Blog

Sudhir mungantiwar on sanjay raut चंद्रपुरात कितीही सभा घेतल्या तरी विजय हा धानोरकरांचाचं होणार असे वक्तव्य राज्यसभा खासदार संजय राऊत यांनी केले होते, त्यावर चंद्रपूर महायुती उमेदवार सुधीर मुनगंटीवार यांनी राऊत यांचा समाचार घेतला.

राऊत हे नेहमी उंटावरून शेळ्या हाकण्याचे काम करतात, त्यांना विदर्भातील जनतेचा राग आहे म्हणून ते असे बोलत असतात, कोरोना काळात सुद्धा ज्यांनी पाप केलं त्यांना कोरोना झाला असे वादग्रस्त वक्तव्य ते करीत असतात, पण त्यांच्या वक्तव्याला आम्ही व तुम्हीपण गंभीरपणे घेऊ नका, त्यांची पत्रकार परिषद असली की आपल्या चेहऱ्यावर हास्य ठेवत पुन्हा ते नवं ज्ञान देणार मात्र ते ज्ञान मनात रुजवू नका असं मनात ठेवत चला. Sudhir mungantiwar on sanjay raut

वर्ष 2014 ला पंतप्रधान मोदी चंद्रपुरात आले होते, त्यावेळी भाजप उमेदवार हंसराज अहिर जिंकले होते, मात्र 2019 ला ते न आल्याने व उमेदवार पडले आता या वर्षीच्या निवडणूक रणसंग्रामात पहिली सभा मोदी यांची होत आहे, त्यावर मुनगंटीवार म्हणाले की मी त्याचा काही विचार केला नाही मात्र हे ऐकून मला आता दोन वाघांची शक्ती मिळाली आहे, जनता मला मतरुपी आशीर्वाद देणार हे नक्की.

Election campaign vehicle चंद्रपूर लोकसभा मतदार संघातील आर्णी विधानसभा क्षेत्रातील बारभाई या गावात महायुतीचे उमेदवार सुधीर मुनगंटीवार यांच्या प्रचार वाहनाला सरपंच प्रदीप जाधव यांनी बाहेरचा रस्ता दाखविला, याबाबत समाजमाध्यमावर व्हिडीओ सुद्धा व्हायरल करण्यात आला होता.

हे अवश्य वाचा : नितीन गडकरी यांच्या तोंडून निघालं शिलाजीत चा उल्लेख, आणि मग हश्या पिकला

सुधीर मुनगंटीवार यांच्या प्रचार वाहनाला बाहेरचा रस्ता दाखविणे सरपंच जाधव यांना महागात पडले आहे, कारण वाहन चालक ज्ञानेश्वर जाधव यांनी पारवा पोलीस स्टेशनमध्ये सरपंच जाधव विरोधात तक्रार दाखल केली. Election campaign vehicle

व्हिडीओ मध्ये नेमकं काय?

भाजपने आमच्या खात्यात 15 लाख रुपये अजून टाकलेले नाही, महागाई वाढवली, 400 रुपयांचा सिलेंडर आज अकराशे रुपयांपर्यंत गेला आहे, कास्तकारांच्या समस्येवर काही निराकरण नाही, त्यामुळे हा प्रचार वाहन आमच्या गावात नको असे बोल सरपंच जाधव यांनी वाहन चालकाला सुनावले होते.

त्यामुळे वाहन चालक ज्ञानेश्वर जाधव यांच्या फिर्यादीवरून पारवा पोलीस स्टेशन अंतर्गत येणाऱ्या सावळी पोलीस दूरक्षेत्र इंथे कलम 500,504,506,34 IPS नुसार गुन्हा दाखल करण्यात आला आहेत. Election campaign vehicle

Nitin gadkari speech in chandrapur पहिल्या टप्प्यात होणाऱ्या चंद्रपूर लोकसभा निवडणुकीचा प्रचार शिगेला पोहचला आहे, 6 एप्रिलला केंद्रीय मंत्री नितीन गडकरी यांची महायुती उमेदवार सुधीर मुनगंटीवार यांच्या प्रचारासाठी जाहीर सभेचे आयोजन करण्यात आले होते.

