Category: चंद्रपूर शहर

Cancellation of moneylending license सावकारी परवान्याचे नुतनीकरण न केल्यामुळे चंद्रपूर जिल्ह्यातील 23 व्यक्तिंचा सावकारी परवाना रद्द करण्यात आला आहे. त्यामुळे संबंधित व्यक्तिंना सावकारी व्यवसाय करण्यास प्रतिबंध करण्यात आले आहे. यात चंद्रपूर तालुक्यातील 11 व्यक्ती, राजुरा तालुक्यातील 6, ब्रम्हपूरी तालुक्यातील 2 तसेच भद्रावती, नागभीड, सिंदेवाही आणि चिमूर तालुक्यातील प्रत्येकी एका व्यक्तिचा समावेश आहे.

वाचा – सुधीर मुनगंटीवार यांच्या गळ्यात लोकसभेची जबरदस्तीची वरमाला

महाराष्ट्र सावकारी अधिनियम 2014 अन्वये सावकारी परवाना नुतनीकरण 31 मार्च 2023 पूर्वी करणे बंधनकारक असते. त्यानंतर दोन महिन्यांच्या मुदतीत म्हणजे 31 मे 2023 पर्यंत अतिरिक्त शुल्क 500 रुपये भरून नुतनीकरण करता येते. मात्र त्यानंतर आलेल्या अर्जावर संबंधित सावकाराचे सहायक निबंधक,  सहकारी संस्था हे अर्ज स्वीकारू शकत नाही. त्यामुळे सावकारी परवानाशिवाय संबंधित व्यक्तिंना सावकारी व्यवसाय करण्यास प्रतिबंध केला जातो. Cancellation of moneylending license

वाचा – चंद्रपुरात वाघाच्या हल्ल्यात एक ठार

सध्या जिल्हा उपनिबंधक, सहकारी संस्था कार्यालयाच्यावतीने सावकारी परवाना रद्द करण्याची प्रकिया सुरू आहे. चंद्रपूर जिल्ह्यात असे एकूण 23 व्यक्ती असून त्यांचा परवाना रद्द करण्यात आल्याचे सावकाराचे जिल्हा उपनिबंधक प्रशांत धोटे यांनी कळविले आहे.

सावकारी परवाना रद्द झालेल्या व्यक्ती : चंद्रपूर तालुक्यातील विलास पांडूरंग निखारे (गजानन महाराज मंदीर रोड, स्नेहनगर, चंद्रपूर), विनोद नारायण अलगेरवार (हनुमान मंदिराजवळ भिवापूर रोड, चंद्रपूर), ओम हायर परचेस प्रोप्रा, शंकर वासुदेव शेंडे आणि कवलजितसिंग इंद्रजितसिंग सलूजा (चंद्रपूर), अशोक राजम येरकल (लालपेठ कॉलरी नं. 1, नांदगाव रोड, चंद्रपूर), बलविरसिंग हरभजनसिंग चड्डा (दीक्षित ले-आऊट, बापटनगर, चंद्रपूर), प्रकाश सिताराम गुंटेवार (सिव्हील लाईन, वॉर्ड क्र. 1, चंद्रपूर), सरीता राजेंद्र मालू (सिव्हील लाईन, चंद्रपूर),  ईझी फायनान्स प्रोप्रा. शुभम मारोती खुसपरे (गजानन मंदीर वॉर्ड, चंद्रपूर), रामदेवबाबा फायनान्स प्रोप्रा. प्रशांत भास्करराव कोलप्याकवार (रेल्वे स्टेशन रोड, चंद्रपूर) क्रिष्णा राज क्रिष्णन पी. क्रिष्णा स्वामी रेड्डी (तुकूम, चंद्रपूर) आणि निलेश मधूकर नावकर (बगड खिडकी, चंद्रपूर) Cancellation of moneylending license

