My Blog

Category: ब्रेकिंग न्यूज मराठी

ब्रेकिंग न्यूज मराठी (Breaking News Marathi) विभागात वाचा news34.in वर सर्वात जलद आणि विश्वसनीय ताज्या बातम्या. चंद्रपूर जिल्ह्यासह महाराष्ट्रातील इतर प्रमुख जिल्ह्यांमध्ये घडणाऱ्या महत्त्वाच्या राजकीय, सामाजिक, गुन्हेगारी आणि प्रशासकीय घडामोडींचे त्वरित कव्हरेज आम्ही देतो. कोणतीही मोठी बातमी तुमच्यापासून सुटू नये यासाठी हा विभाग खास तयार केला आहे. क्षणाक्षणाचे अपडेट्स मिळवा आणि आपल्या परिसरातील माहिती त्वरित जाणून घ्या.

  • मदुराई एक्सप्रेस ला भीषण आग, 8 प्रवाश्यांचा मृत्यू

    Burning train

    तामिळनाडू – राज्यातील मदुराई रेल्वे स्थानकावर आज पहाटेच्या सुमारास पूनालूर मदुराई एक्सप्रेस मध्ये भीषण आग लागल्याने रेल्वे मधील 8 प्रवाश्यांचा मृत्यू झाला तर 20 प्रवासी जखमी झाल्याची माहिती पुढे आली आहे.

    लखनौ वरून रामेश्वरम ला जाणाऱ्या मदुराई एक्सप्रेस मधील मृतक प्रवासी हे उत्तर प्रदेश राज्यातील असल्याची माहिती आहे, आज पहाटे 5.15 ला सदर आगीची माहिती मिळाली असता रेल्वे मदुराई स्टेशनवर थांबविण्यात आली.

    दक्षिण रेल्वेने दिलेल्या माहितीनुसार खाजगी पार्टीच्यती डब्यातील काही प्रवासी गॅस सिलेंडर ची तस्करी करीत होते, त्यामुळे ही भीषण आग लागली.

    सध्या प्रशासनाचे बचाव कार्य सुरू आहे.

  • अंतराळात इस्रो ने रचला नवा इतिहास

    News34

    चंद्रपूर – चांद्रयान 3 चे विक्रम लँडर चंद्राच्या दक्षिण ध्रुवावर यशस्वीरीत्या उतरले आहे, या भागावर चांद्रयान उतरविणारा भारत देश पहिला ठरला आहे. तर चंद्राच्या कोणत्याही भागावर हे वाहन उतरविणारा भारत चौथा देश ठरला आहे.

    यानंतर सर्वजण विक्रम लँडर मधून प्रज्ञान रोव्हर बाहेर येण्याची वाट सध्या देशवासी बघत आहे, धूळ स्थिरावल्यावर विक्रम आणि प्रज्ञान रोव्हर एकमेकांचे फोटो काढून पाठवतील.

    चांद्रयान 3 च्या यशस्वी लँडिंग या सोहळ्याला पंतप्रधान नरेंद्र मोदी हे वर्चुअली सामील झाले होते, लँडिंग नंतर पंतप्रधान मोदी यांनी देशवासियांना संबोधित केले.

     

  • रेल्वे पूल कोसळला 17 मजुरांचा मृत्यू

    Mizoram incident

    मिझोरम – मिझोरम मध्ये बुधवारी बांधकाम सुरू असलेला रेल्वे पूल कोसळल्याने 17 मजुरांचा दुर्दैवी मृत्यू झाल्याची घटना घडली. ज्यावेळी हा पूल कोसळला त्यावेळी 35 ते 40 मजूर पुलावर काम करीत होते.

    मिझोरम ची राजधानी आयझोल पासून तब्बल 21 किलोमीटर अंतरावर असलेल्या सैरांग मध्ये सकाळी 10 वाजताच्या सुमारास हा अपघात झाला.

    बैराबी ते सैरांग ला जोडणाऱ्या कुरुंग नदीवर हा रेल्वे पूल बांधण्याचे काम सुरू होते, त्यावेळी 35 ते 40 मजूर त्या पुलावर काम करीत होते, सध्या प्रशासनाकडून बचावकार्य सुरू आहे.

