Category: राजकारण

Resignation of Prakash Devtale चंद्रपूर – जिल्हा कांग्रेस कमिटी ग्रामीण चे माजी जिल्हाध्यक्ष प्रकाश देवतळे यांनी ऐन लोकसभा निवडणुकीच्या तोंडावर पक्षाच्या प्राथमिक सदस्यत्वाचा राजीनामा दिला आहे.

त्यांच्या राजीनाम्याने सध्या कांग्रेस पक्षात खळबळ उडवून दिली आहे, 29 मार्चला त्यांनी आपला राजीनामा प्रदेशाध्यक्ष नाना पटोले यांच्याकडे पाठविला आहे. Resignation of Prakash Devtale

हे ही वाचा : चंद्रपुरात लोकसभा निवडणुकीच्या पार्श्वभूमीवर जय विदर्भ पार्टीचा मोठा निर्णय

मागील 15 ते 20 वर्षांपासून प्रकाश देवतळे कांग्रेस पक्षात सक्रिय होते, 10 वते 12 वर्षे कांग्रेस पक्षाचे जिल्हाध्यक्ष पद त्यांनी भूषविले होते, मात्र कृषी बाजार समितीच्या निवडणुकीत त्यांनी भाजप पक्षासोबत युती करीत निवडणूक जिंकली होती, इतकेच नव्हे तर निवडणूक जिंकल्यावर देवतळे ह्यांनी भाजप जिल्हाध्यक्ष सोबत आनंदोत्सव सुद्धा साजरा केला, त्याबाबत प्रसार माध्यमावर वृत्त प्रकाशीत झाल्यावर प्रदेश अध्यक्ष पटोले यांनी त्यांना पदावरून पायउतार केले होते. Resignation of Prakash Devtale

नंतर ते तेली समाजाच्या महाराष्ट्र प्रदेश उपाध्यक्ष पदी काम करू लागले, नुकतेच त्यांनी कांग्रेस पक्षाने लोकसभा निवडणुकीत चंद्रपुरात तेली समाजाला प्रतिनिधित्व द्यावे अशी मागणी केली होती, मात्र लोकसभेची उमेदवारी प्रतिभा धानोरकर यांना दिल्याने ते नाराज झाले, काही दिवसांपासून ते अस्वस्थ होते व अखेर त्यांनी 29 मार्चला कांग्रेस पक्षाच्या प्राथमिक सदस्यत्वाचा राजीनामा दिला, पुढील 2 दिवसात मी राजकीय भूमिका स्पष्ट करणार अशी माहिती त्यांनी दिली होती मात्र आजच राजीनामा आणि आजच त्यांनी भाजप पक्षात प्रवेश केला, म्हणजेच त्यांचा राजीनामा आणि पक्षप्रवेश हे सर्व आधीच ठरलं होतं. Resignation of Prakash Devtale

देवतळे म्हणाले की मी अनेक वर्षे पक्षात काम केलं मात्र नेहमी माझ्यावर अन्याय करण्यात आला, कांग्रेसने माझे राजकीय आयुष्य उध्वस्त करण्याचा प्रयत्न केला, मी अनेक निवडणुकीत पक्षाला विजयश्री मिळवून दिला त्यानंतर सुद्धा पक्षाने माझ्यावर अन्याय केला, याकरिता मी पक्षाचा राजीनामा देत आहे असे त्यांनी स्पष्ट केले. Resignation of Prakash Devtale

प्रकाश देवतळे हे विरोधीपक्ष नेते विजय वडेट्टीवार यांचे खंदे समर्थक आहे, देवतळे यांच्या राजीनाम्यावर सध्यातरी वडेट्टीवार यांनी काही प्रतिक्रिया दिली नाही.

ऐन लोकसभा निवडणुकीच्या तोंडावर देवतळे यांच्या राजीनाम्याने पक्षाला काही फरक पडणार नाही अशी स्थिती सध्या कांग्रेस गोटात आहे.

Jai vidarbha party महाविकास आघाडीच्या चंद्रपूर-वणी-आर्णी लोकसभा मतदार संघाच्या उमेदवार प्रतिभाताई धानोरकर यांना मतदार संघातून मोठा पाठिंबा मिळत आहे. विविध सामाजिक संघटना प्रतिभाताई धानोरकर यांच्या समर्थनार्थ उभ्या झाल्या आहेत. आता जय विदर्भ पार्टीने एकमताने प्रतिभाताई धानोरकर यांना पूर्ण पाठिंबा दिला आहे.

