Category: योजना

Mukhyamantri yuva karya prashikshan yojana राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन नोकरी मिळण्याची त्यांची क्षमता वाढविण्यासाठी ‘मुख्यमंत्री युवा कार्य प्रशिक्षण योजना’ 2024-25 या आर्थिक वर्षापासून सुरू करण्यात आली आहे. या माध्यमातून उद्योजक, खासगी क्षेत्रातील आस्थापना, सेवा क्षेत्र, केंद्र व राज्य शासनाच्या शासकीय/निमशासकीय आस्थापनांना मनुष्यबळ मिळणार आहे. यासाठी 12 वी पास प्रशिक्षणार्थींना 6 हजार, आयटीआय/पदविका 8 हजार आणि पदवीधर/पदव्युत्तर प्रशिक्षणार्थ्यांना 10 हजार प्रतिमाह विद्यावेतन मिळणार आहे.

महत्त्वाचे : मुख्यमंत्री वयोश्री योजना, वृद्ध नागरिकांना मिळणार 3 हजार रुपयांचा लाभ

शासनाच्या कौशल्य, रोजगार, उद्योजकता व नाविन्यता विभाग आणि मुख्यमंत्री जनकल्याण कक्ष यांच्यामार्फत संयुक्तपणे ही योजना राबविण्यात येणार आहे.

 

उमेदवारांची पात्रता : किमान वय 18 व कमाल 35 वर्षे असावे. किमान शैक्षणिक पात्रता 12 वी पास/आयटीआय/पदवीका/पदवी/पदव्युत्तर असावी. मात्र शिक्षण चालू असलेले उमेदवार या योजनेस सहभागास पात्र असणार नाहीत. उमेदवार महाराष्ट्राचा रहिवासी असावा. त्याचे आधार नोंदणी असावे. बँक खाते आधार संलग्न असावे. कौशल्य, रोजगार व उद्योजकता आयुक्तालयाच्या संकेतस्थळावर नोंदणी करून रोजगार नोंदणी क्रमांक प्राप्त केलेला असावा.

 

आस्थापना/उद्योगासाठीची पात्रता : आस्थापना/उद्योग महाराष्ट्रात कार्यरत असावा. आस्थापना/उद्योगाने कौशल्य, रोजगार, उद्योजकता व नाविन्यता विभागाच्या संकेतस्थळावर नोंदणी केलेली असावी. आस्थापना/उद्योगाची स्थापना किमान 3 वर्षापूर्वीची असावी. आस्थापना/उद्योगानी ईपीएफ, ईएसआयसी, जीएसटी, सर्टीफिकेट ऑफ इन कॉर्पोरेशन, डीपीआयटी व उद्योग आधारची नोंदणी केलेली असावी.

Mukhyamantri yuva karya prashikshan yojana प्रशिक्षणाचा कालावधी 6 महिने असेल. या कालावधीसाठी उमेदवारांना शासनामार्फत विद्यावेतन देण्यात येईल. या योजनेंतर्गत खासगी क्षेत्रातील आस्थापना/उद्योजकांकडे एकूण कार्यरत मनुष्यबळाच्या 10 टक्के व सेवा क्षेत्रासाठी 20 टक्के उमेदवार कार्य प्रशिक्षणासाठी घेता येतात. केंद्र व राज्य शासनाच्या शासकीय/निमशासकीय आस्थापना/उद्योग/महामंडळ यामध्ये मंजूर पदांच्या 5 टक्के उमेदवार कार्य प्रशिक्षणासाठी घेता येतील.           

योजनादूत : शासनाच्या विविध योजनांची प्रचार प्रसिध्दी करणे व जास्तीत जास्त नागरिकांना योजनेचा लाभ पोहोचविण्यासाठी योजनादूत नेमण्याची योजना सन 2024-25 च्या अतिरिक्त अर्थसंकल्पीय अधिवेशनात करण्यात आली आहे. त्यानुसार ग्रामीण भागात प्रत्येक ग्रामपंचायतसाठी 1 व शहरी भागात 5 हजार लोकसंख्येसाठी 1 याप्रमाणे एकूण 50 हजार ‘योजनादूत’ नेमण्यास मान्यता देण्यात आली आहे. योजनादूतांचे विद्यावेतनही या योजनेमधून अदा करण्यात येईल. हा शासन निर्णय महाराष्ट्र शासनाच्या www.maharashtra.gov.in  या संकेतस्थळावर उपलब्ध आहे.

