My Blog

Blog

  • चंद्रपूर जिल्ह्यात अजित पवार गट सक्रिय

    News34 chandrapur

    चंद्रपूर:- सर्वसामान्य जनतेच्या सर्वांगीण विकासाचा विचार करून राष्ट्रीय कार्यकारी अध्यक्ष तथा खासदार श्री प्रफुल पटेलजी व राज्याचे उपमुख्यमंत्री श्री अजितदादा पवारजी यांच्या नेतृत्त्वात राष्ट्रवादी काँग्रेस पक्षाने सत्तेत समाविष्ठ होण्याचा निर्णय घेतला. राष्ट्रवादी काँग्रेस नेहमी सर्वसामान्य जनतेसह शेतकरी, शेतमजुरांच्या प्रश्नाकरीता संघर्ष करीत आला आहे. यामुळे जनतेचे प्रश्न व अनेक विकासाची कामे सत्तेत मार्गी लावता येतात. असे प्रतिपादन श्री राजेंद्र जैन यांनी केले.

     

    चंद्रपूर जिल्हा राष्ट्रवादी काँग्रेस पक्षाची महत्वपूर्ण बैठक श्रमिक पत्रकार भवन, चंद्रपूर येथे राष्ट्रीय सचिव तथा माजी आमदार श्री राजेंद्र जैन, श्री देवेंद्रनाथ चौबे, जिल्हाध्यक्ष नितिन भटारकर यांच्या प्रमुख उपस्थितीत संपन्न झाली. यावेळी राष्ट्रीय कार्यकारी अध्यक्ष तथा खा. श्री प्रफुल पटेलजी यांची आगामी काळात चंद्रपूर येथे होणाऱ्या बैठकी संदर्भात चर्चा करून आढावा घेण्यात आला.

     

    श्री राजेंद्र जैन पुढे म्हणाले की, राष्ट्रवादी काँग्रेस पक्ष कार्यकर्ता व पदाधिकऱ्यांच्या पाठीशी खंबीरपणे उभे आहे. येणाऱ्या सर्व निवडणुकांमध्ये जास्तीत जास्त जागा पक्ष लढवेल त्यासाठी जिल्हयातील प्रत्येक तालुक्यात क्रियाशील व सक्षम कार्यकर्त्यांची निवड करून अजित दादा पवार, प्रफुल पटेलजी व प्रदेशाध्यक्ष सुनील तटकरे यांच्या नेतृत्वात पक्षाचे संघटन मजबूत करण्यासाठी आपण सर्वांनी मिळून काम करायचे आहे. राष्ट्रवादी काँग्रेस सर्वसामान्य जनतेचा पक्ष आहे. पक्षात सर्व घटकाचा समावेश करून प्रामुख्याने युवक, युवती व महिलांना स्थान देऊन प्रोत्साहन द्यावे. जिल्हयातील प्रत्येक तालुक्यात काम करेल अश्याच उत्साही व सक्रिय कार्यकर्त्यांना संधी देऊन जिल्ह्यात पक्षाचा विस्तार व मजबुती करीता आपण सर्र्वांनी मिळून प्रयत्त करावे याबाबत मार्गदर्शन केले.

     

    सदर कार्यक्रमाचे संचलन राष्ट्रवादी विद्यार्थी शहर अध्यक्ष कोमील मडावी यांनी केले असुन प्रास्ताविक जिल्हा अध्यक्ष नितीन भटारकर यांनी केले. तसेच स. आबीद अली, राजीव कक्कड, राकेश सोमानी, विलास नेरकर, महेंद्रसिंग चंदेल यांनी विचार मांडले यावेळी ग्रामीण क्षेत्रातील मोठ्या प्रमाणात पक्षाचे पदाधिकारी, कार्यकर्ते व महीला पदाधिकारी उपस्थीत होते.

     