हे ही वाचा – चंद्रपुरात अवैध धंद्यावर लगाम तर गुन्हेगारी झाली बे लगाम

आपण प्रतिभाताई यांना पाठिंबा देत असल्याचे पत्र जय विदर्भ पार्टीने पाठविले आहे. हुकूमशाही विरोधातील लढ्यात आपण खंबीरपणे ताईंच्या सोबत असल्याचे पार्टीने म्हटले आहे. Jai vidarbha party

 चंद्रपूर-आर्णी-वणी लोकसभा मतदार संघाच्या महाविकास आघाडीच्या उमेदवार प्रतिभाताई धानोरकर यांना मतदार संघातून मोठा पाठिंबा मिळत आहे. चंद्रपूर शहरात निघालेल्या रॅली आणि सभेला अलोट गर्दी उसळली होती. रखरखत्या उन्हाची पर्वा न करता प्रतिभाताई यांना समर्थन देण्यासाठी मतदार संघाच्या कानाकोपऱ्यातून जनता आली होती. हुकूमशाही विरोधातील लोकशाहीच्या या लढ्यात आता जय विदर्भ पार्टीने एकमताने प्रतिभाताई धानोरकर यांना समर्थन दिले आहे. Jai vidarbha party

ताईंच्या पाठीशी आम्ही खंबीरपणे उभे राहण्याचा निर्णय घेतला आहे, असे पार्टीच्या पदाधिकाऱ्यांनी म्हटले आहे. पार्टीचे संस्थापक व अध्यक्ष रमेशभाऊ बिसेन यांनी चंद्रपूर, गडचिरोली, गोंदीया व यवतमाळ ह्या चारही जिल्हयांचे जिल्हाध्यक्ष, तालुकाध्यक्ष व चंद्रपूर जिल्हयाचे कार्यकर्ते यांनी गजानन सभागृह चंद्रपूर येथे मिटींग घेतली. या मिटींगमध्ये चंद्रपूर लोकसभा निवडणुकीतील कोणत्या उमेदवाराला पाठिंबा द्यायचे यावर चर्चा झाली. प्रतिभाताई धानोरकर यांना पाठिंबा देण्याचे सर्वानुमते ठरविण्यात आले. Jai vidarbha party

पार्टीने केवळ चंद्रपूर जिल्हयात प्रतिभाताई धानोरकर यांनाच पाठींबा द्यायचे ठरविले आहे. प्रतिभाताईंना लहानमोठ्या कार्यकर्त्यांची जाणीव आहे. त्यामुळे हा निर्णय घेताना पार्टीच्या कार्यकर्त्यांमध्ये कुठलाही मतभेद दिसलेला नाही. जय विदर्भ पार्टीचे जिल्हाध्यक्ष, तालुकाध्यक्ष व कार्यकर्ते प्रामाणिकपणे काम करतील, याची हमी पार्टीने दिली आहे. चार जिल्हयातून जय विदर्भ पार्टीची सभासद संख्या व विदर्भ प्रेमीची संख्या मोठी आहे. जय विदर्भ पार्टीने दिलेल्या पाठिंब्यामुळे प्रतिभाताई धानोरकर यांची ताकद वाढली आहे. Jai vidarbha party

जय विदर्भ पार्टीचे चंद्रपूर जिल्हाध्यक्ष सौ. विजयाताई बच्छाव, गडचिरोली जिल्हाध्यक्ष राजीवभाऊ विश्वास, यवतमाळ (वणी) जिल्हाध्यक्ष श्री. रामभाऊ राठोड, गोंदीया जिल्हाध्यक्ष रामप्रसाद उईके, चंद्रपूर तालुकाध्यक्ष गुलशन पठाडे,भद्रावती तालुका प्रमुख विनय कोंडावार, वरोरा तालुकाध्यक्ष भारतीताई कामडी, बल्लारपूर, मुल तालुकाध्यक्ष शिलालाई टाकडे, कोरपना तालुकाध्यक्ष सुजाताताई रंगारी, राजुरा तालुकाध्यक्ष स्मिताताई रायपुरे, गोरेगाव तालुकाध्यक्ष बंडूभाऊ येडे, तिरोडा तालुकाध्यक्ष विनोदभाऊ पारधी मिटिंग मध्ये उपस्थित होते.

