My Blog

Author: Admin

  • human and wildlife conflict : वाघाच्या हल्ल्यात महिला ठार, वर्षातील 27 वा बळी

    human and wildlife conflict

    Human and wildlife conflict सावली – सावली वनपरिक्षेत्रा अंतर्गत येणाऱ्या व्याहाड खुर्द उपवन परिक्षेत्रातील सामदा बुज वन बीटातील निलंसनी पेठगाव येथिल रहिवासी रेखाबाई मारोती येरमलवार वय ५५ वर्षे या महिलेला वाघाने ठार केल्याची घटना आज दि. ३० नोव्हेंबर रोजी सकाळी ७ वाजताच्या दरम्यान उघडकीस आली.


    वन्यप्राण्यांच्या हल्ल्यातील या वर्षातील हा 27 वा बळी आहे, यामध्ये 25 वाघ, 1 बिबट व एक रान डुक्कर च्या हल्ल्याचा समावेश आहे.

    वनविभागाने दिलेल्या माहितीनुसार मृतक रेखाबाई मारोती येरमलवार या दि. २९ नोव्हेंबर रोजी झाडण्या कापण्यासाठी निलंसनी पेठगाव ला लागुन असलेल्या वैनगंगा नदीकाठावरील जंगलात गेली होती. नदीला लागुन असलेल्या नाल्याजवळ झाडण्या कापत असताना दबाधरून असलेल्या वाघाने तिच्यावर अचानक हल्ला केला. Human and wildlife conflict

    86 हजारांची नोकरी हवी तर आजच अर्ज करा, 800 जागांची बंपर भरती

    या हल्ल्यात रेखाबाई जागीच ठार झाली. सायंकाळ झाली तरी रेखाबाई घरी आली नाही म्हणून मुलगा महादेव येरमलवार, राकेश येरमलवार व गावकऱ्यांनी रात्री जंगल व गाव परीसरात शोध घेतला मात्र रेखाबाई कुठेही मिळाली नाही. Human and wildlife conflict

    या बाबत वनविभागाला माहिती देण्यात आली, माहिती प्राप्त झाल्यावर सामदा वन बीटाचे वनरक्षक यांचे स्थानिक पी आर टी चे कार्यकर्ते आकाश चुदरी, छगन बोरकुटे, प्रफुल्ल गेडाम, इंदारशाह पेंदाम, मंगेश कांबळे यांनी वनविभागाच्या सूचनेनुसार गावांशेजारी गस्त घातली.

    दरम्यान रात्रीच्या सुमारास एक वाघ गावातील जिल्हा परिषद शाळेला लागुन असलेल्या बालाजी कात्तलवार यांचे घराशेजारी आल्याचे दिसल्याने पी आर टी च्या कार्यकर्त्यांनी फटाके फोडून त्यास हाकलून लावले.

    आज सकाळी वनविभागाचे सहाय्यक वनसंरक्षक परमेश्वर खेडकर , वनपरिक्षेत्राधिकारी विनोद धुर्वे , क्षेत्र सहाय्यक आर. एम. सूर्यवंशी, बिट वनरक्षक बी. के. सोनेकर, आर. एस. डांगे आणि गावकऱ्यांनी शोध घेतला असता रेखाबाई ही मृत अवस्थेत वैनगंगा नदीकाठावरील जंगलात आढळून आली.

    मृत महिलेचे प्रेत वनविभागाने पंचनामा करून शवविच्छेदन करण्यासाठी पाठविले आणि कुटुंबास तात्काळ २५ हजार रुपयांची मदत दिली. या घटनेने गावात भीतीचे वातावरण निर्माण झाले आहे. निलंसनी पेठगाव हे नदीकाठावर असल्याने या परिसरात नेहमीच वाघाचा संचार असतो त्यामुळे वनविभागाने गावाबाहेर सौर ऊर्जेचे दिवे लावावे अशी मागणी केली जात आहे.

  • sudhir mungantiwar on evm machine : ईव्हीएम मशिनबाबत काय म्हणाले सुधीर मुनगंटीवार?

    sudhir mungantiwar on evm machine

    sudhir mungantiwar on evm machine महायुतीने विधानसभा निवडणुकीमध्ये महाविकास आघाडीची दाणादाण उडवली. आता त्यांचे नेते ईव्हीएममध्ये गोंधळ केला असल्याचे कारण पुढे करत आहेत. जो तो कॅमेऱ्यासमोर येईन ईव्हीएमवर आणि निवडणूक आयोगावर आगपाखड करत आहे.

    अशा विरोधकांच्या बाबतीत बोलताना भाजप नेते सुधीर मुनगंटीवार कडाडले. विरोधकांचा त्यांनी खरपूस समाचार घेतला. एक ना अनेक प्रश्नांची सरबत्ती त्यांनी विरोधकांवर केली.