    यावेळी प्रामुख्याने सर्वश्री राष्ट्रीय सचिव राजेंद्र जैन, देवेंद्रनाथ चौबे, जिल्हाध्यक्ष नितीन भटारकर, केतन तुरकर, शहर जिल्हाध्यक्ष राजीव कक्कड, प्रदेश सहसचिव आबिद अली, युवक जिल्हाध्यक्ष राकेश सोमानी, विद्यार्थी जिल्हाध्यक्ष सुजित उपरे, चंद्रपूर विधानसभा अध्यक्ष सुनील काळे, वरोरा विधानसभा अध्यक्ष विलास नेरकर, चिमुर विधानसभा अध्यक्ष अरविंद रेवतकर, ब्रम्हपुरी विधानसभा अध्यक्ष अविनाश राऊत, राजुरा विधानसभा अध्यक्ष शरद जोगी, महिला कार्यध्यक्ष चारूशीलाताई बारसागडे, नगरसेवक महेंद्रसिह चंदेल, युवक अध्यक्ष अभिनव देशपांडे, रौनक ठाकूर, चंद्रपूर तालुका अध्यक्ष श्रीनिवास गोस्कुल्ला, भद्रावती तालुका अध्यक्ष राजू बोरकर, शहर अध्यक्ष शहर अध्यक्ष गितेश सातपुते, वरोरा तालुका अध्यक्ष रवि भोयर, शहर अध्यक्ष चंद्रकांत कुंभारे, चिमूर तालुका अध्यक्ष योगेश ठूने, सचिव रमेश कऱ्हाडे, ब्रम्हपुरी तालुका अध्यक्ष नोगेश बघमारे, नागभीड तालुका अध्यक्ष विनोद नवघडे, शहर अध्यक्ष रियाज शेख, मुल तालुका अध्यक्ष मंगेश पोटवार, पोंभुर्णा तालुका अध्यक्ष विजय ढोंगे, बल्लारपूर तालुका अध्यक्ष महादेव देवतळे, कार्याध्यक्ष तणवीर शेख, गोंडपीपरी तालुका अध्यक्ष मनोज धानोरकर, राजुरा तालुकाध्यक्ष संतोष देरकर, शहर अध्यक्ष रकीब शेख, सावली तालुकाध्यक्ष घनश्याम राऊत, घुग्गुस शहर अध्यक्ष रवी डिकोंडा, जिल्हा सचिव हर्षवर्धन पिपरे, पंचायत समिती सदस्य पंकज ढेंगारे, माजी नगरसेवक सरफराज शेख, अल्पसंख्यांक सेलचे शहर अध्यक्ष नौशाद सिद्धिकी, ओबीसी शहर अध्यक्ष विपिन झाडे, अश्विन उपासे, प्रविण काकडे, प्रशांत झामरे, अकबर खान, दामोधर नंनावरे, मनोज सैनी, अर्चनाताई बुटले, सलीम शेख, गोलू डोहने उपस्थित होते.

     

    कार्यक्रमाच्या यशस्वीतेकरिता अमोल ठाकरे, केतन जोरगेवार, रोशन फुलझेले, तिमोती बंडावार, अनुकूल खन्नाडे, राहुल आवळे, आकाश निरथवार, दिपक गोरडवार, संजय सेजूळ, अमर गोमासे, पियुष चांदेकर, समीर शेख, अमर धोंगडे, गणेश बावणे, नितीन घुबडे, सौरभ घोरपडे, राजू रेड्डी, राकेश रेप्पेलीवार, सचिन मांडाळे, भोजराज शर्मा, राहुल वाघ, पवन जाधव, प्रतीक भांडवलकर, सनी शर्मा, ऋतिक मडावी, संदीप बिसेन, निशांत लिंगमपल्लीवार, अंकित ढेंगारे, पवन बंडीवार, चेतन अनंतवार यांनी अथक परिश्रम घेतले.

  • चंद्रपुर शहरात 9 हजार बेवारस श्वान

    News34 chandrapur

    चंद्रपूर – शहरातील मोकाट,बेवारस,भटके श्वान यांची संख्या नियंत्रित ठेवणे,रेबीज निर्मुलन व मनुष्य – प्राणी संघर्ष टाळणे या दृष्टीने चंद्रपूर महानगरपालिका व प्यार फाऊंडेशन द्वारे श्वान लसीकरण व निर्बीजीकरणाची मोहीम सुरु असुन आपल्या परिसरातील मोकाट श्वानांचे लसीकरण व निर्बीजीकरण करावयाचे असल्यास मनपाद्वारे दिल्या गेलेल्या क्रमांकावर संपर्क साधण्याचे आवाहन करण्यात येत आहे.

     

    मोकाट, भटके श्वान ही अनेक ठिकाणची गंभीर समस्या आहे. गाडीच्या मागे धावणे,चावा घेणे,रात्रीच्या वेळेस अंगावर धाऊन जाणे त्यामुळे अपघात होणे इत्यादी प्रकारचे त्रास या बेवारस कुत्र्यांमुळे होतात. पिसाळलेल्या श्वानांच्या चाव्यामुळं,अनेकांना प्राण गमवावे लागतात किंवा रेबिजपासून वाचण्यासाठी अनेक इंजेक्शन टोचून घ्यावे लागतात. प्राणी क्लेश प्रतिबंधक कायदा १९६० व ॲनिमल बर्थ कंट्रोल २००१ नुसार श्वानांना मारण्यास बंदी आहे. मात्र मोकाट, भटके  श्वान यांची संख्या दिवसेंदिवस वाढतच जाते. यावर नियंत्रण आणण्यासाठी चंद्रपूर मनपाद्वारे सदर मोहीम राबविली जात आहे.