Chandrapur Loksabha 2024 चंद्रपूर लोकसभा मतदार संघाकरिता नामनिर्देशनपत्र दाखल करण्याच्या शेवटच्या दिवशी बुधवारी (27 मार्च) 29 उमेदवारांनी 37 नामनिर्देशनपत्र दाखल केले. त्यामुळे चंद्रपूर लोकसभा मतदारसंघात अर्ज भरणा-या एकूण उमेदवारांची संख्या 36 तर दाखल नामनिर्देशनपत्रांची एकूण संख्या 48 झाली आहे.

हे ही वाचा – महाविकास आघाडी उमेदवार प्रतिभा धानोरकर यांचं भव्य शक्तिप्रदर्शन, महायुती उमेदवार सुधीर मुनगंटीवार यांना सडेतोड उत्तर

बुधवारी (दि.27 मार्च) अर्ज दाखल करणा-यांमध्ये धानोरकर प्रतिभा सुरेश (काँग्रेस) यांनी 3 अर्ज, बेले राजेश वारलुजी (वंचित बहुजन आघाडी) यांनी 3 अर्ज, विद्यासागर कालिदास कासर्लावार यांनी 1 अर्ज भीमसेना पक्षाच्यावतीने तर 1 अर्ज अपक्ष म्हणून, नामदेव माणिकराव शेडमाके (गोंडवाना गणतंत्र पार्टी) यांनी 2 अर्ज, जावेद अब्दूल कुरेशी यांनी 1 अर्ज अपनी प्रजा हित पार्टीच्या वतीने तर 1 अर्ज अपक्ष म्हणून, रमेश आनंदराव मडावी यांनी 1 अर्ज बहुजन समाज पार्टीच्या वतीने तर 1 अर्ज अपक्ष म्हणून दाखल केला आहे. Chandrapur Loksabha 2024

याशिवाय पुर्णिमा दिलीप घनमोडे (बहुजन रिपब्लिकन सोशालिस्ट पार्टी), दिवाकर गुलाब पेंदाम (विरोंके वीर इंडियन पार्टी), मोरेश्वर कोंदुजी बडोले (अपक्ष), मिलिंद प्रल्हाद दहिवले (अपक्ष), सेवकदास कवडूजी बरके (पीपल्स पार्टी ऑफ इंडिया, डेमोक्रेटीक), अमोल ओमप्रकाश कोमावार (हिंदू राष्ट्र संघ), राजेंद्र हरिश्चंद्र रामटेके (बहुजन समाज पक्ष), राजेंद्र कृष्णराव हजारे (अपक्ष), दिनेश रामबिशाल मिश्रा (अपक्ष), वनिता राजेंद्र राऊत (अखील भारतीय मानवता पक्ष), जावेद मजिद अब्दुल (अपक्ष), विकास उत्तमराव लसंते (सन्मान राजकीय पक्ष), वाघमारे संदीप विठ्ठल (अपक्ष), देठे प्रमोद देवराव (अपक्ष), संजय नीलकंठ गावंडे (अपक्ष), संजय हरी टेकाम (अपक्ष), राजेश भीमराव घुटके (अपक्ष), शेख ताजुद्दीन वजीर (अपक्ष), सुर्या मोतीराम अडबाले (अपक्ष), अनिल आनंदराव डहाके (अपक्ष), दिवाकर हरीजी उराडे (आंबेडकराईट पार्टी ऑफ इंडिया), दिलीप पुंडलीकराव माकोडे (अपक्ष), गीता अरुण मेहर (अखील भारतीय परिवार पार्टी) यांनी प्रत्येकी 1 अर्ज दाखल केला. Chandrapur Loksabha 2024

13 चंद्रपूर लोकसभा मतदार संघात मंगळवारी (26 मार्च) 7 उमेदवारांनी 11 अर्ज दाखल केले होते.

Vanchit bahujan aghadi 27 मार्च लोकसभा उमेदवारी अर्ज दाखल करण्याची शेवटची तारीख असून आज वंचित बहुजन आघाडीचे उमेदवार राजेश बेले यांनी शक्तिप्रदर्शन करीत आपला उमेदवारी अर्ज दाखल केला. Vanchit bahujan aghadi

गांधी चौकातून निघालेली ही रॅली जिल्हाधिकारी कार्यालय पर्यंत पोहचली, यावेळी वंचित बहुजन आघाडीचे कार्यकर्ते, तेली समाजातील असंख्य कार्यकर्त्यांनी सदर रॅलीत आपली उपस्थिती दर्शविली. Vanchit bahujan aghadi

वंचित चे उमेदवार बेले यांनी यावेळी प्रतिक्रिया दिली की लोकसभा क्षेत्रातील विविध समाजाचा मला पाठिंबा आहे, भाजप व कांग्रेस पक्षाला जनता त्रासली आहे, बाळासाहेब आंबेडकर यांनी माझ्यावर विश्वास टाकत मला उमेदवारी दिली, चंद्रपूर लोकसभा क्षेत्रात वंचित आघाडीचा उमेदवार म्हणून माझा विजय निश्चित आहे.

