My Blog

Author: Admin

  • Rajura Assembly Constituency : देवराव भोंगळे यांच्या उमेदवारीला भाजपच्या माजी आमदारांचा विरोध

    Rajura Assembly Constituency : देवराव भोंगळे यांच्या उमेदवारीला भाजपच्या माजी आमदारांचा विरोध

    Rajura Assembly Constituency 26 ऑक्टोबर रोजी भाजपने उमेदवारांची यादी जाहीर केली यामध्ये चंद्रपूर जिल्ह्यातील वरोरा, ब्रह्मपुरी व राजुरा विधानसभा क्षेत्राचा समावेश होता, ब्रह्मपुरी मधून कृष्णा सहारे, वरोरा करन देवतळे व राजुरा विधानसभा क्षेत्रातून देवराव भोंगळे यांना उमेदवारी जाहीर झाली होती.


    Rajura Assembly Constituency देवराव भोंगळे यांच्या उमेदवारीला माजी आमदार संजय धोटे, सुदर्शन निमकर व खुशाल बोन्डे यांनी तीव्र नाराजी जाहीर करीत आम्हाला आयात उमेदवार नको अशी प्रतिक्रिया पत्रकार परिषद द्वारा दिली.

    राजकीय : आमदार किशोर जोरगेवार झाले भाजपवासी


    देवराव भोंगळे हे मूळचे घुग्गुस येथील निवासी असून मागील वर्षभरापासून ते राजुरा विधानसभा क्षेत्रात घिरट्या घालत आहे, राजुरा क्षेत्रात ते जेष्ठ कार्यकर्ते व पदाधिकारी यांचा सन्मान करीत नाही, एकाही कार्यकर्त्यांना ते कार्यक्रमाचे निमंत्रण देत नाही, अश्या घमंडी लोकांना भाजपने उमेदवारी दिली असून त्याला आमचा विरोध आहे.
    देवराव भोंगळे यांची उमेदवारी जाहीर होताच राजुरा क्षेत्रात हजारो कार्यकर्ते बैचेन झाले, आम्ही पक्षातून दुसऱ्या पक्षात जाणार अशी तीव्र प्रतिक्रिया कार्यकर्त्यांनी दिली. Rajura Assembly Constituency

    दादाची दादागिरी नको


    पक्ष श्रेष्ठीने राजुरा येथील स्थानिक पदाधिकारी किंवा एका गरीब कुटुंबातील शेतकऱ्यांना उमेदवारी द्यावी आम्ही त्यांचे काम करू व विधानसभा निवडणूक जिंकू मात्र भोंगळे यांच्यासोबत आम्ही काम करणार नसल्याचा इशारा माजी आमदार संजय धोटे यांनी पत्रकार परिषद मार्फत दिला.
    पक्ष श्रेष्ठीने यावर निर्णय घ्यावा अन्यथा आम्ही वेगळा मार्ग स्वीकारू असा इशारा देण्यात आला.

    धोटे पुढे म्हणाले की भोंगळे यांनी लोकसभा निवडणुकीत अति आत्मविश्वास दाखविला त्यामुळे राजुऱ्यातून भाजपला सर्वात कमी मतदान मिळाले होते, असले आयात केलेले उमेदवार आम्हाला नको आहे. याठिकाणी दादा चा वादा चालणार नाही.
    आयोजित पत्रकार परिषदेत भाजप कार्यकर्त्यांची उपस्थिती होती.

  • Mla kishor jorgewar in bjp : आमदार किशोर जोरगेवार यांची घरवापसी

    Mla kishor jorgewar in bjp : आमदार किशोर जोरगेवार यांची घरवापसी

    mla kishor jorgewar in bjp विधानसभा निवडणुकीची तारीख जाहीर झाल्यापासून चंद्रपूर विधानसभा क्षेत्रात अपक्ष आमदार किशोर जोरगेवार यांना कोण टक्कर देणार असा प्रश्न सर्व राजकीय पक्षासमोर उभा झाला होता, आधी राष्ट्रवादी कांग्रेस शरद पवार गटाला जोरगेवार यांनी उमेदवारी मागितली, त्यावेळी चंद्रपूर कांग्रेस व खासदार प्रतिभा धानोरकर यांनी जोरगेवार यांच्या उमेदवारीला तीव्र विरोध दर्शविला, त्यामुळे आमदार जोरगेवार यांना राष्ट्रवादी कांग्रेसने उमेदवारी नाकारली.
    अनेक राजकीय घडामोडी नंतर आमदार जोरगेवार आज भाजप पक्षात सामील झाले आणि भाजपच्या जागेचा तिढा सुटला.


    Mla kishor jorgewar in bjp चंद्रपुरातील अपक्ष आमदार किशोर जोरगेवार व माजी कांग्रेस महिला जिल्हाध्यक्ष नम्रता ठेमस्कर यांनी आज भाजप पक्षात प्रवेश करीत पक्षाला मजबुती देण्याचे काम केले.
    यावेळी भाजपचे दिग्गज नेते सुधीर मुनगंटीवार व मागासवर्गीय आयोगाचे अध्यक्ष व माजी खासदार हंसराज अहिर यांच्या उपस्थितीत पक्ष प्रवेश कार्यक्रम घेण्यात आला.