राजुरा तालुक्यातील अनिल रामभाऊ गंप्पावार (रामनगर कॉलनी, राजूरा), राजेश बंडू यशुरवार (गडी वॉर्ड क्र. 1, राजुरा), नवनीत चंद्रकांत घट्टवार (राणा वॉर्ड क्र. 5 राजुरा), अवेज शकील अन्सारी (मौलाना आझाद, राजुरा), संदीप घनश्याम पडवेकर (रमाबाई वॉर्ड, राजुरा) आणि अंकूश अरविंद्र गंप्पावार (इंदिरा नगर, राजुरा). ब्रम्हपूरी तालुक्यातील राजेंद्र श्यामसुंदर काळबांधे (मु.पो. हळदा, ता. ब्रम्हपुरी) आणि हनुमंतराव मोनाजी राऊत (हळदा, ता. ब्रम्हपुरी). याशिवाय मार्गवी आनंद नायर (न्यू समठाना, भद्रावती),  हमीद युसूफ शेख (मु.पो. तळोधी, ता. नागभीड), मंदा बबनराव येमुलवार (मु.पो. सिंदेवाही) आणि जयलक्ष्मी ज्वेलर्स प्रोप्रा सौरभ सुभाष येल्लेवार (मु.पो. भिसी, ता. चिमूर).

Be careful when installing a cooler मार्च महिना सुरु होताच चंद्रपूरातील उन्ह आपली जाणीव करून देवू लागते. त्यामुळे स्टोअर रूममधून कुलर बाहेर काढण्यात येत आहेत. परंतु सावधान कारण कुलरच्या वापरासोबतच कुलरची सुरक्षित हाताळणी व वापर अपघात टाळण्यास गरजेचे आहे.

वाचा – सुधीर भाऊ शेतकऱ्यांकडे लक्ष द्या

प्राधान्याने मुलांना कुलरपासून दूर ठेऊन सकर्तता बाळगणे हितावह ठरणारे आहे. उन्हाळयात शॉक लागून जीवहानी अथवा आग लागल्याने वित्तहानी संभवते. अपघात टाळण्यासाठी कुलरचा वापर नेहमी थ्री-पीनचा वापर थ्री-पीन प्लगवरच करावा व अर्थिंग नीट असल्याची खात्री करावी. Be careful when installing a cooler

घरात अर्थिंग लिकेज सर्किट ब्रेकर ,एम. सी. बी. ( मिनीएचर सर्किट ब्रेकर) बसवून घ्यावे. बाजारात हे उपकरण सहज उपलब्ध असून विजेचा धोका संभवताच ताच विजेचा पुरवठा बंद होतो.

वाचा – ट्रॅक्टर चा टायर फुटला आणि घडला भीषण अपघात

घरातील अर्थिंग योग्य असल्याची तपासणी करून घेणे आवश्यक आहे. अर्थिंग व्यवस्थित असेल तर बराच धोका कमी होतो तसेच विजेचा वापर योग्यप्रकारे होतो.
कुलरच्या लोखंडी बाहय भागात वीज पुरवठा येऊ नये, यासाठी कुलरचा थेट जमिनीसोबत संपर्क येईल अशी व्यवस्था करावी. पाणी भरतांना कुलरचा वीज पुरवठा बंद ठेवावा. कुलरमधील पाणी जमिनीवर पडणार नाही, याची काळजी घ्यावी. Be careful when installing a cooler

ओल्या हाताने कुलरला स्पर्ष करू नये. ओल्या हाताने किंवा ओल्या जमिनीवर टिल्लू पंप सुरू करू नये, पंपातून पाणी येत नसेल तर पंपाचा वीज पुरवठा आधी बंद करावा. त्यानंतर प्लग काढल्यानंतर व पंपाला हात लावला. पंप पाण्यात बुडला नसलयाची खात्री करून घ्यावी. बरेचदा पाण्याची पातळी खोल गेल्याने पंप सुरू करूनही पाणी खेचले जात नाही. तो पंप एअर लाॅक होतो.

