Sudhir Mungantiwar pollution debate : “जावे त्याच्या वंशा तेव्हा कळे” अश्या शब्दात चंद्रपूर थर्मल पॉवर स्टेशनमुळे आणि वेकोलि खाणींमुळे होणाऱ्या प्रदूषणबाधित जनतेच्या भावना समजून घेत राज्याच्या पर्यावरण मंत्री ना. श्रीमती पंकजाताई मुंडे यांनी यासंदर्भात तातडीने एक तज्ज्ञ समिती गठीत करून यामध्ये लोकप्रतिनिधींचा यात समावेश करण्यात येईल व निर्णय घेण्यात येईल अशी घोषणा केली. राज्याचे माजी वने, सांस्कृतिक कार्य व मत्स्यव्यवसाय मंत्री आमदार श्री. सुधीर मुनगंटीवार यांनी यासंदर्भातील वास्तव मांडल्यानंतर श्रीमती पंकजा मुंडे यांनी पंधरा दिवसांत चंद्रपूरमध्ये येऊन तोडगा काढणार असल्याचा शब्द दिला. Industrial pollution in Chandrapur district
चंद्रपूर महाऔष्णिक विद्युत प्रकल्पातील धुळीमुळे, तसेच वेकोलिमुळे होणाऱ्या प्रदूषणासंदर्भात आ. सुधीर मुनगंटीवार यांनी मंगळवारी विधानसभेत अर्धा तास चर्चा उपस्थित केली. या विषयाचे गांभीर्य श्रीमती पंकजा मुंडे यांनी लक्षात घेतले. त्यानंतर तज्ज्ञांची व आमदारांची समिती गठीत करण्याचे व स्वतः चंद्रपूरला येऊन प्रत्यक्ष पाहणी करून बैठक घेणार असल्याचा शब्द दिला. नियमांचे उल्लंघन केल्यास दंडाच्या रकमेत वाढ करण्यासंबंधी तसेच बँक हमीची रक्कम वाढविण्या मोठा निर्णय घेणार असल्याचे आश्वासन दिले.
या भागातील हवा, पाणी, ध्वनी प्रदूषण याबाबत मोठ्या प्रमाणात काम करण्याची, उपक्रम राबविण्याची अपेक्षा व्यक्त केली. याबाबत या परिसरातील उद्योगाचा सीएसआर त्याच ठिकाणी वापरून पर्यावरण संतुलनाचे काम करता येईल असेही त्या म्हणाल्या. एक जागरूक यंत्रणा चंद्रपूर जिल्ह्यात तयार करण्याचा विचार आहे असेही ना. मुंडे म्हणाल्या. Pankaja Munde environmental action plan
यासंदर्भात चर्चेची सुरुवात करताना आ. सुधीर मुनगंटीवार यांनी या प्रकल्पाच्या अधिकऱ्यांसह शेकडो कोटीचे उद्योग प्रस्थापित करणाऱ्या उद्योजकांच्या दुर्लक्षितपणाबाबत तीव्र नाराजी व्यक्त केली. सर्वसामान्य माणसाच्या जीवाशी खेळण्याच्या या अपराधाबद्दल कठोर कारवाई करण्याची मागणी पर्यावरण मंत्र्यांकडे केली. चंद्रपूर औष्णिक वीज प्रकल्पासाठी प्रदूषण विभागाची मान्यता ही 31 मे 2024 पर्यंतच होती. त्यामुळे ही मान्यताच रद्द करण्याची पहिली मागणी आ. सुधीर मुनगंटीवार यांनी सभागृहात केली. Industrial pollution in Chandrapur district
नूतनीकरण न करता थर्मल पॉवर स्टेशन सुरू असल्याचेही त्यांनी सभागृहात सांगितले. या विज प्रकल्पाच्या करणाने होणाऱ्या प्रदूषणाबाबत कारवाई करताना पर्यावरण विभागाने केवळ 15 लक्ष रुपयांची बँक हमी जप्त केली. याबाबत श्री मुनगंटीवार यांनी ही बँक गॅरंटी 5 कोटी रुपये करण्याची मागणी केली. (Bank guarantee increase for pollution control) यासोबतच वेस्टर्न कोल्ड फिल्ड मुळे होणाऱ्या प्रदूषण करवाईबाबत बोलताना त्यांची बँक गॅरंटीदेखील पाच लाखावरून पाच कोटी रुपये करण्यात यावी असा आग्रह धरला.
डब्लूसीएल क्षेत्रातील बँकर उडवताना मर्यादेपेक्षा अधिक डेसिमल आवाजामुळे ध्वनी प्रदूषण वाढते आहे. वीज केंद्रातील कोल हॅण्डलिंग प्लांटची दुरवस्था झाली असून त्याचे नूतनीकरण झाले पाहिजे अशीही मागणी आ. श्री. मुनगंटीवार यांनी केली. या भागातील कामगार, रहिवासी यांच्या कुटुंबियांच्या आरोग्यावर दुष्परिणाम होऊ लागले आहेत, त्यांच्यासाठी या प्रकल्पाच्या माध्यमातून मोठी आरोग्य शिबीरे व्हावीत, रुग्णांच्या शस्त्रक्रिया, उपचार यासाठी भरीव मदत मिळाली पाहिजे अशी मागणी त्यांनी केली. त्यासाठी एक समिती प्रदूषणाच्या समस्यांचे निराकरण करण्यासाठी गठीत करावी. यासंदर्भात जागरूकता निर्माण करण्यासाठी डिस्पले लावावेत अशी सूचना केली. प्रदूषणाच्या कायद्यात, नियमात बदल करावेत अशी अपेक्षाही आ. सुधीर मुनगंटीवार यांनी व्यक्त केली.
Pink Paradise bar sealed : चंद्रपूर शहरात 7 मार्च रोजी पिंक पॅराडाईज बार मध्ये दिलीप चव्हाण नामक पोलीस कर्मचाऱ्याचा क्षुल्लक वादातून खून झाला होता, यानंतर पोलीस प्रशासन आक्रमक झाले आणि खुनासारखी गंभीर घटना व वाहतुकीस अडथळा निर्माण होत असल्याने नागरिकांच्या मागणीवरून पिंक पॅराडाईज बार पोलीस प्रशासनाच्या वतीने सील करण्यात आले.