    सिनेट सदस्य निलेश बेलखडे यांची गंभीर दखल, गोंडवाना विद्यापीठाचे वेळापत्रक बदलले

    एका वृत्तवाहिनीला दिलेल्या मुलाखतीत मुनगंटीवार म्हणाले, विरोधकांचे जे आमदार निवडून आले आहेत, त्यांनी आधी राजीनामा दिला पाहिजे. त्यांचीही वर्तणूक संशयास्पद आहे. ते काय आमच्यासोबत मॅच फिक्सींग करून निवडून आलेत का? ‘ये अंदर की बात है और काँग्रेस के प्रदेशाध्यक्ष हमारे साथ है’, असं काही आहे का, काँग्रेसचे प्रदेशाध्यक्ष कसे निवडून आले, लोकसभेमध्ये त्यांना आमच्यापेक्षा जास्त जागा मिळाल्या, तेव्हा ईव्हीएमवर कुणीच का नाही बोललं नाही, अशा एक ना अनेक प्रश्नांची सरबत्ती मुनगंटीवार यांनी विरोधकांवर केली. sudhir mungantiwar on evm machine

    काय म्हणता पगार 86 हजार, नोकरी हवी तर आजच करा अर्ज

    कायदे करणारे काँग्रसचे ‘ते’ कोण नेते होते ?


    1951 आणि 1961 मध्ये दोन्ही कायदे कुणी बदलवले. ते काँग्रेसचे कोण नेते होते, ज्यांनी संसदेत लांबलचक भाषण दिलं होतं की, ‘कागदी मतपत्रिका छापल्यानं गोंधळ निर्माण होतो, बिहार राज्यासारखं बुथ कॅप्चरींग होतं..’ हे कोण बोललं होतं? 2010 मध्ये मनमोहन सिंह यांनी समिती नेमली होती. त्या समिताचा अहवाल कुणाच्या राज्यात आला? तो कुणी स्विकारला, असे म्हणत मुनगंटीवार यांनी विरोधकांवर पुन्हा प्रश्नांची बरसात केली. कर्नाटकमध्ये विजय होतो, तेव्हा काँग्रेस जिंकते आणि हारते तेव्हा ईव्हीएम मशीन हारवते, हा काँग्रेसचा बालिशपणा आहे.असे मुनगंटीवार म्हणाले. sudhir mungantiwar on evm machine

    ..तर कर्नाटकने त्यांना निवडून देऊ नये


    तेलंगणामध्ये ते जिंकले तर राहुल गांधींच्या भारत जोडो यात्रेमुळे जिंकले. अन् महाराष्ट्रात हारले तर ईव्हीएममुळे हारले, अशी दुटप्पी भूमिका घेता येणार नाही. ईव्हीएमवर जर आक्षेप असेल तर निवडून आलेल्या सर्वांनी राजीनामे दिले पाहिजे. कारण त्यांच्यावर हा आरोप नसला पाहिजे की, आम्हाला महायुतीच्या नेत्यांनी निवडून आणलं. छोट्या राज्यामध्ये आम्ही त्यांना निवडून आणतो, हा त्यांचा दुसरा हास्यास्पद आरोप आहे. कारण हा आरोप करून ते कर्नाटकचा अपमान करत आहेत. कारण कर्नाटक हे छोटे राज्य नाही. तर पर कॅपिटा इनकममध्ये पहिल्या पाच राज्यात कर्नाटक पुढे आहे. कर्नाटकबद्दल हे लोक असं बोलत असतील तर कर्नाटकच्या जनतेने त्यांना पुढचे 100 वर्ष निवडून देऊ नये, असे आवाहनही सुधीर मुनगंटीवार यांनी कर्नाटकच्या जनतेला केले.

  • Lcb Chandrapur : प्रतिबंधित सुगंधित तंबाखू विरुद्ध स्थानिक गुन्हे शाखेची धरपकड मोहीम

    Lcb chandrapur

    Lcb chandrapur चंद्रपूर जिल्हा स्थानिक गुन्हे शाखेच्या वतीने प्रतिबंधित सुगंधित तंबाखूची तस्करी व व्यापार करणाऱ्या विरोधात धरपकड कारवाई करीत आहे.

    27 ते 29 नोव्हेंबर दरम्यान स्थानिक गुन्हे शाखेने सलग 3 कारवाई करीत अडीच लाखांच्या वर सुगंधित तंबाखूचा मुद्देमाल जप्त केला.

    86 हजारांची कायमस्वरूपी नोकरी करायची? तर आजच अर्ज करा

    स्थानिक गुन्हे शाखा पोलीस निरीक्षक महेश कोंडावार यांच्या मार्गदर्शनाखाली गुन्हे शाखेच्या पथकाने यशस्वी रित्या कारवाई केली. Lcb chandrapur

    27 नोव्हेंबर रोजी भद्रावती पोलीस स्टेशनच्या हद्दीत प्रतिबंधित सुगंधित तंबाखूची साठवणूक करीत विक्री करण्याकरिता दोन आरोपी विरुद्ध कारवाई केली.

