Tag: आमदार किशोर जोरगेवार

Devabhau Jan Kalyan Seva Saptah Chandrapur

Devabhau Jan Kalyan Seva Saptah Chandrapur : चंद्रपूर – नागरिकांना थेट लाभ मिळेल असे सामाजिक उपक्रम आपण देवाभाऊ जनकल्याण सेवा सप्ताहात आयोजित केले आहेत. आज तब्बल ६३ सामाजिक, धार्मिक, आरोग्यविषयक आणि शैक्षणिक उपक्रम राबवून आपण मुख्यमंत्री देवेंद्र फडणवीस यांचा वाढदिवस साजरा केला आहे. युवकांसाठी रोजगार मेळावा, वक्तृत्व स्पर्धा यांसारखे उपक्रमदेखील यामध्ये समाविष्ट होते. हा केवळ एक आठवडा न राहता, कधी न संपणारी सामाजिक उपक्रमांची मालिका  ठरावी, असे प्रतिपादन आमदार किशोर जोरगेवार यांनी यावेळी केले.

मुख्यमंत्री सहायता निधी ठरतंय गरजू रुग्णांचा आधार

मुख्यमंत्री देवेंद्र फडणवीस यांच्या वाढदिवसानिमित्त आयोजित ‘जनकल्याण सेवा सप्ताहा’च्या निमित्ताने चंद्रपूर शहरात आज ६३ विविध उपक्रमांचे आयोजन करण्यात आले. शहर व परिसरातील विविध भागांमध्ये सामाजिक, धार्मिक, आरोग्यविषयक आणि शैक्षणिक स्वरूपाचे कार्यक्रम पार पडले. या उपक्रमांमुळे शहरात उत्सवाचे आणि सेवा भावनेचे वातावरण अनुभवायला मिळाले. Devendra Fadnavis birthday social service week 2025

सेवा सप्ताहांतर्गत रक्तदान शिबिरांचे ६ कार्यक्रम, २२ ठिकाणी महाआरती, १७ योग शिबिरे, ६ वृक्षारोपण कार्यक्रम, ३ नोटबुक वाटप, २ फळवाटप उपक्रम, तसेच वक्तृत्व स्पर्धा, रोजगार मेळावा व इतर उपक्रम असे एकूण ६३ कार्यक्रम विविध भागांत आयोजित करण्यात आले. Empowering youth through Devabhau Seva Saptah Chandrapur

विविध धार्मिक स्थळी महाआरती

रक्तदान शिबिरांमध्ये शहरातील प्रतिष्ठित संस्था आणि स्वयंसेवी कार्यकर्त्यांचा उत्स्फूर्त सहभाग दिसून आला. माता महाकाली मंदिर, वढा येथील विठ्ठल-रुक्मिणी मंदिर, पंचशील चौक, महादेव मंदिर, जय हिंद चौक, शिवाजी नगर, दुर्गा मंदिर, खंडोबा मंदिर, माता मंदिर अशा विविध धार्मिक स्थळांवर महाआरतीचे कार्यक्रम पार पडले. सकाळी व सायंकाळी नागरिक मोठ्या संख्येने उपस्थित राहून सहभागी झाले.

योग शिबिरांना महिलांचा विशेष प्रतिसाद मिळाला. सकाळी ७ वाजल्यापासून शहरातील विविध ठिकाणी शिबिरांना सुरुवात झाली. प्रशिक्षित योग शिक्षकांनी आरोग्यविषयक मार्गदर्शन केले. वॉर्डनिहाय महिला योग शिबिरे ही वैशिष्ट्यपूर्ण बाब ठरली.

सरदार पटेल हायस्कूल येथे आयोजित वक्तृत्व स्पर्धेत विद्यार्थ्यांनी मोठ्या संख्येने सहभाग घेतला. शहरातील विविध झोपडपट्ट्या, शाळा, वसाहती व वॉर्डांमध्ये नोटबुक व फळ वाटपाचे उपक्रम पार पडले.

