Author: Admin

Chandrapur police bharti चंद्रपूर पोलीस दलातील 137 पोलीस शिपाई व 9 बॅण्ड मॅन च्या पदासाठी 19 जून पासून उमेदवारांच्या शारीरिक चाचणी ची प्रक्रिया सुरु होणार आहे अशी माहिती जिल्हा पोलीस अधीक्षक ममुमक्का सुदर्शन यांनी पत्रकार परिषदेद्वारे दिली.

महत्त्वाचे : मुलीच्या लग्नासाठी महाराष्ट्र सरकार देणार 25 हजार रुपये

विशेष बाब म्हणजे यंदा पोलीस भरतीची प्रक्रिया जिल्हा क्रीडा संकुल येथे पार पडणार आहे.
137 पोलीस शिपाई पदाकरिता तब्बल 22 हजार 583 अर्ज प्राप्त झाले आहे, त्यामध्ये पुरुष उमेदवारांचे 13 हजार 443 अर्ज, महिला उमेदवारांचे 6 हजार 315 अर्ज तर 2 तृतीयपंथीयांचे अर्ज प्राप्त झाले आहे. तर 9 बँड्समॅन च्या पदासाठी 2 हजार 176 पुरुष उमेदवारांचे अर्ज, 646 महिला उमेदवार तर 1 तृतीयपंथी उमेदवाराचा अर्ज प्राप्त झाला आहे.

अवश्य वाचा : रेशनकार्ड धारकांसाठी आनंदाची बातमी

Chandrapur police bharti पावसाची शक्यता बघता उमेदवारांची शारीरिक चाचणी जिल्हा क्रीडा संकुलात होणार असून त्याठिकाणी उमेदवाराने हजर व्हायच्या आधी उंची व छातीचे मोजमाप करीत त्यांचे कागदपत्रे तपासल्यांनंतर त्यांना आत प्रवेश दिल्या जाणार आहे.

त्यांनतर शारीरिक चाचणीमध्ये पुरुषाच्या 100, 1600 मीटर व महिलांची 100, 800 मीटर धावण्याची चाचणी घेण्यात येईल. जिल्हा क्रीडा संकुलातील सिंथेटिक ट्रॅक वर उमेदवारांना स्पोर्ट शूज वापरण्यास मुभा देण्यात येईल.

अवश्य वाचा : 12 वी पास झाला तर हे अभ्यासक्रम निवडा, आणि मिळवा लाखोंचे पॅकेज

Chandrapur police bharti सदर पोलीस भरती प्रक्रिया हि पूर्णपणे पारदर्शक व्हावी यासाठी RFID पद्धतीचा वापर करण्यात आला आहे.
सदर भरती प्रक्रिया हि सीसीटीव्ही कॅमेऱ्याच्या निगराणीत होणार असून उमेदवाराने बाहेरील व्यक्तीच्या आमिषाला बळी न पडत स्वतः गुणवत्ता सिद्ध करीत या भरती प्रक्रियेत सहभाग घ्यावा असे आवाहन पोलीस अधीक्षक मुमक्का सुदर्शन यांनी केले आहे.

शारीरिक क्षमता चाचणी प्रक्रियेत उमेदवाराने उत्तेजनार्थ पदार्थाचे सेवन करणार नाही याचे हमीपत्र त्यांच्याकडून लिहून घेतल्या जाणार आहे, जर या आदेशाचे पालन न केल्यास उमेदवाराला भरती प्रक्रियेतून बाद करण्यात येईल.

Chandrapur police bharti 19 जून ला सुरु होणाऱ्या या भरती प्रक्रियेसाठी काही उमेदवार 1 किंवा 2 दिवसापूर्वी दाखल होतात, यंदा उमेदवार उघड्यावर कुठेही राहू नये यासाठी चंद्रपूर पोलिसांनी त्यांची व्यवस्था पोलीस मुख्यालय येथील ड्रिल शेड मध्ये केली आहे.

बाहेरील किंवा इतर कर्मचारी उमेदवारांना पोलीस दलात लावून देत असल्याचे आमिष देत असेल तर त्यांच्या आमिषाला बळी पडू नका त्याबाबत लाचलुचपत प्रतिबंधक विभागाला तक्रार करावी असे आवाहन पोलीस अधीक्षक मुमक्का सुदर्शन यांनी केले आहे.
महिनाभर चालणाऱ्या या भरती प्रक्रियेदरम्यान पावसामुळे व्यत्यय आल्यास उमेदवारांना पुढची सुयोग्य तारीख कळविण्यात येईल.
आयोजित पत्रकार परिषदेत अप्पर पोलीस अधीक्षक रीना जनबंधू उपस्थित होत्या.

