My Blog

Author: Admin

  • Chandrapur Loksabha Bjp Hansraj Ahir : चंद्रपूर लोकसभा निवडणुकीसाठी “भैया” तयार

    Chandrapur Loksabha Bjp Hansraj Ahir : चंद्रपूर लोकसभा निवडणुकीसाठी “भैया” तयार

    Chandrapur Loksabha Bjp Hansraj Ahir
    मी चंद्रपूर लोकसभा 1996 मध्ये पहिल्यांदा जिंकलो. 1991 च्या निवडणुकीमध्ये भाजपा तिसऱ्या क्रमांकावर होता त्यानंतर एकूण 4 वेळा जिंकलो,
    माझ्या मूळ जातीची फक्त 150 परिवार असतील तरी पण पक्षाने मला वारंवार उमेदवारी दिली, 4 वेळा कार्यकर्त्यांनी व जनतेने विजयी केले. ही माझ्या पक्षाची व चंद्रपूर लोकसभा क्षेत्रातील जनतेची महानता आहे.

     

    मी लोकसभा जिंकलो तेव्हा पक्ष जिंकला, पक्षाचे विचार जिंकले, लोकशाहीचा विजय ठरत होता, संविधानाचा सन्मान होत होता. निवडणूक ही विचारांची असते. पुढेही लोकशाहीला हेच अभिप्रेत आहे. मी चारित्र्य सांभाळले, जनतेच्या मताचा आदर केला. Chandrapur Loksabha Bjp Hansraj Ahir

    ही निवडणूक सुद्धा पक्ष जिंकेल. चंद्रपूर भाजपचा गड आहे. दुर्देवाने मागची निवडणूक आम्ही जिंकलो नसलो तरी आमची एकता, एकाग्रता पक्ष बांधणीतून आम्ही विजयाकडे चाललो आहे.

    मिशन महाविजय-2024 महाविजय संकल्प 400 पार, प्रधानमंत्री मोदी जी 3 री बार यात चंद्रपूर राहिलच. आम्ही लढू, आम्ही जिंकू.

    यापूर्वी वनमंत्री व जिल्ह्याचे पालकमंत्री सुधीर मुनगंटीवार यांनी प्रसारमाध्यमांना जाहीररीत्या प्रतिक्रिया दिली की मी लोकसभा निवडणुक लढण्यास तयार नाही, पण पक्षाने आदेश दिल्यास मला पर्याय नाही.

    आता स्वतः मागासवर्गीय आयोगाचे अध्यक्ष, 4 वेळा खासदार व केंद्रीय गृहराज्यमंत्री पदी विराजमान झालेले हंसराज अहिर यांनी आज चंद्रपूर लोकसभा निवडणूक लढणार अशी जाहीररीत्या प्रतिक्रिया दिली आहे.

    मात्र चंद्रपुरातील दोन्ही नेत्यांना पक्ष आदेशाची वाट आहे, भैया की भाऊ हे काही दिवसात अधिकृत जाहीर होणार.

  • Chandrapur Lok Sabha BJP Candidate? : चंद्रपूर लोकसभा क्षेत्रातून भाजप उमेदवार म्हणून कुणाचं नाव चर्चेत?

    Chandrapur Lok Sabha BJP Candidate? : चंद्रपूर लोकसभा क्षेत्रातून भाजप उमेदवार म्हणून कुणाचं नाव चर्चेत?

    चंद्रपूर – Chandrapur Lok Sabha BJP Candidate? लोकसभा निवडणूक 2024 ची आचारसंहिता कोणत्याही क्षणी देशात लागू शकते, त्याआधी राजकीय पक्षांनी आपली तयारी सुरू केली आहे.

    नुकतेच भारतीय जनता पार्टी ने 195 लोकसभा उमेदवारांची नावे जाहीर केली मात्र त्यामध्ये महाराष्ट्र राज्यातील एकाही जागेचा उल्लेख नाही, कारण राज्यातील महायुतीमध्ये जागावाटपाचा तिढा अजून सुटला नाही,  केंद्रीय गृहमंत्री अमित शाह हे राज्याच्या दौऱ्यावर असून आज याबाबत महत्वाची बैठक आहे, त्यानंतर पुढील 2 दिवसात राज्यातील लोकसभा उमेदवारांची यादी भाजप जाहीर करणार.

    सध्या भाजपची संभाव्य यादी समाजमाध्यमावर फिरत आहे त्यामध्ये चंद्रपूर लोकसभेतून पालकमंत्री मुनगंटीवार यांचे नाव आहे.

