My Blog

Blog

  • Tiger Hunting Images : त्याने कुऱ्हाडीने केले वाघाचे तुकडे, चंद्रपूर जिल्ह्यातील घटना

    Tiger Hunting Images : त्याने कुऱ्हाडीने केले वाघाचे तुकडे, चंद्रपूर जिल्ह्यातील घटना

    गुरू गुरनुले

    Tiger Hunting Images मुल – चंद्रपुर वनविभागा अतंर्गत चिचपल्ली परिक्षेत्रातील उपक्षेत्र मुल, नियतक्षेत्र चिरोली अतंर्गत मौजा चक नलेश्वर येथे दिनांक ०६/०५/२०२४ रोजी वनाधिकऱ्यांना मिळालेल्या गुप्त माहीतीच्या आधारे मुल तालुक्यातील उथळपेठ येथील शेतकरी सुरेश विठ्ठल चिचघरे यांनी सर्व्हे क्रमांक 55/2 खाजगी शेत येथे शेतात लावुन ठेवलेल्या जिवंत विद्युत प्रवाहाने वन्यप्राणी वाघाची शिकार करुन त्याचे मृत शव जाळुन जमिनीत दफन केल्याची गुप्त माहिती मिळाल्याने त्याची शहनिशा करुन वनाधिकाऱ्यांनी सुरेश विठ्ठल चिचघरे, रा. उथळपेठ यांनी सहे क्रमांक 55/2 खाजगी शेत मौजा चक नलेश्वर येथे जाऊन पाहणी केली असता सदर शेतात मक्का पिकाची पेरणी केलेली होती.

    अवश्य वाचा – वेळेपूर्वी दाखल होणार मान्सून

    Tiger Hunting Images सदर शेतातील पिकाच्या मधल्या भागामध्ये जमिनीवर जाळलेले ठिकाण दिसुन आले. त्याच जाळलेल्या ठिकाणी पावड्याच्या सहाय्याने खोदकाम करुन पाहणी केली असता त्यामध्ये वाघ या वन्यप्राण्याचे १ नग सुळे दात व जळालेले इतर अवयव आढळुन आल्याची खात्री पटल्याने. शेतकरी आरोपी सुरेश विठ्ठल चिचघरे यांना याबाबतची खरी माहिती विचारणा केली असता त्यांनी सांगीतले की, अंदाजे माहे डिसेंबर २०२३ मध्ये धानाचे पिक निघाल्यानंतर पाळीवर लावलेल्या सदर तुर पिकाच्या संरक्षणार्थ शेती लगत असलेल्या 11 KV जिवत विद्युत प्रवाह सोडुन ठेवले होते.

    अवश्य वाचा : मोफत होणार इंग्रजी शाळेत प्रवेश, 17 मे पासून होणार सुरुवात

    Tiger Hunting Images त्यामध्ये वन्यप्राणी वाघाचा स्पर्श होऊन वाघ विद्युत करंट लागून मृत पावले. त्यांनतर वन्यप्राणी वाघा स धानाचे तनसीमध्ये टाकुन ठेवले व त्याला तिन दिवस कुऱ्हाडीच्या सहाय्याने तुकडे करुन जाळण्यांत आले. व जळालेले संपुर्ण अवयव नष्ट करण्याचे हेतूने स्वतःचे मालकीच्या ट्रॅक्टरने नांगरनी करुन पुरावे नष्ट करण्यांचे कृत्य केल्याचे वनाधिकारी यांना लक्षात आले.

     

    सदर घटना स्थळाची पाहणी करण्या करीता मा. सहाय्यक वनसंरक्षक (तेंदू) जी. आर. नायगमकर बंडू घोतरे, राष्ट्रीय व्याघ्र प्राधीकरण प्रतिनीधी, व प्रधान मुख्य वनसंरक्षक (वन्यजीव) यांचे प्रतिनीधी मुकेश भांदककर यांनी भेट दिली असता शेतकरी आरोपी सुरेश विठ्ठल चिचचरे याने केलेले कृत्य पुराव्यासह उघडकीस आल्याने आरोपी सुरेश विठ्ठल चीचघरे याला महाराष्ट्र वन्यजीव सरंक्षण अधिनियम 1972 नुसार जिवंत विद्युत प्रवाहाच्या सहाय्याने अवैध वन्य प्राण्याची शिकार केल्याचे सिध्द झाल्याने त्या अनुषंगाने गुन्हा नोंद करून सुरेश विठ्ठल चिचघरे, रा. उथळपेठ यांना अटक करुन त्याला मा. न्यायदंडाधिकारी, प्रथम श्रेणी न्यायालय, मूल येथे हजर केले असता आरोपीस १५ दिवसाची न्यायालयीन कोठडी मंजुर करण्यांत आली.