या उपक्रमांपैकी अनेक कार्यक्रमांचे उद्घाटन आमदार किशोर जोरगेवार यांच्या हस्ते करण्यात आले. यावेळी बोलताना त्यांनी सांगितले, आज संपूर्ण चंद्रपूर मतदारसंघात ६३ ठिकाणी एकाच दिवशी विविध उपक्रम राबवले गेले. रक्तदान, योग शिबिरे, महाआरती, फळवाटप, वक्तृत्व स्पर्धा, रोजगार मेळावा – ही केवळ कार्यक्रमांची यादी नाही, तर समाजासाठी आणि नागरिकांसाठी आपली कृतिशील बांधिलकी व्यक्त करण्याची संधी असल्याचे ते म्हणाले. सर्व कार्यक्रमांच्या यशस्वी आयोजनासाठी भारतीय जनता पक्षाच्या सर्व विभागांनी परिश्रम घेतले, असेही त्यांनी नमूद केले.

रोजगार मेळाव्यात दीड हजार युवकांची नोंदणी

देवाभाऊ जनकल्याण सेवा सप्ताह निमित्त सरदार पटेल विद्यालयात रोजगार मेळाव्याचे आयोजन करण्यात आले होते. यामध्ये नागपूर आणि चंद्रपूर येथील एकूण १७ कंपन्यांनी सहभाग घेतला. या मेळाव्यात सुमारे १५०० युवकांनी नोंदणी केली असून, अनेकांना रोजगाराच्या संधी प्राप्त होणार आहेत.

MLA Kishor Jorgewar stops ZP building work

MLA Kishor Jorgewar stops ZP building work : चंद्रपूर – लोकशाहीत लोकभावनेचा आदर केला गेला पाहिजे. रामबाग येथील सात एकर जागेवर जिल्हा परिषदेच्या ईमारतीला स्थानिकांचा विरोध असतांनाही येथे वृक्षतोड करुन कामाला सुरवात करणे ही योग्य बाब नाही. नागरिकांच्या सहनशीलतेचा अंत पाहू नका. सात एकर तर दूर येथील सात इंच जागेलाही आम्ही हात लावू देणार नाही असा ईशारा देत येथे सुरु असलेले काम आमदार किशोर जोरगेवार (mla kishor jorgewar) यांनी प्रत्यक्ष पाहणी करत बंद पाडले आहे.

चंद्रपूर जिल्हा परिषद देणार दरमहा दहा हजार, काय आहे शिका व कमवा योजना?

             या पाहणीदरम्यान महसुल विभागाचे उपविभागीय अधिकारी संजय पवार, जिल्हा परिषदेचे प्रभारी अतिरिक्त मुख्य कार्यकारी अधिकारी नुतन सावंत, सार्वजनिक बांधकाम विभागाचे कार्यकारी अभियंता मुकेश तांगडे, उपविभागीय वन अधिकारी नायगावकर, जिल्हा परिषदेच्या उप अभियंता जोशी, भारतीय जनता पार्टीचे महानगर अध्यक्ष सुभाष कासनगोट्टूवार, दशरथसिंह ठाकूर, तुषार सोम, प्रकाश देवतडे, मंडळ अध्यक्ष अॅड, सरिता संदुरकर, मनोरंजन रॉय, राशिद हूसेन, राकेश बोमनवार, सज्जद अली, करणसिंह बैस, नितिन शाहा, रजनी पॉल आदिंची उपस्थिती होती. political leader halts construction due to protest

  रामबाग येथे होणाऱ्या जिल्हा परिषद इमारतीला स्थानिक नागरिकांचा होत असलेला विरोध लक्षात घेता, आमदार किशोर जोरगेवार यांनी यापूर्वी जिल्हाधिकारी कार्यालयात बैठक घेऊन प्रशासकीय यंत्रणेला हे काम थांबविण्यास भाग पाडले होते. त्यानंतर त्यांनी महसूल मंत्री चंद्रशेखर बावनकुडे यांची भेट घेऊन रामबाग मैदानावर इमारत बांधण्याचा प्रस्तावच रद्द करण्याची मागणी केली होती. याबाबत बैठक लावून तोडगा काढण्याचे आश्वासन त्यांनी दिले होते. mla kishor jorgewar stops zp building work

अधिकाऱ्यांना फटकारले

            मात्र सदर बैठक होण्याआधीच जिल्हा परिषदेच्या ईमारतीसाठी रामबाग मैदाना लगतची जागा निश्चित करुन येथील जवळपास 60 मोठी झाडे तोडण्यात आली आहे. कंत्राटदाराने ईमारत बांधकामाचे सर्व साहित्य येथे टाकले असून कामास सुरवात केली आहे. याबाबत आज आमदार किशोर जोरगेवार यांनी सदर जागेवर जात अधिका-यांसह कामाची पाहणी करत काम बंद पाडले आहे. झाडे तोडल्याबदलही आमदार किशोर जोरगेवार यांनी अधिका-यांना चांगलेच फटकारले आहे. ram bagh chandrapur tree cutting issue