    चंद्रपूर लोकसभेची उमेदवारी भाजप (Chandrapur Lok Sabha BJP Candidate?) कुणाला देणार यावर सध्या संभ्रमाची स्थिती आहे, सध्या राज्याचे वनमंत्री सुधीर मुनगंटीवार यांच्या नावाची जोरदार चर्चा आहे, मात्र लोकसभा निवडणूक लढण्याची त्यांनी आपली इच्छा नाही हे जाहीर केले पण पक्षाने आदेश दिल्यास निवडणूक लढू असे वक्तव्य त्यांनी केले होते.
    दुसऱ्या बाजूला 2019 च्या लोकसभा निवडणुकीत पराभूत झालेले हंसराज अहिर यांच्याही नावावर भाजप पक्ष श्रेष्ठी विचार करीत आहे.

    सध्या अहिर हे मागासवर्गीय आयोगाचे अध्यक्ष आहे, त्यांचा खासदारकीचा अनुभव चांगला आहे, त्यांनी अनेक मोठे घोटाळे उघड करीत UPA सरकारला अडचणीत आणले होते, 2019 मध्ये झालेल्या पराभवात त्यांच्या मतांमध्ये वाढ झाली होती हे विशेष.

     

    त्यांनी अनेकदा जाहीर सभेत 2019 च्या निवडणुकीत माझा पराभव झाला नसून तो भाजप पक्षाचा झाला असे त्यांनी व्यक्त केले होते.

    सध्या हंसराज अहिर हे चंद्रपूर-वणी-आर्णी लोकसभा क्षेत्रात नित्याने जात आहे, त्यांचा लोकसभा क्षेत्रातील जनसंपर्क दांडगा आहे.
    सध्या चंद्रपूर कांग्रेस मधून लोकसभा जागेवर धानोरकर विरुद्ध वडेट्टीवार असे वातावरण आहे, दोघांनीही लोकसभा उमेदवारी पक्ष श्रेष्ठीला मागितली आहे, कांग्रेसच्या गटबाजीचा फायदा भाजपला नक्की होणार.

     

    भाजप पक्षातर्फे जिल्ह्यातील दोन्ही नेत्यांनी उमेदवारीसाठी फिल्डिंग लावली आहे, मात्र दोघांच्या भांडणात तिसऱ्याची एंट्री होणार ही शक्यता सुद्धा नाकारता येत नाही.
    कारण भाजप ला लोकसभा निवडणुकीत आता विजय हवा, पक्षांतर्गत कलह ते सहन करणार नाही.

    यासाठी बाहेरून एक उमेदवार चंद्रपूर भाजपतर्फे लोकसभा निवडणूक लढवु शकतो, त्याबाबत त्या नेत्याने तयारी सुद्धा दर्शविली आहे.

     

    येणाऱ्या काळात कांग्रेस व भाजप पक्षातील अंतर्गत कलह लोकसभा निवडणुकीच्या माध्यमातून नागरिकांना दिसणारचं.
    जर भाजपने चंद्रपुरातील स्थानिक पदाधिकारी व कार्यकर्त्याला उमेदवारी घोषित केली तर पराभव अटळ आहे.

    विशेष म्हणजे दोघात तिसरा आता सर्व विसरा यासाठी सुद्धा चंद्रपुरातील भाजपच्या दिग्गज नेत्यांनी तयार रहावे. कारण 2009 च्या विधानसभा निवडणुकीत दोघांच्या भांडणात नागपुरच्या नाना श्यामकुळे यांना भाजप पक्षाने चंद्रपूर विधानसभेची उमेदवारी दिली होती, आता लोकसभा निवडणुकी पूर्वी काय उलथापालथ होणार हे येणारी वेळचं सांगेल.

  • Facebook is down in the world : फेसबुक सह इन्स्टाग्राम डाऊन

    Facebook is down in the world : फेसबुक सह इन्स्टाग्राम डाऊन

    Facebook insta down जगातील सर्वात मोठे समाजमाध्यम 5 मार्च ला रात्री अचानक डाऊन झाल्याने युझर लॉग आऊट व्हायला लागले, अचानक असं काय झालं यावरून युझर हैराण झाले, आणि समाजमाध्यम X वर मिम्स चे वादळ आले. Facebook is down in the world

    Facebook, instagram अचानक डाऊन झाल्याने कोट्यवधी युझर मेटा वर नाराज झाले, आणि x वर #facebookdown trend व्हायला लागले.

    काही युझर ने तर मेटा चे संस्थापक मार्क झुकरबर्ग यांचे मार्फ केलेले फोटो शेअर करू लागले ज्यामध्ये झुकरबर्ग हे तार कापताना दिसत आहे, सर्वात जास्त समस्या युझर ना फेसबुकवर आली आहे, लॉगिन न झाल्याने अनेकांनी आपला मोबाईल बंद करून सुरू केला.

    अचानक ही समस्या का उदभवली यावर अधिकृत पणे माहिती पुढे आली नाही.

