Blog

Fatal potholes चंद्रपूर शहरातील जीवघेणा मार्ग म्हणजे बागला चौक ते लालपेठ, या मार्गावर जगात कुठेही नसलेले खड्डे तयार झाले आहे, त्या खड्ड्यातून नागरिक आपली वाट काढतात, विशेष बाब म्हणजे दुहेरी मार्ग असलेल्या या रस्त्यावर फक्त 100 मीटर रस्ता तयार झाला आणि उर्वरित रस्ता निधी अभावी रखडला.
या मार्गावर चंद्रपूर गडचिरोली विभागाचे महावितरण कार्यालय व राजीव गांधी अभियांत्रिकी महाविद्यालय आहे, मात्र त्यानंतर सुद्धा प्रशासन व जनप्रतिनिधी झोपल्याचे सोंग करून आहे.

अवश्य वाचा : चंद्रपुरातील रस्त्यावर खड्डयासोबत काढा सेल्फी, आणि मिळवा रोख बक्षिसे

Fatal potholes 10 ऑगस्टला रात्री mh34 d 7491 हा ऑटोरिक्षा लालपेठ कडे जात होता, ऑटो मध्ये 3 ते 4 प्रवासी होते, महावितरण कार्यालय पर्यंत रस्ता बरा असल्याने ऑटो व्यवस्थित जात होता मात्र अर्धवट मार्ग संपल्यावर ऑटो जीवघेण्या खड्ड्यात फसला व ऑटोचे चिमटा तुटला, यामुळे ऑटो चा पुढील भाग खड्ड्यात अडकला, या खड्डेमय अपघातात प्रवाश्यांना किरकोळ दुखापत झाली.
ऑटो रिक्षा चालकाने सरळ मनपा व जनप्रतिनिधी यांच्यावर आरोप करीत लालपेठ व बाबूपेठ भागात जनावरे राहतात काय? असा प्रश्न उपस्थित करीत हा रस्ता तात्काळ दुरुस्त करण्यात यावा अशी मागणी केली.

महत्त्वाचे : लाडकी बहीण योजनेची यादी जाहीर

चंद्रपूर शहरातील लालपेठ व बल्लारपूर येथे जाणाऱ्या ह्या मार्गावर रोज हजारो वाहने जातात मात्र जीवघेण्या खड्ड्यामुळे नागरिकांना चांगलीच कसरत करावी लागते.
मागील 3 ते 4 वर्षांपासून हा रस्ता पूर्णतः खड्ड्यात गेला असून पावसाळ्यात रस्त्यावर फक्त पाणी दिसते, सदर मार्गावरील रस्ता जणू चोरीला गेला की काय अशी अवस्था या मार्गाची झाली आहे. या मार्गावरून पालकमंत्री सुधीर मुनगंटीवार, ओबीसी आयोगाचे अध्यक्ष हंसराज अहिर, आमदार किशोर जोरगेवार, खासदार प्रतिभा धानोरकर, जिल्हाधिकारी यांनी सुद्धा प्रवास केला मात्र या खड्ड्यांकडे त्यांचं लक्ष गेलं नाही का असा प्रश्न यावेळी उपस्थित होतो.

Selfie with khadda शहरातील रस्त्यांची चाळण झाली आहे. खड्ड्यांमुळे अपघाताच्या घटना घडत आहेत. मात्र, महापालिका प्रशासन झोपेचे सोंग घेऊन आहे. त्यामुळे झोपलेल्या प्रशासनाला जागे करण्यासाठी जिल्हाध्यक्ष रितेश उर्फ रामू तिवारी यांच्या नेतृत्त्वात चंद्रपूर शहर जिल्हा काँग्रेसच्यावतीने ‘सेल्फी विथ खड्डा’ हे अभिनव आंदोलन करण्यात येत आहे. चंद्रपूरकर जनतेला १५ ऑगस्टपर्यंत खड्ड्यांसोबतचा सेल्फी काढून पाठवायचा आहे. परिक्षकांच्या निवडीनंतर प्रथम (५ हजार), द्वितीय (३ हजार) आणि तृतीय (२ हजार) रुपयांची बक्षीसे देऊन विजेत्यांना पुरस्कृत केले जाणार आहे.