हे अवश्य वाचा – चंद्रपुरात मतदानाची साखळी

आयोजित सभेत नितीन गडकरी यांनी जुन्या आठवणीना उजाळा देत भाजपच्या स्थापना दिवस व मुनगंटीवार यांच्यासोबत मंत्रिमंडळात केलेल्या कामाची माहिती दिली, जनतेचे प्रश्न सोडविण्याचे काम मुनगंटीवार हे करीत आहे, एडवांटेज चंद्रपूर च्या माध्यमातून चंद्रपूर जिल्ह्यातील युवकांना रोजगार मिळेल ही संकल्पना मुनगंटीवार यांची आहे, आम्ही चंद्रपूर जिल्ह्याला 474 किलोमीटर चे राष्ट्रीय महामार्ग दिले, 10 हजार कोटींचा निधी सुद्धा उपलब्ध करून दिला. Nitin gadkari speech in chandrapur

हे अवश्य वाचा – ऐन उन्हाळ्यात चंद्रपुरात पाण्याची समस्या

देशात मागील अनेक वर्षांपासून माणूस माणसाला खेचत होता आमचं सरकार आल्यावर आम्ही ई रिक्षा बाजारात आणला त्यामुळे देशात सामाजिक क्रांती आली. Nitin gadkari speech in chandrapur

आपण सर्व सुज्ञ आहात, जातीपातीचे राजकारण करू नका, कारण जो गॅस सिलेंडर हिंदूंना ज्या दरात मिळतो त्या दरात तो मुस्लिम बांधवनाही मिळतो, पुढील 5 वर्षात चंद्रपूर व गडचिरोली जिल्ह्यात दोन लाख कोटींची गुंतवणूक होणार अशी माहिती गडकरी यांनी दिली.
मात्र भाषणाच्या शेवटच्या वाक्यात गडकरी हडबडले, ते म्हणाले की सुधीर मुनगंटीवार यांना तुम्ही लोकसभेत पाठविले तर पंतप्रधान नरेंद्र मोदी, मी स्वतः राज्यातील ट्रिपल इंजिन सरकार त्यांच्या ताकदीने पाठीशी राहणार, आम्ही त्यांना पॉवरफुल शिलाजीत देऊ, असे म्हटल्यावर गडकरी यांना आपण कुठे चुकलो तर नाही याचा प्रत्यय त्यांना येताच ते म्हणाले शिलाजीत म्हणजे विकासकामांसाठी देऊ, कारण मी फोकनाड्या माणूस नाही जे म्हणतो ते मी करतो, कुणी पत्रकार मला प्रश्न विचारू शकत नाही. Nitin gadkari speech in chandrapur

सध्या भर दुपारी सभा होत असल्याने अतिउष्ण जिल्ह्यातील नागरिक सभेला जाणे टाळत आहे, फक्त कार्यकर्ते या सभेला उपस्थित होते.

चंद्रपूर जिल्ह्यात रस्ते बनले मात्र बायपास मार्गाचा प्रश्न अजूनही प्रलंबित आहे, वाहतूक कोंडी मोठ्या प्रमाणात होते, त्यावर नितीन गडकरी यांनी बोलण्याचे टाळले.