  • Underground Sewerage Scheme : त्या भ्रष्ट अधिकाऱ्यांना कारागृहात टाका – पप्पू देशमुख

    Underground Sewerage Scheme : त्या भ्रष्ट अधिकाऱ्यांना कारागृहात टाका – पप्पू देशमुख

    चंद्रपूर :underground sewerage scheme chandrapur चंद्रपूर शहर महानगरपालिकेने नव्याने 445 कोटी रुपयांच्या भूमिगत गटार योजने करिता निविदा प्रक्रिया राबवून कंत्राटदाराची निवड केली..पुन्हा एकदा चंद्रपूर शहरातील सर्व रस्ते खोदून नव्याने भूमिगत गटर योजनेसाठी पाईपलाईन टाकण्यात येईल. कामाच्या अंदाजपत्रकीय किमंतीपेक्षा 60 कोटी रूपये जादा किमतीत म्हणजे जवळपास 506 कोटी रूपये दर टाकणाऱ्या कंत्राटदाराची निवड करण्यासाठी मनपाच्या अधिकाऱ्यांनी घाई केल्याने नव्या भूमिगत गटार योजनेचे काम सुरू होण्यापूर्वीच वादाच्या भोवऱ्यात सापडले.

    जनविकास सेनेचे संस्थापक अध्यक्ष मनपाचे माजी नगरसेवक पप्पू देशमुख यांनी आज दि.5 मार्च 2024 रोजी दुपारी 3 वाजता यंग रेस्टॉरंट येथे घेतलेल्या पत्रकार परिषदेत नव्या भूमिगत गटार योजने बाबत गंभीर आरोप केले.यावेळी जनविकास सेनेचे घनश्याम येरगुडे,मनिषा बोबडे,इमदाद शेख,अमुल रामटेके,प्रफुल बैरम,गोलू दखणे,कुशाबराव कायरकर,सुभाष पाचभाई ,चंद्रकांत तेलंग,देवराव हटवार,किशोर महाजन,लोकेश वाळके उपस्थित होते.

    मागील 15 वर्षापासून गटर योजना,पाण्याची पाईपलाईन, विजेचे भूमिगत केबल,रिलायन्स फायबर केबल इत्यादी विकास कामांच्या नावाखाली वारंवार शहरातील रस्ते फोडण्यात आले.15 वर्षांपासून रस्त्यावरील खड्डे व धुळीमुळे आरोग्याच्या अनेक समस्यांचा सामना चंद्रपूरकरांना करावा लागत आहे.आजारावर उपचार घेण्यासाठी नागरिकांचे कोट्यावधी रुपये खर्च झाले.शहरातील लोकांच्या विशेषकरून मुलाबाळांच्या शरीराची अपरिमित हानी झाली.हजारो नागरिकांना दमा तसेच मनका,माण व कंबरेचे त्रास असे आजार कायमचे चिकटले.आता नविन भूमिगत गटर योजना म्हणजे चंद्रपूरकरांना पुन्हा एक धक्का असल्याचे देशमुख यांनी नमूद केले.

    तसेच सुमारे 15 वर्षांपूर्वी चंद्रपूर नगरपालिका अस्तित्वात असताना जवाहरलाल नेहरू राष्ट्रीय नागरी पुनर्जिवन योजनेअंतर्गत जवळपास 100 कोटी रुपये खर्च करून टाकण्यात आलेल्या भूमिकेत गटार योजनेचे (underground sewerage scheme)काय झाले ? ही गटार योजना खड्ड्यात गेली का ? जुनी गटार योजना फसली असल्यास भ्रष्ट अधिकारी व कंत्राटदाराविरुद्ध कारवाई का करण्यात आली नाही ? रस्ते खोदावे लागणार याची पूर्वकल्पना असताना पुन्हा-पुन्हा करोडो रुपये सिमेंट काँक्रीटच्या रस्त्यावर का खर्च करण्यात आले ? असे अनेक प्रश्न त्यांनी उपस्थित केले.

    60 कोटी रूपये अधिक दराने कंत्राटदाराची निवड करण्याची लगीनघाई
    निविदा प्रक्रियेत कोट्यावधींची देवाण-घेवाण झाल्याची शक्यता…पप्पू देशमुख

    19 जानेवारी 2024 रोजी मनपाने या कामासाठी महाराष्ट्र जीवन प्राधिकरण च्या निकषानुसार निविदा प्रसिद्ध केली. केवळ तीन कंत्राटदारांनी निविदा प्रक्रियेत सहभाग घेतला.