     

    शहरातील मोकाट श्वानांची नसबंदी करण्याची जबाबदारी पेटानिटी अँड ॲनिमल रिहॅबिलिटेटर्स (प्यार ) फाऊंडेशनकडे सोपविण्यात आली आहे. शहरात अंदाजे ८ ते ९ हजार बेवारस श्वान असुन त्यांच्या संख्येत वाढ होत असल्याने निर्बीजीकरणाचे काम हाती घेण्यात आले आहे.  मनपातर्फे आतापर्यंत १८०० श्वानांचे निर्बिजीकरण करण्यात आले आहे.

     

    आपल्या परीसरातील मोकाट श्वानांचे निर्बीजीकरण तसेच लसीकरण करावयाचे असल्यास सदर माहीती ७०२८८८२८८९ या मोबाईल क्रमांकावर देण्याचे आवाहन चंद्रपूर महानगरपालिकेतर्फे करण्यात येत आहे.

  • चंद्रपूर जिल्ह्यातील शेतकऱ्यांच्या बांधावर पोहचले महसूल मंत्री विखे पाटील

    News34 chandrapur

    चंद्रपूर : गत महिन्यात झालेल्या अतिवृष्टीमुळे जिल्ह्यात सोयाबीन आणि कपाशीचे मोठ्या प्रमाणात नुकसान झाले आहे. या शेतमालाची पाहणी करण्यासाठी राज्याचे महसूल, पशुसंवर्धन व दुग्धविकास मंत्री राधाकृष्ण विखे पाटील यांनी आज (दि.8) चिमूर तालुक्यातील वाहनगाव, बोथली, रेंगाबोडी गावांचा दौरा केला. शेतक-यांच्या बांधावर जावून त्यांनी नुकसानग्रस्त पिकांची पाहणी केली. तसेच शेतक-यांच्या समस्या जाणून घेतल्या.

     

    यावेळी महसूल मंत्री श्री. विखे पाटील म्हणाले, कृषी विभागाच्या प्राथमिक अंदाजानुसार जिल्ह्यात 67 हजार हेक्टर पैकी 55 हजार हेक्टरवर सोयाबीनचे नुकसान झाले आहे. कपाशीलासुध्दा मोठ्या प्रमाणात मार बसला आहे. त्यामुळे जिल्हा प्रशासनाला तात्काळ नुकसानग्रस्त पिकांचे पंचनामे करण्याच्या सुचना देण्यात आल्या आहेत. तसेच पिकांवर खोडकिडीचाही प्रादुर्भाव आढळला असून कृषी शास्त्रज्ञांकडून त्याचे निरीक्षण केले जाईल. पंचनामे पूर्ण होताच राज्य सरकारकडून शेतक-यांना भरीव मदत दिली जाईल, अशी ग्वाही त्यांनी दिली. यावेळी त्यांनी चिमूर तालुक्यातील वाहनगाव येथील नथ्थुजी रणदिवे यांच्या शेतातील नुकसानग्रस्त सोयाबीनची, बोथली येथील सुधाकर बरडे यांच्या शेतातील कपाशी आणि रेंगाबोडी येथील गजानन ठोंबरे यांच्या शेतातील सोयाबीनची पाहणी केली.

     

    महसूल विभागाचा आढावा :

    चिमूर येथील पंचायत समितीच्या सभागृहात आढावा घेतांना ना. विखे पाटील म्हणाले, घरकुल योजनेसाठी लाभार्थ्यांना पाच ब्रास वाळू मोफत देण्याचे शासनाचे धोरण आहे. त्यामुळे लाभार्थ्यांना जवळचे रेती डेपो उपलब्ध झाले पाहिजे. त्यादृष्टीने महसूल प्रशासनाने नियोजन करावे. विनाकारण वाळूसाठी घरकुलच्या लाभार्थ्यांना आर्थिक भुर्दंड पडायला नको. चंद्रपूर येथील जिल्हाधिकारी कार्यालयाची नवीन इमारत तसेच चिमूरच्या अपर जिल्हाधिकारी कार्यालयासाठी आणि निवासी वसाहतींकरीता निधीमागणीचा प्रस्ताव पाठवावा. भुमी अभिलेख अंतर्गत जमीन मोजणीकरीता ड्र्रोन / रोव्हर्स उपलब्ध करून देण्यात आले आहे. त्यामुळे जमिनीची मोजणी गतीने करून द्यावी. अर्ज आल्यानंतर 12 ते 15 दिवसांत संबंधित लाभार्थ्यांची जमीन मोजणी झाली पाहिजे.