    Bhadrwati city
    भद्रावती पोलीस स्टेशनच्या हद्दीत कारवाई

    या कारवाई स्थानिक गुन्हे शाखेच्या पथकाने 38,540/_ रु. किंमत असलेला माजा 108 सुगंधित तंबाखू एकूण 164 नग प्रत्येकी 50 ग्रॅम असा एकूण 38 ,540 रु चा मुद्देमाल जप्त केला. Lcb chandrapur

    दुसऱ्या कारवाईत चंद्रपूर शहर पोलीस स्टेशनच्या हद्दीतील बाबूपेठ भागातील गनूरवार चौकात राहणारा 29 वर्षीय रोशन कामडी याने आपल्या घरी प्रतिबंधित सुगंधित तंबाखूचा साठा लपवून ठेवल्याची माहिती स्थानिक गुन्हे शाखेच्या पथकाला मिळाली.

    Babupeth
    बाबूपेठ येथे कारवाई

    स्थानिक गुन्हे शाखेच्या पथकाने माहिती मिळताच कामडी यांच्या घरी धाड मारली, या धाडीत 24 हजार 125 रुपयांचा प्रतिबंधित तंबाखू जप्त केला.

    29 नोव्हेंबर रोजी तिसऱ्या कारवाईत प्रतिबंधित सुगंधित तंबाखूची विक्री करणाऱ्या 2 आरोपी विरुद्ध स्थानिक गुन्हे शाखेच्या पथकाने कारवाई केली.

    पोलीस स्टेशन भिसी हद्दीत 2 आरोपी प्रतिबंधित सुगंधित तंबाखू ची विक्री करीत होते, यावेळी पथकाने दोन्ही आरोपी विरुद्ध कारवाई करीत अटक केली असता दोघांकडून 1 लाख 93 हजार रुपयांचा सुगंधित तंबाखूचा साठा आढळून आला.

    आरोपी विरुद्ध अन्न व सुरक्षा मानके अंतर्गत गुन्हा दाखल करण्यात आला. सदरची कारवाई धनराज करकाडे, स्वामीदास चालेकर, पोहवा नीतीन कुरेकार,अजय बागेसर, पोकॉ प्रशांत नागोसे, शशांक बदामवार, चापोहवा दिनेश अराडे यांनी केली.

  • gondwana university exam time table : सिनेट सदस्य बेलखडे यांच्या मेल नंतर परीक्षा वेळापत्रकात बदल

    gondwana university exam time table

    gondwana university exam time table चंद्रपूर व गडचिरोली जिल्ह्यातील विद्यार्थ्यांचे शिक्षण सुकर व्हावे यासाठी गडचिरोली जिल्ह्यात गोंडवाना विद्यापीठाची स्थापना करण्यात आली होती.

    या विद्यापीठाचा उद्देश काही पूर्ण होताना दिसत नसून अनेक वादग्रस्त निर्णय या विद्यापीठाच्या माध्यमातून होत असल्याने विद्यार्थी सुद्धा विद्यापीठाच्या गलथान कारभारामुळे चांगलेच त्रासून गेले आहे.

    86 हजारांची कायमस्वरूपी नोकरी हवी तर आजच करा अर्ज

    असाच एक निर्णयामुळे विद्यार्थ्यांवर शैक्षणिक अभ्यासक्रम बाबत नुकसानीची वेळ येणार होती मात्र विद्यापीठाचे सिनेट सदस्य निलेश बेलखेडे यांच्या गंभीर दखलते मुळे विद्यापीठाला निर्णय बदलावा लागला.

    गोंडवाना विद्यापीठ अंतर्गत हिवाळी परीक्षेचा हंगाम सुरू आहे, विशेष म्हणजे विधानसभा निवडणुकीच्या काळात विद्यापीठाने परीक्षेच्या तारखा घोषित केल्या, यामध्ये काही पेपरच्या वेळापत्रकात ऐनवेळी बदल करण्यात आला होता.

    परीक्षेच्या या हंगामात B. ed च्या परीक्षा सुरू आहे, त्याबाबत वेळापत्रक विद्यापीठाच्या संकेतस्थळावर प्रसिद्ध करण्यात आले होते, 14 व 15 डिसेंबर रोजी बीएड व केंद्रीय माध्यमिक शिक्षण बोर्डाच्या CTET अभ्यासक्रमाच्या परीक्षा पेपर एकाच दिवशी आल्याने विद्यार्थ्यांना एकाच दिवशी 2 पेपर देणे शक्य नव्हते. कारण असंख्य विद्यार्थी सदर परीक्षा देण्यासाठी बाहेर गावातून येणार होते. gondwana university exam time table

    केंद्रीय शिक्षण विभागाच्या संपूर्ण देशात एकाच दिवशी CTET च्या परीक्षा घेतल्या जातात असे असतानाही गोंडवाना विद्यापीठाने बीएड अभयसक्रमाच्या परीक्षा त्या दिवशी घेतल्याने विद्यार्थी वर्गात चांगलाच गोंधळ उडाला होता, याबाबत विद्यार्थ्यांनी विद्यापीठाचे सिनेट सदस्य निलेश बेलखडे यांच्याकडे तक्रार देत मदतीची विनंती केली.