तर मग विद्यार्थ्यांनो त्वरा करा व आजच या योजनेत नोंदणी करून प्रशिक्षण घ्या, याबाबत संपूर्ण माहिती महाराष्ट्र शासनाच्या संकेतस्थळावर उपलब्ध आहे.

Mukhyamantri Vyoshree Yojana राज्यातील 65 वर्षे व त्यावरील ज्येष्ठ नागरिकांना त्यांच्या दैनंदिन जिवनात सामान्य स्थितीत जगण्यासाठी तसेच वयोमानानुसार त्यांना येणारे अपंगत्व, अशक्तपणा यावर उपाययोजना करण्यासाठी  आवश्यक साहित्य / उपकरणे खरेदी करणे, मनस्वास्थ केंद्र, योगापचार केंद्र आदींद्वारे वृध्दांचे मानसिक स्वास्थ अबाधित ठेवण्यासाठी ‘मुख्यमंत्री वयोश्री योजना’ राबविण्यात येत आहे. त्या अनुषंगाने पात्र वृध्दांना लाभ मिळण्यासाठी सहायक आयुक्त, समाजकल्याण कार्यालयाकडे अर्ज मागविण्यात येत आहे.  

महत्वाची योजना : दहावी पास विद्यार्थ्यांना मिळणार मोफत टॅब

योजनेचे स्वरुप : पात्र वृध्द लाभार्थ्यांना त्यांच्या  शारीरिक असमर्थता / दुर्बलतेनुसार चष्मा,  श्रवणयंत्र, ट्रायपाड स्टिक, व्हील चेयर, फोल्डिंग  वॉकर, कमोड खुर्ची, नि-ब्रेस, लंबर बेल्ट, सर्व्हाइकल कॉलर इ. सहाय्यभूत आवश्यक सहाय्य साधने /उपकरणे खरेदी करणे तसेच मन:स्वास्थ केंद्र, योगोपचार केंद्र इ. द्वारे त्यांचे मानसिक स्वास्थ अबाधित ठेवण्यासाठी मुख्यमंत्री वयोश्री योजने अंतर्गत निधीचे वितरण ऑनलाईन पध्दतीने (महाडीबीटी) 3 हजार रुपयांच्या मर्यादेत करण्यास शासन मान्यता देण्यात आली आहे. Mukhyamantri Vyoshree Yojana

 

लाभार्थ्यांच्या पात्रतेचे निकष : 1) लाभार्थी व्यक्ती राज्यातील ज्येष्ठ नागरिक (ज्या नागरिकांनी दि. 31 डिसेंबर 2023 पर्यंत वयाची 65 वर्षे पूर्ण केली असतील असे), ज्या व्यक्तींचे वय 65 वर्षे आणि त्याहून अधिक आहे त्या व्यक्तींकडे आधारकार्ड असणे आवश्यक आहे किंवा आधार कार्डसाठी अर्ज केलेला असावा व नोंदणीची पावती असणे आवश्यक आहे. जर लाभार्थ्यांकडे आधार कार्ड नसेल आणि स्वतंत्र ओळख दस्तऐवज असतील, तर ते ओळख पटविण्यासाठी स्वीकारार्ह असेल. 2) लाभार्थी पात्रतेसाठी जिल्हा प्राधिकरणाकडून प्रमाणपत्र किंवा बीपीएल रेशन कार्ड किंवा राष्ट्रीय सामाजिक सहाय्य कार्यक्रमांतर्गत इंदिरा गांधी राष्ट्रीय वृद्धपकाळ निवृत्तीवेतन योजनेअंतर्गत किंवा राज्य/ केंद्रशासित  सरकारच्या इतर कोणत्याही पेन्शन योजनेअंतर्गत वृद्धपकाळ निवृत्तीवेतन मिळाल्याच्या पुरावा सादर करू शकतात. 3) सदर व्यक्तीने मागील 3 वर्षात स्थानिक स्वराज्य संस्था आणि कोणत्याही सरकारी स्त्रोतांकडून तेच उपकरण विनामूल्य  प्राप्त केले नसावे. याबाबतचे लाभार्थ्यांने स्वयंघोषणापत्र सादर करणे आवश्यक राहील. Mukhyamantri Vyoshree Yojana

महत्त्वाचे : विद्यार्थ्यांना मिळणार 60 हजार काय आहे ही योजना?