     

    Tiger Hunting Images सदर प्रकरणात आरोपी सुरेश विठ्ठल चिचघरे, याला वन्यप्राणी वाघ जाळण्यास व त्याचे हाडे जमिनीत पुरविणे करीता मदत केलेला सहआरोपी श्रीकांत मुरलीधर बुरांडे, रा. उथळपेठ याला दिनांक 08.05.2024 रोजी अटक करुन मा न्यायदंडाधिकारी, प्रथम श्रेणी न्यायालय, मूल येथे हजर करण्यांत आले. सदर प्रकरणातील आरोपी सुरेश विठ्ठल चीचघरे, याने वाघाच्या शीकारीचे पुरावे नष्ट करण्याकरीता वापरण्यांत आलेले मेसी कंपनीचे ट्रॅक्टर नांगरटीसह व मोटार सायकल जप्त करण्यांत आले.

     

    याबाबतची कार्यवाही चंद्रपुर वनविभागाचे विभागीय वन अधीकारी, शुभांगी चव्हाण, सहाय्यक वनसंरक्षक (तेंदु) जी. आर. नायगमकर, यांचे मार्गदर्शनाखाली चिचपल्लीचे वनपरिक्षेत्र अधीकारी,(प्रादेशिक) प्रियंका आर. वेलमे, संजीवनी पर्यावरण संस्थेचे प्रमुख वन्यप्राणी प्रेमी उमेशसिंह झीरे, एम.जे. मस्के, क्षेत्र सहाय्यक मुल, पि.डी. खनके, क्षेत्र सहाय्यक महादवाडी, एन.डब्ल्यु. पडवे, क्षेत्र सहाय्यक केळझर, एस.जी. गेडाम, वनरक्षक चिरोली, राकेश गुरनुले, वनरक्षक जानाळा, सुधीर ठाकुर, वनरक्षक मूल, तन्मयसिंग झिरे यांचेसह इतर वनकर्मचारी उपस्थीत होते.

  • Maharashtra monsoon update : मे महिन्यातचं होणार मान्सूनचे आगमन

    Maharashtra monsoon update : मे महिन्यातचं होणार मान्सूनचे आगमन

    Maharashtra monsoon update वर्ष 2024 मध्ये उन्हाळ्यात पाऊस, थंडी व उकड्याचा अनुभव नागरिकांनी अनुभवला, मात्र आता वातावरणात पुन्हा बदल झाल्याने राज्यात पुन्हा उष्णतेची लाट आली आहे, राज्यातील विविध भागांतील तापमानाने 44 डिग्री सेल्सिअस चा टप्पा गाठला आहे, मात्र उकाड्याने त्रस्त झालेल्या नागरिक व शेतकऱ्यांसाठी महत्वाची बातमी पुढे आली आहे.

    अवश्य वाचा : 17 मे पासून RTE अंतर्गत सुरू होणार प्रवेश प्रक्रिया

    Maharashtra monsoon update दरवर्षी मानसून हा 21 मे च्या सुमारास अंदमानात दाखल होत असतो. यंदा मात्र लवकरच मान्सूनसाठी अनुकूल वातावरण तयार झाले असल्याने मान्सून अंदमानात दोन दिवस आधी म्हणजेच 19 मे च्या सुमारास दाखल होणार असे म्हटले जात आहे.

     

    भारतीय हवामान विभागाने म्हटल्याप्रमाणे, अंदमानात यंदा 13 मे ला रात्री उशिरा मान्सूनच्या हालचाली तयार होण्यास सुरुवात झाली होती. मग पुढे 14 मे ला या हालचालींना आणखी वेग आला.

    अवश्य वाचा : भरघोस पेन्शन हवी तर मग आताच करा या योजनेत गुंतवणूक

    Maharashtra monsoon update यामुळे आता मान्सून अंदमानत 19 मे च्या सुमारास दाखल होऊ शकतो असे हवामान खात्याने म्हटले आहे. हवामान खात्याचा हा अंदाज मंगळवारी समोर आला आणि त्यानंतर या वर्षी केरळमध्ये देखील लवकरच मान्सूनचे आगमन होणार असे बोलले जाऊ लागले.

     

    यामुळे खरंच यंदा मान्सूनचे केरळमध्ये वेळेआधीच आगमन होणार का ? आपल्या महाराष्ट्रातही मान्सून वेळेआधीच पोहोचणार का असा सवाल उपस्थित केला जात आहे. दरम्यान याच संदर्भात जेष्ठ हवामान शास्त्रज्ञ माणिकराव खुळे यांनी महत्त्वाची माहिती दिली आहे.