7 मार्च रोजी बार पुढे पोलीस कर्मचाऱ्यांची हत्या करण्यात आली होती, (Police officer murder in Chandrapur ) आधी बार मध्ये काही युवकांसोबत पोलीस कर्मचाऱ्यांचा वाद झाला त्या वादातून पोलीस कर्मचाऱ्याची हत्या झाली होती.
या घटनेनंतर पोलीस विभाग खळबळून जागा झाला आणि महाराष्ट्र दारूबंदी अधिनियम कलम 142 (2) च्या अधिकारातून लोकहिताच्या दृष्टीने सदर बार सील करण्यात आले. (Maharashtra bar license rules) काही दिवसांपासून या बार समोर बांधकाम साहित्य ठेवण्यात आले आहे, ज्यामुळे नागरिकांना मार्गावरून जाण्यासाठी गैरसोय होत आहे. सोबतच बार मध्ये पार्किंग ची व्यवस्था नाही ही बाब अनुज्ञपती चे उल्लंघन करणारी आहे. त्यामुळे हि कारवाई करण्यात आली. Police action on bars
खुनासारखी गंभीर घटना घडल्यावर पोलिसांनी आपल्या अधिकाराचा वापर केला हे चांगलं पाऊल पोलिसांनी उचललं पण शहरात असे अनेक बार आहे जे वेळेचे बंधन पाळत नाही, पार्किंगची व्यवस्था नाही, त्या बार वर सुद्धा पोलिसांनी कारवाई करावी, अन्यथा एकाला एक तर दुसऱ्याला दुसरा न्याय होणार. काही वर्षांपूर्वी रघुवंशी कॉम्प्लेक्स मधील एका बार मधून व्यसनाधीन युवकाने पार्किंग मध्ये युवकाच्या अंगावरून वाहन नेले होते.
शहरात असे अनेक बार आहे जे वेळेचे बंधन पाळत नाही, काही बार ला स्थानिक नागरिकांनी अनेकदा विरोध केला मात्र त्यावेळी पोलीस आपल्या अधिकाराचा वापर करीत नाही. अनेक जागी नको त्या ठिकाणी आज बार व देशी दारूचे दुकान लागले आहे, त्या ठिकाणाहून महिला जाण्यास घाबरतात त्याबाबत विरोध होतो पण तेव्हाही पोलीस आपल्या अधिकाराचा वापर करीत नाही.
प्रशासन जर आपल्या नियमांनी चालायला लागणार त्यादिवशी उल्लंघनाचा खेळ कायमचा बंद झाल्याशिवाय राहणार नाही, आपल्या विभागातील कर्मचाऱ्यांसोबत हा प्रसंग घडला आणि नियमांचा वापर करीत कारवाई करण्यात आली. पोलिसांनी करायलाच हवं गुन्हेगारी संपुष्टात आणण्यासाठी जे प्रयत्न पोलीस विभाग करतात जर तेच प्रयत्न बे लगाम बार चालकांना नियमांचा पाठ शिकविण्यासाठी करावा लागला तर ते करायलाच हवे अन्यथा असे गुन्हे घडतच राहणार.
क्रिकेट सट्टा जाळं नागपुरातून दुबईपर्यंत! ६० लाख रुपयांचा व्यवहार उघड
Cricket Betting Scam Busted : ३ वर्षांपूर्वी गडचिरोली जिल्ह्यात आयपीएल क्रिकेट सट्टा जुगार प्रकरणी पोलिसांनी मोठी कारवाई केली होती, त्या प्रकरणी तब्बल ५० च्या वर आरोपीना अटक करण्यात आली होती, गडचिरोली पोलिसांनी एक मोठं नेटवर्क उध्वस्त करण्याची मोहीम त्यावेळी हाती घेतल्याने आयपीएल क्रिकेट वर सट्टा खेळणाऱ्यांचे धाबे दणाणले होते. ३ वर्षांनी चंद्रपुरात स्थानिक गुन्हे शाखेने चॅम्पियन्स ट्रॉफी च्या अंतिम सामन्यात सट्टा घेणाऱ्यांना अटक करण्यात आली आहे, विशेष म्हणजे या कारवाईत विविध जिल्हे व परराज्यातील ३८ बँक खाते पोलिसांनी गोठविले आहे. Online Betting Racket Exposed
९ मार्च रोजी भारत विरुद्ध न्यूजीलँड चॅम्पियन्स ट्रॉफी च्या अंतिम सामन्यात मोठ्या प्रमाणात जुगार घेत असल्याची गोपनीय माहिती स्थानिक गुन्हे शाखेला मिळाली होती. शहर पोलीस स्टेशनच्या हद्दीत असलेलं कस्तुरबा रोडवरील हॉटेल व्यंकटेश या ठिकाणी गुन्हे शाखेने छापा टाकला. हॉटेलच्या एका रूम मध्ये पारस दादाराव उखाडे, अविनाश नारायण हांडे व राकेश अरुण कोंडावार हे ऑनलाईन बेटिंग आयडी पुरविणाऱ्या साईटवर बेटिंग करीत असताना मिळून आले.
यावेळी आरोपीकडून पाच मोबाईल, टीव्ही संच, रोख रक्कम असा एकूण १ लाख ७६ हजार ७०० रुपयांचा मुद्देमाल जप्त करीत आरोपींवर शहर पोलीस स्टेशनमध्ये महाराष्ट्र जुगार प्रतिबंध अधिनियम अंतर्गत गुन्हा दाखल करण्यात आला. विशेष बाब म्हणजे गुन्हा दाखल झालेल्या आरोपींवर यापूर्वी क्रिकेट बेटिंग संदर्भात गुन्हे दाखल आहे. सदर तिन्ही आरोपी हे विविध लोकांना आयडी पासवर्ड देत बेटिंगच्या पैश्याची देवाणघेवाण करतात. या देवाणघेवाण साठी आरोपींची वेगवेगळ्या बँकेत तब्बल ३८ बँक खाते उघडले होते. यामध्ये काही खाते हे परराज्यातील आहे. स्थानिक गुन्हे शाखेने सायबर पोलिसांच्या मदतीने जवळपास ६० लक्ष रुपयांपर्यंतची रक्कम गोठविली आहे. Nagpur-Based Online Betting Empire
आरोपींची काही आंतरराष्ट्रीय क्रमांकावर सुद्धा क्रिकेट बेटिंग संदर्भात चॅटिंग केली आहे. त्यामध्ये लाखोंच्या व्यवहाराचा उल्लेख आहे. आरोपींच्या मोबाईलची तपासणी केली असता चंद्रपूर, नागपूर, यवतमाळ, गडचिरोली व इतर शहरात हे आरोपी ऑनलाईन बेटिंग करतात.