4) पात्र लाभार्थ्यांच्या बँकेच्या वैयक्तीक आधार संलग्न बचत खात्यात 3 हजार रुपये थेट लाभ वितरीत झाल्यावर विहीत केलेली  उपकरणे खरेदी केल्याचे  तसेच मन:स्वास्थ केंद्राद्वारे प्रशिक्षण घेतल्याचे लाभार्थ्यांचे  देयक प्रमाणपत्र 30 दिवसांच्या आत संबंधित सहायक आयुक्त, समाज कल्याण यांच्याकडून प्रमाणित करावे. तसेच संबंधित प्रमाणपत्र विकसित पोर्टलवर 30 दिवसांच्या आत अपलोड करणे आवश्यक राहील. अन्यथा लाभार्थ्यांकडून  सदर रक्कम वसूल करण्यात येईल. 5) निवड/ निश्चित केलेल्या जिल्हयात, लाभार्थ्यांच्या संख्येपैकी 30 टक्के महिला असतील.

 

उत्पन्न मर्यादा : लाभार्थ्यांचे कौटुंबिक वार्षिक उत्पन्न 2 लाखाच्या आत असावे. याबाबतचे लाभार्थ्यांने स्वयंघोषणापत्र सादर करणे आवश्यक राहील.

आवश्यक  कागदपत्रे : 1) आधार कार्ड/ मतदान कार्ड   2) राष्ट्रीयकृत बॅकेची बँक पासबुक झेरॉक्स  3)पासपोर्ट आकाराचे 2 फोटो 4) उत्पन्नाचे स्वयंघोषणापत्र (अर्जासोबत जोडलेले) 5) उपकरण/साहित्याचे दुबार लाभ न घेतल्याचे स्वयंघोषणापत्र (अर्जासोबत जोडलेले)

Mahajyoti Yojana 2024 महाराष्ट्र राज्यातील इतर मागासवर्गीय भटक्या जाती विमुक्त जमाती तसेच विशेष मागासवर्गीय विद्यार्थ्यांकडून MHT- CET/JEE/NEET-2026 करिता पूर्व प्रशिक्षण या योजनेअंतर्गत अर्ज मागविण्यात येत आहेत. महाजोतीमार्फत MHT-CET/JEE/NEET परीक्षा पूर्व प्रशिक्षण ऑनलाईन पद्धतीने देण्यात येते. तसेच ऑनलाईन प्रशिक्षणासाठी महा ज्योती तर्फे विद्यार्थ्यांना मोफत Mahajyoti Tab व 6GB/Day इंटरनेट डाटा पुरविण्यात येते.

या योजनेबाबत पात्रता काय, अर्ज कसा भरायचा, अर्ज, नोंदणी झाल्यावर अर्जाचा लाभ कसा मिळणार, याबाबत आपण अधिक माहिती जाणून घेऊया.

अवश्य वाचा : ब्रिटिशकालीन कायदे इतिहासजमा

योजनेच्या लाभासाठी पात्रता खालील प्रमाणे (अ) :

 

➡️ उमेदवार हा महाराष्ट्राचा रहिवासी असावा/असावी

➡️उमेदवार हा इतर मागासवर्गीय किंवा विमुक्त जाती भटक्या जमाती किंवा विशेष मागास प्रवर्ग यापैकी असावा/असावी

➡️ उमेदवार हा नॉन क्रिमिलियर उत्पन्न गटातील असावा/असावी

➡️जे विद्यार्थी सन 2024 मध्ये दहावीची परीक्षा पास झालेले आहेत ते विद्यार्थी अर्ज करण्यास पात्र असून त्या विद्यार्थ्यांनी अर्ज करताना अकरावी विज्ञान शाखेचे प्रवेश पत्र म्हणजेच बोनाफाईड सर्टिफिकेट व दहावीची गुणपत्रिका म्हणजेच दहावीचे मार्कशीट जोडावे.

