My Blog

Author: Admin

  • Chandrapur voter list : पत्नीचे नाव मतदार यादीत मात्र पतीचे नाव गहाळ

    Chandrapur voter list : पत्नीचे नाव मतदार यादीत मात्र पतीचे नाव गहाळ

    Chandrapur voter list बल्लारपूर शहरातील श्रीराम वार्ड येथे राहणारे प्रशांत गद्दाला यांचे नाव मतदार यादीतून गहाळ झाल्याने त्यांनी जिल्हा निवडणूक निर्णय अधिकारी विनय गौडा याना निवेदन दिले आहे.

    ही बातमी अवश्य वाचा : महायुती सरकारने केला घोळ, RTE चे नियम बदलले, शिक्षणाचा अधिकार हिरावला

    मागील 5 ते 6 निवडणुकीत गद्दाला यांनी मतदान केले आहे, मात्र वर्ष 2024 च्या मतदार यादीत माझे नाव गहाळ झाले, याबाबत मी तहसील कार्यालय व उपविभागीय अधिकारी यांच्या कार्यालयात गेलो मात्र मला समाधानकारक उत्तर मिळाले नाही, त्यामुळे जिल्हाधिकारी यांना निवेदन दिले आहे अशी प्रतिक्रिया गद्दाला यांनी दिली. Chandrapur voter list

    अवश्य वाचा – मतदार यादीतून नावे गहाळ, मतदान केंद्रावर झाला गोंधळ

    विशेष म्हणजे मी माझ्या पत्नीचे नाव दीड महिन्यांपूर्वी मतदार यादीत समाविष्ट करण्यासाठी अर्ज केला होता, पत्नीचे नाव मतदार यादीत आले मात्र माझं नाव आले नाही, प्रशासन मार्फत झालेली ही चूक आहे पण ते मान्य करीत नाही अशी प्रतिक्रिया गद्दाला यांनी दिली. Chandrapur voter list

    मतदानापूर्वी गद्दाला यांनी जिल्हाधिकारी गौडा यांना निवेदन दिले होते, मात्र मतदानाच्या दिवशी लोकसभा क्षेत्रातील हजारो नागरिकांचे नाव मतदार यादीतून गहाळ झाले होते, काही मतदान केंद्रावर याबाबत गोंधळ उडाला होता, मतदार जिवंत असून त्याना मृत दाखविण्यात आले, मतदार सर्व्हेक्षनात मोठी चूक झाली मात्र प्रशासन आपली बाजू मांडत नागरिकांनी आक्षेप घ्यायला हवा होता असे सांगत आहे.

  • Right To Education : मूर्ख बनविण्याचा गोरखधंदा

    Right To Education : मूर्ख बनविण्याचा गोरखधंदा

    Right to education शिक्षण हक्क कायद्यांतर्गत(RTE) गोरगरिबांच्या पाल्यांना मोफत शिक्षण उपलब्ध करून देण्याची जबाबदारी असतानाही यावर्षी मात्र नागरिकांची घोर निराशा करण्यात आली आहे. ज्या शाळांमध्ये मोफत प्रवेश मिळतो त्याच शाळा यावर्षी पोर्टलवर टाकून पालकांना जबर झटका देण्यात आला आहे.

    बातमी हवामानाची : चंद्रपूर जिल्ह्यातील तापमानात वाढ

    मनमोहन सिंग सरकारच्या काळात right to education कायद्याची सुरुवात करण्यात आली होती, गरीब घरातील मुले शिक्षणापासून वंचित राहू नये यासाठी या अधिकाराची सुरुवात करण्यात आली मात्र आता महायुती सरकारने सर्वसामान्य कुटुंबाला मोठा धक्का देत प्रवेशाचे नियम बदलविले, त्यामुळे आता आपल्या मुलांना इंग्रजी शाळेत शिकविण्याचे पालकांचे स्वप्न जवळपास संपले आहे.

     

    इंग्रजी माध्यमाच्या शाळेत गोरगरिबांच्या मुलांना शिक्षण घेता यावे यासाठी शिक्षण हक्क कायद्याच्या माध्यमातून 25 टक्के जागा राखीव ठेवण्यात येतात.राज्यभरातील बहुसंख्य शाळा यात नोंदणी करतात व आरटीई ऑनलाइन प्रवेश प्रक्रिया राबविते. दरवर्षी ही प्रक्रिया जानेवारी महिन्यात सुरू होते. यात लॉटरी पद्धतीने सोडत होते व त्यात निवडण्यात आलेले विद्यार्थ्यांना संबंधित शाळेत प्रवेश दिला जातो. Right to education

    बातमी आपल्या कामाची : जेव्हा मतदान केंद्रावर तुमचं नाव गहाळ होतं, नागरिकांचा गोंधळ

    इयत्ता पहिली ते दहावीपर्यंत मोफत शिक्षणासाठी विद्यार्थी पात्र ठरतो.विद्यार्थ्यांचे शुल्क सरकारच्या वतीने शाळेला अदा केले जाते.अर्थात ते सरकारच्या दिरंगाईमुळे शाळांना वेळेत मिळत नाही. त्यामुळे बहुतेक शाळा या प्रक्रियेत भाग घेत नाही. Right to education

     