     

  • बल्लारपूर में गाय को बचाने के चक्कर मे हुआ भीषण हादसा

    Accident in ballarpur

    News34

    बल्लारपुर (रमेश निषाद)

    👉 आज रात करीब एक बजे बल्लारपुर कॉलरी परिसर के सरदार पटेल वार्ड निवासी राजशेखर पेरका बाइक से दुर्घटनाग्रस्त होने पर गंभीर घायल होने पर जिंदगी से जंग नागपुर के मेडिटेशन दवाखाने में लड़ रहा है वहां डॉक्टरों ने ब्रेन डेड बताया है वहीं दूसरा वेकोली कामगार प्रशांत आकुला चंद्रपुर के मेहरा हॉस्पिटल में भर्ती किया गया तीसरा शिवा नामक युवक को मामूली चोट बताई जा रही है ।

    👉 रविवार की रात करीब एक बजे राजशेखर पेरका को सरदार पटेल वार्ड में स्थित घर छोड़ने जाने के दौरान कॉलरी दवाखाने के पास अंधेरे में गाय का झुंड बैठा था जिससे बचने व बचाने के चक्कर में बाइक डिवाइडर से टकराई जिससे दोनों के सिर पर गंभीर चोटें आई है तीसरा मामूली घायल हुआ है । बल्लारपुर शहर में आए दिन जानवरों के कारण दुर्घटना हो रही है नागरीको की मांग को बल्लारपुर नगर परिषद मुख्याधिकारी व प्रशासक विशाल वाघ के अनदेखा करने से और कितनी होंगी दुर्घटनाएं ?, कितनों के जान गवाना का हो रहा इंतजार ? जनता कर रही सवाल।

    👉 आवश्यकता है कि खुले घूमनेवाले जानवरों के मालिकों पर उचित कार्यवाही की जाए जानवरों को पकड़कर गौशाला में रखने का प्रबंध किया जाए कॉल री के तिलक वार्ड, भगत सिंग वार्ड, सरदार पटेल वार्ड ,गणपति वार्ड, पंडित दीनदयाल वार्ड, मौलाना आजाद वार्ड, रविन्द्र नगर वार्ड के कारवां रोड पर, संतोषी माता वार्ड, पुराना बस स्टैण्ड,में मुख्य मार्ग पर, नगर परिषद चौक , कलामंदीर आदि पूरे शहर में जानवर खुले घूमते देखे जाते है जिन्हे पकड़कर उचित कार्यवाही करने की मांग नागरीको द्वारा की जा रही है ।

  • जंगल सफारीसाठी जगप्रसिद्ध असलेल्या ताडोब्याची 12 कोटींने फसवणूक

    News34

    चंद्रपूर :- वाघाच्या जंगल सफारीसाठी जगप्रसिध्द असलेल्या ताडोबा अभयारण्याला 2 भावंडांनी 12 कोटींचा चुना लावल्याची माहिती उघड झाली आहे, याप्रकरणी विभागीय वन अधिकारी सचिन शिंदे यांनी रामनगर पोलिसात 2 भावंडाविरुद्ध फसवणुकीचा गुन्हा दाखल केला आहे.

    देश व जगातील लाखो पर्यटकांना ताडोबा अभयारण्याची भुरळ पडली आहे, जंगल सफारीचा आनंद लुटण्यासाठी पर्यटक ऑनलाइन बुकिंग करीत जंगल सफारी करतात मात्र आता ह्या ऑनलाइन बुकिंगच्या माध्यमातून ताडोबा प्रशासनाला तब्बल 12 कोटी 15 लाख 50 हजार 831 रुपयांचा 2 भावंडांनी चुना लावल्याची धक्कादायक बाब उघडकीस आली आहे.

    चंद्रपूर वाईल्ड कनेक्टिव्हिटी सोल्युशन चे प्रमुख अभिषेक ठाकूर व रोहित ठाकूर या दोन भावंडावर फसवणुकीचा गुन्हा पोलिसांनी दाखल केला आहे.