➡️ विद्यार्थी हा विज्ञान शाखेत प्रवेश घेणारा असावा. ज्या बाबतची कागदपत्रे त्याने भविष्यात सूचनानुसार अपलोड करणे आवश्यक आहे.  वी च्या परीक्षेत प्राप्त टक्केवारी तसेच सामाजिक प्रवर्ग व समांतर

➡️ विद्यार्थ्यांची निवड ही त्यांना 10 आरक्षणानुसार करण्यात येईल.

 ➡️ इयत्ता 10 वी मध्ये शहरी भागातील विद्यार्थ्यांनाकरीता 70% किंवा या पेक्षा जास्त गुण असणे आवश्यकआहे. तसेच ग्रामीण भागातील विद्यार्थ्यांकरिता 60% किंवा यापेक्षा जास्त गुण असणे आवश्यक आहे. 

➡️ विद्यार्थी शहरी किंवा ग्रामीण भागातील आहे हे विद्यार्थ्यांच्या आधारकार्ड वरील नमूद पत्या वरून ठरविले जाईल.

 

अर्ज करण्यासाठी आवश्यक कागदपत्रे (ब):-

 

➡️10 वी ची गुणपत्रिका

 

➡️11 वी सायन्स घेतल्याचे प्रवेश पत्र (बोनाफाईट सर्टिफिकेट)

 

➡️आधार कार्ड (पुढील व मागील बाजूसहित)

 

➡️रहिवाशी दाखला/डोमासाईल सर्टिफिकेट 

 

➡️जातीचे प्रमाणपत्र 

 

➡️वैद्य नॉन क्रिमिलियर सर्टिफिकेट 

 

➡️दिव्यांग असल्यास दाखला

 

➡️अनाथ असल्यास दाखला

 

सामाजिक व समांतर आरक्षण पुढील प्रमाणे

सामाजिक प्रवर्ग आणि टक्केवारी

 

➡️इतर मागास वर्गीय (OBC): 59%

 

➡️निरधीसूचित जमाती – अ (VJ-A): 10% 

 

➡️भटक्या जमाती – ब (NT-B): 8%

 

➡️भटक्या जमाती – क (NT-C): 11%

 

➡️भटक्या जमाती – ड (NT-D):6%

 

➡️विशेष मागास वर्गीय (SBC):6%

 

एकुण: 100%

 

अर्ज कसा करावा:-

 

1) महाजोतीच्या संकेतस्थळावर जाऊन Notice Board क्लिक करा.

 

2) आता Application for MHT-CET/JEE/NEET-2026 Traning या वरती जाऊन ऑनलाईन पद्धतीने अर्ज करा.

 

3) अर्जासोबत’ ब’ मध्ये नमूद कागदपत्रे साक्षांकित करून स्पष्ट दिसतील असे स्कॅन करून अपलोड करावे.

 

website link:

https://mahajyoti.org.in/en/application-for-jee-neet-mht-cet-batch-2026-training-2/

 

Mahajyoti Yojana 2024 10 वी पास झालेल्या मुलामुलींना MHT-CET/JEE/NEET 2026 Training साठी फ्री टॅब दिले जाणार आहे. या साठी 10 जुलै 2024 पर्यंत ऑनलाईन अर्ज मागवले गेले आहे. तर Free Tab Yojana अर्ज करण्याची शेवटची तारीख 10 जुलै आहे.

महत्त्वाचे : माझी लाडकी बहीण योजनेत बदल

नियम अटी व शर्ती (ड) :-

 

1) अर्ज करण्याची अंतिम तारीख 10 जुलै 2024 आहे.

 

2) पोस्टाने किंवा ईमेल द्वारे प्राप्त अर्जाचा विचार केला जाणार नाही.

 

3) जाहिरात रद्द करणे, मुदतवाढ देणे, अर्ज नाकारणे व स्वीकार याबाबतचे सर्वाधिकार हे व्यवस्थापकीय संचालक, महा ज्योती यांचे राहतील.