    महत्त्वाचे : चंद्रपुर शहरात वेश्याव्यवसाय, 4 महिलांची सुटका


    विशेष म्हणजे जोरगेवार यांना भाजपचे तिकीट मिळावे यासाठी माजी खासदार हंसराज अहिर यांनी प्रयत्न केले.
    वर्ष 2019 च्या विधानसभा निवडणुकीत किशोर जोरगेवार यांनी सर्वच राजकीय पक्षांना पराभवाची धूळ चाटवित 72 हजारांचे मताधिक्य घेतले होते, आधी भाजप प्रवेशवरून अनेक वादंग पक्षात निर्माण झाले, मुनगंटीवार यांचे खंदे समर्थक ब्रिजभूषण पाझारे यांना तिकीट मिळावी याकरिता मुनगंटीवार हे प्रयत्नशील होते मात्र ऐनवेळी जोरगेवार यांच्या एंट्रीने पक्षात बंडाचे वातावरण निर्माण झाले, खुद्द मुनगंटीवार हे दिल्ली ला गेले, आणि पक्षाच्या स्थानिक कार्यकर्त्यांची भावना लक्षात घ्यावी व उमेदवारी देण्यात यावी अशी विनंती त्यांनी पक्ष श्रेष्ठीना केली होती. Mla kishor jorgewar in bjp

    बघा अनकट पक्ष प्रवेश सोहळा


    मात्र पक्ष श्रेष्ठीनी जोरगेवार यांच्या नावावर शिक्कामोर्तब केले, आणि त्यांचा पक्षप्रवेश कार्यक्रम आज घेण्यात आला.
    चंद्रपूर जिल्ह्याला मुनगंटीवार विरुद्ध किशोर जोरगेवार हा वाद नवा नाही मात्र यंदा जोरगेवार यांनी या वादात आघाडी घेतल्याने भाजप चंद्रपूर विधानसभा निवडणुकीत मुसंडी मारणार हे निश्चित झाले आहे.

    Namrata themaskar


    महिला कांग्रेसच्या माजी अध्यक्षा नम्रता ठेमस्कर यांनी खासदार प्रतिभा धानोरकर यांच्या जातीय राजकारण विरोधात कांग्रेस पक्षाचा राजीनामा दिला होता, चंद्रपूर जिल्ह्याच्या राजकारणात नम्रता ठेमस्कर यांची ओळख फायरब्रॅंड नेता म्हणून आहे.
    आजच्या पक्ष प्रवेश कार्यक्रमात आमदार जोरगेवार व ठेमस्कर यांच्या शेकडो समर्थकांनी पक्षात प्रवेश करीत जिल्ह्यातील 6 विधानसभा जागेवर विजय निश्चित होणार अशी हमी दिली. Mla kishor jorgewar in bjp

    विशेष म्हणजे आजच्या पक्षप्रवेश कार्यक्रमात भाजपचे ब्रिजभूषण पाझारे व त्यांचे समर्थक उपस्थित नव्हते, सध्या समाजमाध्यमांवर पाझारे हे उमेदवारी अर्ज दाखल करणार असे संदेश पसरलेले आहे.

    असंख्य कार्यकर्त्यांनी आम्ही जोरगेवार यांचं काम करणार नाही अशी भूमिका घेतली आहे, कार्यकर्त्यांच्या या बंडावर पालकमंत्री काय भूमिका घेणार ही येणारी वेळ सांगेलचं. Mla kishor jorgewar in bjp

    वर्ष 1995 पासून भाजप पक्ष चंद्रपूर विधानसभा निवडणुकीत विजय मिळवीत आला मात्र त्यांच्या विजयी रथाला खिंडार लावण्याचे काम आमदार जोरगेवार यांनी केले, त्यावेळी आमदार जोरगेवार यांना जनतेनी भाजपविरोधी मतदान केले होते, 2009 मध्ये जोरगेवार यांना भाजपने तिकीट नाकारल्यावर त्यांनी पक्ष सोडला आणि विधानसभा क्षेत्रात कार्यकर्त्यांची फौज निर्माण केली होती हे विशेष.

  • Prostitution : चंद्रपूर शहरात वेश्याव्यवसाय, 4 महिलांची सुटका

    Prostitution : चंद्रपूर शहरात वेश्याव्यवसाय, 4 महिलांची सुटका

    Prostitution विधानसभा निवडणुकीच्या रणधुमाळी मध्ये स्थानिक गुन्हे शाखा अवैध धंद्यावर कारवाई करण्याची मोहीम राबवित असून 26 ऑक्टोबर ला स्थानिक गुन्हे शाखेने राहत्या घरी वेश्याव्यवसाय करणाऱ्या महिलेला अटक करीत इतर 4 महिलांची सुटका केली.

    Prostitution आदर्श आचारसंहिता काळात पोलीस विभागाचे अधीक्षक मुमक्का सुदर्शन यांनी स्थानिक गुन्हे शाखेवर अवैध धंद्यावर कारवाई करण्याची जबाबदारी दिली असून पोलीस अधीक्षकांच्या आदेशावर गुन्हे शाखा कारवाई सत्र राबवित आहे.

    राजकीय :आज संपणार आमदार किशोर जोरगेवार यांचा वनवास, भाजपात घरवापसी

    जुनोना चौक येथे तैबुल फातिमा अब्दुल रफिक शेख ही महिला आपल्या राहत्या घरी महिला व मुली आणून स्वतःच्या फायद्याकरिता वेश्याव्यवसाय करवून घेत असल्याची माहिती स्थानिक गुन्हे शाखेला मिळाली होती.

    माहितीच्या आधारे गुन्हे शाखा पोलीस निरीक्षक महेश कोंडावार यांच्या नेतृत्वात पोलीस उपनिरीक्षक संतोष निंभोरकर व महिला पोलीस अंमलदार यांच्यासह सामाजिक कार्यकर्ते सरिता मालू यांना सोबत घेतले. Prostitution

    आरोपी महिला यांच्या घरी बनावट ग्राहक पाठविण्यात आला, त्यावेळी त्या ग्राहकाने इशारा करताच गुन्हे शाखेने त्याठिकाणी छापा टाकला, यावेळी आरोपी तैबुल फातिमा शेख यांना अटक करीत 4 महिलांची सुटका करण्यात आली.