     

    Maharashtra monsoon update खुळे यांनी दिलेल्या माहितीनुसार, यंदा मान्सून अंदमानात 18 मेपर्यंत, तर केरळात 31 मे रोजीच दाखल होण्याची शक्यता अधिक जाणवत आहे. हेच कारण आहे की, यंदा मान्सूनसाठी खूपचं लवकर अनुकूल स्थिती तयार झाली आहे. मान्सूनच्या वार्‍यांचा वेग प्रचंड वाढला आहे.

     

    त्यामुळे मान्सून वेळेआधीच अंदमान व केरळात दाखल होऊन महाराष्ट्रात देखील वेळेआधीच येण्याची शक्यता आहे. निश्चितच ही महाराष्ट्रातील शेतकऱ्यांसाठी एक आनंद वार्ता राहणार आहे. मान्सूनचे वेळेआधी आगमन झाले तर शेती कामांना वेग येणार आहे.

  • conclusion of right to education : RTE अंतर्गत प्रवेश नोंदणी प्रक्रियेला 17 मे पासून होणार सुरुवात

    conclusion of right to education : RTE अंतर्गत प्रवेश नोंदणी प्रक्रियेला 17 मे पासून होणार सुरुवात

    conclusion of right to education राज्य सरकारने RTE कायद्यात बदल केल्याने अनेक पालकांचे पाल्यांना इंग्रजी शाळेत शिकविण्याचे स्वप्न धूसर झाले होते, मात्र शिक्षण क्षेत्रात काम करणाऱ्या संस्थांनी त्या नियमविरोधात आवाज उचलल्याने त्यांनी उच्च न्यायालयात दाद मागितली, न्यायालयाने राज्य सरकारला फटकारत RTE ची प्रवेश प्रक्रिया नोंदणी ही पूर्वीप्रमाणे होणार असा आदेश दिला.

    अवश्य वाचा : पोलीस भरतीचा नवा नियम, उमेदवारांसाठी मोठा अडथळा

    conclusion of right to education राज्य सरकारने एप्रिल महिन्यात नियमात बदल करीत RTE Online Portal मधून इंग्रजी शाळा वगळून टाकल्या, सोबतच 1 किलोमीटर च्या परिघात स्थानिक स्वराज्य संस्था, किंवा शासकीय शाळा असेल तर इंग्रजी शाळेत प्रवेश मिळणार नाही, व ऑनलाइन पोर्टल मध्ये इंग्रजी शाळा वगळल्यावर स्थानिक स्वराज्य संस्था, अनुदानित शाळा, जिल्हा परिषद शाळेचा समावेश करण्यात आला होता.

    अवश्य वाचा : 1 जून पासून पशुधनाची खरेदी-विक्री होणार बंद

    conclusion of right to education हे नियम बघून पालकवर्ग चांगलेच संतापले होते, पालकांनी सरकारच्या नियमांना विरोध केला, त्यानंतर शिक्षण क्षेत्रात काम करणाऱ्या संस्थांनी उच्च न्यायालयात दाद मागितली होती, तो पर्यंत राज्यात 70 हजार पालकांनी RTE अंतर्गत नोंदणी सुद्धा केली होती.

     

    conclusion of right to education मे महिन्याच्या सुरुवातीला उच्च न्यायालयाने शिक्षण विभागाला फटकारले, RTE प्रवेश पूर्वीच्या नियमाप्रमाणे होणार असा आदेश करीत 1 किलोमीटर ची अट सुद्धा शिथिल करण्यात आली, आता सदर प्रवेश प्रक्रिया 17 मे शुक्रवार पासून सुरू होणार आहे, ज्यांनी याआधी प्रवेश प्रक्रिया नोंदणी केली होती त्यांना पुन्हा नोंदणी करावी लागणार आहे, असे शालेय शिक्षण प्राथमिक चे संचालक शरद गोसावी यांनी कळविले आहे.

    प्रवेश प्रक्रिया सुरू झाल्यावर 15 दिवसात RTE ची अंतिम यादी प्रसिद्ध करण्यात येणार आहे.

     

    17 मे पासून पालकांना या प्रवेश प्रक्रिया नोंदणी मध्ये सहभागी व्हायचे आहे, आता ऑनलाइन पोर्टल मध्ये इंग्रजी शाळांचा समावेश केल्याने पालकवर्गत आनंदाचे वातावरण आहे.

  • Kishor Jorgewar : शहरातील ते होर्डिंग्ज धोकादायक – आमदार किशोर जोरगेवार

    Kishor Jorgewar : शहरातील ते होर्डिंग्ज धोकादायक – आमदार किशोर जोरगेवार

    Kishor jorgewar चंद्रपूर जिल्हात अनेक धोकादायक आणि अवैद्य होर्डिंग्ज आहेत. यामुळे आता धोका निर्माण होण्याची शक्यता आहे. अशात सदर होर्डिंग्जवर कार्यवाही करण्यात यावी अशा सूचना आमदार किशोर जोरगेवार यांनी जिल्हाधिकारी विनय गौडा यांना केल्या आहे.