    विद्यापीठाचा गलथान कारभार सिनेट सदस्य बेलखडे यांना लक्षात आल्यावर त्यांनी विद्यापीठाला जाब विचारला, आपण अश्या चूका वारंवार का करीत आहोत? असा प्रश्न त्यांनी उपस्थित करीत विद्यापीठाला मेल करीत बीएड अभ्यासक्रमाच्या परीक्षा वेळापत्रकात तात्काळ बदल करावा हो मागणी केली. gondwana university exam time table

    निलेश बेलखडे यांच्या मेल नंतर आपला निर्णय चुकला ही बाब विद्यापीठाच्या लक्षात आली त्यांनी तात्काळ परीक्षा वेळापत्रकात बदल करीत 15 डिसेंबर रोजी बीएड अभ्यासक्रमाचा पेपर आता 18 डिसेंबर रोजी घेण्यात येणार असल्याचे परिपत्रक काढले.

    बेलखडे यांच्या तत्परतेने दोन्ही परीक्षा देण्यासाठी बाहेर गावावरून येणारे व स्थानिक विद्यार्थ्यांनी सिनेट सदस्य निलेश बेलखडे यांचे आभार मानले आहे.

    गलथान कारभार

  • Latest Crop weed competition : कडधान्य व अन्नधान्य पिकांच्या स्पर्धा

    Crop weed competition

    Crop weed competition पिकाची उत्पादकता वाढविण्यासाठी शेतकऱ्यांकडून विविध प्रयोग करण्यात येतात व उत्पादकतेत वाढ करण्यात येते. अशा प्रयोगशील शेतकऱ्यांना, मिळालेल्या उत्पादकतेबाबत प्रोत्साहन देऊन गौरव केल्यास त्यांची इच्छाशक्ती, मनोबल यामध्ये वाढ होऊन आणखी उमेदीने नवनवीन अद्यावत तंत्रज्ञानाचा वापर करण्यास प्रोत्साहन मिळते.

    चंद्रपुरात फ्लाईंग क्लब होणार सुरू

    तसेच त्यांचे मार्गदर्शन परिसरातील इतर शेतकऱ्यांना होऊन राज्याच्या एकूण उत्पादनात मोलाची भर पडेल, हा उद्देश ठेवून राज्यांतर्गत पीकस्पर्धा योजना राबविण्यात येत आहे.

                रब्बी हंगाम 2024 मध्येही तालुका, जिल्हा व राज्य पातळीवर पीक स्पर्धा राबविण्यात येत आहेत. त्यानुसार कृषी विभागामार्फत रब्बी हंगाम सन 2024 मध्ये सर्वसाधारण व आदिवासी गटासाठी ज्वारी, गहु, हरभरा,  करडई व जवस या पाच पिकासाठी पिकस्पर्धेंचे आयोजन करण्यात येत आहे. Crop weed competition

    1) पीकस्पर्धेतील पीके :  रब्बी पीके – ज्वारी, गहू, हरभरा, करडई व जवस

    2) पात्रता निकष :  स्पर्धेत भाग घेण्यासाठी शेतकऱ्याकडे स्वत:च्या नावेजमीन असणे व ती जमीन तो स्वत: कसत असणे आवश्यक आहे. स्पर्धेत भाग घेणाऱ्या शेतकऱ्याला एकाच  वेळी एकापेक्षा जास्त पिकासाठी स्पर्धेत भाग घेता येईल. पिकस्पर्धेमध्ये सहभागी लाभार्थी स्वत:च्या शेतावर त्या पिकाखाली किमान 40 आर क्षेत्रावर सलग लागवड असणे आवश्यक आहे.

    3) अर्ज करण्यासाठी आवश्यक कागदपत्रे :  विहित नमुन्यातील अर्ज (प्रपत्र-अ ) ठरवून दिलेले प्रवेश शुल्क भरल्याचे चलन 7/12, 8- अ चा उतारा, जात प्रमाणपत्र (आदिवासी असल्यास ) पिकस्पर्धेसाठी शेतकऱ्याने संबंधित 7/12  वरील घोषित केलेल्या क्षेत्राचा चिन्हांकित केलेला नकाशा Crop weed competition

    4) अर्ज दाखल करण्याची अंतिम तारीख : रब्बी हंगामामध्ये पीकस्पर्धेचा अर्ज दाखल करण्याची तारीख 31 डिसेंबर 2024 आहे.

    5) स्पर्धेसाठी प्रवेश शुल्क  : पीकनिहाय सर्वसाधारण गटासाठी 300 रुपये राहील व  आदिवासी गटासाठी 150 रुपये राहील.

    बक्षिसाचे स्वरुप : तालुका पातळीवर पहिले बक्षीस 5 हजार, दुसरे 3 हजार आणि तिसरे बक्षीस 2 हजार रुपये. जिल्हा पातळीवर पहिले बक्षीस 10 हजार, दुसरे 7 हजार आणि तिसरे 5 हजार रुपये तर राज्य पातळीवर पहिले बक्षीस 50 हजार, दूसरे 40 हजार आणि तिसरे बक्षीस 30 हजार रुपये आाहे.

