची माहिती दिली.

     

    महायुतीचा महामेळावा 14 जानेवारी रोजी संपूर्ण राज्यात एकाच दिवशी आयोजित करण्यात आला आहे.

     

    रघुनंदन हॉल येथे आयोजित महायुती मेळाव्यात राज्याचे वनमंत्री सुधीर मुनगंटीवार हे मार्गदर्शन करणार असून यावेळी 15 घटक पक्षाचे प्रमुख नेते उपस्थित राहणार आहे.

     

    अशी माहिती महायुती समनव्यक भाजपचे माजी जिल्हाध्यक्ष देवराव भोंगळे यांनी दिली.
    यावेळी भाजपचे ग्रामीण जिल्हाध्यक्ष हरीश शर्मा, राष्ट्रवादी कांग्रेसचे ग्रामीण जिल्हाध्यक्ष नितीन भटारकर, शिवसेना जिल्हाप्रमुख नितीन मत्ते उपस्थित होते.

  • चंद्रपूर जिल्ह्यात मनसेची घौडदौड सुरू

    चंद्रपूर जिल्ह्यात मनसेची घौडदौड सुरू

    News34 chandrapur

    ब्रम्हपुरी – चंद्रपूर येथील सावली तालुक्यातील गडचिरोली जिल्ह्याच्या टोकावरील कापसी या गावातील भाजप व काँग्रेस मधील शेकडो तरुण, महिला व पुरुषांनी राजसाहेब ठाकरे यांच्या नेतृत्वावर विश्वास ठेवून चंद्रपूर जिल्हाध्यक्ष राहुल बालमवार यांच्या नेतृत्वात व गडचिरोली जिल्हाध्यक्ष राजेश साळवे यांच्या उपस्थितीत महाराष्ट्र नवनिर्माण सेनेनेमधे प्रवेश घेतला.

     

    यावेळी शाखाध्यक्ष पदी उमाजी बुरांडे यांची नियुक्ती करण्यात आली सदर शाखेत बापुरावजी गोलेवार, अंकित चलाख, मुकेश बांदेकर, स्वप्नील बांदेकर, सूरज गेडाम, अनिल मेश्राम, श्रावनजी लटारे यांची नियुक्ती करण्यात आली असून यांच्यासह शेकडो महिला, पुरुषांनी महाराष्ट्र नवनिर्माण सेनेत प्रवेश केला.

     

    सध्या सुरू असलेल्या राजकारणाला कंटाळून मनसे मधे प्रवेश केल्याच्या भावना यावेळी उपस्थितांनी दर्शविल्या.
    शाखा स्थापनेवेळी बोलत असताना पक्षवाढीसाठी काम करीत, स्थानिकांच्या प्रश्नांना न्यान मिळवून देत, बलाढ्य राजकारण्यांच्या राजकारण समोर असतानाही पक्ष प्रवेश केल्याचे कौतुक करीत, भविष्यात सर्वसामान्यांसाठी लढण्याचे आवाहन यावेळी जिल्हाध्यक्ष राहुल बालमवार यांनी केले.
    यावेळी मनसे तालुकाध्यक्ष प्रकाश नागरकर, ग्रामपंचायत सदस्य विवेक धोटे, करण नायर, मयूर मदणकर उपस्थित होते

  • सावली तालुक्यातील 23 गावातील 873 नागरिकांच्या घरकुलाची स्वप्नपूर्ती होणार

    सावली तालुक्यातील 23 गावातील 873 नागरिकांच्या घरकुलाची स्वप्नपूर्ती होणार

    News34 chandrapur

    चंद्रपूर – महाविकास आघाडी सरकार काळात राज्याचे विद्यमान विरोधी पक्ष नेते विजय वडेट्टीवार हे इतर मागास बहुजन कल्याण विभागाचे मंत्री असताना राज्यातील विमुक्त जाती व भटक्या जमाती दुर्बल घटकांसाठी यशवंतराव चव्हाण मुक्त वसाहत घरकुल योजना अमलात आणली. यामुळे मागासवर्गातील अनेक नागरिकांच्या घरकुलाचे स्वप्न पूर्ण झाले. मात्र अल्पावधीतच सरकार गेल्याने ब्रह्मपुरी मतदार संघातील सावली तालुक्यातील बहुतांश नागरिकांची घरकुलांची मागणी प्रलंबित होती. ही मागणी शासन दरबारी रेटून धरल्याने अखेर राज्याचे विरोधी पक्षनेते विजय वडेट्टीवार यांच्या प्रयत्नांचे फलित झाले असून सावली तालुक्यातील 23 गावातील 873 नागरिकांच्या घरकुलाचे स्वप्न पूर्ण होणार आहे.