    या निविदा प्रक्रियेत उल्हासनगरच्या मेसर्स ईगल इन्फ्रा इंडिया लिमिटेड या एजन्सीची अंदाजपत्रकीय किमतीपेक्षा 18.90% जास्त दराने निवड झाली . अंतिम वाटाघाटी नंतर 13.50% ज्यादा दराने या एजन्सीची निवड करण्यात आली. म्हणजे 445 कोटी 88 लक्ष 67 हजार 407 रुपये अंदाजपत्रकीय किंमत असलेल्या नविन भूमिगत गटर योजनेच्या कामाकरिता प्रत्यक्षात 506 कोटी 08 लक्ष 14 हजार 507 रूपये खर्च येणे अपेक्षित आहे. अंदाजपत्रकीय किमतीपेक्षा 60 कोटी 19 लक्ष 47 हजार 100 रूपये एवढ्या जादा किमतीत काम मंजूर झाल्याने हे कंत्राटच वादाच्या भोवऱ्यात सापडले आहे. प्रत्यक्षात हे दर 8.09 टक्के पेक्षा जास्त नाही हे दाखविण्यासाठी महाराष्ट्र जीवन प्राधिकरणाने प्रयत्नांची पराकाष्ठा केली.

     

    महाराष्ट्र जीवन प्राधिकरणचे अधिकारी सुद्धा संशयाच्या घेऱ्यात आले आहेत.
    निविदा प्रक्रियेत अंदाजपत्रकीय किमतीपेक्षा 60 कोटी रुपये जास्त दर आल्यामुळे मनपाने पुनर्निविदा करणे गरजेचे होते. तसे न करता कंत्राटदाराची निवड करण्यासाठी घाई करण्यात आली. नगर विकास विभागाचे वरिष्ठ अधिकारी तसेच मनपातील भ्रष्ट अधिकाऱ्यांनी कोट्यावधींची देवाण-घेवाण करून कंत्राटदार निवडण्यात घाई केल्याची दाट शक्यता असुन या सर्व प्रकरणाची सीबीआय चौकशी करून जुन्या व नवीन भूमिगत गटार योजनेत गैरप्रकार करणाऱ्या मनपातील सर्व भ्रष्ट अधिकाऱ्यांना जेलमध्ये पाठवावे अशी मागणी देशमुख यांनी केली आहे.

    चंद्रपूर मनपाचे स्पष्टीकरण

    अमृत मलनिस्सारण प्रकल्प ची कार्य वाही नियमानुसारच सुरू

    केंद्र शासन पुरस्कृत अमृत २.० अंतर्गत चंद्रपूर शहर महानगपालिका मलनिस्सारण प्रकल्प ५४२.०५ कोटी ची मंजुरी शासनाकडून मिळाली असून याकरिता महाराष्ट्र जीवन प्राधिकरण ही तांत्रिक प्रकल्प व्यवस्थापन सल्लागार आहे , शासन नियम आणि निकष नुसार निविदा प्रसिद्ध करण्यात आली आहे , त्यानुसार प्राप्त तीन निविदा पैकी सर्वात कमी दराची निविदा १८.९% होती.

    यावर निविदा एजन्सी सोबत चर्चा करून दर कमी करण्याच्या वाटाघाटी केल्या त्यानुसार निविदा एजन्सी अंदाज पत्रक तयार करताना मलनिस्सारण प्रकल्पाकरिता आवश्यक काही बाबी घेतल्या नसल्याचे नमूद केले, याबाबत महाराष्ट्र जीवन प्राधिकरण यांचे मत घेतले असता त्यांनी तपासणी करून काही आवश्यक बाबी सुटल्याचे नमूद केले आणि तो फरक अंदाज पत्रकाच्या ५.०१% असल्याचे सांगितले . त्यामुळे ही बाब मान्य करण्यात आली.
    शिवाय सदर मल निःसरण प्रकल्प हा जुन्या मलनिस्सारण प्रकल्पा सोबत जोडायचा आहे , त्यात अनेक संभाव्य अडचणी आणि जटिल बाबी असल्याने तसेच या कामात tunnel mining अंतर्भूत असल्याने , चंद्रपूर शहरातील अरुंद रस्ते ज्या मुळे विहित मुदतीत काम करण्यासाठी अधिक खर्च येणार तसेच प्रकल्पात मलनिस्सारण मुख्य संकलन वाहिनी ला घरांची जोडणी करणे हे जटिल काम अंतर्भूत आहे यामुळे वाटाघाटी अंती निविदाकार एजन्सी ने १३.५ % पेक्षा दर कमी करता येणार नाही असे नमूद केले.  ज्यात अंदाजपत्रकात न घेतलेल्या बाबी मुळे होणारी ५.१% वाढ अंतर्भूत आहे. अश्या प्रकारे प्रत्यक्ष वाढ ही ८.४ % येते.
    या दरापेक्षा कमी करण्यास निविदा कार एजन्सी ने वारंवार वाटाघाटी करून ही नकार दिल्याने या बाबत पुढील कार्य वाही चालू आहे.
  • Shortage of sand in Chandrapur : घरकुल बांधकामासाठी प्रशासनाने वाळू उपलब्ध करून द्यावी – संदीप गिर्हे