    येथे करा संपर्क : पीक स्पर्धेबाबत अधिक माहितीसाठी संबंधित तालुका कृषी अधिकारी कार्यालयाशी संपर्क साधावा. तसेच महाराष्ट्र शासन कृषी विभागाचे संकेतस्थळ www.krishi.maharashtra.gov.in ला भेट द्यावी.

    उपरोक्त नमुद पिकांच्या क्षेत्रात आणि उत्पादनात वाढ व्हावी याकरीता जास्तीत जास्त शेतकऱ्यांनी पीक स्पर्धेत सहभागी व्हावे, असे आवाहन कृषी विभागामार्फत करण्यात येत आहे.

  • Now flying club : आदिवासी जिल्ह्यातील युवक-युवती यांचा वैमानिक होण्याचा मार्ग मोकळा

    Flying Club

    Flying club राज्याचे वने, सांस्कृतिक कार्य व मत्स्यव्यवसाय मंत्री तसेच जिल्ह्याचे पालकमंत्री ना. श्री. सुधीर मुनगंटीवार यांच्या महत्त्वाकांक्षी प्रकल्पांपैकी एक असलेल्या चंद्रपूरच्या ‘फ्लाईंग क्लब’ने आता उड्डाण घेतले आहे.

    नक्षलग्रस्त व आदिवासी जिल्ह्यातील युवक-युवतींना वैमानिक होता यावे, यासाठी ना. श्री. मुनगंटीवार यांच्या संकल्पनेतून चंद्रपूर येथे फ्लाईंग क्लब स्थापन करण्यात येत आहे. त्यासाठी ना. श्री. सुधीर मुनगंटीवार दिल्लीमध्ये पाठपुरावा करत आहेत. महत्त्वाच्या अधिकाऱ्यांसोबत बैठक घेऊन लवकरच या प्रकल्पाला गती मिळण्यासाठी त्यांनी पाऊल टाकले आहे. Flying club

    पहिल्या टप्प्यात 10 प्रशिक्षणार्थ्यांना येथे प्रशिक्षण देण्यात येणार आहे. ऑक्टोबर 2023 रोजी नागपूर फ्लाईंग क्लबच्या ‘सेस्ना – 172 आर’ या चार आसनी विमानाचे मोरवा विमातनळावर प्रात्यक्षिकसुध्दा घेण्यात आले. तसेच मोरवा येथे धावपट्टी, संरक्षण भिंत व इतर अनुषंगीक कामेसुध्दा करण्यात आली आहे.

    आता अंतिम टप्प्यात असलेल्या फ्लाईंग क्लबच्या कामाला गती मिळावी, तसेच लवकरात लवकर येथे वैमानिकाचे प्रशिक्षण सुरू व्हावे, यासाठी ना. मुनगंटीवार यांनी नुकतीच दिल्ली येथे ऐरो क्लब ऑफ इंडियाचे अध्यक्ष तथा माजी केंद्रीय उड्डाण मंत्री राजीव प्रताप रुडी यांच्याशी चर्चा केली.

    चंद्रपूर शहरातील पाणी पुरवठा होणार प्रभावित

    डीजीसीने काढलेल्या तांत्रिक मुद्द्यांची तातडीने पूर्तता करण्यासंदर्भात तसेच एरो क्लब ऑफ इंडिया यांनी नागपूर फ्लाईंग क्लबला लीजने दिलेल्या 2 विमानाची लीज वाढवून देण्यासंदर्भात राजीव प्रताप रुडी यांच्यासोबत मुंबई येथे बैठक घेण्यात येणार आहे. Flying club

    एखाद्या विद्यार्थ्याला वैमानिक होण्यासाठी 200 तास फ्लाईंग अवर्स पूर्ण करणे आवश्यक आहेत. मात्र नागपूर येथील डॉ. बाबासाहेब आंबेडकर आंतरराष्ट्रीय विमानतळ येथे मोठ्या संख्येने होत असलेल्या विमानांच्या आवागमनामुळे वैमानिक प्रशिक्षणासाठी फ्लाईंग अवर्स पूर्ण होण्यास विलंब होतो. त्यामुळे नागपूर येथील फ्लाईंग क्लबसाठी पर्यायी ऑपरेशनल बेस म्हणून वेगळ्या धावपट्टीची गरज आहे.

    आता थेट रस्त्यावर उतरून संघर्ष करणार – वामनराव चटप

    याबाबत चंद्रपूरातील मोरवा विमानतळाचा पर्याय शोधण्यात आला असून विद्यार्थ्यांना वैमानिक प्रशिक्षणासाठी आवश्यक बाबींची मोरवा येथे  पूर्तता करण्यात येत आहे.