Sharad pawar ncp चंद्रपूर जिल्ह्यातील नागभिड तालुक्यातील असंख्य कार्यकर्त्यांनी आणि पदाधिकाऱ्यांनी राष्ट्रवादी कॉंग्रेस पार्टी(शरद पवार) चे संघर्सयोद्धा आणि युवकांचे लोकप्रिय नेतृत्व आ. रोहीतदादा पवार आणि आ.सुनील भुसारा तसेच युवक काँग्रेसचे प्रदेश कार्याध्यक्ष रविकांत वर्पे यांच्या मुख्य उपस्थितीत जिल्हाध्यक्ष राजेंद्र वैद्य यंच्या नेतृत्वावर विश्वास दर्शवित शाहरुख शेख आणि शहर अध्यक्ष रियाजभाई शेख यांच्या नेतृत्वात NCP अजित पवार यांची साथ सोडत पुन्हा NCP शरदचंद्र पवार यांच्या नेतृत्वात घरवपासी करण्याचा निर्णय घेतला.

शाहरुख शेख तसेच रियाजभाई व त्यांच्यासह असंख्य कार्यकर्त्यांना आज राष्ट्रवादी काँग्रेस पार्टी कार्यालय मुल येथे आ. रोहितदादा पवार यांनी पक्षात प्रवेश दिला.या पक्षप्रवेश कार्यक्रम प्रसंगी जिल्हाध्यक्ष राजेंद्र वैद्य,महीला जिल्हाध्यक्ष सू.बेबीताई उईके,युवक जिल्हाध्यक्ष श्री.सुमित समर्थ,ज्येष्ठ नेते प्रदेश सरचिटणीस श्री हिराचंद बोरकुटे,नागभीड तालुकाध्यक्ष डॉ.रघुनाथ बोरकर, मुल शहर अध्यक्ष श्री.महेश जेंगठे,महीला तालुका अध्यक्ष निता गेडाम,शहर महीला अध्यक्षा सौ.अर्चनाताई चावरे,श्री.भरतकर,श्री.निपचंद शेरकी गुरुजी, सिंदेवाही तालुका अध्यक्ष इब्राहिम शेख,शहर अध्यक्ष श्री.कुळमेथे,श्री.मनोज सैनी इत्यादी प्रमुख पदाधिकाऱ्यांची उपस्थिती होती. Sharad pawar ncp

या प्रसंगी शाहरुख शेख यांची नागभिड तालुका NCP कार्याध्यक्ष पदावर तर श्री.श्रावण धारणे यांची नागभीड शहर NCP अध्यक्षपदावर नियुक्ती करण्यात आली. आजच्या या कार्यक्रमात नागभिड तालुक्यातून राष्ट्रवादी ( अजित पवार) गटात गेलेले जवळपास ९५% कार्यकर्त्यांनी राष्ट्रवादी (शरद पवार) यात प्रवेश करून घरवापसी केली.सर्व नाव नियुक्त पदाधिकाऱ्यांचे स्वागत आ.रोहित पवार आणि जिल्हाध्यक्ष राजेंद्र वैद्य यांनी केले. Sharad pawar ncp

हिंगणघाट विधानसभेसाठी समनव्यक म्हणून राजेंद्र वैद्य यांची नियुक्ती

वर्धा लोकसभा मतदारसंघाचे इंडिया आघाडी-राष्ट्रवादी काँग्रेस(शरदचंद्र पवार) चे अधिकृत उमेदवार श्री.अमर काळे यांच्या निवडणुकीसाठी राष्ट्रवादी काँग्रेस(शरद पवार) + काँग्रेस + शिवसेना + AAP + समाजवादी पार्टी व इतर घटक पक्षांतर्गत समन्वय साधून हिंगणघाट विधानसभा मतदारसंघात श्री.अमर काळे यांच्या प्रचारात सर्व घटक पक्षाच्या नेत्यांसोबत बैठक करून त्यांच्या अडचणी जाणून घेवून त्या दूर करून आपसात ताळमेळ घडवून आणून सर्वांना जोमाने निवणुकीच्या प्रचारार्थ लावण्यासाठी राष्ट्रवादी काँग्रेस पार्टी(शरदचंद्र पवार) तर्फे हिंगणघाट विधानसभा समन्वयक म्हणून चंद्रपूरचे जिल्हाध्यक्ष राजेंद्र वैद्य यांची नियुक्ती विदर्भाचे पक्षाचे प्रभारी आ.अनीलबाबु देशमुख यांनी प्रांताध्यक्ष आ.श्री.जयंत पाटील यांच्या सूचनेनुसार केली आहे.