    Shortage of sand in Chandrapur : घरकुल बांधकामासाठी प्रशासनाने वाळू उपलब्ध करून द्यावी – संदीप गिर्हे

    Shortage of sand in Chandrapur चंद्रपूर जिल्ह्यात मागील वर्ष भरापासून रेती घाटाचे लिलाव न झाल्याने नागरिकांचे मंजूर घरकुलाचे बांधकाम रेती न मिळाल्यामुळे अडचणीत आले आहे, निदान शासनाने पुढाकार घेत घरकुल लाभार्थ्यांना रेती उपलब्ध करून द्यावी अशी मागणी ठाकरे गटाचे शिवसेना जिल्हाप्रमुख संदीप गिर्हे यांनी जिल्हाधिकारी यांच्याकडे केली आहे.

     

    विविध नियमात जिल्ह्यात वाळू घाट अडकले आहे, वाळू घाटाचे लिलाव झाले, त्याबाबत टेंडर सुद्धा झाले मात्र अजूनही सदर निविदा उघडण्यात आल्या नाही, त्यामुळे घरकुलाचे काम पूर्णतः बंद करण्यात आले, प्रशासनाने घरकुल मंजूर केले, आधी बांधकाम सुरू झाले मात्र वाळू बंद झाल्याने घराच्या कामात अडथळा आला. Shortage of sand in Chandrapur

     

    घरकुल मंजूर झालेले नागरिक गरीब कुटुंबातील असल्याने ते भाड्याच्या घरात राहू शकत नाही, शासनाने ताबडतोब नागरिकांना घराचे बांधकाम करण्यासाठी रेती उपलब्ध करून द्यावी अशी मागणी जिल्हाधिकारी विनय गौडा यांना संदीप गिर्हे यांनी केली आहे.

     

    सध्या चंद्रपूर जिल्ह्यातील ब्रह्मपुरी, चिमूर क्षेत्रात वाळूचे स्टॉक विकण्याची परवानगी प्रशासनाने त्यांना दिली आहे मात्र चंद्रपूर, राजुरा, मूल, वरोरा या ठिकाणी प्रशासनाने त्यांना परवानगी नाकारली, एकीकडे न्याय तर दुसरीकडे अन्याय अशी पॉलिसी जिल्हा प्रशासनाची दिसून येत आहे.

  • Labor Movement : चंद्रपुरात वीज कंत्राटी कामगारांच्या कामबंद आंदोलनाला सुरुवात

    Labor Movement : चंद्रपुरात वीज कंत्राटी कामगारांच्या कामबंद आंदोलनाला सुरुवात

    Labor Movement 30 टक्के वेतनवाढ, समान काम समान वेतन NMR च्या माध्यमातून रोजगारात सुरक्षा प्रदान करा अश्या प्रमुख मागण्यांसाठी वीज कंपन्यातील कंत्राटी कामगारांनि 5 मार्च पासून बेमुदत कामबंद आंदोलनाचे दंड प्रशासनाविरोधात थोपटले आहे.

    महावितरण, महापारेषण व महानिर्मिती या तिन्ही वीज कंपन्यातील कंत्राटी कामगार मागील 15 ते 20 वर्षांपासून काम करीत आहे, कामगारांनी विविध माध्यमातून आपल्या मागण्या शासन दरबारी मांडण्याचा प्रयत्न केला मात्र कामगारांना न्याय मिळाला नाही, त्यामुळे 28 कंत्राटी कामगार संघटनांनी एकत्र येत महाराष्ट्र राज्य वीज मंडळ कंत्राटी कामगार संघटना संयुक्त कृती समिती 2024 ची स्थापना केली.

    अवश्य वाचा : 10 वर्षांपासून शासकीय वैद्यकीय महाविद्यालयाचे बांधकाम अपूर्ण

    Labor movement समितीतर्फे सर्व वीज कंत्राटी कामगारांना 30 टक्के वेतनवाढ, nmr च्या माध्यमातून रोजगारात सुरक्षा व समान काम समान वेतन या प्रमुख मागण्यांसाठी 9 फेब्रुवारीपासून टप्प्यात आंदोलनाची सुरुवात करण्यात आली.