     

    पाणंद रस्ते हा शासनाचा महत्वाकांक्षी उपक्रम आहे. जास्तीत जास्त लोकांचा पाणंद रस्त्यांचा उपयोग होण्यासाठी जिल्ह्यातील पाणंद रस्ते मोकळे करा. प्रधानमंत्री पीक विमा योजनेत चंद्रपूर जिल्ह्यात चांगले काम झाले आहे. तरीसुध्दा पंचायत समिती स्तरावर किंवा मंडळनिहाय कार्यशाळा घेऊन या योजनेची माहिती शेतक-यांपर्यंत पोहचवा. जेणकरून जास्तीत जास्त शेतकरी प्रधानमंत्री पीक विमा योजनेत सहभागी होऊ शकतील, अशा सुचना महसूल मंत्री राधाकृष्ण विखे पाटील यांनी दिल्या. यावेळी वीज पडून बैल मृत्युमुखी पडल्यामुळे रतिराम गायकवाड आणि गणेश देवतळे यांना महसूलमंत्र्यांच्या हस्ते मदतीचा धनादेश देण्यात आला.

     

    आमदार किर्तीकुमार उर्फ बंटी भांगडीया यांनी घरकुलच्या लाभार्थ्यांना जवळच्या घाटावरून वाळू उपलब्ध करून देण्याची मागणी केली. तसेच चिमूर येथे आज संपूर्ण प्रशासन आले आहे. येथे अपर जिल्हाधिकारी कार्यालयसुध्दा कार्यान्वित झाले असून लवकरच स्वतंत्र चिमूर जिल्ह्याची निर्मिती करावी, अशीही मागणी त्यांनी केली.

    जिल्हाधिकारी यांनी केले सादरीकरण

     

    सादरीकरण करतांना जिल्हाधिकारी विनय गौडा यांनी सांगितले की, जिल्ह्यात 57 टक्के हेक्टरवर ई –पीक पाहणी प्रयोग झाले असून लवकरच 100 टक्के ई-पीक पाहणी करण्यात येईल. तसेच ई- फेरफार आणि ई- चावडी उपक्रम राबविण्यात येत आहे. गत दोन महिन्यात अतिवृष्टीमुळे जिल्ह्यात 61430 हेक्टर क्षेत्र बाधित झाले होते. बाधित झालेल्या शेतक-यांची संख्या 68 हजार असून यापैकी 58 हजार शेतक-यांचे पंचनामे पूर्ण करून अहवाल शासनाकडे सादर करण्यात आला आहे.

     

    जिल्ह्यात 40 पैकी 38 वाळू घाटांचे लिलाव करण्यात आले आहे. यातून 28 कोटी रुपये महसूल प्राप्त झाला आहे. जिल्ह्यात 30 वाळू डेपोचे नियोजन करण्यात आले आहे. गौण खनीज मधून 64 टक्के वसूली करण्यात आली असून अवैध उत्खनन व वाहतुकीतून 2 कोटी 1 लक्ष रुपयांचा दंड आकारण्यात आला आहे. शासन आपल्या दारी अंतर्गत जिल्ह्यातील 3 लक्ष 80 हजार 950 लाभार्थ्यांना लाभ आला आहे. तसेच प्रधानमंत्री पीक विमा योजनेत गतवर्षीपेक्षा 500 पट शेतक-यांचा सहभाग वाढला आहे. गतवर्षी या योजनेत 67 हजार शेतकरी सहभागी झाले होते तर यावर्षी सहभागी शेतक-यांची संख्या 3 लक्ष 50 हजार 976 आहे. यातून 3 लक्ष 27 हजार हेक्टर क्षेत्राला संरक्षित विम्याचे कवच प्राप्त झाले असल्याचे जिल्हाधिका-यांनी सांगितले.

     

    बैठकीला महसूल मंत्री राधाकृष्ण विखे पाटील यांच्यासह खासदार अशोक नेते, आमदार किर्तीकुमार उर्फ बंटी भांगडीया, जिल्हाधिकारी विनय गौडा, मुख्य कार्यकारी अधिकारी विवेक जॉन्सन, अतिरिक्त जिल्हाधिकारी श्रीकांत देशपांडे, सहाय्यक जिल्हाधिकारी मुरुगानंथम एम., जिल्हा अधीक्षक कृषी अधिकारी शंकर तोटावार यांच्यासह सर्व उपविभागीय अधिकारी, तहसीलदार आणि विविध विभागाचे प्रमुख उपस्थित होते.