    यावर्षी मात्र सरकारने ही प्रक्रिया खूप उशिरा म्हणजे 16 एप्रिल पासून सुरू केली.30 एप्रिल पर्यंत ऑनलाइन अर्ज सादर करण्याची संधी उपलब्ध करून देण्यात आली आहे. मात्र जेव्हा पोर्टल उघळले गेले तेव्हा मात्र शासनाची हुशारी दिसून येते आहे.
    दरवर्षी एक ते तीन किलोमीटर परिघातील इंग्रजी माध्यमांच्या शाळा यात प्रवेशासाठी उपलब्ध असतात.यावेळी मात्र इंग्रजी माध्यमाच्या शाळा तर उपलब्ध आहेत पण त्यात सेल्फ फायनान्स नॉट अविलेबल असा शेरा टाकून या शाळा प्रवेशासाठी नाहीत असे स्पष्ट करण्यात आले आहे. Right to education

     

    यात ज्या शाळा प्रवेशासाठी उपलब्ध करून देण्यात आल्या आहेत त्या सर्व शाळा महानगरपालिकेच्या आहेत.जेव्हा की महानगरपालिका किंवा नगरपालिका किंवा जिल्हा परिषदेच्या शाळा मोफत शिक्षण देतात. ज्या शाळा मोफत शिक्षण देतात त्याच शाळा प्रवेशासाठी उपलब्ध करण्याचा निर्णय म्हणजे शिक्षण विभागाचा मूर्खपणा समजायचा की राज्यातील जनता मूर्ख आहे हे समजावे हेच कळतं नाही. Right to education
    या प्रक्रियेकडे डोळे लावून बसलेले पालक आता कपाळावर हात मारुन बसले आहेत.
    महायुती सरकार गोरगरिबांची किती थट्टा करते याचे हे ताजे उदाहरण आहे.

    RTE कायद्याला उच्च न्यायालयात आव्हान दिले असून 8 मे रोजी शिक्षण विभागाला उत्तर सादर करण्याचे निर्देश देण्यात आले आहे,  लोकसभा निवडणूकीच्या रणधुमाळीत सरकारने पालकांना हा मोठा धक्का दिला आहे.

     

  • Chaitra Navratri 2024 : चंद्रपुरातील माता महाकाली मंदिरात चांदीच्या मूर्तीची प्रतिष्ठापना

    Chaitra Navratri 2024 : चंद्रपुरातील माता महाकाली मंदिरात चांदीच्या मूर्तीची प्रतिष्ठापना

    Chaitra Navratri 2024 चैत्र महिण्यात भरणा-या महाकाली यात्रेला सुरवात झाली असून यात्रेत येणा-या भाविकांना 9 किलो चांदीच्या मुर्तीचे दर्शन घेता यावे या करिता श्री महाकाली माता महोत्सव समीतीच्या वतीने मंदिर परिसरात चांदीच्या पालखीसह चांदीच्या मूर्तीची प्रतिष्ठापना करण्यात आली आहे. यावेळी श्री महाकाली माता महोत्सव समीतीचे अध्यक्ष आमदार किशोर जोरगेवार यांच्या हस्ते चांदीच्या मुर्तीची महाआरती व प्रतिष्ठापना करण्यात आली.

     

    यावेळी श्री महाकाली माता महोत्सव ट्रस्टचे उपाध्यक्ष सुनील महाकाले, सचिव अजय जैस्वाल, विश्वस्त मिलिंद गंपावार, श्याम धोपटे, राजू जोशी, रोडमल गहलोत, अशोक मत्ते, आशा महाकाले , यंग चांदा ब्रिगेड महिला आघाडी शहर अध्यक्षा वंदना हातगावकर, महिला आघाडी  संघटिका सविता दंढारे, युवती प्रमुख भाग्यश्री हांडे, आदिवासी महिला आघाडीच्या शहर अध्यक्षा वैशाली मेश्राम, सरोज चांदेकर, कल्पना शिंदे, आशा देशमुख, नीलिमा वनकर, विमल काटकर, अस्मिता दोनाडकर, शांता धांडे, मुन्ना जोगी, चंद्रशेखर देशमुख, विनोद अनंतवार, मुकेश गाडके, प्रवीण कुलटे, करण नायर, कैलाश धायगुडे,  यांच्यासह कार्यकर्त्यांची उपस्थिती होती.   Chaitra Navratri 2024

     

    चैत्र महिण्यात भरणा-या माता महाकालीच्या यात्रेला सुरवात झाली आहे. या यात्रेकरिता राज्यासह बाहेरील राज्यातील भाविक मोठ्या संख्येने चंद्रपूरात दाखल होत आहे. विशेष म्हणजे श्री महाकाली माता महोत्सव समितीच्या वतीने यंदा 9 किलो चांदीची मुर्ती आणि चांदीची पालखी मंदिर परिसरात ठेवण्यात आली आहे. त्यामुळे भाविकांना चांदीच्या मुर्तीचे दर्शन घेता येणार आहे. आज महोत्सव समीतीचे अध्यक्ष आमदार किशोर जोरगेवार यांच्या हस्ते सदर मुतीची मंदिर परिसरात प्रतिष्ठापणा करण्यात आली. Chaitra Navratri 2024

    Mahakali temple
    आमदार किशोर जोरगेवार यांच्या हस्ते ध्वजारोहण

    तत्पुर्वी मंदिरा बाहेर असेलल्या श्री महाकाली माता महोत्सव समीतीच्या 51 फुट उंचीच्या ध्वजाचे ध्वजारोहण आमदार किशोर जोरगेवार यांच्या हस्ते करण्यात आले. त्यानंतर आमदार किशोर जोरगेवार यांनी महाकाली मंदिरात जात महाकाली मातेचे दर्शन घेतले. चांदीच्या पालखीत चांदीची मुर्ती प्रतिष्ठापना स्थळी आणण्यात आली. येथे विधीवतरित्या पुजा करुन मुर्तीची प्रतिष्ठापणा करण्यात आली. यावेळी भाविकांची मोठ्या संख्येने उपस्थिती होती. दरवर्षी नवरात्रो मध्ये आपण महाकाली महोत्सवाचे आयोजन करत असतो.