    5 मार्च ला मध्यरात्री पासून बेमुदत कामबंद आंदोलनाचा इशारा संघटनांनी दिला होता, त्यानुसार आज सकाळी 10 वाजतापासून चंद्रपूर औष्णिक वीज केंद्रासमोर राष्ट्रवादी नगर येथे वीज कामगारांनी बेमुदत कामबंद धरणे आंदोलनाला सुरुवात केली.
    जो पर्यंत आमच्या मागण्या पूर्ण होणार नाही तोपर्यंत आम्ही मागे हटणार नाही अशी भूमिका कामगारांनी घेतली आहे. कामगारांनी आपल्या हिताच्या व हक्काच्या मागण्यांसाठी कामबंद आंदोलन सुरू केले आहे, आपल्याला समान वेतन मिळावे अशी त्यांची रास्त मागणी प्रशासनाकडे आहे, मात्र त्यांच्या मागणीवर प्रशंसान कानाडोळा करीत आहे.

  • Chandrapur Murder News : चंद्रपूर झाले “हत्या”पुर, पुन्हा हत्येच्या घटनेने जिल्हा हादरला

    Chandrapur Murder News : चंद्रपूर झाले “हत्या”पुर, पुन्हा हत्येच्या घटनेने जिल्हा हादरला

    Chandrapur murder news

    चंद्रपूर : Chandrapur Murder News रविवार 3 मार्च ला नागभीड तालुक्यातील मौशी येथील तिहेरी हत्याकांडाने चंद्रपूर जिल्हा हादरून गेला होता, हत्येच्या या सत्रात सोमवारी घुग्घुस पोलिस ठाण्याच्या हद्दीत शेणगाव येथे क्षुल्लकच्या कारणातून झालेल्या वादात एका मजुराची हत्या केल्याची घटना समोर आली आहे.

     

    अक्षय गौतम मिस्त्री (२९, रा. विवेकानंदपूर, मुलचेरा तालुका, आलापल्ली) असे मृतकाचे नाव असून, याप्रकरणी पोलिसांनी त्याच्याच सोबतच्या सहकारी पाचजणांना ताब्यात घेतल्याची माहिती मिळाली आहे. मागील दोन महिन्यांत जिल्ह्यात तब्बल हत्येच्या १३ घटना घडल्या असल्याने जिल्ह्यातील गुन्हेगारीचा आलेख सतत वाढतीवरच असल्याचे दिसून येत आहे. Chandrapur murder news

     

    घुग्घुस नजीकच्या शेणगाव पाण्याच्या टाकीचे काम करण्यासाठी गडचिरोली जिल्ह्यातील आलापल्ली तालुक्यातील काही मजूर कामाला आले आहेत. त्यांच्यासोबत अक्षयही काम करण्यासाठी आला होता. ते शेणगाव येथेच वास्तव्यास होते. दरम्यान, दि. ३ मार्च रोजी रात्री १२ वाजताच्या सुमारास त्यांच्यामध्ये वाद झाला. त्यावेळी सर्व दारूचा घोट घेत बसले होते, या दरम्यान त्यांच्यात वाद झाला.

     

    वादाचे पर्यावसान मारहाणीत झाले. यात अक्षयच्या डोक्याला गंभीर मार लागला. यातच त्याचा मृत्यू झाला. घुग्घुस पोलिसांनी तसेच स्थानिक गुन्हे शाखेच्या पथकांनी सोमवारी सायंकाळी पाच जणांना ताब्यात घेतले.  पुढील तपास घुग्घुस पोलिस स्टेशनचे पोलिस निरीक्षक सोनटक्के यांच्या मार्गदर्शनात सुरू आहे.

     

    नव्या वर्षात नवे पोलीस अधीक्षक मुमक्का सुदर्शन हे फेब्रुवारी महिन्यात जिल्ह्यात रुजू झाले मात्र या दरम्यान हत्येचे सत्र झपाट्याने वाढत गेले, 2 महिन्यात 13 हत्येच्या घटनेने चंद्रपूर आता हत्यापुर झाले आहे.

  • Assault on Yuvasena city chief : युवासेना शहरप्रमुखावर प्राणघातक हल्ला

    Assault on Yuvasena city chief : युवासेना शहरप्रमुखावर प्राणघातक हल्ला

    Assault on Yuvasena city chief

    चंद्रपूर – Assault on Yuvasena city chief 25 फेब्रुवारीला राजुरा येथील दसवारू नाल्याजवळील पाहुणचार या हॉटेलमध्ये दारू पिण्यासाठी मज्जाव केल्याने चार युवकांनी हॉटेल मालक व उबाठा युवासेना शहर प्रमुख स्वप्नील मोहूर्ले यांच्यावर चाकूने हल्ला केला होता, या प्रकरणी पोलिसांनी योग्यरीत्या कारवाई न केल्याने 2 दिवसात आरोपी बाहेर आले, पोलीस अधीक्षकांनी या प्रकरणाची दखल घेत चौकशी करीत आरोपीवर कारवाई करावी असे निवेदन युवासेना जिल्हाप्रमुख विक्रांत सहारे यांनी दिले.