    पीडित महिलांना चंद्रपुरातील स्वधार गृह येथे पाठविण्यात आले, आरोपी महिलेवर रामनगर पोलीस स्टेशनमध्ये महिला व मुली अनैतिक व्यापार प्रतिबंध अधिनियम 1956 अनव्ये गुन्हा दाखल करण्यात आला. पुढील तपास रामनगर पोलीस करीत आहे.

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधु, पोलीस उपविभागीय अधिकारी सुधाकर यादव यांच्या मार्गदर्शनाखाली विशेष पोलीस अधिकारी, पोलीस निरीक्षक महेश कोंडावार, पोउपनी संतोष निंभोरकर, चेतन गज्जलवार, नितेश महात्मे, किशोर वाकाटे, अमोल सावे, प्रफुल गारघाटे, प्रमोद कोटनाके, मिलिंद टेकाम, उषा लेडांगे, अपर्णा मानकर, छाया निकोडे, दीपिका सोडणार यांनी केली.

  • Powerful kishor jorgewar join bjp : आमदार जोरगेवार यांचा 10 वर्षाचा वनवास संपणार

    Powerful kishor jorgewar join bjp : आमदार जोरगेवार यांचा 10 वर्षाचा वनवास संपणार

    kishor jorgewar join bjp चंद्रपूर विधानसभा क्षेत्राचे अपक्ष आमदार यांचा 10 वर्षाचा वनवास संपला असून ते 27 ऑक्टोबर रोजी घरवापसी करणार असून त्यांचा भाजप पक्षात प्रवेश होत आहे.

    kishor jorgewar join bjp वर्ष 2014 मध्ये भाजप सोडून शिवसेना पक्षात प्रवेश केल्यावर किशोर जोरगेवार यांनी चंद्रपूर विधानसभा क्षेत्रातून निवडणूक लढली होती, त्यावेळी त्यांना 52 हजार मत मिळाले मात्र त्यांचा पराभव झाला, वर्ष 2009 मध्ये पालकमंत्री मुनगंटीवार यांनी किशोर जोरगेवार तर हंसराज अहिर यांच्याकडून राजेश मुन यांचं नाव पक्षाकडे गेलं मात्र दोन्ही नेत्यांच्या वादात जागा सुटू नये यासाठी भाजपने नागपूर निवासी नाना श्यामकुळे यांना चंद्रपूर मध्ये पाठवीत विधानसभेची उमेदवारी दिली.

    राजकीय : ब्रह्मपुरी येथे विजय वडेट्टीवार यांनी भाजपला लावले खिंडार

    त्यावेळी निष्ठावंत भाजप पदाधिकाऱ्यांना डावलून बाहेरच्या पदाधिकाऱ्याला भाजपने उमेदवारी दिली होती, नाना श्यामकुळे विजयी झाले मात्र निष्ठवंतांना डावल्ल्याची खंत अनेकांच्या मनात होती, 2014 ला जोरगेवार यांनी भाजप सोडली, विधानसभा निवडणुकीत त्यांनी भाजपसमोर आव्हान निर्माण केलं होतं, पराभव झाल्यावर जोरगेवार घरी बसले नाही तर त्यांनी 5 वर्षे सतत जनतेच्या संपर्कात राहिले. kishor jorgewar join bjp

    वर्ष 2019 ला जोरगेवार यांनी कांग्रेस पक्षाला विधानसभेची उमेदवारी मागितली मात्र त्यावेळी खासदार बाळू धानोरकर यांचा विरोध बघता जोरगेवार यांना उमेदवारी मिळाली नाही, परंतु 2019 ला जोरगेवार अपक्ष निवडणुकीत उभे राहिले, कांग्रेस पक्षाची जमानत जप्त झाली, भाजप चा तब्बल 72 हजार मतांनी पराभव झाला.

    त्यावेळी महाविकास आघाडी अस्तित्वात आली, जोरगेवार यांनी सरकारला समर्थन दिले, अडीच वर्षांनी महायुती सरकार राज्यात स्थापन झाले, अपक्ष आमदार असल्याने विधानसभा क्षेत्रातील कामे व्हावी यासाठी जोरगेवार यांनी महायुती सरकारला समर्थन दिले.

    या दरम्यान पालकमंत्री मुनगंटीवार विरुद्ध आमदार जोरगेवार यांचा अनेकदा वाद झाला, अनेक सार्वजनिक कार्यक्रमात दोघेही एकमेकांवर टीकास्त्र सोडत होते, लोकसभा निवडणुकीत प्रचाराच्या शेवटच्या दिवशी आमदार जोरगेवार यांनी सुधीर मुनगंटीवार यांना पाठिंबा दिला, मात्र मुनगंटीवार यांचा मोठ्या फरकाने पराभव झाला. kishor jorgewar join bjp

    मुनगंटीवार यांच्याशी जवळीकता वाढल्याने वर्ष 2024 मध्ये आमदार जोरगेवार यांना भाजपची उमेदवारी मिळणार अशी शक्यता निर्माण झाली मात्र त्यांच्या उमेदवारीला पालकमंत्री मुनगंटीवार यांनी विरोध दर्शविला, अश्यात आमदार जोरगेवार यांच्यासाठी राष्ट्रीय मागासवर्गीय आयोगाचे अध्यक्ष हंसराज अहिर हे भाजप पक्षाची संजीवनी घेऊन आले, आणि जोरगेवार यांचा भाजप पक्षात प्रवेश निश्चित केला.