     

  • ऑक्टोबर महिन्यात चंद्रग्रहण व सूर्यग्रहणाची खगोलीय घटना

    News34 chandrapur

    चंद्रपूर – १४ ऑक्टोबर रोजी जगातील उत्तर-मध्य आणि दक्षिण अमेरिका, अमेरिका, मेक्सिको, कोलंबिया आणि ब्राझील येथून हे ग्रहण कुठे कांकनाकृती किंवा खग्रास दिसणार आहे, परंतु हे ग्रहण भारतातून दिसणार नाही. भारतीय वेळेनुसार हे ग्रहण सकाळी ८.३३ वा सुरू होऊन २.२६ वाजता संपेल.हे ह्या वर्षीचे शेवटचे सूर्यग्रहण असेल. ह्या पूर्वी २० अप्रिल रोजी आंशिक सूर्यग्रहण घडले होते आणि ह्या वर्षीचे २८ ऑक्टोबर चे खंडग्रास चंद्रग्रहण भारतातून दिसेल. पती-पत्नीची अमानुष हत्या

     

    २८ ऑक्टोबर रोजी रात्री घडणारे खंडग्रास चंद्रग्रहण भारत, महाराष्ट्रातून दिसेल. ह्या पूर्वी ५ मे रोजी छायाकल्प चंद्रग्रहण झाले होते.२८ऑक्टोबर चे ग्रहण वर्षातील शेवटचे ग्रहण असेल.हे ग्रहण जगातील युरोप, आशिया, आष्ट्रेलिया, आफ्रिका आणि उत्तर अमेरिकेतुन दिसेल. ग्रहणाची सुरवात रात्री ०१.०५ मिनिटाने सुरुवात होईल,ग्रहण मध्य ०१.४४ तर ग्रहण २.२२ वाजता संपेल. आंशिक ग्रहणाचा चंद्र केवळ १०%झाकला जाइल.

    ऑक्टोबर चे उल्कावर्षाव

    ९ ऑक्टोबर ला ड्राकोनिड उल्कावर्षाव
    १८ ऑक्टोबर ला जेमिनिड उल्कावर्षाव
    २२ ऑक्टोबर ला ओरिओनीड उल्कावर्षाव
    २५ ऑक्टोबर ला लिओनीड उल्कावर्षाव पहावयास मिळणार आहे.

    ऑक्टोबर महिन्यात इतक्या खगोलीय घटना पाहण्याची ही संधी अनेक वर्षांनंतर आली आहे. खगोल अभ्यासकांनी ह्या संधिचा लाभ घ्यावा असे आवाहन खगोल अभ्यासक आणि स्काय वॉच गृप चे अध्यक्ष प्रा सुरेश चोपणे ह्यानी केले आहे.

  • चंद्रपूर जिल्ह्यातील या 30 महिलांना मिळणार मोठ्या ब्रँड सोबत काम करण्याची संधी

    News34 chandrapur

    गडचांदूर – अल्ट्राटेक कम्युनिटी वेल्फेअर आवारपुर व कौशल्य विकास मंत्रालय यांच्या वतीने सिमेंट कंपनीच्या दत्तक गावातील महिलांना असिस्टंट ब्युटीशियन थेरपीस्ट बनण्याची संधी मिळाली आहे. Skill india program

    यात 30 महिला प्रशिक्षण घेत असून 3 महिन्याचं प्रशिक्षण पूर्ण झाल्यानंतर त्यांना राष्ट्रीय स्तरावरील ब्युटीशियन कंपनीमध्ये प्लेसमेंट मिळणार आहे. अथवा त्या स्वतःचा व्यवसाय उभारू शकणार आहे. हे सर्व प्रशिक्षण मोफत असणार आहे या उपक्रमामुळे अल्ट्राटेक सिमेंट कंपनीच्या परिसरातील ग्रामीण भागातील महिलांना रोजगारांची नवीन संधी निर्माण झालेली आहे. Apple iphone 13 512 Gb मोबाईल वर मिळवा 30 टक्क्यांची सूट, 99 हजार 900 रुपयांचा iphone फक्त 69 हजार 499 ला….फक्त amazon वर

     

    या मोफत प्रशिक्षण कार्यक्रमाचा महिला लाभ घेत असून त्यांना आता स्वतःच्या पायावर उभे राहण्याची संधी उपलब्ध करून दिल्याबद्दल अल्ट्राटेक सिमेंट कंपनीचे त्यांनी आभार मानले आहे.

  • अमेझॉन च्या ग्रेट इंडियन फेस्टिव्हल ला सुरुवात

    News34 chandrapur

    वृत्तसेवा – Amazon च्या ग्रेट इंडियन फेस्टिव्हल सेल 2023 ची घोषणा करण्यात आली आहे. दरवर्षी, ग्राहक या सेलची आतुरतेने वाट पाहतात, कारण Amazon सेलमध्ये सर्वात कमी किमतीत मोबाईल, टीव्ही आणि इतर गॅझेट खरेदी करण्याची ऑफर दिली जाते. अशा परिस्थितीत ग्राहक वर्षभर या विक्रीची प्रतीक्षा करतात.