     

    यात मातेच्या मूर्तीची नगर प्रदक्षिणा करण्यात येते. यावेळी लाखो भाविक पालखीचे दर्शन घेतात. मात्र चैत्र महिण्यात मंदिरात येणा-या भाविकांनाही पाखलीचे दर्शन घेता यावे यासाठी यंदाच्या वर्षीपासून आपण यात्रेदरम्यान येथे पालखी आणि चांदीची मुर्ती दर्शनासाठी ठेवण्याचा निर्णय घेतला असल्याचे यावेळी श्री महाकाली माता महोत्सव समितीचे अध्यक्ष आमदार किशोर जोरगेवार यांनी म्हटले आहे. Chaitra Navratri 2024

        महोत्सव समितीच्या वतीने महाप्रसादाचे वितरण

     महाकाली मंदिर येथे सुरु झालेल्या यात्रेतील भाविकांना श्री महाकाली माता महोत्सव समीतीच्या वतीने महाप्रसादाचे वितरित करण्यात आला. यावेळी महोत्सव समीतीच्या पदाधिका-यांसह आमदार किशोर जोरगेवार यांचीही उपस्थिती होती. मंदिर आणि स्थानिक प्रशासनाने येथे येणा-या भाविकांना उत्तम सोयी सुविधा उपलब्ध करुन देण्याच्या सुचनाही त्यांनी यावेळी केल्यात.

  • Chandrapur Lok Sabha Voter List : नव्याने मतदार सर्व्हेक्षण करा – आमदार किशोर जोरगेवार

    Chandrapur Lok Sabha Voter List : नव्याने मतदार सर्व्हेक्षण करा – आमदार किशोर जोरगेवार

    Chandrapur Lok Sabha Voter List शुक्रवारी लोकसभा निवडणुकीच्या पहिल्या टप्यातील मतदान पार पडले. मात्र यावेळी अनेक पात्र मतदात्यांची नावे मतदार यादीत नसल्याने त्यांना मतदानाच्या हक्कापासून वंचित राहावे लागले असुन हे लोकशाहीच्या हिताचे नाही. त्यामुळे याची गंभीर दखल घेत पून्हा प्रत्येक घरापर्यंत पोहचून नव्याने मतदार सर्वेक्षण करत पात्र मतदारांचे नाव पुन्हा मतदार यादीत समाविष्ठ करा अशी मागणी आमदार किशोर जोरगेवार यांनी जिल्हाधिकारी विनय गौडा यांना निवेदनाच्या माध्यमातुन केली आहे.
    काल पार पडलेल्या लोकसभा सार्वत्रिक निवडणूक २०२४ मध्ये अनेक पात्र मतदारांचे नाव कमी करण्यात आले आहे. मागच्या लोकसभा निवडणूक २०१९ च्या तुलनेत 53 हजार 338 मतदारांचे नाव वगळण्यात आले आहे.  अनेक पात्र मतदारांचे मतदार ओळखपत्र असतांना व ते मागील अनेक निवडणुकीमध्ये मत देत असतांना सुध्दा त्यांचे नाव मतदार यादीतून वगळण्यात आले आहे. त्यामुळे त्यांना यावेळच्या निवडणुकीमध्ये  मतदान करता आले नाही. Chandrapur Lok Sabha Voter List
    लोकशाही बळकटीकरण करीता प्रत्येक पात्र मतदारांचे नाव मतदार यादीत असणे आवश्यक आहे. परंतु हयात असलेले आणि पात्र मतदारांचे नाव वगळण्यात आले आहे. यामध्ये वयोवृद्ध नागरिक व महिलांना नाव शोधण्यास अडचण होत असून मतदार यादीत  नाव नसल्याने जनतेमध्ये मोठ्या प्रमाणात रोष निर्माण झाला आहे. Chandrapur Lok Sabha Voter List
    काल दिवसभरच मतदार यादीत नाव मिळत असल्याच्या तक्रारी आमदार किशोर जोरगेवार यांच्याकडे प्राप्त झाल्या होत्या. यावेळी आमदार जोरगेवार यांनी जिल्हाधिकारी विनय गौडा यांना याबाबत अवगत केले होते. त्यामुळे  लोकसभा सार्वत्रिक निवडणूक २०२४  मध्ये वगळण्यात आलेल्या पात्र मतदारांचे नाव पुन्हा मतदार यादीत समाविष्ट करण्याकरीता विशेष प्रयत्न करून पात्र व नवीन मतदारांचे नाव मतदार यादीत समविष्ट करणे प्राधान्याने आवश्यक असल्याचे आमदार किशोर जोरगेवार यांनी निवेदनात म्हटले आहे. Chandrapur Lok Sabha Voter List
    तसेच  प्रत्येक घरापर्यंत जाऊन नव्याने मतदार सर्वेक्षण करण्यासंदर्भात तातडीने कार्यवाही करण्याच्या सूचनाही  त्यांनी जिल्हाधिकारी  विनय गौडा यांना केल्या आहे.
  • Chandrapur Lok Sabha Total Vote : चंद्रपुर लोकसभा क्षेत्रातील विधानसभा निहाय मतदान किती?