    अवश्य वाचा : पोलीस भरती मध्ये आला नवा नियम

    सदर निवेदनही आमदार किशोर जोरगेवार यांच्या वतीने जिल्हाधिकारी विनय गौडा यांना पाठविण्यात आले आहेे.

    Kishor jorgewar चंद्रपूर जिल्हातील अनेक ठिकाणी धोकादायक आणि अनधिकृत होर्डिंग्ज अस्तित्वात आहे. हे होर्डिंग्ज नागरिकांच्या सुरक्षतेच्या दृष्टीने अत्यंत धोकादायक आहे, काही दिवसापासून अवकाळी पाऊस व वादळवारे सुरु असून येत्या काही दिवसात मान्सून हंगामात वादळवार्यामुळे त्या कधीही खाली पडू शकतात आणि गंभीर दुखापत किंवा जीवितहानीस कारणीभूत ठरू शकतात.

    अवश्य वाचा : शिक्षणाचा अधिकार अंतर्गत प्रवेश प्रक्रिया सुरू

    Kishor jorgewar याव्यतिरिक्त, ते शहराचं विद्रुपीकरण करण्यास कारणीभूत आहे. मागील काही दिवसापूर्वी मुंबई मनपा भागातील घाटकोपर येथे धोकादायक होर्डिंग कोसळल्याने मोठी जीवितहानी झाली आहे. त्याच पार्श्वभूमीवर चंद्रपूर येथे सुद्धा सदर घटनेची पुनरावृत्ती होण्यापासून टाळण्यासाठी आधीच उपाययोजना करणे आवश्यक आहे. तसेच शासनच्या परवानगी न घेता व स्ट्रक्चरल ऑडिट न करता मनमानी प्रकाराने शहरात अनेक अनधिकृत होर्डिंग्ज उभारण्यात आलेल्या आहे, आणि त्यापण नागरिकांच्या दृष्टीने धोकादायक असून शहराचे विद्रुपीकरण होत आहे.

     

    ही बाब लक्षात घेता चंद्रपूर शहरातील नागरिकांच्या सुरक्षेच्या दृष्टीने जिल्हातील सर्व होर्डिंग्ज चे स्ट्रक्चरल ऑडिट करून धोकादायक होर्डिंग व अनधिकृत होर्डिंग्ज तातडीने हटविण्याच्या सुचना आमदार किशोर जोरगेवार यांनी केल्या आहे.

  • Police Bharti 2024 : पोलीस भरतीसाठी मोठी अडचण, गृह विभागाने ठेवली मोठी अट

    Police Bharti 2024 : पोलीस भरतीसाठी मोठी अडचण, गृह विभागाने ठेवली मोठी अट

    Police Bharti 2024 राज्यात 17 हजार 471 पदांसाठी पोलीस भरती प्रक्रिया सुरू होत असून यासाठी राज्यभरातून तब्बल 17 लाख 76 उमेदवारांनी अर्ज केले आहे, मात्र आता या भरती प्रक्रियेत गृह विभागाने नवी अट ठेवल्याने उमेदवारांना नुकसान होण्याची चिन्हे आहे.

    News :  मोफत शिक्षणाचा अधिकार, RTE प्रवेश प्रक्रिया सुरू

    Police Bharti 2024 पोलिस भरतीसाठी एक नवीन नियम आणला आहे. हा नियम उमेदवारांसाठी अडचणीचा ठरणार आहे. पोलिस भरतीसाठी आता एक जिल्ह्यात एकच अर्ज करता येणार आहे. राज्यात अनेक ठिकाणी उमेदवारांनी वेगवेगळ्या जिल्ह्यांसाठी अर्ज भरले होते. पोलीस प्रशासनाच्या लक्षात हा प्रकार आल्यानंतर गृह विभागाकडून हा निर्णय घेण्यात आला आहे.

     

    का घेतला निर्णय

     

    Police Bharti 2024 राज्यात पोलीस भरतीची प्रक्रिया सुरु आहे. या प्रक्रियेत अनेकांनी वेगवेगळ्या जिल्ह्यासाठी अर्ज केले आहेत. परंतु आता त्यांना एकाच जिल्ह्यासाठी अर्ज करता येणार आहे. त्यासाठी हमीपत्र द्यावे लागणार आहे. उमेदवारांनी वेगवेगळ्या ठिकाणी अर्ज केल्यामुळे भरती प्रक्रियेनंतर काही जागा रिक्त राहतात. कारण एका उमेदवाराची दोन जिल्ह्यात निवड झाल्यास तो सोयीचा जिल्हा निवडतो. परंतु दुसऱ्या जिल्ह्यातील जागा रिक्त राहते. यामुळे विद्यार्थ्यांचे नुकसान होते. प्रशासनाच्या लक्षात ही बाब आल्यामुळे एकाच जिल्ह्यातून भरती प्रक्रियेत सहभागी होण्याची अट करण्यात आली आहे.