Chandrapur Lok Sabha candidate’s show of strength चंद्रपूर लोकसभेचे महायुतीचे उमेदवार सुधीर मुनगंटीवार यांनी 26 मार्चला भव्य शक्तिप्रदर्शन करीत आपला उमेदवारी अर्ज दाखल केला, तर दुसरीकडे इंडिया आघाडीच्या उमेदवार प्रतिभा धानोरकर यांनी आपला उमेदवारी अर्ज अगदी साध्यापणाने दाखल केला, 27 मार्च ला प्रतिभा धानोरकर ह्या शक्तिप्रदर्शन करणार आहे.

सुधीर मुनगंटीवार यांच्या उमेदवारी अर्ज रॅलीत हजारो नागरिकांनी आपली उपस्थिती दर्शविली.

जात-पात धर्माचा विचार न करता संपूर्ण चंद्रपूर जिल्ह्याच्या चौफेर विकासासाठी मी काम केले आहे. आताही गोरगरीबांच्या कल्याणाचे ध्येय ठेवूनच मी निवडणूक लढविणार आहे. अशा स्थितीत कुठल्याही जातीय आमिषांना किंवा भावनिक आवाहनांना बळी न पडता आपल्या मनाचे ऐका. आपल्याला पुढील पाच वर्षे दुःखात घालवायची आहेत की आनंदात, याचा विचार करा, असे आवाहन करीत ना. श्री. सुधीर मुनगंटीवार यांनी ‘देशाच्या विकासासाठी असलेल्या या निवडणुकीत मी तुमचा उमेदवार म्हणून उभा नाही तर तुम्हीच सारे उमेदवार आहात,’ या शब्दांत जनतेच्या हृदयाला स्पर्श केला.

भाजपा, शिवसेना, राष्ट्रवादी काँग्रेस आणि मित्र पक्षाचे अधिकृत उमेदवार ना. सुधीर मुनगंटीवार यांनी मंगळवारी, 26 मार्च 2024 रोजी जिल्‍हाधिकारी कार्यालय, चंद्रपूर येथे निवडणुकीचा उमेदवारी अर्ज दाखल केला. यावेळी माजी केंद्रीय गृहराज्यमंत्री श्री हंसराज अहिर, आमदार संजीव रेड्डी बोदकुरवार, आमदार डॉ. संदीप धुर्वे, सौ. सपनाताई मुनगंटीवार, राजेंद्र गांधी, पनवेलचे आमदार प्रशांत ठाकूर, उरणचे आमदार महेश बालदी, यांच्यासह महायुतीतील व घटक पक्षातील सर्व प्रमुख पदाधिकारी उपस्थित होते. Chandrapur Lok Sabha candidate’s show of strength

हजारोंच्‍या संख्‍येने कार्यकर्ते उपस्‍थ‍ित होते. ‘सुधीर भाऊ आगे बढो, हम तुम्‍हारे साथ हैं’, ‘अब की बार 400 पार’ अशा घोषणांनी संपूर्ण परिसर दुमदुमून गेला. सुधीर मुनगंटीवार म्‍हणाले, देशगौरव मा. पंतप्रधान श्री. नरेंद्रजी मोदी यांनी विश्वास दाखवत चंद्रपूर-वणी-आर्णी लोकसभा मतदारसंघाची निवडणूक लढण्याची संधी दिली. आज निवडणुकीसाठी उमेदवारी अर्ज दाखल करण्यापूर्वी ‘आशीर्वाद यात्रेत’ हजारों लोकांचा आशीर्वाद प्राप्त केला. यावेळी राज्याचे उपमुख्यमंत्री मा.ना. श्री. देवेंद्रजी फडणवीस आणि भाजपा प्रदेशाध्यक्ष मा. श्री. चंद्रशेखरजी बावनकुळे, आमदार, माजी आमदारांसह शिवसेना राष्ट्रवादी काँग्रेस पक्षातील आणि मित्र पक्षातील सर्व पदाधिकारी यांनी उपस्थित राहून मला शुभेच्छा दिल्या. Chandrapur Lok Sabha candidate’s show of strength