 

4) अर्ज भरताना कोणत्याही प्रकारच्या अडचणी आल्यास केवळ Mahajyoti Call Centre वर संपर्क करावा. संपर्क क्र. 0712-2870120/21 E mail ID: mahajyotijeeneet24@gmail.com

 

5) 10 वी चा निकाल लागल्यावर विद्यार्थ्यांकडून 10 वी ची गुणपत्रिका, विज्ञान शाखेत प्रवेश घेतल्याचा दाखला (बोनाफाईट सर्टिफिकेट) व MHT-CET/JEE/NEET या परीक्षेची तयारी करत आहोत असे हमीपत्र मागविण्यात येतील.

 

MHT-CET/JEE/NEET-2026 – पूर्व प्रशिक्षणाकरिता नोंदणी अर्ज

 

Mahajyoti Yojana 2024 महात्मा ज्योतिबा फुले संशोधन व प्रशिक्षण संस्था (Mahajyoti), नागपूर या राज्य शासनाच्या स्वायत्त संस्थेकडून MHT-CET/JEE/NEET-2026 परीक्षेच्या MHT-CET/JEE/NEET-2026 या परीक्षेच्या मोफत ऑनलाईन पूर्वतयारीसाठी OBC/VJNT/SBC या संवर्गातील इच्छुक व पात्र उमेदवारांकडून ऑनलाईन अर्ज मागविण्यात येत आहेत. त्यासाठी त्या वितरणाकरिता संबंधितांनी www.mahajyoti.org.in या संकेतस्थळावर सूचनाफलक मध्ये उपलब्ध “MHT-CET/JEE/NEET-2026 Traning” यावर जाऊन ऑनलाईन पद्धतीने अर्ज करावा. सदर संकेतस्थळावर अर्जाचा नमुना व तपशिलांवर माहिती उपलब्ध आहे. 

 

टिपः टपालद्वारे / प्रत्यक्ष किंवा मेलवर प्राप्त अर्जाचा विचार केला जाणार नाही. महा ज्योती व्यवस्थापकीय संचालक च्या सूचनेनुसार.

 

महात्मा ज्योतिबा फुले संशोधन व प्रशिक्षण संस्था महाज्योती नागपूर अंतर्गत दरवर्षी 10 वीच्या आर्थिक मागास विद्यार्थ्यांना पुढील शिक्षणासाठी मदत केली जाते. Mahajyoti Scheme अंतर्गत विज्ञान शाखेत प्रवेश घेणाऱ्या मुलांना MHT-CET/JEE/NEET-2026 साठी फ्री मध्ये प्रशिक्षण देण्यासाठी Free Tablet वाटप केले जातात. ज्याचा वापर करून आर्थिक मागास विद्यार्थी त्यांचे शिक्षणाचा वापर करून भविष्य सुधारू शकता.

ऑनलाइन अर्ज सादर करताना विद्यार्थ्यांनी सखोल माहिती घेतल्यावर काळजीपूर्वक अर्ज भरावा, जेणेकरून या योजनेचा लाभ आपल्याला घेता येईल.

 

Majhi ladki bahin yojana niyam राज्यात महाराष्ट्र सरकारने अर्थसंकल्पात मुख्यमंत्री माझी लाडकी बहीण योजनेची घोषणा केली, मात्र सदर योजनेत महिलांना अर्ज करण्यासाठी केवळ 14 दिवसाची मुदत देण्यात आली होती, अनेक आमदार व मंत्र्यांनी अर्ज भरण्यासाठी मुदतवाढ करण्याची मागणी केली होती.

 

त्यानुसार मुख्यमंत्री एकनाथ शिंदे यांनी 31 ऑगस्ट पर्यंत अर्ज करण्याची शेवटची तारीख असणार अशी घोषणा करीत अधिवास प्रमाणपत्राची अट सुद्धा रद्द करण्यात आली आहे.

अवश्य वाचा : 200 युनिट वीज मोफत, काय म्हणाले आमदार किशोर जोरगेवार

Majhi ladki bahin yojana niyam या योजनेच्या माध्यमातून महिन्याला महिलांना १ हजार ५०० रुपये दिले जाणार आहेत. यासाठी पहिले महिलांना 21 ते 60 वयोगटाची मर्यादा ठेवण्यात आली होती. मात्र, आता यात वयाच्या अट वाढवण्यात आली असून, 21 ते 65 वयोगटातील महिला या योजनेचा लाभ घेऊ शकणार आहेत.