Inspection of dams आमदार किशोर जोरगेवार यांच्या मागणी नंतर जलसंधारण विभागाने उपलब्ध करून दिलेल्या १२ कोटी रुपयांच्या निधीतून विचोडा रयतवारी, जूनी पडोली, अंतुर्ला येथे बंधा-र्याचे काम करण्यात आले आहे. दरम्यान आमदार किशोर जोरगेवार यांनी विचोडा रय्यतवारी आणि जुनी पडोली येथील बंधा-र्याच्या कामाची पाहणी केली आहे. सदर काम पुर्ण झाले आहे. या बंध-यामुळे येथील शेकडो हेक्टर शेतीच्या सिंचनणाचा प्रश्न सुटणार आहे.

अवश्य वाचा : चंद्रपुरात भावी सैनिकांचा सत्कार

  यावेळी जुनी पडोलीचे उपसरपंच सुनिता नागरकर, भास्कर नागरकर, देवानंद नागरकर, दादाजी वाढई, नथ्थु वाडगुरे, विकास वाढई, ग्रामपंचायत सदस्य सुभाष आवळे, यंग चांदा ब्रिगेडचे ग्रामीण तालुका अध्यक्ष राकेश पिंपळकर, छोटा नागपूर उपसरपंच रिषभ दुपारे, प्रतिक्षा ठावरी, रंजुदेवी विश्वर्कमा, कुंटा वाघमारे, मुद्रीका कस्तुरे, गीता मासिरकर, संजय बोबडे, गणेश दिवसे, शोभा दिवसे, सविता बोबडे,  ज्ञाणेश्वर पिंगे, पिंटु देवगडे, संदेश साव आदींची उपस्थिती होती.

   Inspection of dams  आरोग्य, शिक्षण आणि शेती या तिनही विषयांवर आमदार किशोर जोरगेवार यांचे विशेष लक्ष राहिले आहे. या क्षेत्रातील प्रश्न सोडविण्यासाठी आमदार किशोर जोरगेवार यांनी मोठा निधी खेचून आणला आहे. या अगोदर आमदार किशोर जोरगेवार यांनी चंद्रपूर तालुक्याला कापूस उत्पादक तालुका घोषीत केला आहे. तसेच सिएसटीपीएस च्या राखेमुळे शेतपिकांचे नुकसान होत होते. सदर राख नाल्यात जमा झाल्याने. सदर दुषीत राख शेतक-यांच्या शेतात जात होती. त्यामुळे आमदार किशोर जोरगेवार यांनी सदर नाल्याचे खोलीकरण करण्याचे काम हाती घेतले होते.

अवश्य वाचा : 300 आपदा मित्र जिल्हा प्रशासनाच्या मदतीला

Inspection of dams परिणामी हा प्रश्न सुटला. ग्रामीण भागातील पाणी प्रश्न सुटावा यासाठी आमदार किशोर जोरगेवार यांचे सातत्याने प्रयत्न सुरु आहे. मोठा निधी या भागात आमदार किशोर जोरगेवार यांनी विविध विकासकामांसाठी खर्च केला आहे. विचोडा रयतवारी, जूनी पडोली, अंतुर्ला लगत असलेल्या गावांचा पाणी प्रश्न सुटावा यासाठी सदर तिन्हीही गावात गेटेड बंधारे तयार करण्यात यावेत अशी मागणी आमदार किशोर जोरगेवार यांनी केली होती. अखेर या कामासाठी जलसंधारण विभागाने १२ कोटी रुपयांचा निधी मंजुर केला होता. या निधीतून या तीनही गावात बंधा-र्यांचे काम करण्यात आले आहे. दरम्यान आमदार किशोर जोरगेवार यांनी विचोडा रय्यतवारी आणि छोटी पडोली येथे भेट देत येथील बंधाऱ्यांची पाहणी केली. या बंधा-याचे काम पुर्ण झाले असून येथील शेकडो हेक्टर शेतीच्या सिंचनाचा प्रश्न सुटला आहे.