काही वर्षांपूर्वी क्रिकेट सट्टा च्या दुनियेत धुमाकूळ घालणाऱ्या allpanelexch.com, nice7777.fun व nice.45-tech यांचा उल्लेख या कारवाई दरम्यान पोलिसांना मिळाला. ऑनलाईन बेटिंग साईट बनविणारे व आरोपी इसमांना पुरविणाऱ्याबाबत पुढील तपास स्थानिक गुन्हे शाखा करीत आहे.
२ वर्षांपूर्वी news३४ ने क्रिकेट सट्टा बाबत बातम्या प्रकाशित केल्यावर पोलीस प्रशासन खळबळून जागे झाले होते, त्यांनतर स्थानिक गुन्हे शाखेने ऑनलाईन बेटिंग करणाऱ्यांचे नेटवर्क उध्वस्त केले होते, मात्र या नेटवर्क मधील मुख्य सूत्रधार यांच्यापर्यंत पोलीस कधीच पोहचू शकले नाही. या कारवाईनंतर स्थानिक गुन्हे शाखा ऑनलाईन क्रिकेट बेटिंगचे नेटवर्क उध्वस्त करणार काय? कि हि कारवाई फक्त नावापुरतीच राहायला नको. Police Raid Cricket Betting Hub
ऑनलाईन बेटिंग चे नेटवर्क हे नागपुरातून सुरु होत संपूर्ण महाराष्ट्रात पसरले आहे, जर कुणाला हि बेटिंग सुरु करायची असेल तर त्याला प्रशिक्षण घावे लागते. प्रशिक्षण हे नागपूर मध्ये नव्हे तर थेट दुबई मध्ये दिल्या जाते हे विशेष. आयपीएल असो कि वर्ल्ड कप सामन्यादरम्यान दररोज हजारो कोटींचा सट्टा या माध्यमातून खेळला जातो. International Cricket Betting Links Exposed
ऑनलाईन बेटिंग च्या दुनियेत काम करणारे काही राजकीय पदाधिकारी सुद्धा आहे, या गुन्ह्यात मिळालेले आरोपी यांच्यावर यापूर्वी सुद्धा क्रिकेट बेटिंग संदर्भात गुन्हे दाखल आहे. एक आरोपीवर गडचिरोली जिल्ह्यात गुन्हा दाखल आहे. आजपर्यंत क्रिकेट बेटिंगच्या या चक्रव्यूहाला पोलीस प्रशासन भेदू शकले नाही, मात्र या कारवाईत पोलिसांनी मोठा खुलासा करीत ३८ बँक खाते व आंतरराष्ट्रीय बेटिंग बाबत माहिती पुढे आणली आहे. नव्याने रुजू झालेले स्थानिक गुन्हे शाखेचे पोलीस निरीक्षक अमोल काचोरे क्रिकेट बेटिंगच्या दुनियेतील चक्रव्यूहाला भेदणार काय हे बघणे महत्वाचे असणार आहे.
चंद्रपुरात विविध भागात क्रिकेट सट्टा बहाद्दूर कार्यरत आहे, या सट्टा बहाद्दर यांच्या त्रासापायी पैसे हरलेले मुलांनी आपलं आयुष्य संपविल्याची घटना घडली होती अशी माहिती आहे. ज्याप्रमाणे नवे पोलीस निरीक्षक काचोरे यांनी कारवाई केली त्याचप्रमाणे या क्रिकेट सट्टा बहाद्दर यांच्या संपत्तीबाबत चौकशी केल्यास त्यांनाही मोठा धक्का बसेल हे नक्कीचं.
Pradhan Mantri Awas Yojana subsidy increase : सध्या लोकसभेचे अर्थसंकल्पाचे दुसऱ्या टप्प्यातील अधिवेशन 10 मार्च पासून सुरु झाले असून खासदार प्रतिभा धानोरकर यांनी विविध प्रश्नांच्या माध्यमातून लोकसभा क्षेत्रातील नागरीकांच्या समस्यांना संसदेत मांडून समस्या मार्गी लावण्याचा प्रयत्न करीत आहेत.
अर्थसंकल्पीय अधिवेशनच्या दुसऱ्या टप्प्यात खासदार प्रतिभा धानोरकर यांनी प्रधानमंत्री आवास योजनेअंतर्गत मिळणाऱ्या अनुदानात वाढ करण्याची मागणी संसदेत प्रश्नाद्वारे केली आहे. सध्या महागाई चा दर वाढला असून प्रत्येक सामानांच्या किंमती वाढल्या असून केंद्र सरकार कडून मिळणारे अनुदान हे अपूरे असल्याचे खासदार धानोरकर यांनी केंद्र सरकार ला सांगितले. PMAY latest news today
आवास योजने करीता किमान 5 लक्ष रुपये अनुदान देण्याची मागणी देखील खासदार धानोरकर यांनी केली आहे. तसेच, शहरी व ग्रामीण आवास योजने अंतर्गत देणाऱ्या रकमेत कुठलेही कमी-जास्त पणा न ठेवता समान निधी देण्यात यावा अशी देखील मागणी खासदार प्रतिभा धानोरकर यांनी केली आहे.
या संदर्भात सरकार ने खासदार प्रतिभा धानोरकर यांना यासंदर्भात पाठवलेल्या उत्तरातून भविष्यात सरकार या वर विचार करुन निधी वाढी संदर्भात निर्णय घेणार असल्याचे सांगितले आहे. सदर निर्णय झाल्यास ग्रामीण व शहरी भागातील नागरीकांना मोठ्या प्रमाणात आर्थिक मदत होणार आहे.
Coal mafia activities in Chandrapur : शासनाने कर्नाटक एम्टा, अरविंदो यांसारख्या काही खाजगी कोळसा खाणींना परवाने दिले आहेत. या खाणींमध्ये मोठ्या प्रमाणात उत्खनन सुरू असून, येथील कोळसा खुल्या बाजारात विकला जात असल्याने कोळसा माफिया सक्रिय झाला आहे. परिणामी, असामाजिक कृत्ये घडत असून कायदा-सुव्यवस्थेचा प्रश्न निर्माण होण्याची शक्यता वाढली आहे. त्यामुळे या परिस्थितीवर निर्बंध लावण्याची मागणी आमदार किशोर जोरगेवार यांनी अधिवेशनात बोलताना केली आहे.