 

शिवाय जमिनीबाबतची अट व अधिवास प्रमाणपत्राची अटही काढूण टाकण्यात आली आहे.

ही योजना गरीब महिलांसाठी असणार असून, पिवळं आणि केशरी रेशनकार्ड धारकांना याचा लाभ होणार आहे. या योजना अंर्तगत लाभार्थी महिलांना 1500 रुपये प्रति माह दिले जातील.

अवश्य वाचा : त्या चोरांना आवरा, पालकमंत्री मुनगंटीवार यांना पोलीस अधीक्षकांना लिहावे लागले पत्र

योजनेचा लाभ कोणाला मिळणार?

▪️महाराष्ट्रातील 21 ते 65 वर्ष वयोगटाकील विवाहित, विधवा, घटस्फोटीत महिलांना या योजनेचा लाभ मिळणार आहे.

 

योजनेचा लाभ घेण्यासाठी आवश्यक पात्रता

 

1) लाभार्थी महिला महाराष्ट्र राज्याची रहिवासी असावी

 

2) राज्यातील विवाहित, विधवा, घटस्फोटित, परित्यक्त्या आणि निराधार महिला.

 

3) कमीत कमी 21 वर्ष ते जास्तीत जास्त 65 वर्षांपर्यंत या योजनेचा लाभ घेता येणार.

 

4) लाभार्थीचे बँक खाते असणे आवश्यक.

 

5) लाभार्थी कुटुंबाचे वार्षिक उत्पन्न अडीच लाखापेक्षा जास्त नसावे.

 

योजनेसाठी आवश्यक कागदपत्रे :

1) रेशन कार्ड

 

2) लाभार्थी महिलेचे आधार कार्ड

 

3) महाराष्ट्र राज्याचे रहिवाशी प्रमाणपत्र, जन्म दाखला.

 

4) उत्पन्नाचा दाखला.

 

5) बँक खाते झेरॉक्स.

 

6) पासपोर्ट आकाराचा फोटो

 

7) योजनेच्या अटी शर्तीचे पालन करण्याबद्दलचे हमीपत्र.

 

Mukhyamantri ladki bahin yojana लोकसभा निवडणुकीत महायुतीला धक्का बसल्यावर मुख्यमंत्री एकनाथ शिंदे यांनी महिलांसाठी मुख्यमंत्री लाडकी बहीण योजनेची घोषणा केली, या योजनेत महिलांना दर महिन्याला 1 हजार ते 1500 रुपये मिळणार आहे, विधानसभा निवडणुकीच्या पार्श्वभूमीवर सदर योजनेचा महिलांना लाभ व महायुतीला किती फायदा होणार हा निवडणूक निकाल सांगेलचं..

अवश्य वाचा : मुले सांभाळत नसल्यास या नंबरवर करा कॉल

तोपर्यंत आपण या योजनेबाबत माहिती जाणून घेऊ, आजपासून या योजनेसाठी अर्ज भरण्यास सुरुवात झाली मात्र अर्ज भरण्यास फक्त 15 दिवसांची मुदत देण्यात आली आहे.

 

Mukhyamantri ladki bahin yojana मुख्यमंत्री लाडकी बहीण योजनेच्या माध्यमातून महिन्याकाठी महिलांना १ हजार ५०० रुपये मिळणार आहेत. त्यासाठी २१ ते ६० वयोगटातील महिला (वार्षिक अडीच लाख रुपये उत्पन्न मर्यादा) या योजनेसाठी पात्र असणार आहेत.

अवश्य वाचा : मुख्यमंत्री लाडकी बहीण योजना

त्यासाठी अर्ज करण्यास आजपासून प्रारंभ होणार आहे. सर्व महिलांना योजनेच्या लाभासाठी अडीच लाख रुपये वार्षिक उत्पन्न असल्याचा दाखला काढावा लागणार आहे. लाभार्थी महिलांना 15 दिवसात कधीही त्यांच्या गावातील महा- इ-सेवा केंद्रावर जाऊन अर्ज करता येईल.

 

कोणत्या महिला असणार पात्र?