अशा वेळी प्रायमिंग करणे आवश्यक असते. बरेचदा अज्ञानामुळे चालू पंपाचे प्रायमिंग केले जाते. अशावेळी विजेचा शॉक लागण्याची शक्यता असते. त्यामुळे चालु पंपाचे प्रायमिंग करणे टाळावे, अशाप्रकारे खबरदारी घेणे गरजेचे आहे.
जनसंपर्क अधिकारी, महावितरण चंद्रपूर परिमंड

Record of MLA Kishore Jorgewar आमदार किशोर जोरगेवार यांच्या प्रयत्नांतून विविध विभागाच्या निधी अंतर्गत मंजुर मतदार संघातील 150 कोटी रुपयांच्या 192 विकासकामांच्या भूमिपूजनाला आज सुरवात झाली असून आज ८८ कामांचे भूमिपूजन करण्यात आले आहे. विशेष म्हणजे या सर्व भुमिपूजनाचा मान आमदार किशोर जोरगेवार यांनी कार्यकर्त्यांना दिला आहे. या विकासकामांमुळे नागरिकांच्या सोयी सुविधेत भर पडणार आहे. सदर भूमिपूजन सोहळा पुढील चार दिवस चालणार असून हा भूमिपूजनाचा विक्रम असल्याचे बोलल्या जात आहे.

      चंद्रपूर विधानसभा क्षेत्राचे अपक्ष आमदार किशोर जोरगेवार यांनी मतदार संघाच्या विकासासाठी मोठा निधी खेचुन आणला आहे. या निधीतून शहरी भागासह ग्रामीण भागात विकासकामे केल्या जात आहे. मतदार संघात अभ्यासिका आणि समाज भवन तयार करण्यावर आमदार किशोर जोरगेवार यांचा भर राहिला आहे. त्यांच्या प्रयत्नातून मतदार संघात 11 अभ्यासिका तयार केल्या जात आहे. तर ग्रामीण भागासह शहरी भागातही मोठ्या प्रमाणात समाज भवनांचे काम सुरु आहे. दरम्यान विविध विभागाच्या निधी अंतर्गत आमदार किशोर जोरगेवार यांनी तब्बल 150 कोटी रुपयांचा निधी मंजुर करुन आणला आहे. या निधीतुन ग्रामीण व शहरी भागातील 192 विकास कामे केल्या जाणार आहे. आज रविवारी आमदार किशोर जोरगेवार व त्यांच्या कार्यकर्त्यांच्या हस्ते विविध ठिकाणी सदर कामांचे भुमिपूजन करण्यात आले आहे. हा भुमिपूजनाचा विक्रम असुन या कामांमुळे नागरिकांच्या सोयी सुविधेत भर पडणार आहे. Record of MLA Kishore Jorgewar

    चंद्रपूरच्या जनतेने अपक्ष आमदार म्हणून देशात सर्वाधिक मताधिक्य देत मला निवडून पाठविले आहे. स्वाभाविकच त्यांच्या अपेक्षा माझ्याकडून आहेत. त्यामुळे नागरिकांना हवे त्या कामाला प्राधाण्य देण्याचा प्रयत्न आपला राहिला आहे. माझा कोणता पक्ष नाही. मात्र चंद्रपूरची जनता आणि कार्यकर्ते हा माझा पक्ष आहे. त्यामुळे आपण मंजूर केलेल्या 192 विकासकामांचे भुमिपूजन कार्यकर्त्यांच्या हस्ते करत आहोत. याच कार्यकर्त्यांच्या माध्यमातून प्रभागातील समस्या आमच्या प्रयत्न पोहचत असतात. त्यामुळे त्यांचा व त्यांच्या कार्याचा हा सन्मान असल्याचे ते यावेळी म्हणाले. Record of MLA Kishore Jorgewar

आपण अपक्ष आमदार म्हणून निवडून पाठविले आहे. मात्र अपक्ष असुनही आपण चंद्रपूरच्या विकासासाठी कधिही निधी कमी पडू दिला नाही. आवश्यक त्या सर्व गोष्टींसाठी आपण निधी उपलब्ध करुन दिला आहे. चंद्रपूरात सुरु झालेला विकासाचा झंझावात थांबणारा नाही. पूढेही आपण नागरिकांना अपेक्षित असलेल्या कामांसाठी निधी उपलब्ध करुन देऊ असेही ते यावेळी म्हणाले.