    याच अनुषंगाने ऑक्टोबर 2023 मध्ये मोरवा विमानतळ येथे विमानाची प्राथमिक चाचणी करण्यात आली होती. फ्लाईंग क्लब संदर्भात अनुषंगिक कामांच्या सर्व तांत्रिक बाबींची पूर्तता करण्यासाठी मंत्री सुधीर मुनगंटीवार यांनी 10 जानेवारी 2024 रोजी मुंबई येथे बैठक घेतली होती. Flying club

    86 हजारांची कायमस्वरूपी नोकरी करायची आहे? तर आजच अर्ज करा

    मोरवा विमानतळावर ज्या तांत्रिक बाबींची पूर्तता अद्याप बाकी आहे, त्या अनुषंगाने महाराष्ट्र विमान प्राधिकरण, विभागीय आयुक्तालय, जिल्हा प्रशासन, जिल्हा परिषद या यंत्रणांनी त्यांना सोपविलेली कामे वेळेत मार्गी लावावीत.

    भारतीय विमान प्राधिकरणाची ज्या बाबींना परवानगी आवश्यक आहे, ती मिळण्याबाबत तात्काळ पाठपुरावा करावा. तांत्रिक मान्यतेच्या अनुषंगाने ज्या बाबींची पूर्तता करण्याबाबत भारतीय विमान प्राधिकरणाने कळविले आहे, त्या बाबी पूर्ण कराव्यात, अशा सुचना मंत्री सुधीर मुनगंटीवार यांनी दिल्या होत्या.

  • Today chandrapur city water supply : चंद्रपूर शहराचा पाणी पुरवठा प्रभावित होणार…कारण आलं समोर

    chandrapur city water supply

    chandrapur city water supply चंद्रपूर महानगरपालिकेमार्फत शहरातील सर्व नळ जोडणीवर जलमापक (मीटर) लावण्यात आले असुन जानेवारी महिन्यापासुन याचा प्रत्यक्ष वापर सुरु आहे.

    मात्र घरपोच पाणी मिळत असूनही अनेक नागरिकांद्वारे पाण्याचे देयक भरण्यात कुचराई करण्यात येत असल्याने मोठया प्रमाणात थकबाकी निर्माण होऊन पाणी पुरवठा योजनेवरच परिणाम होण्याची शक्यता निर्माण झाली आहे.


         चंद्रपूर शहरास ईरई नदी व धरणावरून पाण्याची उचल करून,रामनगर व तुकूम येथील जलशुद्धीकरण केंद्रावर प्रक्रिया करून १६ जलकुंभाद्वारे पाणी पुरवठा करण्यात येतो. शहराची गरज पाहता सध्या ४२ दशलक्ष लिटर पाण्याचे वाटप मनपाद्वारे दररोज करण्यात येते. chandrapur city water supply

    चंद्रपूर शहरात दोघांनी हातात तलवार घेत केला दहशत पसरविण्याचा प्रयत्न

    अमृत योजना सुरु होण्यापुर्वी शहरात ३५ हजार अधिकृत नळ कनेक्शन होते, अमृत योजनेअंतर्गत त्यात वाढ होऊन ६२ हजार पर्यंत नळ कनेक्शन देण्यात आलेले आहेत.परंतु त्या नळांना पाणी येत नसल्याची, कमी येत असल्याची किंवा पाण्याचे प्रेशर कमी येत असल्याच्या तक्रारी येत होत्या. chandrapur city water supply


         तपासणी केली असता आढळुन आले कि अनेक ठिकाणी उगीच नळ सुरु ठेवणे, वाहने धुण्यास पाण्याचा मोठ्या प्रमाणात वापर करणे अश्या निष्काळजीपणाने पाणी पुरवठ्यावर परिणाम होत होता.सर्वांना आवश्यक ते पाणी मिळावे यासाठी पाण्याचा अपव्यय टाळणे आवश्यक होते.

    मीटर लावण्यापूर्वी नळ जोडणी धारकांकडुन सरसकट वार्षिक पाणीपट्टी कर घेतला जात होता आणि तो सर्वांना सारखाच लागू होता.त्यामुळे पाण्याचा किती वापर प्रत्येकाकडून केला जातो याचा अंदाज बांधणे कठीण होते. त्याने नागरिकांच्या आग्रहाखातर ‘ पाण्याचा जेवढा वापर तेवढेच देयक ‘ या सुत्रानुसार मनपाद्वारे खर्च करून घरोघरी मीटर बसविण्यात आले. chandrapur city water supply

    ताडोब्यातील 3 गिधाडांचा मृत्यू

     
        ५०,८९१ घरी मनपाद्वारे आतापर्यंत मीटर लावण्यात आले असुन यापैकी केवळ १४ टक्के इतक्याच नळजोडणी धारकांनी देयकाचा भरणा केलेला आहे. यामुळे प्रामाणिकपणे करभरणा करणाऱ्या नागरिकांचे नुकसान होत असुन अप्राप्त देयकांमुळे संपुर्ण पाणी पुरवठा योजना तोट्यात जाण्याची शक्यता निर्माण झाली आहे. तसेच काही नागरिकांचे देयक हे शून्य रुपये आले आहे.

    हे तेव्हाच शक्य असते जेव्हा मीटरला लागुन असलेला पाईप काढला जातो ज्यामुळे पाण्याचा वापर करतांना मीटर बंद असते व बिल रीडिंग अतिशय कमी येते किंवा शून्य येते, मात्र मीटर बंद झाले असता कळुन येत असल्याने अश्या नागरिकांवर नळ कनेक्शन कपात व दंडात्मक कारवाई केली जाणार आहे.