    चंद्रपूर वाईल्ड कनेक्टिव्हिटी सोल्युशन व कार्यकारी संचालक ताडोबा अंधारी व्याघ्रप्रकल्प यामध्ये करार झाला होता, ऑनलाइन जंगल सफारी बुकिंग चे काम सदर कंपणीद्वारे केल्या जात होते.
    काही दिवसांपूर्वी ठाकूर भावंडांच्या my tadoba वेबसाईटवर बंदी आणत शासनाच्या अधिकृत वेबसाईटवर जंगल सफारी होणार असे ताडोबा प्रशासनाने जाहीर केले होते, मात्र ठाकूर भावंडांनी न्यायालयात दाद मागत प्रशासनाच्या निर्णयावर स्टे आणला हे विशेष, सदर प्रकरण अजूनही न्यायप्रविष्ट आहे.

    3 वर्षात कंपणीद्वारे तब्बल 22 कोटी 80 लाख 67 हजार 749 रुपये ताडोबा प्रशासनाला देणे होते, त्यामधून ठाकूर भावंडांनी ताडोबा प्रशासनाला 10 कोटी 65 लाख 16 हजार 918 रुपये दिले मात्र उर्वरित 12 कोटी रुपये दिले नाही.

    सर्व्हिस लेवल एग्रीमेंट अंतर्गत ताडोबा व ठाकूर भावंडांमध्ये करार झाला होता मात्र त्यांनी करारनाम्यातील अटी व शर्तीचे उल्लंघन केले होते, ताडोबा प्रशासनाने वर्ष वर्ष 20-2021, 21-2022, 22-2023 व 23-2024 या वर्षाचे ऑडिट केले त्यामध्ये तब्बल 12 कोटी रुपयांची तफावत आढळली, याबाबत दोन्ही भावंडाना उर्वरित रकमेची विचारणा करण्यात आली मात्र त्यांनी उडवाउडवीची उत्तरे दिल्याने, सचिन शिंदे यांनी शासकीय रकमेची अपहार केल्या प्रकरणी कलम 420 अंतर्गत दोन्ही भावंडावर फसवणुकीचा गुन्हा दाखल केला.

    याबाबत ताडोबा व्याघ्रप्रकल्पाचे कार्यकारी संचालक जितेंद्र रामगावकर यांच्याशी संपर्क साधला असता त्यांनी सांगितले की मागील 3 वर्षात याबाबत ऑडिट केल्यावर सदर तफावत पुढे आली, त्या रकमेबाबत विचारणा केली असता आम्हाला उडवाउडवीची उत्तरे मिळाली, दोन्ही भावंडांनी मिळून शासनाच्या रकमेचा अपहार केला हे निष्पन्न झाल्याने आम्ही गुन्हा दाखल केला आहे, आता हे प्रकरण आर्थिक गुन्हे शाखेकडे वळते होण्याची शक्यता आहे, शासनाचे पैसे परत न मिळाल्यास त्यांची मालमत्ता कायद्यानुसार जप्त करण्यात येईल.

    मागील 3 वर्षात कोट्यवधी रकमेचा अपहार हा ताडोबा प्रशासनातील एकाही अधिकाऱ्यांच्या लक्षात का आला नाही? ताडोबा प्रशासनाची इतकी मोठी यंत्रणा असताना सुद्धा हा अपहार झाला कसा? हे अनेक प्रश्न यावेळी उपस्थित होत आहे.
    विशेष बाब म्हणजे वनमंत्री सुधीर मुनगंटीवार यांच्या गृह जिल्ह्यात इतका मोठा घोळ बाहेर आल्याने ते या प्रकरणावर काय करणार याकडे प्रशासनाचे लक्ष लागले आहे.

  • चंद्रपुरात पुन्हा पूर?

    News34

    चंद्रपूर – चंद्रपूर जिल्ह्यात मागील काही दिवसापासून पावसाने विश्रांती घेतली होती, मोठ्या विश्रांतीनंतर 18 ऑगस्ट ला रात्री पासून जिल्ह्यात मुसळधार पावसाला सुरुवात झाली, शास्त्रीनगर भागातील नाल्याच्या पाण्याला मार्ग न मिळाल्याने प्रभागातील काही घरात नाल्याचे पाणी शिरल्याने पुरजन्य परिस्थिती निर्माण झाली.