     

    राज्यात विविध समाजासाठी समाजवार पद्धतीने घरकुल योजनांची शासनाने आखणी केली आहे. मात्र विमुक्त जाती व भटक्या जमाती या दुर्बल घटकांसाठी कुठलीही योजना महाविकास आघाडी सरकार स्थापनेपूर्वी कार्यरत नव्हती. या प्रवर्गासाठी राज्याचे तत्कालीन कॅबिनेट मंत्री तथा इतर मागास बहुजन कल्याण विभाग मंत्री तथा विद्यमान महाराष्ट्र विधानसभेचे विरोधी पक्ष नेते विजय वडेट्टीवार यांनी आपल्या विकासात्मक दूरदृष्टी कोणातून विमुक्त जाती व भटक्या जमाती या प्रवर्गाला विकासाचे मुख्य प्रवाहात आणण्या हेतू व समाजातील गोरगरीब जनतेला हक्काचे घर मिळावे याकरिता यशवंतराव चव्हाण मुक्त वसाहत योजना कार्यान्वित केली. या योजनेअंतर्गत पहिल्याच टप्प्यात ब्रह्मपुरी मतदार संघात जवळपास 3 हजार घरकुले मंजूर करण्यात आली. मात्र अडीच वर्षाचा काल लोटताच सरकार बदलले आणि अनेक लाभार्थ्यांना या योजनेपासून वंचित रहावे लागले.

     

    नागरिकांच्या मागणीचा विचार लक्षात घेत वंचित लाभार्थ्यांना न्याय मिळवून देणे हेतू विरोधी पक्ष नेते विजय वडेट्टीवार यांनी स्वस्त न बसता वारंवार शासन दरबारी मागणी रेटून धरल्याने अखेर त्यांच्या प्रयत्नांना यश आले असून सावली तालुक्यातील कापसी, जिबगाव, लोंढोली, चांदली (बुज) बोरमाळा चीज बोडी हिरापूर उसेगाव पारडी कवटी चीचबोडी ,साखरी, घोडेवाही, चक पिरंजी, अंतरगाव चिंचोली, तांबेगडी मेंढा, सामदा ,मोखाडा खेडी, थेरगाव, बेलगाव, व्याहाड (बुज) या 23 गावातील लाभार्थ्यांना यशवंतराव चव्हाण घरकुल योजनेचा लाभ मिळणार असून त्यांच्या हक्काच्या घरकुलाचे स्वप्न पूर्ण होणार आहेत. राज्याचे विरोधी पक्षनेते तथा ब्रह्मपुरी विधानसभा क्षेत्र आमदार विजय वडेट्टीवार यांची शासन दरबारी धडपड व सावली तालुका काँग्रेस अध्यक्ष नितीन गोहने यांनी वेळोवेळी केलेला पाठपुरावा तसेच उपरोक्त लाभ घेणाऱ्या गावातील सरपंच ,ग्रामपंचायत सदस्य व काँग्रेस कार्यकर्ते यांनी घेतलेली मेहनत हे या यशाचे फलित असून सावली तालुक्यातील 873 लाभार्थ्यांना लवकरच घरकुल योजनेचा लाभ मिळणार असल्याने लाभार्थ्यांमध्ये आनंदाचे वातावरण पसरले आहे.

  • तुम्ही दोघांनी मनपा निवडणूक लढावी, जनता डिपॉझिट जप्त करेल – अनिल देशमुख

    तुम्ही दोघांनी मनपा निवडणूक लढावी, जनता डिपॉझिट जप्त करेल – अनिल देशमुख

    News34 chandrapur

    चंद्रपूर – सध्या विदर्भाच्या दौऱ्यावर असलेले माजी गृहमंत्री आमदार अनिल देशमुख यांनी अजित पवार गटाचे जिल्हाध्यक्ष नितीन भटारकर व राजीव कक्कड यांना जोरदार टोला लगावत चंद्रपूर मनपा निवडणूक लढावी अशी विनंती केली, निवडणुकीत उभे झाल्यास जनता तुमचं डिपॉझिट जप्त केल्याशिवाय राहणार नाही असे ही आव्हान यावेळी देशमुख यांनी केले.