     

    आता १७ मे पर्यंत द्यावा लागणार अर्ज

    ज्या उमेदवारांनी एकापेक्षा जास्त जिल्ह्यात अर्ज केले आहेत, त्यांना हमीपत्र द्यावे लागणार आहे. एकापेक्षा जास्त जिल्ह्यात केलेले अर्ज नियमबाह्य ठरवण्यात येणार आहे. विशेष पोलिस महानिरीक्षक प्रवीणकुमार पडवळ यांनी याबाबत आदेश जारी केली आहे. त्यामुळे उमेदवारांनी त्यांच्या वास्तव्याच्या जिल्ह्यातील पोलिस कार्यालयात १७ मे २०२४ पर्यंत हे हमीपत्र देणे आवश्यक आहे.

     

    Police Bharti 2024 आता उमेदवाराच्या केवळ एकाच अर्जाला प्राधान्य दिले जाईल. हमीपत्रात उमेदवाराने कोणत्या पदासाठी अर्ज केला आहे त्याचा तपशील द्यावा लागणार आहे. तसेच त्याने किती अर्ज केले आहेत आणि ते कुठे कुठे केले ही माहिती द्यावी लागणार आहे. तसेच एका पदासाठी केवळ एका अर्जालाच प्राधान्य देण्याची हमी त्यास द्यावी लागणार आहे.

    अवश्य वाचा : ताडोबा जंगलात पर्यटकावर कारवाई

    भरतीसाठी डॉक्टर, एमबीए उमेदवारांचे अर्ज

    पोलीस भरतीसाठी डॉक्टर, इंजिनिअर, एमबीए, वकील, एमएस्सी, बी-टेक, बीबीएचे शिक्षण घेतलेले उच्चशिक्षितांचे अर्ज आले आहेत. 17 हजार 471 पदांसाठी राज्यभरातून 17 लाख 76 उमेदवारांनी अर्ज केले आहेत. सरकारी नोकरी आणि बेरोजगारीमुळे हे अर्ज केले आहेत.

  • Department of Water Conservation : चंद्रपूर जिल्ह्यातील ९ गावातील शेतकरी जनआंदोलन करणार

    Department of Water Conservation : चंद्रपूर जिल्ह्यातील ९ गावातील शेतकरी जनआंदोलन करणार

    गुरू गुरनुले

    Department of Water Conservation मुल – मुल तालुका हा धान उत्पादन करणारा तालुका आहे.परंतु शेतीच्या विकासासाठी पुरेशा प्रमाणात सिंचनाची सोय झालेली नाही. चिखली – मोरवाही भागात गोसेखुर्द धरणाच्या कालव्याचे काम पूर्ण झाले नसल्याने या साझातील राजोली, डोंगरगाव, मुरमांडी,गोलाभुज, गांगलवाडी, बेलगाटा, चीतेगाव, गोलाभुज, मोरवाही, राजोली, इत्यादी गावे सिंचन सोई पासून वंचित आहेत. यासाठी अप्पर जिल्हाधिकारी श्री. देशपांडे व जिल्हा जलसंधारण अधिकारी श्रीमती, नीलिमा मंडपे यांचेकडे एका लेखी निवेदनाद्वारे केली आहे.

    Farmer irrigation
    निवेदन देताना शेतकरी

    चिखली – मोरवाही परिसरातील शेतकरी बांधवांनी गावाला लागूनच वाहणाऱ्या उमा नदीवर बंधारा बांधण्यात यावा अशी मागणी यापूर्वीच करण्यात आली होती. शेतकऱ्यांची महत्वाची मागणी लक्षात घेऊन शासनाकडे ही मागणी मंजूर करुन चिखली घाटावर एक बंधारा व मोरवाही घाटावर एक बंधारा मंजूर करण्यात आला.

    अवश्य वाचा : चंद्रपुरात अतिक्रमण हटाव मोहिमेचा निषेध

    Department of Water Conservation हे काम मृद व जलसंधारण विभागाच्या वतीने १५ कोटी रुपये खर्चाची निविदाही काढण्यात आली होती. या कामाचे कार्यारंभ आदेशही मे २०२३ लाच कंत्राटदार सहदेव कन्स्ट्रक्शन कंपनी नागपूर यांना देण्यात आले होते. तरी देखील कंत्राटदाराने काम सुरू केले नाही. जर कार्यारंभ आदेश प्राप्त होताच सहदेव कंत्राटदाराने कामाला सुरुवात केली असती तर चिखली व मोरवाही बंधाऱ्याच्या पाण्याने हजारो हेक्टर जमिनीला याचा फायदा झाला असता व शेतकऱ्यांना धानाचे उत्पन्न उत्तम झाले असते.