    Chandrapur Lok Sabha Total Vote : चंद्रपुर लोकसभा क्षेत्रातील विधानसभा निहाय मतदान किती?

    Chandrapur Lok Sabha Total Vote चंद्रपूर लोकसभा मतदारसंघाच्या निवडणुकीसाठी एकूण 67.57 टक्के मतदान झाले. 19 एप्रिल 2024 रोजी सकाळी 7 ते सायंकाळी 6 या वेळेत घेण्यात आलेल्या निवडणुकीसाठी 67.57 टक्के मतदारांनी आपल्या मतदानाचा हक्क बजावला.

    हे ही वाचा –चंद्रपुरात उष्माघाताचा धोका, ही काळजी घ्या

    विशेष म्हणजे गत आठवड्यापासून जिल्ह्यात उन्हाचा तडाखा 42-43 अंशावर असतांनासुध्दा मतदारांनी भरघोस प्रतिसाद देत मतदानाचे कर्तव्य पार पाडले. त्यामुळेच 2019 च्या तुलनेत 2024 च्या निवडणुकीत तीन टक्क्यांची वाढ झाली आहे. Chandrapur Lok Sabha Total Vote

    हे ही वाचा – चंद्रपुरात मतदान केंद्रावर गोंधळ, बघा हा व्हिडीओ

    शुक्रवारी झालेल्या लोकसभा निवडणुकीसाठी राजूरा विधानसभा मतदार संघात 70.09 टक्के, चंद्रपूर 58.43 टक्के, बल्लारपूर 68.36 टक्के, वरोरा 67.73 टक्के, वणी 73.24 टक्के तर आर्णि विधानसभा मतदारसंघात 69.52 टक्के मतदान झाले. Chandrapur Lok Sabha Total Vote

    Total voting percentage
    चंद्रपूर लोकसभा क्षेत्रातील एकूण विधानसभा मतदार निहाय यादी

    चंद्रपूर लोकसभा मतदारसंघात एकूण 18 लक्ष 37 हजार 906 मतदार आहे. यात 9 लक्ष 45 हजार 736 पुरुष मतदार, 8 लक्ष 92 हजार 122 स्त्री मतदार तर 48 इतर मतदार आहेत. यापैकी 6 लक्ष 58 हजार 400 पुरुष मतदारांनी (69.62 टक्के), 5 लक्ष 83 हजार 541 स्त्री मतदारांनी (65.41 टक्के) तर 11 इतर नागरिकांनी (22.92 टक्के) असे 12 लक्ष 41 हजार 952 (67.57 टक्के) मतदारांनी मतदान केल्याचे जिल्हा प्रशासनाने कळविले आहे.

     

    विधानसभा निहाय एकूण मतदान..

    चंद्रपूर विधानसभा एकूण मतदार – 3 लाख 56 हजार 736 – एकूण मतदान – 2 लाख 8 हजार 426

    राजुरा विधानसभा एकूण मतदार -3 लाख 13 हजार 611, एकूण मतदान – 2 लाख 19 हजार 800

    बल्लारपूर विधानसभा एकूण मतदार – 3 लाख 1 हजार 242, एकूण मतदान – 2 लाख 5 हजार 915, 

    वरोरा विधानसभा एकूण मतदार – 2 लाख 71 हजार 985, एकूण मतदान – 1 लाख 84 हजार 226

    वणी विधानसभा एकूण मतदार – 2 लाख 79 हजार 899, एकूण मतदान – 2 लाख 4 हजार 988

    आर्णी विधानसभा क्षेत्रात एकूण मतदार – 3 लाख 14 हजार 433, एकूण मतदान – 2 लाख 18 हजार 597

  • Risk of Heatstroke, Be Careful : चंद्रपुरात वाढतोय उष्माघाताचा धोका

    Risk of Heatstroke, Be Careful : चंद्रपुरात वाढतोय उष्माघाताचा धोका

    Risk of heatstroke, be careful चंद्रपूर जिल्ह्यात उष्णतेचा तडाखा वाढत असून तापमान सातत्याने वाढत आहे. या पार्श्वभूमीवर उष्माघाताची शक्यता असल्याने नागरिकांनी आपल्या आरोग्याची काळजी घेण्याचे आवाहन जिल्हा प्रशासनाकडून करण्यात आले आहे.