     

    शरद पवार गटाच्या राष्ट्रवादी कांग्रेसच्या मेळाव्यात उपस्थित झालेले माजी गृहमंत्री व आमदार अनिल देशमुख यांनी अजित पवार गटावर जोरदार हल्ला केला, मेळाव्यानंतर पत्रकार परिषदेत चंद्रपुरातील 2 पदाधिकारी हे अजित पवार गटात गेले असून त्याचा आपल्या पक्षावर परिणाम पडला का या प्रश्नावर अनिल देशमुख यांनी दोन्ही पदाधिकारी नितीन भटारकर व राजीव कक्कड यांच्यावर मिश्किल टोला लगावत दोघांनी स्वतः मनपा निवडणुकीच्या मैदानात उभे रहावं, जनता तुमचं डिपॉझिट जमा केल्याशिवाय राहणार नाही, असे न झाल्यास मी जे बोललो ते खोटं असं समजावे.

     

    राष्ट्रवादी कांग्रेस पक्षातून अजित पवारांनी काढता पाय घेत वेगळा गट स्थापन करून ते शिंदे-भाजप सरकारमध्ये गेले, त्यानंतर चंद्रपुरातील युवक कांग्रेसचे अध्यक्ष नितीन भटारकर व शहर अध्यक्ष राजीव कक्कड यांनी अजित पवार गटाला पाठिंबा देत त्यामध्ये सामील झाले होते.

     

    अनिल देशमुख यांच्या आव्हानाला उत्तर देत अजित पवार गटाचे राष्ट्रवादी कांग्रेस जिल्हाध्यक्ष नितीन भटारकर यांनी उत्तर देत म्हटलं आहे की, अनिल देशमुख हे जेष्ठ नेते आहे त्यांचा आम्ही आदर करतो, आम्ही जर निष्क्रिय असतो तर पक्षातील 90 टक्के कार्यकर्त्यांचा आम्हाला पाठिंबा नसता, आपण राज्याचे जरी नेते असले तर स्वतःच्या विधानसभा मतदार संघातील नगर परिषदेवर राष्ट्रवादी कांग्रेसचा झेंडा फडकविण्यास अयशस्वी का ठरले? त्याचं कधी चिंतन केलं का? विशेष म्हणजे मंत्री असताना सुद्धा कधी नागपूर जिल्हा परिषद व नगर परिषदेवर ते अयशस्वी का ठरले याबाबत त्यांनी आधी विचार करावा.

     

    आम्ही मनपा निवडणूक लढावी असा त्यांचा आग्रह आहे, याआधी त्यांनी आपल्या विधानसभा क्षेत्रात लक्ष द्यावे चंद्रपुरातील राजकारण सांभाळायला आम्ही सक्षम आहो.

  • चंद्रपुरात आम आदमी पक्षाला खिंडार

    News34 chandrapur

    चंद्रपूर – स्थानिक स्वराज्य संस्थेच्या निवडणुका आजही निवडणूक आयोगाने घोषित केल्या नसल्या तरी पुढची निवडणूक सर्व पक्षांना महत्वाची असल्याने सध्या पक्षबांधणीचे काम विविध पक्षांनी सुरू केले आहे.

    चंद्रपुरात आम आदमी पक्षाने अनेक ठिकाणी कार्यकर्ते जमविले असून आधीचा पक्ष व आताचा आम आदमी पक्ष यामध्ये मोठा फरक जाणवतो, मात्र आता आम आदमी पक्षाला सुद्धा चंद्रपुरात मोठं खिंडार पडलं आहे.

     

    चंद्रपूर आम आदमी महिला अध्यक्ष ऍड. सुनीता पाटील यांनी कार्यकर्त्यांसाहित कांग्रेस पक्षात प्रवेश केला.

    आप पक्षात महिलांच्या संघटन उभारणी मध्ये सुनीता पाटील यांचा मोठा वाटा होता.

     

    रविवारी विश्रामगृह चंद्रपूर येथे राज्याचे विरोधी पक्षनेते विजय वडेट्टीवार यांच्या प्रमुख उपस्थितीत सुनीता पाटील यांनी कांग्रेस पक्षात जाहीर प्रवेश घेतला.

     

    यावेळी आप च्या महिला उपाध्यक्ष जासमिन शेख, रूपा काटकर, मीना पोटफोडे, महिला सचिव वंदना कुंदावार, सहसचिव सुभद्रा मुन, शबनम शेख, स्वाती डोंगरे, सुहास रामटेके, स्नेहा महाकश्यप, पुष्पा बुधवारे, संतोषी यादव, भीमराव मेंढे, अभिजित संगेवार, सुशील वाहुले, लक्ष्मण पाटील, मुकेश पांडे, रज्जू भैया, अकीब शेख, अमजद खान, नंदकिशोर स्वान, प्रशांत रामटेके, कविता टिपले आदि कार्यकर्त्यांनी प्रवेश केला.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by