    परंतु या राजकीय घडामोडी मध्ये पालकमंत्री मुनगंटीवार यांनी विरोध दर्शविला कार्यकर्त्यांच्या भावना वरिष्ठांनी लक्षात घ्याव्या यासाठी दिल्ली ला गेले मात्र त्याचा काही उपयोग झाला नाही अखेर निष्ठवंतांच्या उमेदवारीचा इतिहासाची पुन्हा पुनरावृत्ती झाली, मात्र यंदा जोरगेवार यांना अहिरांची संजीवनी कामी आली. kishor jorgewar join bjp

    भाजपच्या वरिष्ठांनी एक एक विधानसभा महत्वाची आहे हे नेत्यांना सांगितले आहे तर आपले उमेदवार जास्तीत जास्त संख्येने निवडून यावे यासाठी प्रयत्न करा असा आदेश दिला.

    आता 10 वर्षांनी आमदार जोरगेवार यांची भाजपात घर वापसी होणार असून चंद्रपूर विधानसभा क्षेत्रातून भाजप पक्षाचे अधिकृत उमेदवार हे आमदार किशोर जोरगेवार असणार हे स्पष्ट झाले आहे, राजकारणात काहीही होऊ शकते हे याचं जिवंत उदाहरण आहे.

    वर्ष 2019 च्या निवडणुकीत आमदार जोरगेवार यांना मतदारांनी भाजप विरोधात मतदान केले पण यावेळी चित्र वेगळे आहे, जनतेच्या मनात जोरगेवार अपक्ष म्हणून निवडून येणार असा कल आहे, ज्या विरुद्ध आपण निवडणूक लढलो आता त्या पक्षाला मतदान जनता करेल काय? हा मोठा गोंधळ व प्रश्न निर्माण झाला आहे.

  • Joined the Congress Party : शेकडो भाजप कार्यकर्त्यांचा कांग्रेस पक्षात प्रवेश

    Joined the Congress Party : शेकडो भाजप कार्यकर्त्यांचा कांग्रेस पक्षात प्रवेश

    Joined the Congress Party जिल्हा बॅक उपाध्यक्ष यशवंत दिघोरे यांच्या नेतृत्वाखाली शेकडो भाजप कार्यकर्त्यांचा काँग्रेस पक्षप्रवेश, ब्रम्हपूरीत भाजपला खिंडार – विरोधी पक्षनेते विजय वडेट्टीवार यांच्या नेतृत्वावर विश्वास ठेवून पक्षप्रवेश

    Joined the Congress Party राज्याचे विरोधी पक्षनेते तथा ब्रम्हपुरी विधानसभा क्षेत्र आमदार विजय वडेट्टीवार यांच्या सामाजिक बांधिलकी, सर्व समाजाला न्याय देण्याहेतू सुरु असलेले अथक प्रयत्न, सामान्यांप्रती असलेली आपुलकी, सामान्य कार्यकर्त्यांची जाण व क्षेत्रात सुरू असलेल्या विकास कामांचा झंजावत तसेच भोई समाजाला यशवंतराव चव्हाण मुक्त वसाहत योजने अंतर्गत हजारोंच्या संख्येने मिळवून दिलेले घरकुले अशा विविध कार्यामुळे प्रेरित होऊन चंद्रपूर जिल्हा बँक उपाध्यक्ष यशवंत दिघोरे यांचे नेतृत्वात शेकडो भाजप कार्यकर्त्यांनी विरोधी पक्षनेते विजय वडेट्टीवार यांच्या प्रमुख उपस्थितीत काँग्रेस पक्षात प्रवेश केला आहे.

    निवडणूक : शिवसेना जिल्हाप्रमुख संदीप गिर्हे बल्लारपूर विधानसभा क्षेत्रातून भरणार उमेदवारी अर्ज

    गेल्या काही महिन्यांपूर्वी राज्याचे विरोधी पक्षनेते तथा ब्रह्मपुरी विधानसभा क्षेत्र आमदार विजय वडेट्टीवार यांनी ब्रम्हपूरी तालुक्यात हजारोंच्या संख्येने असलेल्या भोई समाज बांधवांना त्यांच्या स्वप्नातील हक्काचे घरकुल मिळवून दिले. तसेच सर्व समाजाप्रती त्यांची आदर भावना, ब्रम्हपूरी मतदारसंघातील शेतकऱ्यांच्या हिताचे निर्णय, मुलभूत सुविधा उपलब्ध करण्यासाठी विवीध विकासकामे, रोजगार, शिक्षण, आरोग्य अशा विविध कार्यातून त्यांनी मतदारसंघातील जनतेची मने जिंकली आहे. Joined the Congress Party

    विरोधी पक्षनेते विजय वडेट्टीवार यांच्या सर्वसमावेशक सामाजिक, राजकीय व विकासात्मक दूरदृष्टीकोण तसेच सर्वसामान्य कार्यकर्त्यांच्या अपेक्षांची जाण असणारा नेता म्हणून या सामाजिक भावनांनी प्रेरित होवून भाजपाच्या कार्यकर्त्यांनी काँग्रेस पक्षात प्रवेश केला.