       पाणी कराची थकबाकी होत असल्याने पाणी पुरवठा करतांना येणार खर्च हा मालमत्ता कर उत्पन्न व इतर उत्पन्नातुन मनपाला भागवावा लागतो. त्यामुळे कराच्या बदल्यात ज्या सुविधा मनपातर्फे पुरविण्यात येतात त्यावरही परिणाम होऊ शकतो.

    जर अश्याच प्रकारे बिल न भरल्याने मोठया प्रमाणात थकबाकी निर्माण होत राहिली तर मनपाला ही योजना चालविणे शक्य होणार नसल्याने सर्व नळजोडणी धारकांनी आपले देयक प्रामाणिकपणे भरण्याचे तसेच कुठेही मीटर बंद करू पाणी वापर सुरु असेल तर मनपाला कळविण्याचे आवाहन आयुक्त विपीन पालीवाल यांनी केले आहे.

  • Wamanrao Chatap public meeting : पराभवानंतर वामनराव चटप म्हणतात…आता थेट रस्त्यावर

    Wamanrao Chatap public meeting

    Wamanrao Chatap public meeting जिवती: तालुक्यातील पट्ट्याचा प्रश्न, वादग्रस्त गावांच्या समस्या, शेतमालाचे रास्त भाव आणि बेरोजगारी असे अनेक प्रश्न जिवती तालुक्यात प्रलंबित आहे.

    हातात तलवार घेऊन चंद्रपुरात दोघांचा उच्छाद

    मतदारांनी सभागृहात पाठविले नसले तरी रस्त्यावरचा संघर्ष करत राहू आणि पराभवाची मरगळ झटकून पुन्हा जोमाने कामाला लागू असे प्रतिपादन ॲड. वामनराव चटप यांनी केले.भाजपचा पैशाचा आलेला महापूर निवडणुकीत रोखता आला नाही.

    नाटक बघण्यासाठी तीन मित्र निघाले मात्र वाटेत काळाचा घाला, तिघांचा मृत्यू

    गैरमार्गाने विजय खेचून आणला असला तरी ताठरपणे विरोध करून जनतेची लढाई समोर नेऊ. रचनात्मक पध्दतीने पुढे जाऊन आक्रमक आंदोलनात जनतेचे प्रश्न तडीस नेऊ असे प्रतिपादन त्यांनी केले. यावेळी उपस्थित ॲड. दीपक चटप म्हणाले की, आता नव्या जोमाने संघटनात्मक बांधणी करु. सातत्य ठेवल्यास संधी मिळेल आणि उभारी घेऊ. Wamanrao Chatap public meeting

    Address to the workers
    कार्यकर्त्यांना संबोधित करताना वामनराव चटप

    शेतकरी संघटना जिल्हाध्यक्ष अरुण नवले यांनी निवडून आलेल्या उमेदवाराने जिवती तालुक्यातील जनतेला खोटी प्रलोभन भुलथापा देऊन मत हिरावले असे मत व्यक्त केले. स्वभाप जिल्हाध्यक्ष निळकंठ कोरांगे यांनी संघटनात्मक बांधणी करून स्थानिक स्वराज्य संस्थांच्या निवडणुकीची तयारी करू. चुकांचे आत्मचिंतन करू.

    86 हजार पगाराची नोकरी हवी तर आजच करा अर्ज

    जिवती तालुक्यातील प्रश्न सोडविण्याचे सामर्थ्य ॲड. वामनराव चटप यांच्या नेतृत्वात आहे. आगामी काळात कार्यकर्त्यांनी एकजुटीने काम करु असे मांडले. यावेळी अनेकांना अश्रू अनावर झाले. Wamanrao Chatap public meeting

    ॲड. वामनराव चटप यांची साथ सोडणार नसल्याचे कार्यकर्त्यांनी मांडले. यावेळी सुदाम राठोड, दत्ता राठोड, नरसिंग हामने, शब्बीर जहागीरदार, सयासराव कुंडगिर, देवीदास वारे, श्रीनिवास वाघमारे, विनोद पवार, जैतू कोडापे, बालाजी कांबळे, गणेश कदम, मारोती कांगने, रामेश्वर नामपल्ले आदींची उपस्थिती होती.

    आता लढाई रस्त्यावर

  • Chandrapur Crimes : चंद्रपुरात हातात तलवार घेऊन दहशत पसरविण्याचा प्रयत्न

    Chandrapur Crimes

    Chandrapur Crimes चित्रपटातील हिंसा बघून आजकाल युवक सदर हिंसा खऱ्या आयुष्यात साकारण्याचा प्रयत्न करताना दिसत आहे, असाच दहशत पसरविण्याचा प्रयत्न चंद्रपुरातील 2 इसमानी केला, मात्र त्यांचा प्रयत्न रामनगर पोलिसांच्या गुन्हे शोध पथकाने हाणून पाडला.