चंद्रपूर जिल्ह्यात कोळसा खाणींचे जाळे मोठ्या प्रमाणावर पसरत आहे. मात्र, त्याचे दुष्परिणामही आता समोर येत आहेत. या खाणींमुळे प्रदूषण, जनजीवनावरील परिणाम आणि गुन्हेगारीचे प्रश्न निर्माण झाले आहेत.
कोळसा खाणींच्या चुकीच्या धोरणांमुळे शेतकरी आणि शेती व्यवसायालाही मोठा फटका बसत आहे. याबाबत अनेक तक्रारी आ. किशोर जोरगेवार यांच्या कार्यालयात प्राप्त झाल्या होत्या. या तक्रारी लक्षात घेऊन, त्यांनी यापूर्वीच वेकोलिच्या सीएमडी यांची भेट घेऊन हा विषय उपस्थित केला होता. मात्र, ठोस कार्यवाही न झाल्यामुळे, त्यांनी मुंबई येथे सुरू असलेल्या अर्थसंकल्पीय अधिवेशनात पुन्हा एकदा हा मुद्दा सभागृहात मांडला. Coal mining impact on farmers
अर्थसंकल्पीय अधिवेशनात प्रश्नोत्तराच्या तासात बोलताना आ. किशोर जोरगेवार यांनी चंद्रपूर कोळसा खाणींमुळे निर्माण झालेल्या समस्यांकडे सभागृहाचे लक्ष वेधले. वेकोलीच्या वतीने अधिग्रहीत केलेल्या जमिनींचा मोबदला अद्याप दिला गेलेला नाही. तसेच, उर्वरित जमिनींची खरेदी होत नसल्याने शेतकऱ्यांचे मोठे नुकसान होत आहे. Kishor Jorgewar coal mining issues
वेकोली प्रशासनाच्या मनमानी कारभारामुळे अनेक शेतकऱ्यांचे पांदण रस्ते अडवले जात आहेत, याकडेही त्यांनी सभागृहाचे लक्ष वेधले आणि यावर त्वरित कार्यवाही करण्याची मागणी केली. बंराज कोळसा खाणीने वनविभागाच्या जमिनीवर अतिक्रमण करून तिथून कोळशाचे उत्खनन सुरू केले आहे. या प्रकाराची तपासणी करून दोषींवर कारवाई करण्यात यावी, अशी मागणी आ. किशोर जोरगेवार यांनी यावेळी अधिवेशनात केली.
तसेच, अरविंद खाणीस विरोधात सुरू असलेल्या आंदोलनाची शासनाने दखल घ्यावी आणि स्थानिक जनतेच्या मागण्या ऐकून घेत ठोस निर्णय घ्यावा, अशीही त्यांनी अधिवेशनात जोरदार मागणी केली आहे .खाजगी कोळसा खाणींमुळे कोळसा माफिया सक्रिय झाला असून, अनेक ठिकाणी अवैध व्यवहार होत आहेत. या सर्व परिस्थितीवर नियंत्रण ठेवण्यासाठी शासनाने तातडीने कठोर पावले उचलावीत आणि कोळसा खाणींवर निर्बंध लागू करावे असे ते यावेळी बोलताना म्हणाले.
Protect Yourself from Heatwave : भारतीय हवामान खात्याकडून चंद्रपूर जिल्ह्यात एक दोन ठिकाणी 12 व 13 मार्च या दोन दिवसाकरिता उष्मा लाटेबद्दल सतर्कता वर्तवण्यात आलेली आहे. त्यामुळे नागरिकांनी याबाबत खबरदारी घ्यावी, असे आवाहन जिल्हाधिकारी विनय गौडा जी. सी. यांनी केले आहे. Hot Weather Health Risks
उष्ण लाटेपासून संरक्षणासाठी खालील उपाययोजना प्रभावी ठरू शकतात: Extreme Heat Protection Tips
करावयाचे उपाय:
पुरेसे पाणी प्या: शरीरातील पाण्याची पातळी संतुलित ठेवण्यासाठी नियमितपणे पाणी पिणे आवश्यक आहे.
डोके झाका: घराबाहेर पडताना टोपी, रुमाल किंवा छत्रीचा वापर करून डोके आणि चेहरा सूर्यप्रकाशापासून संरक्षित करा.
दुपारी बाहेर जाणे टाळा: दुपारी 12 ते 4 वाजेदरम्यान घराबाहेर जाणे शक्यतो टाळावे, कारण या वेळेत तापमान उच्च असते.
घरातील पडदे वापरा: थेट सूर्यप्रकाश रोखण्यासाठी घरातील पडद्यांचा वापर करा, ज्यामुळे घरातील तापमान नियंत्रित राहील.
हलके आणि सच्छिद्र कपडे घाला: हलके, पातळ आणि सच्छिद्र सुती कपडे परिधान करा, ज्यामुळे शरीराला शीतलता मिळेल.
टाळावयाचे उपाय:
अतिकष्टाची कामे करू नका: उन्हात अत्याधिक शारीरिक श्रमाची कामे करण्याचे टाळा, ज्यामुळे उष्माघाताचा धोका वाढतो.
विशिष्ट पेये टाळा: दारू, चहा, कॉफी आणि कार्बोनेटेड थंड पेये घेण्याचे टाळा, कारण ही पेये शरीरातील पाण्याची पातळी कमी करू शकतात.
उच्च प्रथिनयुक्त आणि शिळे अन्न टाळा: अशा अन्नाचे सेवन टाळा, ज्यामुळे शरीरातील उष्णता वाढू शकते.
लहान मुले आणि पाळीव प्राणी वाहनात ठेवू नका: बंद असलेल्या आणि पार्क केलेल्या वाहनात लहान मुले किंवा पाळीव प्राण्यांना सोडू नका, ज्यामुळे त्यांना उष्माघाताचा धोका आहे.
गडद आणि जाड कपडे घालू नका: गडद, घट्ट आणि जाड कपडे परिधान करण्याचे टाळा, ज्यामुळे शरीरातील उष्णता वाढते.