  यावेळी बाबुपेठ, जुनोना चौक, भिवापूर, पठाणपुरा, जलगनर, तुकुम, वडगाव, रहमत नगर, मोहम्मदीया नगर, बंगाली कॅम्प, इंदिरा नगर, संजय नगर, दाताडा, वृंदावन नगर, तुलसी नगर, राष्ट्रवादी नगर, येरूर, घुघुस  यासह शहरातील व ग्रामीण भागातील विविध ठिकाणचे भुमिपूजन करण्यात आले. या कार्यक्रमांना स्थानिक नागरिक व कार्यकर्त्यांची मोठ्या संख्येने उपस्थिती होती.

Nirbhay Bano Sabha in Chandrapur देशातील सध्याच्या राजकीय परिस्थितीवर भाष्य करणारे वक्ते 14 मार्च ला चंद्रपुरात येत आहे, गुरुवारी चंद्रपुरात निर्भय बनो सभेचे आयोजन आम्ही निर्भय चंद्रपूरकर तर्फे करण्यात आले आहे.

शहरातील नागपूर मार्गावर असणारे न्यू इंग्लिश शाळेच्या मैदानावर निर्भय बनो सभेचे आयोजन करण्यात आले आहे, या कार्यक्रमात सामाजिक कार्यकर्ते , विचारवंत विश्वंभर चौधरी व कायदे तज्ञ, मानवाधिकार विश्लेषक ऍड. असीम सरोदे मार्गदर्शन करणार आहे. Nirbhay Bano Sabha in Chandrapur

वाचा – पोलिसांच्या कारवाईने कुणाचे धाबे दणाणले?

देशात व राज्यात सुरू असलेल्या परिस्थिती वर अचूक मार्गदर्शन यावेळी हे दोन्ही वक्ते करणार आहे, सध्या राज्यात महापुरुषांचे होणारे अपमान, मीडियाची गळचेपी, जनतेच्या पैशातून सत्ताधारी करीत असलेली लूट, संवैधानिक संस्थेचा वापर, विरोधकांची मुस्कटदाबी, वाढलेली बेरोजगारी, महागाई, भ्रष्टाचार, निवडणुकीत EVM चा वापर थांबविण्यासाठी, विद्वेष आधारित सांप्रदायिक ध्रुवीकरण अश्या विविध विषयांवर निर्भय बनो सभेत मार्गदर्शन होणार आहे. Nirbhay Bano Sabha in Chandrapur

सध्या राज्यात निर्भय बनो सभेला चांगला प्रतिसाद मिळत आहे, सभा होऊ नये यासाठी सत्ताधारी दबाव टाकत आहे, काही ठिकाणी प्रमुख वक्ते निखिल वागळे यांच्यावर हल्ला सुद्धा करण्यात आला होता, मात्र त्यानंतर सुद्धा सर्व संकटांना सामोरे जात आज राज्यात या सभा निर्भयपणे पार पडत आहे.

वाचा – सोमवारी चंद्रपुरात बॉटनिकल गार्डनचे उदघाटन

चंद्रपुरातील निर्भय जनतेने या सभेत येत आपली निर्भयता दाखवीत हजारोच्या संख्येत उपस्थित राहावे असे आवाहन आम्ही निर्भय चंद्रपूरकर च्या वतीने करण्यात आले आहे.

Heatwave in chandrapur district मार्च ते 15 जून 2024 पर्यंतच्या कालावधीत संभाव्य उष्मालाटेच्या सौमीकरण्यासाठी जिल्ह्यातील सर्व शासकीय यंत्रणांनी सज्ज राहावे, असे निर्देश जिल्हाधिकारी विनय गौडा यांनी दिले. आपत्ती व्यवस्थापन प्राधिकरणाच्या वतीने सर्व संबंधित विभाग प्रमुखांची उष्मालाट व्यवस्थापन संदर्भात पूर्वतयारी आढावा बैठक जिल्हाधिकारी कार्यालयात घेण्यात आली. यावेळी ते बोलत होते.