    ही बातमी अवश्य वाचा – चंद्रपुरात अनेक मतदान केंद्रावर गोंधळ

    जसजसा उन्हाळा तापत जातो तसतसे, उष्माघाताचा धोका प्रत्येकासाठी चिंतेचा विषय बनतो. विशेषतः जे घराबाहेर बराच वेळ घालवतात. त्यामुळे शरीरातून घामाच्या धारा निघत असतील तर जास्तीत जास्त पाणी पिण्याचा सल्ला देण्यात आला आहे. कारण शरीराला पुरेसे पाणी न मिळाल्यास उष्णता जीवघेणी ठरु शकते. जेव्हा शरीराचे तापमान घोकादायक पातळीपर्यंत वाढते आणि शरीराची शीतकरण यंत्रणा योग्यरित्या कार्य करण्यास अपयशी ठरते तेव्हा ही स्थिती उद्भवू शकते. Risk of heatstroke, be careful

    अवश्य वाचा – चंद्रपूरात निराधारांच्या मदतीला आली अम्मा, सुरू केले अम्मा की दुकान

    उष्माघाताच्या लक्षणांमध्ये शरीराचे उच्च तापमान, अनेकदा १०४°F (४०°C) पेक्षा जास्त असते. यामुळे गोंधळ, चक्कर येणे आणि मळमळ होऊ शकते. नाडीचे ठोके वाढणे आणि डोकेदुखी ही देखील सामान्य लक्षणे आहेत. त्वचा उष्ण आणि कोरडी किंवा ओलसर आणि घाम वाटू शकते. गंभीर प्रकरणांमध्ये बेशुद्ध पडणे किंवा झटके येऊ शकतात. स्वतःला किंवा इतर कोणाला ही लक्षणे दिसल्यास तत्काळ वैद्यकीय मदत घेणे आवश्यक आहे. Risk of heatstroke, be careful

     

    उष्माघातापासून बचाव करण्यासाठी सर्वोत्तम मार्ग म्हणजे सूर्यप्रकाशात दीर्घकाळ राहणे टाळावे. टोपी तसेच हलक्या रंगाचे कपडे वापरावे. भरपूर पाणी प्यावे, सोबतच ओआरएसचा वापर करावा. पाणीयुक्त फळे खावीत. उन्हाळ्यात कॅफिनयुक्त पेये तथा अल्कोहोल पिणे टाळावे. नागरीकांनी सुरक्षित राहण्यासाठी खबरदारी घेणे अत्यंत महत्त्वाचे असून वृद्ध, लहान मुले तसेच पूर्व- अस्तित्वात असलेली वैद्यकीय परिस्थिती ज्यांची चांगली नाही त्यांनी अतिरिक्त काळजी घेणे गरजेचे आहे. Risk of heatstroke, be careful

     

    उष्माघात ही एक गंभीर स्थिती आहे मात्र ती साध्या उपायांनी टाळता येते. लक्षणे आढळल्यास ताबडतोब वैद्यकिय मदत घेणे गरजेचे आहे. याकरिता जिल्हाधिकारी व मुख्य कार्यकारी अधिकारी यांचे विशेष मार्गदर्शनात जिल्ह्यातील सर्व ग्रामीण, उपजिल्हा रुग्णालय, प्राथमीक आरोग्य केंद्र तसेच शासकिय वैद्यकिय महाविद्यालयामध्ये कोल्ड वार्ड कार्यान्वित करण्यात आलेले आहे. तसेच आवश्यकता पडल्यास मोफत संदर्भसेवा सुध्दा उपलब्ध करुन देण्यात येत आहे. नागरीकांच्या सुविधेकरिता, शासकिय वैद्यकीय महाविद्यालय व रुग्णालय चंद्रपुर ०७१७२- २५२१०३ तसेच हेल्पलाईन क्रमांक १०७७, ११२, १०२, १०४, १०८ टोल फ्री क्रमांकांवर संपर्क साधता येऊ शकतो. Risk of heatstroke, be careful

     

    उन्हाळ्यात योग्य ती काळजी घेण्याचे तसेच लक्षणे आढळल्यास ताबडतोब रुग्णालयात जाऊन उपचार घेण्याबाबतचे आवाहन जिल्हा प्रशासनाने केले आहे.

     

    उष्ण लाटेपासून बचाव होण्याच्या दृष्टीने घ्यावयाची दक्षता

    काय करावे ?

    पुरेसे पाणी प्या, शरीरातील पाण्याची पातळी योग्य राखा. घराबाहेर पडतांना डोके झाकण्यासाठी टोपी, रुमाल किंवा छत्रीचा वापर करावा. दुपारी १२ ते ४ वाजेदरम्यान घराबाहेर जाणे टाळावे. थेट येणाऱ्या सुर्यप्रकाशाला/उन्हाला अडविण्याकरिता घरातील पडदे आणि झडपांचा वापर करावा. उष्णतेच्या लाटेच्या माहितीसाठी रेडिओ, टिव्ही, किंवा वर्तमानपत्रातील माहितीचा वापर करण्यात यावा. हलकी, पातळ व सच्छिद्र सुती कपडे वापरावेत.

     

    काय करु नये ?

    उन्हात अतिकष्टाची कामे करु नये. दारु, चहा, कॉफी आणि कार्बोनेटेड थंड पेये घेऊ नये. दुपारी १२ ते ४ च्या दरम्यान घराबाहेर जाणे टाळावे. उच्च प्रथिनयुक्त आणि शिळे अन्न खाऊ नये. लहान मुले किवा पाळीव प्राण्यांना बंद असलेल्या व पार्क केलेल्या वाहनात ठेवू नये. गडद, घट्ट व जाड कपडे घालण्याचे टाळावे. बाहेर तापमान जास्त असल्यास शारीरिक श्रमाची कामे टाळावी. उन्हाच्या कालावधीत स्वयंपाक करण्याचे टाळावे, तसेच मोकळ्या हवेसाठी स्वयंपाक घराची दारे व खिडक्या उघड्या ठेवण्यात याव्या. चप्पल न घालता अनवाणी उन्हात चालू नये. Risk of heatstroke, be careful

     

    उष्णतेचा त्रास झालेल्या व्यक्तीची मदत करीत असतांना या गोष्टीचा अवलंब करावा.