तुलना करायचीच असेल तर विकासाची, प्रगतीची करा. मी आजपर्यंत दिलेला प्रत्‍येक शब्‍द पूर्ण केला आहे. मी जर निवडून आलो तर नवकल्‍पनांच्‍या माध्‍यमातून वार्ड, प्रभाग, गाव, शहर यांच्‍या विकासासाठी पूर्ण शक्तिनिशी प्रयत्‍न करील. तुमचा आशीर्वाद मला भारताला भूकमुक्‍त, आतंकमुक्‍त, विकासयुक्‍त तसेच भारताच्‍या गौरव वाढविण्‍यासाठी पाहिजे आहे, असे ना. मुनगंटीवार म्‍हणाले.

Grand welcome of Pratibha Dhanorkar 24 मार्च रोजी चंद्रपूर लोकसभेसाठी कांग्रेस पक्षाकडून आमदार प्रतिभा धानोरकर यांना उमेदवारी जाहीर होताच कार्यकर्त्यांमध्ये आनंदाचे वातावरण निर्माण झाले होते.

25 मार्च रोजी दुपारी आमदार धानोरकर यांचं चंद्रपुरात आगमन झाल्यावर कांग्रेस कार्यकर्ते, शिवसेना ठाकरे, राष्ट्रवादी कांग्रेस शरद पवार, समाजवादी पार्टी, भूमिपुत्र ब्रिगेड संघटनांनी त्यांचं भव्य स्वागत केले. Grand welcome of Pratibha Dhanorkar

सर्वप्रथम आमदार धानोरकर यांनी दीक्षाभूमी येथे जात भगवान गौतम बुद्ध व डॉ. बाबासाहेब आंबेडकर यांना अभिवादन केले.

हे ही वाचा – कांग्रेसच्या लोकसभा उमेदवाराने विरोधीपक्ष नेते विजय वडेट्टीवार यांचं नाव घेणं टाळले

छत्रपती शिवाजी महाराज चौक येथील शिवाजी महाराजांच्या प्रतिमेला माल्यार्पण, डॉ.बाबासाहेब आंबेडकर, महात्मा गांधी यांच्या पुतळ्याला धानोरकर यांच्या हस्ते माल्यार्पण करण्यात आले. Grand welcome of Pratibha Dhanorkar

शहरातील प्रत्येक चौकात आमदार धानोरकर यांचे महिलांनी स्वागत केले हे विशेष, चंद्रपूर जिल्ह्यात पहील्यांदाच महिला उमेदवार लोकसभा निवडणूक लढत असल्याने महिलांचा पाठिंबा आमदार धानोरकर यांना मिळत आहे.

Vijay wadettiwar on pratibha dhanorkar पहिल्या टप्प्यातील चंद्रपूर लोकसभा निवडणुकीच्या पार्श्वभूमीवर कांग्रेसने आपला उमेदवार म्हणून आमदार प्रतिभा धानोरकर यांचं नाव जाहीर केलं.

हे ही वाचा – चंद्रपुरात येताच आमदार धानोरकर यांना अश्रू अनावर

Vijay wadettiwar on pratibha dhanorkar 25 मार्च रोजी धानोरकर यांचं विमानतळावर आगमन होताच जंगी स्वागत करण्यात आले, मात्र प्रसार माध्यमांना प्रतिक्रिया देताना आमदार धानोरकर यांनी विरोधीपक्ष नेते विजय वडेट्टीवार यांचं नाव टाळलं.

यावर प्रतिक्रिया देताना विजय वडेट्टीवार म्हणाले की कदाचित त्या माझं नाव विसरले असतील, नावात काही ठेवलं नाही पक्ष महत्वाचा.

Vijay wadettiwar on pratibha dhanorkar 27 मार्च रोजी आमदार धानोरकर ह्या उमेदवारी अर्ज दाखल करणार असून त्यावेळी विरोधी पक्ष नेते वडेट्टीवार हे उपस्थित राहणार अशी प्रतिक्रिया त्यांनी दिली.

चंद्रपूर लोकसभा क्षेत्रातून शिवानी वडेट्टीवार यांनी उमेदवारी मिळावी यासाठी पक्षश्रेष्ठींना तिकीट मागितली होती, मात्र ऐनवेळी पक्षाने विजय वडेट्टीवार यांना लोकसभा लढण्याच्या सूचना दिल्या मात्र त्यांनी नकार दिल्यावर उमेदवारी प्रतिभा धानोरकर यांना मिळाली.