    शास्त्रीनगर प्रभाग क्रमांक 2 मधील कारमेल अकॅडमी च्या मागील भागात अनेक वर्षांपासून नाला वाहतो, मात्र त्या भागात अनेक ले-आऊट चे पडल्याने अनेक वर्षे जुन्या नाल्याच्या पाण्याला जायला मार्ग नाही. चंद्रपुरात मुलांची शाळेतून चोरी?

    काही निवासी अपार्टमेंट मधील बिल्डरांनी भिंत बांधून नाल्याचा मार्ग अडविल्याने पाणी जायला मार्ग नसल्याने आज सकाळपासून नाल्याचे पाणी नागरिकांच्या घरात शिरले आहे. चंद्रपूर शहरात संतापजनक प्रकार

    अचानक वाढलेले पाणी बघता नागरिक चांगले घाबरले आहे, सध्या तरी हे पाणी 5 ते 10 घरात शिरले असून पाऊस सतत सुरू राहीला तर भीषण परिस्थिती निर्माण होण्याची शक्यता नागरिकांनी वर्तविली आहे.

    शिवसेनेचे माजी नगरसेवक सुरेश पचारे यांना माहिती मिळताच तात्काळ ते नागरिकांच्या मदतीला धावले व लगेच मनपाच्या कर्मचाऱ्यांना बोलावीत उदभवलेल्या समस्येबाबत माहिती दिली.

    नाल्याचा मार्ग बंद झाल्याने त्यावर उपाययोजना करा असे म्हणत पचारे यांनी मनपाच्या अधिकाऱ्यांना खडेबोल सुनावले.

    ले-आऊट धारकांच्या चुकीच्या बांधकामामुळे त्या ठिकाणी आज सदर परिस्थिती निर्माण झाली आहे, एकंदरीत मनपा अधिकाऱ्यांनी सुद्धा यावर लक्ष दिले नाही, चुकीच्या बांधकामावर मनपाने आधीच नियंत्रण आणायला हवे होते मात्र तसे न झाल्याने आज ही परिस्थिती निर्माण झाली आहे.

     

  • चंद्रपूर जिल्ह्यात तांदूळ तस्करीच्या परराज्यीय टोळीचा पर्दाफाश

    News34

    चंद्रपूर/शेगाव – चंद्रपूर जिल्ह्याची सीमा अनेक राज्यांना जोडण्याचे काम करते, त्यामुळे विविध वस्तूंची तस्करी सुद्धा दुसऱ्या राज्याची सीमा जवळ असल्याने तस्कराना सोपे जाते.
    मागील काही महिन्यांपासून चंद्रपूर जिल्ह्यात शासकीय तांदळाची तस्करी केल्या जात आहे, पोलिसांच्या सतर्कतेमुळे 17 ऑगस्टला रात्री तांदूळ तस्करी करणाऱ्या वाहनाला पकडण्यात आले.

    जिल्ह्यातील शेगाव बु. पोलिसांना तांदळाची तस्करी करणारे वाहन चिमूर मार्गे छत्तीसगड राज्यात जात असल्याची गोपनीय माहिती मिळाली होती, पोलिसांनी रात्री च्या वेळी बंदोबस्त लावला असता त्यावेळी ट्रक क्रमांक CG 08 AC 4500 संशयास्पद वाटले असता पोलिसांनी वाहन थांबविले

    ट्रक ची तपासणी केली असता त्यामध्ये 31 टन तांदूळचे आढळून आले, पोलिसांनी वाहन चालक माणिकराव रामाजी कोचे वय 63 ला विचारणा केली असता त्याने स्वतःला कासारवाडी जिल्हा दुर्ग छत्तीसगढ येथील निवासी असल्याची माहिती दिली.
    हा तांदूळ कुठला व कुठं जात आहे याबाबत माहिती विचारली असता वाहनचालक कोचे यांनी उडवाउडवीची उत्तरे दिली.