    संबंधित व्यक्तीला ताबडतोब थंड ठिकाणी हलवावे. शरीराच्या जास्तीत जास्त भागावर किंवा कपड्यावर थंड पाण्याचा मारा करावा, शक्य असेल तेवढा वेळ त्या व्यक्तीला वारा घालावा.

  • Chandrapur Loksabha Election Day : चंद्रपूर लोकसभेची निवडणूक, मतदार यादीतून नाव गहाळ आणि गोंधळ

    Chandrapur Loksabha Election Day : चंद्रपूर लोकसभेची निवडणूक, मतदार यादीतून नाव गहाळ आणि गोंधळ

    Chandrapur Loksabha Election Day चंद्रपूर लोकसभा मतदारसंघाच्या निवडणुकीकरीता सकाळी 7 ते दुपारी 5 या वेळेत 55.11 टक्के मतदारांनी आपल्या मतदानाचा हक्क बजावला. यात राजूरा 59.14 टक्के, चंद्रपूर 48.20 टक्के, बल्लारपूर 59.06 टक्के, वरोरा 57.56 टक्के, वणी 58.87 टक्के, आर्णि विधानसभा मतदारसंघात 49.70 टक्के मतदान झाले.

    हे ही वाचा – चंद्रपुरातील सामान्य नेता

    चंद्रपूर लोकसभा मतदारसंघात एकूण 18 लक्ष 37 हजार 906 मतदार आहे. यात 9 लक्ष 45 हजार 736 पुरुष मतदार, 8 लक्ष 92 हजार 122 स्त्री मतदार तर 48 इतर मतदार आहेत. यापैकी संध्याकाळी 5 वाजेपर्यंत 5 लक्ष 26 हजार 229 पुरुष मतदारांनी (55.64 टक्के), 4 लक्ष 86 हजार 708 स्त्री मतदारांनी (54.56 टक्के) तर पाच इतर नागरिकांनी (10.42 टक्के) असे 10 लक्ष 12 हजार 942 (55.11 टक्के) मतदारांनी मतदान केले. Chandrapur Loksabha Election Day

     

    लोकसभा सार्वत्रिक निवडणूक 2024 साठी आज चंद्रपूर लोकसभा मतदारसंघात शांततेत मतदानाला सुरुवात झाली. मतदान केंद्रांवर सकाळी सात वाजतापासूनच मतदारांनी हजेरी लावली होती. ठिक-ठिकाणी मतदारांच्या लांब रांगा दिसल्या. दिव्यांग व वरिष्ठ मतदारांना सुलभपणे मतदान करता यावे यासाठी जिल्हा प्रशासनाच्या वतीने विशेष व्यवस्था करण्यात आली होती. Chandrapur Loksabha Election Day

     

    चंद्रपूर लोकसभा मतदार संघात सायंकाळी 5 वाजेपर्यंत वाजेपर्यंत 55.11 टक्के मतदान झाले. काही मतदान केंद्रांवर महिला व युवा मतदारांची गर्दी दिसून आली. तसेच पहिल्यांदाच मतदान करणा-यांमध्ये उत्साह निदर्शनास आला. जिल्ह्यात प्रत्येक विधानसभा मतदार संघात महिला व्यवस्थापन मतदान केंद्र, दिव्यांग व्यवस्थापन मतदान केंद्र, युवा कर्मचारी व्यवस्थापन मतदान केंद्र आणि आदर्श मतदान केंद्र स्थापन करण्यात आले होते.

     

    जिल्हाधिकारीही मतदानासाठी रांगेत : जिल्हा निवडणूक अधिकारी तथा जिल्हाधिकारी विनय गौडा जी.सी. यांनी सहपरिवार येथील शासकीय औद्योगिक प्रशिक्षण केंद्रात सकाळी मतदानाचा हक्क बजावला. सुरवातीला मतदान केंद्राची पाहणी केल्यानंतर मतदान करण्यासाठी ते स्वत: रांगेत उभे राहिले. Chandrapur Loksabha Election Day

     

    18 व्या लोकसभेच्या निवडणुकीत प्रशासनाचे ढिसाळ नियोजन चर्चेत राहिले

    यामध्ये सर्वात मोठी अडचण ही मतदारांची झाली, मतदान केंद्रावर पोहचल्यावर अनेक मतदारांची नाव यादीत नसल्याने संभ्रम वाढला, काही मतदार ह्यात असताना त्या मृत दाखविण्यात आल्या तर काहींच्या नावा समोर डिलीट शब्दाचा उल्लेख होता, शहरातील बगड खिडकी येथील प्रियदर्शिनी शाळेत काहींनी बोगस मतदान केलं असल्याचा आरोप नागरिकांनी लावला, या बुथवर तब्बल 250 नागरिकांची नावे गहाळ झाली होती, नागरिकांनी आक्षेप घेतल्यावर त्या बुथवर काही काळ तणावाची स्थिती निर्माण झाली होती. नागरिकांतर्फ कादर शेख यांनी प्रशासनासमोर आपली बाजू मांडली.