    आयोजित प्रवेशाप्रसंगी मार्गदर्शन पर बोलतांना विरोधी पक्षनेते विजय वडेट्टीवार म्हणाले की, मी सामन्यातून आलो असल्याने मला सामान्य कार्यकर्त्यांची जाण आहे. मला प्रत्येक समाजाला समान न्याय देणे, त्यांचा हक्क मिळवून देण्याची शक्ती ही तुमच्या कडूनच मिळाली आहे. तुमच्या विश्वासाला मी तडा जावू देणार नाही अशी ग्वाही त्यांनी दिली. Joined the Congress Party


    ब्रम्हपूरी तालुक्यातील निलज, चौगान, मेंडकी, तुलानमाल, चोरटी, हळदा, कोसंबी, तुलानमेंढा, तुलानमाल, भुज, वांद्रा, आवळगाव, पद्मापुर, मुडझा, चौगान, जुगनाळा, कळमगाव, गोगाव, सायगाव, मुडझा, बोदरा, सिंदेवाही तालुक्यातील आलेसुर, पेंढरी कोके, मिनघरी येथील कार्यकर्त्यांचा विरोधी पक्ष नेते विजय वडेट्टीवार यांनी दुपट्टा टाकून काँग्रेस पक्षात प्रवेश स्वीकारत स्वागत केले. कार्यक्रमाचे प्रास्ताविक एकलव्य सेनेचे जिल्हाध्यक्ष मिलींद भन्नारे यांनी केले.

    आयोजित पक्ष प्रवेश कार्यक्रमाप्रसंगी ज्येष्ठ नेते डॉ. देविदास जगनाडे, जिल्हा सहकारी बँकेचे उपाध्यक्ष यशवंत दिघोरे, तालुका काँग्रेस कमिटीचे अध्यक्ष खेमराज तिडके, एकलव्य सेनेचे जिल्हाध्यक्ष मिलींद भन्नारे, जिल्हा काॅंग्रेस सचिव विलास विखार, शहर काँग्रेस कमिटीचे अध्यक्ष हितेंद्र राऊत, जिल्हा काॅंग्रेस उपाध्यक्ष मोंटु पिलारे, राजीव गांधी पंचायतराज संघटनचे प्रदेश सरचिटणीस डॉ.थानेश्वर कायरकर, युवक काँग्रेसचे तालुकाध्यक्ष सोनू नाकतोडे, शहर काँग्रेस कार्याध्यक्ष सुधाकर पोपटे, माजी नगरसेवक संजय ठाकुर, अनुसूचित जाती सेलचे शहराध्यक्ष मुन्ना रामटेके, विमुक्त जाती व भटक्या जमाती सेलचे देवचंद ठाकरे, सांस्कृतिक सेलचे तालुकाध्यक्ष चंद्रशेखर गणवीर व अन्य मान्यवर यावेळी उपस्थित होते. Joined the Congress Party

    ब्रम्हपुरी शहरातील माजी नगरसेवकासह नागरिकांनी केला काॅंग्रेस पक्षप्रवेश
    ब्रम्हपूरी शहरातील माजी नगरसेवक चक्रेश करंबे यांसह अंकुश रामटेके, वैभव हुमने, मनीष गेडाम, संकेत हुमने, अभय दोनाडकर, संदीप कांबळे, साजन पिल्लेवान यांनी सुध्दा यावेळी काॅंग्रेस पक्षात प्रवेश केला आहे.

  • Today Shiv Sena candidate Sandip Girhe : बल्लारपूर विधानसभा क्षेत्रात मोठा ट्विस्ट

    Today Shiv Sena candidate Sandip Girhe : बल्लारपूर विधानसभा क्षेत्रात मोठा ट्विस्ट

    Shiv Sena candidate Sandip Girhe जिल्ह्यातील बल्लारपूर विधानसभा क्षेत्रात मोठा ट्विस्ट निर्माण झाला असून शिवसेना ठाकरे गटाचे जिल्हाप्रमुख संदीप गिर्हे उमेदवारी अर्ज दाखल करणार आहे.

    Shiv Sena candidate Sandip Girhe चंद्रपूर जिल्ह्यातील 6 विधानसभा जागेवर कांग्रेसने दावा केला असून सर्व जग कांग्रेस लढणार अशी शड्डू ठोकला होता मात्र मित्रपक्षाने काही जागेवर दावा केला आहे, त्यामुळे जिल्ह्यातील काही जागेवरील उमेदवारांच्या नावावर शिक्कामोर्तब अजूनही झाले नाही.

    मात्र एकीकडे कांग्रेसची यादी जाहीर होण्यापूर्वी वरोरा विधानसभा क्षेत्रातून प्रवीण काकडे तर बल्लारपूर विधानसभा क्षेत्रातून संतोष रावत यांनी उमेदवारी अर्ज दाखल केला आहे, बल्लारपूर विधानसभा क्षेत्रावर शिवसेना ठाकरे गटाने दावा केला होता, विशेष म्हणजे जिल्हाप्रमुख संदीप गिर्हे यांनी वर्षभरापासून विधानसभा क्षेत्रात संघटन बांधणी सुरू केली होती.

    मध्यंतरी सर्व जागा कांग्रेस लढविणार अशी बातमी बाहेर आल्यावर संदीप गिर्हे यांनी पक्ष जो आदेश देतील त्यावर आम्ही काम करू अशी भूमिका घेतली होती, मात्र 25 ऑक्टोबर रोजी संदीप गिर्हे यांना मातोश्री मधून बोलावण्यात आल्याने त्यांनी तात्काळ मुंबई गाठली व त्यांना उमेदवारी अर्ज दाखल करा असे म्हटले आहे. Shiv Sena candidate Sandip Girhe

    राजकीय : 28 ऑक्टोबर रोजी सुधीर मुनगंटीवार दाखल करणार उमेदवारी अर्ज

    29 ऑक्टोबर रोजी अर्ज भरण्याच्या शेवटच्या दिवशी भव्य शक्तिप्रदर्शन करीत संदीप गिर्हे उमेदवारी अर्ज दाखल करणार आहे, यामुळे आता बल्लारपूर विधानसभा क्षेत्रात मोठा ट्विस्ट निर्माण झाला आहे.