तसेच या बंधा-यांमुळे विचोडा, जुनी पडोली, छोट नागपूर, अंबोरा खैरगाव, चांद सुर्ला, लखमापूर आदि गावे जुळल्या गेली आहे.  बंधाऱ्यांसाठी निधी उपलब्ध करून दिल्याबदल विचोडा ग्रामपंचायत येथे आमदार किशोर जोरगेवार यांचा सत्कार करत गावकऱ्यांनी त्यांचे आभार मानले.

  सदर काम उत्तम दर्जाचे झाले आहे. या बंधा-यामुळे गावक-यांना मोठा फायदा होणार आहे. सोबत येथे आणखी काम आपण करणार आहोत. असे यावेळी आमदार किशोर जोरगेवार यांनी म्हलले आहे.

National Military School Rajasthan सैनिक स्कूलमध्ये प्रवेश मिळवणे हे तुमच्या धैर्य आणि आत्मविश्वासाचे प्रतीक आहे. तुमच्या मेहनतीने तुम्ही आज इथे उभे असून सैनिक स्कूल आणि मिलिटरी स्कूलमध्ये निवड होणे हे तुमच्या कठोर परिश्रम आणि निष्ठेचे फळ असल्याचे प्रतिपादन आमदार किशोर जोरगेवार यांनी केले.

अवश्य वाचा : महिलांना उद्योगासाठी मिळणार 50 हजार, अफवेने खासदार त्रस्त

यंग चांदा ब्रिगेडच्या शिक्षण विभाग आघाडीच्या वतीने कार्यालयात राष्ट्रीय मिलिटरी स्कूल आणि सैनिक स्कूलमध्ये निवड झालेल्या चंद्रपूरातील विद्यार्थ्यांचा गौरव सोहळ्याचे आयोजन करण्यात आले होते. या प्रसंगी ते बोलत होते. या कार्यक्रमाला सेवानिवृत्त सैनिक रोषण अलोने, सेवानिवृत्त सैनिक अश्विन दुर्गे, ज्ञानोबा नरोटे आदींची प्रमुख उपस्थिती होती.

हे ही वाचा : 300 आपदा मित्र प्रशासनाच्या सोबतीला

  National Military School Rajasthan यावेळी पुढे बोलताना आ. जोरगेवार म्हणाले, सैनिक स्कूलमधील शिक्षण तुमच्यासाठी जीवनातील एक नवा अध्याय असून यात तुम्ही अनुशासन, नेतृत्वगुण आणि सेवा भावनेत परिपूर्ण होणार आहात. शिक्षकांच्या कष्ट आणि समर्पणामुळेच हे विद्यार्थी आज इथे उभे आहेत. तुमच्या मार्गदर्शनामुळेच त्यांना योग्य दिशा मिळाली आणि त्यांच्या क्षमतेचा पूर्ण वापर करता आला. तुमच्या अथक प्रयत्नांमुळेच आज हे विद्यार्थी सैनिक स्कूलमध्ये प्रवेश घेण्यास सक्षम झाले आहेत.

National Military School Rajasthan पालकांच्या सततच्या पाठिंब्यामुळे आणि त्यागामुळे मुलांनी हे यश मिळवले आहे. हे यश तुमच्यासाठी फक्त एक प्रारंभ आहे. सैनिक स्कूलमध्ये तुम्हाला उत्कृष्ट शिक्षण, शारीरिक प्रशिक्षण आणि मानसिक बळ मिळणार आहे. या संधीचा पूर्ण वापर करून, तुम्ही तुमच्या कर्तृत्वाने देशाची सेवा करण्यासाठी सज्ज व्हा. नवीन ज्ञान मिळवा, नवीन गोष्टी शिका आणि आपल्याला मिळालेल्या संधीचे सोने करा. तुमची मेहनत आणि समर्पणच तुम्हाला यशाच्या शिखरावर घेऊन जाईल, असे यावेळी आमदार किशोर जोरगेवार म्हणाले.

राष्ट्रीय मिलिटरी स्कूलमध्ये निवड झालेल्या सुनिधी निर्वाण हिचा विशेष सत्कार

राजस्थान येथील राष्ट्रीय मिलिटरी स्कूलमध्ये देशातील 10 मुलांची निवड करण्यात आली आहे. यात सुनिधी निर्वाण हिचा समावेश असून सुनिधी ही या शाळेत प्रवेश मिळवणारी राज्यातील एकमेव मुलगी आहे. तिच्या या कामगिरीबद्दल आमदार किशोर जोरगेवार यांच्या वतीने तिचा विशेष सत्कार करण्यात आला.