 

महिला महाराष्ट्र राज्याची रहिवासी असणे आवश्यक

 

विवाहित, विधवा, घटस्फोटित, परित्यक्त्या, निराधार महिला

 

वयाची किमान २१ वर्ष पूर्ण व कमाल ६० वर्ष मर्यादा

 

अर्ज करणाऱ्या महिलांचे बँक खाते असणे आवश्‍यक

 

अर्जदार महिलेच्या कुटुंबांचे एकत्रित वार्षिक उत्पन्न २ लाख ५० हजारांपेक्षा जास्त नसावे

 

अन्य विभागामार्फत राबविण्यात येणाऱ्या आर्थिक योजनेद्वारे दीड हजार रुपयांपेक्षा जास्त लाभ घेतला नसेल

 

ट्रॅक्टर वगळून चारचाकी वाहन नावावर नसेल, अशा महिला.

 

अर्ज भरण्याची सुविधा

अंगणवाडी केंद्रात, बाल विकास प्रकल्प अधिकारी कार्यालये, ग्रामपंचायत व महापालिकेचे वॉर्ड ऑफिस, सेतू सुविधा केंद्र व महा- इ- सेवा केंद्रे येथे पात्र महिलांना योजनेचा अर्ज भरता येणार आहे.

 

अर्ज भरण्याची प्रक्रिया

 

अर्ज करण्याची सुरुवात : १ जुलै

 

अर्ज करण्याची शेवट तारीख : १५ जुलै

 

प्रारूप निवड यादी प्रकाशित : १६ ते २० जुलै

 

प्रारूप यादीवर हरकत, तक्रार करणे : २१ ते ३० जुलै

 

लाभार्थी अंतिम निवड यादी प्रकाशित : १ ऑगस्ट

 

लाभ देण्यास सुरुवात : 14 ऑगस्टपासून

Mukhyamantri ladki bahin yojana‘’मुख्यमंत्री- माझी लाडकी बहीण’ योजनेसाठी (सोमवारी) अर्ज करता येणार असून त्याचे संकेतस्थळ लाभार्थींना उपलब्ध करून दिले जाईल. प्राप्त अर्जांची पडताळणी अंगणवाडी पर्यवेक्षक, प्रकल्प अधिकारी, अंगणवाडी सेविका करतील. ग्रामसेवक देखील अर्जांची पडताळणी करू शकतात. त्यांच्याकडील अर्ज आमच्याकडे आल्यावर आम्ही यादी अंतिम करून जिल्हाधिकाऱ्यांकडे सादर करू. त्यानंतर जिल्हाधिकाऱ्यांच्या अध्यक्षतेखालील समिती लाभार्थींची अंतिम यादी जाहीर करेल आणि त्यांना लाभ मिळेल.

Mukhyamantri ladki bahin yojana लोकसभा निवडणुकीतील पराभवानंतर सावध झालेल्या राज्यातील महायुती सरकारने आगामी विधानसभा निवडणुकीतील विजयासाठी मोर्चेबांधणी सुरू केली आहे.

लोकसभा निवडणुकीत 45 प्लस चा नारा देणाऱ्या महायुतीला निकालात जोरदार फटका बसला, विशेष म्हणजे निकालात भाजप, सेना व राष्ट्रवादी कांग्रेसला दुहेरी आकडा गाठता आला नाही.

अवश्य वाचा : पेपरफुटी कायदा म्हणजे काय?

Mukhyamantri ladki bahin yojana काही महिन्यांनी राज्यात विधानसभा निवडणूका होणार आहे, त्यासाठी महायुती सरकारने तयारी सुरू केली आहे.

महत्त्वाचे : धनगर समाजातील विद्यार्थ्यांना मिळणार 60 हजार रुपये

त्याचाच एक भाग म्हणून मध्य प्रदेशच्या धर्तीवर महाराष्ट्रात गरीब महिलांसाठी ‘मुख्यमंत्री लाडकी बहीण’ योजना राबवण्याच्या हालचाली सुरू आहेत. याअंतर्गत गरीब महिलांना दरमहा १२०० ते १५०० रुपये दिले जाण्याची शक्यता व्यक्त होत आहे. यामुळे सरकारच्या तिजोरीवर वार्षिक १५ ते २० हजार कोटींचा आर्थिक भार पडणार असल्याची माहिती मंत्रालयातील सूत्रांनी दिली.

 

योजना काय?