     

    4 मार्च ला युवासेना जिल्हाप्रमुख विक्रांत सहारे यांनी पोलीस अधीक्षक मुमक्का सुदर्शन यांची भेट घेत निवेदन दिले, युवासेना शहरप्रमुख स्वप्नील मोहूर्ले यांच्यावर (Assault on Yuvasena city chief) चाकूने वार केला होता, या हल्ल्यात स्वप्नील च्या किडणीजवळ मार लागला, मात्र पोलिसांनी या प्राणघातक हल्ल्यातील आरोपीवर कलम 324, 326 अंतर्गत गुन्हे दाखल झाले, मात्र या प्रकरणात कलम 307 अंतर्गत गुन्हे दाखल व्हायला हवे होते पण पोलिसांनी ते दाखल केले नाही, आणि 2 दिवसांनी ते आरोपी बाहेर आले.

     

    यामध्ये पोलिसांची भूमिका संशयास्पद असून पोलीस अधीक्षकांनी या प्रकरणात दखल घेत चौकशी करून आरोपीवर कारवाई करावी, कारण आरोपीना न्यायालयात हजर केल्यावर सुद्धा त्यांची साधी पोलीस कस्टडीची मागणी राजुरा पोलिसांनी केली नाही, या सर्व कारणावरून राजुरा पोलिसांच्या कार्यप्रणालीवर संशय निर्माण होत आहे असे निवेदन युवासेना जिल्हाप्रमुख विक्रांत सहारे यांनी दिले.

  • Modi government cheated women : मोदी सरकारने महिलांची फसवणूक केली – नम्रता आचार्य ठेमस्कर

    Modi government cheated women : मोदी सरकारने महिलांची फसवणूक केली – नम्रता आचार्य ठेमस्कर

    चंद्रपूर – Modi government cheated women अखिल भारतीय महिला काँग्रेस च्या निर्देशानुसार तसेच प्रदेशाध्यक्ष संध्या ताई सव्वालाखे यांच्या मार्गदर्शनाखाली रविवार दिनांक 3 मार्च ला येथिल जिल्हा मध्यवर्ती बँकेच्या सभागृहात ‘नारी न्याय संमेलन’ तथा चंद्रपूर महिला काँग्रेस (ग्रामिण) ची आढावा बैठक पार पडली. राहुल गांधी यांच्या भारत जोडो न्याय यात्रे मध्ये नारी न्याय हा महत्वपूर्ण मुद्दा आहे, त्या अनुषंगाने संपूर्ण देशामध्ये महिला काँग्रेस तर्फे नारी न्याय संमेलन आयोजित करण्यात येत आहे, त्याच पार्श्वभूमीवर आज चंद्रपूर महिला काँग्रेस तर्फे या कार्यक्रमाचे आयोजन करण्यात आले होते.

     

    या कार्यक्रमात जेष्ठ अधिवक्ता वर्षा जामदार यांनी महिलांचे हित जोपासणाऱ्या कायद्याची माहिती उपस्थित महिलांना दिली. यावेळी महिला काँग्रेस मध्ये महत्वपूर्ण कामगिरी बजवणाऱ्या महिलांचे सत्कार करण्यात आले या मध्ये प्रामुख्याने अनुसूचित विभागाच्या प्रदेश उपाध्यक्ष अश्विनी खोब्रागडे, शहर अध्यक्ष चंदा वैरागडे तसेच माजी नगरसेविका विना खनके, सकिना अन्सारी यांचा समावेश होता. महिला काँग्रेस ला नेहमी सहकार्य करणाऱ्या घुगूस शहर काँग्रेस कमिटीचे शहर अध्यक्ष राजू रेड्डी यांचा देखील यावेळी सत्कार करण्यात आला.

     

    कार्यक्रमाच्या अध्यक्ष नम्रता आचार्य ठेमस्कर यांनी नारी न्याय संमेलना बद्दल ची माहिती उपस्थित पदाधिकार्यांना दिली. तसेच केवळ काँग्रेस पक्षच महिलांचे हित जोपासू शकतो, दिवंगत पंतप्रधान राजीव गांधी यांच्या मुळेच महिलांना पंचायत राज मध्ये 33% आरक्षण मिळाले. भाजपने मात्र महिला आरक्षणाच्या नावाखाली महिलांची फसवणूक केली (Modi government cheated women) अशी सडेतोड टीका ठेमस्कर यांनी यावेळी केली.

    या कार्यक्रमाला महिला काँग्रेस चे सर्व पदाधिकारी, तालुका अध्यक्ष,शहर अध्यक्ष, जिल्हा उपाध्यक्ष, जिल्हा महासचिव, जिल्हा सचिव तसेच इतर सर्व महिला कार्यकर्त्या उपस्थित होत्या.

