My Blog

Category: ब्रेकिंग न्यूज मराठी

ब्रेकिंग न्यूज मराठी (Breaking News Marathi) विभागात वाचा news34.in वर सर्वात जलद आणि विश्वसनीय ताज्या बातम्या. चंद्रपूर जिल्ह्यासह महाराष्ट्रातील इतर प्रमुख जिल्ह्यांमध्ये घडणाऱ्या महत्त्वाच्या राजकीय, सामाजिक, गुन्हेगारी आणि प्रशासकीय घडामोडींचे त्वरित कव्हरेज आम्ही देतो. कोणतीही मोठी बातमी तुमच्यापासून सुटू नये यासाठी हा विभाग खास तयार केला आहे. क्षणाक्षणाचे अपडेट्स मिळवा आणि आपल्या परिसरातील माहिती त्वरित जाणून घ्या.

  • भटाळी खुल्या कोळसा खाणीत विशालकाय डंपर झाला रोलबॅक

    भटाळी खुल्या कोळसा खाणीत विशालकाय डंपर झाला रोलबॅक

    News34 chandrapur

    चंद्रपूर – वेकोली चंद्रपुर क्षेत्रातील भटाळी ओपन कास्ट कोळसा खाणीत पहिल्या पाळीत अचानक विशाल काय डंपर रोल बॅक झाला, या दुर्घटनेत एक कामगार जखमी झाला आहे.

    17 जानेवारीला भटाळी खुल्या खाणीत काम करताना डंपर रोल बॅक झाला, या घटनेत डंपर चालक वासुदेव थेरे हे गंभीर जखमी झाले , त्यावेळी उपस्थित वेकोली कर्मचाऱ्यांनी थेरे यांना बाहेर काढत शहरातील खासगी रुग्णालयात दाखल केले आहे. थेरे हे भटाळी ओपन कास्ट खाणीत डंपर ऑपरेटर म्हणून कार्यरत आहे.

     

    या घटने बद्दल अधिक माहिती कारिता वेकोली भटाळीचे उप क्षेत्रीय प्रबंधक यांना संपर्क केला असता त्यांनी सदर डंपर हा रोल बॅक झाला असल्याची माहिती दिली आणि खान प्रबंधक यांना संपर्क केला असता त्यांनी प्रतिसाद नाही दिला.

     

    विशेष म्हणजे नुकताच वेकोली मधे सुरक्षा सप्ताह सम्पन्न झाला , या दरम्यान ही घटना घडणे म्हणजेच सुरक्षा यंत्रणेवर प्रश्नचिन्ह उपस्थित करणारी आहे.

  • विवाहितेची रेल्वेसमोर उडी घेत आत्महत्या

    विवाहितेची रेल्वेसमोर उडी घेत आत्महत्या

    Marathi News

    गुरू गुरनुले

    मूल : शहरातील वार्ड क्रमांक ४ येथील रहीवाशी नंदु कामडे यांची स्नुषा कुणाली नरेश कामडे (२६) हीने आज दुपारी ४ वा.चे सुमारास चंद्रपूर मार्गावरील रेल्वे फाटक समोर धावत्या रेल्वे समोर उडी मारून आत्महत्या केल्याची घटना शहरात घडली.

     

    रेल्वे स्टेशन पासुन रेल्वे फाटक हाकेच्या अंतरावर असल्याने ज्या रेल्वे खाली कुनालीने आत्महत्या केली त्या गाडीची गती घटनेच्या वेळेस हळु असल्याने कुणाली गंभीर जखमी झाल्या. त्यांना तातडीने उपजिल्हा रूग्णालय येथुन चंद्रपूर येथे नेत असताना त्यांचे निधन झाले.

     

    मृतक कुनाली हीचे पती नरेश धान खरेदी विक्रीचा व्यवसाय करायचे तर सासरे स्थानिक सिध्दी विनायक मंदिरा समोर चहा चे दुकान चालवुन कुटूंबाचा उदरनिर्वाह भागवायचे. कुनाली हीला ४ वर्षाचा मुलगा व 10 महिन्याची मुलगी आहे. आत्महत्या चे कारण अद्याप अस्पष्ट असुन पुढील तपास पोलिस करीत आहेत

  • ताडोब्यात 2 वाघांच्या झुंजीत एकाचा मृत्यू

    ताडोब्यात 2 वाघांच्या झुंजीत एकाचा मृत्यू

    News34 chandrapur

    चंद्रपूर – वर्ष 2023 या सरत्या वर्षात तब्बल 11 वाघाचा विविध कारणांमुळे मृत्यू झाला होता, मात्र या नव्या वर्षात वाघाचा पहिल्या मृत्यूची नोंद करण्यात आली आहे.

