Tag: आमदार किशोर जोरगेवार

Babupeth Railway Flyover चंद्रपूर आणि बाबूपेठ शहराला जोडणारा अत्यंत महत्त्वाचा समजला जाणारा बाबूपेठ उड्डाण पुलाचे बांधकाम निधीअभावी रखडले होते, ज्यामुळे नागरिकांना मोठ्या त्रासाला सामोरे जावे लागत होते. या समस्येचे निराकरण करण्यासाठी आमदार किशोर जोरगेवार यांनी शासनाकडे सातत्याने पाठपुरावा केला आणि अखेर ५ कोटी ४९ लाख रुपयांचा निधी उपलब्ध करून दिला आहे. त्यामुळे आता या कामाला गती मिळणार आहे.

अपघात मित्रांचा : चंद्रपुरात भीषण अपघात, 4 मित्रांचा जागीच मृत्यू

 Babupeth Railway Flyover बाबूपेठ रेल्वे उड्डाण पूल ही चंद्रपूरातील मोठ्या समस्यांपैकी एक आहे. येथे उड्डाण पूलाचे बांधकाम व्हावे, यासाठी आमदार किशोर जोरगेवार यांचे सातत्याने प्रयत्न सुरू होते. ते  निवडून आल्यानंतर या कामाला गती मिळाली होती. मात्र, अतिक्रमणधारक आणि इतर तांत्रिक अडचणींमुळे कामाला विलंब झाला होता. दरम्यान, बाबूपेठ उड्डाण पुलाचे काम अंतिम टप्प्यात पोहोचले असतानाच निधीअभावी काम पुन्हा एकदा रखडले.

   आ. किशोर जोरगेवार यांनी १० जुलै २०२४ रोजी मनपा अधिकाऱ्यांशी बैठक घेत उड्डाण पुलाच्या बांधकामाच्या स्थितीबाबत आढावा घेतला. यावेळी पूलाचे बांधकाम पूर्ण करण्यासाठी जवळपास ५ कोटी रुपयांच्या अतिरिक्त निधीची गरज असल्याचे अधिकाऱ्यांनी सांगितले होते. यावेळी आ. किशोर जोरगेवार यांनी हा निधी उपलब्ध करून देण्याचे आश्वासन दिले आणि तातडीने पाठपुरावा सुरू केला.

योजना : या लाडक्या बहिणीलाचं मिळणार 3 हजार रुपये

अखेर नगर विकास विभागाच्या वतीने बाबूपेठ उड्डाण पुलाच्या बांधकामासाठी ५ कोटी ४९ लाख रुपयांच्या निधीला मंजुरी दिली आहे, आणि त्याचा जीआरही शासनाच्या वतीने प्रकाशित करण्यात आला आहे. त्यामुळे अंतिम टप्प्यात असूनही केवळ निधीअभावी रखडलेले बाबूपेठ उड्डाण पुलाचे काम आता पूर्ण होणार आहे.

      आ. किशोर जोरगेवार यांनी याबाबत वेळोवेळी शासन स्तरावर बैठका घेत कामाला गती देण्याचे प्रयत्न केले होते. बाबूपेठ रेल्वे रुळ हा येथील नागरिकांसाठी मोठी समस्या होती. येथे उड्डाण पूल तयार करण्याची येथील नागरिकांची ५० वर्ष जुनी मागणी होती. निवडून आल्यावर त्यांनी या प्रस्तावित कामाला गती दिली. मात्र, रेल्वे विभागाअंतर्गत पुलाच्या तिसऱ्या भागाच्या कामामुळे विलंब झाला होता. आता हे काम पूर्ण झाले असून केवळ पालिकेअंतर्गत करण्यात येणारी कामे अपूर्ण आहेत.यासाठी लागणारा ५ कोटी रुपयांचा निधी मिळवून देता आला याचा आंनद आहे असल्याचे म्हणत  “दिक्षाभूमी नंतर बाबूपेठ रेल्वे उड्डाण पुलासाठीही अतिरिक्त निधी उपलब्ध करून दिल्यामुळे मला समाधान वाटत असल्याचे आमदार किशोर जोरगेवार यांनी म्हटले आहे. 

Dikshabhumi चंद्रपूर येथील पवित्र दीक्षाभूमीचा विकास व्हावा यासाठी आमदार किशोर जोरगेवार यांचे सातत्याने प्रयत्न सुरू होते. यासाठी 56 कोटी 90 लाख रुपयांचा निधी जाहीर करण्यात आला होता. दरम्यान, आज मंगळवारी  56 कोटी 90 लाख रुपयांच्या प्रस्तावाला सामाजिक न्याय विभागाने अंतिम मंजुरी दिली आहे. त्यामुळे आता पवित्र  दीक्षाभूमीचा सर्वांगीण  विकास होणार आहे.