     

    या कार्यक्रमाच्या यशस्वीतेसाठी चंद्रपूर महिला काँग्रेस च्या तालुका अध्यक्ष शीतल कातकर, सेवादल महिला काँग्रेस च्या शहर अध्यक्ष लता बारापात्रे, जिल्हा उपाध्यक्ष शोभा वाघमारे, लता निंदेकर, जिल्हा महासचिव मीनाक्षी गुजरकर,मेहेक सय्यद, संगीता मित्तल, नेहा मेश्राम, सचिव सीमा धुर्वे, श्रुती कांबळे, माला माणिकपुरी, निशा धोंगडे, चंद्रपूर जिल्हा सोशल मीडिया चे अध्यक्ष मुन्ना तावाडे,इन्जी नरेन्द्र डोंगरे,शिवाजी गोरघाटे,पवन जगताप,बिराज नारायणे
    महेश रंगारी,नितीन जुमडे यांनी परिश्रम घेतले.

  • Shri Gajanan Maharaj Temple : श्री.च्या प्रगट दिनानिमित्त श्री.दर्शनासाठी व महाप्रसादासाठी असंख्य भक्तांची मांदियाळी

    Shri Gajanan Maharaj Temple : श्री.च्या प्रगट दिनानिमित्त श्री.दर्शनासाठी व महाप्रसादासाठी असंख्य भक्तांची मांदियाळी

    News34 chandrapur

    गुरू गुरनुले

    मुल – मुल वॉर्ड नंबर १४ येथे Shri Gajanan Maharaj Temple सदस्यांच्या पुढाकाराने रविवार दिनांक ३ मार्च २०२४ रोजी श्री. संतश्रेष्ठ गजानन महाराजांच्या प्रगट दीन मोठ्या उत्साहात साजरा करण्यात आला. श्रींचे मंदिर रोषणाईने सजविण्यात आले. सकाळी ७-३० ते ९-३० श्री.ची अभिषेक पूजा आरती १०-३० ते १२-३० पारायण व महाआरती दुपारी महिलांचे भजन व काला अशा कार्यक्रमाचे आयोजन करण्यात आले होते.

     

    सकाळ पासूनच श्री संत गजानन महाराज मंदिर स्थळी श्री.च्या दर्शनासाठी भक्तांची मांदियाळी दिसून येत होती यामधे महिलांची संख्या लक्षणीय होती. सायंकाळी ५ वाजेपासून महाप्रसादाच्या कार्यक्रमाला सुरुवात करण्यात आली. Shri Gajanan Maharaj Temple

     

    रात्री १० वाजेपर्यंत सहपरिवार,मित्र परिवार अशा हजारो भक्त जणांनी श्री.च्या दर्शनाचा व महाप्रसादाचा लाभ घेतला. श्री गजानन महाराज मंदिराच्या समस्त सदस्यांनी आलेल्या समस्त भक्तांना महाप्रसादाचा लाभ घेता यावा यासाठी अनेक स्टॉल उभारण्यात आले होते. भक्तगण महिलांच्या व पुरुषांच्या गर्दीच्या रांगा फुलून दिसत असताना देखील भक्तांची सर्वतोपरी व्यवस्था व महाप्रसाद वितरण श्री.मंदिर सदस्यांकडून करण्यात आली.

     

    यामधे मंदिर परिसरातील महिलांनी सुद्धा पुढाकार घेतला होता. श्रीच्या प्रगटदीन सेवाकार्यात बाबूभाई पटेल, बाळु सुरमवार, जीवन कोंतमवार, वसंतराव कामडी साहेब, प्रभाकर भोयर,अविनाश श्रिगिरवार, राकेश रत्नावार, किशोर चेपुररवार, राजू मांर्तीवार, मनीष कोंतमवार, सुरेश बुक्कावार, गणेश मांडवकर, गुरु गुरनुले, देवराव ढवास,प्रा. विजय लोनबले,युवराज चावरे, धनंजय चूदरी, राजू पटेल, अखिल गांगरेडिवार, बुक्कावार, खोब्रागडे सर,रामदास गोंगले, विशाल आक्केवार, प्रा.कऱ्हाडे, श्री.संगोजवार, गंगाधर कुंनघाडकर ,प्रा. रवी बुरांडे, शहाणे, राजू चल्लावार, एड. बबलू नागोषे, श्री.समर्थ सर, श्री घनश्याम येनुरकर, यांचेसह मंदिर परिसरातील अनेक युवक भक्त, सर्व महिलांनी प्रगटदीन सोहळा उत्साहात पार पाडण्यासाठी परिश्रम घेतले.एकंदरीत श्री.संत गजानन महाराज परिसरात भक्तांची मांदियाळी लक्षणीय होती.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by