    पोलीस निरीक्षक अविनाश मेश्राम यांना संशय आला असता त्यांनी मालकाला बोलवा असे वाहनचालकला सांगितले मात्र मालक आला नाही, सदर तांदूळ हा शासकीय गोदाम किंवा कंट्रोल चा असल्याची माहिती पोलिसांना प्राप्त झाली, त्यांनी अन्न व पुरवठा निरीक्षक वरोरा यांना पाचारण करीत अहवाल मागितला, अहवाल आल्यावर सदर तांदूळ हा शासकीय असल्याची बाब उघडकीस आली.

    पोलिसांनी वाहन चालक व मालक यांच्यावर इसि ऍक्ट नुसार गुन्हा दाखल केला, सदर माल वरोरा तालुक्यातील माढेली येथील गोदामातील असल्याची माहिती मिळाली असून त्या गोदामाला सील करण्यात आले आहे, याआधी सुद्धा शासकीय तांदळाची तस्करी करण्यात आली अशी माहिती सूत्रांनी दिली आहे.

    चंद्रपूर पोलिसांच्या सतर्कतेमुळे 31 टन तांदूळ किंमत अंदाजे 6 लाख वाहनांची किंमत 25 असा एकूण 31 लाखांचा माल पोलिसांनी जप्त केला आहे.
    याआधी किती वेळा तांदूळ तस्करी करण्यात आली, हा तांदूळ नेमका कुठून आला याबाबत पोलीस तपास करीत आहे. आरोपी हा राजकीय पार्श्वभूमी असल्याची माहिती आहे.

    सदरची कारवाई पोलीस अधीक्षक परदेशी, अप्पर पोलीस अधीक्षक जनबंधू मॅडम, उपविभागीय पोलीस अधिकारी राकेश जाधव चिमूर यांच्या मार्गदर्शनात पोलिस स्टेशन शेगाव बू चे ठाणेदार अविनाश मेश्राम, पीएसआय सुरजुसे, एसआय पडोळे, हेड कॉन्स्टेबल मेश्राम, मदन येरने, पोलीस अंमलमदार निषाद राकेश , प्रफुल कांबळे यांनी केली.

  • स्वातंत्र्य दिनाला फिरण्याची हौस जीवावर बेतली

    News34

    गडचांदूर/कोरपना – 15 ऑगस्ट देशाचा स्वातंत्र्य दिन आज सर्वत्र उत्साहात साजरा करण्यात आला, यादिवशी अनेक नागरिक फिरायला बाहेर पडतात मात्र फिरण्याची ही हौस एका युवकाच्या जीवावर बेतली.

    जिल्ह्यातील अनेक भागात पाण्याचे धबधबे पाहण्यास आज असंख्य नागरिकांनी गर्दी केली होती, अश्यातच गडचांदूर येथील अमलनाला डॅम येथे वेस्ट वेअर जवळ नागरिकांनी गर्दी केली.

    चंद्रपुर शहराजवळील दाताला येथील काही युवक अमलनाला धरणाजवळ फिरण्यासाठी आले होते, दुपारी 2 वाजताच्या सुमारास 32 वर्षीय शुभम शंकर चिंचोळकर या युवकाने डॅम च्या वेस्ट वेअर पाण्यात उडी मारली मात्र शुभम ला खोलाचा अंदाज आला नसल्याने तो पाण्यात बुडाला.

    शुभम बाहेर न आल्याने मित्रांनी मदतीची हाक मारली, पोलिसांना सूचना देण्यात आली असता तात्काळ गडचांदूर पोलीस घटनास्थळी दाखल झाले.

    काही वेळात पोलिसांनी शुभम चा मृतदेह बाहेर काढला, स्वातंत्र्य दिनी ही घटना घडल्याने नागरिकांमध्ये हळहळ व्यक्त करण्यात आहे.

    पावसाळ्यात अमलनाला धरण पाण्याने भरल्यानंतर त्या ठिकाणातून वेस्ट वेअर परिसरात पर्यटक मोठ्या प्रमाणात येत असतात, मागील वर्षी याच ठीकाणी दोन तरुणांचा बुडून मृत्यू झाला होता. एपीआई प्रमोद शिंदे यांच्या पथकाने मृतदेह बाहेर काढला असून पुढील तपास गडचांदूर पोलीस करीत आहे.