    बल्लारपूर विधानसभा क्षेत्रात सलग 3 वेळा भाजपचे दिग्गज नेते सुधीर मुनगंटीवार यांनी विजय मिळविला आहे, त्यांच्यासमोर युवा नेते संदीप गिर्हे यांचं कडवे आव्हान असू शकते हे 30 ऑक्टोबर नंतर स्पष्ट होणार.

    25 ऑक्टोबर रोजी किती अर्ज दाखल?

    महाराष्ट्र विधानसभा सार्वत्रिक  निवडणुकीसाठी शुक्रवारी चंद्रपूर जिल्ह्यातील सहा विधानसभा मतदारसंघात एकूण पाच उमेदवारांनी नामांकन अर्ज दाखल केले.

    यात 70 – राजुरा विधानसभा मतदारसंघात सुभाष रामचंद्र धोटे (भारतीय राष्ट्रीय काँग्रेस), 71 – चंद्रपूर विधानसभा मतदारसंघात नभा संदीप वाघमारे (पिपल्स पार्टी ऑफ इंडिया), 72 – बल्लारपूर विधानसभा मतदारसंघात संतोषसिंह चंदनसिंह रावत (भारतीय राष्ट्रीय काँग्रेस), 73 – ब्रम्हपुरी विधानसभा मतदारसंघात सुधीर महादेव टोंगे (अपक्ष), 74 – चिमूर विधानसभा मतदारसंघात निरंक आणि 75 – वरोरा विधानसभा मतदारसंघात विनोद कवडूजी खोब्रागडे (अपक्ष) यांनी नामांकन अर्ज दाखल केले.

    तर आज 70-राजुरा विधानसभा मतदारसंघात 7 अर्ज, 71-चंद्रपूर विधानसभा मतदारसंघात 11 अर्ज, 72-बल्लारपूर विधानसभा मतदारसंघात 22 अर्ज, 73-ब्रम्हपुरी विधानसभा मतदारसंघात 23 अर्ज, 74-चिमूर मतदारसंघात 10 अर्ज आणि 75-वरोरा विधानसभा मतदारसंघात 7 अर्ज असे एकुण सहा विधानसभा मतदारसंघात इच्छुकांकडून 80 अर्जांची उचल करण्यात आली आहे.

  • Final Sudhir mungantiwar Nomination : ठरलं तर, या दिवशी मुनगंटीवार दाखल करणार उमेदवारी अर्ज

    Final Sudhir mungantiwar Nomination : ठरलं तर, या दिवशी मुनगंटीवार दाखल करणार उमेदवारी अर्ज

    Sudhir mungantiwar Nomination सुधीर मुनगंटीवार २८ ऑक्टोबरला दाखल करणार उमेदवारी अर्ज, हजारोंची राहणार उपस्थिती ; कार्यकर्ते व पदाधिकाऱ्यांमध्ये उत्साह, मुल येथील उपविभागीय कार्यालय येथे दाखल करणार अर्ज

    Sudhir mungantiwar Nomination मुल – मुल, पोंभुर्णा व बल्लारपूर विधानसभा मतदारसंघात विकासाचा झंझावात निर्माण करणारे राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार येत्या सोमवारी, दि. २८ ऑक्टोबरला हजारोंच्या उपस्थितीत उमेदवारी अर्ज दाखल करणार आहेत. सलग सातव्या विजयासाठी सज्ज झालेले ना. श्री. मुनगंटीवार उमेदवारी अर्ज दाखल करण्यापूर्वीच चाहते, कार्यकर्ते व पदाधिकाऱ्यांमध्ये कमालीचा उत्साह आहे.

    राजकीय : चंद्रपूर विधानसभेतुन महायुतीचे मेरिट उमेदवार किशोर जोरगेवार?

    बल्लारपूर विधानसभा मतदारसंघाचे महायुतीचे अधिकृत उमेदवार ना. श्री. सुधीर मुनगंटीवार २८ ऑक्टोबरला (सोमवारी) सकाळी ११.०० वाजता मुल येथील उपविभागीय कार्यालयात आपला उमेदवारी अर्ज दाखल करतील. यावेळी उमेदवारी अर्ज भरण्यासाठी महायुती घटक पक्षातील नेते, पदाधिकारी, कार्यकर्ते व मतदारसंघातील नागरिकांनी हजारोंच्या संख्येने उपस्थित राहावे, असे आवाहन भाजपा जिल्हाध्यक्ष हरीश शर्मा यांनी केले आहे. Sudhir mungantiwar Nomination

    यावेळी अर्ज भरण्यापूर्वी ना. श्री. मुनगंटीवार मतदारसंघातील नागरिकांचा आशीर्वाद घेऊन बाजार चौक मुल येथुन उपविभागीय कार्यालयाकडे अर्ज सादर करण्यासाठी निघणार आहे.विविध विकासकामांच्या माध्यमातून मुल, पोंभुर्णा व बल्लारपूर विधानसभा मतदारसंघाचा चेहरामोहरा ना. श्री. मुनगंटीवार यांनी बदलला आहे. बल्लारपूर मतदारसंघाचे नेतृत्व करताना संपूर्ण देशाचे लक्ष वेधून घेईल एवढी विकासकामे केली.