Aam Aadmi Party Chandrapur चंद्रपूर – आम आदमी पार्टीच्या जिल्हाध्यक्ष मयूर राईकवार यांनी जिल्हाधिकारी कार्यालयाकडे दाखल केलेल्या तक्रारीनंतर, राजीव गांधी इंजिनिअरिंग महाविद्यालय (RCERT), चंद्रपूरने 4 एप्रिलला काढलेले नोटीस रद्द करून आज 5 एप्रिलला नवीन नोटीस जारी केले आहेत. या नव्या नोटीसमध्ये भारतीय जनता पक्षाचे लोकसभा उमेदवार सुधीर मुनगंटीवार यांचे नाव वगळण्यात आले आहे.

याआधी दोन दिवसांपूर्वी भाजपमध्ये प्रवेश केलेले माजी RCERT कुलगुरू विजय आइंचवार यांनी राजकीय कारकीर्दीची सुरुवात करण्यासाठी स्वत:च्याच संचालित असलेल्या महाविद्यालयात सुधीर मुनगंटीवार यांना मुख्य अतिथी म्हणून आमंत्रित केले होते. परंतु आम आदमी पार्टीच्या जिल्हाध्यक्ष मयूर राईकवार यांच्या तक्रारीमुळे महाविद्यालयाला हा निर्णय रद्द करावा लागला. म्हणजेच विजय आइंचवारांच्या राजकीय कारकीर्दीच्या पहिल्याच कार्यक्रमावर फेरबदल करावे लागले. म्हणून त्यांच्या कारकीर्दीला सुरुवातीलाच “क्लीन बोल्ड” मिळाले. Aam Aadmi Party Chandrapur

या घटनेमुळे आम आदमी पार्टीच्या जिल्हाध्यक्षांची भूमिका आणखी बळकट झाली आहे. महाविद्यालयाच्या या पावलामुळे सुधीर मुनगंटीवार यांच्यासाठी नामुष्कीची परिस्थिती निर्माण झाली आहे. Aam Aadmi Party Chandrapur

जिल्ह्यात आम आदमी पार्टी प्रमुख विरोधी पक्ष म्हणून समोर येत असल्याचे या घटनेवरून दिसून येते. कॉंग्रेस जरी जिल्ह्यातील मुख्य विरोधी पक्ष असली तरी भाजपाच्या विरोधात आवाज उठविण्याचे काम मागील अनेक वर्षांपासून आम आदमी पार्टीने केल्याचे पाहायला मिळते. Aam Aadmi Party Chandrapur

महाविद्यालयाने कार्यक्रमाच्या आयोजनात बदल करून राजकीय उमेदवाराला निमंत्रित करण्याचा निर्णय रद्द केला आहे. ही घटना आदर्श आचारसंहितेच्या उल्लंघनाविरोधातील लोकशाहीच्या लढ्याची एक महत्त्वपूर्ण विजय आहे.

आम आदमी पार्टीचे जिल्हाध्यक्ष मयूर राईकवार म्हणाले, “आम्ही नियमांच्या राजवटीसाठी आणि निवडणुकीतील अधिकृत प्रक्रियेसाठी लढत आहो. लोकशाहीची शक्ती ही त्या नियमांमध्येच आहे.” Aam Aadmi Party Chandrapur

महाविद्यालयाच्या या पावलामुळे निवडणुकीच्या प्रक्रियेत राजकीय हस्तक्षेप टाळण्यास मदत झाली आहे. आदर्श आचारसंहितेचे पालन करण्याच्या दृष्टीने हा एक महत्त्वपूर्ण पाऊल मानला जाईल.