Smart prepaid meter महाराष्ट्रात शासनाने प्रीपेड स्मार्ट मीटर प्रत्येक घरावर दरोडा टाकणारी योजना अमलात आणली असून या योजनेसह प्रकार रूप देण्याच्या जबाबदारी पासून महाराष्ट्राचे सर्व आमदार नामदार मुक्त होऊ शकत नाही तूर्तास काही आमदारांनी जनतेचा आक्रोश पाहता मंत्र्यांना निवेदन देऊन छायाचित्र प्रसारित करण्याचा सपाटा लावला आहे.

अवश्य वाचा : स्मार्ट वीज मीटर चा निर्णय तात्पुरता रद्द, चंद्रपुरात सुरू झाली श्रेयवादाची लढाई

कोरोना काळात विद्युत दर वाढले तेव्हा सुद्धा व आता पुन्हा एप्रिलमध्ये दरवाढ झाली असताना या मान्यवरांनी विरोध न करता फक्त निवडणुकीच्या काळात २०० युनिट मोफत मिळवून देण्याचे स्वप्न दाखविण्यापलीकडे त्यांना संपत असलेल्या या पाच वर्षात काही साध्य करता आले नाही.

चंद्रपूर

Smart prepaid meter चंद्रपूर जिल्ह्यात सी टी पी एस सह विविध उद्योगांचे प्रदूषण रोगराई बेरोजगारीनंतर महावितरण कंपनीकडून जबरन प्रीपेड स्मार्ट मीटर्स लावण्याचा संग बांधण्यामागील मुख्य बाबी समोर नमूद करण्यापूर्वी या महाभागाने हा उपक्रम राबवण्यापूर्वी राज्य विद्युत नियमक मंडळाकडून रीतसर परवानगी घेण्याचे सौजन्य सुद्धा पूर्णत्वे पार पाडले नाही यामागे अधिक चौकशी केली असता समोर आलेली माहिती विद्युत ग्राहकांकरिता धक्कादायक राहणार आहे गेल्या दोन वर्षात दोन वेळा विद्युत दरात मोठी वाढ करून महाराष्ट्र शासनाने राज्यातील गोरगरीब जनतेला जोराचा शॉक दिला असताना आता महाराष्ट्र शासन नवीन प्रीपेड स्मार्ट मीटर घराघरात बसवून रिचार्ज मारूनच व्हेज वापर करण्यास भाग पाडत आहे.

हे ही वाचा : बल्लारपूर रेलवे स्टेशनवरील त्या घटनेची पुनरावृत्ती होऊ देऊ नका – डॉ.अभिलाषा गावतुरे

वीज दरात होत असलेली वाढ व वीज निर्मितीस येणारा खर्च याचे गुणोत्तर केल्यास निश्चितच लक्षात येईल की कशाप्रकारे राज्य करते जनसामान्यांचे हाल करीत आहे विशेष म्हणजे या कंपन्यांना या भागात स्मार्ट मीटर पुरविण्याचे काम दिले आहे त्या कंपन्या प्रत्येक ग्राहकांच्या घरी मीटर बसविणार असून भांडुप कल्याण कोकण या ठिकाणी 63 लक्ष 24 हजार 66 मीटर बसविण्याकरिता गौतम अदानी यांच्या कंपनीस सात हजार 594 कोटी 45 लाखांचे टेंडर देण्यात आले आहे तसेच बारामती पुणे येथे 52 लाख 44 हजार 917 प्रीपेड मीटर्स लावण्याचे कंत्राटही गौतम अदानी यांच्याच कंपनीस दिल्याचे समोर आले आहे ज्याची किंमत 6294 कोटी 48 लक्ष इतकी आहे तर नाशिक आणि जळगावचे टेंडर एनसीसी ट्रेडर्स यांना एकूण 28 लाख 86 हजार 622 मीटर बसविण्याकरिता 34001 कोटी 6 लाख रुपयांचे कंत्राट देण्यात आले आहे विशेष म्हणजे एनसीसी कंपनी अर्थात नागार्जुन कंट्रक्शन कंपनी लिमिटेड जी हैदराबादची असून ही कंपनी बांधकाम क्षेत्रात कार्यरत आहे.