    अवश्य वाचा : पाण्यासाठी नागरिकांनी केले रस्ता रोको आंदोलन

    Department of Water Conservation परंतु बंधाऱ्याचे काम कंत्राटदाराने सुरु केले नसल्यामुळे शेतकऱ्यांची मोठी नुकसान झाली आहे. पाण्याअभावी खरीप पिके गेलीच आणि यासोबत शेतकऱ्यांना रब्बीपिकेही उन्हाळी धान, गहू, चना,लाख, तूर,भाजीपाला, मका अशी पिके घेता आली नाही. त्यामुळे चिखली मोरवाही परिसरातील नऊ अनेक गावातील शेतकरी संकटात सापडले आहेत.

     

    Department of Water Conservation मृद् व जलसंधारण विभागाने मजुरी दिलेल्या चिखली व मोरवाही बंधारा बांधकामाचे निविदा प्रक्रिया पूर्ण करून दोन्ही कामाचे कार्यारंभ आदेश देऊनही जर कंत्राटदाराने बंधाऱ्याच्या कामाला सुरुवात केली नाही. त्यामुळे शेकडो शेतकऱ्यांच्या पिकाचे नुकसान झाले.याला जबाबदार सहदेव कांट्राक्षण कंपणी नागपूर असून अशा कंपनीचे परवाने तात्काळ रद्द करावे अशी मागणी निवेदनातून तालुका काँग्रेसचे अध्यक्ष गुरु गुरनुले, चिखली सरपंच नंदू नैताम,माजी सरपंच तथा कृषी उत्पन्न बाजार समिती संचालक लहू कडस्कर व उपसरपंच दुर्वास कडस्कर, मोरवाही सरपंच अनुराधा नेवारे, सदस्य प्रभाकर गेडाम, मधुकर कडस्कर, व शेतकरी बांधव यांनी केली असून शासनाने व मृद्द व जलसंधारण विभागाने संबंधित कंत्राटदाराला त्वरित काम सुरु करण्याची तंबी द्यावी अन्यथा चिखली व मोरवाही येथील शेतकरी रस्त्यावर उतरून जनआंदोलन करण्यात येईल. असा इशाराही निवेदणामधून दिला आहे.

     

    याप्रसंगी सिंचन अभावी शेतकऱ्यांची नापिकी झाली आणि शेतकरी आत्महत्या केल्या तर याची सर्वस्वी जबाबदारी संबंधित कंत्राटदारांची राहील असेही जिल्हा जलसंधारण अधिकारी यांचेकडे बोलून दाखविले आहे.

  • Action to remove encroachment : चंद्रपुरातील अतिक्रमण हटाव मोहिमेचा जाहीर निषेध

    Action to remove encroachment : चंद्रपुरातील अतिक्रमण हटाव मोहिमेचा जाहीर निषेध

    Action to remove encroachment चंद्रपूर शहरात मनपाद्वारे सुरू असलेल्या अतिक्रमण हटाव कारवाई चा शिवसेना ठाकरे गट जिल्हाप्रमुख संदीप गिर्हे व कांग्रेस महानगर अध्यक्ष रामू तिवारी यांनी आज 15 मे रोजी जाहीर निषेध नोंदविला.

    अवश्य वाचा : महावितरण केला AI तंत्रज्ञानाचा वापर, सुरू केली ही सेवा

    2 मे पासून शहरात मनपाने अतिक्रमण हटाव मोहीम सुरू केली मात्र या कारवाईचा सर्वात मोठा फटका हा लहान दुकानदारांना बसत आहे, ऊन व पावसापासून बचावासाठी बनविलेल्या शेड, चाय टपरी यावर मनपा प्रशासन कारवाई करीत आहे मात्र शहरात नियमबाह्य निर्माण करण्यात आलेल्या इमारतीवर कारवाई करायचे सोडून लहान दुकानदारांना मनपा त्रास देत आहे असा सवाल रामू तिवारी यांनी यावेळी उपस्थित केला.

    शैक्षणिक बातमी : चंद्रपूर जिल्ह्यातील वर्ग 10 वी च्या परीक्षेतील टॉपर

    Action to remove encroachment ठाकरे गट शिवसेना जिल्हाप्रमुख संदीप गिर्हे यांनी अतिक्रमण हटाव मोहिमेचा आम्ही विरोध करीत नसून स्वागत करतो मात्र कारवाई समान व्हायला हवी चोराला सोडून संन्याशाला फाशी देण्याचे काम या कारवाईतून दिसत आहे, हे थांबायला हवं मोठ्या व्यापारी वर्ग ज्यांनी नियमबाह्य अतिक्रमण केले त्यांना अभय देत छोट्या दुकांनदारांवर कारवाई बडगा उभारणे हे चुकीचे आहे याचा आम्ही जाहीर निषेध करतो.