     

    बाबूपेठ, ज्युबिली शाळेतील ईव्हीएम मशीन काही काळ बंद राहिल्याने त्याठिकाणी 1 ते 2 तास मतदान उशिरा सुरू झाले. Chandrapur Loksabha Election Day

     

    लोकसभा क्षेत्रातील अपक्ष उमेदवार मिलिंद दहिवले यांच्या आईचे नाव यादीतून गहाळ झाले त्यावेळी दहिवले यांनी जिल्हा निवडणूक अधिकारी विनय गौडा त्यांच्याकडे दाद मागितली मात्र त्यांनी असमर्थता दर्शविली.

     

    चंद्रपूर मनपा शाळेतील विद्यार्थ्यांना भर उन्हात मतदान केंद्रावर वोलेंटियर म्हणून नियुक्ती करण्यात आली होती, सकाळी 7 वाजेपासून विद्यार्थी दिव्यांग व 80 वय वर्षे नागरिकांना मतदान करण्यासाठी घेऊन जात होते, प्रशासनाकडे पुरेसे मनुष्यबळ असल्याने विद्यार्थ्यांना भर उन्हात प्रशासनाने नाहक त्रास दिला, काही ठिकाणी मनपा शाळेतील विद्यार्थ्यांना जेवण सुद्धा मिळाले नाही.

    मतदानाच्या दिवशी सकाळी वरोरा येथील लोकमान्य टिळक शाळेतील मतदान केंद्रावर महाविकास आघाडी उमेदवार प्रतिभा धानोरकर यांनी सकाळीच मतदान केले, त्यासोबत वंचित बहुजन आघाडीचे उमेदवार राजेश बेले यांनी मतदानाचा हक्क बजावला, दुपारी 12 वाजेनंतर सुधीर मुनगंटीवार यांनी मतदानाचा हक्क बजावला, त्यापाठोपाठ राष्ट्रीय मागासवर्गीय आयोगाचे अध्यक्ष हंसराज अहिर, चंद्रपूर चे अपक्ष आमदार किशोर जोरगेवार, शिक्षक आमदार सुधाकर अडबाले यांनी सुद्धा मतदानाचा हक्क बजावला.

  • General Leader Kishor Jorgewar : चंद्रपुरातील नेत्यामधील सामान्य माणूस

    General Leader Kishor Jorgewar : चंद्रपुरातील नेत्यामधील सामान्य माणूस

    General Leader Kishor Jorgewar लोकसभा निवडणुकीच्या पहिल्या टप्यातील मतदानाला आज सकाळी ७ वाजता पासून सुरवात झाली. यावेळी सकाळ पासूनच आमदार किशोर जोरगेवार फिल्डवर दिसून आले. यावेळी ते एखाद्या सर्वसामान्य नागरिकाप्रमाणे फुटपाथवरील नाश्ता दुकानात नाश्ता करत असल्याचा फोटो समाज माध्यमांवर वायरल झाला आहे. त्यामुळे नेत्यामधील सामान्य माणूस असेच काहीसे यातून दिसत आहे.

     

    आज मतदानाचा दिवस आहे. त्यामुळे मागील काही दिवसात उम्मेदवारांनी केलेल्या प्रचाराचे आज मतात रुपांतरण करण्याचे मोठे आवाहन उमेदवारांपुढे आहे. त्यामुळे सकाळ पासूनच सर्व राजकीय पक्षांचे नेते पधाधिकारी फिल्डवर दिसून येत असून मतदानासाठी येणाऱ्या मतदात्यांशी संवाद साधत आहे. General Leader Kishor Jorgewar

     

    यात चंद्रपूरचे अपक्ष आमदार किशोर जोरगेवार हे सुध्दा मागे नाही. आज सकाळी पटेल हायस्कूल या बुथवर मतदान करून ते ही विविध बुथवर भेटी देतांना दिसून येत आहे. General Leader Kishor Jorgewar

     

    निवडणुकीच्या या रणधुमाळीत कमी वेळात अधिक ठिकाणी जाण्यासाठी मोठी दमछाक होत असते.
    दरम्यान बंगाली कँम्प येथील एका टपरीवर चहा नाश्ता करत असताना फोटो वायरल होत आहे. सर्वसामान्य नागरिकाप्रमाणे ते नागरिकांमध्ये बसून नाश्ता करताना पाहून तेथील नागरिकांना सुखद धक्का बसला. सर्वसामान्य नागरिकांमध्ये मिसळणारे नेते म्हणून त्यांची ओळख आहे. ती या प्रसंगामुळे पुन्हा एकदा दिसून आली.

  • Chandrapur Politicians in One Frame : चंद्रपूरच्या राजकारणातील दिग्गज एका फ्रेममध्ये

    Chandrapur Politicians in One Frame : चंद्रपूरच्या राजकारणातील दिग्गज एका फ्रेममध्ये

    Chandrapur Politicians in One Frame चंद्रपूर लोकसभा निवडणूकीचा प्रचार थंडावल्या नंतर सर्व कार्यकर्ते गुप्त प्रचारात व्यस्त झाले आहे.महत्वाचे म्हणजे चंद्रपुरातील ना सुधीर मुनगंटीवार,राष्ट्रीय ओबीसी आयोगाचे अध्यक्ष हंसराज अहिर व आमदार किशोर जोरगेवार एकत्र आल्याने या विषयाची चर्चा राजकीय वर्तुळात आहे.बुधवारी झालेल्या यंग चांदा ब्रिगेडच्या सभेत आ.जोरगेवार यांनी ना.मुनगंटीवार यांना गुरूची उपमा देत,त्यांना विजयी करण्याचा संकल्प केल्याने गुरूला मिळाली शिष्याची साथ अशी चर्चा आहे.यातच रामनवमीच्या शोभायात्रेत हंसराज अहिर यांनी हजेरी लावून तिघांनी रामभक्तांचे अभिनंदन केल्याने नको त्या चर्चांना विराम मिळाला.