     

    ताडोबा अंधारी व्याघ्रप्रकल्प चंद्रपूर बफर क्षेत्रात बोर्डा येथे T-51 हा नर वाघ वन कर्मचाऱ्यांना गस्ती दरम्यान मृत अवस्थेत आढळला, सदर वाघांचे सर्व अवयव शाबूत आहे.

     

    याबाबत वन कर्मचाऱ्यांनी वनविभागाला माहिती दिली असता वरिष्ठ अधिकारी तात्काळ घटनास्थळी दाखल झाले, परिसर व वाघाच्या मृतदेहाची पाहणी केली असता वाघाच्या चेहऱ्यावर इतर वाघाने हल्ला केल्या असल्याच्या खुणा व घटनास्थळावरील परिस्थिती नुसार अंदाज वर्तविण्यात आला.

     

    सदर वाघांचे वय हे 12 वर्षे आहे, यावेळी सहायक वनसंरक्षक संकेत वाठोरे, NTCA प्रतिनिधी बंडू धोत्रे, PCCF प्रतिनिधी मुकेश भांदकंकर यांच्या समक्ष पाहणी करीत पंचनामा करण्यात आला.

     

    पुढील कार्यवाही साठी TTC चंद्रपूर येथे शवविच्छेदन करीत आवश्यक ते नमुने घेऊन वाघाला दहन करण्यात आले.

  • ब्रह्मपुरीत भीषण अपघात, विद्यार्थिनींचा मृत्यू

    ब्रह्मपुरीत भीषण अपघात, विद्यार्थिनींचा मृत्यू

    News34 chandrapur

    ब्रह्मपुरी – येथील डॉ,बाबासाहेब आंबेडकर महाविद्यालयात अकराव्या वर्गात शिक्षण घेणाऱ्या एका महाविद्यालयीन विद्यार्थिनींच्या अंगावरून ट्रक गेल्याने ट्रक खाली दबून महाविद्यालयीन विद्यार्थिनीचा मृत्यू झाल्याची घटना दिनांक १२जानेवारी२०२४ रोजी दुपारी ११:४५ वाजेच्या दरम्यान नेवजा बाई हितकारणी कन्या विद्यालय गेट समोर ते बाजार समितीच्या गाळे बांधकाम केलेल्या कॉर्नरवर जवळ घडली.

    समीक्षा संतोष चहांदे वय (१७)वर्ष असे मृतक विद्यार्थिनीचे नाव असून ती मालडोंगरी येथील रहिवासी होती.

    समीक्षा ही डॉक्टर बाबासाहेब आंबेडकर महाविद्यालयात शिक्षण घेत होती. नेहमीप्रमाणे ती आज शाळेत जात होती.

     

    ट्रक येत असल्याचे पाहून ती बाजूला होण्याचा प्रयत्न केला असता अरुंद रस्ता व रस्त्यावर खड्डे असल्यामुळे रस्त्यावरून बाजूला होण्याच्या नादात तिची सायकल स्लिप होऊन ती ट्रकच्या मागच्या चाकाखाली आली. त्यातच हा अपघात घडला असल्याचे अंदाज वर्तविला जात आहे.प्रतीक्षाच्या अंगावरून ट्रक गेल्याने ती चिरडली गेली. व घटनास्थळी तिचा मृत्यू झाला. अपघात घडताच नागरिकांनी घटनास्थळी गर्दी केली. व काही क्षणातच पोलिसांना प्राचारण करण्यात आले. पोलिस घटनास्थळी पोहोचल्यानंतर ट्रक व ड्रायव्हरला पोलिसांनी ताब्यात घेतले.

     

    मृतदेह सेवाविच्छेदनासाठी ब्रह्मपुरी उपजिल्हा रुग्णालयात हलवण्यात आले.पुढील तपास ब्रह्मपुरी पोलीस स्टेशनचे पोलीस निरीक्षक अनिल जिट्टावार यांच्या मार्गदर्शनात ब्रह्मपुरी पोलीस करीत आहेत.

