Category: ग्रामीण वार्ता

News34 chandrapur

मुल – भारतिय राज्य घटनेचे शिल्पकार युगपुरुष महामानव डॉ.बाबासाहेब आंबेडकर यांच्या महापरीनिर्वाण दिना निमित्त दिनांक ६ डिसेंबर २०२३ रोज मंगळवार सकाळी १०-०० वाजता काॅंग्रेस भवन मूल येथे, काॅंग्रेसचे जेष्ठ नेते आदरणीय .संतोषसिंह रावत (अध्यक्ष,चंद्रपूर जिल्हा मध्यवर्ती सह.बॅंक) व माजी जी.प.अध्यक्ष यांच्या अध्यक्षतेखाली विनम्र अभिवादनाचा कार्यक्रम आयोजित करण्यात आला आहे.  याप्रसंगी उपस्थित सर्व कांग्रेस पदाधिकारी यांनी बाबासाहेबांच्या फोटोला पुष्प माला व पुष्प वाहून विनम्र अभिवादन केले.

याप्रसंगी कृषी उत्पन्न बाजार समिती सभापती राकेश रत्नवार, माजी सभापती संचालक घनश्याम येनुरकर, तालुका अध्यक्ष गुरु गुरनुले, संचालक किशोर घडसे, सरपंच तथा संचालक अखिल गांगरेडिवार, युवक काँग्रेस अध्यक्ष पवन नीलमवार, व्यंकटेश पुल्लकवार, माजी नगरसेविका ललिता फुलझेले, महिला तालुका अध्यक्षा रुपाली संतोषवार, शहर अध्यक्ष नलिनी आडपवार, कांग्रेस सरचिटणीस संदीप मोहबे, सुरेश फुलझेले, महिला सरचिटणीस शामलता बेलसरे, कोषाध्यक्ष राधिका बुक्कावार, सदस्य समता बनसोड, फर्जना शेख, यांचेसह ओबीसी सेलचे राज्य सरचिटणीस गुरुदास चौधरी, ज्येष्ठ कांग्रेस पदाधिकारी बंडूभाऊ गुरनुले, अन्वर शेख, विष्णू सादमवार, प्रशांत उराडे,राजू कानमपल्लीवार, ग्रामीण,शहरी,युवक व महिला तसेच ओबीसी सेल किसानसेल, व सर्व सेलच्या पदाधीकारी उपस्थित होते.

News34 chandrapur

चिमूर – नागपूर येथे होत असलेल्या हिवाळी अधिवेशना दरम्यान राष्ट्रीय ओबीसी महासंघाने आक्रमक पवित्रा घेत चिमूर क्रांती भुमितून ७ डिसेंबर पासून पुन्हा अन्नत्याग आंदोलन सुरू करण्यात येत आहे त्या संदर्भात अतिरिक्त जिल्हाधिकारी चिमूर व आमदार भांगडिया याना निवेदन देण्यात आले आहे.

ओबीसी समाजाच्या विविध मागण्यासाठी राष्ट्रीय ओबीसी महासंघाचे वतीने विद्यार्थी महासंघाचे जिल्हाध्यक्ष रविंद्र टोंगे यांनी चंद्रपूर येथे जिल्हाधिकारी कार्यालय समोर अन्नत्यांग आंदोलन सुरू केले होते. त्या आंदोलनाची दखल घेत मुख्यमंत्र्यांनी मुंबई येथे २९ ऑक्टोमबर २०२३ ला सह्याद्री अतिथीगृहावर बैटक आयोजित केली होती. परंतु अजूनही समस्या सुटल्या नसल्यामुळे ७ डिसेंबर २०२३ पासून ओबीसीच्या विविध मागण्यासाठी राष्ट्रीय ओबीसी महासंघ चिमूरच्या वतीने तहसील कार्यालयाच्या बाजूला अन्नत्याग आंदोलन करण्यात येणार आहे.

या बाबत राष्ट्रीय ओबीसी महासंघच्या वतीने चिमूर येथे अतिरिक्त जिल्हाधिकारी किशोर घाडगे व आमदार कीर्तीकुमार भांगडिया याना निवेदन देण्यात आले आहे

News34 chandrapur
चिमूर – चिमूर नगर परिषद क्षेत्रातील वडाळा पैकु जुन्या वस्तीत घाणीचे साम्राज्य निर्माण झाले असून नगर परिषदच्या विरोधात नागरिक आंदोलनाच्या पवित्र्यात आहेत.

नगर परिषद चिमूर, प्रभाग क्र ३/४ मधील, गटारी तुडुंब भरली असून,२ वर्षांपासून नाली उपसा करण्यात आली नाही त्यामुळे सर्वत्र दुर्गंधी पसरलेली आहे. गटारामध्ये अळ्या, कीटक पडली असून मच्छर चा प्रादुर्भाव वाढला आहे. याकडे न प चिमूर कडून अजूनपर्यंत दखल घेतल्या गेली नाही ही शोकांतिका आहे.

तसेंच बोरवेल नांदुरुस्त, सर्व,विहीर भोवती काटेरी झाडें व घाण साचली आहे काही विद्युत पथदिवे बंद अवस्थेत आहे, या गंभीर समस्येकडे प्रशासन का लक्ष देत नाही याची खंत वाटते. केवळ कर वसुली करून जनतेला वेठीस धरणे योग्य नाही.

५/६ वर्षपासून दूषित नळ पाणी पुरवठा सुरू असून याकडे सुद्धा दुर्लक्ष आहे. नगर परिषद अखेर काय साध्य करत आहे हे एक कोडच आहे. वडाळा ग्रामपंचायत स्वतंत्र होती तेव्हाच जनतेला सर्व नागरी सुविधा परिपूर्ण मिळायच्या परंतु हल्ली नगर परिषद मध्ये समाविष्ट करून पश्चाताप होत असल्याची नागरिकांना खंत वाटत आहे.