    ही बातमी अवश्य वाचा – सुधीर मुनगंटीवार झाले भावूक

    वेगवेगळ्या क्षेत्रातील सामाजिक संघटना चंद्रपूर-वणी-आर्णी लोकसभा मतदार संघातील भाजपा महायुतीचे उमेदवार ना. सुधीर मुनगंटीवार यांना जाहीर पाठींबा दिला आहे. Chandrapur Politicians in One Frame

    राजकीय बातमी – ठाकरे गटाचे कट्टर झाले मोदी प्रेमी

    यात महिला पतंजलि योग समिती महाराष्ट्र, पालेवार भोई समाज चंद्रपूर, चंद्रपूर जिल्हा साऊन्ड सिस्टम असोशिएशन चंद्रपूर, राष्ट्रीय हिन्दू महासभा (भारत), राष्ट्रीय संघर्ष समिती ईपीएस 95 चंद्रपूर जिल्हा, सोनार समाज चंद्रपूर जिल्हा, विश्वब्राम्हण पांचाळ सेवा समिती जिल्हा चंद्रपूर,तेलगू शिंपी समाज,फार्मर प्रोड्युसर कम्पनी,राजपूत समाज,बीआरएस,जनआक्रोश संघटना, यंग चांदा ब्रिगेड,धनोजे कुणबी समाज संघटना, धनगर समाज,खेडुले कुणबी समाज,भोई समाज,हिंदी भाषिक ब्राह्मण समाज,चंद्रपूर गडचिरोली ब्राह्मण सभा,जिल्हा मच्छिमार संघ,यांच्यासह अनेक सामाजिक संघटनांनी ना. सुधीर मुनगंटीवार यांना निवडून देण्याचा संकल्प हाती घेतला आहे. Chandrapur Politicians in One Frame

     

    सुधीर मुनगंटीवार सारखा आपल्या हक्काचा उमेदवार निवडून यावा यासाठी अनेक संघटना सरसावल्या आहेत.

  • Sudhir Mungantiwar Chandrapur : सुधीर मुनगंटीवार झाले भावूक

    Sudhir Mungantiwar Chandrapur : सुधीर मुनगंटीवार झाले भावूक

    Sudhir Mungantiwar Chandrapur चंद्रपूर-वणी-आर्णी लोकसभा मतदार संघातील भाजपा, शिवसेना, राष्ट्रवादी काँग्रेस, रिपाई (आठवले गट), पीपल्स रिपब्लिकन पार्टी (कवाडे गट), रासप मित्रपक्ष महायुतीचे अधिकृत उमेदवार ना. सुधीर मुनगंटीवार यांचे यवतमाळ जिल्ह्यातील त्‍यांच्‍या आजोळी म्‍हणजेच बोरगावात दमदार स्‍वागत झाले.

    गावात प्रवेश करताच बंजारा समाजातील बांधवांनी पारंपरिक डफली वादन करून व भगिनींनी त्‍यांचे औक्षण करून स्‍वागत केले. यावेळी जोरदार फटाक्‍यांची आतषबाजी करण्‍यात आली. नागरिकांच्‍या या उत्‍स्‍फूर्त प्रतिसादाने ना. मुनगंटीवार काही क्षण भावूक झाले. मला आज माझ्या आजोळी प्रचार करण्‍याची संधी मिळाली, त्‍यासाठी मी स्‍वत:ला खूप भाग्‍यवान समजतो, असे ना. मुनगंटीवार यावेळी म्‍हणाले. Sudhir Mungantiwar Chandrapur

    यवतमाळ जिल्ह्यातील आर्णी तालुक्यातील बोरगाव हे ना. सुधीर मुनगंटीवार यांच्‍या मातोश्री चांगुणाबाई सच्चिदानंद मुनगंटीवार यांचे माहेर आहे.

     

    लहानपणी शाळेला सुट्ट्या लागल्‍या की ते उन्हाळ्यात महिनाभरासाठी आजोळी मुक्कामाला येत असत. गावचा नातू ते राज्याचा कॅबिनेट मंत्री असा भन्नाट प्रवास केलेल्‍या ना. सुधीर मुनगंटीवार यांची आजोळबद्दलची ओढ जाहीर सभेच्‍या निमित्‍ताने परत एकदा बोरगाववासियांनी अनुभवायला मिळाली. Sudhir Mungantiwar Chandrapur

     

    यावेळी झालेल्‍या जाहीर सभेत त्‍यांनी जुन्या आठवणींना उजाळा दिला. ते म्‍हणाले, लहानपणी येथील बंजारा समाजातील माता-भगिनींनी माझ्यावर भरभरून प्रेम केले आहे. गावक-यांचे माझ्यावर मोठे ऋण असून ते मला येथील लोकांचा विकास साधून फेडायचे आहे. भरघोस मतदान करून तुम्‍ही ती संधी द्याल, असा विश्‍वास आहे, असे ते म्‍हणाले.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by