लोकशाहीमध्ये लोकांच्या भावना सर्वोच्च असतात. या ठिकाणी नागरिकांचा स्पष्ट विरोध असतानाही वृक्षतोड करून कामास सुरुवात करणे ही बाब दुर्दैवी आहे, असे सांगत  ही जागा जिल्हा परिषदेच्या इमारतीसाठी नाहीच. अनेक वर्षांपासून या जागेवर स्थानिक नागरिक आपला विरंगुळा शोधतात. झाडांमुळे निसर्गसंपन्न झालेला हा परिसर नागरिकांच्या आरोग्यदायी जीवनाचा भाग आहे. अनेक खेळाडुंसाठी हे उत्तम मैदान आहे. यावर कुठल्याही प्रकारचे अतिक्रमण आम्ही सहन करणार नाही. असे आमदार किशोर जोरगेवार यांनी स्पष्ट शब्दात खडसावले आहे. संबधित कंत्राटदाराने 48 तासाच्या आत येथील ईमारत बांधकाम साहित्य दुसरीकडे हलविण्याचे निर्देशही यावेळी आमदार किशोर जोरगेवार यांनी अधिका-यांना दिले आहे. यावेळी स्थानिक नागरिकांचीही उपस्थिती होती. 

Devabhau Jankalyan Seva Saptah

Devabhau Jankalyan Seva Saptah : चंद्रपूर – राज्याचे मुख्यमंत्री देवेंद्र फडणवीस (cm devendra fadnavis) यांच्या वाढदिवसानिमित्त आमदार किशोर जोरगेवार यांच्या पुढाकारातून राबविण्यात येत असलेल्या देवाभाऊ जनकल्याण सेवा सप्ताहाला ९ रक्तदान शिबिरे, योग प्रात्यक्षिके, महाआरती आणि वृक्षारोपण कार्यक्रमाने उत्साहात सुरुवात झाली आहे. पुढील नऊ दिवस हा सेवा सप्ताह चालणार असून, यामध्ये विविध धार्मिक, आरोग्यवर्धक, शैक्षणिक आणि सामाजिक कार्यक्रमांचे आयोजन करण्यात आल्याचे आमदार किशोर जोरगेवार (mla kishor jorgewar) यांनी म्हटले आहे.

चंद्रपुरात मोरांची शिकार?

आमदार किशोर जोरगेवार यांच्या पुढाकारातून देवाभाऊ जनकल्याण सेवा सप्ताहाचे आयोजन करण्यात आले आहे. २० जुलै ते २९ जुलै पर्यंत सदर सेवा सप्ताह चालणार आहे. दरम्यान, आज पंजाबी सेवा समिती, कृष्ण नगर समाज मंदिर, बंगाली कॅम्प, पंचशील चौक, घुग्घूस येथील माता मंदिर, श्यामनगर, नूतन व्यायामशाळा, महिला पतंजली योग समिती, भवानजीबाई हायस्कूल येथे रक्तदान शिबिरे पार पडली. यामध्ये जवळपास ३०० हून अधिक रक्तदात्यांनी रक्तदान केले.

तर तुकूम येथील लॉ कॉलेज येथे योग-नृत्य शिबिराचे आयोजन करण्यात आले होते. मोरवा येथे वृक्षारोपण कार्यक्रमाचे आयोजन करण्यात आले होते. तर बायपास मार्गावरील अष्टभुजा मंदिर आणि महाकाली वॉर्डातील सुपर मार्केट येथील दुर्गा मंदिर येथे महाआरती करण्यात आली.