आरोग्य विभागाने प्रत्येक प्राथमिक आरोग्य केंद्रात व रुग्णालयांमध्ये कुल वॉर्ड तयार करावे. तसेच उन्हापासून बचाव करण्यासाठी प्रत्येक नागरिकांनी स्वतःची काळजी घ्यावी, असे आवाहन जिल्हाधिकारी श्री. गौडा यांनी केले. Heatwave in chandrapur district

संभाव्य उष्णतेच्या लाटेसंदर्भात जिल्हा प्रशासनाकडून मार्गदर्शक सूचना निर्गमित : उष्णतेच्या लाटेमुळे शारीरिक ताण पडून मृत्यू होण्याची शक्यता आहे. त्यामुळे गंभीर परिणाम टाळण्यासाठी नागरिकांनी खालील उपाययोजना कराव्यात.

काय करावे : तहान लागली नसली तरी सुद्धा जास्तीत जास्त पाणी प्यावे. हलकी, पातळ व सछिद्र सुती कपडे वापरावे. बाहेर जाताना गॉगल, छत्री, टोपी, बूट व चप्पलचा वापर करावा. प्रवास करताना पाण्याची बाटली सोबत न्यावी. उन्हात काम करीत असलेल्या व्यक्तींनी डोक्यावर टोपी किंवा छत्रीचा वापर करावा. तसेच ओल्या कपड्यांनी डोके, मान व चेहरा झाकण्यात यावा. शरीरातील पाण्याचे प्रमाण कमी होत असल्यास ओ.आर. एस., घरी बनवलेली लस्सी,  तोरणी, लिंबू पाणी, ताक इत्यादीचा वापर करावा. Heatwave in chandrapur district

अशक्तपणा, स्थूलपणा, डोकेदुखी, सतत येणारा घाम इत्यादी उन्हाचा चटका बसण्याची चिन्हे ओळखावी व चक्कर येत असल्यास डॉक्टरांचा सल्ला घ्यावा. गुरांना छावणीत ठेवण्यात यावे, तसेच त्यांना पुरेसे पाणी द्यावे. घर थंड ठेवण्यासाठी पडदे, शटर व सनशेडचा वापर करण्यात यावा, तसेच रात्री खिडक्या उघड्या ठेवाव्यात. पंखे, ओले कपडे याचा वापर करण्यात यावा. तसेच थंड पाण्याने वेळोवेळी स्नान करावे. कामाच्या ठिकाणी जवळच थंड पिण्याच्या पाण्याची व्यवस्था करावी. सूर्यप्रकाशाचा थेट संबंध टाळण्यासाठी कामगारांना सूचित करावे. पहाटेच्या वेळी जास्त जास्त कामाचा निपटारा करण्यात यावा. बाहेर कामकाज करीत असताना मध्ये मध्ये ब्रेक घेऊन नियमित आराम करावा. गरोदर स्त्रिया आणि आजारी कामगारांची अधिकची काळजी घेण्यात यावी. रस्त्याच्या कडेला उन्हापासून संरक्षणाकरिता शेड उभारावे. जागोजागी पाणपोईची सुविधा करण्यात यावी.

काय करू नये : लहान मुले व पाळीव प्राण्यांना बंद असलेले व पार्क केलेल्या वाहनात ठेवू नये. दुपारी १२ ते ३.३० या कालावधीत उन्हात बाहेर जाणे टाळावे. गडद, घट्ट व जाड कपडे घालू नये. बाहेरील तापमान अधिक असल्यास शारीरिक श्रमाची कामे टाळावी व उन्हात अतिकष्टाची कामे करू नये. उन्हाच्या कालावधीत स्वयंपाक करण्याचे टाळावे. तसेच मोकळ्या हवेसाठी स्वयंपाक घराची दारे व खिडक्या उघडी ठेवण्यात यावी. दारू, चहा, कॉफी आणि कार्बोनेट थंड पेय घेऊ नये.