  • आमदार अपात्रता निकाल – चंद्रपुरात शिवसेनेचे निषेध आंदोलन

    आमदार अपात्रता निकाल – चंद्रपुरात शिवसेनेचे निषेध आंदोलन

    Mla Disqualification result  चंद्रपूर –  निकालाच्या सत्ता संघर्षानंतर विधानसभेचे अध्यक्ष नार्वेकरांनी निकाल शिवसेना शिंदे गटाच्या बाजूला दिल्यामुळे शिवसेना ठाकरे गट मोठ्या प्रमाणात आक्रमक झाल्याचे पाहायला मिळत आहे.

    महाराष्ट्रात ठिकठिकाणी आंदोलन होत आहे आहेत अशाच प्रकारच आंदोलन चंद्रपुरात आज शिवसेना ठाकरे गटाकडून करण्यात आलेला आहे. Mla Disqualification result

    भद्रावती नगरपरिषद निवडणुकीत महिलांचा संताप 

    यावेळी केंद्र सरकार, शिवसेना शिंदे गट व विधानसभेचे अध्यक्ष नार्वेकर यांचा निषेध करीत आंदोलन करण्यात आले यावेळी शिवसेना ठाकरे गटाचे जिल्हाध्यक्ष संदीप गिरे व त्याचे असंख्य कार्यकर्ते उपस्थित होते.

    शिवसेना जिल्हाप्रमुख संदिप गिऱ्हे यांनी विधानसभा अध्यक्ष राहुल नार्वेकर यांच्या निकालावर थेट आक्षेप घेतला आहे.

    गिऱ्हे यांनी म्हटले आहे की, जर अध्यक्षांना शिवसेनेची २०१८ ची घटना (ज्यामध्ये पक्षप्रमुख म्हणून उद्धव ठाकरे यांची निवड झाली) अमान्य असेल आणि ती घटनाबाह्य ठरवली असेल, तर त्याच घटनेवर आधारित पक्षप्रमुखांनी दिलेला ‘ए-बी’ फॉर्म घेऊन एकनाथ शिंदे आणि त्यांचे आमदार २०१९ मध्ये निवडून आले, हे कसे काय घटनाबाह्य ठरवले जात नाही? अध्यक्षांनी एकाच घटनेचे दोन वेगवेगळे निकष लावले आहेत. एकीकडे २०१८ ची घटना नाकारायची आणि दुसरीकडे त्याच घटनेच्या आधारावर निवडून आलेल्या आमदारांची वैधता मान्य करायची, हा न्याय विसंगत आहे. नार्वेकर यांच्या निकालावर आम्ही हा कायदेशीर प्रश्न उपस्थित करतो.

  • चंद्रपूर शहरात 4 अस्वलीने दिले दर्शन

    चंद्रपूर शहरात 4 अस्वलीने दिले दर्शन

    4 bear in chandrapur चंद्रपूर – चंद्रपूर शहरातील लालपेठ परिसरात मागील काही दिवसांपासून अस्वलीचे नागरिकांना दर्शन होत आहे, लालपेठ कॉलरी क्रमांक 2 येथील समृद्धी नगर भागात 9 जानेवारीला मध्यरात्रीच्या सुमारास तब्बल 4 अस्वल त्याठिकाणी दाखल झाले.

    समृद्धीनगर भागात बोरीचे झाड मोठ्या प्रमाणात असल्याने अस्वल त्याठिकाणी 8 दिवसापासून येत आहे, नागरिकांनी वनविभागाचे वनपरिक्षेत्र अधिकारी नायगामकर यांना सम्पर्क साधला मात्र त्यांनी काही प्रतिसाद दिला नाही. (हे हि वाचा : राजुऱ्यात विवाहित महिलेच्या पतीची हत्या, पत्नीसह प्रियकराला अटक)

    डिसेंम्बर महिन्यात अस्वल थेट शहरात दाखल झाली होती, आता पुन्हा अस्वल शहरात येत असल्याने नागरिकांमध्ये दहशतीचे वातावरण आहे. वनविभागाने शहरात येत असलेल्या वन्यप्राण्यावर आवर घालावा अशी मागणी नागरिकांतर्फे केल्या जात आहे.