अवश्य वाचा : चंद्रपूर मनपाची सेल्फी विद तिरंगा स्पर्धा

Selfie with khadda चंद्रपूर हे ऐतिहासिक शहर आहे. या शहरात महात्मा गांधी आणि कस्तुरबा गांधी हे दोन मुख्य मार्ग आहेत. या दोन्ही मार्गावर मुख्य बाजारपेठ आहे. शाळा, महाविद्यालये, शासकीय कार्यालये आहेत. त्यामुळे नागरिक, विद्यार्थ्यांची या रस्त्यांने नेहमी वर्दळ असते. मागील महिन्यात आलेल्या मुसळधार पावसामुळे शहरातील या दोन्ही मुख्य रस्त्यांवर मोठ-मोठे खड्डे पडले आहेत. यासोबतच तुकुम, बंगाली कॅम्प, सिव्हील लाईन व अंतर्गत रस्त्यांचीसुद्धा दुरवस्था झाली आहे. त्यामुळे वाहनचालकांना मोठा त्रास सहन करावा लागत आहे.  

योजना – लाडकी बहीण योजनेची यादी जाहीर

खड्ड्यांमुळे अपघाताच्या घटना घडत आहेत. काही नागरिक जखमीसुद्धा झाले आहेत. मात्र, रस्त्यांची दुरुस्ती करण्याकडे महापालिका प्रशासनाचे दुर्लक्ष होत आहे. सध्या पालिकेवर प्रशासक असल्याने कुणाचाही वचक राहिलेला नाही. त्यामुळे मनपातील अधिकारी आपल्या मर्जीनुसार कामे करीत आहेत. त्यामुळे या प्रशासनाचा निषेध नोंदविण्यासाठी चंद्रपूर शहर जिल्हा काँग्रेस कमिटीच्यावतीने ‘सेल्फी विथ खड्डा’ अभिनव आंदोलन करण्यात येत आहे. या आंदोलनात चंद्रपूरकर जनतेने मोठ्या संख्येने सहभागी होऊन खड्ड्यांसोबतचा सेल्फी कासिफ अली (मो. ९८६००५१११), राजू खजांची (मो. ९३२६८६९०९९) या व्हॉट्सअॅप क्रमांकावर पाठवावा, असे आवाहन चंद्रपूर शहर जिल्हा काँग्रेस कमिटीच्यावतीने करण्यात आले आहे.
—

या क्रमांकावर पाठवा सेल्फी
चंद्रपूर शहर जिल्हा काँग्रेसच्यावतीने राबविण्यात येणाऱ्या ‘सेल्फी विथ खड्डा’ या अभिनव आंदोलनात सहभागी होणाऱ्या नागरिकांनी कासिफ अली (मो. ९८६००५१११), राजू खजांची (मो. ९३२६८६९०९९) या व्हॉट्सअॅप क्रमांकावर पाठवावा. त्यानंतर प्रथम, द्वितीय आणि तृतीय अशा तीन विजेत्यांना रोख पुरस्कार देऊन सन्मानित करण्यात येणार आहे.

Selfie with Tiranga चंद्रपूर शहर महानगरपालिकेतर्फे स्वातंत्र्याचा अमृत महोत्सव अंतर्गत घरो घरी तिरंगा मोहीम जनजागृतीसाठी येत्या १३ ते १५ ऑगस्ट दरम्यान ” तिरंगा सेल्फी ” Selfie with Tiranga स्पर्धा राबविली जाणार असुन यात राष्ट्रध्वजाचा पुर्ण सन्मान राखुन आपल्या घरी तिरंगा फडकाविणाऱ्या नागरीकांना रोख बक्षिसे दिली जाणार आहेत.

महत्त्वाचे : वाहतुकीचे हे नियम आपल्याला पाळावेचं लागणार – पोलीस अधीक्षक मुमक्का सुदर्शन

    या सेल्फी स्पर्धेअंतर्गत विजेत्यांस रोख बक्षिसे देण्यात येणार असुन प्रथम रु. ११,०००/- द्वितीय रु. ७०००/- तृतीय रु. ५०००/-  तसेच ५०० रुपयांची १० प्रोत्साहनपर बक्षिसे देण्यात येणार आहेत. नागरीकांना स्वतः च्या घरी लावलेल्या तिरंग्यासोबतचे क्षण सेल्फीद्वारे टिपुन harghartiranga.com या वेबसाईटवर तसेच चंद्रपूर महानगरपालिकेद्वारे दिलेल्या गुगलशीट वर पाठवायचे आहेत. तसेच QR कोड स्कॅन करून देखील करता येईल. तसेच सेल्फी नागरिकांना त्यांच्या सोशल मिडियावर सुद्धा अपलोड करावयाची आहे.