अनवाणी चालू नका: चप्पल न घालता अनवाणी उन्हात चालण्याचे टाळा, ज्यामुळे पायांना इजा होऊ शकते.
Government vs Opposition on Budget : देशाच्या व राज्याच्या विकासचक्राला गती देणारा अर्थसंकल्प : डॉ. अशोक उईके
चंद्रपूर : ‘विकसीत भारत… विकसीत महाराष्ट्र’ या संकल्पनेवर आधारीत शाश्वत व सर्वसमावेशक विकासाची हमी देणारा तसेच देश व राज्याच्या विकासचक्राला अधिक गती देणारा हा अर्थसंकल्प आहे. यात उद्योग, पायाभुत सुविधा, कृषी व संलग्न क्षेत्रे, सामाजिक क्षेत्र आदींचे जाळे अधिक विस्तृत करून मुख्यमंत्री देवेंद्र फडणवीस यांच्या नेतृत्वात सर्वसामान्यांना दिलासा देणारा अर्थसंकल्प महायुतीच्या सरकारने मांडला आहे.
विशेष म्हणजे जल, जंगल, जमीन आणि प्राचीन संस्कृतीचे रक्षण करणा-या आदिवासी समाजाच्या सर्वांगीण विकासासाठी या अर्थसंकल्पात भरीव वाढ करण्यात आली आहे. गत वर्षीच्या तुलनेत आदिवासी विकास विभागाच्या निधीमध्ये तब्बल 40 टक्क्यांनी वाढ करून यावर्षी 21495 कोटींची तरतूद करण्यात आली आहे. राज्य सरकारच्या या धोरणात्मक निर्णयामुळे आदिवासी समाजाच्या सर्वांगीण उन्नतीला चालना मिळणार असल्याचे राज्याचे आदिवासी विकास मंत्री तथा चंद्रपूर जिल्ह्याचे पालकमंत्री डॉ. अशोक उईके म्हणाले. Maharashtra government budget
विकसित महाराष्ट्राचे लक्ष्य साधणारा राज्याचा सर्वसमावेशक अर्थसंकल्प* – हंसराज अहीर
चंद्रपूरः- महाराष्ट्राला विकसीत राज्य करुन सर्वच घटकांना न्याय देण्याचा प्रयत्न मुख्यमंत्री देवेन्द्र फडणवीस यांच्या नेतृत्वातील सरकारने केला असून राज्याचे अर्थमंत्री अजितदादा पवार यांनी विधिमंडळात सादर केलेल्या सन २०२५-२६ या वर्षासाठीच्या अर्थसंकल्पातुन समतोल साधत शेतकरी, कष्टकरी, विद्यार्थी, दिव्यांग, महिला उत्थान बरोबरच अनुसाचित जाती-जमाती, अल्पसंख्यांक, आदीवासी, ओबीसी, घटकांच्या कल्याणाकरीता भरीव आर्थीक तरतुद अर्थसंकल्पात केल्याने महाराष्ट्राच्या सामाजिक, सांस्कृतिक, शैक्षणिक व आर्थिक विकासात आमुलाग्र परिवर्तन होईल अशी प्रतिक्रीया राष्ट्रीय मागासवर्ग आयोगाचे अध्यक्ष तथा पुर्व केद्रीय गृहराज्यमंत्री हंसराज अहीर यांनी व्यक्त केली आहे.
एक तालुका-एक बाजार समिती, जलयुक्त शिवार, ग्रामसडक योजना, घरकुल योजना, कृषी क्षेत्रात कृत्रीम बुध्दिमत्ता, शेतकऱ्यांना दिवसा विज पुरवठा, देशी गायींचे संगोपन, न.प. क्षेत्रात सांडपाणी प्रक्रियेद्वारा उद्योग व शेतीकरीता पाणी, बांबु उत्पादकांना सुविधा व अन्य पायाभुत सुविधांचा विकास या बाबी अंतर्भुत असल्याने राज्याच्या विकासाचा मार्ग प्रशस्त होणार आहे.
अल्पसंख्यांकरीता ८१२ कोटी, सामाजिक न्याय विभागास-२५५८१ कोटी आदीवासी विभागास २१४९५ कोटी, इतर मागास व बहुजन कल्याण विभागास ४३६८ कोटी, दिव्यांग कल्याणासाठी १५२६ कोटी याबरोबरच धनगर, गोवारी साठी २२ कल्याणकारी योजना, गोसेखुर्द प्रकल्प १४६० कोटी यासह कृषी संजिवनी साठी ३५१.४२ कोटींची सरकारने तरतुद करुन सर्वसमावेशक विकासाला गती देण्याचा प्रयत्न अर्थसंकल्पातुन केला असल्याचे अहीर यांनी म्हटले आहे.
महाराष्ट्राच्या सर्वसमावेशक प्रगतीचा संकल्प : आ सुधीर मुनगंटीवार
लाडक्या बहिणींसह शेतकरी, युवक, सर्वसामान्य नागरिक, उद्योजक आदी सर्वच घटकांनी महायुतीला अभूतपूर्व बहुमताने विजयी केले त्या सर्वच घटकांना न्याय देणारा , महाराष्ट्राच्या सर्वांगीण प्रगतीचा संकल्प मांडणारा अर्थसंकल्प उपमुख्यमंत्री अजितदादा पवार यांनी मांडल्या बद्दल माजी अर्थमंत्री आ. सुधीर मुनगंटीवार यांनी अभिनंदन केले आहे.
आर्थिक सुधारणांच्या माध्यमातुन, भांडवली खर्चातील वाढीद्वारे विकासचक्रास चालना देऊन राज्याच्या विकास दरात वाढ करण्याचे उद्दीष्ट साध्य करण्याचा अर्थमंत्र्यांनी व्यक्त केलेला मनोदय अतिशय महत्वाचा आहे. मुंबई महानगर प्रदेशाची अर्थव्यवस्था १४० बिलीयन डॉलर वरुन सन २०३० पर्यंत ३०० बिलीयन डॉलर तर सन २०४७ पर्यंत १.५ ट्रिलीयन डॉलर पर्यंत नेण्याचे उद्दीष्ट डोळ्या समोर ठेवून वाटचाल करण्याचा निर्धार देखील राज्याच्या प्रगतीच्या व विकासाच्या दृष्टीने आशावादी आहे. पायाभूत सुविधा, कृषी क्षेत्र, रस्ते विकास, पर्यटन विकास, संस्कृतीच्या पाऊलखुणा जपणे, महिलांचे कल्याण, युवक कल्याण, क्रीडा विषयक विकास असा चौफेर विकासाचा संकल्प मांडत पंतप्रधान विश्वगौरव नरेंद्रभाई मोदीजी यांच्या सबका साथ, सबका विकास या सूत्रानुसार महाराष्ट्र आता थांबणार नाही अशी अर्थमंत्र्यांनी दिलेली ग्वाही प्रचंड आशावादी आहे असेही आ सुधीर मुनगंटीवार यांनी म्हटले आहे.