अवश्य वाचा : चंद्रपूर शहरात जीवघेणे खड्डे

      Diksha bhumi    महामानव डॉ. बाबासाहेब आंबेडकर यांनी जगात नागपूर आणि चंद्रपूर अशा दोनच ठिकाणी बौद्ध धम्माची दीक्षा दिली होती. नागपूर येथील दीक्षाभूमीचा विकास झाला आहे, मात्र चंद्रपूर येथील दीक्षाभूमी अविकसित राहिली होती. येथे देशभरातून येणाऱ्या अनुयायांसाठी कोणत्याही सोयीसुविधा उपलब्ध नव्हत्या, परिणामी येणाऱ्या अनुयायांची गैरसोय होत होती. या अनुषंगाने दीक्षाभूमीच्या विकासासाठी आमदार किशोर जोरगेवार प्रयत्नशील होते.

  Dikshabhumi  आमदार किशोर जोरगेवार यांनी पहिल्याच हिवाळी अधिवेशनात दीक्षाभूमीच्या विकासासाठी एकत्रित 100 कोटी रुपयांचा निधी देण्याची मागणी केली होती. त्यानंतर त्यांनी सदर मागणी सातत्याने लावून धरली होती. त्यांनी दीक्षाभूमी समितीच्या पदाधिकाऱ्यांची उपमुख्यमंत्री अजित पवार यांची भेट घडवून आणली होती. सत्ता परिवर्तनानंतर, त्यांनी मुख्यमंत्री एकनाथ शिंदे यांच्याकडे या मागणीचा पाठपुरावा सुरू ठेवला होता. अखेर त्यांच्या मागणीची दखल घेऊन मुख्यमंत्री एकनाथ शिंदे यांनी चंद्रपूर येथील दीक्षाभूमीच्या विकासासंदर्भात घोषणा केली होती.

  त्या अनुषंगाने चंद्रपूरच्या दीक्षाभूमी विकासासाठी उच्चाधिकार समितीच्या वतीने 56 कोटी 90 लाख रुपयांचा प्रस्ताव मंजूर करत, तो वित्त व नियोजन विभागाकडे अंतिम मान्यतेकरिता पाठविण्यात आला होता. सदर प्रस्ताव उच्च स्तरीय शिखर समितीने मंजूर करून वित्त व नियोजन विभागाकडे पाठविले होते. वित्त व नियोजन विभागाने मंजुरी दिल्यानंतर सामाजिक न्याय विभागानेही सदर प्रस्तावाला अंतिम मंजुरी दिली आहे. त्यामुळे आता लवकरच या कामाला सुरुवात होणार असून, दीक्षाभूमीच्या विकासाची नवी दिशा ठरवली जाणार आहे.

     या निधीतून येथे 65 फुट उंचीचा भारतरत्न डॉ. बाबासाहेब आंबेडकर यांचा पूर्णकृती पुतळा तयार करण्यात येणार आहे. डॉ. बाबासाहेब आंबेडकर यांच्या जीवनावर आधारित भित्तिचित्रे, सुरक्षा भिंत, बुद्धविहार, परिसर सौंदर्यीकरण, भव्य वाहनतळ व्यवस्था, सभामंडप यासह इतर अनुषंगिक कामे केली जाणार आहेत.

Young chanda brigade गुरु हे आपल्या संस्कृतीचे आधारस्तंभ आहेत. त्यांच्या कृपेमुळे, मार्गदर्शनाने आणि शिकवणीने आपली समाजव्यवस्था अधिक सशक्त झाली आहे. विविध क्षेत्रात गुरुंचे मार्गदर्शन आपल्याला लाभते, जे अज्ञानाच्या अंधारातून आपल्याला प्रकाशाच्या दिशेने घेऊन जातात. आजचा हा परंपरागत गुरुंचा सन्मान समारंभ त्यांनी विविध क्षेत्रात दिलेल्या योगदानाचा गौरव असल्याचे प्रतिपादन आमदार किशोर जोरगेवार यांनी केले.