    दोन्ही पक्षांना उशिरा जाग

    मनपाच्या अतिक्रमण हटाव मोहिमेला 10 ते 12 दिवसांचा कालावधी लोटल्यावर दोन्ही पक्षांना मात्र उशिरा जाग आली, या कारवाईच्या पहिल्या दिवशी राष्ट्रवादी कांग्रेस शरद पवार गटाचे अध्यक्ष दीपक जयस्वाल यांनी सर्वप्रथम निषेध नोंदवीत, कारवाई मध्ये भेदभाव होत असल्याचा आरोप केला होता.

  • Amrit Yojana Chandrapur : अमृतच्या पाण्यासाठी चंद्रपुरात रस्ता रोको आंदोलन

    Amrit Yojana Chandrapur : अमृतच्या पाण्यासाठी चंद्रपुरात रस्ता रोको आंदोलन

    Amrit Yojana Chandrapur चंद्रपूर महानगरपालिकेने शहरात अमृत योजनेचे काम सुरू केले होते, मात्र कामाचा अवधी पूर्ण झाल्यावर सुद्धा आजही अनेक भागात अमृत ची पाईपलाईन पोहचली नाही, ज्या भागात पाईपलाईन गेली त्या भागात पाणी पोहचले नाही अशी दैना आज चंद्रपूर मनपाने शहरात करून ठेवली आहे, मात्र याविरोधात भाजपचे माजी नगरसेवक सुभाष कासनगोट्टूवार यांनी आवाज उठवीत 15 मे ला रस्ता रोको आंदोलन केले.

    अवश्य वाचा : RTE बाबत महत्वाची माहिती

    त्यांच्या रस्ता रोको आंदोलनाला यश मिळाले असून येत्या 10 दिवसात सुमित्रा नगर या वस्तीमध्ये अमृत चे पाणी येणार असे आश्वासन आंदोलन कर्त्याना मिळाले आहे.

    अवश्य वाचा : आम्हाला नोडल अधिकारी हवा

    Amrit Yojana Chandrapur 5 वर्षांपूर्वी मनपाने अमृत योजनेच्या कामाला प्रारंभ केला, त्यानंतर 3 मे 2021 मध्ये तुकूम प्रभागातील सुमित्रा नगर भागात अमृत पाणीपुरवठा योजनेचे उदघाटन करण्यात आले, मात्र 3 वर्षाच्या कालावधीत सुमित्रा नगर येथील अमृत च्या पाईपलाईन मध्ये पाण्याचा थेंब आला नाही, पिण्याचे पाणी मिळत नसल्याने नागरिकांनी याबाबत माजी नगरसेवक सुभाष कासनगोट्टूवार यांच्याकडे तक्रारी केल्या, याबाबत त्यांनी मनपा ला वेळोवेळी निवेदने दिली मात्र निवेदनावर काही कारवाई होत नसल्याने 15 मे रोजी सुमित्रा नगर भागातील नागरिकांना सोबत घेत तुकूम मार्गावर रस्ता रोको आंदोलन करण्यात आले. या आंदोलनात महिलांनी हातात घागर घेत आंदोलन केले.

     

    यावेळी मनपाचे अधिकारी आंदोलनात पोहचले त्यांनी आंदोलन कर्त्याना येत्या 10 दिवसात आपल्या भागात नियमित पाण्याचा पुरवठा सुरू होणार असे आश्वासन दिल्यावर सदर आंदोलन मागे घेण्यात आले.

     

    Amrit Yojana Chandrapur यावेळी माजी नगरसेवक सुभाष कासनगोट्टूवार यांनी प्रशासनाला इशारा देत म्हटले की 10 दिवसात जर पाणी या भागात आले नाही तर आम्ही सर्व नागरिक मनपा कार्यालयात पोहचत मनपा ला कुलूप ठोकल्याशिवाय राहणार नाही.

    यावेळी तुकुम प्रभागातील अनेक नागरिक उपस्थित होते.
    आंदोलनानंतर सुमित्रा नगर भागतील आंदोलनकर्ते नागरिकांना पोलिसांनी ताब्यात घेत कारवाई केली, आंदोलनादरम्यान पोलिसांचा तगडा बंदोबस्त होता.