विविध कार्यक्रमांच्या माध्यमातून समाजसेवेचा वसा

यातील अनेक कार्यक्रमांचे आमदार किशोर जोरगेवार यांच्या हस्ते उद्घाटन करण्यात आले. त्या प्रसंगी बोलताना आ. जोरगेवार म्हणाले की, आज या पवित्र कार्याची, देवाभाऊ जनकल्याण सेवा सप्ताहाची (Devabhau Jankalyan Seva Saptah) सुरुवात करताना आनंद होत आहे. राज्याचे लाडके मुख्यमंत्री देवेंद्र फडणवीस यांच्या वाढदिवसानिमित्त हा सप्ताह त्यांच्या कार्याची प्रेरणा घेऊन समाजासाठी समर्पित भावनेतून आयोजित करण्यात आला आहे. समाजात सकारात्मक परिवर्तन घडवण्यासाठी फक्त योजना पुरेशा नसतात, तर त्या योजनांना समर्पित मन, सामाजिक बांधिलकी आणि सेवाभाव लागतो. आपल्या चंद्रपूर मतदारसंघात हा सेवा सप्ताह सुरू करत आहोत, जिथे रक्तदान शिबिरे, योग प्रात्यक्षिके, महाआरती, वृक्षारोपण आणि शैक्षणिक-सामाजिक उपक्रम अशा विविध कार्यक्रमांच्या माध्यमातून समाजसेवेचा वसा सुरू झाला आहे.

रक्ताच्या एका थेंबातून कोणाचे तरी जीवन वाचवण्याचे भाग्य आपल्याला मिळत आहे. तसेच, आजच्या योग शिबिरातून आपण आरोग्यविषयी सजगता वाढवत आहोत. वृक्षारोपणाने पर्यावरण रक्षणाचा संदेश देत आहोत आणि महाआरतीद्वारे आपल्या परंपरांचा गौरव करत असल्याचे ते यावेळी बोलताना म्हणाले.

या सर्व कार्यक्रमांना भारतीय जनता पक्षाच्या पदाधिकाऱ्यांची आणि कार्यकर्त्यांची मोठ्या संख्येने उपस्थिती होती. कार्यक्रमाच्या यशस्वितेसाठी भारतीय जनता पक्षाचे कार्यकर्ते आणि सामाजिक संघटनेच्या पदाधिकार्यांनी परिश्रम घेतले. 

Online Gaming Apps Addiction

Online Gaming Apps Addiction : ऑनलाईन गेमिंग अ‍ॅप्समुळे युवकांचे आयुष्य उद्ध्वस्त होत असल्याचे पावसाळी अधिवेशनात बोलताना आमदार किशोर जोरगेवार यांनी सांगितले होते. यावर मुख्यमंत्री देवेंद्र फडणवीस यांनी उत्तर देत सदर अ‍ॅप्स बाबत कायदा तयार करण्याचा अधिकार राज्य सरकारकडे नसला तरी आपण केंद्र सरकारकडे अ‍ॅप्स बाबत कायदा करण्यासाठी पाठपुरावा करणार असल्याचे म्हटले आहे.

            संपूर्ण देशात आणि महाराष्ट्रात ऑनलाइन गेमिंग अ‍ॅप्समुळे आत्महत्यांचे अनेक प्रकार समोर आले असून, अनेक गुन्हे देखील नोंदवले गेले आहेत. मात्र राज्य सरकारच्या आकडेवारीनुसार केवळ ९७ गुन्हे दाखल झाल्याचे उघड झाले आहे. ही संख्या प्रत्यक्षात अत्यंत कमी असल्याचे सांगत युवा पिढीला जुगाराची सवय लावणाऱ्या ऑनलाइन गेमिंग अ‍ॅप्सविरोधात कठोर कारवाई करण्याची मागणी अधिवेशनात बोलताना आमदार किशोर जोरगेवार यांनी केली होती. laws against online gaming app

मुलाने केली वडिलाची हत्या

            सभागृहात या विषयावर प्रश्न उपस्थित करताना आमदार किशोर जोरगेवार म्हणाले की, ‘जंगली रमी’, ‘ड्रीम इलेव्हन’, ‘एमपीएल’, ‘माय इलेव्हन सर्कल’, ‘वन एसबीटी’ या कंपन्या टीव्हीवर जाहिराती देत असून युवकांना जुगाराच्या सवयी लावून त्यांचे आयुष्य उद्ध्वस्त करत आहेत. नामवंत सेलिब्रिटी अशा कंपन्यांच्या जाहिराती करतात, हे दुर्दैवी असल्याचेही त्यांनी सांगितले होते.