चंद्रपूर जिल्ह्यातील 6 विधानसभा जिंकणार, भाजप अधिवेशनात निर्धार

   गुरु पोर्णिमे निमित्त आज रविवारी  जिल्हा मध्यवर्ती बॅंकेच्या सभागृहात यंग चांदा ब्रिगेड च्या वतीने परंपरागत गुरुंच्या सत्कार कार्यक्रमाचे आयोजन करण्यात आले होते. या प्रसंगी ते बोलत होते. या कार्यक्रमाला शिक्षक मतदार संघाचे आमदार सुधाकर अडबाले, सरदार हरविंदर सिंग धुन्ना, डॉ. दाभारे, डॉ. रजनिकांत भलमे, गोपाल मुंदडा, माता महाकाली महोत्सव समितीचे सचिव अजय जयस्वाल, श्याम धोपटे, यंग चांदा ब्रिगेडच्या महिला शहर संघटिका वंदना हातगावकर, बंगाली समाज महिला शहर प्रमुख सविता दंढारे, यंग चांदा ब्रिगेडचे युवा नेते अमोल शेंडे, राशिद हुसेन, सायली येरणे, भाग्यश्री हांडे, नकुल वासमवार, दयानंद नागरकर, जय मिश्रा, कार्तिक बोरेवार, कल्पना शिंदे, नंदा पंधरे, रूपा परसराम, विमल कातकर, दर्शना चापले, निलिमा वनकर, वंदना हजारे, अल्का मेश्राम, शांता धांडे, कौसर खान, अनिता झाडे, आशु फुलझेले, आशा देशमुख, मंजुषा दरवरे, सरोज चांदेकर, अस्मिता दोनाडकर, माधुरी निवलकर, दुर्गा वैरागडे, कविता निखारे, प्रियंका हजारे आदींची उपस्थिती होती.

 young chanda brigade आजच्या युगात स्वयंरोजगाराकडे वळण्याची गरज आहे. अशात योग्य गुरुंचे मार्गदर्शन महत्त्वाचे आहे. व्यवसायात प्राविण्य प्राप्त अनेकजन आपले कलागुण दुसऱ्यांना देत स्वावलंबी बनवत आहेत. अशा ज्ञानाचे भांडार असलेल्या गुरुंची समाजालाही गरज आहे. आज अशाच परंपरागत गुरुंचा आपण सन्मान करत आहोत. हे गुरु स्वतःजवळील ज्ञान दुसऱ्यांना देण्याचे काम करत आहेत. यामुळे पारंपारिक व्यवसाय आणि हस्तकला जपली जात असल्याचे आ. जोरगेवार म्हणाले.

  गुरु-शिष्य परंपरेचा एक सुंदर प्रवास आपण पाहिला आहे. यामध्ये ज्ञानाचा, संस्काराचा आणि मूल्यांचा वारसा एक पिढीकडून दुसऱ्या पिढीकडे सहजतेने हस्तांतरित होत असतो. गुरुंचे आशीर्वाद म्हणजेच आपल्या जीवनाचा दीपस्तंभ आहे. आजच्या या सन्मान समारंभात, आपण या गुरूंचे योगदान, त्यांचा परिश्रम आणि त्यागाचा गौरव करत असल्याचे ते यावेळी म्हणाले. यावेळी बोलताना शिक्षक मतदार संघाचे आमदार सुधाकर अडबाले म्हणाले की, गुरुंच्या आशीर्वादामुळे आपले जीवन अधिक सशक्त आणि सुसंस्कारित बनले आहे. त्यांच्या प्रेरणादायी मार्गदर्शनाने, आपण जीवनातील अडचणींवर मात करून यशाची शिखरे गाठू शकतो, असे ते म्हणाले.

  यावेळी पेंटर, सुतार, वेल्डर, चालक, मेकॅनिक, ऑटो चालक, जिम ट्रेनर, मूर्तिकार, मूर्ती पेंटर, मच्छीपालन, गाय पालन, पार्लर प्रशिक्षण, मोबाईल रिपेअरिंग, शास्त्रीय संगीत, फेटे बांधणेवाला, मंडपवाला, संगीत प्रशिक्षण, क्रीडा, नाटक दिग्दर्शक, बँड प्रशिक्षक, मटका कुंभार, शिवणकला, बुटीक, झुंबा, केक, योग शिक्षक, भजन आरती प्रशिक्षिका, योग नृत्य, सलून, सुवर्णकार, चित्रकार, भजन प्रशिक्षक, फोटोग्राफर, पुजारी, ऑर्केस्ट्रा अशा विविध क्षेत्रातील परंपरागत गुरुंना मान्यवरांच्या हस्ते शाल, श्रीफळ व सन्मानचिन्ह देऊन गौरविण्यात आले.