  • वाघाला बघून बिबट्याला आला हार्ट अटॅक?

    वाघाला बघून बिबट्याला आला हार्ट अटॅक?

    News34 chandrapur

    तळोधी बाळापूर – वर्ष 2023 मध्ये चंद्रपूर जिल्ह्यात 7 वाघाचा विविध कारणांनी मृत्यू झाला होता, आता नव्या वर्षात ब्रह्मपुरी वनविभाग अंतर्गत येणाऱ्या तळोधी बाळापूर वनपरिक्षेत्रातील बिबट्याचा मृतदेह आढळून आला. वन कर्मचारी कॅमेरा ट्रॅप चे फोटो चेक करण्यासाठी जंगलात गेले असता त्यांना दुर्गंधी येऊ लागली, परिसरात बघितले तर एका झाडावर 20 ते 30 फूट उंचीवर बिबट्याचा मृतदेह कुजलेल्या अवस्थेत आढळला.

     

     

    घटनेची माहिती तळोधी बाळापुर वन परिक्षेत्र अधिकारी आरुप कन्नमवार यांना देण्यात आली घटनेची माहिती मिळताचं वन अधिकारी तात्काळ घटनास्थळी जाऊन दोराच्या साह्याने झाडावर चढून त्या बिबट्याला खाली उतरविले.

     

    सदर मृत बिबट ही साडेतीन ते चार वर्षे वयाचा मादा बिबट असल्याचे लक्षात आले. व घटनास्थळावरून हे बिबटमृत झाल्याची घटनाही पाच ते सहा दिवसापूर्वी घडल्याचे घटनास्थळावरील परिस्थितीनुसार लक्षात आले. सदर परिसराची चौकशी केली असता ज्या झाडावर हा बिबट मेलेला होता त्या झाडाखाली वाघाने ओरबडल्याचे, मार्किंग केल्याचे व झाडावर थोड्या उंचावर पर्यंत वाघाच्याही पंजाचे नखांचे निशाण आढळून आले. त्यावरून वाघाने पाठलाग केल्यामुळे बिबट झाडावर घाईघाईने चढला व चढल्यानंतर हृदय घाताने त्याचा मृत्यू झाल्याचा प्राथमिक अंदाज वर्तवण्यात आला.

    मोक्का पंचनामा केल्यानंतर विच्छेदनासाठी ब्रह्मपुरी वन विभागाच्या ऑफिसला पाठविण्यात आले.

  • कांग्रेसने केली लोकसभा समनव्यक पदांची यादी जाहीर

    कांग्रेसने केली लोकसभा समनव्यक पदांची यादी जाहीर

    News34 chandrapur

    चंद्रपूर – लोकसभा निवडणूक अवघ्या 2 ते 3 महिन्यात लागू शकते, त्यामुळे राजकीय पक्षांनी आपली मोर्चेबांधणी सुरू केली आहे.

     

    राज्यातील एकमेव कांग्रेस खासदार बाळू धानोरकर यांच्या अवकाळी निधनाने आता कोण? याबाबत अनेक प्रश्नचिन्ह उपस्थित झाले मात्र शेवटच्या क्षणी आमदार प्रतिभा धानोरकर या चंद्रपूर लोकसभा निवडणुकीच्या आखाड्यात उभे राहू शकतात.

     

    कांग्रेस महासचिव केसी वेणूगोपाल यांनी राज्यातील लोकसभा समनव्यक यांची नियुक्ती जाहिर केली असून चंद्रपूर लोकसभा समनव्यक पदी माजी मंत्री सतीश चतुर्वेदी यांची वर्णी लागली आहे.

     

    कांग्रेस पक्षाने अनेक वर्षांनी चंद्रपूर लोकसभा निवडणुकीत विजय मिळविला होता, मात्र आता कांग्रेस पुन्हा निवडून येणार का? चंद्रपूर जिल्ह्याला पहिली महिला खासदार म्हणून आमदार प्रतिभा धानोरकर मिळणार काय? हे चित्र लोकसभा निवडणूक नंतर स्पष्ट होणार.

    सध्या चंद्रपूर जिल्ह्यात कांग्रेस पक्षात गटबाजीचा सूर आहे, त्या विविध सुराला सतीश चतुर्वेदी कसे जुळवून घेतात याकडे कांग्रेस कार्यकर्त्यांचे लक्ष लागले आहे.