सर्वसमावेशक आणि विकासोन्मुख अर्थसंकल्प – आ. किशोर जोरगेवार
राज्याचे उपमुख्यमंत्री तथा अर्थमंत्री अजित पवार यांनी सादर केलेला अर्थसंकल्प समाजातील प्रत्येक वर्गाला स्पर्श करणारा असून हा अर्थसंकल्प सर्वसमावेशक आणि विकासोन्मुख असल्याची प्रतिक्रिया आमदार किशोर जोरगेवार यांनी दिली आहे. तसेच यावेळी त्यांनी सरकारने विविध क्षेत्रांसाठी केलेल्या तरतुदींचे स्वागत केले.
आमदार जोरगेवार म्हणाले, “या अर्थसंकल्पात शेतकरी, कामगार, तरुण, महिला आणि उद्योग क्षेत्रासाठी भरीव तरतुदी करण्यात आल्या आहेत. पायाभूत सुविधा, कृषी विकास, शिक्षण आणि आरोग्य क्षेत्राला प्राधान्य दिले आहे, हे निश्चितच राज्याच्या प्रगतीस चालना देणारे आहे.”
विशेषत: कृषी क्षेत्रासाठी अनुदाने, जलसंधारण योजनेसाठी वाढवलेले बजेट आणि ग्रामीण भागातील विकासावर दिलेला भर याचे त्यांनी विशेष कौतुक केले. तसेच, युवकांना रोजगाराच्या संधी उपलब्ध करून देण्यासाठी आणि नवीन स्टार्टअप्ससाठी दिलेली प्रोत्साहने यामुळे राज्यातील अर्थव्यवस्थेला चालना मिळेल, असा विश्वास त्यांनी व्यक्त केला.
सर्वसामान्य नागरिकांच्या हिताचा विचार करून हा अर्थसंकल्प तयार करण्यात आला असून यामुळे महाराष्ट्र निश्चितच प्रगतिपथावर वाटचाल करेल असेही आमदार किशोर जोरगेवार यांनी सांगितले.
महायुतीचा अर्थसंकल्प म्हणजे भाषणाचा सुकाळ, निधीचा दुष्काळ
काँग्रेस विधी मंडळ नेते विजय वडेट्टीवार यांची महायुती सरकारवर सडकून टीका
मुंबई, दि. १० – ज्यांच्या मतांवर महायुती सरकार सत्तेत आले त्याच लाडक्या बहिणी, शेतकरी, वंचित, आदिवासी यांचा महायुतीने विश्वासघात केला. निवडणुकी आधी गुलाबी जॅकेट घालून फिरणारे आता गुलाबी जॅकेट ही विसरले आणि लाडक्या बहिणींना विसरले अशी टीका काँग्रेस विधी मंडळ नेते विजय वडेट्टीवार यांनी केली.
महायुती सरकारचा पहिला अर्थसंकल्प आज अर्थमंत्री अजित पवार यांनी मांडला. पण या बजेट मध्ये लाडक्या बहिणींना २१०० रुपये देण्याची घोषणा करण्यात आलेली नाही, लाडक्या बहिणींचा उल्लेख ही भाषणात नाही. एकीकडे लाडकी बहिण योजनेत वेगवेगळे निकष लावून महिलांना अपात्र केले जात आहे दुसरीकडे निधी वाढवून दिला नाही यावरून तिजोरीत खडखडाट असल्याचे स्पष्ट आहे असे विधी मंडळ नेते वडेट्टीवार म्हणाले.
या अर्थसंकल्पात शेतकऱ्यांशी देखील सरकारने गद्दारी केली आहे. शेतकऱ्यांना कर्जमाफी देणार असे आश्वासन महायुती सरकारने निवडणुकीत दिले होते पण आज अर्थसंकल्पाच्या भाषणात बळीराजाच्या पदरी निराशा आली आहे ,त्यामुळे महायुती सरकार क्या हुआ तेरा वादा? बँका आता शेतकऱ्यांना कर्ज देणार नाही याला कोण जबाबदार असा सवाल वडेट्टीवार यांनी उपस्थित केला.
या अर्थसंकल्पात मुंबई, पुणे येथील पायाभूत सुविधांच्या प्रकल्पाना भरघोस निधी देण्यात आला, उरलेला निधी नागपूर येथील प्रकल्पाना देण्यात आला. पण ग्रामीण भागातील योजना, प्रकल्पाकडे दुर्लक्ष करण्यात आले. शहरी भागातील प्रकल्प म्हणजे कंत्राटदारांसाठी हे बजेट आहे का? दलित, वंचित, आदिवासी सर्वसामान्यांचा विसर या सरकारला पडल्याची टीका विधीमंडळ नेते विजय वडेट्टीवार यांनी केली.
आज अर्थसंकल्प झाल्यावर महाविकास आघाडीने विधान भवनाच्या पायऱ्यांवर महायुती सरकार विरोधात आंदोलन केले. हा अर्थसंकल्प म्हणजे फक्त घोषणांचा सुकाळ,निधीचा मात्र दुष्काळ आणि सरकारची जुमलेबाजी या अर्थसंकल्पातून दिसली, असा संताप विजय वडेट्टीवार यांनी व्यक्त केला.
सन 2025-26 चा अर्थसंकल्प हा राज्यातील सर्वच घटकांना फसविणारा आहे. शेतकऱ्यांच्या कर्जमाफीची घोषणा नाही. लाडक्या बहिणींना दिलेल्या आश्वासनाची पूर्तता नाही. केवळ घोषणा करुन सर्वच घटकांची दिशाभुल केलेली आहे. मोटर वाहनांवरील कर वाढवून सामान्यांची देखील हे सरकार दिशाभुल करीत आहे. शेतकरी शेतमजूर तसेच उद्योगांजकांनासाठी हा निराशाजनक अर्थसंकल्प आहे.