    शहरातील बंगाली कॅम्प भागातील मुक्ती नगर कॉलोनी येथे दोघांनी 27 नोव्हेंबर ला रात्री 9 ते 9.30 वाजताच्या दरम्यान 40 वर्षीय राजेश उर्फ पागळ्या जानकीराम शिवणकर, राहणार अष्टभुजा वार्ड व 32 वर्षीय वाहनचालक अनिल गोरखनाथ सिंग राहणार अष्टभुजा हे दोघे कोयता व तलवार हातात घेऊन परिसरात दहशत माजविण्याचा प्रयत्न करीत होते. Chandrapur Crimes

    नाटक बघायला गेले आणि वाटेत घात झाला

    सदर प्रकाराची माहिती रामनगर पोलीस स्टेशनच्या गुन्हे शोध पथकाला मिळताच त्यांनी तात्काळ बंगाली कॅम्प परिसर गाठत दोघांना अटक केली, पोलिसांनी दोघांकडून एक स्टीलची टोकदार तलवार व लोखंडी धारदार कोयता जप्त करीत 2 हजार रुपयांचा मुद्देमाल जप्त केला.

    दोन आरोपीपैकी शिवणकर हा रेकॉर्डवरील गुन्हेगार असल्याची माहिती असून त्याच्यावर विविध स्वरूपाचे गुन्हे दाखल आहे. अटक करण्यात आलेल्या आरोपीवर भारतीय हत्यार कायदा अंतर्गत गुन्हे रामनगर पोलीस स्टेशनमध्ये दाखल करण्यात आले. Chandrapur Crimes

    सदरची यशस्वी कारवाई पोलीस अधीक्षक मुमक्का सुदर्शन, अप्पर पोलीस अधीक्षक रिना जनबंधु, पोलीस उपविभागीय अधिकारी सुधाकर यादव यांच्या मार्गदर्शनाखाली पोलीस निरीक्षक आसिफराजा शेख यांच्या नेतृत्वात गुन्हे शोध पथकाचे सहायक पोलिस निरीक्षक देवाजी नरोटे, सपोनि उगले, पोलीस कर्मचारी पेतरस सिडाम, शरद कुडे, सचिन गुरनुले, आनंद खरात, प्रशांत शेंदरे, लालू यादव, अमोल गिरडकर, मनीषा मोरे, संदीप कामडी, हिरालाल गुप्ता, रविकुमार ढेंगळे, प्रफुल पुप्पलवार, पंकज ठोंबरे, ब्लुटी साखरे यांनी केली.

  • Accident Report : नाटक बघण्यासाठी गेले आणि घात झाला

    Accident reports

    Accident reports सावली तालुक्यात बुधवारी 27 नोव्हेम्बर रोजी रात्री 9.30 वाजताच्या सुमारास बोथली-हिरापूर मार्गावरील मार्कण्डेय विद्यालयासमोर दुचाकी व ट्रॅक्टर च्या अपघातात तीन युवकांचा मृत्यू झाल्याची घटना घडली.


    शेतात काम करून ट्रॅक्टर क्रमांक mh 34 ap 1042 हि रस्त्याच्या कडेला उभी लावली होती, ट्रॅक्टर चे लाईट चालकाने सुरु ठेवत आपल्या सहकार्याची वाट बघत होता त्यावेळी दुचाकी क्रमांक mh 34 cl 3229 वर ट्रिपल सीट प्रवास करणारे युवकांनी भरधाव वेगात येत उभ्या ट्रॅक्टर ला जोरदार धडक दिली.

    ताडोब्यात 3 गिधाडांचा मृत्यू, कारण अस्पष्ट


    या धडकेत 18 वर्षीय हर्षद दंडावार रा. बोरचांदली मूल हा जागीच ठार झाला.
    दुचाकीवरील 20 वर्षीय साहिल नंदू गणेशकर रा. भंगराम तळोधी व 21 वर्षीय साहिल अशोक कोसमशीले रा. बोथली हे गंभीर जखमी झाले होते.


    त्यांना परिसरातील नागरिकांनी व सावली पोलिसांनी तात्काळ गडचिरोली जिल्हा सामान्य रुग्णालयात नेले मात्र दोघांचाही उपचाराअंती मृत्यू झाला.


    बोथली ते हिरापूर या मार्गावर सध्या रस्त्याचे काम सुरु आहे, बुधवारी रात्री तीन युवक हिरापूर येथे नाटक बघण्यासाठी जात होते मात्र तिन्ही मित्रांचा वाटेत घात झाला.


    युवकांच्या मृत्यूने हळहळ व्यक्त करण्यात येत आहे, अपघात प्रकरणाचा पुढील तपास सावली पोलीस करीत आहे.

Powered by
►
Necessary cookies enable essential site features like secure log-ins and consent preference adjustments. They do not store personal data.
None
►
Functional cookies support features like content sharing on social media, collecting feedback, and enabling third-party tools.
None
►
Analytical cookies track visitor interactions, providing insights on metrics like visitor count, bounce rate, and traffic sources.
None
►
Advertisement cookies deliver personalized ads based on your previous visits and analyze the effectiveness of ad campaigns.
None
Powered by