  • चंद्रपुरात कोयता गँग, बंदूक व कोयत्याचा धाक दाखवीत पेट्रोलपंप लुटले

    चंद्रपुरात कोयता गँग, बंदूक व कोयत्याचा धाक दाखवीत पेट्रोलपंप लुटले

    News34 chandrapur

    चंद्रपूर – जिल्ह्यातील राजुरा येथील आसिफाबाद मार्गावरील साईकृपा पेट्रोल पंपावर 6 जानेवारी ला पहाटे 3 वाजता सशस्त्र दरोडा पडला, या मध्ये दरोडेखोरांनी तब्बल 1 लाख 90 हजार रुपये लुटले. मात्र चंद्रपूर स्थानिक गुन्हे शाखेच्या धडाकेबाज तपासात दरोडेखोरांना अवघ्या काही तासात अटक करण्यात आली.

    राजुरा तालुक्यात मागील वर्षी पेट्रोल पंपावर दरोड्याचे अनेक प्रयत्न करण्यात आले होते, मात्र नव्या वर्षात 6 जानेवारीला 5 जणांनी चेहऱ्यावर कपडा गुंडाळत राजुरा-आसिफाबाद मार्गावरील साई कृपा पेट्रोल पंपावर धडक दिली, त्याठिकाणी असलेल्या मॅनेजर ला बंदूक व कोयता दाखवीत जीवे मारण्याची धमकी देत त्याच्याजवळून पेट्रोल पंपाचे 1 लाख 90 हजार रुपये लुटत तिथून पोबारा काढला.

     

    घटनेनंतर विरुर पोलीस स्टेशन मध्ये याबाबत तक्रार देण्यात आली, जिल्हा पोलीस अधीक्षक परदेशी यांनी तात्काळ हे प्रकरण चंद्रपूर स्थानिक गुन्हे शाखेकडे वर्ग केले, पोलीस निरीक्षक महेश कोंडावार यांनी घटनेचे गांभीर्य बघत पथक तयार करीत तपास सुरू केला.

     

    पोलीस निरीक्षक कोंडावार यांच्या जलद तपासाने 5 दरोडेखोरांना अटक करण्यात आली, त्यांच्याकडून गुन्ह्यात वापरलेले शस्त्र सुद्धा जप्त करण्यात आले.

    नव्या वर्षात स्थानिक गुन्हे शाखेच्या धडाकेबाज तपासाचे पोलीस अधीक्षकांनी सुद्धा कौतुक केले आहे.

  • वाघनखे कधी येणार? वनमंत्री मुनगंटीवार यांनी दिली महत्वाची माहिती

    वाघनखे कधी येणार? वनमंत्री मुनगंटीवार यांनी दिली महत्वाची माहिती

    News34 chandrapur

    चंद्रपूर – वाघनखे कधी येणार याबाबत विरोधी पक्ष नेते विजय वडेट्टीवार यांनी प्रश्न उपस्थित केला होता, त्यावर वनमंत्री मुनगंटीवार यांनी सांगितले की लोकसभा निवडणुकी ची आचार संहिता संपल्यावर ते वाघनखे राज्यात आणणार अशी माहिती आज दिली.

    सध्या छत्रपती शिवाजी महाराज यांचे वाघनखे लंडन येथे आहे, याबाबत वनमंत्री मुनगंटीवार यांनी पाठपुरावा केला होता, आता लवकरात लवकर ती वाघनखे राज्यात येणार अश्या हालचाली सुरू झाल्या आहे.

     

    13 जानेवारी पासून राज्यात जाणता राजा चे प्रयोग होणार आहे, त्यांनतर जून महिन्यात शिवराज्याभिषेक ची तारीख आहे, लोकसभा निवडणुकीची आचारसंहिता संपली की आपण वाघनखे आणणार, कारण आचारसंहितेच्या मध्ये आयोजित कार्यक्रमावर बंदी येणार त्यामुळे आचारसंहिता संपल्यावरचं आपण कार्यक्रम घेऊ शकणार अशी माहिती राज्याचे वनमंत्री व पालकमंत्री सुधीर मुनगंटीवार यांनी 6 जानेवारीला दिली.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by