शिक्षक ते शेतकरी निराशच
‘मुख्यमंत्री माझी लाडकी बहीण’ योजनेसाठी २०२५-२६ मध्ये सरकारने एकूण ३६ हजार कोटी रुपयांची तरतूद केली आहे. मात्र, गेल्या अनेक वर्षांपासून ज्ञानदानाचे कार्य करणाऱ्या राज्यातील अंशतः अनुदानित शाळा / तुकड्यांवर कार्यरत शिक्षकांना टप्पा वाढ अनुदानाबाबत पुरेशी निधीची तरतूद सरकारने केली नाही. हा सदर कर्मचाऱ्यांवर फार मोठा अन्याय आहे. जास्तीत जास्त बजेट हा बांधकामावर करण्यात आलेला आहे. माझे शिक्षक, विद्यार्थी, शेतकरी यांची निराशा करणारा अर्थसंकल्प असल्याची टीका आमदार सुधाकर अडबाले यांनी केली आहे.
अर्थसंकल्पात शेतकऱ्यांना सरकारने फसवले : दिनेश दादापाटील चोखारे
या अर्थसंकल्पात सरकारने महाराष्ट्राला फसवलं आहे. अनेक मोठ्या मोठ्या घोषणा निवडणुकीपूर्वी सरकारने केल्या त्यात शेतकऱ्यांना कर्जमाफी देऊ . मात्र या अर्थसंकल्पात अश्या कोणत्या तरतुदी नाहीत. एकंदरीत सरकारने शेतकऱ्यांना, आणि महाराष्ट्राला फसवलं आहे त्यामुळे हा निराशा जनक अर्थसंकल्प असून आजही राज्यात शेतकरी आत्महत्या करतायत. नवीन शैक्षणिक धोरण राबवण्यात येणार आहे. त्यांची आर्थिक तरतूद दाखवण्यात आलेली नाही. आज सादर झालेला अर्थसंकल्प हा जन सामान्यांची फसवणूक करणारा आहे. या अर्थसंकल्पात बेरोजगार युवक, शेतकरी, जनसामान्यांकरीता कुठलेही स्थान नसल्याचे दिसून येत आहे.
Veg Biryani Insect Found : चंद्रपूर शहरातील वरोरा नाका चौकातील बालाजी फूड कॉर्नर या साऊथ इंडियन रेस्टोरेंट मधील व्हेज बिर्याणी मध्ये अळी आढळल्याने एकच खळबळ उडाली. याबाबत युवासेनेने अन्न व औषधी प्रशासनाला तक्रार देत रेस्टोरेंट चालकाविरोधात सदोष मनुष्यवधाचा गुन्हा दाखल करण्याची मागणी केली. वरोरा नाका चौकातील साई हेरिटेज इमारतीच्या ग्राउंड फ्लोर मध्ये स्थित बालाजी फूड कॉर्नर साऊथ इंडियन रेस्टोरेंट आहे. Chandrapur Restaurant Food Safety
या रेस्टोरेंट मध्ये दोसा, उपमा व नव्याने सुरु केलेली व्हेज बिर्याणी मिळते, अल्पावधीत या हॉटेलमधील व्हेज बिर्याणी प्रसिद्ध झाली मात्र आज एका ग्राहकाने सदर बिर्याणी ऑर्डर केली मात्र त्यामध्ये अळी आढळली. त्याचा व्हिडीओ काढत सदर प्रकरण ग्राहकाने युवासेना जिल्हाप्रमुख विक्रांत सहारे यांच्यासमोर ठेवले. विक्रांत सहारे यांनी वेळ न गमावता अन्न व औषध प्रशासनाचे कार्यालय गाठत लेखी तक्रार दिली. South Indian Restaurant Chandrapur
हॉटेल चालकावर सदोष मनुष्यवधाचा गुन्हा दाखल करावा हि मागणी सहारे यांनी यावेळी केली. विशेष बाब म्हणजे ज्या परिसरात हा हॉटेल आहे त्याठिकाणी रुग्णालय व विविध कार्यालये आणि महाविद्यालय आहे. दुपारच्या सुमारास अनेक नागरिक या हॉटेलमध्ये येत असतात. अवघ्या काही पैश्यासाठी हॉटेल चालक नागरिकांच्या जीवाशी खेळत असल्याचा हा प्रकार असल्याची प्रतिक्रिया विक्रांत सहारे यांनी दिली आहे.
ज्याठिकाणी या हॉटेलमधील विविध पकवान बनविल्या जातात ते किचन अत्यंत घाणेरडं आहे. युवासेनेने तक्रार दिल्यावर अन्न व औषध प्रशासनाचे अधिकारी हॉटेलमध्ये दाखल झाले मात्र अद्याप काही ठोस कारवाई झाली नाही. अन्न व औषध प्रशासनाने हॉटेल चालकाला १४ दिवसांचा वेळ दिला असल्याची माहिती आहे.
जागतिक महिला दिनानिमित्त बाबूपेठ बचत गटाचा भव्य आनंद मेळावा! International Womans day events : जागतिक महिला दिनानिमित्त दरवर्षी प्रमाणे या वर्षीही बाबूपेठ महिला बचत गटातर्फे आनंद मेळावा व डान्स स्पर्धेचे आयोजन करण्यात आले. हा कार्यक्रम विविध क्षेत्रातील नामवंत मान्यवरांच्या उपस्थितीत उत्साहपूर्ण वातावरणात संपन्न झाला.