  • District vigilance officer :भ्रष्टाचार निर्मुलन समितीच्या आढावा बैठकीत महत्वाची मागणी

    District vigilance officer :भ्रष्टाचार निर्मुलन समितीच्या आढावा बैठकीत महत्वाची मागणी

    District vigilance officer भ्रष्टाचार निर्मुलनासंदर्भात जिल्हाधिकारी विनय गौडा जी.सी. यांनी मंगळवारी जिल्हाधिकारी कार्यालयात समितीचा आढावा घेतला. यावेळी जिल्हा पोलिस अधिक्षक मुम्मका सुदर्शन, मनपा आयुक्त विपीन पालीवाल, उपमुख्य कार्यकारी अधिकारी (सामान्य) श्याम वाखर्डे, लाचलुचपत प्रतिबंधक विभागाच्या पोलिस उपअधिक्षक मंजुषा भोसले, उपजिल्हाधिकारी सुभाष चौधरी, पाटबंधारे विभागाचे अधिक्षक अभियंता पद्माकर पाटील, जिल्हा उपनिबंधक (सहकारी संस्था) ए.ए. तांदळे, तहसीलदार (सामान्य) प्रिया कवळे आदी उपस्थित होते.

    अवश्य वाचा : मुंबईत अवैध होर्डिंग कोसळली, आणि चंद्रपुरात कारवाई चे निर्देश

          यावेळी जिल्हाधिकारी श्री. गौडा म्हणाले, भ्रष्टाचार निर्मुलनासाठी प्रत्येक विभागाने व्हिजिलन्स (सतर्कता) अधिकाऱ्याची नियुक्ती करावी. भ्रष्टाचाराशी संबंधित प्राप्त तक्रारी किती व किती तक्रारींचा निपटारा झाला, याबाबत अहवाल सादर करावा. तसेच भ्रष्टाचारासंदर्भात तक्रार करावयाची असल्यास संबंधित विभाग किंवा समितीसमोर तक्रार दाखल करावी. तक्रारकर्त्याचे नाव गोपनीय ठेवण्यात येईल.

     

    District vigilance officer भ्रष्टाचारासंदर्भातील जी प्रकरणे फास्ट ट्रॅक कोर्टमध्ये चालविले जाऊ शकतात, अशा प्रकरणांची तसेच गतवर्षी दोषी ठरलेले आणि निर्दोष सुटलेल्या प्रकरणांची माहिती लाचलुचपत प्रतिबंधक विभागाने सादर करावी. यावेळी लाचलुचपत प्रतिबंधक विभागाच्या पोलिस उपअधिक्षक मंजुषा भोसले यांनी पंच नेमणुकीसाठी नोडल अधिका-यांची मागणी प्रशासनाकडे केली.

  • Illegal hoardings in chandrapur : अवैध होर्डिंग धारकांवर सक्त कारवाईचे चंद्रपूर मनपा आयुक्तांचे निर्देश

    Illegal hoardings in chandrapur : अवैध होर्डिंग धारकांवर सक्त कारवाईचे चंद्रपूर मनपा आयुक्तांचे निर्देश

    Illegal hoardings in chandrapur शहरातील जेवढेही अवैध होर्डिंगधारक आहेत त्यांनी त्यांचे अवैध होर्डिंग २४ तासाच्या आत काढले नाही तर त्यांच्यावर निष्कासनाची तसेच दंडात्मक कारवाई करण्याचे निर्देश आयुक्त तथा प्रशासक विपीन पालीवाल यांनी दिले आहेत.

    अवश्य वाचा : महावीतरणची AI सेवा सुरू

    Illegal hoardings in chandrapur  मुंबई येथील होर्डिंग दुर्घटना पार्श्वभुमीवर अवैध होर्डिंगसंबंधी आढावा बैठक आयुक्त यांच्या अध्यक्षतेखाली मनपात आयोजीत करण्यात आली होती. शहरातील जेवढेही अवैध होर्डिंगधारक आहेत त्यांना मनपातर्फे होर्डिंग काढण्याच्या नोटीस यापुर्वी बजावण्यात आल्या आहेत. मात्र आता २४ तासाच्या आत जर होर्डिंगधारकांनी त्यांचे अवैध होर्डिंग काढले नाही तर मनपातर्फे निष्कासनाची तसेच दंडात्मक कारवाई केली जाणार आहे.

    अवश्य वाचा : RTE चा घोळ संपला, आता प्रवेश नोंदणी प्रक्रिया सुरू

    निष्कासनाची कारवाई करतांना जो काही खर्च लागेल तो या होर्डिंगधारकांकडुन वसूल केला जाणार आहे.
    महानगरपालिका हद्दीत डिजिटल पोस्टर्स, जाहिरातीची होर्डिंग, बॅनर उभारतांना मनपाकडून रीतसर परवानगी घेऊन यासंबंधी आकारण्यात येणारा टॅक्स भरणे आवश्यक असते.

     

    मात्र अनेकदा परवानगी न घेता होर्डिंग उभारण्यात येते व आवश्यक ती काळजी न घेतल्यास अपघात होण्याची शक्यता असते.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by