            अधिवेशनाच्या शेवटच्या दिवशी यावर बोलताना राज्याचे मुख्यमंत्री देवेंद्र फडणवीस यांनी याबाबत चिंता व्यक्त केली आहे. सदर अ‍ॅप्स बाबत आपण केंद्र सरकारशी पत्रव्यवहार केला आहे. सदर प्रकारावर कायदा करण्याचा अधिकार राज्य सरकारला नाही. त्यामुळे आपण केंद्र सरकारकडे याबाबत सातत्याने पाठपुरावा सुरू केला असल्याचे यावेळी बोलताना मुख्यमंत्री देवेंद्र फडणवीस यांनी म्हटले आहे.

बेपत्ता महिला व मुलींसाठी मिसिंग सेल

संपूर्ण राज्य आणि चंद्रपूरात सुद्धा महिला व मुली मोठ्या प्रमाणात बेपत्ता झाल्या आहेत. यातील बहुतेकांचा शोध लागला असला तरी अनेक अद्यापही बेपत्ता असल्याचे अधिवेशनात बोलताना आमदार किशोर जोरगेवार यांनी म्हटले होते. राज्याचे मुख्यमंत्री देवेंद्र फडणवीस यांनी यावर बोलताना अशा प्रकरणांमध्ये महिला व मुलींचा शोध घेण्यासाठी आपण प्रत्येक पोलिस ठाण्यात मिसिंग सेल सुरू केले असल्याचे म्हटले आहे. Missing Women and Girls

corruption in reject coal sales by washeries

corruption in reject coal sales by washeries : पावसाळी अधिवेशन १७ जुलै मुंबई – महाजेनकोच्या वॉशरीजद्वारे ‘कोल वॉश’ प्रक्रियेनंतर तयार होणारा चांगल्या दर्जाचा कोळसा जाणीवपूर्वक ‘रिजेक्ट कोल’ म्हणून दर्शवून खुल्या बाजारात विकला जात असल्याचा गंभीर आरोप आमदार किशोर जोरगेवार यांनी आज विधानसभेत उपस्थित केला. हा मोठा भ्रष्टाचार असुन याची चौकशी करण्याची मागणी यावेळी औचित्याच्या मुद्दयावर बोलतांना त्यांनी अधिवेशनात केली आहे. washed coal sold as reject coal

चंद्रपुरात टिल्लू पंप जप्त

             वेकोलि, एमसीएल, एसईसीएल, एमईसीएल आणि एससीसीएल या कंपन्यांच्या खाणींमधून दरवर्षी १३ कोटी ७८ लाख टनांपेक्षा अधिक कोळसा काढला जातो. महाजेनकोने यातील कोळशाची गुणवत्ता वाढवण्यासाठी खासगी वॉशरीजना कोळसा धुण्याचे कंत्राट दिले असून, वॉशरीजमधून तयार होणार्या कोळशाची वाहतूक करण्याची जबाबदारी महाराष्ट्र राज्य खनिकर्म महामंडळाकडे देण्यात आली आहे.

उच्च दर्जाचा कोळसा रिजेक्ट कोल

मात्र, वॉशरीजकडून तयार होणारा उच्च दर्जाचा कोळसा ‘रिजेक्ट कोल’ म्हणून नोंदवला जातो आणि त्याची किंमत कमी दाखवून तो खुल्या बाजारात विकला जात आहे. एकूण २ कोटी ७५ लाख ७६ हजार टन कोळसा अशा पद्धतीने खासगी कंपन्यांना विकण्यात आल्याचे समोर आले असून, त्याचा बाजारभाव सरासरी ५ हजार रुपये प्रति टन आहे. त्यामुळे एकूण गैरव्यवहाराची रक्कम १३ हजार कोटी रुपयांपेक्षा अधिक असल्याचे आमदार किशोर जोरगेवार यांनी यावेळी बोलतांना म्हटले आहे.

            या प्रकारामुळे महाराष्ट्र सरकारच्या तिजोरीला मोठा फटका बसत असून हा राज्यातील आतापर्यंतचा सर्वात मोठा कोळसा घोटाळा असल्याचे आमदार जोरगेवार यांनी सांगितले. शासनाने या प्रकरणाची सखोल चौकशी करून संबंधितांवर कठोर कारवाई करावी आणि भविष्यात असा गैरव्यवहार टाळण्यासाठी कोल वॉशरीज थेट विद्युत प्रकल्पांच्या परिसरातच स्थापन कराव्यात, अशी मागणीही त्यांनी यावेळी बोलतांना केली आहे.