• महिलांचे आर्थिक स्वातंत्र्य तसेच त्यांच्या आरोग्याची काळजी घेतानाच गरीब महिलांना आर्थिकदृष्ट्या स्वावलंबी योजना.

 

• पहिल्या टप्प्यात दारिद्र्यरेषेखालील ९० ते ९५ लाख महिलांना महिन्याला १२०० ते १५०० रुपये.

 

• दारिद्रयरेषेखालील २१ ते ६० वर्षे वयोगटातील महिला, तसेच विधवा, परितक्त्या, घटस्फोटितांना लाभ. रक्कम प्रत्येक महिन्याला लाभार्थीच्या बँक खात्यात थेट जमा.

 

Mukhyamantri ladki bahin yojana आगामी विधानसभा निवडणुका जिंकण्यासाठी महायुती सरकारने कंबर कसली आहे. त्यासाठी समाजातील विविध घटकांसाठी नव्या आकर्षक योजना आणण्याची तयारी सुरू आहे. विशेषतः महिला आणि तरुणांच्या मतपेढीवर डोळा ठेवून त्यांना खूश करण्यासाठी दोन मोठ्या योजनांची आखणी सुरू आहे. राज्यातील महिलांची मने आणि मते जिंकण्यासाठी मध्य प्रदेशच्या धर्तीवर राज्यात ‘मुख्यमंत्री लाडकी बहीण’ योजना राबविण्याचे नियोजन आहे. या योजनेबाबत माहिती घेण्यासाठी सरकारने अधिकाऱ्यांचे एक पथक अलीकडेच मध्य प्रदेशला पाठविले होते.

Kharif Crop Insurance scheme राज्यात सर्वत्र मान्सूनच्या पावसाने हजेरी लावली असून राज्यातील शेतकर्‍यांनी पेरण्या आणि लागवडीला सुरूवात केली आहे. यंदाच्या खरीप हंगामातील एकूण क्षेत्रापैकी जवळपास ५ टक्क्यांहून अधिक क्षेत्रावर पेरण्या झाल्या असून पेरण्या केलेल्या शेतकऱ्यांनी पीकविम्यासाठी अर्ज करण्यास सुरूवात केली आहे. पण पिकविम्यासाठी अर्ज करणाऱ्या शेतकऱ्यांनी बँक पासबुक आणि आधार कार्डसंदर्भात काही गोष्टी लक्षात ठेवणे गरजेचे आहे.

https://ads.timesdiginews.com/2024/06/mp-pratibha-dhanorkar-great-honor-in-chandrapur/

दरम्यान, मागच्या खरीप हंगामात १ कोटी ७० लाख शेतकऱ्यांनी १ रूपयांत पीक विमा या योजनेचा लाभ घेतला होता. यावर्षीसुद्धा शेतकऱ्यांना १ रूपयांत पीकविमा या योजनेचा लाभ घेता येणार आहे. पिकविमा भरण्यासाठी pmfby.gov.in या संकेतस्थळावर जाऊन अर्ज करावा लागणार आहे. आपल्या जवळच्या आपले सरकार सेवा केंद्रावर किंवा सीएससी केंद्रावर विम्यासाठी अर्ज करता येणार आहे.

 

कोणत्या गोष्टी महत्त्वाच्या?

Kharif Crop Insurance scheme पिकविमा अर्ज करताना अर्जावरील नाव आणि आधारकार्डवरील नाव सारखं असायला पाहिजे. त्याशिवाय या अर्जाची प्रक्रिया पूर्ण होणार नाही. त्याचबरोबर राष्ट्रीयकृत बँकेच्या खात्यावरील नावसुद्धा आधारकार्डशी मिळतंजुळतं असायला पाहिजे. या खात्याला आधार कार्ड लिंक असायला हवे. तर शेतकऱ्यांनी लागवड केलेल्या पिकाची नोंदणी ई-पीकपाहणी करून घेणे गरजेचे आहे.

महत्त्वाचे : वर्ग 1 ते 8 पर्यंतच्या विद्यार्थ्यांना मिळणार मोफत पाठ्यपुस्तके

आवश्यक कागदपत्रे – आधार कार्ड, बँक पासबुक, सातबारा, आठ अ, पीकपेरा स्वयंघोषणापत्र

अर्ज करण्याची अंतिम मुदत – १५ जुलै