     

    तथापि, डिस्काउंट ऑफरची अधिकृत घोषणा विक्रीच्या दिवशी केली जाईल. परंतु तुम्ही SBI क्रेडिट आणि डेबिट कार्ड आणि EMI वर कोणतेही उत्पादन खरेदी केल्यास, तुम्हाला थेट 10 टक्के सूट मिळू शकेल.

     

    ग्राहकांना मोबाईल डिव्‍हाइसेस आणि अ‍ॅक्सेसरीजवर 40 टक्क्यांपर्यंत सूट मिळू शकते. याचा अर्थ, तुम्ही 1000 रुपयांचे उत्पादन 600 रुपयांना खरेदी करू शकाल.

    Amazon च्या ग्रेट इंडियन फेस्टिव्हल सेल 2023 मध्ये, खरेदीदार काही मोहक आयफोन डीलचा लाभ घेऊ शकतात. iPhone 13 ₹45,999 च्या आकर्षक किमतीत उपलब्ध आहे, तर iPhone 14 तुमचा ₹61,999 मध्ये असू शकतो. तुम्ही मोठा iPhone 14 Plus शोधत असल्यास, त्याची किंमत ₹70,999 आहे आणि उच्च-स्तरीय कामगिरी शोधणाऱ्यांसाठी, iPhone 14 Pro ₹1,19,990 मध्ये उपलब्ध आहे. iPhone 14 Pro Max ची ₹१,७७,९९९ मध्ये विक्री होत आहे.

    OnePlus Nord CE 3 Lite 5G (Chromatic Gray, 8GB RAM, 128GB Storage) सुपर फास्ट चार्जिंग युक्त 19 हजार 999 रुपयांचा मोबाईल फक्त 17 हजार 499 रुपयात

     

    Apple iPhone 13 (128GB) वर तब्बल 30 टक्क्यांची सूट 69 हजार 900 रुपयांचा आयफोन फक्त 48 हजार 999 रुपयात

     

    Fire TV Stick Lite with all-new Alexa Voice Remote Lite बघा ऑनलाइन चित्रपट व वेबसिरीज चा धमाका, 3 हजार 999 रुपयांचे फायर टीव्ही स्टिक केवळ 1 हजार 799 रुपयांमध्ये, 55 टक्क्यांची मिळतेय सूट, आजच खरेदी करा..

     

    Redmi 108 cm (43 inches) F Series 4K Ultra HD Smart LED Fire TV L43R8-FVIN (Black) 51 टक्क्यांची सूट, 42 हजार 999 रुपयांचा टीव्ही फक्त 20 हजार 999 रुपयात आजच खरेदी करा amazon indian festival मधून

  • चंद्रपुरात वाहतुकीस अडथळा, मनपाने 10 जणांविरुद्ध केले गुन्हे दाखल

    News34 chandrapur

    चंद्रपूर – शहरातील विविध भागातील वाहतुकीस अडथळा निर्माण करणाऱ्या व प्रसंगी अपघातास कारणीभूत ठरणाऱ्या १० मोकाट जनावरांच्या मालकांविरुद्ध चंद्रपूर महानगरपालिकेने तक्रार करून गुन्हे दाखल केले आहेत.

     

    शहरातील मुख्य रस्त्यावर मोकाट जनावरे तासन्‌तास ठिय्या मांडून बसतात. त्यामुळे रहदारीला अडथळा निर्माण होऊन अपघातीही घडतात. महापालिकेकडून अनेकदा कारवाईही केली जाते. परंतु तरीही सदर समस्या वाहतुकीला डोकेदुखी ठरत असल्याने मोकाट जनावरांविषयीचा प्रश्न आयुक्त विपीन पालीवाल यांनी गांभीर्याने घेतला असुन सध्या १० मोकाट जनावरांच्या मालकांविरुद्ध गुन्हे दाखल करण्यात आले आहेत.

     

    शहर व लगत परिसरात मोठ्या प्रमाणात जनावरांचे गोठे आहेत. जनावरांचे काही मालक हे जनावरे सकाळी मोकाट सोडून देतात. सोडून दिलेली ही मोकाट जनावरे रस्त्यावर ठाण मांडतात. बहुतांशी मुख्य रस्ते,चौक येथे मोकाट जनावरांनी रस्ता अडविलेला असतो. यातून अनेकदा गंभीर अपघाताच्या घटना घडलेल्या आहेत. तसेच वाहतुकीला अडथळा निर्माण होऊन वाहतूक कोंडीची समस्या देखील उद्भवते.

     

    याबाबत प्राप्त तक्रारीनुसार मनपाकडून कारवाईही केली जाते. मात्र, अलीकडे जनावरांचे कोंडवाडा राहिलेले नाहीत. गोशाळांमध्ये ही जनावरे जमा केल्यानंतर मालक तेथून ती सोडवून आणतात आणि पुन्हा ती जनावरे रस्त्यावर मोकाट फिरतात. त्यामुळे मनपाने आता या पशुपालकांनाच चाप लावण्याच्या दृष्टीने कारवाई सुरु केली आहे.