    बल्लारपूर, मुल व पोंभूर्णा येथे संपूर्ण चंद्रपूर जिल्ह्यात सर्वांगिण विकासाचे धोरण राबविण्यावर ना. श्री. मुनगंटीवार यांचा भर राहिलेला आहे. अगदी विरोधकही त्यांचा विकासाचा झंझावात मान्य करतात. शेतकरी बांधव असोत, महिला असोत किंवा तरुणवर्ग असो प्रत्येकाच्या कल्याणासाठी व सक्षमीकरणासाठी ना. श्री. मुनगंटीवार सदैव अग्रेसर असतात. ना. श्री. सुधीर मुनगंटीवार यांनी सलग सहा विधानसभा निवडणुकांमध्ये विजयी झाले आहे . आता २०२४च्या निवडणुकीतही ते विजयासाठी सज्ज झाले आहेत.

  • Exclusive Kishor Jorgewar Bjp Candidate : चंद्रपूर विधानसभा क्षेत्रात महायुतीचे मेरिट उमेदवार किशोर जोरगेवार?

    Exclusive Kishor Jorgewar Bjp Candidate : चंद्रपूर विधानसभा क्षेत्रात महायुतीचे मेरिट उमेदवार किशोर जोरगेवार?

    Kishor Jorgewar Bjp Candidate विधानसभा निवडणुकीच्या रणधुमाळी मध्ये आता हळूहळू चुरस निर्माण होत आहे, महाविकास आघाडी व महायुती ने काही उमेदवारांची यादी जाहीर केली तर काही जागांवर एकमत नसल्याने जागा वाटपाचे घोड अजूनही अडलं आहे.

    Kishor Jorgewar Bjp Candidate चंद्रपूर विधानसभा क्षेत्रातील विद्यमान आमदार किशोर जोरगेवार यांनी आधी राष्ट्रवादी कांग्रेस शरद पवार गटाकडे उमेदवारी मागितली मात्र कांग्रेसने जोरगेवार यांच्या उमेदवारीला विरोध दर्शविला त्यामुळे त्यांचा प्रवेशाचा मार्ग खडतर झाला.

    24 ऑक्टोबर रोजी रात्री दिल्ली मध्ये खलबत झालं आणि जोरगेवार हे भाजपचे उमेदवार असणार अशी माहिती बाहेर आली, त्यामुळे भाजप निष्ठावंत खवळून गेले, आता भाजपच्या निष्ठावंत कार्यकर्त्याला उमेदवारी द्यावी अशी मागणी कार्यकर्त्यांनी केली आहे, यासाठी भाजपचे पदाधिकारी नागपूर येथे देवेंद्र फडणवीस यांच्यासमोर आपली भूमिका मांडणार आहे.

    जोरगेवार यांना उमेदवारी मिळू नये यासाठी भाजपचे दिग्गज नेते सुधीर मुनगंटीवार तातडीने दिल्ली ला रवाना झाले, आपल्या कार्यकर्त्यांची भूमिका काय? हे समजवून सांगण्यासाठी मुनगंटीवार दिल्ली येथे जात असल्याची प्रतिक्रिया प्रसार माध्यमांना दिली आहे. Kishor Jorgewar Bjp Candidate

    महत्त्वाचे : चंद्रपूर पोलीस म्हणतात या पोलिसांपासून सावध रहा

    विशेष बाब म्हणजे यंदा महायुती मेरिट नुसार तिकीट वाटप करणार आहे, महायुती च्या सर्व्हेमध्ये किशोर जोरगेवार हे आघाडीवर असल्याने भाजप पक्षाने त्यांना उमेदवारी देण्याचे कदाचित ठरविले असणार अशी शक्यता आहे.

    वर्ष 2019 मध्ये आमदार जोरगेवार यांच्या उमेदवारीला कांग्रेस पक्षातून दिवंगत खासदार बाळू धानोरकर यांनी विरोध दर्शविला होता, आता वर्ष 2024 मध्ये पुन्हा कांग्रेस खासदार प्रतिभा धानोरकर यांनी जोरगेवार यांच्या महाविकास आघाडी मधून उमेदवारीला विरोध केला.

    विशेष म्हणजे धानोरकर यांच्या विरोधामुळे किशोर जोरगेवार यांनी 72 हजार मतांची आघाडी घेत राष्ट्रीय पक्षांना धोबीपछाड दिली होती, मात्र त्यावेळी महाविकास आघाडी ने एका जागेचे नुकसान केले होते, आता सुद्धा तीच परिस्थिती निर्माण झाली आहे. Kishor Jorgewar Bjp Candidate

    सत्तेसाठी सर्व पक्षांना एक-एक जागा महत्वाची आहे मात्र महाविकास आघाडी व महायुती आमदार जोरगेवार यांच्या उमेदवारीला विरोध करीत स्वतःच नुकसान करीत आहे.

    चंद्रपूर विधानसभा ही जागा कांग्रेस पक्ष 1995 पासून सतत हरत आहे, वर्ष 2014 मध्ये तिसऱ्या क्रमांकावर तर वर्ष 2019 मध्ये कांग्रेस पक्ष चौथ्या क्रमांकावर होता त्यानंतर सुद्धा कांग्रेस पक्षाचा चंद्रपूर विधानसभेवरील दावा हास्यास्पद आहे असे जाणकारांचे मत आहे. लोकसभा निवडणुक व विधानसभा निवडणूक यामध्ये मोठा फरक असतो.

    एकेकाळी आमदार मुनगंटीवार यांचे भाजप पक्षातील खंदे समर्थक म्हणून किशोर जोरगेवार यांची ओळख होती, मात्र राजकारणात वैर व मैत्री हे जास्त काळ टिकत नसते.

    सध्या महाविकास आघाडी व महायुती मधील नेते आपापल्या सोयीनुसार उमेदवारी ठरवीत सेटिंग चे राजकारण करीत आहे. जोरगेवार यांनी अपक्ष निवडणूक लढल्यास तेचं जिंकणार असा कौल चंद्रपूर विधानसभा क्षेत्रातील मतदारांचा आहे.