Smart prepaid meter लातूर, नांदेड, औरंगाबाद येथे मांटे कारलो या नावाची कंपनी 27 लाख 77 हजार 760 स्मार्ट मीटर बसविणार असून त्याकरिता 330 कोटी 53 लाख रुपयांचे कंत्राट मोंटी कार्लो देण्यात आले आहे.

महत्त्वाचे : रेशन कार्ड धारकांसाठी महत्वाची बातमी

चंद्रपूर गोंदिया नागपूर करिता तीस लाख तीस हजार 346 मीटर लावण्याचा ठेका मेसर्स जीनस या कंपनीस एकूण 3635 कोटी 53 लाखांचा कंत्राट बहाल करण्यात आलेला आहे अकोला व अमरावती करिता 21 लाख 76 हजार 636 स्मार्ट प्रीपेड मीटरचा ठेका 267 कोटी 61 लाख रुपयांना दिला असून विशेष म्हणजे महाराष्ट्रात घरोघरी दोन कोटी 24 लाख 61 हजार 346 मीटर बसविण्यात येणार असून त्याकरिता वीज कंपनी 26000923 कोटी वीज कंपनी अदा करणार आहे.

Smart prepaid meter महत्त्वाची बाब म्हणजे शासनाने एका स्मार्ट मीटरचा खर्च साधारणतः 12000 रुपये आकारला असून मीटर आधी रिचार्ज करावा लागतो तेव्हाच वीज वापर करता येतो ज्या वेळेला रिचार्ज संपला तर दुसऱ्या दिवशी दहा वाजे पावे तो रिचार्ज करावा लागेल नाहीतर वीज पुरवठा बंद करण्यात येईल.

गमतीची बाब म्हणजे घरोघरी मीटर लावण्याचे काम ज्यांना दिले आहे त्यापैकी फक्त जीनस या कंपनीलाच मीटर निर्मितीचा अनुभव आहे बाकी सगळ्या कंपन्या इतरांकडून वेळ पडल्यास बाहेरून मीटर खरेदी करून ग्राहकांच्या घरी लावणार आहेत.

महत्त्वाचे
महत्त्वाची बाब म्हणजे या सर्व कंपन्या वीज निर्माण करणार नाही वीज कंपनीकडून वीज घेऊन ती ग्राहकांच्या घरोघरी पोहोचविणार ग्राहक वापरापूर्वीच आधी विजेचे रिचार्ज करून या कंपन्यांच्या मार्फत वीज विकत घेणार ग्राहकांकडून जमा केलेले पैसे ही कंपनी तीन महिने वापरून बिना व्याजाने नंतर विज कंपनीला देणार म्हणजे वीज आमची पाणी आमची कोळसा आमचा खनिज साधन संपत्ती आमची व त्यावर संपूर्ण नियंत्रण मीटर पुरवठादार कंपन्यांचे असणार.
आजच्या घटकेला वीज ग्राहक असलेला व्यक्ती हा ग्राहक राहणार नाही तर तो उपभोक्ता ठरेल म्हणजे कंज्यूमर ऍक्टचे संरक्षणाचा लाभ संपुष्टात येईल.

Smart prepaid meter या विषयाचे गांभीर्य लक्षात घेता विद्युत ग्राहक अन्याय अधिकार व रक्षा संघर्ष समितीच्या वतीने अध्यक्ष सरदार हरविंदर सिंह धून नाजी यशवंत दाचेवर डॉक्टर एस वाय साखरकर डॉक्टर मनोज खोब्रागडे श्री दीपक खाडीलकर श्री योगेश उपरे श्री पंकज गुप्ता यांनी तीव्र भावना व्यक्त करून जर ऊर्जामंत्री देवेंद्र फडणवीस मुख्यमंत्री तसेच विविध पक्षाचे प्रदेशाध्यक्ष यांनी तात्काळ दखल न घेतल्यास निषेध म्हणून प्रतीकात्मक बांबू जाळून या उपक्रमाचा विरोध न करणाऱ्या तसेच ही प्रक्रिया होत पावे तो गप्प राहणाऱ्यांचा निषेध करण्यात येईल असेही जाहीर केले आहे.