     

    मोकाट जनावरे पकडुन पोलीस तक्रार करण्याची  मोहीम यापुढेही सुरु राहणार असुन ती अधिक तीव्र करण्यात येणार असुन पशुपालन करणाऱ्या संबंधितांनी आपली जनावरे रस्त्यावर मोकळे न सोडण्याचे आवाहन चंद्रपूर महानगरपालिकेतर्फे करण्यात येत आहे.

  • चंद्रपुरात किमान वेतनासाठी घंटागाडी कामगारांची लढाई

    News34 chandrapur

    चंद्रपूर – चंद्रपूर महानगरपालिकेत घंटागाडी कामगार किमान वेतनासाठी रस्त्यावर उतरले आहे, मागील 2 दिवसापासून पालिकेसमोर घंटागाडी कामगार आंदोलन करीत आहे, त्यांच्या आंदोलनाची दखल मंत्री, आमदार व स्वतः मनपाने घेतलेली नाही.

     

    संत गाडगेबाबा असंघटित कामगार संघटनेतर्फे सदर कामबंद आंदोलन करण्यात येत आहे, वर्ष 2021 पासून कामगारांना किमान वेतन नुसार पगार देण्यात येत होता, त्यानंतर सफाई चे कंत्राट दुसऱ्या कंत्राटदारा कडे गेल्याने किमान वेतनात मोठी तफावत निर्माण झाली.

     

    एका कामगारांच्या मागे तब्बल 200 ते 300 रुपये म्हणजेच महिन्याला 6 हजार रुपये कमी मिळायला लागले, याबाबत काही महिन्यांपूर्वी कामगार संघटनेतर्फे आंदोलन पुकारत कामबंद करण्याचा इशारा देण्यात आला होता, त्यावेळी आश्वासन देत आंदोलन मिटले.

     

    मात्र कामगारांच्या किमान वेतनावर कंत्राटदार काहीही बोलायला तयार नाही, जितका पगार मिळत आहे घ्या अन्यथा कामावरून कमी व्हा अशी धमकी त्यांना देत आहे, कंत्राटदारांच्या अन्यायाला कंटाळून संत गाडगेबाबा असंघटित कामगार संघटनेचे अध्यक्ष रतन गायकवाड यांनी सर्व बाबी समजून घेत आंदोलनाचे हत्यार उपसले आहे.

     

    6 ऑक्टोम्बर पासून कामगार संघटनेमार्फत कामबंद आंदोलन सुरू आहे, जोपर्यंत आमच्या मागण्या पूर्ण होणार नाही तोपर्यंत आंदोलनातून माघार घेणार नाही अशी भूमिका कामगारांनी घेतली आहे. या आंदोलनात 300 कामगार सामील झाले आहे.

  • आदिवासी तरुणीची शिक्षणासाठी लंडनवारी

    News34 chandrapur

    चंद्रपूर : मोठ्या शहरात शिक्षण घेण्याचे अनेकांचे स्वप्न असते. त्यातच परदेशातील शिक्षण म्हणजे दिवास्वप्नच. मात्र जिद्द आणि चिकाटीच्या जोरावर आपणही उंच भरारी घेऊ शकतो, असा आत्मविश्वास असणाऱ्यांपुढे आकाश ठेंगणे असते. असाच अनुभव सावली तालुक्यातील भानापूर येथील आदिवासी लेकीला आला. परदेशात उच्च शिक्षण घेण्याच्या तिच्या जिद्दीला बळ देण्याचे काम राज्याचे वने, सांस्कृतिक कार्य, मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांनी केले आहे. त्यामुळे आता एक आदिवासी लेक शिक्षणासाठी लंडनवारी करण्यासाठी सज्ज झाली आहे. One Plus Nord CE 3 5G धमाकेदार ऑफर, अवश्य खरेदी करा आपल्या फायद्याचा फोन

     