कार्यक्रमाचे उद्घाटन चंद्रपूर-वणी-आर्णी लोकसभा क्षेत्राच्या खासदार मा. प्रतिभाताई धानोरकर यांच्या शुभहस्ते झाले. कार्यक्रमाच्या अध्यक्षस्थानी मा. अपूर्वा बासूर (सहायक जिल्हाधिकारी तथा उपविभागीय अधिकारी) होत्या, तर प्रमुख अतिथी म्हणून मा. प्राजक्ता लालसरे (निरीक्षण अधिकारी, तहसील कार्यालय बल्लारपूर) उपस्थित होत्या. कार्यक्रमाचे आयोजन बाबूपेठ महिला बचत गटाच्या संस्थापक अध्यक्ष सौ. चंदाताई वैरागडे यांच्या नेतृत्वाखाली अटल बिहारी वाजपेयी क्रीडा संकुल, बाबूपेठ येथे करण्यात आले. women empowerment programs
कार्यक्रमाची सुरुवात मान्यवरांनी क्रांतीज्योती सावित्रीबाई फुले आणि राजमाता जिजाऊ यांच्या प्रतिमांचे पूजन व माल्यार्पण करून केली. यानंतर प्रास्ताविक भाषणात चंदाताई वैरागडे यांनी जागतिक महिला दिनाच्या शुभेच्छा देत बचत गटाचा उद्देश केवळ आर्थिक देवाणघेवाण नसून महिलांना सक्षम व आत्मनिर्भर बनविणे असल्याचे सांगितले. महिलांच्या कलागुणांना वाव देण्यासाठी तसेच त्यांना स्वयंरोजगाराच्या संधी उपलब्ध करून देण्यासाठी हा उपक्रम महत्त्वपूर्ण ठरत आहे. आनंद मेळाव्यात ५० पेक्षा अधिक महिलांनी स्वतःचे स्टॉल लावले होते तसेच डान्स स्पर्धेत अनेक महिलांनी उत्स्फूर्त सहभाग घेतला. बचत गटाच्या माध्यमातून अनेक कुटुंबांना आधार मिळत असल्याचेही त्यांनी नमूद केले.
अपूर्वा बासूर यांनी आपल्या मार्गदर्शनपर भाषणात सांगितले की, “आजची नारी समाजाला योग्य दिशा देणारी शक्ती आहे. महिलांना उच्चपदस्थ स्थानांवर काम करताना पाहिले जाते, पण दुसरीकडे महिलांवरील अत्याचारही वाढत आहेत. महिलांनी निर्भयपणे या परिस्थितीचा सामना केला पाहिजे.”
खासदार प्रतिभाताई धानोरकर यांनी बचत गटाच्या कार्याचे कौतुक करताना सांगितले की, “चंदाताई वैरागडे यांनी मोठ्या प्रमाणावर महिलांचे संघटन तयार करून त्यांच्या कलागुणांना वाव दिला आहे. आनंद मेळावा व डान्स स्पर्धेच्या माध्यमातून महिलांचा सहभाग वाढविण्याचे स्तुत्य कार्य झाले आहे. महिलांवरील वाढते अत्याचार पाहता महिलांचे सक्षमीकरण अधिक प्रभावीपणे करण्याची गरज आहे.” women’s rights awareness programs
मान्यवरांच्या प्रेरणादायी मार्गदर्शनानंतर महिलांनी आनंद मेळाव्यात स्वतः बनविलेल्या खाद्यपदार्थांच्या स्टॉलचे उद्घाटन करण्यात आले. त्यानंतर समूह नृत्य, मम्मी डान्स, आजी-नातीन डान्स यांसारख्या विविध प्रकारच्या नृत्य स्पर्धा पार पडल्या, ज्यामध्ये महिलांनी उत्स्फूर्त सहभाग घेतला. तब्बल तीन तास रंगलेल्या या कार्यक्रमाने उपस्थित प्रेक्षकांना मंत्रमुग्ध केले. तसेच, १४ जानेवारी रोजी झालेल्या रांगोळी स्पर्धेच्या विजेत्यांना पारितोषिक वितरण करण्यात आले. women’s cultural festivals
कार्यक्रमास बाबूपेठ महिला बचत गटाच्या सदस्यांसह परिसरातील नागरिकांनी मोठ्या संख्येने उपस्थिती लावली. या कार्यक्रमाचे सूत्रसंचालन प्रियंका खनके यांनी केले, तर आभार प्रदर्शन संजयजी सोनुने यांनी मानले.
chandrapur police news : चंद्रपूर जिल्ह्यात दारूबंदी उठल्यानंतर गुन्हेगारीने अक्षरशः कहर केला आहे. ड्रग्स, क्रिकेट सट्टा आणि संघटित गुन्हेगारीच्या घटनांमध्ये लक्षणीय वाढ झाली आहे. 7 मार्च रोजी चंद्रपूर शहरात एका बारमध्ये झालेल्या भांडणात पोलीस कर्मचारी दिलीप चव्हाण यांची हत्या झाली, तर समीर चाफले गंभीर जखमी झाले. या घटनेने संपूर्ण जिल्हा हादरला आहे. त्यानंतर घुग्गुसमध्येही अशीच घटना घडली.
या पार्श्वभूमीवर, आमदार किशोर जोरगेवार (mla kishor jorgewar) यांनी विधानसभेत चंद्रपूर जिल्ह्यातील कायदा आणि सुव्यवस्थेचा प्रश्न उपस्थित केला. जिल्ह्यात वाढत्या गुन्हेगारीला आळा घालण्यासाठी पोलीस दलात तातडीने फेरबदल करण्याची मागणी त्यांनी केली.
गुन्हेगारीत वाढ
दारूबंदी उठल्यानंतर जिल्ह्यात संघटित गुन्हेगारी वाढली आहे.
ड्रग्स आणि क्रिकेट सट्ट्याचे प्रमाण वाढले आहे.
2024 मध्ये हत्या आणि गोळीबाराच्या घटनांनी जिल्हा हादरला आहे.
पोलीस दलात प्रामाणिक आणि तडफदार अधिकाऱ्यांची कमतरता जाणवत आहे.
पोलीस अधिकारी चांगल्या पोलीस ठाण्यांसाठी लॉबिंग करतात, पण गुन्हेगारी नियंत्रणासाठी प्रयत्न करत नाहीत.
काही पोलीस कर्मचाऱ्यांची मुलेही गुन्हेगारीत गुंतलेली आहेत.
आमदार जोरगेवार यांच्या मागण्या
चंद्रपूर जिल्हा पोलीस दलात तातडीने फेरबदल करावा.
गुन्हेगारांवर कठोर कारवाई करावी.
स्थानिक गुन्हे शाखेत नुकताच बदल झाला, पण जिल्हा स्तरावरही बदल आवश्यक आहे.
जिल्ह्यात कायदा आणि सुव्यवस्था राखण्यासाठी सक्षम अधिकाऱ्यांची नियुक्ती करावी.