  • चंद्रपुरात दुचाकीची चावी न दिल्याने 16 वर्षीय विद्यार्थ्यांने उचलले धक्कादायक पाऊल

    News34 Breaking

    चंद्रपूर – शहरातील चांदा पब्लिक स्कुल मध्ये इयत्ता 10 वित शिक्षण घेणाऱ्या व भिवापूर वार्ड येथे राहणाऱ्या एका 16 वर्षीय विद्यार्थ्याने गळफास घेऊन आपली जीवनयात्रा संपविल्याने सर्वत्र हळहळ व्यक्त केली जात आहे. आदित्य मैकुलवार असे या विद्यार्थ्यांचे नाव आहे. ही घटना रविवारी 4 वाजताच्या सुमारास घडली.

    मिळालेल्या माहितीनुसार,आदित्यचा घरी दुचाकीसाठी वाद झाला. गाडीची चावी कुटुंबीयांनी दिली नव्हती त्या गोष्टींचा आदित्य ला राग आला अश्यातच आईने मध्यस्थी करून आदित्यची समजूत काढली पण त्याचा राग अनावर झाला.रागाच्या भरात आदित्यने शेजारी असलेल्या बकरीच्या गोठ्यात गळफास घेऊन जीवन संपविले.

    या घटनेमुळे मैकुलवार कुटुंबावर दुःखाचा डोंगर कोसळला आहे.

  • चंद्रपूर जिल्ह्यात भीषण अपघात, कुटुंब संपलं

    News34

    चंद्रपूर/राजुरा – राजुरा ते सास्ती मार्गावरील धोपटाळा गावाजवळ एका भरधाव वेगाने जाणा-या ट्रक चालकाने तिघांना चिरडले. यात दुचाकीस्वार आई-वडील व मुलगी अशा तिघांचा मृत्यू झाला. हा अपघात आज 13 ऑगस्ट रोजी सायंकाळी 8 वाजताच्या सुमारास घडला. ट्रक चालक हा मद्यधुंद अवस्थेत वाहन चालवित असल्याची प्राथमिक माहिती कळते.

    धोपटाळा येथील गुरुदेव नगर येथे निलेश वैद्य वास्तव्याने राहत होते. सकाळी आपल्या पत्नी व मुलीसह बाहेरगावी कामानिमित्त गेले होते. सायंकाळी ते काम आटपून घरी येत असताना घरापासून अवघ्या एक किलोमीटर अंतरावर असलेल्या पेट्रोल पंप जवळ राजुरा कडून सास्तीकडे जाणाऱ्या ट्रकने मोटरसायकला धडक दिली धडक एवढी जोरदार होती की त्यात वैद्य परिवाराचा चकानाचुर झाला. तर समोर याच ट्रकने दोन मोटार सायकलस्वारांना धडक दिली यात रामपुर येथील दोघेही जखमी असून जखमींना राजुरा उपजिल्हा रुग्णालयात दाखल केले असता प्रकृती गंभीर असल्याने चंद्रपूर येथे पाठविण्यात आले.

    या भीषण अपघातात 35 वर्षीय निलेश मंगेश वैद्य, 30 वर्षीय रुपाली निलेश वैद्य व 3 वर्षीय राही यांचा जागीच मृत्यू झाला, याच ट्रकने समोर जाऊन प्रज्ञा प्रशाद टगराफ (33 वर्ष) व प्रसाद राजाबाई टगराफ (40 वर्ष) दोन्ही रामपुर येथील यांना धडक दिल्याने दोघेही जखमी आहे. जखमींना चंद्रपूर येथे उपचाराकरिता पाठविण्यात आले आहे.

    नागरिकांनी ट्रकचालक यांना पकडुन पोलिसांच्या स्वाधीन केले आहे. पुढील तपास राजुरा पोलिस करीत आहे.

    अपघात झाल्यावर घटनास्थळी नागरिकांनी एकच गर्दी करीत मृतदेह उचलणार नाही अशी भूमिका घेतली होती, मात्र वेळीच दंगा पथक पोहचल्याने परिस्थिती नियंत्रणात आली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by