    ना. श्री. मुनगंटीवार यांच्या पाठपुराव्यामुळे या तरुणीचा शिष्यवृत्तीचा रखडलेला प्रस्ताव मार्गी लागला आणि तिला लंडन येथे उच्च शिक्षणासाठी ३७ लक्ष ६१ हजार १८३ रुपयांची वार्षिक शिष्यवृत्ती मंजूर झाली. ही कहाणी आहे सावली तालुक्यातील भानापूर (पो. पाथरी) या गावातील प्रिया यशवंत ताडाम या तरुणीची. एकतर पूर्णपणे जंगलव्याप्त आणि १०० टक्के आदिवासी गाव. जेमतेम ४० कुटुंबांची लोकवस्ती. अशा या गावातील प्रिया आता एल.एल.एम. करण्यासाठी लंडनच्या क्वीन मेरी युनिर्व्हसिटीमध्ये जाणार आहे. त्यासाठी आदिवासी विकास विभागाकडून प्रियाच्या शिक्षणासाठी ३७ लक्ष ६१ हजार १८३ रुपयांची वार्षिक शिष्यवृत्ती मंजूर करण्यात आली आहे. विशेष म्हणजे प्रियाच्या शिष्यवृत्तीचा प्रस्ताव अनेक दिवस रेंगाळत होता. ही बाब भाजपा महिला मोर्चाच्या प्रदेश महामंत्री अल्का आत्राम यांनी जिल्ह्याचे पालकमंत्री ना. सुधीर मुनगंटीवार यांच्या लक्षात आणून दिली. त्यानंतर ना. मुनगंटीवार यांनी याबाबत पाठपुरावा केला व प्रियाचा परदेशातील उच्च शिक्षणाचा मार्ग सुकर झाला.

     

    असा आहे आदिवासी लेकीचा प्रवास

    प्रिया ताडामचे प्राथमिक शिक्षण आसोलामेंढा (ता. सावली) येथे झाले असून इयत्ता पाचवी ते सातवीपर्यंत तिने जि.प.शाळा पाथरी येथे शिक्षण घेतले. त्यानंतर इयत्ता आठवी ते बारावीपर्यंत सावली येथील विश्वशांती ज्युनिअर कॉलेज येथे शिक्षण घेतल्यानंतर बी.ए.एल.एल.बी. ची पदवी तिने शासकीय विधी महाविद्यालय नागपूर येथे ७१ टक्के गुणांसह प्राप्त केली.

     

    ना. श्री. मुनगंटीवार यांचे आभार

    इंटरनॅशनल बिझनेस लॉमध्ये एल.एल.एम. करण्यासाठी प्रिया ताडाम आता लंडनला जाणार आहे. पण, तिच्या घरची आर्थिक परिस्थिती जेमतेम आहे. तिचे वडील यशवंत ताडाम हे शेतमजूर असून त्यांच्याकडे वडिलोपार्जित तीन एकर शेती आहे. पालकमंत्री सुधीर मुनगंटीवार यांच्या पुढाकाराने शिष्यवृत्ती मंजूर झाल्यानंतर प्रिया आणि तिच्या कुटुंबियांनी ना. मुनगंटीवार यांचे आभार मानले आहेत.

  • तहानलेल्या गावांना मिळणार पाणी..! सरपंच संघटनेच्या मागणीला यश

    News34 chandrapur गुरू गुरनुले

    मुल – मागील काही दिवसापासून बेंबाळ, गोवर्धन, नांदगाव, घोसरी, बाबराळा, नवेगाव भुजला, चकदुगाळा या गावातील प्रादेशिक पाणीपुरवठा योजनेतील पाणीपुरवठा बंद असल्याने या गावातील नागरिकांना पाण्याचा प्रचंड त्रास सहन करावा लागला.

     

    परिसरातील नागरिक दूषित पाणी पिल्यामुळे आरोग्याचा धोका निर्माण झाला होता. याबाबत सरपंच संघटनेने मुख्य कार्यकारी अधिकारी तसेच जिल्ह्याचे पालकमंत्री यांना निवेदन देऊन पाणीपुरवठा सुरू करण्यासंदर्भात सतत पाठपुरावा केला होता. याबाबत शासनाच्या बैठकीमध्येही सरपंच संघटनेच्या वतीने सहभागी होऊन चर्चा करण्यात आली होती.

     

    पाण्यासाठी गावातील जनतेचे हाल होत असल्याने प्रशासनानेही याची गंभीर दखल घेऊन पाणीपुरवठा बाबतचा निधी प्रशासकीय स्तरावरून उपलब्ध करून देऊन पाणी पुरवठा सुरू करण्याचा निर्णय घेतला. सततच्या केलेल्या पाठपुराव्यामुळे व प्रशासनाच्या सहकार्यामुळे ही योजना पुन्हा सुरू झाली त्यामुळे परिसरातील नागरिकांमध्ये आनंदाचे वातावरण तयार होऊन नागरिकांनी सरपंच संघटनेचे व प्रशासनाचे आभार मानले.

     

    या यशाबद्दल बेंबाळचे सरपंच चांगदेव केमेकार, नांदगावच्या सरपंच हिमानीताई वाकुडकर, बाबराळाचे सरपंच धिरज गोहणे, नवेगाव भुजला सरपंच यशवंत खोब्रागडे, गोवर्धनचे सरपंच गोपिकाताई जाधव, चकदूगाळा सरपंच प्रीती ताई भांडेकर, घोसरीच्या सरपंच रोशनी लोढे यांचेही नागरिकांनी आभार मानले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by