अवश्य वाचा : चंद्रपूर जिल्ह्यात लवकरचं सुरू होणार हवाई सेवा

अपलोड करतांना #cmc #हर घर तिरंगा #चंद्रपूर हे सर्व हॅशटॅग वापरणे आवश्यक आहे. सेल्फीमध्ये तिरंगा स्पष्ट दिसणे गरजेचे आहे. या स्पर्धेचा कालावधी ०९ ते १५ ऑगस्ट असुन सेल्फी पाठविण्याची अंतिम तारीख १५ ऑगस्ट २०२४ ही  आहे.स्पर्धेनंतर ईश्वरचिट्ठीद्वारे निकाल घोषित करण्यात येणार आहे.  

महत्त्वाचे : लाडकी बहीण योजनेची यादी जाहीर

      शासन निर्देशानुसार ०९ ते १५ ऑगस्ट दरम्यान देशव्यापी ‘घरोघरी तिरंगा ’ मोहीम राबवण्यात येणार आहे. देशातील प्रत्येक नागरिकाच्या मनात देशभक्ती जागृत करणे हा अभियानाचा उद्देश आहे. ७७ वा स्वातंत्र्य दिन घरोघरी तिरंगा फडकवून मोठया उत्साहात अणि आनंदात साजरा केला जाणार आहे.या अभियानात सर्व नागरीकांनी सहभागी होण्याचे आवाहन चंद्रपूर महानगरपालिकेतर्फे करण्यात येत आहे. अधिक माहितीसाठी चंद्रपूर महानगरपालिकेच्या CMCchandrapur या फेसबुक पेजला भेट द्यावी.

traffic rule आपली मुलं शाळेत व्यवस्थित जात आहे काय? ज्या वाहनातून मुले जातात ती सुरक्षित आहे का? याबाबत पोलीस अधीक्षक मुमक्का सुदर्शन यांच्या उपस्थित बैठक झाली. या बैठकीत प्रादेशिक परिवहन अधिकारी किरण मोरे, वाहतूक पोलीस निरीक्षक प्रवीण पाटील, मनपा अतिरिक्त आयुक्त चंदन पाटील, शिक्षणाधिकारी, ऑटोरिक्षा तसेच स्कुल बस संघटनेचे प्रतिनिधी उपस्थित होते.

हवाई सेवा : चंद्रपुरात लवकर सुरू होणार हवाई सेवा, खासदार धानोरकर यांचा पाठपुरावा

Traffic rule पोलीस अधीक्षक यांनी उपस्थितांना सूचना केल्या कि सर्व शाळांनी स्कुल बस सुरक्षितता नियमांचे पालन करावे, आसन क्षमतेपेक्षा जास्त विद्यार्थ्यांची वाहतूक होणार नाही याची काळजी घ्यावी, आपला मुलगा सुरक्षितपणे शाळेत जातो काय याबाबत पालकांनी गांभीर्याने लक्ष द्यावे, सर्व शाळांनी स्कुल बस समिती स्थापन करावी, परिवहन कार्यालयातर्फे तालुका स्तरावर मोटर वाहन निरीक्षक व सहायक मोटर वाहन निरीक्षकांची नियुक्ती केली आहे. शाळेत येणारी स्कुल बस वाहने वैद्य आहेत किंवा नाही याची तपासणी स्कुल बस समिती मार्फत करण्यात यावी. सर्व स्कुल बसेस यांना gps ट्रॅकर व सीसीटीव्ही बसविणे आवश्यक आहे, चालक व वाहक यांना वर्षातून एकदा अग्निशमन यंत्र बाबत प्रशिक्षण द्यावे, विद्यार्थिनीवर होणारे छळ याबाबत पोलिसांना कळविणे, ऑटोरिक्षा मध्ये अतिरिक्त विद्यार्थी वाहतूक करू नये, चालकांची नियमित नेत्र तपासणी करण्यात यावी. अश्या सूचना पोलीस अधीक्षक यांनी यावेळी दिल्या.

महत्वाचे : मुख्याध्यापकाचे काम करून देण्यासाठी लिपिकाने मागितली 15 हजाराची लाच

शाळेबाबत काही तक्रार असल्यास rto कार्यालय व्हाट्सएप क्रमांक 07172-272555 व ईमेल आयडी dyrto.34-mh@gov.in वर संपर्क करावे किंवा प्रादेशिक परिवहन अधिकारी किरण मोरे क्रमांक 7020212092 या क्रमांकावर संपर्क करावा असे निर्देश पोलीस अधीक्षक मुमक्का सुदर्शन यांनी दिले.