  • Urgent Street light : डॉ.बाबासाहेब आंबेडकर उड्डाणपूल अंधारात

    Urgent Street light : डॉ.बाबासाहेब आंबेडकर उड्डाणपूल अंधारात

    Street light डॉक्टर आंबेडकर ब्रिज अंधारात, आप ने दिवे लावून ब्रिज वर टाकला प्रकाश,प्रशासनाला दिला अल्टीमेटम

    Street light चंद्रपूर बाबुपेठ मधील कित्येक वर्षांनी अनेक अडथडेपर करीत बनलेला चर्चित रेल्वे उडान पूल ज्याची येथील जनतेला आतुरतेने वाट होती त्या ब्रिजचे उद्घाटन पंधरा दिवसापूर्वी येथील आमदार तथा भाजपा नेत्याने केले होते.

    महत्त्वाचे : चंद्रपूर पोलीस म्हणतात या पोलिसांपासून सावध रहा


    परंतु उदघाटन झाले तेव्हा पासून या ब्रिज वरील स्ट्रीट लाईट बंद असल्याने जनतेला जीवघेना प्रवास करावा लागतो आहे. अंधारामुळे रोज अपघाताच्या घटना सुद्दा घडत आहेत. याबाबत जनतेची तक्रार आप चे युवा जिल्हाध्यक्ष राजू कुडे यांच्याकडे आल्याने त्यांनी संबंधित मनपाचे अधिकारी यांना विचारणा केली असता त्यांनी बांधकाम विभाग यांनी आपल्याकडे चार्ज दिले नसल्याचे सांगितले. Street light

    त्यामुळे आता तक्रार तरी करायची कुणाकडे असा प्रश्न उपस्थित झाल्याने. उदघाटनाची चमकोगिरी करणाऱ्या
    लोकप्रतिनिधी आणि प्रशासना विरोधात डॉ आंबेडकर ब्रिज वर दिवे आणि मेणबत्ती लावून निषेध नोंदविला आणि प्रशासनाला अल्टीमेटम देण्यात आला कि येत्या सात दिवसात पुलाचा अंधःकार दूर केला नाही तर बाबुपेठ येथील जनतेला सोबत घेऊन पुलावर चक्का जाम आंदोलन करू जेणेकरून लोकांचे जीव वाचतील.

    यावेळेस आपचे युवा जिल्हाध्यक्ष राजू कुडे, अल्पसंख्यांक महानगर अध्यक्ष जावेद सय्यद, संघटनमंत्री मनीष राऊत, युवा जिल्हा उपाध्यक्ष अनुप तेलतुबडे, वाहतूक शहर अध्यक्ष जयदेव देवगडे, सुधीर जांभूळकर, युवा जिल्हा सचिव आदित्य नंदनवार, युवा कार्यकर्ता सागर बोबडे, अजय बाथव, सामाजिक कार्यकर्ता प्रशांत रामटेके, तसेच वॉर्डातील अनेक नागरिकांचा समावेश होता.

  • new cyber frauds : चंद्रपूर पोलीस म्हणतात या पोलिसांपासून सावध रहा

    new cyber frauds : चंद्रपूर पोलीस म्हणतात या पोलिसांपासून सावध रहा

    new cyber frauds देशात आज नवनवीन फसवे प्रकरण समोर येत आहे, देश तंत्रज्ञानात पुढे जात आहे त्याचप्रमाणे या तंत्रज्ञानाचा वापर नवनवीन गुन्ह्यासाठी होत आहे. या गुन्ह्यात आतापर्यंत नामवंत व्यक्तींची फसवणूक झाली हे विशेष.

    महत्त्वाचे : वरोरा विधानसभा क्षेत्रात खासदार धानोरकर यांचे बंधू प्रवीण काकडे यांनी भरला उमेदवारी अर्ज

    New cyber frauds हॅलो मी पोलीस बोलत आहो, आपल्या मुलाला गंभीर गुन्ह्यात आम्ही अटक केली असून त्याला सोडवायचं असेल तर तुम्हाला पैसे द्यावे लागतील अश्या प्रकारचे व्हाट्सएप कॉल अनेक नागरिकांना येत आहे, काही या कॉल ला बळी पडतात तर काही सजग असतात.

    विशेष म्हणजे कॉल करणाऱ्या व्यक्तीच्या डीपीवर पोलिसांचा फोटो असतो, चंद्रपुरातील काही सराफा व्यापाऱ्यांना त्यांच्या खाजगी मोबाईल क्रमांकावर पोलीस डीपी असणारे व्हाट्सएप कॉल येत असून पुढचा व्यक्ती धमकी देत अटकेती भीती दाखवीत आहे. New cyber frauds

    यावर आज चंद्रपूर पोलिसांनी सराफा व्यापारी व नागरिकांना आवाहन केले की इतर राज्यातील पोलीस हे स्थानिक पोलिसांच्या मदतीशिवाय कुणालाही अटक करू शकत नाही, सीबीआय, पोलीस व ईडी अधिकारी म्हणून कुणी कॉल करीत असेल किंवा व्हिडीओ कॉल करण्यास आग्रह करीत असेल तर अश्या कॉल पासून सावध रहावे कारण हा एक नवीन सायबर फसवणुकीचा प्रकार असून त्याला बळी पडू नका.

    आपल्याला कुणी अश्याप्रकारे धमकी, पैश्याची मागणी किंवा ब्लॅकमेल करीत असेल तर तात्काळ HTTPS://cybercrime.gov.in या संकेत स्थळावर रिपोर्ट and check suspect करावी किंवा 1930 वर कॉल करून सायबर गुन्ह्यांची तक्रार करावी.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by